Sai Pallavi: ఆ వీడియో బయటకు రావడంతో దారుణంగా ట్రోల్‌ చేశారు, ఇక అప్పడే..

Sai Pallavi Said That Video Made Her Stay Away From Skin Show - Sakshi

హీరోయిన్‌ సాయిపల్లవి గురించి ప్రత్యేకంగా పరిచయం చేయాల్సిన పనిలేదు. అందంతో పాటు అభినయంతోనూ ఎంతో మంది అభిమానాన్ని సొంతం చేసుకుందీ భామ. ఇటీవలె శ్యామ్‌సింగరాయ్‌తో హిట్టు కొట్టింది. త్వరలోనే విరాట పర్వంతో ప్రేక్షకులను పలకరించనుంది. జూన్‌ 17న విరాట పర్వం ప్రేక్షకుల ముందుకు రాబోతోంది. ఈ నేపథ్యంలో తాజాగా ఓ ఇంటర్య్వూలో పాల్గొన్న సాయి పల్లవి పలు ఆసక్తికర విషయాలను పంచుకుంది. అయితే సినిమాల్లో గ్లామర్ షోకు దూరంగా ఉంటూ, కేవలం పర్ఫార్మెన్స్ ఓరియెంటెడ్ పాత్రలే చేస్తూ ప్రేక్షకులను మెప్పిస్తూ వస్తుంది. 

చదవండి: పోస్ట్‌ వెడ్డింగ్‌ అంటూ ఫొటోలు షేర్‌ చేసిన కీర్తి, పక్కనే మరో హీరోయిన్‌

ఎక్సోపోజింగ్‌కు దూరంగా ఉంటూ స్టార్‌ హీరోయిన్‌ గుర్తింపు పొందిన ఆమె తాజాగా స్కిన్‌ షోపై స్పందించింది. ఈ తాజా ఇంటర్య్వూలో పొట్టి బట్టలు వేసుకోవడంలో తనకు ఎలాంటి అభ్యంతరం లేదని, అయితే అలాంటి అవుట్‌ ఫిట్‌లో కంఫర్ట్‌ ఉండనని చెప్పింది. అయితే దానికి కారణమేంటో కూడా ఈ సందర్భంగా సాయి పల్లవి వెల్లడించింది. తాను పొట్టి బట్టలు ధరించకపోవడానికి ఒక వీడియో కారణమంటూ తెలిపింది. ‘డాక్టర్‌ కోర్స్‌లో భాగంగా నేను జార్జీయా వెళ్లాను. ఆ సమయంలో టాంగో డాన్స్‌ నేర్చుకున్నాను. అయితే ఓ ఈవెంట్‌లో నేను టాంగ్‌ డాన్స్‌ పర్ఫార్మెన్స్ ఇవ్వాల్సి వచ్చింది. ఈ డాన్స్‌ చేయాలంటే అందుకు అనుకూలంగా ఉండే కాస్ట్యూమ్స్‌ వేసుకోవాలి’ అని పేర్కొంది.

చదవండి: విజయ్‌, రష్మికల షూటింగ్‌ ఫొటోలు లీక్‌.. డైరెక్టర్‌ అప్‌సెట్‌

‘అయితే నేను ఈ డాన్స్‌ షో చేయడం మా పేరెంట్స్‌కు ఇష్టం లేదు. అయినా వారిని ఒప్పించి పర్ఫామ్‌ చేశాను. అదే సమయంలో నాకు ప్రేమమ్‌ మూవీ ఆఫర్‌ వచ్చింది. ఈ సినిమాలో నా నటనకు ప్రశంసలు వచ్చాయి. కానీ అప్పుడే జార్జీయాలో ఇచ్చిన నా డాన్స్‌ పర్ఫెమెన్స్‌ వీడియో బయటకు వచ్చింది. అది ఎలా బయటకు వచ్చిందో తెలియదు. కానీ, సోషల్‌ మీడియాలో అది వీపరతంగా వైరల్‌ అయ్యింది. ప్రేమమ్‌లో నా పాత్రను ప్రశంసలు రాగా..ఈ వీడియోతో విమర్శలు వచ్చాయి. దారుణమైన కామెంట్స్‌ చేశారు. అవి చూసి చాలా బాధపడ్డాను. ఇబ్బందిగా అనిపించింది. ఇక ఆ క్షణం నుంచి పొట్టి బట్టలు వేసుకోవద్దని నిర్ణయించుకున్న’ అంటూ వివరించింది సాయి పల్లవి. 

Read latest Movies News and Telugu News | Follow us on FaceBook, Twitter, Telegram



 

Read also in:
Back to Top