మహేశ్‌-రాజమౌళి సినిమా: టైటిల్‌ ఇదేనా? ఆ పోస్ట్‌ అర్థం ఏంటి?

మహేశ్‌ బాబు-రాజమౌళి కాంబినేషన్‌లో ఓ సినిమా తెరకెక్కబోతున్న సంగతి తెలిసిందే. షూటింగ్‌ ఇంకా ప్రారంభం కాలేదు కానీ.. ఈ సినిమాపై  రోజు ఏదో ఒక పుకారు సోషల్‌ మీడియాలో చక్కర్లు కొడుతూనే ఉంది. మొన్నటికి వరకు ఈ సినిమాలో నటించబోయే నటీనటులు గురించి రూమర్స్‌ వచ్చాయి. ఇప్పుడు ఏకంగా ఈ సినిమా టైటిల్‌పైనే ఓ రూమర్‌ వచ్చింది.  దానికి విజువల్‌ డెవలప్‌మెంట్‌ ఆర్టిస్ట్‌ టీపీ విజయన్‌ ఇన్‌స్టాలో చేసిన ఓ పోస్టే కారణం. 

(చదవండి: ‘వన్స్‌ మోర్‌’ అంటున్న ఫ్యాన్స్‌.. పాత సినిమాలే సరికొత్తగా!)

తాజాగా విజయన్‌ తన ఇన్‌స్టా స్టోరీలో బంగారు వర్ణంలో ఉన్న గద్ద రెక్కల ఫోటోని షేర్‌ చేస్తూ దానికి  #SSMB29, #SSMB29DIARIES హ్యాష్‌ ట్యాగ్‌లను జత చేశాడు. దీంతో ఇది కచ్చితంగా మహేశ్‌-రాజమౌళి సినిమా అప్‌డేటే అని, ఈ చిత్రానికి ‘గరుడ’ అని టైటిల్‌ పెట్టారంటూ వార్తలు వినిపిస్తున్నాయి. 

(చదవండి:  స్త్రీ-2 దెబ్బకు బాక్సాఫీస్ షేక్.. బద్దలవుతున్న రికార్డులు!)

ఈ టైటిల్‌ని రాజమౌళి చాలా రోజుల కిందటే ప్రకటించాడు. ‘బాహుబలి’ తర్వాత ‘గరుడ’ అనే సినిమా చేస్తానని గతంలోనే ప్రకటించాడు. కానీ ఆ సినిమా రిలీజ్‌ తర్వాత గరుడ గురించి ఎలాంటి అప్‌డేట్‌ ఇవ్వలేదు. ఇప్పుడు మహేశ్‌తో తీయబోయే సినిమాకు ఈ టైటిల్‌నే పెట్టారంటూ ప్రచారం జరుగుతోంది. ఇందులో మహేశ్‌ని సరికొత్త అవతారంలో చూపించబోతున్నాడట. ఇప్పటికే మహేశ్‌ తన లుక్‌ని మార్చేశాడు. సినిమా కోసం జట్టు, గడ్డాన్ని పెంచేశాడు.  ప్రస్తుతం రాజమౌళి ప్రీ ప్రొడక్షన్స్‌ పనుల్లో బిజీగా ఉన్నాడు. త్వరలోనే షూటింగ్‌ ప్రారంభం కానుంది.