ఖలీల్‌వాడి(నిజామాబాద్‌): నిజామాబాద్‌ నగరంలోని నాలుగో టౌన్‌ ఠాణా పరిధిలోని షిర్డీ సాయినగర్‌లో చోరీకి పాల్పడిన ఒకరిని అరెస్టు చేసినట్లు ఇన్‌చార్జి సీఐ విజయ్‌బాబు తెలిపారు. ఈ నెల 4న మధ్యాహ్నం షిర్డీ సాయినగర్‌కు చెందిన దాచ మధుసూదన్‌ ఇంట్లో పెద్దపల్లి జిల్లా శ్రీరాంపూర్‌ మ ండలం మడిపల్లికి చెందిన శివకుమార్‌ రెండున్నర తులాల బంగారం, కిలో వెండి చోరీ చేశాడు. బుధవారం నిజామాబాద్‌ బస్టాండ్‌లో అతన్ని అదుపులో కి తీసుకొని, విచారించగా నేరం ఒప్పుకున్నాడు. శివకుమార్‌ను రిమాండ్‌ చేశామని, అతనికి విజ య్‌కుమార్‌ సహకరించినట్లు సీఐ తెలిపారు.