సాక్షి, హైదరాబాద్‌ : ఇటీవల అమీర్‌పేట మెట్రో స్టేషన్‌ వద్ద జరిగిన ప్రమాదంలో ఓ యువతి మరణించటంతో మెట్రో, ఫ్లై ఓవర్‌ల నిర్మాణాలపై అనుమానాలు కలుగుతున్నాయి. తాజాగా సినీ రచయిత, నిర్మాత కోన వెంకట్‌ పీవీఎన్‌ఆర్‌ ఎక్స్‌ప్రెస్‌ హైవే పిల్లర్‌ నంబర్‌ 20 వద్ద ఉన్న పరిస్థితిని అధికారుల దృష్టికి తీసుకు వచ్చారు. ప్రమాదకరంగా పెచ్చులు ఊడిపోయిన ఫ్లై ఓవర్‌ ఫోటోలను తన సోషల్ మీడియా పేజ్‌లో పోస్ట్ చేసిన కోన వెంకట్‌.. కేటీఆర్‌, తో పాటు జీహెచ్‌ఎంసీలకు ట్యాగ్ చేశారు. మరి కోన ట్వీట్‌ అధికారులు ఎలా స్పదింస్తారో చూడాలి. Damaged condition of the PVNR expressway near Pillar No : 20 , please take care before it’s too late @GHMCOnline @KTRTRS Source: Facebook friend pic.twitter.com/1Disn6bMRy — kona venkat (@konavenkat99) September 26, 2019


 హైదరాబాద్‌: రాజేంద్రనగర్‌ పరిధిలోని ఉప్పర్‌పల్లి సమీపంలోని పీవీఎన్‌ఆర్‌ ఎక్స్‌ప్రెస్‌ హైవేపై కారు దగ్ధమయింది. శనివారం సాయంత్రం శంషాబాద్‌ ఎయిర్‌పోర్టు నుంచి మెహిదీపట్నం వైపు వెళ్తున్న కారులో అకస్మాత్తుగా మంటలు చెలరేగాయి. దీంతో అందులోని ముగ్గురు అప్రమత్తమై వెంటనే కారు ఆపి బయటకు వచ్చారు. కాసేపటికే కారులో మంటలు పూర్తిగా వ్యాపించటంతో కారు సగం కాలి బూడిదయింది. ఈ సమాచారం అందుకున్న ఫైర్‌ సిబ్బంది అక్కడికి చేరుకుని మంటలను అదుపులోకి తెచ్చారు. సంకేతిక సమస్యల కారణంగానే మంటలు చెలరేగి ఉంటాయని భావిస్తున్నారు.