సాక్షి, చెన్నై : హాలీవుడ్‌ నటుడు బ్రూస్‌లీ కీర్తి కిరీటాల గురించి ఇప్పుడు ప్రత్యేకంగా చెప్పనక్కర్లేదు. ఆయన చిత్రాలు, కరాటే కిక్‌ ఫైట్స్‌ ఎందరికో స్ఫూర్తిగా నిలిచాయి. ఆయన అంటే పిచ్చి అభిమానం కలిగిన అచ్చం ఆయన మాదిరిగానే ఉన్న బ్రూస్‌లీ షాన్‌ నటిస్తున్న చిత్రం పుదియ బ్రూస్‌లీ. ఎస్‌కే.అమ్మాళ్‌ ఫిలిం ప్రొడక్షన్స్‌ పతాకంపై వందవాసి కే.అమ్మాళ్‌ నిర్మిస్తున్న ఈ చిత్రానికి ముళైయూర్‌ ఏ.సోణై కథ, కథనం, మాటలు, దర్శకత్వం బాధ్యతలను నిర్వహిస్తున్నారు. ఈ చిత్రం గురించి ఆయన తెలుపుతూ బ్రూస్‌లీ అభిమానినైన తనకు ఆయన ఛాయలున్న బ్రూస్‌లీ షాన్‌ కంటపడడంతో ఈ చిత్రం చేయాలన్న ఆలోచన వచ్చిందన్నారు. వెంటనే కథను తయారు చేశానని తెలిపారు. అతనూ కరాటేలో రెండు బ్లాక్‌బెల్ట్‌లు సాధించడంతో తనకు అదనపు శక్తి వచ్చిందని అన్నారు. ఒక గ్రామంలో నివశించే హీరో ఒక దుర్ఘటనలో తన కుటుంబాన్ని కోల్పోతాడన్నారు. దీంతో నగరంలోని తన మామ వద్దకు వెళతాడన్నారు. అక్కడ తన మామ సమస్యల్లో చిక్కుకుంటే ఆయన్ని వాటి నుంచి కాపాడి సొంత గ్రామానికి చేరుకోవడమే పుదియ బ్రూస్‌లీ చిత్ర ప్రధాన అంశం అని చెప్పారు.తనకు బ్రూస్‌లీ గురించి తెలిసిన అన్ని అంశాలను ఈ చిత్ర హీరో బ్రూస్‌లీ షాన్‌ ద్వారా తెరపై ఆవిష్కరించే ప్రయత్నం చేశానన్నారు. చిత్రంలోని ఐదు ఫైట్స్‌ను స్టంట్‌ మాస్టర్‌ థ్రిల్‌ శేఖర్‌ అద్భుతంగా కంపోజ్‌ చేశారన్నారు. చిత్రంలో విలన్, ఫైట్స్‌ సన్నివేశాలవిషయంలో తగిన జాగ్రత్తలను తీసుకున్నానని తెలిపారు. ఇందులో సురేశ్‌నరగ్‌ అనే నటుడిని ఎంపిక చేశామని, క్లైమాక్స్‌ పోరాట సన్నివేశాల్లో జితేంద్ర హుడాను నటింపజేసినట్లు చెప్పారు. హీరోయిన్‌గా రజియాను పరిచయం చేస్తున్నట్లు దర్శకుడు తెలిపారు. 


 బ్రూస్లీ పేరు వినగానే కరాటే, కుం గ్‌ఫూ వంటి మార్షల్ ఆర్ట్స్ గుర్తుకొస్తాయి. అంత పేరుమోసిన హాలీవుడ్ నటుడు బ్రూస్లీ. ఆ తరహాలో తాజాగా కోలీవుడ్ నుంచి ఒక బ్రూస్లీ వస్తున్నాడు. ఈయన అసలు పేరు బ్రూస్. ఈయన నటిస్తున్న చిత్రం పుదియ బ్రూస్లీ. శ్రీ దిండుగల్ వెంకటేశ్వర పిక్చర్స్ పతాకంపై రూపొం దిస్తున్న ఈ తమిళ చిత్రాన్ని నవ దర్శకుడు ముళైయూర్ ఎ.సోణై దర్శకత్వం వహిస్తున్నారు. దర్శకుడు మాట్లాడుతూ గ్రామం నుంచి నగరంలోని  మామ ఇంటికి వచ్చిన ఒక యువకుడు అక్కడ ఒక స్థల వివాదాన్ని  ఎలా పరిష్కరించాడన్నదే చిత్ర కథ అని చెప్పారు.
 ఇందులో హీరోగా నటించిన బ్రూస్ చెన్నైకి చెందిన వారని తెలిపారు. కరాటేలో రెండు సార్లు బ్లాక్ బెల్ట్ పొందారని చెప్పారు. ఇది లోబడ్జెట్ చిత్రం అయినా తమిళ చిత్ర పరిశ్రమలో ఇదొక సరికొత్త యాక్షన్ చిత్రంగా గుర్తింపు పొందుతుందనే అభిప్రాయపడ్డారు. హాలీవుడ్ నటుడు బ్రూస్లీ చిత్రాల తరహాలో ఈ పుదియ బ్రూస్లీ చిత్రాన్ని తెరకెక్కిం చినట్లు చెప్పారు. సూపర్ యాక్షన్ చిత్రంగా రూపొందిన ఈ చిత్రం మాస్ ఆడియన్స్‌ను అలరిస్తుందన్నారు. చిత్రంలో యాక్షన్ సన్నివేశాలను ఫైట్ మాస్టర్ థ్రిల్లర్ శేఖర్ బ్రహ్మాండంగా కంపోజ్ చేశారని తెలిపారు. హీరోయిన్‌గా రసియా అనే నూతన నటి నటించగా ఇతర పాత్రల్లో హేమంత్, తెన్నవన్, శక్తివేల్, తిలక్, ఐశ్వర్య శంకర్ తదితరులు నటించారని దర్శకుడు చెప్పారు.