ఢిల్లీ: బిజూ జనతా దళ్ పార్టీ చీఫ్‌, ఒడిషా ముఖ్యమంత్రి నవీన్‌ పట్నాయక్‌ విపక్షాలకు ఝలక్‌ ఇచ్చారు. 2024 ఎన్నికలకు విపక్షాలతో తన పార్టీ చేతులు కలపబోదని, ఒంటరిగానే ముందుకు వెళ్తామని ప్రకటించారు.  ఒడిషా సీఎం నవీన్‌ పట్నాయక్‌.. ఇవాళ సాయంత్రం ప్రధాని నరేంద్ర మోదీతో భేటీ అయ్యారు. పూరిలో ఎయిర్‌పోర్ట్‌కు సంబంధించి తాను ప్రధానిని కలిశానని, అందుకు ప్రధాని కూడా సహకరిస్తానని హామీ ఇచ్చారనే విషయాన్ని ఆయన మీడియాకు తెలిపారు. అయితే.. ఎన్నికలకు ఒంటరిగా వెళ్లబోతున్నారా? అని మీడియా ప్రశ్నించగా ఆయన స్పందించారు.  2024 సార్వత్రిక ఎన్నికల కోసం బీజేడీ విపక్షాలతో కలవదు. మా పార్టీ ఎప్పుడూ ప్రణాళిక బద్దంగానే ముందుకు సాగుతుంది అని తెలిపారు. అలాగే.. తన ఢిల్లీ పర్యటనలో ఏ రాజకీయ పార్టీతోనూ భేటీ కాబోనని వెల్లడించారాయన. తనకు తెలిసినంత వరకు థర్డ్‌ ఫ్రంట్‌ అవకాశమే లేదని పేర్కొన్నారాయన. #WATCH | Delhi: There is no possibility of a Third front as far as I am concerned: Odisha CM Naveen Patnaik after his meeting with PM Narendra Modi pic.twitter.com/dRr1fxsiYm — ANI (@ANI) May 11, 2023 ఇదిలా ఉంటే.. రెండు రోజుల కిందట బీహార్‌ ముఖ్యమంత్రి నితీశ్‌ కుమార్‌, పట్నాయక్‌తో భేటీ అయ్యారు. దీంతో పొత్తులపై భేటీ అనే ప్రచారం జరగ్గా.. పట్నాయక్‌ దానిని ఖండించారు. తదనంతరం ఇవాళ ఢిల్లీకి వెళ్లిన ఒడిషా సీఎం.. పలు పార్టీల నేతలతో భేటీ అవుతారనే ఊహాగానాలు తెర మీదకు వచ్చాయి. అయితే ఆ అంచనాలను పటాపంచల్‌ చేస్తూ అసలు విపక్షాలతో చేతులు కలపబోనని, థర్డ్‌ ఫ్రంట్‌కు ఆస్కారం ఉండబోదంటూ నవీన్‌ పట్నాయక్‌ వ్యాఖ్యానించడం గమనార్హం.  మరోవైపు మూడో కూటమి కోసం బీహార్‌ సీఎం నితీశ్‌ కుమార్‌ విపరీతమైన ప్రయత్నాల్లో ఉన్న సంగతి తెలిసిందే. ఈ క్రమంలోనే విపక్షాల నేతలను కలుస్తూ వస్తున్నారు. పశ్చిమ బెంగాల్‌ సీఎం మమతా బెనర్జీ భేటీ కావడం, మరోవైపు ఎన్సీపీ చీఫ్‌ శరద్‌ పవార్‌, జార్ఖండ్‌ సీఎం హేమంత్ సోరెన్.. ఇలా  వరుసగా నేతల భేటీ నేపథ్యంలో విపక్షాల ఆధ్వర్యంలో మూడో కూటమికి ఆస్కారం ఉందన్న చర్చ తెర మీదకు వచ్చింది.

తగరపువలస (భీమిలి): రీసు అప్పన్న అలియాస్‌ శివయ్య పుట్టుకతోనే పోలియో బాధితుడు. నిరక్షరాస్యుడైన ఆయనకు ఎడమచేయి పూర్తిగా లేదు, కుడిచేతికి రెండు వేళ్లు మాత్రమే. ప్రస్తుతం తనకంటూ ఎవరూలేరు. శివయ్య మొదట్లో విద్యుదీకరణ పనులలో సహాయకుడిగా ఉండేవాడు. ఆరేళ్ల క్రితం దాతల సాయంతో భీమిలి మండలం అన్నవరం–అమనాం పంచాయతీల మధ్య బసవపాలెంలో బసవేశ్వరుని పేరుతో  శివాలయం నిర్మించాడు. అంతేకాదు శివాలయం నుంచి ప్రతి సోమవారం అన్నదానం చేస్తూ 300 మందికి భీమిలి, తగరపువలసలలో ఆహార పొట్లాలు పంచుతూ ఉంటాడు. ఈతే రాని శివయ్య 15 ఏళ్ల క్రితం నదిని దాటుతుండగా తేలుతూ వెళ్లిపోయాడు. అప్పటి నుంచి తాను ఈదకపోయినా నీటిపై తేలగలనని రుజువయినట్టు శివయ్య తెలిపాడు.  కాళ్లకు తాడు కట్టుకుని..  సాధారణంగా ఈతకు దిగేవారు కాళ్లతో, చేతులతోనూ ఈదుతుంటారు. కానీ శివయ్య కాళ్లతో కూడా ఈదే అవకాశం లేకుండా తాళ్లతో కట్టేసుకుంటాడు. బావిలో దూకిన తరువాత ఒక్కసారి మునిగి వెంటనే తేలుతుంటాడు. దీంతో శివయ్యలో ఏదో తెలియని రహస్యం ఉందని పలువురు అంటున్నారు. ఈయన నీటిపై తేలితే చూడటానికి పలువురు వస్తుంటారు. నిరక్షరాస్యుడైన శివయ్య తాను నిర్మించిన ఆలయంలో స్వయంగా శివలింగానికి అష్టోత్తరాలు, పూజలు జరిపిస్తుంటాడు.  బావిలోని నీటిపై తేలుతున్న శివయ్య సాధన చేస్తే నీటిపై తేలవచ్చు  నీటిలో దేనినైనా తేల్చి ఉంచగల శక్తి గాలికి ఉంది. మనకు ఉన్న రెండు ఊపిరితిత్తులు తమ సామర్థ్యంలో 60 శాతం గాలిని మాత్రమే శ్వాస ద్వారా పీల్చుకుంటాయి. ప్రతిరోజూ బోర్లా పడుకుని గట్టిగా గాలి పీల్చుకుని రెండు నిముషాల తరువాత విడుదల చేస్తే ఛాతీ విశాలమవుతుంది. దీంతో మిగిలిన 40 శాతం గాలి ఊపిరితిత్తుల్లోకి చేరుతుంది. పూర్వీకులు ఇలా సాధన చేసి ఊపిరి బిగబట్టి నీళ్లపై బాసింపట్లు వేసుకుని కూర్చునేవారు. నీటి ఉపరితలంపై ఎక్కువ భాగాన్ని ఆక్రమించుకోవడం ద్వారా తేలవచ్చు. నాణెం మునగడానికి, పడవలు తేలడానికి ఇదే సూత్రం పనిచేస్తుంది.   –డాక్టర్‌ ఎన్‌.ఎల్‌.రావు, సీనియర్‌ వైద్యుడు కాళ్లకు తాడు కట్టుకుని బావిలో శివయ్య బావిలో నిలువుగా శివయ్య

జయపురం: జయపురం సబ్‌డివిజన్‌ బొరిగుమ్మ సమితి కుములి ప్రాథమిక వైద్య కేంద్రంలో ఓ గర్భిణి శుక్రవారం వింతశిశువును ప్రసవించింది. జన్మించిన శిశువుకు కాళ్లూచేతులు లేకపోవడం గమనించిన వైద్యులు కొరాపుట్‌ సహిద్‌ లక్ష్మణ నాయక్‌ వైద్య కళాశాల ఆస్పత్రికి తరలించారు. శిశువు అలా జన్మించడానికి గల కారణాలను వైద్యులు అధ్యయనం చేస్తున్నారు. అయితే జన్మనిచ్చిన తల్లి పోషకాహారం సరిగ్గా తీసుకోకపోవడంతో శిశువు ఈ విధంగా జన్మించే అవకాశం ఉందని వైద్యులు చెబుతున్నారు. చదవండి: వింత.. శిశువు కాలికి తొమ్మిది వేళ్లు


 దేశంలో ప్రతిరోజూ చాలామంది డ్రైవింగ్‌ నేర్చుకుంటూ ఉంటారు. డ్రైవింగ్‌ పరీక్షల్లో పాసై లైసెన్స్‌ కూడా పొందుతారు. కొంతమంది మాత్రం డ్రైవింగ్‌ నేర్చుకోవడానికి నానాతంటాలు పడుతుంటారు. అలాంటి వారికి 45 ఏళ్ల అగ్నిహోత్రి స్ఫూర్తి అని చెప్పవచ్చు. దేశంలో డ్రైవింగ్‌ లైసెన్స్‌ పొందిన అరుదైన వ్యక్తిగా ఆయన గుర్తింపు పొందారు. రెండు చేతులూ లేకపోయినా కాళ్లతో వాహనాన్ని నడుపుతూ ఆయన తనదైన ప్రత్యేకతను నిలబెట్టుకున్నారు. కాళ్లతో నడుపుతూ లైసెన్స్‌ పొందిన దేశంలోని దాదాపు మొదటి వ్యక్తిగా అగ్నిహోత్రి ఘనత సొంతం చేసుకున్నారు.
 
 ఇండోర్‌కు చెందిన అగ్నిహోత్రి సకంల్పానికి వైకల్యం అడ్డుకాదని చాటారు. స్ఫూర్తిదాయక ప్రసంగాలు ఇచ్చే వక్త అయిన ఆయన.. ప్రస్తుతం ఎల్‌ఎల్‌బీ చేస్తున్నారు. సొంతంగా ఓ గ్యాస్‌ ఏజెన్సీని నడుపుతున్నారు. ఆయన వాహనాన్ని నడిపేందుకు గతంలో డ్రైవర్‌ ఉండేవారు. కానీ, ప్రాథమిక అవసరాల కోసం ఇతరులపై ఆధారపడకూడదనేది ఆయన పాలసీ. అందుకే మొక్కవోని సంకల్పంతో రెండు చేతులూ లేకున్నా డ్రైవింగ్‌ నేర్చుకున్నారు. చేతులు లేకున్నా ఆయన డ్రైవింగ్‌ ఎలా చేస్తారనేది కొంతమందికి సందేహం రావొచ్చు. కానీ ఆయన కుడికాలితో స్టీరింగ్‌ను కంట్రోల్‌ చేస్తూ.. ఎడుమ కాలితో ఆక్సిలరేటర్‌ను ఉపయోగిస్తూ.. ఆటోమేటిక్‌ గేరు కారును నడుపుతారు. అగ్నిహోత్రి డ్రైవింగ్‌ లైసెన్స్‌ దరఖాస్తును రవాణాశాఖ పలుమార్లు తిరస్కరించింది.
 
 ఈ నేపథ్యంలో తనకు అనుగుణంగా ఉండేవిధంగా కారును రూపొందించుకొని.. డ్రైవింగ్‌ టెస్టుల్లో దానిని విజయవంతంగా నడిపి.. అగ్నిహోత్రి ఈ ఘనత సాధించారు. డ్రైవింగ్‌ లైసెన్స్‌ విషయంలో కేంద్ర రవాణా శాఖ మంత్రి నితిన్‌ గడ్కరికి వరుసగా వినతిపత్రాలు ఇస్తూ పోయిన ఆయన.. ఎట్టకేలకు సెప్టెంబర్‌ 30వ తేదీన శాశ్వత లైసెన్స్‌ సాధించారు. రోడ్డు మీద ఎంతోమంది ఇప్పటికే వాహనాలు నడిపించడానికి నానా తంటాలు పడుతుంటారు. కానీ, అగ్నిహోత్రి మాత్రం రెండు చేతులూ లేకపోయినా ఇప్పటివరకు 14,500 కి.మీ దూరాన్ని ఎలాంటి విజయవంతంగా ఎలాంటి ప్రమాదాలు చేయకుండా నడిపారు. త్వరలో జమ్ముకశ్మీర్‌లోని లెహ్‌ వరకు తానే వాహనాన్ని నడుపుతూ వెళ్లాలని ఆయన లక్ష్యంగా పెట్టుకున్నారు.