మెల్‌బోర్న్ : భారత స్క్వాష్ క్రీడాకారిణి జోష్న చినప్ప ఆస్ట్రేలియన్ ఓపెన్ స్క్వాష్ టోర్నీలో క్వార్టర్స్‌కు చేరింది. గురువారం జరిగిన పోరులో జోష్న 5-11, 11-6, 11-6, 11-8 తేడాతో మేగన్ క్రెయిగ్ (కివీస్)ను ఓడించింది. అయితే క్వార్టర్స్‌లో ఈ తమిళనాడు స్టార్‌కు టాప్ సీడ్ అనీ ఔ (హాంకాంగ్)తో గట్టి పోటీ ఎదురుకానుంది. పురుషుల విభాగం రెండో రౌండ్‌లో హరీందర్ సింగ్ 4-11, 11-7, 4-11, 15-13, 9-11తో నఫిజ్వాన్ అద్నాన్ (మలేసియా)పై, మహేష్ మంగావ్‌కర్ 11-7, 11-4, 9-11, 9-11, 7-11 తేడాతో స్టీవ్ పినిస్టిక్ (ఆసీస్)పై పోరాడి ఓడారు.