లక్నో: ఉత్తరప్రదేశ్‌లో విచిత్ర ఘటన చోటుచేసుకుంది. తన భార్య మరో వ్యక్తిని ప్రేమించి, అతడితోనే ఉంటానని చెప్పడంతో భర్త.. వారిద్దరికీ పెళ్లి జరిపించారు. అంతేకాకుండా.. తమ ఇద్దరు పిల్లలను తానే పోషిస్తానని సదరు భర్త చెప్పుకొచ్చారు. దీంతో, ఈ ఘటన స్థానికంగా చర్చనీయాంశంగా మారింది.వివరాల ప్రకారం.. యూపీలోని సంత్ కబీర్‌నగర్‌ గ్రామానికి చెందిన బబ్లూ 2017లో గోరఖ్‌పూర్ జిల్లాకు చెందిన రాధికను పెళ్లి చేసుకున్నాడు. వారికి ఇద్దరు పిల్లలు ఉన్నారు. అయితే, బబ్లూ జీవనోపాధి మరోచోట పనిచేస్తున్నాడు. ఈ క్రమంలో రాధిక.. అదే గ్రామానికి చెందిన మరో యువకుడిని ప్రేమించింది. ఈ సంబంధం క్రమంగా గ్రామంలో చర్చనీయాంశంగా మారింది. వీరి ప్రేమ వ్యవహారం భర్త బబ్లూకు కూడా తెలిసింది. దీంతో, భార్యను మందలించాడు. తీరు మార్చుకోవాలని సూచించాడు. అయితే, ఆమె మాత్రం అందుకు ఒప్పుకోలేదు. ప్రియుడితోనే ఉంటానని తెగేసి చెప్పింది. ఈ నేపథ్యంలో బబ్లూ.. నా భార్య నాతో జీవించాలా లేక తన ప్రేమికుడితో జీవించాలా అని నిర్ణయించుకుంటుందా? అని గ్రామస్తుల ముందు పంచాయితీ పెట్టాడు. ఆ మహిళ తన ప్రేమికుడితో కలిసి జీవించాలనే కోరికను వ్యక్తం చేసినప్పుడు మొత్తం సమాజం నివ్వెరపోయింది.భార్య ప్రవర్తన కారణంగా చేసేదేమీ లేకపోవడంతో.. ముందుగా భర్త తన భార్యతో కలిసి నోటరీ పబ్లిక్‌ కోర్టుకు హాజరయ్యాడు. ఆపై తన భార్యను ఆమె ప్రియుడితో ఒక ఆలయంలో రెండో వివాహం చేశాడు. తానే దగ్గరుండి ఆమె ఇష్టపడిన వ్యక్తితో పెళ్లి జరిపించాడు. ఈ జంటకు ఇద్దరు పిల్లలు కూడా ఉన్నారని తెలుస్తోంది. ఇక మొదటి భర్త తన భార్యతో కలిగిన సంతానాన్ని తనతోనే పోషిస్తానని చెప్పాడు. దీంతో, ఈ ఘటన స్థానికంగా చర్చనీయాంశంగా మారింది. Darr Ka Mahaul HaiKai shocking cases mein jab patiyon ko maar diya gaya, toh pati community mein darr fail gaya hai.Sant Kabir Nagar: Ek naye twist mein, 7 saal ki shadi ke baad, ek aadmi ne apni biwi ka past accept kar liya aur khud usko uske lover ke saath vida kiya, aur… pic.twitter.com/CLwzKzg1e1— F3News (@F3NewsOfficial) March 26, 2025


 ప్రేమ అనేది ఒక మైకం. ఇలా అన్నది ఎవరో సాధారణ వ్యక్తి అయితే పెద్దగా పట్టించుకునేవారు కాదేమో. అందాల భామ అనుష్క నోటినుంచి ఇలాంటి వ్యాఖ్యలు రావడంతో చర్చనీయాంశంగా మారింది. అనుష్క ఆషామాషీ నటి కాదు. చిలిపి పాత్రల నుంచి చారిత్రక పాత్రల వరకూ అవలీలగా అభినయించగల సత్తా గలిగిన నటి.అరుంధతి చిత్రానికి ముందు ఆ తరువాత అని సగౌరవంగా చెప్పుకునే సినీ చరిత్ర ఆమెది.
  
  రుద్రమదేవి చిత్రంలో వీరనారిగా అనుష్క నట విజృంభణ విమర్శకులను సైతం మెప్పించింది.అలాంటి నటి వ్యాఖ్యల ప్రభావం సమాజంపై పడుతుందన్నది నిర్విదాంశం. అనుష్క నటిగా దశాబ్దం కాలం పూర్తి చేసుకున్నారు. వయసు పరంగా 34 వసంతాలను టచ్ చేశారు. దీంతో ఇంటిలో ఈ బ్యూటీకి వరుడి వేటను ప్రారంభంచినట్లు ప్రచారం జరుగుతోంది. ఇటీవల అనుష్క ముందు ప్రేమ,పెళ్లి ప్రస్తావన తీసుకురాగా పెద్ద లెసనే ఇచ్చారు. అదేవిటో చూద్దాం.
  
   ప్రేమ అనేది ఒక మైకం. అది ఒక మాయ కూడా. యుక్త వయసులో చాలా మంది ఆ మాయలో పడిపోతున్నారు. ఆ తరువాత దాన్ని తలచుకుని నవ్వుకుంటారు. ఇక నా విషయానికి వస్తే నాకు ప్రేమ అనుభవం లేదు. ప్రేమించే సమయం లేదు. ప్రస్తుతం విశ్రాంతి లేకుండా నటిస్తున్నాను. నేనిప్పుడు సినిమాను మాత్రమే ప్రేమిస్తున్నాను. ఇక పెళ్లి అంటారా సమయం వచ్చినప్పుడు అది జరుగుతుంది. నాకు కాబోయే భర్త కొన్ని అర్హతలు కలిగి ఉండాలని ఆశిస్తున్నాను. ముఖ్యంగా దాపరికాలు ఉండకూడదు. ఏ విషయంలో అయినా ఉన్నది ఉన్నట్లు మాట్లాడాలి.
  
  ఇక నాకు నచ్చిన విషయాలు తనకూ నచ్చాలి. అలాంటి వ్యక్తి తారస పడినప్పుడు వెంటనే పెళ్లి చేసుకుంటాను. సినిమా జీవితం గురించి చెప్పాలంటే గత ఏడాది నటించిన చిత్రాలు మంచి విజయాలను అందించాయి. ఈ ఏడాది వైవిధ్యభరిత కథా చిత్రాల్లో నటిస్తున్నాను అని అంటున్న అనుష్క ప్రస్తుతం బాహుబలి-2, ఎస్-3 (సింగం-3) చిత్రాల్లో నటిస్తూ బిజీగా ఉన్నారు.