ఓ ప్రేమ జంటకు ఎదురైన భయానక సంఘటనల నేపథ్యంలో తెరకెక్కిన చిత్రం ‘స్విమింగ్ పూల్’. అఖిల్ కార్తీక్, వశిష్ఠ జంటగా మనోహర్ చిమ్మని దర్శకత్వంలో అరుణ్‌కుమార్ ముప్పన నిర్మించిన ఈ చిత్రం ప్లాటినమ్ డిస్క్ వేడుక హైదరాబాద్‌లో జరిగింది. ‘‘వైవిధ్యమైన కథాకథనాలతో తెరకెక్కిన  రొమాంటిక్ హారర్ చిత్రమిది. యూఎస్, యూకే, జర్మనీల్లో కూడా విడుదల చేయడానికి సన్నాహాలు చేస్తున్నాం’’ అని నిర్మాత తెలిపారు.  దర్శకుడు మాట్లాడుతూ -‘‘ఆద్యంతం ఉత్కంఠభరితంగా సాగే ఈ చిత్రం అందరినీ ఆకట్టుకుంటుందన్న నమ్మకం ఉంది’’ అని అన్నారు.