ప్రయాణికులకు ఇండిగో కొత్త ఆఫర్

బడ్జెట్ క్యారియర్ ఇండిగో కొత్త ప్రమోషనల్ ఆఫర్ ప్రయాణికుల ముందుకు తీసుకొచ్చింది. రూ.868కే(అన్నీ చార్జీలను కలుపుకుని) విమాన టిక్కెట్లను విక్రయించనున్నట్టు ప్రకటించింది. నవంబర్ 8 వరకు ఈ ఆఫర్ అందుబాటులో ఉంటుందని పేర్కొంది. ఎంపికచేసిన దేశీయ మార్గాలలో ఈ ఆఫర్ 2017 జనవరి 11 నుంచి 2017 ఏప్రిల్ 11వరకు వినియోగించుకోవచ్చు. అయితే ఈ ఆఫర్ కింద ఎన్ని సీట్లు అందుబాటులో ఉంచుతుందో కంపెనీ స్పష్టంచేయలేదు. ఇండిగో వెబ్సైట్ను చెక్ చేసిన వాళ్లకి రూ.868 ఆఫర్ కనిపిస్తోంది. భారత్లో ఎయిర్ ట్రావెల్కు పెరుగుతున్న డిమాండ్ కారణంగా విమానయాన సంస్థలు పోటీపడి మరీ ప్రమోషనల్ ఆఫర్లను వినియోగదారుల ముందుకు తీసుకొస్తున్నారు.