వ్యభిచార గృహంపై పోలీసుల దాడి: పలువురి అరెస్ట్

నాగోలు (హైదరాబాద్): వ్యభిచారం నిర్వహిస్తున్న ముఠాను ఎల్‌బీనగర్ పోలీసులు అరెస్ట్ చేశారు. ఎల్‌బీనగర్ సరస్వతీనగర్ కాలనీలో కాకినాడకు చెందిన ఓ మహిళ ఇంటిని అద్దెకు తీసుకుని వివిధ ప్రాంతాల నుంచి యువతులను తీసుకొచ్చి వ్యభిచారం నిర్వహిస్తున్నారు.

 

సమాచారం అందుకున్న ఎల్‌బీనగర్ పోలీసులు దాడి చేయగా ఓ యువతితోపాటు సరూర్‌నగర్‌కు చెందిన మహేష్, హస్తినాపురంకు చెందిన వెంకన్న పోలీసులకు చిక్కారు. వీరితో పాటు నిర్వాహకురాలిని అరెస్ట్ చేసి వారి వద్ద నుంచి రూ.3500, మూడు సెల్‌ఫోన్‌లు స్వాధీనం చేసుకున్నారు.