ఎన్నికల హామీలను అమలు చేయండి
సీఎం కేసీఆర్కు సీపీఐ కార్యదర్శి చాడ లేఖ
సాక్షి, హైదరాబాద్: ఉద్యమ సందర్భంగా, ఎన్నికల ప్రణాళికలో టీఆర్ఎస్ పేర్కొన్న హామీలను అమలు చేయాలని, ప్రజలు ఎదుర్కొంటున్న సమస్యలను పరిష్కరించాలని సీపీఐ రాష్ట్ర కార్య దర్శి చాడ వెంకటరెడ్డి డిమాండ్ చేశారు. తమ పార్టీ నిర్వ హించిన పోరుబాట యాత్రలో ప్రజల నుంచి అనేక అర్జీలందాయని, వాటిలో ముఖ్యమైన సమస్యల పరిష్కారానికి చొరవ తీసుకోవాలని కోరుతూ సీఎం కేసీఆర్కు చాడ బహిరంగ లేఖ రాశారు.
తెలంగాణ వస్తే ఉద్యోగాలు వస్తాయని నిరుద్యోగ యువత భావించిందని, అయినా వారికి నిరాశే మిగిలిందన్నారు. కాంట్రాక్టు, ఔట్సోర్సింగ్ ఉద్యోగుల క్రమబద్ధీకరణ కూడా జరగలేదన్నారు. ఫీజు రీయింబర్స్మెంట్ను సకాలంలో చెల్లించడం లేదన్నారు. ప్రాథమిక ఆరోగ్య కేంద్రాల నిర్వహణలో నిర్లక్ష్యం కొనసాగుతోందని విమర్శించారు. సాగునీటి ప్రాజెక్టులను ప్రాధాన్య క్రమంలో పూర్తి చేయాలని అన్నారు.