కట్టుకున్న భార్య కన్నుమూస్తే వాహనంలో తీసుకువెళ్లేందుకు డబ్బులు లేక సుమారు 10 కిలోమీటర్లు మృతదేహం మోసుకువెళ్లిన వ్యక్తి గుర్తున్నారా.. అతనే కలహండి జిల్లాకు చెందిన దానా మాఝి.. మృతదేహం తీసుకువెళ్లేందుకు అతను పడిన కష్టం పత్రికల్లోను, సోషల్ మీడియాలో విస్తృతంగా ప్రచారం సాగింది.. ఈ ఘటన పలువురిని కదిలిం చింది.. మీరు వంటరి కాదు.. మీకు అండగా మేమున్నామంటూ దేశవ్యాప్తంగా దానా మాఝికి సందేశం పంపారు.. వట్టి మాటలతో సరిపెట్టకుండా విరాళాలు పంపించారు.. దీంతో ఒక్కసారిగా ఆయన ఆర్థిక పరిస్థితి మారిపోయింది..
భువనేశ్వర్:
ఎదుటివారి కష్టాలు విన్నా, కన్నా కన్నీళ్లే వస్తాయి.. తమకు తోచిన రీతిలో పలువురు స్పందిస్తారు. ఒక్కరైతే కొంచెం.. అదే పది చేతులు కలిస్తే కష్టాలు తీరిపోయినట్లే.. భార్య మృతదేహాన్ని మోసుకువెళ్లిన కలహండి జిల్లా థువామల్ రామ్పూర్ సమితి మెల్ఘర్ గ్రామానికి చెందిన దానా మాఝికి ప్రపంచం నలుమూలల నుంచి అండగా నిలబడ్డారు.. వారిలో బెహ్రాన్ ప్రధాని కూడా ఉన్నారు.దానామాఝి భార్య దీర్ఘ కాలం క్షయ రోగంతో బాధపడి దుర్బర జీవితం గడిపింది. అమంగ దెయి భవానిపట్న ఆస్పత్రిలో చికిత్స పొందుతు తుది శ్వాస విడిచింది. భార్య మృతదేహాన్ని తీసుకువెళ్లేందుకు సహకరించాలన్న అతని ప్రార్థన ఆస్పత్రివర్గాలను కదిలించలేదు. దీంతో భార్య శవాన్ని భుజాన వేసుకుని 10 కిలోమీటర్ల దూరం వెళ్లేందుకు మైనరు కూతురు తోడుగా కాలి నడకన బయల్దేరాడు. ఈ విషయం పత్రికల్లో ప్రచురితం కావడంతో పలువురు స్పందించారు. అతని దయనీయ స్థితికి జాలిపడ్డారు. మానవీయత ప్రతిబింబిస్తే మనుషుల కష్టాలు ఇట్టే తీరిపోతాయనేందుకు ఇదో నిలువెత్తు తార్కాణంగా పేర్కొనవచ్చు. దానా మాఝి కష్టాలపట్ల ప్రపంచ దేశాల నుంచి దయార్ద్ర హృదయులు సానుభూతితో స్పందిస్తున్నారు. ఈ జాబితాలో బెహ్రాన్ ప్రధాన మంత్రి ఒకరు కావడం విశేషం.
ముగ్గురు కుమార్తెలకు ఉచిత విద్య
దానా మాఝి ముగ్గురు కుమార్తెలకు రాష్ట్ర ప్రభుత్వం ఉచితంగా విద్యనందిస్తుందని ముఖ్యమంత్రి నవీన్ పట్నాయక్ ప్రకటించారు. తల దాచుకునేందుకు స్వగ్రామంలో ఇందిరా ఆవాస్ యోజన కింద పక్కా ఇల్లు నిర్మించేందుకు రూ. 75 వేల నిధుల్ని రాష్ట్ర ప్రభుత్వ విడుదల చేసింది. 4 డెసిమల్స్ విస్తీర్ణంలో పక్కా ఇల్లు నిర్మిస్తారు. రెడ్క్రాస్ సంస్థ 30 వేల నగదు సహాయం అందజేసింది. జాతీయ కుటుంబ సంక్షేమ పథకం కింద రూ. 52,000 ఆర్థిక సహాయంతో బియ్యం కోటా మంజూరైంది. సులభ్ ఇంటర్నేషనల్ సంస్థ 5 ఏళ్ల కాలపరిమితితో రూ. 5 లక్షలతో ఫిక్స్డ్ డిపాజిటు ఖాతా తెరిచింది.
కాల పరిమితి పూర్తి అయ్యే నాటికి ఈ మొత్తం రూ. 7.34 లక్షలు అవుతుంది. దానా మాఝి పెద్ద కుమార్తె చాందిని మాఝికి ఉద్యోగం ఇవ్వడం లేదా వివాహమయ్యే వరకు ప్రతి నెలా రూ. 10 వేల ఆర్థిక సహాయం అందజేస్తామని సులభ్ ఇంటర్నేషనల్ సంస్థ ప్రకటించింది. మహారాష్ట్రకు చెందిన స్వచ్చంధ సంస్థ రూ. 80 వేల ఆర్థిక సహాయం అందజేస్తు దానా మాఝితో ఆయన ముగ్గురు కుమార్తెల పేర్ల మీద రూ. 10 వేల చొప్పున వేర్వేరుగా 4 చెకుల్ని ప్రదానం చేసింది. గుజరాతు నుంచి ఇద్దరు వ్యాపారులు రూ. 2 లక్షల చెక్కుల్ని పంపారు. అమెరికాలో ఉంటున్న ఒడియా వ్యక్తి జితేంద్ర మిశ్రా రూ. 1.05 లక్షల ఆర్థిక సహాయం అందజేశారు. రూ. 20 వేల ఆరంభ ఖాతాతో బ్యాంక్ ఆఫ్ ఇండియా దానా మాఝి పేరు మీద పొదుపు ఖాతా తెరిచింది. బెహ్రాన్ ప్రధాన మంత్రి అందజేసిన ఆర్థిక సహాయం వివరాలు తెలియాల్సి ఉంది.
కొందరి అసూయ
దానా మాఝి కథనం పలువురిని కదిలించినా ఆ గ్రామస్తుల్లో మాత్రం చెప్పుకోదగిన స్పందన కానరాలేదు. గ్రామంలో మరెందరో ఇటువంటి బీదలు ఉండగా దానా మాఝిపట్ల మాత్రమే మానవీయత ఎందుకని గ్రామస్తులు ప్రశ్నించారు. ఆయనకు వస్తున్న విరాళాలు, ఆర్థిక సహాయాలపట్ల జిల్లా యంత్రాంగం నిఘా వేయాలని సూచిస్తున్నారు.
అయితే తనకు ఎంత డబ్బు వస్తుందో కూడా తెలియని పరిస్థితిలో దానామాఝి ఉన్నారు. తన ఆర్థిక పరిస్థితి కుదుటపడి పరిస్థితులు సహకరిస్తే తన ముగ్గురు కుమార్తెలకు ఉన్నత విద్యాభ్యాసం కల్పిస్తానని దానా మాఝి పేర్కొన్నాడు. జీవిత కాలంలో భార్యకు సుఖశాంతులు కల్పించకున్న దానా మాఝికి తన ముగ్గురు కుమార్తెల్ని ఉత్తమ విద్యావంతులుగా తీర్చిదిద్దేందుకు పరిస్థితులు అనుకూలించాలని ఆకాంక్షిద్దాం.
కడతేరిన కష్టం
Published Thu, Sep 15 2016 10:11 AM
Advertisement
OTT: ఈ శుక్రవారం ఓటీటీలో రిలీజయ్యే చిత్రాలివే!
క్యాబ్ డ్రైవర్తో 12th ఫెయిల్ హీరో గొడవ, వీడియో వైరల్
స్టార్ హీరోలతో యాక్టింగ్.. ఆ కమెడియన్ ఇలా అయిపోయాడేంటి!
భర్తతో విడిపోయిన హీరోయిన్.. కూతురితో కలిసి..
మారిన క్రెడిట్ కార్డ్ నిబంధనలు.. మే 1 నుంచి అమల్లోకి..
గోబెల్స్ స్ఫూర్తితో.. ప్రధాని మోదీపై జైరాం ఆగ్రహం
ఇక ‘వందే మెట్రో’.. రైల్వే కీలక అప్డేట్
హైదరాబాద్లో భారీగా పెరిగిన ఆఫీస్ లీజింగ్
అతి త్వరలోనే గ్రేట్ సమ్మర్ సేల్.. స్మార్ట్ఫోన్లపై భారీ డిస్కౌంట్లు!
Shankar-Ram Charan Movie: సరికొత్త పాత్రలో చెర్రీ
సాక్షి కార్టూన్ 10-05-2024
చరిత్ర పునరావృతం అవుతుంది...
రంగును బట్టి రాజకీయాలా?
భరోసా కావాలి!
ఆర్సీబీ ఘన విజయం.. ఐపీఎల్ నుంచి పంజాబ్ ఔట్
కోహ్లి అరుదైన రికార్డు.. ఐపీఎల్ చరిత్రలోనే తొలి క్రికెటర్గా
చెలరేగిన విరాట్ కోహ్లి.. పంజాబ్ ముందు భారీ టార్గెట్
రాజంపేట సభ: జననేత కోసం పోటెత్తిన అభిమానం (ఫొటోలు)
జాక్వెలిన్ ఫెర్నాండేజ్తో పేపర్ బాయ్, అరి దర్శకుడు?
రైతు కుమార్తె విజయం.. రిషబ్ శెట్టి అభినందనలు
తప్పక చదవండి
- ప్రభుత్వానిది నియంతృత్వ ధోరణి అనడం దుర్మార్గం
- అవకాశవాది, అబద్దాలకోరు, కుట్రదారు చంద్రబాబే
- టీ20 వరల్డ్కప్ 2024 కోసం శ్రీలంక జట్టు ప్రకటన.. కెప్టెన్ ఎవరంటే..?
- కేజ్రీవాల్ పిటిషన్ను వ్యతిరేకించిన ఈడీ.. సుప్రీంలో అఫిడవిట్ దాఖలు
- కేజ్రీవాల్పై ఛార్జ్ షీట్ దాఖలు చేయనున్న ఈడీ
- వంటల ఘుమఘుమలతో కూడా కాలుష్యానికి ముప్పేనట
- ఇది కదా క్రేజ్ అంటే.. సీఎం జగన్ ఇంటర్వ్యూకి మిలియన్ల వ్యూస్
- టీడీపీ, బీజేపీ, జనసేన కుట్రతో పేదలకు నష్టం: సీఎం జగన్
- అచ్చం బాబు స్టైల్లోనే.. చెప్పేదొకటి! చేసేదొకటి!!
- తెలంగాణకు ఎల్లో అలర్ట్.. ఐదు రోజులు గట్టి వానలే!
Advertisement