సూపర్‌ సవాల్‌

వరలక్ష్మీ శరత్‌కుమార్‌

అడుగులు ముందుకు వేయడానికి చెవులకు, బ్రెయిన్‌కి పని చెబుతున్నారు కథానాయిక వరలక్ష్మీ శరత్‌కుమార్‌. అంత అందమైన కళ్లు ఉంటే ఇలా ఎందుకు చేస్తున్నారు? అంటే నిజ జీవితంలో చేయడం లేదు. సినిమాలో క్యారెక్టర్‌ కోసం చేస్తున్నారు. ఆల్రెడీ అరడజను సినిమాలతో బిజీగా ఉన్న వరలక్ష్మీ మరో సినిమాకు పచ్చజెండా ఊపారు. జేకే అనే అతను ఈ సినిమా ద్వారా దర్శకునిగా పరిచయం అవుతున్నారు.

ఈ సినిమాలో బ్లైండ్‌ క్యారెక్టర్‌ చేస్తున్నారు వరలక్ష్మీ. ‘‘కొత్త సినిమా మొదలైంది. ప్రేక్షకుల ఆశీర్వాదం కావాలి. తొలిసారి బ్లైండ్‌ క్యారెక్టర్‌లో నటించబోతున్నాను. ఇది నాకు సూపర్‌ చాలెంజింగ్‌ రోల్‌. సూపర్‌ ఎగై్జటింగ్‌గా ఉంది’’ అని పేర్కొన్నారు వరలక్ష్మీ శరత్‌ కుమార్‌. ఈ సినిమాకు శ్యామ్‌ సీఎస్‌ సంగీతం అందిస్తున్నారు. మాథ్యూ ఛాయాగ్రాహకుడు.