ఓ చిన్న ప్రయత్నం

Radhika Apte makes directorial debut with short film - Sakshi

స్టార్ట్‌... కెమెరా.. యాక్షన్‌ అని దర్శకుడు చెప్పగానే పాత్రలో లీనమైపోయి హీరోయిన్‌గా ఇన్ని రోజులు డైలాగ్‌లు చెప్పారు రాధికా ఆప్టే. కానీ తొలిసారి యాక్టర్స్‌ చేత డైలాగ్స్‌ చెప్పించారామె. అదేనండీ.. ఆమె ఓ 30 నిమిషాల షార్ట్‌ ఫిల్మ్‌ కోసం దర్శకురాలిగా మారారు అని చెబుతున్నాం. గుల్షన్‌ దేవయ్య, షహానా గోస్వామి ప్రధాన పాత్రధారులుగా ‘స్లీప్‌ వాకర్స్‌’ అనే ఓ 30 నిమిషాల సినిమాకు దర్శకత్వం వహించారు రాధికా ఆప్టే. ఈ విషయం గురించి ఆమె మాట్లాడుతూ– ‘‘ఏదైనా కొత్తగా రాయాలనే తాపత్రయంలో చిన్నగా ఏదో ప్రయత్నించాను.

ఇది నిర్మాతలు లలిత, హనీ, అభిషేక్‌లకు నచ్చడంతో నిర్మిస్తామని చెప్పారు. అలా నేను దర్శకురాలిగా మారడం అకస్మాత్తుగా జరిగిపోయింది. ఈ అనుభవంలో ఎన్నో కొత్త విషయాలు నేర్చుకున్నాను. ‘స్లీప్‌ వాక ర్స్‌’ విడుదలైన తర్వాత వీక్షకుల నుంచి ఎలాంటి స్పందన వస్తుందో అని ఆసక్తికరంగా ఎదురు చూస్తున్నాను’’ అన్నారు. ఇప్పుడు షార్ట్‌ ఫిల్మ్‌కి దర్శకత్వం వహించిన రాధికా భవిష్యత్‌లో ఏదైనా సినిమాను డైరెక్ట్‌ చేస్తారా? వెయిట్‌ అండ్‌ సీ.

Read latest Movies News and Telugu News | Follow us on FaceBook, Twitter

Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top