బుల్లితెరపై ఎన్టీఆర్ : బిగ్ బాస్ ఫస్ట్ లుక్

యంగ్ టైగర్ ఎన్టీఆర్ త్వరలో బుల్లితెరపై సందడి చేయనున్నాడన్న సంగతి తెలిసిందే. ఇప్పటికే టాప్ స్టార్స్ నాగార్జున, చిరంజీవి బుల్లితెరపై వ్యాఖ్యతలుగా వ్యవహరించగా.. త్వరలో యంగ్ హీరో ఎన్టీఆర్ కూడా ఈ లిస్ట్లో చేరబోతున్నాడు. నార్త్లో సూపర్ హిట్ అయిన బిగ్ బాస్ షోను త్వరలో సౌత్ను లాంచ్ చేస్తోంది స్టార్ నెట్వర్క్. ఈ కార్యక్రమానికి తమిళ వ్యాఖ్యతగా కమల్ హాసన్ను తీసుకోగా తెలుగు వర్షన్కు ఎన్టీఆర్ను తీసుకున్నారు.

ఈ షోలో ఎన్టీఆర్ లుక్ ఎలా ఉండబోతోందో ఫస్ట్ లుక్ను స్టార్ నెట్వర్క్ రిలీజ్ చేసింది. సూట్లో స్టైలిష్గా కనిపిస్తున్న ఎన్టీఆర్ వ్యాఖ్యతగానూ ఆకట్టుకునేందుకు రెడీ అవుతున్నాడు. ప్రస్తుతం బాబీ దర్శకత్వంలో జై లవ కుశ సినిమాలో నటిస్తున్న జూనియర్ ఆ సినిమా పూర్తయిన తరువాత బిగ్ బాస్ షో షూటింగ్లో పాల్గొననున్నాడు. తొలి సారిగా బుల్లితెర మీద కనిపించేందుకు ఎన్టీఆర్ భారీ రెమ్యూనరేషన్ అందుకకుంటున్నాడన్న ప్రచారం జరుగుతోంది.

I can see you #BiggBossTelugu pic.twitter.com/cpvsHvpWue

— Jr NTR (@tarak9999) 13 June 2017