TV
'లై' బ్యూటీతో మరోసారి..!
అ..ఆ.. సినిమాతో 50 కోట్ల క్లబ్ లో అడుగు పెట్టిన యంగ్ హీరో నితిన్, ప్రస్తుతం భారీ బడ్జెట్ తో తెరకెక్కుతున్న 'లై'
అ..ఆ.. సినిమాతో 50 కోట్ల క్లబ్లో అడుగు పెట్టిన యంగ్ హీరో నితిన్, ప్రస్తుతం భారీ బడ్జెట్తో తెరకెక్కుతున్న 'లై' సినిమాలో నటిస్తున్నాడు. హాను రాఘవపూడి దర్శకత్వంలో యాక్షన్ డ్రామాగా తెరకెక్కుతున్న ఈ సినిమా ప్రస్తుతం అమెరికాలో షూటింగ్ జరుపుకుంటోంది. నితిన్ కెరీర్ లోనే భారీ బడ్జెట్తో తెరకెక్కుతున్న ఈ సినిమాలో మేఘా ఆకాష్.., నితిన్కు జోడిగా నటిస్తోంది. దాదాపు రెండు నెలలుగా అమెరికాలోని వివిధ లోకేషన్లలో ఈసినిమా షూటింగ్ జరుగుతోంది.
త్వరలో ఈ సినిమా పూర్తి కానుండటంతో తన నెక్ట్స్ సినిమా మీద దృష్టి పెట్టాడు నితిన్. ఈ సినిమాను రౌడీఫెలో ఫేం కృష్ణ చైతన్య దర్శకత్వంలో పవన్ కళ్యాణ్, త్రివిక్రమ్లు నిర్మిస్తున్నారు. ఈ నెలాఖరున ఈ సినిమా రెగ్యులర్ షూటింగ్ ప్రారంభం కానుండగా ప్రస్తుతం నటీనటుల ఎంపిక జరుగుతోంది. ఈ సినిమాలో కూడా నితిన్కు జోడిగా లై ఫేం మేఘా ఆకాష్నే తీసుకోవాలని నిర్ణయించారట. మోడలింగ్ నుంచి ఇండస్ట్రీలోకి అడుగుపెట్టిన ఈ బ్యూటీ ప్రస్తుతం తెలుగు, తమిళ్ లో వరుస సినిమాలకు అంగకీరిస్తోంది.
