TV
తమిళసినిమా: స్పై యాక్షన్‌ థ్రిల్లర్‌ సన్నివేశాలతో హ్యూమర్‌ను జోడించి హాలీవుడ్‌ చిత్రాల ప్రియులను అలరించడానికి రెడీ అయ్యింది కింగ్స్‌మెన్‌ ది గోల్డెన్‌ సర్కిల్‌ చిత్రం. ఇది 2014లో వచ్చి మంచి విజయాన్ని సాధించిన కింగ్స్‌మెన్‌ ది సీక్రెట్‌ సర్వీస్‌ చిత్రానికి సీక్వెల్‌గా తెరకెక్కిన చిత్రం అని చిత్ర నిర్మాణ సంస్థ 20వ సెంచరీ నిర్వాహకులు తెలిపారు. అయితే కింగ్స్‌మెన్‌ ది సీక్రెట్‌ సర్వీస్‌ చిత్రం కంటే మరింత భారీగా, బ్రహ్మాండంగా రూపొందించిన చిత్రం కింగ్స్‌మెన్‌ ది గోల్డెన్‌ సర్కిల్‌ అని చెప్పారు. ఇందులో యాక్షన్‌ సన్నివేశాలు చిత్ర ఆరంభం నుంచి చివరి వరకూ చోటుచేసుకుని ప్రేక్షకులను థ్రిల్‌ చేస్తాయంటున్నారు.
కలిన్‌ఫిర్త్, జూలియన్‌బూర్, మార్క్‌డంగ్‌ ప్రధాన పాత్రలను పోషించిన ఈ చిత్రంలో సంగీత దర్శకుడు హెన్రీజాక్‌మెన్‌ కీలక పాత్ర పోషిం చడం విశేషం అన్నారు. దర్శకుడు మ్మాథ్యూ వాగ్‌ చిత్రాన్ని చాలా కన్విన్సింగ్‌గా ఎక్కడా బోర్‌ లేకుండా తెరపై ఆవిష్కరించారని చెప్పారు. యాక్షన్‌తో పాటు కామెడీ సన్నివేశాలు ప్రేక్షకులను గిలిగింతలు పెట్టిస్తాయని, ఇక విజువల్స్‌ అబ్బుర పరుస్తాయని పేర్కొన్నారు. చిత్రాన్ని ఈ నెల 22న ఆంగ్లం, హిందీ, తమిళం, తెలుగు భాషల్లో ప్రపంచ వ్యాప్తంగా భారీ ఎత్తున విడుదల చేయనున్నట్లు వెల్లడించారు.
