చెన్నై టు అమెరికా

Keerthy Suresh Teasing Ilayathalapathy - Sakshi

అమెరికాకు హాయ్‌ చెప్పడానికి రెడీ అవుతున్నారు తమిళ హీరో విజయ్‌ అండ్‌ టీమ్‌. మురుగదాస్‌ దర్శకత్వంలో విజయ్‌ హీరోగా ఓ చిత్రం రూపొందుతున్న సంగతి తెలిసిందే. ఇందులో కీర్తీ సురేశ్‌ కథానాయికగా నటిస్తున్నారు. వరలక్ష్మీ శరత్‌కుమార్‌ కీలక పాత్రలో కనిపించనున్నారు. రీసెంట్‌గా ఈ సినిమా షూటింగ్‌ను తమిళనాడులోని ఓ టీవీ చానల్‌ ఆఫీస్‌లో జరిపారు.

నెక్ట్స్‌ షెడ్యూల్‌ను అమెరికాలో జరపాలని చిత్రబృందం ప్లాన్‌ చేస్తోందని కోలీవుడ్‌ సమాచారమ్‌. ప్రస్తుతం చెన్నైలో జరుగుతున్న ఈ సినిమా నైట్‌ షూటింగ్‌లో వరలక్ష్మీపై కీలక సన్నివేశాలను చిత్రీకరిస్తున్నారు. ‘కత్తి, తుపాకీ’ చిత్రాల తర్వాత విజయ్‌ అండ్‌ మురుగదాస్‌ కాంబినేషన్‌లో రూపొందుతోన్న ఈ సినిమాపై అంచనాలు ఉన్నాయి. ఈ సినిమాను ఈ ఏడాది దీపావళికి రిలీజ్‌ చేయాలనుకుంటున్నారు. అలాగే ఈ నెల 22న విజయ్‌ బర్త్‌డే సందర్భంగా ఈ సినిమా ఫస్ట్‌ లుక్‌ను రిలీజ్‌ చేస్తారన్న ప్రచారం జరుగుతోంది.
 

Read latest Movies News and Telugu News | Follow us on FaceBook, Twitter, Telegram



 

Read also in:
Back to Top