వరుసగా స్టార్ హీరోయిన్లతో జతకడుతున్న యంగ్ హీరో బెల్లంకొండ సాయి శ్రీనివాస్ తన నెక్ట్స్ సినిమాలో సీనియర్‌ తో ఆడిపాడనున్నాడు. ప్రస్తుతం శ్రీవాస్‌ దర్శకత్వంలో తెరకెక్కుతున్న సాక్ష్యం సినిమా పనుల్లో బిజీగా ఉన్నాడు శ్రీనివాస్ ఈ సినిమాలో పూజా హెగ్డే హీరోయిన్‌గా నటిస్తోంది. సాక్ష్యం తరువాత చేయబోయే రెండు సినిమాలను ఇప్పటికే  ఫైనల్ చేశాడు శ్రీనివాస్‌. 

కొత్త దర్శకుడు శ్రీనివాస్‌ను పరిచయం చేస్తూ తెరకెక్కిస్తున్న సినిమాలో నటించనున్నాడు. ప్రస్తుతం ప్రీ ప్రొడక్షన్ కార్యక్రమాలు జరుపుకుంటున్న ఈ సినిమాలో సీనియర్‌ స్టార్‌ కాజల్‌ అగర్వాల్‌ ను హీరోయిన్‌ గా ఫైనల్‌ చేశారు. ఈ సినిమాకు తమన్ సంగీతమందిస్తున్నాడు. ఇప్పటికే  తమన్నా, సమంత, రకుల్‌ ప్రీత్‌ సింగ్‌ లాంటి స్టార్‌ హీరోయిన్లతో నటించిన సాయి శ్రీనివాస్‌ సాక్ష్యం సినిమాలో పూజా హెగ్డేతో జోడి కట్టాడు.