బాలీవుడ్‌లో ఎంట్రీ ఇవ్వనున్న హీనాఖాన్‌

బుల్లి తెరపై ప్రేక్షకులను అలరించిన నటి హీనాఖాన్‌ త్వరలోనే బాలీవుడ్‌ హీరోయిన్‌గా ఎంట్రీ ఇవ్వనున్నారు. సీరియళ్లతో పాటు బిగ్‌బాస్‌ షో ద్వారా పాపులర్‌ అయిన హీనా ప్రస్తుతం.. కాన్స్‌ ఫెస్టివల్‌లో బిజీగా గడుపుతున్నారు. ఫ్రెంచ్‌ రివెరా నదీ తీరాన జరుగుతున్న ఈ మెగా సినీ ఈవెంట్‌లో తొలిసారిగా పాల్గొన్న ఆమె.. పొడవాటి గౌన్లతో ఎర్ర తివాచీ హొయలొలికిస్తున్నారు. అంతేకాక సినిమాల్లోకి రాకముందే ఈ గౌరవం దక్కించుకున్న నటిగా గుర్తింపు పొందారు. ఇక అక్కడే తన తెరంగేట్రానికి సంబంధించిన లుక్‌ను విడుదల చేసి మరిన్ని మధుర ఙ్ఞాపకాలను సొంతం చేసుకున్నారు.

కాగా హుస్సేన్‌ఖాన్‌ దర్శకత్వంలో తెరకెక్కుతున్న లైన్స్‌ సినిమాతో హీనాఖాన్‌ బాలీవుడ్‌లో అడుగుపెడుతున్నారు. కేన్స్‌ ఫెస్టివల్‌లో భాగంగా ఇందుకు సంబంధించిన ఫస్ట్‌లుక్‌ను ఆమె ఆవిష్కరించారు. ఇందుకు సబంధించిన ఫొటోను షేర్‌ చేసిన హీనా..‘ సరిహద్దుల్లో జీవించినంత మాత్రాన భావోద్వేగాలు మారవు. సగటు అమ్మాయి ఎదుర్కొనే సవాళ్లకు నజియా జీవితంలోనూ ఉంటాయి. అయితే అవి అంత తేలికైనవి కావు. లైన్స్‌ సినిమాతో ఇండస్ట్రీలో అడుగుపెడుతున్నా. ఈ సినిమాకు మీ అందరి ఆశ్వీరాదాలు ఉంటాయని ఆశిస్తున్నా’ అంటూ తన పాత్ర విశేషాలను వెల్లడించారు. దీంతో సోషల్‌ మీడియా వేదికగా హీనాపై శుభాకాంక్షల వర్షం కురుస్తోంది. ఇక ‘పెళ్లంటే నూరేళ్లపంట’ సీరియల్‌లో అక్షరగా హీనా తెలుగు ప్రేక్షకులకు కూడా చేరువయ్యారన్న సంగతి తెలిసిందే.

View this post on Instagram

Emotions don’t change because of the borders in between, the life and plight of #Nazia is a simple portrayal of any girl who faces the magnitude of ordinary challenges in a not so ordinary story. #Lines is my debut in films. I hope you all love it as much we loved it. This is the first look launched at @festivaldecannes and an official poster which depicts more than a poster can! @rahatkazmi @tariq_khana @zebasajid2 @rockyj1 @rishi_bhutani @husseinkhan72 @pinkuchauhan8 @d.avaniish #cannes2019

A post shared by Hina Khan (@realhinakhan) on May 17, 2019 at 9:32am PDT