ఈ ప్రాంతం వారికే జాబ్ లాస్ రిస్క్ ఎక్కువ

న్యూఢిల్లీ :  ఆర్థిక నష్టాలతో కొట్టుమిట్టాడుతున్న కంపెనీలు ఇటీవల కాలంలో ఉద్యోగులుపై ఎడాపెడా వేటువేస్తూ తీవ్రభయాందోళనకు గురిచేస్తున్నాయి. దీనికి వంకగా ఉద్యోగి పనితీరును పరిగణలోకి తీసుకుంటున్నాయి. అయితే  ఉద్యోగాల కోతకు కంపెనీల ఆర్థిక పరిస్థితులు, ఉద్యోగిపనితీరు మాత్రమే కాదంట. పనిచేసే ప్రాంతం కూడా కీలకమైనదిగా తాజా రిపోర్టులు పేర్కొంటున్నాయి. ఇండస్ట్రిలో ఉద్యోగులు పనిచేసే ప్రాంతం బట్టి కూడా వేటు పడుతుందని తెలిసింది.  ఇతర టైర్ 1 సిటీలతో పోలిస్తే ఢిల్లీలో పనిచేసే వారికి జాబ్ లాస్ రిస్క్ ఎక్కువగా ఉందని టీమ్ లీజ్ సర్వే వెల్లడించింది. ఢిల్లీ తర్వాత జాబ్ ఎక్కువగా పోయే అవకాశం బెంగళూరు, హైదరాబాద్ లోనే ఉందట. పుణేలో తక్కువ జాబ్ లాస్ రిస్క్ ఉందని టైమ్ లీజ్ తెలిపింది.