TV
సాక్షి, న్యూఢిల్లీ: నిధుల కొరత కారణంగా గత కొన్ని రోజులుగా అనేక సమస్యలను ఎదుర్కొంటున్న జెట్ ఎయిర్ 13 అంతర్జాతీయ సర్వీసులను తాత్కాలికంగా రద్దు చేసింది. ఏప్రిల్ చివరి వరకు పలు అంతర్జాతీయ సేవలను నిలిపివేసింది.
బెంగుళూరు-సింగపూర్, ఢిల్లీ-అబుదాబీ, ఢిల్లీ-డామన్, ఢిల్లీ-ఢాకా, డిల్లీ-హంగ్కాంగ్,ఢిల్లీ-రియాద్, కోల్కతా-ఢాకా, ముంబై-అబుదాబీ, ముంబై-బహ్రేన్, ముంబాయి-డామన్, ముంబై-హంగ్కాంగ్, పూణే-అబుదాబీ, పూణే-సింగపూర్ మార్గాల్లో సర్వీసులను తాత్కాలికంగా నిలిపివేసింది.
ఢిల్లీ-బ్యాంకాక్ మార్గాల్లో సర్వీసులను 3 నుంచి ఒకటికి తగ్గించగా, ఢిల్లీ-ఖాట్మాండు (4 నుంచి 2), ఢిల్లీ-సింగపూర్ (3 నుంచి 1), ముంబయి-బ్యాంకాక్(3 నుంచి1), ముంబాయి-దోహా(2 నుంచి 1), ముంబాయి-కువైట్ నగరం(2 నుంచి 1), ముంబాయి-సింగపూర్ (3 నుంచి1)కి తగ్గించుకుంది.
తాజా సమాచారం మేరకు జెట్ ఎయిర్వేస్ రూ. 8వేల కోట్ల అప్పుల్లో కూరుకుపోయింది. ఇవే కాకుండా అమ్మకందారులకు రూ.15 వేల కోట్ల మేర బకాయి పడింది. స్టాక్ మార్కెట్లోనూ జెట్ ఎయిర్వేస్ షేర్లు భారీగా పతనమయ్యాయి.
