నటుడు చలపతిరావు మహిళలను ఉద్దేశించి చేసిన వ్యాఖ్యలు, వాటిపై రేగిన దుమారం తామందరికీ ఒక గుణపాఠమని, నటీనటులంతా దీన్ని గుర్తించాలని సీనియర్ హీరో, మూవీ ఆర్టిస్ట్స్ అసోసియేషన్ (మా) ప్రతినిధి నరేష్ అన్నారు. ఇలాంటి కార్యక్రమాలు చాలావరకు జోకులతోనే కొనసాగుతాయని, కానీ కొంతమంది నటులు హాస్యానికి, అవసరం లేని వ్యాఖ్యలకు మధ్య ఉండే చిన్న మంచుపొరను గుర్తించకపోవడం వల్లే ఇలాంటి సమస్యలు వస్తాయని అన్నారు.