TV
అనకాపల్లి: మండల కేంద్రం నక్కపల్లిలో ఓ గిరినాగు అలజడి సృష్టిస్తోంది. వెంకటనగర్కాలనీలో మూడు రోజులుగా సుమారు ఆరు అడుగుల పొడవు ఉన్న సర్పం సంచరిస్తుండడంతో స్థానికులు భయాందోళన చెందుతున్నారు. ఓ యువకుడు రోడ్డుపక్కన ఉన్న ఈ గిరినాగు ఫొటో తీసి కాలనీవాసులకు చూపించడంతో వారంతా అప్రమత్తమయ్యారు. చాలా అరుదుగా కనిపించే గిరినాగు ఇక్కడ జనసంచారం ఎక్కువగా ఉన్న ప్రాంతాల్లో సంచరించడం పట్ల స్థానికుల్లో భయాందోళనలు నెలకొన్నాయి.
