11 ఎకరాల్లో ఏర్పాటు: సీఎం కేసీఆర్
  
  సాక్షి, హైదరాబాద్: హైదరాబాద్‌లోని ఇందిరాపార్కు సమీపంలో 11 ఎకరాల్లో అంతర్జాతీయ ప్రమాణాలతో ‘తెలంగాణ కళాభవన్’ను రాష్ట్ర ప్రభుత్వం నిర్మించనుంది. గతంలో ఇచ్చిన హామీ మేరకు సీఎం కేసీఆర్ ఈ నిర్ణయం తీసుకున్నట్లుగా పేర్కొంటూ ప్రభుత్వం మంగళవారం ఒక ప్రకటన జారీ చేసింది. ఇందిరాపార్కుకు సమీపంలోనే ఉన్న ఎన్టీఆర్ స్టేడియం స్థలంలో ఈ కళాభవన్‌ను నిర్మించనున్నట్లు సమాచారం. పేద వృద్ధ కళాకారుల పింఛన్‌ను రూ. 1,500కు పెంచిన నేపథ్యంలో తెలంగాణ జానపద కళాకారుల సంఘం అధ్యక్ష, కార్యదర్శులు వంగా శ్రీనివాస్‌గౌడ్, చెంచు లింగయ్య తదితరులు కేసీఆర్‌ను కలిసి కృతజ్ఞతలు తెలిపారు.
  


 హైదరాబాద్: తెలంగాణ రాష్ట్ర ముఖ్యమంత్రి కే చంద్రశేఖర్ రావు కవులు, కళాకారులతో సమావేశమయ్యారు. ఈ సందర్భంగా వీరికి వరాలు ప్రకటించారు.  తెలంగాణ ఉద్యమంతో మమేకమైన దాదాపు 500 మంది కళాకారులకు ఉద్యోగ అవకాశాలు కల్పించనున్నట్టు కేసీఆర్ చెప్పారు. ఇందుకోసం ప్రభుత్వ నిబంధనలను సడలించాలని నిర్ణయించారు.
 
 ఇందిరాపార్క్ సమీపంలో 11 ఎకరాల విస్తీర్ణంలో తెలంగాణ కళాభవన్ ఏర్పాటు చేయనున్నట్టు కేసీఆర్ చెప్పారు. తెలంగాణ సాంస్కృతిక సారథి పేరుతో కొత్త పథకాన్ని ప్రారంభించారు.