స్టార్ హీరోయిన్ సమంత సినిమాలతో పాటు సామాజిక కార్యక్రమాల్లోనూ చాలా యాక్టివ్ గా పాల్గొంటున్నారు. తానే స్వయంగా ప్రత్యూష ఫౌండేషన్ ను ఏర్పాటు చేసి చిన్నారుల కోసం ఎన్నో సేవా కార్యక్రమాలు నిర్వహిస్తున్నారు. తాజాగా ఈ ఫౌండేషన్ కోసం ఓ వేలంపాటను నిర్వహించనుంది సమంత. గతంలోనూ సినిమాల్లో టాప్ స్టార్స్ ఉపయోగించిన వస్తువులను, దుస్తులను వేలం వేసి పెద్ద ఎత్తున విరాళాలు కలెక్ట్ చేశారు. అదే బాటలో ఈ రోజు (శుక్రవారం) సాయంత్రం 6.30 నిమిషాలకు వేలం నిర్వహించనున్నట్టుగా ప్రకటించారు. గత వేలంలో దూకుడు సినిమాలో మహేష్ బాబు, గబ్బర్ సింగ్ సినిమాలో పవన్ వాడిన వస్తువులను వేలం వేసిన సమంత టీం, ఈ వేలం కోసం ఏడాదిగా స్టార్ హీరోల నుంచి వస్తువులను సేకరిస్తున్నారు. వేలం ద్వారా వచ్చిన మొత్తాన్ని ప్రత్యూష ఫౌండేషన్ ద్వారా సేవా కార్యక్రమాలకు వినియోగించనున్నారు. Launching the much awaited celebrity memorabilia AUCTION for Pratyusha tomorrow at 6:30 PM. Catch me LIVE on Pratyusha Support FB page. — Samantha Ruth Prabhu (@Samanthaprabhu2) 21 September 2017