తారే జమీన్ పర్, త్రీ ఇడియట్స్ లాంటి సందేశాత్మక చిత్రాల్లో నటించిన హీరో అమీర్ ఖాన్ ఇప్పుడు ధూమ్ 3లో దుమ్ము రేపాడు. కత్రినా కైఫ్తో కలిసి ఆక్రోబాట్ విన్యాసాలతో ఓ పాట చేశాడు. తన సిక్స్ ప్యాక్ బాడీని చూపిస్తూ కాగడా మంటలు పట్టుకుని, బీభత్సంగా డాన్స్ చేశాడు.
 ఇప్పటికే ధూమ్-3 ట్రైలర్లు ఆన్లైన్లో వీరవిహారం చేస్తుండగా తాజాగా యూట్యూబ్లో విడుదలైన మలంగ్ మలంగ్ పాట కూడా అదే స్థాయిలో నడుస్తోంది. ఇప్పటికే దాదాపు 26 లక్షల మందికి పైగా ప్రేక్షకులు ఈ పాట ట్రైలర్ చూశారు. 'మలంగ్ మలంగ్ దమ్ మలంగ్ మలంగ్.. మలంగ్ మలంగ్ దమ్ మలంగ్ మలంగ్ దమ్ ఇష్క్ హై మేరా' అంటూ ఈ పాట సాగింది. భారీ ఆక్రోబాట్ సెట్టింగు నడుమ లేజర్ లైట్లు, జూనియర్ డాన్సర్లతో అదరగొట్టారు.