బంతి వికెట్లను తాకినా.. బెయిల్స్ పడలేదు!

బంతి వికెట్లను తాకినా.. బెయిల్స్ పడలేదు!

మెల్ బోర్న్:వన్డే వరల్డ్ కప్ లో భాగంగా న్యూజిలాండ్ తో జరుగుతున్న ఫైనల్ మ్యాచ్ లో ఆస్ట్రేలియా ఆటగాడు స్టీవ్ స్మిత్ తృటిలో అవుటయ్యే ప్రమాదం నుంచి  తప్పించుకున్నాడు. 14 ఓవర్ ముగిసిన అనంతరం స్మిత్ బ్యాటింగ్ ఎండ్ లో ఉన్నాడు. ఆ తరుణంలో న్యూజిలాండ్ బౌలర్ హెన్రీ పదిహేనో ఓవర్ లో తొలి బంతిని సంధించాడు. ఆ బంతి స్మిత్ ప్యాడ్ లపై పడి వికెట్లను తాకింది. అయినా బెయిల్స్ పడకపోవడంతో స్మిత్ బతికి బయటపడ్డాడు. ఆ సమయానికి స్మిత్ 16 పరుగులతో క్రీజ్ లో ఉండగా ఆసీస్ రెండు వికెట్లు కోల్పోయి 68 పరుగులతో బ్యాటింగ్ చేస్తోంది.
 

ఈ వరల్డ్ కప్ లో ఆస్ట్రేలియా-పాకిస్థాన్ ల మధ్య జరిగిన క్వార్టర్ ఫైనల్ మ్యాచ్ లో ఇదే తరహా ఘటన చోటుచేసుకున్న సంగతి తెలిసిందే. మిస్బా-వుల్-హక్ బ్యాటింగ్ చేసే సమయంలో బంతి వికెట్లను తాకి లైట్లు వెలిగినా.. బెయిల్స్ మాత్రం పడలేదు.