ముందు ఒళ్లు కప్పుకో!

యాంకర్‌కు ఇంటర్వ్యూ ఇవ్వని ఆమ్లా
న్యూఢిల్లీ: మత సాంప్రదాయాలను పాటించే విషయంలో దక్షిణాఫ్రికా క్రికెటర్ హషీం ఆమ్లా బాగా పట్టుదల కనబరుస్తాడు. ఇటీవల భారత్‌తో జరిగిన వన్డే సిరీస్ సందర్భంగా జరిగిన ఒక ఘటన అతనిలోని ఈ కోణాన్ని మరోసారి బయటపెట్టింది. ఆలస్యంగా ఈ ఉదంతం వెలుగు చూసింది. ముంబైలో జరిగిన ఆఖరి మ్యాచ్ తర్వాత ప్రసారకర్తలకు చెందిన ఒక మహిళా వ్యాఖ్యాత ఆమ్లాను ఇంటర్వ్యూకు పిలిచింది.

అయితే ఆమె వేసుకున్న కురచ దుస్తులు, లో నెక్ టాప్ ఆమ్లాను ఇబ్బంది పెట్టాయి. ఈ స్థితిలో తను ఆమెకు ఇంటర్వ్యూ ఇవ్వలేనని, ముందు పూర్తిగా బట్టలు వేసుకోవాలని అతను చెప్పేశాడు. దాంతో ఆశ్చర్యపోయిన సదరు యాంకర్ తమ టీమ్‌తో మాట్లాడింది. వారు కూడా ఆమ్లా అభిప్రాయాన్ని గౌరవించి తమ యాంకర్ వేసుకున్న డ్రెస్‌ను వెంటనే మార్పించారు.