– చిన్నారుల టీకాలపై వైద్య, ఆరోగ్యశాఖ నిర్లక్ష్యం
– పది రోజులుగా అందుబాటులో లేని ‘ఐపీవీ’
– సరిపడా తెప్పించడంలో అధికారుల వైఫల్యం
– అవస్థలు పడుతున్న చిన్నారుల తల్లిదండ్రులు
అనంతపురం మెడికల్ : సకాలంలో టీకాలు వేయించడం శిశు వికాసానికి దోహదపడుతుంది. భవిష్యత్లో వచ్చే ప్రాణాంతక వ్యాధులకు ఈ టీకాలే రక్షణగా నిలుస్తాయి. అయితే వైద్య ఆరోగ్యశాఖ నిర్లక్ష్యం కారణంగా పిల్లలకు సకాలంలో వ్యాక్సినేషన్ చేయించలేని పరిస్థితి వస్తోంది. జిల్లా వ్యాప్తంగా పది రోజుల నుంచి ఇన్యాక్టివేటెడ్ పోలియో వ్యాక్సిన్ (ఐపీవీ) అందుబాటులో లేదు. మన జిల్లాలో ఒక బోధనాస్పత్రి (అనంతపురం సర్వజనాస్పత్రి), హిందూపురం జిల్లా కేంద్ర ఆస్పత్రి, రెండు ఏరియా ఆస్పత్రులు, 15 సామాజిక ఆరోగ్య కేంద్రాలు, 80 ప్రాథమిక ఆరోగ్య కేంద్రాన్నాయి. ఆయా ఆస్పత్రుల పరిధిలో ఏటా సుమారు 70 వేల మందికి పైగా చిన్నారులకు టీకాలు వేయించాల్సి ఉంటుంది. పిల్లలు వైకల్యం, అనారోగ్యం బారిన పడకుండా ఉండేందుకు పుట్టినప్పటి నుంచి ఆరోగ్య శాఖ నిర్ణయించిన సమయంలో వ్యాక్సిన్లు ఇప్పించాలి.
వీటిని కేంద్ర, రాష్ట్ర ప్రభుత్వాలు ఉచితంగా అందజేస్తాయి. ఈ టీకాలన్నింటిలో ప్రధానమైనది ఐపీవీ. చిన్నారులు పోలియోబారిన పడకుండా ఉండేందుకు దీన్ని వేస్తారు. అయితే ప్రస్తుతం జిల్లా వ్యాప్తంగా ఐపీవీ కొరత ఏర్పడింది. నిత్యం పదుల సంఖ్యలో వచ్చే సర్వజనాస్పత్రిలో ‘ఐపీవీ సూదిమందు లేదు’ అని బోర్డు పెట్టేశారు. ఇక్కడికి అనంతపురం నగరం నుంచే కాకుండా చుట్టు పక్కన మండలాల నుంచి పెద్ద ఎత్తున తల్లిదండ్రులు తమ చిన్నారులను తీసుకుని వస్తుంటారు. వ్యాధి నిరోధక టీకాల కార్యక్రమంలో భాగంగా బిడ్డకు ఆరు వారాల వయసు వచ్చాక ఐపీవీ–1 వేయాలి. 14 వారాలకు రెండో వ్యాక్సిన్ వేయాల్సి ఉంటుంది. ప్రస్తుతం ఐపీవీ ఎక్కడా అందుబాటులో లేకపోవడంతో ఆస్పత్రులకు వచ్చి వెనుదిరుగుతున్నారు. సర్వజనాస్పత్రికి వస్తున్న వారికి ఇక్కడి సిబ్బంది మరో వారం తర్వాత రండి అని చెప్పి పంపిస్తున్నారు.
ఇప్పటికే 10 రోజులుగా ఈ వ్యాక్సిన్ అందుబాటులో లేకున్నా అధికారులు వాటిని తెప్పించడంలో నిర్లక్ష్యం చూపుతున్నారు. కర్నూలులో ఉన్న రీజనల్ వ్యాక్సిన్ స్టోర్ నుంచి మనకు వ్యాక్సిన్లు సరఫరా కావాల్సి ఉంది. ఎప్పటికప్పుడు వైద్య ఆరోగ్యశాఖ అధికారులు క్షేత్రస్థాయిలో పర్యవేక్షిస్తూ వ్యాక్సిన్ల కొరత ఉంటే ఇండెంట్ పెట్టి తెప్పించుకోవాలి. కానీ రాష్ట్రానికి సరఫరా అయ్యే వ్యాక్సిన్లను జిల్లాల వారీగా విభజించి పంపిణీ చేస్తుండడంతో ఇక్కడి అధికారులు కనీసం ఇండెంట్ కూడా సరిగ్గా పెట్టడం లేదు. దీంతో వచ్చిన వాటిలోనే ఆస్పత్రుల స్థాయిని బట్టి పంపిణీ చేస్తున్నారు. సర్వజనాస్పత్రికి ఎక్కువ కేటాయిస్తున్నామని చెబుతున్నా అవి పది, 15 రోజులకే అయిపోతున్న పరిస్థితి. జిల్లాకు ప్రతి నెలా 8 వేల డోస్లు అవసరం అవుతుండగా సగం కూడా అందడం లేదు. జిల్లా పాలనాయంత్రాంగం ఇప్పటికైనా స్పందించి తగిన వ్యాక్సిన్లు అందుబాటులో ఉంచాలని చిన్నారుల తల్లిదండ్రులు కోరుతున్నారు.
ఇక్కడ కూడా లేదన్నారు
పాపకు మూడో రోడ్డులో ఉన్న సెంటర్లో టీకాలు వేయించేదాణ్ణి. ఐపీవీ వేయిద్దామని వెళితే లేదన్నారు. పెద్దాస్పత్రికి వెళ్లాలని అక్కడున్న వాళ్లు చెబితే వచ్చా. కానీ ఇక్కడ కూడా లేదు. వారం తర్వాత రమ్మన్నారు.
- యమున, రహమత్నగర్, అనంతపురం
15వ తేదీ రావాలంట
మామూలుగా వ్యాక్సిన్స్ అన్నీ పెద్దాస్పత్రిలోనే వేయిస్తా. ఈ రోజు (శుక్రవారం) ఐపీవీ వ్యాక్సిన్ వేయించాల్సి ఉంది. బుక్కులో చూసుకుని వస్తే అది లేదన్నారు. ఈ నెల 15వ తేదీన ఒకసారి వచ్చి వెళ్లమన్నారు. అప్పుడు కూడా వస్తుందో రాదో!.
- శారద, అశోక్నగర్, అనంతపురం
ఏదీ శిశు‘వికాసం’?!
Published Sat, Jun 10 2017 11:17 PM
Advertisement
స్టార్ హీరోలతో యాక్టింగ్.. ఆ కమెడియన్ ఇలా అయిపోయాడేంటి!
భర్తతో విడిపోయిన హీరోయిన్.. కూతురితో కలిసి..
మారిన క్రెడిట్ కార్డ్ నిబంధనలు.. మే 1 నుంచి అమల్లోకి..
గోబెల్స్ స్ఫూర్తితో.. ప్రధాని మోదీపై జైరాం ఆగ్రహం
ఇక ‘వందే మెట్రో’.. రైల్వే కీలక అప్డేట్
హైదరాబాద్లో భారీగా పెరిగిన ఆఫీస్ లీజింగ్
అతి త్వరలోనే గ్రేట్ సమ్మర్ సేల్.. స్మార్ట్ఫోన్లపై భారీ డిస్కౌంట్లు!
Shankar-Ram Charan Movie: సరికొత్త పాత్రలో చెర్రీ
కొత్త రకం ఏటీఎంలు.. భారత్తో తొలిసారి
ఉత్తరాఖండ్ టూరిజం ఆధ్వర్యంలో ‘నక్షత్ర సభ’: థ్రిల్లింగ్ అనుభవం కావాలంటే!
ఆది సాయికుమార్ కొత్త మూవీ.. గోవాలో మ్యూజిక్ సిట్టింగ్స్
కాంగ్రెస్కు శామ్ పిట్రోడా రాజీనామా
స్టార్ హీరోలతో యాక్టింగ్.. ఆ కమెడియన్ ఇలా అయిపోయాడేంటి!
ఫ్రెండ్ కోసం పెళ్లినే వాయిదా వేసుకున్న హీరోయిన్ (ఫోటోలు)
ఓట్ల తాయిలాలు షురూ.. బీజేపీపై దీదీ ఫైర్
IPL 2024: సన్రైజర్స్, లక్నో మ్యాచ్.. లంక యువ స్పిన్నర్ అరంగేట్రం
ఒక్క క్లిక్తో ‘ఏపీ పాలిసెట్’ ఫలితాలు
సుప్రీత మైండ్ బ్లోయింగ్ గ్లామర్.. ఫారెన్ వీధుల్లో కేతిక!
IPL 2024 SRH VS LSG: మరో మూడేస్తే..!
ఐసీఎంఆర్ విడుదల చేసిన ఆహార మార్గదర్శకాలు ఇవే..
తప్పక చదవండి
- ఓట్ల తాయిలాలు షురూ.. బీజేపీపై దీదీ ఫైర్
- ఒక్క క్లిక్తో ‘ఏపీ పాలిసెట్’ ఫలితాలు
- సుప్రీత మైండ్ బ్లోయింగ్ గ్లామర్.. ఫారెన్ వీధుల్లో కేతిక!
- పిట్రోడా వ్యాఖ్యల దుమారం.. నిర్మలా సీతారామన్ ఆగ్రహం
- పవన్ మూవీ రిలీజ్ డేట్కి టెండర్ వేసిన 'దేవర'?
- ఓటీటీలోకి వచ్చేస్తున్న మరో వివాదాస్పద మూవీ
- టీ20 వరల్డ్కప్ 2024 కోసం భారత బి టీమ్.. కెప్టెన్గా కేఎల్ రాహుల్..!
- ‘నోరు మెదపరేం రాహుల్జీ?’..ప్రధాని మోదీ విమర్శలు
- ల్యాండ్ టైట్లింగ్ చట్టం నిజాలివిగో..
- బాబోస్తే ఆరోగ్యశ్రీ గో..వింద
Advertisement