సగం పోస్టులు ఖాళీ!

 విజయనగరం ఫూల్‌బాగ్ న్యూస్‌లైన్ :   జిల్లా కేంద్రంలోని పరిశ్రమల శాఖకు సిబ్బంది కొరత వేధిస్తోంది. అటెండర్ నుంచి జనరల్ మేనేజర్ వరకు పోస్టుల న్నీ ఖాళీగా ఉన్నాయి. ఫలితంగా ఉన్న సిబ్బందిపై పని ఒత్తిడి పెరుగుతోంది. దీంతో పనులు కూడా సకాలంలో జరగడం లేదన్న ఆరోపణలు వినిపిస్తున్నాయి. జిల్లాలో చిరు వ్యాపారుల నుంచి పెద్ద మొ త్తంలో వ్యాపారం చేసుకునే వారు రుణాల కోసం పరిశ్రమల శాఖను ఆశ్రయిస్తుంటారు. అయితే కార్యాలయం లో తగిన సిబ్బంది లేకపోవడంతో వ్యాపారులకు పూర్తిస్థాయిలో సేవలు అందడం లేదు. సిబ్బంది ఎంత కష్టపడినా పనులు సకాలంలో జరగడం లేదు. కార్యాలయం లో సగం పోస్టులను ఏళ్ల తరబడి భర్తీ చేయడం లేదు.జనరల్ మేనేజర్ పోస్టు కూడా ప్రస్తుతం ఖాళీగా ఉంది. విశాఖపట్నం పరిశ్రమల శాఖ డిప్యూటీ డెరైక్టర్ ఎస్‌వీ గిరిధరరావు ప్రస్తుతం ఇక్కడ డిప్యూటేషన్‌పై జీఎంగా విధులు నిర్వర్తిస్తున్నారు. రెగ్యులర్ జీఎం లేకపోవడం తో రుణాల కోసం దరఖాస్తులు చేసుకునే వారు ఇబ్బం దులకు గురవుతున్నారు. వాస్తవానికి ఈ కార్యాలయంలో 9 మంది ఇండస్ట్రియల్ ప్రమోషన్ ఆఫీసర్స్ (ఐపీఓ) ఉండాలి. కానీ న లుగురు మాత్రమే ఉన్నారు.