సాక్షి, హైదరాబాద్‌: ప్రముఖ బాత్‌రూమ్‌ ఉత్పత్తుల తయారీ కంపెనీ పారీవేర్‌ విపణిలోకి నూతన శ్రేణి ఉత్పత్తులను విడుదల చేసింది. థర్మోస్టిక్, ఓవర్‌హెడ్, రెయిన్‌ షవర్స్, బాడీ జెట్స్, మల్టీజెట్‌ పేరిట విడుదల చేసినట్లు కంపెనీ ఒక ప్రకటనలో తెలిపింది. సహజసిద్ధమైన వానల వల్ల ఎలాంటి అనుభూతి కలుగుతుందో ఆయా ఉత్పత్తుల నుంచి జాలువారే నీళ్లు కూడా అంతే అనుభూతిని కలిగిస్తాయని రోకా బాత్‌రూమ్‌ ప్రొడక్ట్స్‌ ఎండీ కేఈ రంగనాథన్‌ తెలిపారు. వీటిని స్టెయిన్‌ లెస్‌ స్టీల్, గ్లాస్‌తో రూపొందించినట్లు పేర్కొన్నారు. ధరల శ్రేణి రూ.13 వేల నుంచి ప్రారంభమవుతాయి. రోకా ఇండియా బ్రాండే ఈ పారీవేర్‌.


 బాత్రూం ఉత్పత్తుల సంస్థ 'హింద్వేర్'కు బాలీవుడ్ బాద్షా షారుక్ ఖాన్ ప్రచారకర్తగా ఉండబోతున్నారు. ఆ సంస్థ పనితీరు తనకు నచ్చడం వల్లే వాళ్ల ఆఫర్ను అంగీకరిస్తున్నట్లు షారుక్ చెప్పారు. చాలా ఏళ్లుగా బాత్రూం ఉత్పత్తులు అంటేనే హింద్వేర్ గుర్తుకొస్తుందని ఆయన అన్నారు. త్వరలోనే ఆ సంస్థ ప్రారంభించే 360 డిగ్రీల సమీకృత ప్రచారంలో షారుక్ పాల్గొంటారు.
 
 కాగా, షారుక్ పాటించే విలువలను దృష్టిలో ఉంచుకునే అతడిని తాము ఎంచుకున్నట్లు హెచ్ఎస్ఐఎల్ జాయింట్ ఎండీ సందీప్ సోమానీ తెలిపారు. దేశంలో ఏ వయసు వాళ్లయినా కూడా షారుక్ను అభిమానించకుండా ఉండలేరని, అన్ని వర్గాలకూ ఆయన కావల్సిన వాడేనని చెప్పారు. బాత్రూం ఉత్పత్తులు అనేవి మగవాళ్లకో.. లేదా ఆడవారికో మాత్రమే పరిమితం కాదని షారుక్ తెలిపారు.