నెహ్రూనగర్‌: ౖవెఎస్సార్‌ కాంగ్రెస్‌ పార్టీకి పట్టం కట్టేందుకు ప్రజలంతా సిద్దంగా ఉన్నారని ఆ పార్టీ తూర్పు ఎమ్మెల్యే అభ్యర్థి నూరి ఫాతిమా పేర్కొన్నారు. శనివారం తూర్పు ఎమ్మెల్యే కార్యాలయంలో ఫాతిమా విలేకర్ల సమావేశం నిర్వహించారు.ఈ సందర్భంగా ఆమె మాట్లాడుతూ శనివారంతో ఎన్నికల ప్రచారం పూర్తయిందని, ఇంత కాలం చేసిన ప్రచారం ఎన్నికల ప్రచారంలాగా లేదని, వారిని అప్యాయంగా కలిసి మమేకమయినట్లు ఉందన్నారు. ముస్లిం రిజర్వేషన్లుపై మాట్లాడినందుకు ముస్లిం కుటుంబంపై టీడీపీ నాయకులు దాడి చేశారని, అధికారంలోకి రాకముందే ఇలా దాడులు జరిపితే రేపు అధికారంలోకి వస్తే సామాన్య ప్రజానీకం బ్రతికే పరిస్థితి ఉండదన్నారు. ప్రజలు ఈ విషయాలను దృష్టిలో ఉంచుకుని ఓట్లు వేయాలని కోరారు. రాష్ట్రంలో సీఎం వైఎస్‌ జగన్‌ను తిరిగి ముఖ్యమంత్రిని చేసుకునేందుకు రాష్ట్ర ప్రజలంతా సిద్దంగా ఉన్నారని చెప్పారు.

ప్రైవేటు పాఠశాలల సంఘం వైఎస్సార్‌ సీపీ రాష్ట్ర అధ్యక్షుడు భీమనాథం పేరిరెడ్డి గుంటూరు ఎడ్యుకేషన్‌: సీఎం వైఎస్‌ జగన్‌మోహన్‌రెడ్డిని మళ్లీ ముఖ్యమంత్రిగా గెలిపించుకుంటేనే సంక్షేమాభివృద్ధి సాధ్యమవుతుందని రాష్ట్ర ప్రైవేటు పాఠశాలల యాజమాన్య సంఘం వైఎస్సార్‌ సీపీ అధ్యక్షుడు భీమనాథం పేరిరెడ్డి స్పష్టం చేశారు. శనివారం బ్రాడీపేటలోని ఓ హోటల్లో పేరిరెడ్డి విలేకరులతో మాట్లాడుతూ వైఎస్సార్‌సీపీ మేనిఫెస్టోకు, ఆచరణ సాధ్యం కాని హామీలతో వచ్చిన టీడీపీ మేనిఫెస్టోకు తేడాను పరిశీలించాలని విజ్ఞప్తి చేశారు. నాడు–నేడు ద్వారా ప్రభుత్వ పాఠశాలల రూపురేఖలను మార్చిన సీఎం వైఎస్‌ జగన్‌ పేదరికంలో మగ్గుతున్న పిల్లలకు అండగా నిలిచారని చెప్పారు. జగనన్న విద్యాదీవెన, వసతి దీవెన, సీబీఎస్‌ఈ సిలబస్‌, ఇంగ్లిష్‌ మీడియం బోధనతో భావితరాలకు బంగారు భవిష్యత్‌ అందిస్తున్న జగన్‌కు ప్రజలు అండగా నిలవాలని విజ్ఞప్తి చేశారు. వెఎస్సార్‌ సీపీ రాష్ట్ర మహిళా సంయుక్త కార్యదర్శి బండ్లమూడి రోజారాణి, కాపు సంక్షేమ సంఘ రాష్ట్ర అధ్యక్షుడు బండ్ల శ్రీనివాసరావు, ఏపీ హిస్టరీ అకాడమీ డైరెక్టర్‌ జక్కిరెడ్డి సుబ్బాయమ్మ పాల్గొన్నారు.

అరుదైన శస్త్రచికిత్స చేసిన శ్రేష్ట హాస్పటల్‌ వైద్యులు గుంటూరు మెడికల్‌: కడుపులో నొప్పి, శ్వాస ఇబ్బందితో బాధపడుతూ చికిత్స కోసం వచ్చిన 55 సంవత్సరాల మహిళ కడుపు నుంచి 14 కిలోల కణితి తొలగించి ప్రాణాపాయ స్థితి నుంచి కాపాడినట్లు శ్రేష్ట హాస్పటల్‌కు చెందిన వైద్య బృందం వెల్లడించారు. శనివారం స్థానిక గుజ్జనగుండ్ల సెంటర్‌లోని శ్రేష్ట హాస్పటల్‌లో జరిగిన విలేకరుల సమావేశంలో అరుదైన శస్త్రచికిత్స వివరాలను మీడియాకు వివరించారు. గుంటూరుకు చెందిన 55 సంవత్సరాల మహిళ తీవ్ర అనారోగ్యంతో తమ ఆసుపత్రికి చికిత్స కోసం వచ్చిందన్నారు. ఆమెకు వైద్య పరీక్షలు చేయగా కడుపులో 35 సెంటీమీటర్ల పొడవు ఉన్న 14 కిలోల కణితి ఉన్నట్లు గుర్తించామన్నారు. పేగులకు అతుక్కుని ఆపరేషన్‌ చేసేందుకు కష్టంగా ఉన్న కణితి నుంచి తొలుత పది లీటర్ల ద్రవాన్ని బయటకు తీశామన్నారు. గతనెలలో అరుదైన శస్త్రచికిత్స చేసి కణితి తొలగించి బయాస్పీ చేయగా క్యాన్సర్‌ లేదని నిర్ధారణ జరిగిందన్నారు. ఆరోగ్యం కుదుటపడడంతో ఆపరేషన్‌ చేసిన నాలుగు రోజుల్లోనే మహిళను డిశ్చార్జి చేశామన్నారు. మహిళలు తరచుగా వైద్య పరీక్షలు, స్క్రీనింగ్‌ పరీక్షలు చేయించుకోవడం ద్వారా కణితులను ముందస్తుగానే గుర్తించవచ్చన్నారు. కణితులు పెరిగితే క్యాన్సర్‌గా మారే ప్రమాదం ఉందని, తద్వారా ప్రాణాలకు ముప్పు వాటిల్లుతోందన్నారు. శరీరంలో ఎలాంటి ట్యూమర్లు ఉన్నా అశ్రద్ధ చేయకుండా తక్షణమే వైద్యులను సంప్రదించాలని వైద్యబృందం వెల్లడించారు. సమావేశంలో శ్రేష్ట హాస్పటల్‌ చైర్మన్‌ డాక్టర్‌ లక్ష్మణస్వామి, గైనకాలజిస్టులు డాక్టర్‌ లక్ష్మీకాంతం, డాక్టర్‌ కీర్తి, ల్యాప్రోస్కోపిక్‌ సర్జన్‌ డాక్టర్‌ మొయిన్‌, డాక్టర్‌ విద్యాసాగర్‌, మత్తువైద్యనిపుణురాలు డాక్టర్‌ సాహితి పాల్గొన్నారు.

ఎమ్మెల్యే అభ్యర్థి మేకతోటి సుచరిత మేడికొండూరు : బడుగు, బలహీన వర్గాలను గుర్తించి ప్రాతినిధ్యం కల్పిస్తూ దేశంలో ఏ రాష్ట్రంలో లేని సామాజిక న్యాయం అమలు చేస్తున్న సమసమాజ స్థాపకుడు జగనన్నను మళ్లీ సీఎం చేసుకోవాలని వైఎస్సార్‌ కాంగ్రెస్‌పార్టీ తాడికొండ నియోజకవర్గ ఎమ్మెల్యే అభ్యర్థి మేకతోటి సుచరిత కోరారు.మండల పరిధిలోని సిరిపురం గ్రామంలో శనివారం సుచరిత ప్రచారం నిర్వహించారు. ఈసందర్భంగా సుచరిత మాట్లాడుతూ బడుగు, బలహీన వర్గాలను గుర్తించి ప్రాతినిధ్యం కల్పిస్తూ దేశంలో ఏ రాష్ట్రంలో లేని సామాజిక న్యాయం అమలు చేస్తున్న సమసమాజ స్థాపకుడు మన జగనన్నను మళ్లి సీఎంను చేసుకోవాలని పిలుపునిచ్చారు. నిరుపేద కుటుంబాల జీవన ప్రమాణం పెంచడమే అసలైన అభివృద్ధి అన్నారు. ఎన్నడూ లేనంత సంక్షేమ పథకాలు అమలు చేస్తున్న జగనన్న మన రాష్ట్రానికి ముఖ్యమంత్రి కావాలన్నారు. కార్యక్రమంలో గ్రామ సర్పంచ్‌ కుంభా త్రివేణి శివయ్య, పార్టీ గ్రామ నాయకుడు శౌరెడ్డి జైపాల్‌రెడ్డి, జోసఫ్‌రెడ్డి, కంకణాలపరమేశ్వరరావు, విజయమ్మ, సాంబశివరావు, పిల్లి నరేష్‌, పాపారావు, కాశిమల్ల సుమన్‌, మిరియాల శివరామకృష్ణ, మండల కన్వీనర్‌ తాళ్లూరి వంశీకృష్ణ, జేసీఎస్‌ కన్వీర్‌ అబ్బాస్‌, ఆవుల సంజీవరెడ్డి, అల్లు శ్రీనివాసరెడ్డి, నాగేశ్వరరావు, కె.కిషోర్‌, పలు గ్రామాల సర్పంచ్‌, వార్డు మెంబర్లు పాల్గొన్నారు.

మంగళగిరి: వైఎస్సార్‌ లా నేస్తంతో న్యాయవాదులను ఆదుకున్నది వైఎస్సార్‌సీపీ ప్రభుత్వమేనని ఎమ్మెల్యే ఆళ్ల రామకృష్ణారెడ్డి (ఆర్కే) తెలిపారు. శనివారం నగర పరిధిలోని ఆత్మకూరులో ఏర్పాటు చేసిన వైఎస్సార్‌ సీపీ హైకోర్టు లీగల్‌ సెల్‌ ఆత్మీయ సమావేశంలో ఎమ్మెల్యే ఆర్కే, ఎమ్మెల్సీలు మురుగుడు హనుమంతరావు, పోతుల సునీత, వైఎస్సార్‌సీపీ అభ్యర్థి మురుగుడు లావణ్య, మాజీ ఎమ్మెల్యే కాండ్రు కమలల పాల్గొన్నారు. ఈ సందర్భంగా ఎమ్మెల్యే ఆర్కే, ఎమ్మెల్సీ హనుమంతరావు, సునీత మాట్లాడుతూ న్యాయవాద వృత్తిలో ఇబ్బంది పడుతున్న వారిని ఆదుకునేందుకు సీఎం జగన్‌మోహన్‌రెడ్డి వైఎస్సార్‌ లా నేస్తం ప్రవేశపెట్టారన్నారు. న్యాయవాదులంతా వైఎస్సార్‌సీపీ గెలుపునకు కృషి చేసి మళ్లీ సీఎంగా జగన్‌మోహన్‌రెడ్డిని చేసుకోవాలన్నారు. గతంలో ఎన్నడూ లేని విధంగా న్యాయవాదులను గుర్తించి వారికి లా నేస్తం పథకం అందించిన ఘనత వైఎస్సార్‌సీపీ ప్రభుత్వానిదన్నారు. న్యాయవాదులంతా వైఎస్సార్‌ సీపీ ప్రభుత్వానికి అండగా నిలవాలని కోరారు వైఎస్సార్‌ కాంగ్రెస్‌ పార్టీ లీగల్‌ సెల్‌ అధ్యక్షుడు మోహన్‌రెడ్డి మాట్లాడుతూ రాష్ట్రంలో వైఎస్సార్‌సీపీని గెలిపించి జగన్‌మోహన్‌రెడ్డిని సీఎంగా చేసుకోవడంతో పాటు మంగళగిరిలో లావణ్య విజయం కోసం న్యాయవాదులమంతా కృషి చేస్తామని తెలిపారు. కార్యక్రమంలో పలువురు న్యాయవాదులు పాల్గొన్నారు. హైకోర్టు లీగల్‌ సెల్‌ ఆత్మీయ సమావేశంలో ఎమ్మెల్యే ఆళ్ల రామకృష్ణారెడ్డి(ఆర్కే) హాజరైన ఎమ్మెల్సీ మురుగుడు హనుమంతరావు, పోతుల సునీత