సిరిసిల్లటౌన్‌: వలస కూలీలను తమ స్వస్థలాలకు తరలించే క్రమంలో పోలీసులు, టీఆర్‌ఎస్‌ నాయకులతో మాజీ ఎంపీ, కాంగ్రెస్‌ పార్టీ సీనియర్‌ నాయకుడు వి.హనుమంతరావు వాగ్వాదానికి దిగారు. పరిస్థితి చేయిదాటకుండా డీఎస్పీ చంద్రశేఖర్‌ ఆధ్వర్యంలో శుక్రవారం రాత్రి 10.15 గంటల ప్రాంతంలో వీహెచ్‌ను అరెస్టు చేశారు. ఒడిశాకు చెందిన కార్మికులను తమ సొంత ఊళ్లకు పంపించడానికి కాంగ్రెస్‌ నాయకులు మూడు ప్రైవేటు బస్సులను మాట్లాడి, వాటికి అనుమతి తీసుకున్నట్లు పట్టణ కాంగ్రెస్‌ అధ్యక్షుడు సంగీతం శ్రీనివాస్‌ తెలిపారు. పట్టణ శివారులో సుమారు 60 మంది కార్మికులు ఉండటంతో పోలీసులు ఒక బస్సుకు డ్రైవర్‌ కాకుండా ఏడుగురినే తరలించేందుకు అనుమతి ఉందని పేర్కొన్నారు. ఆగ్రహానికి గురైన వీహెచ్‌.. ‘కేటీఆ ర్‌.. ఇదేం దాదాగిరి.. ఇదేం ప్రజాస్వామ్యం.. కాంగ్రెసోళ్లు సాయం చేయద్దా.. చేస్తే.. తప్పా?’ అని ధ్వ జమెత్తారు. పోలీసులతో కలిసి అధికార పార్టీ నా యకులు వలస కార్మికులను స్వస్థలాలకు పంపించకుండా అడ్డుకుంటుందని ఆరోపించారు. కొద్దిసేప టి తర్వాత టీఆర్‌ఎస్‌ నాయకులు, పోలీసులతో వా గ్వాదానికి దిగారు. ఆయన పరుశపదజాలం వాడారంటూ టీఆర్‌ఎస్‌ నాయకులు ప్రతిఘటించారు. ఈక్రమంలోనే డీఎస్పీ చంద్రశేఖర్, టౌన్‌ సీఐ వెంకటనర్సయ్య ఆధ్వర్యంలో వీహెచ్‌ను అరెస్టు చేశారు.


 విజయవాడ: ప్రస్తుతం ఆంధ్రప్రదేశ్‌లో అరాచక పాలన కొనసాగుతోందని కాంగ్రెస్ సీనియర్ నేత వి. హనుమంతరావు వ్యాఖ్యానించారు. అధికారం ఉంది కదా అని ప్రజల మనోభావాలతో సంబంధం లేకుండా పురాతన, చారిత్రక ఆనవాళ్లను ముఖ్యమంత్రి చంద్రబాబు నాయుడు కూలగొడుతున్నారని ఆరోపించారు. సోమవారం ఆయన విజయవాడలో విలేకరులతో మాట్లాడారు. అన్నాహజారే స్ఫూర్తి అని చెప్పే ముఖ్యమంత్రి.. ఆయన ప్రతిష్ఠించిన మహాత్మాగాంధీ విగ్రహాన్ని కూడా కూలగొట్టడం దారుణమైన విషయమన్నారు.
 వేల సంవత్సరాల క్రితం అర్జునుడు తపస్సు చేసిన ప్రాంతంగా భావించే విజయేశ్వరి ఆలయాన్ని కూలగొట్టడం నియంతృత్వ పాలన కాక ఇంకేమిటని ప్రశ్నించారు. అయోధ్యలో రాయాలయం నిర్మిస్తామంటున్న ఆర్‌ఎస్‌ఎస్, విశ్వహిందూపరిషత్ వంటి సంస్థలు, తిరుమలలో వెయ్యికాళ్ల మండపం కూల్చినప్పుడు శాపనార్థాలు పెట్టిన చినజీయర్ స్వామీజీ.. వీరంతా ఇప్పుడు ఎక్కడికి పోయారన్నారు. ప్రతిరోజూ పూజారి వేషధారణలో గుడికి వెళ్లే గవర్నర్ నరసింహన్ నోరు మెదపాల్సిన సమయం ఆసన్నమైందన్నారు.
 విజయవాడలో జరుగుతున్న అరాచకాలపై ప్రధానమంత్రి, కేంద్ర హోం మంత్రికి లేఖ రాసినట్లు తెలిపారు. తాను తెలంగాణ రాష్ట్రానికి చెందినవాడినైనా.. ఎక్కడ అన్యాయం జరిగితే అక్కడ ఉంటానన్నారు. ఇప్పటి సీఎం విదేశాలను పొగడడం ఫ్యాషనయిందని, అందుకే వీరికి దేశీయ సంప్రదాయాలు తెలియడం లేదన్నారు. కూల్చివేసిన గుళ్లను పునర్నిర్మించేవరకు ఆందోళన ఆగదని వీహెచ్ ప్రభుత్వాన్ని హెచ్చరించారు.