మావోయిస్టులపై జిల్లా ఎస్పీ రవిప్రకాష్‌ మండిపాటు
 రాజవొమ్మంగి : అమాయక గిరిజనులపై ఇన్‌ఫార్మర్లు అని ముద్రవేసి, వారిని వేధిం చడం క్రూరమని, మావోయిస్టులు తమ సిద్ధాంతాలను పక్కనపెట్టి వీధిరౌడీల్లా ప్రవర్తిస్తున్నారని జిల్లా ఎస్పీ రవిప్రకాష్‌ మండిపడ్డారు. చింతూరు ప్రాంతంలో పా స్టర్‌ను హతమార్చడం, గిరిజనులను అపహరించడం హేయమైన చర్యలని అభివర్ణించారు. రాజవొమ్మంగిలో రూ.2 కోట్ల తో నిర్మించిన పోర్టిఫైడ్‌ పోలీసు స్టేషన్‌ను శనివారం ఆయన పరిశీలించారు. ఈ భవ నం ఎదుట ఏర్పాటు చేసేందుకు అల్లూరి సీతారామరాజు నిలువెత్తు విగ్రహం సిద్ధం గా ఉందన్నారు. స్థానిక పోలీసు స్టేషన్‌లో విలేకరులతో మాట్లాడుతూ ఏజెన్సీలో అలజడి సృష్టించాలని చూస్తే సహించేది లేదని మావోయిస్టులను హెచ్చరించారు. ఛత్తీస్‌గఢ్, ఇతర రాష్ట్రాల నుంచి అమాయక గిరిజనులను (గుత్తికోయలను) ఇక్కడకు రప్పించి, ఇక్కడ నివసిస్తున్న కోయజాతి గిరిజనులపైకి ఉసిగొల్పుతున్నారని పేర్కొన్నారు. గంజాయి రవాణాను సమర్ధంగా అరికట్టగలుగుతున్నామని తెలిపా రు.  గంజాయి షీట్స్‌ తెరచి, గంజాయి రవాణాకు పాల్పడుతున్న వారి పేర్లు, చిరునామా ప్రతి పోలీసుస్టేçÙన్‌లో ప్రదర్శిస్తామని వెల్లడించారు. వారి వివరాలను ‘స్టేట్‌ క్రైం రిపోర్టు బ్యూరో’ వెబ్‌సైట్‌లో పెడతామన్నారు. అల్లూరి సందర్శించిన బ్రిటిష్‌ కాలం నాటి పోలీసు స్టేషన్లను అల్లూరి స్మారక చిహ్నాలుగా తీర్చిదిద్దుతున్నామని వివరించారు. ఇన్‌చార్జ్‌ సీఐ ముక్తేశ్వరరావు, ఎస్సై స్వామినాయుడు ఆయన వెంట ఉన్నారు.