ఇంగ్లండ్‌తో టీ20 సిరీస్‌లో టీమిండియా కెప్టెన్‌ సూర్యకుమార్‌ యాదవ్‌(Suryakumar Yadav) వైఫల్యాలు కొనసాగుతున్నాయి. కోల్‌కతా టీ20లో మూడు బంతులు ఎదుర్కొన్న ఈ కుడిచేతి వాటం బ్యాటర్‌ డకౌట్‌ అయ్యాడు. ఇంగ్లండ్‌ పేసర్‌ జోఫ్రా ఆర్చర్‌(Jofra Archer) బౌలింగ్‌లో.. వికెట్‌ కీపర్‌ ఫిల్‌ సాల్ట్‌కు క్యాచ్‌ ఇచ్చి.. పరుగుల ఖాతా తెరవకుండానే పెవిలియన్‌ చేరాడు.తీరు మార్చుకోని సూర్యఇక చెన్నైలో జరిగిన రెండో టీ20లోనూ సూర్య నిరాశపరిచాడు. ఏడు బంతులు ఎదుర్కొన్న ఈ ‘మిస్టర్‌ 360’.. మూడు ఫోర్లతో టచ్‌లోకి వచ్చినట్లు కనిపించాడు. కానీ 12 పరుగుల వద్ద పేసర్‌ బ్రైడన్‌ కార్సే బౌలింగ్‌లో బౌల్డ్‌ అయ్యాడు. తాజాగా రాజ్‌కోట్‌(Rajokot T20I) వేదికగా సాగిన మూడో టీ20లోనూ సూర్య విఫలమయ్యాడు. ఈ వన్‌డౌన్‌ బ్యాటర్‌ ఏడు బంతులు ఎదుర్కొని ఒక ఫోర్‌, ఒక సిక్సర్‌ సాయంతో 14 పరుగులు చేశాడు.ఈ క్రమంలో ఇంగ్లండ్‌ పేసర్‌ మార్క్‌ వుడ్‌ బౌలింగ్‌లో సాల్ట్‌కు క్యాచ్‌ ఇచ్చి నిష్క్రమించాడు. అయితే, తొలి రెండు మ్యాచ్‌లలో టీమిండియా గెలుపొందడంతో సూర్య వైఫల్యంపై పెద్దగా చర్చ జరుగలేదు. ఆ రెండు టీ20లలో బౌలర్లతో పాటు.. వరుసగా అభిషేక్‌ శర్మ(34 బంతుల్లో 79), తిలక్‌ వర్మ(55 బంతుల్లో 72*) బ్యాట్‌తో రాణించడంతో భారత్‌ గెలుపొందింది.అయితే, మూడో టీ20లో బ్యాటర్లంతా చేతులెత్తేయడంతో ఓటమి తప్పలేదు. ముఖ్యంగాబ్యాటింగ్‌ ఆర్డర్‌లో మార్పులు, సూర్య వైఫల్యం ప్రధానంగా చర్చకు వచ్చింది. ఈ నేపథ్యంలో ఇంగ్లండ్‌ మాజీ కెప్టెన్‌ మైకేల్‌ వాన్‌ సూర్యకుమార్‌ యాదవ్‌ ఆట తీరుపై ఆ‍గ్రహం వ్యక్తం చేశాడు.అంత తొందరెందుకు? కళ్లు మూసి తెరిచేలోపే‘‘ఎల్లప్పుడూ దూకుడుగానే ఆడాలని భావిస్తే.. అందుకు సరైన బంతిని ఎంచుకోవడం అత్యంత ముఖ్యం. అలా కాకుండా ఏ బంతికైనా అగ్రెసివ్‌గానే ఉంటానంటే కుదరదు. ప్రతి బాల్‌ను బౌండరీకి తరలించడం కుదరదు కదా!..టీమిండియా ఈ స్థాయిలో ఉందంటే.. అందుకు వారి అత్యుత్తమ ఆటగాళ్లు ఫామ్‌లో ఉండటమే కారణం. అందుకే వాళ్లు వరల్డ్‌ చాంపియన్స్‌ అయ్యారు. కానీ.. పదే పదే ఒకే తరహా తప్పులు చేస్తే ఎలా? సూర్యకుమార్‌ యాదవ్‌ వచ్చాడు.. రెండు మంచి షాట్లు ఆడాడు. అంతే.. కన్నుమూసి తెరిచేలోగా మళ్లీ డగౌట్‌కు చేరుకున్నాడు. జట్టు గెలుపునకు అతడు తన వంతు సహకారం అందించనేలేదు’’ అని మైకేల్‌ వాన్‌ క్రిక్‌బజ్‌ షోలో వ్యాఖ్యానించాడు. కాగా రాజ్‌కోట్‌లో ఐదు ఓవర్లు ముగిసేసరికి టీమిండియా స్కోరు 48-2 ఉన్న సమయంలో సూర్య క్రీజులోకి వచ్చాడు. రాగానే జోఫ్రా ఆర్చర్‌ బౌలింగ్‌లో రెండు షాట్లు బాదిన సూర్య.. మార్క్‌ వుడ్‌ బౌలింగ్‌లోనూ తన ట్రేడ్‌మార్క్‌ ఫ్లిక్‌ షాట్‌ ఆడేందుకు ప్రయత్నించాడు. ఈ క్రమంలో బంతి గాల్లోకి లేవగా.. ఫిల్‌ సాల్ట్‌ క్యాచ్‌ అందుకున్నాడు. కాగా ఇంగ్లండ్‌తో మూడో టీ20లో టాస్‌ గెలిచిన టీమిండియా తొలుత బౌలింగ్‌ చేయగా.. బట్లర్‌ బృందం 171 పరుగులు చేసింది. అయితే, లక్ష్య ఛేదనలో సూర్యసేన 145 పరుగులకే పరిమితమైంది. ఫలితంగా ఇంగ్లండ్‌ చేతిలొ 26 పరుగుల తేడాతో ఓడిపోయింది. దీంతో ఐదుమ్యాచ్‌ల టీ20 సిరీస్‌లో టీమిండియా ఆధిక్యం ప్రస్తుతానికి 2-1కి తగ్గింది. ఇరుజట్ల మధ్య శుక్రవారం పుణెలో నాలుగో టీ20 జరుగుతుంది.చదవండి: భారత్‌ బ్యాటింగ్‌ ఆర్డర్‌ సరిగ్గా లేదు.. అతడిని లోయర్‌ ఆర్డర్‌లో ఆడిస్తారా?

రాజ్‌కోట్ వేదిక‌గా మంగళవారం(జనవరి 28) భారత్‌తో మూడో టీ20లో తలపడేందుకు ఇంగ్లండ్ సన్నదమవుతోంది. తొలి రెండు మ్యాచ్‌ల్లో ఓటమి చవిచూసిన ఇంగ్లండ్ జట్టు.. ఈ మ్యాచ్‌లో ఎలాగైనా గెలిచి సిరీస్‌లో నిలవాలని భావిస్తోంది. ఇప్పటికే రాజ్‌కోట్‌కు చేరుకున్న బట్లర్ సేన సోమవారం నెట్స్‌లో తీవ్రంగా శ్రమించింది. ఈ క్రమంలో మూడో టీ20కు ఇంగ్లండ్ క్రికెట్ తమ తుది జట్టును ప్రకటించింది.తమ ప్లేయింగ్ ఎలెవన్‌లో ఇంగ్లండ్ ఎటువంటి మార్పులు చేయలేదు. చెపాక్ టీ20లో ఆడిన జట్టునే మూడో మ్యాచ్‌కు కూడా కొనసాగించారు. చివరి మ్యాచ్‌లో ఆకట్టుకున్న జేమీ స్మిత్‌, బ్రైడన్ కార్స్ తమ స్దానాలను సుస్థిరం చేసుకున్నారు. రెండో టీ20లో బ్రైడన్ కార్స్ సంచలన ప్రదర్శన కనబరిచాడు. బ్యాటింగ్‌లో 31 పరుగులతో పాటు బౌలింగ్‌లో మూడు కీలక వికెట్లను కార్స్ తీసుకున్నాడు.అదే విధంగా తొలి రెండు​ మ్యాచ్‌ల్లో విఫలమైన ఫిల్ సాల్ట్‌, బెన్ డకెట్‌లకు ఇంగ్లండ్ మెనెజ్‌మెంట్ మరో అవకాశమిచ్చింది. విధ్వంస‌క‌ర ఆట‌గాడిగా పేరు గాంచిన సాల్ట్ తొలి రెండు టీ20ల్లో వ‌రుస‌గా 0,6 ప‌రుగులు మాత్ర‌మే చేశాడు. డ‌కెట్‌ది కూడా అదే తీరు. కోల్‌క‌తాలో 4 ప‌రుగులు చేసిన డ‌కెట్‌.. చెపాక్‌లో కేవ‌లం మూడు ప‌రుగులు మాత్రమే చేశాడు.మ‌రోవైపు లైమ్ లివింగ్ స్టోన్ కూడా త‌న మార్క్‌ను చూపించ‌లేక‌పోతున్నాడు. మిడిలార్డ‌ర్‌లో అత‌డి వైఫ‌ల్యం ఇంగ్లండ్‌కు ప్ర‌ధాన స‌మ‌స్యగా మారింది. ఈ మ్యాచ్‌లో వీరు రాణించకపోతే తదుపరి మ్యాచ్‌కు వేటు పడే ఛాన్స్ ఉంది. అయితే టాప్ క్లాస్ బ్యాట‌ర్లు సైతం విఫ‌ల‌మ‌కావ‌డంతో కెప్టెన్ జోస్ బ‌ట్లర్‌పై ఒత్త‌డి పెరుగుతుంది.తొలి టీ20లో 68 ప‌రుగుల‌తో కెప్టెన్ నాక్ ఆడిన జోస్‌.. రెండో మ్యాచ్‌లోనూ 45 ప‌రుగులతో రాణించాడు. కాగా ఈ సిరీస్‌లో ఇంగ్లండ్ ప్రస్తుతం 0-2తో వెనుకబడి ఉంది. ఇంగ్లండ్ జట్టు సిరీస్ ఆశలను సజీవంగా ఉంచుకోవాలంటే రాజ్‌కోట్‌లో తప్పకగెలవాల్సిందే.ఇక మూడో టీ20లో భారత జట్టు రెండు మార్పులతో బరిలోకి దిగే సూచనలు కన్పిస్తున్నాయి. ధ్రువ్ జురెల్ స్ధానంలో శివమ్ దూబే, రవి బిష్ణోయ్ ప్లేస్‌లో మహ్మద్ షమీ తుది జట్టులోకి వచ్చే అవకాశముంది. భార‌త్ బ్యాటింగ్‌, బౌలింగ్ విభాగాల్లో ప‌టిష్టంగా క‌న్పిస్తోంది. అభిషేక్ శ‌ర్మ‌, తిల‌క్ వ‌ర్మ, అర్ష్‌దీప్‌, వ‌రుణ్ చ‌క్ర‌వ‌ర్తి అద్బుత‌మైన ఫామ్‌లో ఉన్నాడు. దీంతో మ‌రోసారి ఇంగ్లీష్ జ‌ట్టుకు క‌ఠిన స‌వాలు ఎదురుకానుంది.మూడో టీ20కు ఇంగ్లండ్ తుది జ‌ట్టుబెన్ డకెట్, ఫిలిప్ సాల్ట్ (వికెట్ కీపర్‌), జోస్ బట్లర్ (కెప్టెన్‌), హ్యారీ బ్రూక్, లియామ్ లివింగ్‌స్టోన్, జామీ స్మిత్, జామీ ఓవర్టన్, బ్రైడన్ కార్సే, జోఫ్రా ఆర్చర్, ఆదిల్ రషీద్, మార్క్ వుడ్భారత తుది జట్టు(అంచనా)సంజు శాంసన్ (వికెట్ కీప‌ర్‌), అభిషేక్ శర్మ, సూర్యకుమార్ యాదవ్ (కెప్టెన్‌), తిలక్ వర్మ, హార్దిక్ పాండ్యా, శివ‌మ్ దూబే, వాషింగ్టన్ సుందర్, అక్షర్ పటేల్, మ‌హ్మ‌ద్ షమీ, అర్ష్దీప్ సింగ్, వరుణ్ చక్రవర్తిచదవండి: IND vs ENG: ఇంగ్లండ్‌తో మూడో టీ20.. భారత జట్టులోకి ఇద్దరు స్టార్‌ ప్లేయర్లు?

సీనియర్‌ పేస్‌ బౌలర్‌ మహ్మద్‌ షమీ(Mohammed Shami) టీమిండియా పునరాగమనం కోసం మరికొన్నాళ్లు వేచిచూడక తప్పదని సమాచారం. పూర్తి ఫిట్‌గా ఉన్నా ఇంగ్లండ్‌తో మూడో టీ20లో(India vs England 3rd T20I)నూ అతడిని ఆడించేందుకు భారత క్రికెట్‌ నియంత్రణ మండలి(BCCI) సిద్ధంగా లేనట్లు తెలుస్తోంది. ఇందుకు గల కారణాలను షమీ చిన్ననాటి కోచ్‌ బద్రుద్దీన్‌ ఓ ఇంటర్వ్యూలో వెల్లడించాడు.కాగా దశాబ్ద కాలంగా టీమిండియా తరఫున నిలకడగా రాణిస్తున్న ఫాస్ట్‌ బౌలర్‌గా షమీకి పేరుంది. అయితే, వన్డే ప్రపంచకప్‌-2023 సందర్భంగా గాయపడ్డ ఈ బెంగాల్‌ పేసర్‌ కోలుకోవడానికి ఈసారి చాలా సమయమే పట్టింది. చీలమండ గాయం వేధిస్తున్నా.. వరల్డ్‌కప్‌ టోర్నీని పూర్తయ్యేదాకా పంటిబిగువన నొప్పిని భరించిన షమీ.. సొంతగడ్డపై జరిగిన ఈ మెగా ఈవెంట్లో ఇరవై నాలుగు వికెట్లతో సత్తా చాటాడు.శస్త్ర చికిత్స తర్వాతతద్వారా ఈ ఐసీసీ టోర్నీలో అత్యధిక వికెట్ల వీరుడిగా నిలిచిన షమీ.. అనంతరం చీలమండ గాయానికి శస్త్ర చికిత్స చేయించుకున్నాడు. ఈ క్రమంలో దాదాపు ఏడాదికాలంగా టీమిండియాకు దూరమైన ఈ రైటార్మ్‌ పేసర్‌.. దేశవాళీ క్రికెట్‌తో మళ్లీ మైదానంలో అడుగుపెట్టాడు. బెంగాల్‌ తరఫున దేశీ టీ20 టోర్నీ సయ్యద్‌ ముస్తాక్‌ అలీ ట్రోఫీ, వన్డే టోర్నమెంట్‌ విజయ్‌ హజారే ట్రోఫీ బరిలో దిగాడు. నిలకడగా బౌలింగ్‌ చేయడంతో వికెట్లు తీసిన షమీ... ఫిట్‌నెస్‌ను నిరూపించుకున్నాడు.ఈ క్రమంలో ఇంగ్లండ్‌తో స్వదేశంలో జరుగుతున్న టీ20, వన్డే సిరీస్‌లకు ఎంపిక చేసిన జట్టులో బీసీసీఐ సెలక్టర్లు షమీకి చోటిచ్చారు. ఇక ఐదు మ్యాచ్‌ల టీ20 సిరీస్‌లో భాగంగా కోల్‌కతా వేదికగా జరిగిన తొలి టీ20తో అతడు రీఎంట్రీ ఇస్తాడని అభిమానులు ఆసక్తిగా ఎదురుచూశారు. కానీ.. తుదిజట్టులో మాత్రం షమీకి చోటు దక్కలేదు. పిచ్‌ పరిస్థితులకు అనుగుణంగా.. జట్టు ప్రయోజనాల దృష్ట్యా స్పిన్నర్లకు పెద్దపీట వేసిన క్రమంలో అతడికి మొండిచేయి ఎదురైంది.పూర్తి ఫిట్‌గా ఉన్నాడుఅదే విధంగా.. చెన్నైలో జరిగిన రెండో టీ20లోనూ షమీని ఆడించలేదు. తాజా సమాచారం ప్రకారం.. రాజ్‌కోట్‌లో జరిగే మ్యాచ్‌లోనూ అతడిని మేనేజ్‌మెంట్‌ పక్కనపెట్టనున్నట్లు తెలుస్తోంది. ఈ విషయంపై షమీ చిన్ననాటి కోచ్‌ బద్రుద్దీన్‌ స్పందించాడు. రెవ్‌స్పోర్ట్స్‌తో మాట్లాడుతూ.. ‘‘కోల్‌కతాలో జరిగిన తొలి టీ20కి ముందే షమీ నన్ను తన దగ్గరకు పిలిపించాడు.అంతా బాగానే ఉందని.. తాను పూర్తి ఫిట్‌గా ఉన్నట్లు చెప్పాడు. అయితే, జట్టు యాజమాన్యం ఆలోచన మాత్రం వేరుగా ఉన్నట్లు తెలుస్తోంది. దాదాపు ఏడాది కాలంగా అతడు అంతర్జాతీయ క్రికెట్‌కు దూరంగా ఉన్నాడు. కాబట్టి షమీ విషయంలో కాస్త ఆచితూచి వ్యవహరిస్తున్నట్లు కనిపిస్తోంది.గంభీర్‌తో సమస్యా?అయితే, ఇంగ్లండ్‌తో ఆఖరి రెండు టీ20లలో మాత్రం అతడిని ఆడించే సూచనలు కనిపిస్తున్నాయి. అదే విధంగా.. వన్డే సిరీస్‌లోనూ షమీకి అవకాశం ఇస్తారు. చాంపియన్స్‌ ట్రోఫీకి ముందు ఈ మేరకు మేనేజ్‌మెంట్‌ జాగ్రత్తలు తీసుకుంటున్నట్లు తెలుస్తోంది. అంతిమంగా యాజమాన్యం నిర్ణయాలే చెల్లుబాటు అవుతాయి. కోచ్‌ గౌతం గంభీర్‌, షమీ మధ్య సమన్వయ, సమాచార లోపం లేదనే అనుకుంటున్నా’’ అని బద్రుద్దీన్‌ పేర్కొన్నాడు. కాగా ఇంగ్లండ్‌తో తొలి టీ20లో ఏడు వికెట్ల తేడాతో గెలుపొందిన సూర్యకుమార్‌ సేన.. రెండో టీ20లో రెండు వికెట్ల తేడాతో గట్టెక్కింది. తద్వారా 2-0తో ఆధిక్యంలో ఉన్న టీమిండియా.. రాజ్‌కోట్‌లో మంగళవారం ఇంగ్లండ్‌తో మూడో టీ20లో తలపడనుంది.చదవండి: IND vs ENG: తిలక్‌ వర్మ సరికొత్త చరిత్ర.. ప్రపంచంలోనే తొలి ప్లేయర్‌గా

నాడు ఝాన్సీ లక్ష్మీబాయి తన దత్త పుత్రుడిని వీపుకు కట్టుకుని జవనాశ్వాన్ని దౌడు తీయిస్తూ బ్రిటిష్‌ వారిపై కత్తి ఝళిపిస్తే, నేడు ఈ రాజ్‌కోట్‌ యువతి తన బిడ్డను మోటార్‌ బైక్‌ పైన కూర్చోబెట్టుకుని, వీపుకు బ్యాగు తగిలించుకుని, డెలివరీ ఏజెంట్‌గా జీవన పోరాటం సాగిస్తోంది! ఈ దృశ్యాన్ని చూసిన ‘విష్విద్‌’ అనే ఇన్ స్టాగ్రామ్‌ యూజర్‌ ఆమెను వీడియో తీసి, బ్యాక్‌గ్రౌండ్‌లో కత్తి పట్టిన ఝాన్సీరాణిని ఆమెకు జత కలిపి పెట్టిన పోస్ట్‌కు ఇప్పటివరకు 9 లక్షలకు పైగా లైకులు వచ్చాయి. నెటిజెన్ లు తమ కామెంట్‌లలో ఆమెపై ప్రశంసలు కురిపిస్తున్నారు.‘‘బైక్‌ నడుపుతున్నావ్‌.. బద్రం సిస్టర్‌’’ అని జాగ్రత్తలు చెబుతున్నారు. హెల్మెట్‌ పెట్టుకోవాలని కొందరు సూచిస్తున్నారు. కాళ్లకు చెప్పులు తొడుక్కోవాలని మరికొందరు కోరుతున్నారు. ఈ యువతి గత నెల రోజులుగా డెలివరీ ఏజెంటుగా పని చేస్తోంది. ఇన్ స్టాలో వెల్లడైన వివరాలను బట్టి.. ఈమె హోటల్‌ మేనేజ్‌మెంట్‌ కోర్సు చేసింది. పెళ్లయ్యాక, ఎన్ని ప్రయత్నాలు చేసినా ఉద్యోగం రాలేదు. ఇక ఇప్పుడైతే.. ‘‘బిడ్డ తల్లివి కదా.. ఉద్యోగం ఎలా చేస్తావ్‌?’’ అని అడుగుతున్న వారే ఎక్కువమంది! చివరికి డెలివరీ ఏజెంట్‌ ఉద్యోగాన్ని ఎంచుకుని, తనతోపాటు కొడుకునూ వెంట బెట్టుకుని ధైర్యంగా జీవనయానం సాగిస్తోంది.

బీసీసీఐ ఆధ్వర్యంలోని మహిళల అండర్‌–19 టీ20 క్రికెట్‌ టోర్నీలో హైదరాబాద్‌ జట్టు ‘హ్యాట్రిక్‌’ విజయం అందుకుంది. రాజ్‌కోట్‌లో కేరళ జట్టుతో శుక్రవారం జరిగిన గ్రూప్‌ ‘సి’ మూడో లీగ్‌ మ్యాచ్‌లో 23 పరుగుల తేడాతో గెలుపొందింది. కేరళతో మ్యాచ్‌లో మొదట బ్యాటింగ్‌కు దిగిన హైదరాబాద్‌ నిర్ణీత 20 ఓవర్లలో 7 వికెట్లు కోల్పోయి 148 పరుగులు సాధించింది. కావ్య (35; 6 ఫోర్లు), నిధి (25; 4 ఫోర్లు) రాణించారు. అనంతరం.. 149 పరుగుల విజయలక్ష్యంతో బరిలోకి దిగిన కేరళ జట్టు 18.4 ఓవర్లలో 125 పరుగులకు ఆలౌటైంది. ఫలితంగా 23 రన్స్‌ తేడాతో ఓటమిని చవిచూసింది.హైదరాబాద్‌ బౌలర్‌ కేసరి ధృతి 3.4 ఓవర్లు వేసి 22 పరుగులిచ్చి 5 వికెట్లు పడగొట్టింది. జట్టు విజయంలో కీలకపాత్ర పోషించింది. మరో బౌలర్‌ వైష్ణవి యాదవ్‌ 2 వికెట్లు తీసుకుంది. ఇక ఆరు జట్లున్న గ్రూప్‌ ‘సి’లో హైదరాబాద్‌ 12 పాయింట్లతో అగ్రస్థానంలో ఉంది. తదుపరి ఆదివారం జరిగే నాలుగో లీగ్‌ మ్యాచ్‌లో పంజాబ్‌తో హైదరాబాద్‌ తలపడనుంది.చదవండి: WT20 WC Ind vs NZ: కివీస్‌ ముందు తలవంచారు

రాజ్‌కోట్‌: ఢిల్లీ, జబల్పూర్‌లను అతలాకుతలం చేసిన వర్షాలు గుజరాత్‌లోని రాజ్‌కోట్‌లోనూ బీభత్సం సృష్టించాయి. ఢిల్లీ ఎయిర్‌పోర్ట్‌ టరి్మనల్‌ కూలిన మరుసటి రోజే మరో ఎయిర్‌పోర్ట్‌ వర్షాల బారిన పడింది. రాజ్‌కోట్‌లో అక్కడి భారీ వర్షాలకు సోమవారం ఉదయం రాజ్‌కోట్‌ ఎయిర్‌పోర్ట్‌లో ప్రయాణికుల పికప్, డ్రాప్‌ ఏరియాపై నిర్మించిన భారీ టెంట్‌ కూలింది. అయితే ఈ ఘటనలో ఎవరూ గాయపడలేదు. అయితే టెంట్‌ కూలిన ఘటనపై కాంగ్రెస్‌ విమర్శలు గుప్పించింది. ‘‘ ప్రధాని మోదీ స్వయంగా వచ్చి ఈ ఎయిర్‌పోర్ట్‌ను ప్రారంభించారు. 11 నెలలకే పైకప్పు కూలింది. అవినీతి ఏ స్థాయిలో ఉందో కూలిన ఘటన చాటిచెప్తోంది. ఢిల్లీ మాదిరి ఘటన వేళ అక్కడ ఎవరైనా ఉంటే జరిగే ప్రాణనష్టానికి ఎవరు బాధ్యులు?. తరచూ అవినీతిపై ప్రసంగాలు దంచే ప్రధాని అవినీతిరహిత పాలనపైనా దృష్టిసారించాలి’ అని గుజరాత్‌ కాంగ్రెస్‌ అధ్యక్షులు శక్తిసిన్హ్‌ గోహిల్‌ అన్నారు. నెహ్రూను నిందించొద్దు: వ్యంగ్యంగా స్పందించిన బీజేపీ రాజ్‌కోట్‌ ఘటనపై బీజేపీ వెటకారంగా స్పందించింది. ‘‘ నిన్నటి ఢిల్లీ ఎయిర్‌పోర్ట్‌ టర్మినల్‌ కూటిన ఘటనతో రాజ్‌కోట్‌ ఘటనను పోల్చొద్దు. రాజ్‌కోట్‌లో పెనుగాలులకు టెంట్‌ వస్త్రం చిరిగి అది పీలికలై పడిపోయింది. తక్కువ ఎయిర్‌పోర్ట్‌లు నిర్మించారని మీరు జవహర్‌లాల్‌ నెహ్రూను నిందిస్తారేమో. అలా చేయకండి. ఎందుకంటే ఆయన ఇన్ని విమానాశ్రయాలు నిర్మించలేరు. ఆయనకే మనం అవకాశం ఇచ్చి ఉంటే ఇప్పటికీ మనం రక్షణ పరిశోధనాభివృద్ధి సంస్థ(డీఆర్‌డీఓ) అనుమతితో ఎడ్లబళ్లపై ప్రయాణాలు చేస్తూ ఉండేవాళ్లం’ అని బీజేపీ ఐటీ విభాగ సారథి అమిత్‌ మాలవీయ ‘ఎక్స్‌’లో ట్వీట్‌చేశారు.

గాంధీనగర్‌: రాజ్‌కోట్‌లో జరిగిన అగ్ని ప్రమాద ఘటనలో టీఆర్‌పీ గేమ్‌జోన్‌కు చెందిన ఒక సహ యజమాని మృతి చెందినట్లు పోలీసులు ధ్రువీకరించారు. శనివారం టీఆర్‌పీ గేమ్‌జోన్‌లో చోటుచేసుకున్న భారీ అగ్ని ప్రమాదంలో 28 మంది మృతి చెందారు. అగ్ని ప్రమాదానికి సంబంధించి టీఆర్‌పీ గేమ్‌జోన్‌ ఓనర్లపై ఇప్పటికే పోలీసులు కేసు నమోదు చేసిన విషయం తెలిసిందే. అయితే తాజాగా యజమానుల్లో ఒకరైన ప్రకాశ్‌ హిరాన్‌ అదే అగ్ని ప్రమాదంలో మృతి చెందినట్లు పోలీసులు ధ్రువీకరించారు. అగ్ని ప్రమాదం జరిగినప్పటి నుంచి తన సోదరుడు కనిపించడం లేదని ప్రకాశ్‌ హిరాన్‌ సోదరుడు జితేంద్ర హిరాన్‌ పోలీసులకు ఫిర్యాదు చేశారు. ఫోన్‌ నంబర్లు కూడా స్వీచ్‌ ఆఫ్‌ వస్తున్నాయిని చెప్పారు. అగ్ని ప్రమాదం జరిగిన స్థలంలోనే ప్రకాశ్‌ కారు ఉన్నట్లు జితేంద్ర పోలీసులకు తెలిపారు. దీంతో పోలీసులు దర్యాప్తు చేపట్టారు. ప్రమాదానికి సంబంధించిన సీసీటీవీ ఫుటేజీలో ప్రకాశ్‌ ఉన్న దృశ్యాలు కనిపించాయి. దీంతో డీఎన్‌ఏ టెస్ట్‌ చేసిన అగ్ని ప్రమాదంలో మృతి చెందినవారిలో తన సోదరుడిని కనిపెట్టాలని జీతేంద్ర పోలీసులకు విజ్ఞప్తి చేశారు. ప్రకాశ్‌ తల్లి డీఎన్‌ఏను తీసుకుని మృతదేహాలతో పోల్చి ప్రకాశ్‌ హిరాన్‌ మృతి చెందినట్లు ప్రకటించారు. టీఆర్‌పీ గేమ్‌జోన్‌లో ప్రకాశ్‌ హిరాన్‌ ప్రధానమైన షేర్‌ హోల్డర్‌గా ఉన్నారు. టీఆర్‌పీ గేమ్‌జోన్‌ను నిర్వహిస్తున్న ధావల్‌ ఠాకూర్‌తోపాటు మరో ఐదుగురిని గుజరాత్‌ పోలీసులు అరెస్ట్‌ చేశారు. అందులో రేస్‌వే ఎంటర్‌ప్రైజెస్‌ పార్ట్‌నర్లు యువరాజ​సింగ్‌, రాహుల్ రాథోడ్‌, టీఆర్‌పీ గేమ్‌ జోన్‌ మేనేజర్ నితిన్‌ జైన్‌ ఉన్నారు.

గత వారం జరిగిన అగ్ని ప్రమాదాలు దేశాన్ని ఉలిక్కిపడేలా చేశాయి. ఇరవై నాలుగు గంటల్లో వేర్వేరు చోట్ల సంభవించిన ఈ ప్రమాదాల్లో అభం శుభం తెలియని పలువురు చిన్నారులతో సహా 40 మంది ప్రాణాలు కోల్పోవడం పెను విషాదం. గుజరాత్‌లోని రాజ్‌కోట్‌లో ఓ గేమింగ్‌ జోన్‌లో జరిగిన భారీ అగ్నిప్రమాదంలో 33 మంది, అదే రాత్రి తూర్పు ఢిల్లీలోని పిల్లల ఆసుపత్రిలోని ఘోర ప్రమాదంలో నవజాత శిశువులు ఏడుగురు దుర్మరణం పాలైన ఘటనలు సున్నిత మనస్కుల్ని చాలాకాలం వెంటాడనున్నాయి. ఆక్సిజన్‌ సిలిండర్ల పేలుడు సంభవించిన ఆ ఆసుప్రతి లైసెన్స్‌ గడువు రెండు నెలల క్రితమే తీరిపోతే, రాజ్‌కోట్‌ గేమింగ్‌ జోన్‌ నిరభ్యంతర పత్రమే (ఎన్‌ఓసీ) లేకుండానే యథేచ్ఛగా నడుస్తుండడం మన వ్యవస్థలోని లోపాలను ఎత్తిచూపుతోంది. నిబంధనల అమలులో అధికార యంత్రాంగం నిర్లక్ష్యం మరోసారి బహిర్గతమైంది. అగ్నిప్రమాద నివారణ నిబంధనలు, భద్రతా ఏర్పాట్లను కట్టుదిట్టంగా అమలు చేయాల్సిన అవసరంపై మరోసారి చర్చ మొదలైంది. తాజా ఘటనల నేపథ్యంలో – పాతికేళ్ళ పైచిలుకు క్రితం 1997లో ఢిల్లీలో జరిగిన ఉపహార్‌ సినిమా హాలు ప్రమాదం మొదలు 2004లో 90 మంది పాఠశాల విద్యార్థులను బలి తీసుకున్న కుంభకోణం అగ్నిప్రమాదం దాకా పాత పీడకలలు మళ్ళీ గుర్తుకొస్తున్నాయి. గతం నుంచి మనం ఏం పాఠాలు నేర్చుకున్నామని నిలదీస్తున్నాయి. వాణిజ్య సంస్థల నుంచి నివాస ప్రాంగణాల దాకా అన్నిచోట్లా ఇవాళ ప్రాథమిక భద్రతా ఏర్పాట్లు మృగ్యమైపోతున్నాయి. అనుకోనిది ఏం జరిగినా పదుల కొద్దీ ప్రాణాలను ప్రమాదంలో పెడుతున్నాయి. మే 26 నాటి ప్రమాదంలో శిక్షణ పొందిన వైద్య సిబ్బంది కానీ, ప్రమాద భద్రతా సర్టిఫికెట్‌ కానీ, చివరకు అగ్ని ప్రమాద నివారణ సామగ్రి కానీ, సరైన నిష్క్రమణ మార్గాలు కానీ లేకుండానే ఢిల్లీ లాంటి చోట ఒక ఆసుపత్రి నడుస్తోందంటే ఏమనాలి? రాజ్‌కోట్‌ గేమింగ్‌ జోన్‌లో ఎలాంటి కనీస అగ్నిప్రమాద భద్రతా లేకుండా దాదాపు రెండంతస్తుల భవనం ఎత్తున రేకులతో పెద్ద నిర్మాణం చేపడితే అధికారులు ఏం చేస్తున్నట్టు? ఆ ప్రాంగణంలో 2 వేల లీటర్ల పెట్రోల్, లెక్కకు మిక్కిలి టైర్లు నిల్వ చేస్తుంటే అడ్డుచెప్పే నాథుడు లేడా?ఒక్క ఢిల్లీలోనే గత రెండేళ్ళ పైచిలుకు కాలంలో 66 ఆసుపత్రుల్లో అగ్నిప్రమాదాలు జరిగాయని గణాంకాలు చెబుతున్నాయి. దీన్నిబట్టి, అగ్నిప్రమాద నివారణ నిబంధనలు ఎంతగా ఉల్లంఘనకు గురవుతున్నాయో స్పష్టమవుతోంది. సాక్షాత్తూ మన దేశ రాజధానిలోనే ఇలా ఉంటే, దేశంలోని ఇతర ప్రాంతాల్లో పరిస్థితిని ఇట్టే ఊహించుకోవచ్చు. మన దేశంలో ఆరోగ్య సంరక్షణ రంగంలో ప్రభుత్వ పెట్టుబడులు ఇప్పటికీ అంతంత మాత్రమే. మూడేళ్ళ క్రితం దేశంలో కరోనా మహమ్మారి విజృంభించి, డెల్టా వేరియంట్‌ విలయ తాండవం చేసినప్పుడు ఆ నిష్ఠురసత్యం మన కళ్ళ ముందు కనిపించింది. ప్రభుత్వ రంగంలో ఆరోగ్య రంగం అలా కునారిల్లుతుండడం వల్లే, ఆ లోటును పూడ్చడానికి ప్రైవేట్‌ రంగం అవసరం ఉంటోంది. జనం ప్రైవేట్‌ ఆసుపత్రులు, క్లినిక్‌లు, తదితరాలపై ఆధారపడడం ఎక్కువవుతోంది. సరిగ్గా ఈ కారణాల రీత్యానే ప్రైవేట్‌ ఆరోగ్యరక్షణ రంగంలో భవనాల మొదలు నాణ్యమైన మందులు, సేవల వరకు అన్నింటిలో కనీసపాటి భద్రతా ప్రమాణాలు తప్పనిసరి. కానీ, చాలాచోట్ల అవి హుళక్కి. తాజా ఘటనలే అందుకు తార్కాణం.నిజానికి, మన దేశంలో అగ్నిప్రమాదాల నుంచి భద్రతకు కీలకమైన ప్రమాణంగా జాతీయ నిర్మాణ నిబంధనావళి (ఎన్‌బీసీ) ఉంది. 1970లోనే బ్యూరో ఆఫ్‌ ఇండియన్‌ స్టాండర్డ్స్‌ (బీఐఎస్‌) దీన్ని ప్రచురించింది. 2016లో సైతం దాన్ని నవీకరించారు. అగ్నిప్రమాద నివారణ అనేది రాష్ట్ర జాబితాలోని అంశమైనా, అన్ని రాష్ట్రాలూ దీన్ని పాటించడం తప్పనిసరి. ఇవి కాక స్థానిక భవననిర్మాణ చట్టాల్లోనూ కావాల్సినన్ని కఠిన నియమ నిబంధనలున్నాయి. అయితే, అవి తరచూ ఉల్లంఘనకు గురవుతున్నాయి. తాజా ప్రమాదాల్లోనూ అదే జరిగింది. ఆ మాటకొస్తే, గడచిన 2022లోనే మన దేశంలో 7500 పైగా అగ్నిప్రమాదాలు జరిగాయని తాజా నివేదిక. వాటిలో కనీసం 7435 మంది మరణించినట్టు ప్రమాద మరణాలు, ఆత్మహత్యలపై తాజా నివేదిక మాట. నిన్నటి ఢిల్లీ ప్రమాదంలో సైతం అగ్నిమాపక సిబ్బంది వేగంగా స్పందించి, పక్కనున్న భవనం నుంచి నిచ్చెన ఎక్కి, ఆసుపత్రి వెనకవైపు నుంచి వెళ్ళబట్టి కనీసం అయిదుగురు శిశువుల్ని ఆఖరు క్షణంలో కాపాడగలిగారు. లేదంటే ఏమిటి పరిస్థితి? అందుకే, ఇది ప్రభుత్వ యంత్రాంగం అంతటికీ మరోసారి మేలుకొలుపు. గుజరాత్‌ లాంటి చోట్ల నిబంధనల్లోని లోపాలను అడ్డం పెట్టుకొని, అహ్మదాబాద్, గాంధీనగర్‌ సహా అనేకచోట్ల చట్టవిరుద్ధంగా వినోద కార్యకలాపాల వసతులు పుట్టగొడుగుల్లా మొలుస్తున్నాయి. తాత్కాలిక నిర్మాణాలతో భద్రతా ప్రమాణాలను తుంగలో తొక్కి, ప్రాణాలకే ముప్పు తెస్తున్నాయి. దీన్ని అరికట్టాలి. తప్పులు జరిగినప్పుడు సంబంధిత శాఖల అధికారులను సస్పెండ్‌ చేసి చేతులు దులుపుకోవడం పరిష్కారం కాదు. కట్టుదిట్టమైన చర్యలు తీసుకోవాలి. మనుషుల ప్రాణాలను తృణప్రాయంగా తీసుకొని కొందరు సాగిస్తున్న దుర్మార్గ వ్యాపారాలకు అడ్డుకట్ట వేయాలి. ఎవరినీ ఉపేక్షించేది లేదనే సంకేతాలు మాటల్లోనే కాదు చేతల్లోనూ చూపాలి. ప్రమాదాల నివారణకు సమర్థ, ప్రామాణిక చర్యల ప్రణాళికను అమలుచేయాలి. దీనికి ముందు రాజకీయ నేతల చిత్తశుద్ధి అవసరం. ఆపైన అలాంటి వసతులనే ఎంచుకోవడంలో సామాన్యుల అప్రమత్తత కీలకం. దేశవ్యాప్తంగా అధికారులు రంగంలోకి దిగి, చర్యలు చేపట్టేందుకు ప్రమాద భద్రతపై సత్వరమే జాతీయ స్థాయి ఆడిట్‌ జరిపితే మేలు. నేతల సంతాపాలు, నష్టపరిహారాలు మనుషుల ప్రాణాల్ని వెనక్కి తీసుకురాలేవు.

అ‌హ్మదాబాద్‌: దేశవ్యాప్తంగా సంచలనం సృష్టించిన గుజరాత్‌లోని రాజ్‌కోట్‌ అగ్ని ప్రమాద ఘటనకు సంబంధించి ఆ రాష్ట్ర అధికారుల తీరుపై హైకోర్టు తీవ్ర ఆగ్రహం వ్యక్తం చేసింది. స్థానిక మునిసిపల్‌ అధికారుల తీరుపై కోర్టు మండిపడింది. అమాయకుల ప్రాణాలు కోల్పోయిన తర్వాత చర్యలు చేపడతామని చెబుతోన్న రాష్ట్ర అధికారులపై తమకు నమ్మకం లేదని పేర్కొంది. అగ్నిప్రమాదం కేసును గుజరాత్‌ హైకోర్టు సోమవారం(మే27) విచారించింది. ఈసందర్భంగా రాజ్‌కోట్ మునిసిపల్‌ కార్పొరేషన్‌ (ఆర్‌ఎంసీ) అధికారులపై తీవ్ర స్థాయిలో ఫైర్‌ అయింది. రెండున్నరేళ్లుగా మీ పరిధిలో ఇంత పెద్ద భవనం ఉందని.. అది కూడా ఫైర్‌సేఫ్టీ లేకుండా ఉందన్న విషయం కూడా తెలియదని ఎలా చెబుతారని జస్టిస్‌ బైరెన్‌ వైష్ణవ్‌, జస్టిస్‌ దేవాన్‌దేశాయ్‌లతో కూడిన ధర్మాసనం ప్రశ్నించింది. ఆ భవనం ప్రారంభ కార్యక్రమంలో మునిసిపల్‌ కమిషనర్‌ కూడా పాల్గొన్నట్లు మీడియా కథనాలను బెంచ్‌ చూపించింది. ఈ అధికారులు ఎవరు.. వాళ్లంతా ఆడుకోవడానికి అక్కడికి వెళ్లారా అని మండిపడింది. ఏడుగురు అధికారుల సస్పెన్షన్‌ ..కాగా, హైకోర్టు ఆగ్రహం వ్యక్తం చేసిన తర్వాత గుజరాత్‌ ప్రభుత్వం చర్యలు ప్రారంభించింది. ఇద్దరు పోలీసులు సహా మొత్తం ఏడుగురు అధికారులను సస్పెండ్‌ చేసింది. వీరిలో రాజ్‌కోట్‌ మునిసిపల్‌ అధికారులు కూడా ఉన్నారు.

గాంధీనగర్‌: గుజరాత్‌లోని రాజ్‌కోట్‌లో చోటు చేసుకున్న అగ్ని ప్రమాదంపై ఆ రాష్ట్ర హైకోర్టు తీవ్ర ఆగ్రహం వ్యక్తం చేసింది. ఈ ఘటనలో 33 మంది మృతి చెందారు. మరో 15 మందిపైగా జనం జాడ తెలీడంలేదని అధికారులు తెలిపారు. ఈ ఘటనను సూమోటోగా స్వీకరించిన గుజరాత్‌ హైకోర్టు సోమవారం విచారణ చేపట్టింది.‘‘అంత పెద్ద ప్రమాదం జరిగినప్పుడు మీరు ఎక్కడ నిద్ర పోతున్నారు? మాకు గుజరాత్ ప్రభుత్వంపై మీద ఏ కోశానా కూడా నమ్మకం లేదు’’ అని హైకోర్టు ఆసహనం వ్యక్తం చేసింది. ‘‘ అగ్ని ప్రమాదం చోటు చేసుకున్న రెండు గేమింగ్‌ జోన్లను గత రెండు దశాబ్దాలుగా రాజ్‌కోట్‌లో నిర్వహింస్తున్నారు. వాటి నిర్వహణకు సంబంధించి ఎటువంటి అనుమతులు లేవు. ఫైర్‌ సేఫ్టీ అనుమతి పత్రాలు కూడా లేవు. అందుకే గుజరాత్‌ ప్రభుత్వం పట్ల కొంచం కూడా నమ్మకం లేదు’’ అని హైకోర్టు ప్రభుత్వంపై ఆగ్రహం వ్యక్తం చేసింది. ‘‘రెండున్నరేళ్ల నుంచి రాజ్‌కోట్‌ గేమింగ్‌ జోన్ నడుస్తోంది. ప్రభుత్వం కళ్లు ముసుకుందని మేము అనుకోవాలా? అసలు అధికారులు ఏం చేస్తున్నారు?’’ అని హైకోర్టు ప్రభుత్వాన్ని సూటిగా ప్రశ్నించింది. గేమింగ్‌ జోన్‌కు సంబంధించిన ఫొటోలను చూపించిన రాజ్‌కోట్‌ మున్సిపల్‌ కార్పొరేషన్‌పై కూడా హైకోర్టు మండిపడింది. ‘‘ఈ అధికారులంతా ఎవరూ? అక్కడికి వారంతా ఆడుకోవడానికి వెళ్లారా?’’ అని కోర్టు విమర్శించింది. ‘‘అంతపెద్ద ప్రమాదం జరిగినప్పుడు మీకు కంటి చూపు పోయిందా? లేదా నిద్రపోతున్నారా? ఇంత జరిగాక మాకు స్థానిక వ్యవస్థ, రాష్ట్ర ప్రభుత్వంపై పూర్తిగా నమ్మకం పోయింది’’ అని హైకో​ర్టు రాష్ట్ర ప్రభుత్వం ఆగ్రహం​ వ్యక్తం చేసింది.రాజ్‌కోట్‌లోని మనా-మవా ప్రాంతంలో ఉన్న టీఆర్‌పీ గేమింగ్‌ జోన్‌లో శనివారం ఘోర అగ్ని ప్రమాదం చోటు చేసుకుంది. ఇప్పటివరకు ఈ ఘటనలో 33 మంది మృతి చెందినట్లు అధికారులు తెలిపారు. పోలీసుల వివరాల ప్రకారం.. గేమింగ్‌ జోన్‌లో వెల్డింగ్‌ పనులు జరగుతున్నాయి. దీంతో అక్కడ ఒక్కసారిగా అగ్ని ప్రమాదం జరిగినట్లు తెలిపారు.

గుజరాత్‌లోని రాజ్‌కోట్ గేమింగ్ జోన్ ఘటన పెను విషాదాన్ని మిగిల్చింది. వినోదం కోసం వచ్చిన జనం ఊహించని ప్రమాదంలో చిక్కుకున్నారు. ఈ ఘటనలో 32 మంది ప్రాణాలు కోల్పోయారు. వారిలో కొత్తగా పెళ్లయిన జంట అక్షయ్ ధోలారియా, ఖ్యాతి ఉన్నారు. ఈ జంటకు వారం క్రితమే వివాహం జరిగింది. ఈ నేపధ్యంలో వారు ఆనందంగా గేమింగ్ జోన్‌కు వచ్చారు. అయితే ఊహించని విధంగా సంభవించిన అగ్నిప్రమాదానికి వారిద్దరూ బలయ్యారు. 24 ఏళ్ల అక్షయ్ తన తల్లిదండ్రులతో కలిసి కెనడాలో ఉంటున్నాడు. ఖ్యాతి(20)ని వివాహం చేసుకునేందుకు కొద్దిరోజుల క్రితమే రాజ్‌కోట్‌కు వచ్చాడు. గత శనివారం వీరి వివాహం వైభవంగా జరిగింది. పెళ్లయిన ఏడు రోజులకే ఈ జంట లోకాన్ని విడిచి వెళ్లిపోయింది. వారి శరీరాలు గుర్తించలేని విధంగా అగ్నికి మాడిపోయాయి. వేలికి ధరించిన ఉంగరం ఆధారంగా అక్షయ్ మృతదేహాన్ని గుర్తించారు. ఈ దంపతుల మృతదేహాలను డీఎన్‌ఏ పరీక్షలకు తరలించారు.ఈ అగ్నిప్రమాదానికి గల కారణాలు ఇంకా తెలియరాలేదని, అయితే షార్ట్ సర్క్యూట్ కారణంగా మంటలు చెలరేగి ఉండవచ్చని భావిస్తున్నామని, విచారణ తర్వాతే ఖచ్చితమైన కారణం తెలుస్తుందని పోలీసు అధికారులు తెలిపారు. అగ్నిమాపక శాఖ అనుమతి లేకుండానే ఈ వినోద కేంద్రం నడుస్తున్నదని విచారణ అధికారులు చెబుతున్నారు. మరోవైపు టీఆర్‌పీ గేమింగ్‌ జోన్ యజమానిని పోలీసులు విచారణ కోసం అదుపులోకి తీసుకున్నారు. అగ్నిప్రమాదంపై విచారణ జరుపుతున్న స్పెషల్ ఇన్వెస్టిగేషన్ టీమ్ (సిట్) వీలైనంత త్వరగా నివేదిక సమర్పించాలని కోరినట్లు గుజరాత్ హోం మంత్రి హర్ష్ సంఘ్వీ మీడియాకు తెలిపారు.

అహ్మదాబాద్‌: రాజ్‌కోట్‌లో గేమ్‌జోన్‌లో అగి్నప్రమాద ఘటనపై గుజరాత్‌ హైకోర్టు తీవ్రంగా స్పందించింది. మానవ తప్పిద మహా విషాదంగా అభివరి్ణంచింది. ఘటనను సూమోటోగా స్వీకరించిన జస్టిస్‌ బీరెన్‌ వైష్ణవ్, జస్టిస్‌ దేవాన్‌ దేశాయ్‌ల హైకోర్టు ధర్మాసనం ఈ కేసును ఆదివారం విచారించింది. ‘‘ ప్రాథమిక ఆధారాలను చూస్తే ఇది మానవతప్పిదమే స్పష్టంగా తెలుస్తోంది. ఏ చట్టనిబంధనల కింద ఇలాంటి గేమింగ్‌ జోన్లు, రీక్రియేషనల్‌ కేంద్రాలను ఏర్పాటుచేశారు?’ అని కోర్టు ఆగ్రహం వ్యక్తంచేసింది. ‘‘ గుజరాత్‌ కాంప్రిహేన్సివ్‌ జనరల్‌ డెవలప్‌మెంట్‌ కంట్రోల్‌ రెగ్యులేషన్స్‌(జీడీసీఆర్‌) నిబంధనల్లో ఉన్న లొసుగులను తెలివిగా వాడుకున్నట్లు తెలుస్తోంది. గేమింగ్‌ జోన్లు రాజ్‌కోట్‌తోపాటు అహ్మదాబాద్, వడోదర, సూరత్‌లలో ఉండటంతో ఆయా నగర మున్సిపల్‌ కార్పొరేషన్ల తరఫు అడ్వకేట్లు అందర్నీ సోమవారం తమ ఎదుట హాజరవ్వాలని కోర్టు ఆదేశించింది. ‘‘ నిరభ్యంతర సరి్టఫికెట్, నిర్మాణ అనుమతులు వంటి వాటి నుంచి తప్పించుకునేందుకు టీఆర్‌పీ గేమ్‌జోన్‌ నిర్వాహకులు ఏదో తాత్కాలిక ఏర్పాట్లుచేసి చేతులు దులుపుకుని చిన్నారులు రక్షణను గాలికొదిలేశారు. గేమ్‌జోన్‌లో అనుమతి లేని, మండే స్వభావమున్న పెట్రోల్, ఫైబర్, ఫైబర్‌ గ్లాస్‌ïÙట్లను భద్రపరిచిన చోటులోనే అగి్నప్రమాదం జరిగింది’ అని కోర్టు ఆగ్రహం వ్యక్తంచేసింది. 15మంది జాడ గల్లంతు ఆదివారం నాటికి మృతుల సంఖ్య 33కు పెరిగింది. మరో 15 మందికిపైగా జనం జాడ తెలీడం లేదని అధికారులు వెల్లడించారు. నానామావా రోడ్‌లోని ఘటనాస్థలిని గుజరాత్‌ ముఖ్యమంత్రి భూపేంద్ర పటేల్‌ ఆదివారం సందర్శించారు. తర్వాత క్షతగాత్రు లను ఆస్పత్రిలో కలిసి పరామర్శించారు. చనిపోయిన వారిలో ఒకే కుటుంబానికి చెందిన ఐదుగురు ఉన్నారు. ‘ ఘటన కారకులందరినీ ఉరితీయాలి. ఏ ఒక్కరికీ బెయిల్‌ కూడా దొరకొద్దు. బెయిల్‌ ఇస్తే వారిని నేనే చంపేస్తా’ అని ఏకైక కుమారుడు, నలుగురు బంధువులను పోగొట్టుకున్న ప్రదీప్‌సిన్హ్‌ చౌహాన్‌ ఆవేశంగా చెప్పారు. ఇటీవల నిశి్చతార్థమైన ఒక జంట సైతం ప్రమాదంలో అగి్నకి ఆహుతైంది. గేమ్‌జోన్‌ ఉన్న అమ్యూజ్‌మెంట్‌ పార్క్‌కు ఎలాంటి ఫైర్‌ ఎన్‌ఓసీ సర్టిఫికెట్‌ లేదని ఎఫ్‌ఐఆర్‌లో రాసి ఉంది.

రాజ్‌కోట్‌: గుజరాత్‌లోని రాజ్‌కోట్‌లో విషాదకర ఘటన చోటుచేసుకుంది. రాజ్‌కోట్‌లోని గేమ్‌జోన్‌లో అగ్ని ప్రమాదం జరిగింది. ఈ ఘటనలో మృతుల సంఖ్య 33కు చేరుకుంది. ఈ నేపథ్యంలో గుజరాత్‌ ముఖ్యమంత్రి భూపేంద్ర పటేల్‌ తాజాగా ఘటనాస్థలాన్ని పరిశీలించారు. గాయపడిన వారికి మెరుగైన చికిత్స అందించాలని ఆదేశించారు. కాగా, శనివారం సాయంత్రం రాజ్‌కోట్‌లోని టీఆర్‌పీ గేమ్‌ జోన్‌లో భారీ అగ్ని ప్రమాదం జరిగిన విషయం తెలిసిందే. వీకెండ్‌ కావడంతో​ భారీ సంఖ్యలో పర్యాటకులు అక్కడికి వచ్చారు. వారంతా ఆటల్లో నిమగ్నమైన సమయంలో ఒక్కసారిగా మంటలు చెలరేగాయి. క్షణాల్లోనే మంటలు వారని చుట్టుముట్టడంతో తప్పించుకునే ప్రయత్నం చేశారు. ఇంతలో గేమ్‌ జోన్‌ పైకప్పు కూలిపోవడంతో లోపల ఉన్న వారంతా బయటకు రాలేకపోయారు. ఈ క్రమంలో వారంతో మంటల్లో సజీవదహనమయ్యారు. తీవ్రంగా కాలిపోవడంతో మృతదేహాలను గుర్తించడం కష్టం మారిందని అధికారులు వెల్లడించారు. మరికొందరికి తీవ్ర గాయాలు కావడంతో ఆసుపత్రికి తరలించారు. చికిత్స పొందతూ కొందరు బాధితులు మృతిచెందారు. దీంతో, మృతిచెందిన వారి సంఖ్య 33కి చేరుకుంది. #WATCH | Gujarat CM Bhupendra Patel and Home Minister Harsh Sanghavi took stock of the situation at TRP game zone in Rajkot where a massive fire broke out yesterday claiming the lives of 27 people. pic.twitter.com/ks1YhRszH2— ANI (@ANI) May 26, 2024మరోవైపు.. ఈ ఘటన నేపథ్యంలో గేమ్‌ జోన్‌ వద్దకు గుజరాత్‌ ముఖ్యమంత్రి భూపేంద్ర పటేల్‌ వచ్చి పరిశీలించారు. అగ్ని ప్రమాదానికి గల కారణాలను అధికారులను అడిగి తెలుసుకున్నారు. అనంతరం, ఆసుపత్రిలో చికిత్స పొందుతున్న బాధితులను సీఎం పరామర్శించారు. ఈ సందర్భంగా గాయపడిన వారికి మెరుగైన వైద్య సాయం అందించాలని అధికారులను ఆదేశించారు. ఇదిలా ఉండగా.. అగ్ని ప్రమాద ఘటనకు సంబంధించి పోలీసులు ముగ్గురిని అరెస్ట్‌ చేశారు. వారిలో టీఆర్‌పీ గేమ్‌జోన్‌ యజమాని యువ్‌రాజ్‌ సింగ్‌ సోలంకితోపాటు దాని మేనేజర్‌ నితిన్‌ జైన్‌ కూడా ఉన్నారు. ఇక, ఈ ప్రమాద ఘటనపై ప్రభుత్వం సిట్‌ను నియమించింది. సీనియర్‌ పోలీస్‌ ఆఫీసర్‌ నేతృత్వంలో సిట్‌ను నియమించగా.. 72 గంటల్లో నివేదిక ఇవ్వాలని ఆదేశించింది.🚨 SHOCKING! At least 26 people, including at least 12 children, were killed in a massive fire that broke out at a game zone in Rajkot, Gujarat. pic.twitter.com/nN21BAP1WF— Indian Tech & Infra (@IndianTechGuide) May 26, 2024

రాజ్‌కోట్‌: గుజరాత్‌లోని రాజ్‌కోట్‌లో పెను విషాదం చోటుచేసుకుంది. వేసవి సెలవులు, వారాంతం కూడా కావడంతో సరదాగా ఆడుకునేందుకు వెళ్లిన నలుగురు చిన్నారులు సహా మొత్తం 27 మంది అగ్ని ప్రమాదానికి బలయ్యారు. నానా–మవా రోడ్డులోని టీఆర్‌పీ గేమ్‌ జోన్‌లో సాయంత్రం 4.30 గంటల సమయంలో ప్రమాదం చోటుచేసుకుంది. అందరూ ఆటల్లో మునిగి ఉన్న వేళ ఆ ప్రాంతాన్ని ఒక్కసారిగా మంటలు చుట్టుముట్టాయి. దీంతో, అందులో చిక్కుకుపోయిన వారంతా హాహాకారాలు చేశారు. సమాచారం అందుకున్న ఫైర్‌ సిబ్బంది అక్కడికి చేరుకుని దాదాపు ఐదుగంటలపాటు శ్రమించి మంటలను అదుపు చేశారు. ప్రమాదంతోపాటు బలమైన గాలులు వీస్తున్న కారణంగా ఫైబర్‌ డోమ్‌ పూర్తిగా కుప్పకూలింది. దీంతో సహాయక చర్యలకు ఆటంకం ఏర్పడింది. శిథిలాలను యుద్ధ ప్రాతిపదికన తొలగిస్తున్నట్లు రాజ్‌కోట్‌ కలెక్టర్‌ ప్రభావ్‌ జోషి చెప్పారు. ఇప్పటి వరకు 27 మృతదేహాలను వెలికితీశామన్నారు. పూర్తిగా కాలిపోయి గుర్తుపట్టడానికి కూడా వీలు లేకుండా ఉన్నాయన్నారు. మృతదేహాలను, క్షతగా త్రులను వెంటనే ఆస్పత్రులకు తరలించామ ని చెప్పారు. ఘటన నేపథ్యంలో నగర వ్యాప్తంగా ఉన్న గేమింగ్‌ జోన్లు అన్నిటినీ వెంటనే మూసివేయాలని ఆదేశాలు జారీ చేసినట్లు వెల్లడించారు. ప్రమాదం సంభవించిన గేమ్‌ జోన్‌లో తక్షణమే సహాయ కార్యక్రమాలను చేపట్టాలని యంత్రాంగాన్ని ఆదేశించినట్లు సీఎం భపేంద్ర పటేల్‌ తెలిపారు. ఘటనకు దారి తీసిన కారణాలపై సిట్‌తో ప్రత్యేక విచారణ చేయిస్తామన్నారు. మృతుల కుటుంబాలకు రూ.4 లక్షలు, క్షతగాత్రులకు రూ.50 వేలు పరిహారంగా ప్రకటించారు. కాగా, రాజ్‌కోట్‌లో విషాద ఘటనపై రాష్ట్రపతి ద్రౌపదీ ముర్ము, ప్రధానమంత్రి నరేంద్ర మోదీ దిగ్భ్రాంతి వ్యక్తం చేశారు. యజమాని అరెస్ట్‌టీఆర్‌పీ గేమ్‌ జోన్‌ యజమాని యువరాజ్‌ సింగ్‌ సోలంకీ, మేనేజర్‌తోపాటు మొత్తం ముగ్గురిని అదుపులోకి తీసుకున్నట్లు పోలీసులు తెలిపారు.

గాంధీనగర్‌: లోక్‌సభ ఎన్నికల వేళ ప్రచారంలో దూసుకుపోతున్న బీజేపీకి గుజరాత్‌ రాజ్‌కోట్‌ సెగ్మెంట్‌లో పురుషోత్తం రూపాలా అభ్యర్థిత్వం తలనొప్పిగా మారింది. రాజ్‌కోట్‌లో బీజేపీ అ‍భ్యర్థి పురుషోత్తం రూపాలాను.. అక్కడి నుంచి ఉపసంహరించుకోపోతే రాజ్‌పుత్‌ సామాజిక వర్గం సంఘాలు పెద్దఎత్తున నిరసన తెలుపుతామనిహెచ్చరిస్తున్నాయి. గుజరాత్‌లోని 26 లోక్‌సభ స్థానాల్లో తమ నిరసనలు తీవ్రతరం చేస్తామంటున్నాయి. ఏప్రిల్‌ 19 వరకు రాజ్‌కోట్‌ పార్లమెంట్‌ స్థానంలో బీజేపీ అభ్యర్థి పురుషోత్తం రూపాలాను ఉపసంహరించకోపోతే తమ నిరసన దేశంలోని మరికొన్ని ప్రాంతాలకు విస్తరిస్తామని రాజ్‌పుత్  సంకల్ఫ్‌ సమితి చైర్మన్‌  కరన్‌సిన్హ చద్వా హెచ్చరించారు. ఈ సమతి రాజ్‌కోట్‌లో ‘రాజ్‌పుత్ ఆత్మగౌరవ సభ’ను ఆదివారం నిర్వహించింది. ఏప్రిల్‌ 16న రూపాల నామినేషన్ దాఖలు చేయనున్న నేపథ్యంతో ఆయన అభ్యర్థిత్వాన్ని బీజేపీ ఉపసంహరించుకోవాలని డిమాండ్‌ చేస్తోంది. ఇక.. నామినేషన్‌కు చివరి తేదీ 19, అదే విధంగా నామినేషన్ల ఉపసంహరణ తేదీ 22 వరకు ఉంది. పటీదార్‌ సామాజిక వర్గానికి చెందిన రుపాలా మర్చి 22న వివాదస్పద వ్యాఖ్యలు చేశారు. పూర్వపు మహారాజులు.. బ్రిటిష్‌ వారితో సహా విదేశి పాలకుల అణచివేతకు లొంగిపోయారు. అదీకాక.. వారితో కలిసి భోజనం చేసి మహారాజులు తమ కుమర్తెలను విదేశీయులకు ఇచ్చి వివాహం జరిపించారని వ్యాఖ్యానించారు.ఈ వ్యాఖ్యలపై రాజ్‌పుత్‌లు తీవ్ర ఆగ్రహం వ్యక్తం చేస్తూ నిరసనలు తెలిపారు. రూపాలా అభ్యర్థిత్వాన్ని రాజ్‌కోట్‌ పార్లమెంట్‌ స్థానం నుంచి ఉపసంహరించుకోవాలని బీజేపీని డిమాండ్‌ చేశారు. అయితే ఇ‍ప్పటికే రూపాలా రెండు సార్లు  క్షమాపణలు చెప్పినా రాజ్‌పుత్‌ వర్గాలు  నిరాకరించాయి.  ఈ నేపథ్యంలో రూపాలాకు వ్యతిరేకంగా గుజరాత్‌ మొత్తం పోస్టర్లు వెలిశాయి. గుజరాత్‌లో మొత్తం 26 స్థానాలక మే 7 పోలింగ్‌ జరగనుంది. బీజేపీ రూపాలా అభ్యర్థిత్వాన్ని మార్చకపోతే.. వందల సంఖ్యలో నామినేషన్ల దాఖలు చేసి మరీ బీజేపీ అభ్యర్థిని ఓడిస్తామని హెచ్చరించారు. ‘బీజేపీలో విభేదాలు తలెత్తితే... రాత్రికిరాత్తే మంత్రులు, సీఎంను తొలగిస్తారు. కానీ, బీజేపీ నేత రాజ్‌పుత్‌ మహిళలపై అనుచిత వ్యాఖ్యలు చేస్తే మాత్రం ఎందుకు  నిశ్శబ్దంగా ఉంటుంది? మేము పెద్ద ఎత్తున పోరాడుతాం. సమస్యలపై మేము ధ్యైరం చూపిస్తాం’ అని రాత్‌పుత్‌ల నేత తృప్తి బా  తెలిపారు. కాగా.. కొంతమందిస్వార్థ ప్రయోజనాల కోసమే నిరసనలకు ఆజ్యం పోస్తున్నారని  బీజేపీ పేర్కొంది. మరోవైపు.. కాంగ్రెస్‌ పార్టీ అధికార ప్రతినిధి మనీష్‌ దోషి మాట్లాడుతూ.. ‘మేము చాలా విశ్వాసంతో ఉన్నాం. పాటీదార్‌, రాజ్‌పుత్‌లు అంతా కలిసి రూపాలాను ఓడిస్తారు’అని అన్నారు. ఇక్కడ కాంగ్రెస్‌ పార్టీ నుంచి  పరేష్‌ ధమాని పోటీ చేస్తున్నారు.

‘‘రాజ్‌కోట్‌ టెస్టు జరుగుతున్న సమయంలో పిల్లలు స్కూలు నుంచి వచ్చిన ఐదు నిమిషాల తర్వాత.. తను 500 వికెట్ల మార్కు అందుకున్నాడు. వెనువెంటనే మమ్మల్ని అభినందిస్తూ ఫోన్‌ కాల్స్‌ మొదలయ్యాయి. ఇంతలో మా అత్తయ్య పెద్దగా కేక పెట్టి కుప్పకూలిపోయారు. హుటాహుటిన ఆస్పత్రికి తరలించాం. అశ్విన్‌కు ఈ విషయం గురించి చెప్పకూడదని నిర్ణయించుకున్నాం. ఎందుకంటే.. చెన్నై- రాజ్‌కోట్‌ మధ్య విమాన రాకపోకలు అంత ఎక్కువగా లేవని తెలుసు. అందుకే నేను ఛతేశ్వర్‌ పుజారాకు ఫోన్‌ చేసి అతడి కుటుంబ సభ్యుల సహాయం కోరాను. ఆ తర్వాత అశ్విన్‌కు ఫోన్‌ చేశాను. ఎందుకంటే ఆంటీని పరీక్షించిన తర్వాత.. ‘ఇలాంటి పరిస్థితుల్లో కొడుకు దగ్గరగా ఉంటే బాగుంటుంది’ అని డాక్టర్‌ చెప్పారు. అదే విషయం అశ్విన్‌తో చెప్పగానే తాను తీవ్ర భావోద్వేగానికి లోనయ్యాడు. వెంటనే కాల్‌ కట్‌ చేశాడు. ఆ తర్వాత 20 -25 నిమిషాలకు గానీ మళ్లీ మాట్లాడలేకపోయాడు. రోహిత్‌ శర్మ, రాహుల్‌(ద్రవిడ్‌) భాయ్‌, బీసీసీఐలోని ఇతర సభ్యులకు ధన్యవాదాలు. అశ్విన్‌ చెన్నైకి చేరేంతవరకు క్షేమసమాచారాలు అడుగుతూ మాకు అండగా నిలబడ్డారు. ఆరోజు అశ్విన్‌ వచ్చేసరికి అర్ధరాత్రి అయింది’’ అని టీమిండియా వెటరన్‌ స్పిన్నర్‌ రవిచంద్రన్‌ అశ్విన్‌ సతీమణి ప్రీతి నారాయణన్‌ ఉద్వేగానికి లోనైంది.  అశ్విన్‌ ఐదు వందల టెస్టు వికెట్ల క్లబ్‌లో చేరాడన్న సంతోష సమయంలోనే అత్తగారు అనారోగ్యం పాలవడం తమను తీవ్ర మనోవేదనకు గురిచేసిందని పేర్కొంది. కష్టకాలంలో ఛతేశ్వర్‌ పుజారా కుటుంబం, టీమిండియా కెప్టెన్‌ రోహిత్‌ శర్మ, హెడ్‌కోచ్‌ రాహుల్‌ ద్రవిడ్‌ తమకు అండగా నిలిచారని ప్రీతి కృతజ్ఞతాభావం చాటుకుంది. కాగా ఇంగ్లండ్‌తో స్వదేశంలో జరుగుతున్న ఐదు మ్యాచ్‌ల సిరీస్‌ సందర్భంగా మూడో టెస్టు మధ్యలోనే అశ్విన్‌ జట్టును వీడిన విషయం తెలిసిందే. 500 వికెట్ల క్లబ్‌లో చేరిన తర్వాత తల్లి అనారోగ్యం పాలైన నేపథ్యంలో సెలవు తీసుకుని చెన్నైకి వెళ్లాడు. అయితే, ఆమె ఆరోగ్యం కుదుటపడగానే మళ్లీ జట్టుతో చేరాడు. ఇక ప్రస్తుతం ధర్మశాలలో జరిగే ఐదో టెస్టుతో అశ్విన్‌ మళ్లీ బిజీ కానున్నాడు. అంతర్జాతీయ కెరీర్‌లో అశూకు ఇది వందో టెస్టు కావడం విశేషం. ఈ నేపథ్యంలో అశ్విన్‌ భార్య ప్రీతి.. ఈ సిరీస్‌ సమయంలో తమ కుటుంబం మానసిక వేదనకు గురైన తీరును వివరిస్తూ ఇండియన్‌ ఎక్స్‌ప్రెస్‌ కాలమ్‌లో తన మనసులోని భావాలు పంచుకుంది. చదవండి: Rohit Sharma: సాకులు చెప్పి తప్పించుకోవచ్చు.. కానీ ఉదయం 5.30 గంటలకే ఇలా..

ప్రధాని నరేంద్ర మోదీ నేడు (ఆదివారం) గుజరాత్‌లో పర్యటిస్తున్నారు. ఈ సందర్భంగా రూ.52,250 కోట్ల విలువైన ప్రాజెక్టులను ప్రధాని మోదీ ప్రారంభించనున్నారు. ఫిబ్రవరి 25న ఉదయం 7:45 గంటలకు ప్రధాని ద్వారకా ఆలయాన్ని సందర్శించి పూజలు చేయనున్నారు. అనంతరం సుదర్శన్ వంతెనను సందర్శిస్తారు.  ప్రధాని మోదీ మధ్యాహ్నం ఒంటి గంట ప్రాంతంలో ద్వారకలో రూ.4,150 కోట్లకు పైగా విలువైన పలు అభివృద్ధి కార్యక్రమాలకు ప్రారంభోత్సవాలు, శంకుస్థాపనలు చేయనున్నారు. దీని తర్వాత మధ్యాహ్నం 3.30 గంటలకు ప్రధాని మోదీ రాజ్‌కోట్‌కు వెళ్లనున్నారు. సాయంత్రం 4:30 గంటలకు రాజ్‌కోట్‌లోని రేస్ కోర్స్ గ్రౌండ్‌లో రూ. 48,100 కోట్ల విలువైన పలు అభివృద్ధి కార్యక్రమాలకు ప్రారంభోత్సవం చేయనున్నారు.  ద్వారకలో జరిగే బహిరంగ కార్యక్రమంలో ప్రధాని మోదీ ఓఖా ప్రధాన భూభాగంతో బేట్ ద్వారకా ద్వీపాన్ని కలుపుతూ సుమారు రూ. 980 కోట్లతో నిర్మించిన సుదర్శన్ సేతును జాతికి అంకితం చేయనున్నారు. ఇది దాదాపు 2.32 కిలోమీటర్ల పొడవుతో దేశంలోనే అతి పొడవైన కేబుల్ సపోర్ట్ బ్రిడ్జిగా గుర్తింపు పొందింది. వదినార్, రాజ్‌కోట్-ఓఖా, రాజ్‌కోట్-జెతల్‌సర్-సోమ్‌నాథ్ మరియు జెతల్‌సర్-వాన్సజలియా రైలు విద్యుదీకరణ ప్రాజెక్టుల వద్ద పైప్‌లైన్‌ను ప్రధాని జాతికి అంకితం చేయనున్నారు. ఫిబ్రవరి 26న దేశంలోని 550 అమృత్ భారత్ స్టేషన్లకు ప్రధాని మోదీ శంకుస్థాపన చేయనున్నారు. పశ్చిమ బెంగాల్‌లోని బండేల్‌లో రూ.307 కోట్ల అంచనా వ్యయంతో ప్రపంచ స్థాయి స్టేషన్‌ను  నిర్మించనున్నారు.టెలికాన్ఫరెన్సింగ్ ద్వారా బెంగాల్, జార్ఖండ్, బీహార్‌లోని 28 స్టేషన్ల పునరాభివృద్ధికి ప్రధాని మోదీ శంకుస్థాపన చేయనున్నారు.

India vs England, 3rd Test: ఇంగ్లండ్‌ ‘బజ్‌బాల్‌’ను టీమిండియా చితక్కొట్టింది. ఏకంగా 434 పరుగుల తేడాతో స్టోక్స్‌ బృందాన్ని ఓడించి రాజ్‌కోట్‌లో రాజసం చిందించింది. ఫలితంగా కనీవినీ ఎరుగని రీతిలో ఇంగ్లిష్‌ జట్టు ఘోర ఓటమిని చవిచూసింది. తద్వారా.. తమ క్రికెట్‌ చరిత్రలోనే పరుగుల పరంగా రెండో అతిపెద్ద పరాజయం మూటగట్టుకుంది స్టోక్స్‌ బృందం. అదే విధంగా ఐదు మ్యాచ్‌ల సిరీస్‌లో 2-1తో వెనుకబడింది. ఈ విషయంపై ఇంగ్లండ్‌ కెప్టెన్‌ బెన్‌ స్టోక్స్‌ స్పందించాడు. అతడి ఇన్నింగ్స్‌ అద్భుతం మ్యాచ్‌ అనంతరం మాట్లాడుతూ.. ‘‘బెన్‌ డకెట్‌ అద్భుత, అద్వితీయ ఇన్నింగ్స్‌ ఆడాడు. ఇన్నింగ్స్‌ ఆసాంతం ఇలాంటి జోరే కొనసాగించాలని మేము భావించాం.  టీమిండియా విధించిన లక్ష్యాన్ని ఛేదించాలనుకున్నాం. భారత రెండో ఇన్నింగ్స్‌లో మేము ఎక్కువ సేపు బౌలింగ్‌ చేయాలని భావించాం. కానీ అలా జరుగలేదు. అనుకున్న దాని కంటే ముందుగానే బ్యాటింగ్‌ చేయాల్సి వచ్చింది. కొన్నిసార్లు ప్రణాళికలను పక్కాగా అమలు చేయడం సాధ్యం కాదు. ఏదేమైనా మా ఆటగాళ్లకు అండగా నిలవడం ముఖ్యం. ప్రస్తుతం మేము 1-2తో వెనుకబడి ఉన్నాం. అయితే, ఈ మ్యాచ్‌ నుంచి నేర్చుకున్న పాఠాలతో తిరిగి పుంజుకుంటాం. సిరీస్‌ గెలుస్తాం ఈ ఓటమి నుంచి తేరుకుని తదుపరి రెండు మ్యాచ్‌లపై దృష్టి సారిస్తాం. కచ్చితంగా సిరీస్‌ గెలిచేందుకు ప్రయత్నిస్తాం’’ అని బెన్‌ స్టోక్స్‌ పేర్కొన్నాడు. కాగా మూడో టెస్టు తొలి ఇన్నింగ్స్‌లో ఇంగ్లండ్‌ ఓపెనర్‌ బెన్‌ డకెట్‌ ధనాధన్‌ సెంచరీ(153)తో అలరించాడు. అయితే, రెండో ఇన్నింగ్స్‌లో మాత్రం 4 పరుగులకే రనౌట్‌ అయ్యాడు. ఇక టీమిండియా- ఇంగ్లండ్‌ మధ్య రాజ్‌కోట్ టెస్టు నాలుగు రోజుల్లోనే ముగిసిపోగా.. ఇరు జట్ల మధ్య ఫిబ్రవరి 23 నుంచి నాలుగో టెస్టు ఆరంభం కానుంది. పరుగుల పరంగా ఇంగ్లండ్‌కు అతిపెద్ద టెస్టు ఓటములు ►562- వర్సెస్ ఆసీస్- ది ఓవల్ 1934 ►434- వర్సెస్‌ భారత్- రాజ్ కోట్- 2024 ►425- వర్సెస్ వెస్టిండీస్‌- మాంచెస్టర్ 1976 ►409- వర్సెస్ ఆసీస్- లార్డ్స్ 1948 ►405- వర్సెస్ ఆసీస్- లార్డ్స్ 2015 చదవండి: IND vs ENG: ఇంగ్లండ్‌తో నాలుగో టెస్టు.. టీమిండియాలో ఊహించని మార్పు! స్టార్‌ ప్లేయర్‌ దూరం

India Wicket-Keeper Dhruv Jurel Inflicts Stunning Run-Out: ఇంగ్లండ్‌తో తొలి టెస్టులో ఓటమి గాయాలను చెరిపేసేలా టీమిండియా వరుస విజయాలతో దూసుకుపోతోంది. హైదరాబాద్‌లో ఎదురైన పరాభవానికి విశాఖపట్నంలో బదులు తీర్చుకున్న రోహిత్‌ సేన.. రాజ్‌కోట్‌లో చారిత్రాత్మక గెలుపుతో అభిమానులను ఖుషీ చేసింది. ఇంగ్లండ్‌ను ఏకంగా 434 పరుగుల తేడాతో చిత్తు చేసి భారత టెస్టు చరిత్రలో పరుగుల పరంగా అతిపెద్ద విజయాన్ని నమోదు చేసింది. యువ బ్యాటర్‌ యశస్వి జైస్వాల్‌ డబుల్‌ సెంచరీ(214)కు తోడు ఆల్‌రౌండర్‌ రవీంద్ర జడేజా(5 వికెట్లు) బంతితో మాయాజాలం చేయడంతో ఈ గెలుపు సాధ్యమైంది. ఇదిలా ఉంటే.. ఇంగ్లండ్‌తో మూడో టెస్టు సందర్భంగా భారత్‌ తరఫున ఇద్దరు యువ ఆటగాళ్లు సర్ఫరాజ్‌ ఖాన్‌, ధ్రువ్‌ జురెల్‌ అంతర్జాతీయ క్రికెట్‌లో అడుగుపెట్టారు. ముంబై బ్యాటర్‌ సర్ఫరాజ్‌ ఖాన్‌ వరుస అర్ధ శతకాలతో(62, 68) సత్తా చాటితే.. ఉత్తరప్రదేశ్‌ క్రికెటర్‌ ధ్రువ్‌ జురెల్‌ బ్యాటింగ్‌(తొలి ఇన్నింగ్స్‌లో- 46), వికెట్‌ కీపింగ్‌ నైపుణ్యాలతో ఆకట్టుకున్నాడు. ముఖ్యంగా ఇంగ్లండ్‌ రెండో ఇన్నింగ్స్‌లో ప్రమాదకర బ్యాటర్‌, ఓపెనర్‌ బెన్‌ డకెట్‌(4)ను రనౌట్‌ చేసిన తీరు హైలైట్‌గా నిలిచింది. భారీ లక్ష్యంతో బరిలోకి దిగిన ఇంగ్లండ్‌ను గట్టెక్కించాలని కంకణం కట్టుకున్న డకెట్‌.. భారత పేసర్‌ జస్‌ప్రీత్‌ బుమ్రా (6.1వ ఓవర్లో) బౌలింగ్‌లో మిడ్‌ వికెట్‌ మీదుగా బంతిని తరలించగా.. మహ్మద్‌ సిరాజ్‌ బాల్‌ను ఆపాడు. Super Jurel 🦸‍♂️ with some 🔝glove-work 🔥👌#IDFCFirstBankTestSeries #INDvENG #BazBowled #JioCinemaSports pic.twitter.com/dTlzQZXKAn — JioCinema (@JioCinema) February 18, 2024 ఈ క్రమంలో మరో ఎండ్‌లో ఉన్న జాక్‌ క్రాలే పరుగుకు నిరాకరించగా.. డకెట్‌ వెంటనే వెనక్కి వెళ్లే ప్రయత్నం చేశాడు. కానీ అంతలోనే సిరాజ్‌ వేసిన బంతిని అందుకున్న వికెట్‌ కీపర్‌ ధ్రువ్‌ జురెల్‌ మెరుపు వేగంతో స్టంప్‌ను ఎగురగొట్టాడు. రెప్పపాటులో జరిగిన ఈ అద్భుతం కారణంగా డకెట్‌ 4 పరుగుల వ్యక్తిగత స్కోరు వద్ద నిష్క్రమించాడు. జురెల్‌ స్కిల్స్‌కు అద్దం పట్టే వీడియోను అభిమానులు నెట్టింట షేర్‌ చేస్తూ ప్రశంసల వర్షం కురిపిస్తున్నారు. ఇదిలా ఉంటే.. డకెట్‌ తొలి ఇన్నింగ్స్‌లో విధ్వంసకర శతకం(153)తో విరుచుకుపడ్డ విషయం తెలిసిందే. చదవండి: సర్ఫరాజ్‌ ఒక్కడేనా.. ఈ ‘వజ్రాన్ని’ చూడండి! (ఫొటో గ్యాలరీ కోసం క్లిక్‌ చేయండి)

టీమిండియాతో టెస్టు సిరీస్‌లో ఇంగ్లండ్‌ స్టార్‌ జానీ బెయిర్‌ స్టో పేలవ ప్రదర్శన కొనసాగిస్తున్నాడు. తొలి రెండు టెస్టుల్లో దారుణంగా విఫలమైన బెయిర్‌ స్టో.. తాజాగా రాజ్‌కోట్‌ వేదికగా జరుగుతున్న మూడో టెస్టులో సైతం అదే తీరును కనబరిచాడు. తొలి ఇన్నింగ్స్‌లో బెయిర్‌ స్టో ఖాతా తెరవకుండానే పెవిలియన్‌కు చేరాడు. భారత స్పిన్నర్‌ కుల్దీప్‌ యాదవ్‌ బౌలింగ్‌లో జానీ వికెట్ల ముందు దొరికిపోయాడు. దీంతో బెయిర్‌ స్టో డకౌట్‌గా  వెనుదిరిగాడు. తద్వారా అత్యంత చెత్త రికార్డును బెయిర్‌ స్టో తన పేరిట లిఖించుకున్నాడు. టెస్టు క్రికెట్‌లో భారత్‌పై అత్యధిక సార్లు డకౌటైన ఆటగాడిగా బెయిర్‌ స్టో నిలిచాడు.  ఈ  ఇంగ్లీష్‌ బ్యాటర్‌ ఇప్పటివరకు టెస్టుల్లో భారత్‌పై 8 సార్లు డకౌటయ్యాడు. కాగా అంతకుముందు ఈ చెత్త రికార్డు పాకిస్తాన్‌ మాజీ ఆటగాడు డనేష్‌ కనేరియా పేరిట ఉండేది. కనేరియా 7 సార్లు భారత్‌పై డకౌటయ్యాడు. ఇక తాజా మ్యాచ్‌తో కనేరియాను బెయిర్‌ స్టో అధిగమించాడు. ఇక మ్యాచ్‌ విషయానికి వస్తే..  ఇంగ్లండ్‌ తమ తొలి ఇన్నింగ్స్‌లో 319 పరుగులకు ఆలౌటైంది.  207/2 ఓవర్‌ నైట్‌ స్కోరుతో మూడో రోజు ఆటను ప్రారంభించిన ఇంగ్లండ్‌..  అదనంగా 112 పరుగులు చేసి తమ ఇన్నింగ్స్‌ను ముగించింది. ఇంగ్లండ్‌ బ్యాటర్లలో బెన్‌ డకెట్‌(153) అద్బుతమైన సెంచరీతో చెలరేగాడు. భారత బౌలర్లలో సిరాజ్‌తో పాటు కుల్దీప్‌ యాదవ్‌, రవీంద్ర జడేజా తలా రెండు వికెట్లు పడగొట్టారు. కాగా తొలి ఇన్నింగ్స్‌లో టీమిండియాకు 126 పరుగుల ఆధిక్యం లభించింది. అనంతరం రెండో ఇన్నింగ్స్‌లో భారత్‌ వికెట్‌ నష్టానికి 30 ఓవర్లలో 116 పరుగులు చేసింది. Jonny Bairstow has a habit of getting out early vs India in Tests ☹️#INDvENG pic.twitter.com/G0QkGteI5q — ESPNcricinfo (@ESPNcricinfo) February 17, 2024

ఢిల్లీ: టీమిండియాకు పెద్ద షాక్‌ తగిలింది. ఇంగ్లండ్‌తో రాజ్‌కోట్‌లో జరుగుతున్న మూడో టెస్టు మ్యాచ్‌ నుంచి భారత బౌలర్‌ రవిచంద్రన్‌ అశ్విన్‌ వైదొలిగాడు.  వ్యక్తిగత కారణాలతో అశ్విన్‌ ఈ నిర్ణయం తీసుకున్నట్లు బీసీసీఐ ‘ఎక్స్‌’ ద్వారా వెల్లడించింది. అతని తల్లికి ఆరోగ్యం బాగోలోద ఇటువంటి పరిస్థితుల్లో అతడికి జట్టుతో పాటు బోర్డు అండగా నిలుస్తుందని తెలిపింది. తన తల్లి అనారోగ్యంతో బాధపడుతుండడంతోనే అశ్విన్‌ మ్యాచ్‌ నుంచి దూరమైనట్లు తెలుస్తోంది. ఆటగాళ్లు, వారి కుటుంబ సభ్యుల ఆరోగ్యం, శ్రేయస్సు తమకు ఎంతో ముఖ్యమని తెలిపింది. ఈ కష్టకాలంలో అశ్విన్‌కు అవసరమైన సహాయాన్ని బోర్డు, టీమ్‌ఇండియా జట్టు అందిస్తుందని పేర్కొంది. R Ashwin withdraws from the 3rd India-England Test due to family emergency. In these challenging times, the Board of Control for Cricket in India (BCCI) and the team fully supports Ashwin.https://t.co/U2E19OfkGR — BCCI (@BCCI) February 16, 2024 ఈ మేరకు బీసీసీఐ ఉపాధ్యక్షుడు రాజీవ్‌ శుక్లా ఎక్స్‌(ట్విటర్‌) వేదికగా ఒక పోస్టు చేశారు. ఈ పరిస్థితుల్లో తన తల్లికి దగ్గర ఉండడం కోసం అశ్విన్‌ రాజ్‌కోట్‌ నుంచి చెన్నై వెళ్లినట్లు పేర్కొన్నారు. ఆమె తొందరగా కోలుకోవాలని ఆకాంక్షించారు. రాజ్‌కోట్‌ వేదికగా జరుగుతున్న మూడో టెస్టులో భారత్‌ తొలి ఇన్నింగ్స్‌లో 445 పరుగులకు ఆలౌట్‌ అయింది. రెండోరోజు బ్యాటింగ్‌ చేపట్టిన ఇంగ్లండ్‌ 2 వికెట్ల నష్టానికి 207 పరుగులు చేసింది. మ్యాచ్‌లో అశ్విన్‌ శుక్రవారం ఒక వికెట్‌ తీసి 500 వికెట్ల క్లబ్‌లో చేరిన విషయం తెలిసిందే. భారత్‌ టెస్టు క్రికెట్‌లో ఈ ఘనత సాధించిన రెండో బౌలర్‌గా ఘనతకెక్కాడు. మూడో టెస్టులో అశ్విన్‌ 37 పరుగులు చేసి కీలక భాగస్వామ్యం నెలకొల్పాడు.  ఇటువంటి తరుణంలో జట్టుకు అశ్విన్‌ దూరం కావడం పెద్దదెబ్బే.   

India vs England, 3rd Test: రాజ్‌కోట్‌ టెస్టు సందర్భంగా టీమిండియా యువ క్రికెటర్‌ సర్ఫరాజ్‌ ఖాన్‌ చరిత్ర సృష్టించాడు. క్రికెట్‌ పుటల్లో అరుదైన జాబితాలో తన పేరును నమోదు చేసుకున్నాడు. కాగా ఐదు మ్యాచ్‌ల సిరీస్‌లో భాగంగా టీమిండియా- ఇంగ్లండ్‌ తొలి రెండో మ్యాచ్‌లలో చెరొకటి గెలిచి ప్రస్తుతం 1-1తో సమంగా ఉన్నాయి.  ఈ క్రమంలో ఇరు జట్ల మధ్య గురువారం(ఫిబ్రవరి 15) మూడో టెస్టు మొదలైంది. ఇక ఈ మ్యాచ్‌ ద్వారా ముంబై బ్యాటర్‌ సర్ఫరాజ్‌ ఖాన్‌ ఎట్టకేలకు టీమిండియా తరఫున అరంగేట్రం చేశాడు. రంజీల్లో పరుగుల వరద పారించి తొలి టెస్టు తర్వాత గాయం కారణంగా జట్టుకు దూరమైన కేఎల్‌ రాహుల్‌ ఇంకా కోలుకోకపోవడంతో సర్ఫరాజ్‌కు తుదిజట్టులో చోటు దక్కింది. తద్వారా.. రంజీల్లో పరుగుల వరద పారించిన ఈ 26 ఏళ్ల కుడిచేతి వాటం బ్యాటర్‌ టెస్టు క్యాప్‌ అందుకున్నాడు. కాగా అంతర్జాతీయ క్రికెట్‌లో అడుగుపెట్టేనాటికి సర్ఫరాజ్‌ ఖాన్‌ ఫస్ట్‌క్లాస్‌ క్రికెట్‌లో సగటు 69.85తో 3,912 పరుగులు రాబట్టాడు.  సెంచరీల వీరుడు తద్వారా టీమిండియా తరఫున అరంగేట్రం చేసే నాటికి ఫస్ట్‌క్లాస్‌ క్రికెట్‌లో అత్యధిక సగటు కలిగి ఉన్న బ్యాటర్లలో ఆరో స్థానంలో నిలిచాడు. ఈ క్రమంలో స్టార్‌ బ్యాటర్‌ శుబ్‌మన్‌  గిల్‌ను అధిగమించి.. క్రికెట్‌ గాడ్‌ సచిన్‌ టెండుల్కర్‌ తర్వాతి స్థానాన్ని ఆక్రమించాడు. కాగా ఫస్ట్‌క్లాస్‌ క్రికెట్‌లో ఇప్పటి వరకు 45 మ్యాచ్‌లు ఆడిన సర్ఫరాజ్‌ ఖాన్‌ ఖాతాలో 14 సెంచరీలు, 11 అర్ధ శతకాలు ఉన్నాయి. భారత్‌ తరఫున అరంగేట్రం నాటికి ఫస్ట్‌క్లాస్‌ క్రికెట్‌లో అత్యధిక బ్యాటింగ్‌ సగటు కలిగి ఉన్న బ్యాటర్లు 88.37 - వినోద్ కాంబ్లీ (27 మ్యాచ్‌లు) 81.23 - ప్రవీణ్ ఆమ్రే (23) 80.21 - యశస్వి జైస్వాల్ (15) 71.28 - రుషి మోదీ (38) 70.18 - సచిన్ టెండుల్కర్ (9) 69.85 - సర్ఫరాజ్ ఖాన్ (45) 68.78 - శుబ్‌మన్‌ గిల్ (23) . చదవండి: Rohit Sharma: అతి వద్దు రోహిత్‌! From The Huddle! 🔊 A Test cap is special! 🫡 Words of wisdom from Anil Kumble & Dinesh Karthik that Sarfaraz Khan & Dhruv Jurel will remember for a long time 🗣️ 🗣️ You Can Not Miss This! Follow the match ▶️ https://t.co/FM0hVG5X8M#TeamIndia | #INDvENG | @dhruvjurel21 |… pic.twitter.com/mVptzhW1v7 — BCCI (@BCCI) February 15, 2024

Ind vs Eng 3rd Test- Sarfaraz Khan Debut- Beautiful moment: టీమిండియా తరఫున అరంగేట్రం చేయాలన్న యువ క్రికెటర్‌ సర్ఫరాజ్‌ ఖాన్‌ చిరకాల కోరిక ఎట్టకేలకు నెరవేరింది. ఎన్నో ఏళ్లుగా అంతర్జాతీయ క్రికెట్‌లో అడుగుపెట్టాలని ఆశగా ఎదురుచూస్తున్న అతడి నిరీక్షణకు గురువారం(ఫిబ్రవరి 15) తెరపడింది. ఇంగ్లండ్‌తో మూడో టెస్టు సందర్భంగా సర్ఫరాజ్‌ ఖాన్‌ భారత తుదిజట్టులో చోటు దక్కించుకున్నాడు. స్పిన్‌ దిగ్గజం అనిల్‌ కుంబ్లే చేతుల మీదుగా ఈ ముంబై బ్యాటర్‌ టీమిండియా క్యాప్‌ అందుకున్నాడు. ఆ సమయంలో తండ్రి నౌషధ్‌ ఖాన్‌, సర్ఫరాజ్‌ భార్య రొమానా జహూర్‌ అతడి పక్కనే ఉన్నారు. ఈ క్రమంలో తన క్యాప్‌ను తండ్రికి చూపించగా.. అతడు దానిని ఆప్యాయంగా ముద్దాడి తీవ్ర భావోద్వేగానికి లోనయ్యాడు. తన కొడుకు ఈ స్థాయికి చేరడం వెనుక కష్టాలను గుర్తుచేసుకుంటూ కన్నీటి పర్యంతమయ్యాడు. వెంటనే సర్ఫరాజ్‌ వెళ్లి తండ్రిని ఆలింగనం చేసుకుని పరస్పరం అభినందనలు తెలుపుకొన్నారు. ఇక రొమానా సైతం కంటతడి పెట్టగా.. సర్ఫరాజ్‌ ఆమె కన్నీళ్లు తుడిచాడు. ఈ భావోద్వేగపూరిత సన్నివేశాలకు సంబంధించిన ఫొటోలు నెట్టింట వైరల్‌ అవుతున్నాయి. అన్నాదమ్ముళిద్దరూ క్రికెటర్లే మహారాష్ట్రలో 1997లో జన్మించిన సర్ఫరాజ్‌ ఖాన్‌ క్రికెటర్‌గా ఎదగడంలో అతడి తండ్రి నౌషద్‌ ఖాన్‌ది కీలక పాత్ర. సర్ఫరాజ్‌తో పాటు అతడి తమ్ముడు ముషీర్‌ ఖాన్‌ కూడా క్రికెటరే. ఇటీవలే అతడు అండర్‌-19 వరల్డ్‌కప్‌లో ఆడాడు. యువ భారత్‌ ఫైనల్‌ చేరుకోవడంలో ప్రధాన పాత్ర పోషించాడు. అందుకే ఆలస్యం! ఇక సర్ఫరాజ్‌ ఖాన్‌ దేశవాళీ క్రికెట్లో ముఖ్యంగా రంజీల్లో అద్భుతంగా రాణించినప్పటికీ టీమిండియా ఎంట్రీ ఆలస్యమైంది. అతడి దూకుడు, ఆటిట్యూడ్‌ కారణంగానే టీమిండియా సెలక్టర్లు సర్ఫరాజ్‌ ఖాన్‌ను పక్కనపెట్టారనే వార్తలు వినిపించాయి. అయితే, అభిమానులు మాత్రం ప్రతిభావంతుడైన ఆటగాడికి అన్యాయం జరుగుతోందంటూ అనేక సందర్భాల్లో బీసీసీఐ ఆగ్రహం వ్యక్తం చేశారు. తాజాగా ఇంగ్లండ్‌తో సిరీస్‌లో కేఎల్‌ రాహుల్‌ మూడో టెస్టుకు అందుబాటులో లేకుండా పోవడంతో సర్ఫరాజ్‌ ఖాన్‌ అరంగేట్రానికి మార్గం సుగమమైంది. రాజ్‌కోట్‌ వేదికగా జరుగుతున్న  ఈ మ్యాచ్‌ ద్వారా ఉత్తరప్రదేశ్‌ వికెట్‌ కీపర్‌ ధ్రువ్‌ జురెల్‌ కూడా టీమిండియా తరఫున అరంగేట్రం చేశాడు. చదవండి: Dhruv Jurel: తండ్రి కార్గిల్‌ యుద్ధంలో.. తల్లి బంగారు గొలుసు అమ్మి మరీ! From The Huddle! 🔊 A Test cap is special! 🫡 Words of wisdom from Anil Kumble & Dinesh Karthik that Sarfaraz Khan & Dhruv Jurel will remember for a long time 🗣️ 🗣️ You Can Not Miss This! Follow the match ▶️ https://t.co/FM0hVG5X8M#TeamIndia | #INDvENG | @dhruvjurel21 |… pic.twitter.com/mVptzhW1v7 — BCCI (@BCCI) February 15, 2024

India vs England, 3rd Test: రాజ్‌కోట్‌ వేదికగా టీమిండియా- ఇంగ్లండ్‌ మధ్య మూడో టెస్ట్‌ మ్యాచ్‌కు రంగం సిద్ధమైంది. ఈ మ్యాచ్‌లో టాస్‌ గెలిచిన టీమిండియా కెప్టెన్‌ రోహిత్‌ శర్మ బ్యాటింగ్‌ ఎంచుకున్నాడు. ఇక, ఈ టెస్టులో టీమిండియా తరఫున సర్ఫరాజ్‌ ఖాన్‌, వికెట్‌ కీపర్‌ ధృవ్‌ జూరెల్‌కు అవకాశం కల్పించడంతో వీరిద్దరూ భారత్‌ తరఫున అంతర్జాతీయ క్రికెట్‌లో అరగ్రేటం చేశారు. ఇక ఇంగ్లండ్‌ ఒక మార్పుతో బరిలోకి దిగుతోంది. యువ స్పిన్నర్‌ షోయబ్‌ బషీర్‌ స్థానంలో వెటరన్‌ పేసర్‌ మార్క్‌ వుడ్‌ తుదిజట్టులోకి వచ్చాడు. ఈ మ్యాచ్‌లో ఇంగ్లండ్‌ ఇద్దరు పేసర్లు జేమ్స్‌ ఆండర్సన్‌, మార్క్‌ వుడ్‌లను ఆడించనుంది. కాగా ఐదు మ్యాచ్‌ల సిరీస్‌లో ఇంగ్లండ్‌ హైదరాబాద్‌ టెస్టులో.. టీమిండియా విశాఖపట్నం టెస్టులో గెలిచాయి. ఇరు జట్లు 1-1తో సమంగా ఉన్నాయి. తుది జట్ల వివరాలు..  టీమిండియా: యశస్వి జైస్వాల్, రోహిత్ శర్మ(కెప్టెన్‌), శుభమన్ గిల్, రజత్ పాటీదార్‌, సర్ఫరాజ్ ఖాన్, రవీంద్ర జడేజా, ధృవ్ జురెల్(వికెట్‌ కీపర్‌), రవిచంద్రన్ అశ్విన్, కుల్దీప్ యాదవ్, జస్ప్రీత్ బుమ్రా, మహ్మద్ సిరాజ్ ఇంగ్లండ్: జాక్ క్రాలీ, బెన్ డకెట్, ఆలీ పోప్, జో రూట్, జానీ బెయిర్‌స్టో, బెన్ స్టోక్స్(కెప్టెన్‌), బెన్ ఫోక్స్(వికెట్‌ కీపర్‌), రెహాన్ అహ్మద్, టామ్ హార్ట్లీ, మార్క్ వుడ్, జేమ్స్ ఆండర్సన్

భారత్‌-ఇంగ్లండ్‌ జట్ల మధ్య రాజ్‌కోట్‌ వేదికగా రేపటి నుంచి ప్రారంభంకాబోయే మూడో టెస్ట్‌ మ్యాచ్‌ ముగ్గురు ఆటగాళ్లకు చాలా ప్రత్యేకంగా మారింది. రేపటి మ్యాచ్‌లో భారత వెటరన్‌ రవిచంద్రన్‌ అశ్విన్‌ మరో వికెట్‌ తీస్తే టెస్ట్‌ల్లో 500 వికెట్ల అరుదైన మైలురాయిని చేరుకోనుండగా.. ఇదే మ్యాచ్‌లో ఇంగ్లండ్‌ వెటరన్‌ పేసర్‌ జిమ్మీ​ ఆండర్సన్‌ మరో ఐదు వికెట్లు తీస్తే టెస్ట్‌ల్లో 700 వికెట్ల అత్యంత అరుదైన మైలురాయిని చేరుకుంటాడు. రేపటి మ్యాచ్‌ ఇంగ్లండ్‌ కెప్టెన్‌ బెన్‌ స్టోక్స్‌కు 100వ టెస్ట్‌ కావడంతో ఈ మ్యాచ్‌ అతనికి చిరకాలం గుర్తిండిపోతుంది. ఈ మూడు ప్రత్యేకతలే కాకుండా  రేపటి మ్యాచ్‌ ఇద్దరు టీమిండియా ఆటగాళ్లకు చిరస్మరణీయంగా మారే అవకాశం ఉంది. రాజ్‌కోట్‌ టెస్ట్‌తో యువ ఆటగాళ్లు సర్ఫరాజ్‌ అహ్మద్‌, దృవ్‌ జురెల్‌ టెస్ట్‌ అరంగేట్రం చేయడం దాదాపుగా ఖరారైపోయింది. ఆఖరి నిమిషంలో ఏదైనా జరిగితే తప్ప ఈ ఇద్దరి టెస్ట్‌ అరంగేట్రాన్ని ఎవ్వరూ ఆపలేరు. ఇలా  రేపటి నుంచి ప్రారంభంకాబోయే రాజ్‌కోట్‌ టెస్ట్‌ మ్యాచ్‌ ఐదుగురు ఆటగాళ్లకు చాలా ప్రత్యేకంగా మారనుంది.  ఇదిలా ఉంటే, భారత్‌-ఇంగ్లండ్‌ జట్ల మధ్య ఐదు మ్యాచ్‌ల సిరీస్‌లో ఇరు జట్లు చెరో మ్యాచ్‌లో గెలిచిన విషయం​ తెలిసిందే. హైదరాబాద్‌ వేదికగా జరిగిన మ్యాచ్‌లో ఇంగ్లండ్‌ గెలువగా.. విశాఖ వేదికగా జరిగిన రెండో టెస్ట్‌లో టీమిండియా విజయం​ సాధించింది. ఈ సిరీస్‌లో ఇరు జట్లు సమంగా ఉండటంతో రాజ్‌కోట్‌ మ్యాచ్‌ ఆసక్తికరంగా మారింది. ఈ మ్యాచ్‌లో గెలిచి ఆధిక్యతను పెంచుకోవాలని ఇరు జట్లు భావిస్తున్నాయి. టీమిండియాను సీనియర్ల గైర్హాజరీ సమస్య కలవరపెడుతున్నప్పటికీ యువ ఆటగాళ్లు ఉత్సాహంగా కనిపిస్తూ గెలుపుపై ఆశలు సజీవంగా ఉంచారు. మరోపక్క ఇంగ్లండ్‌ టీమ్‌​.. భారత్‌ను దెబ్బకొట్టేందుకు ఇదే సరైన సమయమని భావిస్తూ ప్రణాళికలు రచిస్తుంది. మరి రేపటి నుంచి ప్రారంభంకాబోయే మ్యాచ్‌లో ఏ జట్టు పైచేయి సాధిస్తుందో వేచి చూడాలి.

రాజ్‌కోట్‌: భారత సీనియర్‌ బ్యాటర్‌ కేఎల్‌ రాహుల్‌ మూడో టెస్టుకూ దూరమయ్యాడు. గాయంతో అతన్ని రెండో టెస్టు నుంచి తప్పించి... ఇటీవలే మూడో టెస్టుకు ఎంపిక చేశారు. ఫిట్‌నెస్‌ సంతరించుకుంటేనే తుది జట్టుకు ఆడతాడని సెలక్షన్‌ సమయంలోనే స్పష్టం చేశారు. తాజాగా అతను పూర్తిగా కోలుకునేందుకు మరికొంత సమయం పట్టనుండటంతో మూడో టెస్టు నుంచి తప్పించారు. అతని స్థానంలో కర్ణాటక ఎడంచేతి వాటం బ్యాటర్‌ దేవదత్‌ పడిక్కల్‌ను ఎంపిక చేశారు. ‘రాహుల్‌ వందశాతం ఫిట్‌నెస్‌తో ఉంటేనే తుది జట్టుకు పరిగణిస్తామని ఇదివరకే చెప్పాం. అతను 90 శాతం కోలుకున్నట్లు తెలియడంతో రాజ్‌కోట్‌ టెస్టుకూ పక్కన బెట్టాం. అతని పరిస్థితిని బోర్డు మెడికల్‌ టీమ్‌ ఎప్పటికప్పుడు సమీక్షిస్తుంది’ అని బీసీసీఐ అధికారి ఒకరు చెప్పారు. బెంగళూరులోని జాతీయ క్రికెట్‌ అకాడమీ (ఎన్‌సీఏ)లో పునరావాస శిబిరంలో ఉన్న రాహుల్‌ నాలుగో టెస్టుకల్లా కోలుకుంటాడని ఆశాభావంతో ఉన్నట్లు ఆయన చెప్పారు. భారత్, ఇంగ్లండ్‌ జట్ల మధ్య మూడో టెస్టు 15 నుంచి రాజ్‌కోట్‌లో జరుగుతుంది. రాజ్‌కోట్‌కు ఇంగ్లండ్‌ స్వల్ప విరామం కోసం అబుదాబి వెళ్లిన ఇంగ్లండ్‌ క్రికెట్‌ జట్టు సోమవారం తిరిగి భారత్‌ చేరుకుంది. వారంపాటు అక్కడ సేదతీరిన పర్యాటక జట్టు మూడో టెస్టు కోసం రాజ్‌కోట్‌ వేదికకు వచి్చంది. మంగళవారం సౌరాష్ట్ర క్రికెట్‌ అసోసియేషన్‌ (ఎస్‌సీఏ) గ్రౌండ్‌లో ఇంగ్లండ్‌ ఆటగాళ్లు నెట్‌ ప్రాక్టీస్‌ చేస్తారని స్థానిక వర్గాలు తెలిపాయి. స్పిన్నర్‌ జాక్‌ లీచ్‌ మోకాలి గాయంతో మిగతా టెస్టు సిరీస్‌కు దూరమయ్యాడు. అతను అబుదాబి నుంచే స్వదేశానికి పయనమయ్యాడు. స్పిన్‌ త్రయం హార్ట్‌లీ, రేహాన్‌ అహ్మద్, బషీర్‌లతో పాటు పార్ట్‌టైమ్‌ స్పిన్‌ పాత్ర పోషించే జో రూట్‌ అందుబాటులో ఉండటంతో లీచ్‌ స్థానంలో ఇంగ్లండ్‌ క్రికెట్‌ బోర్డు (ఈసీబీ) ఇంకెవరినీ ఎంపిక చేయలేదు. నిజానికి అతను తొలిటెస్టు మాత్రమే ఆడాడు. లీచ్‌ రెండు ఇన్నింగ్స్‌ల్లో కలిపి 2 వికెట్లే తీశాడు. తర్వాతి రెండో టెస్టుకు దూరమయ్యాడు.     

టీమిండియా- ఇంగ్లండ్‌ మధ్య మూడో టెస్టు గుజరాత్‌లో జరుగనుంది. రాజ్‌కోట్‌లోని సౌరాష్ట్ర క్రికెట్‌ స్టేడియం ఇందుకు వేదిక. ఇక ఇప్పటికే ఐదు మ్యాచ్‌ల సిరీస్‌లో ఇరు జట్లు చెరొకటి గెలిచి 1-1తో సమంగా ఉన్న విషయం తెలిసిందే. ఈ నేపథ్యంలో ఫిబ్రవరి 15 నుంచి టీమిండియా- ఇంగ్లండ్‌ మధ్య మొదలుకానున్న మూడో టెస్టు ఇరుజట్లకు ప్రతిష్టాత్మకంగా మారింది. సిరీస్‌లో మరో ముందడుగు వేయాలంటే ఈ మ్యాచ్‌లో తప్పక గెలవాలని రోహిత్‌ సేన- స్టోక్స్‌ బృందం పట్టుదలగా ఉన్నాయి. మెనూలోని వంటకాలు ఇవే ఈ నేపథ్యంలో ఇప్పటికే పలువురు ఆటగాళ్లు రాజ్‌కోట్‌కు చేరుకున్నట్లు సమాచారం. ఈ నేపథ్యంలో క్రికెటర్లు బసచేసే సయాజీ హోటల్లో.. వారి కోసం ప్రత్యేకంగా తయారు చేయిస్తున్న వంటకాలకు సంబంధించిన వివరాలు నెట్టింట వైరల్‌ అవుతున్నాయి. ఆజ్‌తక్‌ కథనం ప్రకారం.. క్రికెటర్ల మెనూలో సంప్రదాయ వంటకాలు ఫఫ్దా- జిలేబి, ఖాఖ్రా, గతియా, తెప్లా, ఖమన్‌(బ్రేక్‌ఫాస్ట్‌)లతో పాటు కతియావాడి భోజనంలో భాగంగా.. దహీ తికరి, వఘేరెలా రోట్లో(పెరుగు, వెల్లుల్లి కలిపి బజ్రా రోటీని ఫ్రై చేస్తారు) వంటివి చేర్చారు.  రాజభోగాలు ఇక డిన్నర్‌ కోసం కిచిడి కఢీ ప్రత్యేకంగా తయరు చేయనున్నట్లు సమాచారం. ఇదిలా ఉంటే.. సయాజీ హోటల్‌లో టీమిండియా కెప్టెన్‌ రోహిత్‌ శర్మ, వికెట్‌ కీపర్‌ బ్యాటర్‌ కేఎల్‌ రాహుల్‌ బస కోసం ప్రత్యేకంగా రాయల్‌ సూట్లు కేటాయించినట్లు తెలుస్తోంది. కాగా ఇంగ్లండ్‌తో మిగిలిన మూడు టెస్టులకు బీసీసీఐ ఇటీవలే జట్టును ప్రకటించిన విషయం తెలిసిందే. విరాట్‌ కోహ్లి సెలక్షన్‌కు అందుబాటులో ఉండకపోవడంతో అతడిని పక్కనపెట్టిన సెలక్టర్లు.. బెంగాల్‌ పేసర్‌ ఆకాశ్‌ దీప్‌నకు తొలిసారి పిలుపునిచ్చారు. అతడిపై వేటు.. అదే విధంగా.. ఫిట్‌నెస్‌ సమస్యల కారణంగా శ్రేయస్‌ అయ్యర్‌ను తప్పించిన మేనేజ్‌మెంట్‌.. తొలి టెస్టు తర్వాత గాయపడిన ఆల్‌రౌండర్‌ రవీంద్ర జడేజా, బ్యాటర్‌ కేఎ​ల్‌ రాహుల్‌ కోలుకుంటున్నట్లు తెలిపింది. వారిద్దరిని మూడో టెస్టుకు ఎంపిక చేసినా.. మ్యాచ్‌ ఫిట్‌నెస్‌ నిరూపించుకున్న తర్వాతే తుదిజట్టులో చోటు దక్కించుకుంటారని తెలిపింది. వాళ్లిద్దరికి సన్మానం ఇదిలా ఉంటే.. రవీంద్ర జడేజా, ఛతేశ్వర్‌ పుజారాలకు సౌరాష్ట్ర క్రికెట్‌ గ్రౌండ్‌ సొంతమైదానం. ఈ నేపథ్యంలో మూడో టెస్టు ఆరంభానికి ముందే ఈ ఇద్దరు టీమిండియా స్టార్లను సన్మానించాలని స్థానిక క్రికెట్‌ అసోసియేషన్‌ నిర్ణయించింది. చదవండి: Ravindra Jadeja: మా కోడలి వల్లే ఇదంతా... మండిపడ్డ రివాబా!

రాజ్‌కోట్‌: ఆధునిక సాంకేతికత సాయంతో న్యాయాన్ని అందరికీ ప్రజాస్వామ్యయుతంగా చేరువ చేసేందుకు కృషి చేస్తున్నట్టు సుప్రీంకోర్టు ప్రధాన న్యాయమూర్తి జస్టిస్‌ డీవై చంద్రచూడ్‌ వెల్లడించారు. శనివారం గుజరాత్‌లోని రాజ్‌కోట్‌లో నూతన జిల్లా కోర్టు భవనాన్ని ఆయన ప్రారంభించారు. కృత్రిమ మేధతో పని చేసే టెక్స్ట్‌ టు స్పీచ్‌ ‘కాల్‌–ఔట్‌’ సిస్టమ్‌ను, ఈ–ఫైలింగ్‌ 3.0 ప్లాట్‌ఫామ్‌ను ఆవిష్కరించారు. జిల్లా కోర్టుల ఆవశ్యకతను ఈ సందర్భంగా నొక్కిచెప్పారు. న్యాయం కోసం ముందుగా అక్కడికే వస్తారని గుర్తు చేశారు. పౌరుల హక్కుల సాధనకు జిల్లా కోర్టులే పునాదిరాళ్లన్నారు. ‘‘ద్వారకలోని సోమ్‌నాథ్‌ ఆలయం, పూరీలోని జగన్నాథాలయంపై ఉండే ధ్వజం న్యాయవాదులు, న్యాయమూర్తులు, పౌరులందరినీ కలిపి ఉంచే మానవత్వానికి ప్రతీక. అలాంటి మానవత్వానికి రాజ్యాంగమే రక్ష’’ అని సీజేఐ వ్యాఖ్యానించారు.

గుజరాత్ : రాజ్ కోట్ లోని ఫర్నీచర్ గొడౌన్లో భారీ అగ్నిప్రమాదం సంభవించింది. స్థానికులు ఇచ్చిన సమాచారమందగానే ఘటనా స్థలానికి చేరుకున్న అగ్నిమాపక సిబ్బంది మంటలను అదుపులోకి తెచ్చే ప్రయత్నం చేసింది.  రాజ్ కోట్ లోని ఆనంద్ బంగ్లా చౌక్ సమీపంలో ఉన్న ఒక ఫర్నీచర్ గొడౌన్లో భారీ అగ్నిప్రమాదం చోటు చేసుకుంది. ఉన్నట్టుండి అగ్నికీలలు ఎగిసిపడటంతో ఒక్కసారిగా దట్టమైన పొగ మేఘాల్లా ఆకాశంలో అలుముకున్నాయి. స్థానికులు భయాందోళనలకు గురై అగ్నిమాపక సిబ్బందికి సమాచారమందించారు. వెంటనే అగ్నిమాపక వాహనాలు సంఘటనా స్థలానికి చేరుకోగా సిబ్బంది మంటలను ఆర్పే ప్రయత్నం చేశారు.  మంటలు చుట్టుపక్కల ఇళ్లకు వ్యాపించకుండా అదుపు చేసింది అగ్నిమాపక సిబ్బంది. ప్రస్తుతానికైతే ఎలాంటి ప్రాణనష్టం జరగలేదు గాని  ఆస్తినష్టం ఎంత వరకు జరిగి ఉండవచ్చన్న వివరాలు తెలియాల్సి ఉంది.  Fire breaks out at furniture godown near Anand Bangla Chowk in Rajkot. Fire tenders are at the spot. More details are awaited. pic.twitter.com/d9aA1x7sgF — Press Trust of India (@PTI_News) June 22, 2023 ఇది కూడా చదవండి: అజిత్ పవార్ ఏది కోరితే అదిస్తాం..

అక్షరాల్లోని రచనలను రంగస్థలం మీదికి తీసుకురావడం తేలిక కాదు. ఎందుకంటే, రచన చదివేటప్పుడు పాఠకుల మదిలో ఎన్నో రంగస్థలాలు ఆవిష్కారం అవుతాయి. తమ ఊహలకు, రంగస్థలానికి చెలిమి ఏర్పడాలి. ఈ విషయంలో నాటక సమాజం ‘థియేటర్‌ నిషా’ విజయం సాధించింది. స్త్రీ సమస్యలను దృష్టిలో పెట్టుకొని ఎన్నో రచనలు చేసింది ప్రసిద్ధ హిందీ రచయిత్రి గౌర్‌ పంత్‌ (శివానీ) ఇది ఆమె శతజయంతి సంవత్సరం. దీన్ని దృష్టిలో పెట్టుకొని పంత్‌ కథలను నాటకంగా మలిచి ప్రదర్శిస్తోంది థియేటర్‌ నిషా... గుజరాత్‌లోని రాజ్‌కోట్‌లో జన్మించింది గౌర్‌ పంత్‌. పన్నెండు సంవత్సరాల వయసులో పంత్‌ తొలి కథ ఒక పిల్లల పత్రికలో ప్రచురిత మైంది. టాగూర్‌ ‘శాంతినికేతన్‌’లో చదువుకోవడం తనలోని సృజనను మెరుగుపెట్టుకోవడానికి కారణం అయింది. శివానీ కలం పేరుతో రాసిన ‘మై ముర్గా హూ’ కథకు ఎంతో పేరు వచ్చింది. ‘లాల్‌ హవేలి’ పేరుతో తొలి నవల రాసింది. ఆ తరువాత ఎన్నో కథలు, నవలలు రాసింది. అయితే ఆమె ఏది రాసినా స్త్రీ జీవితమే కేంద్రంగా ఉండేది. ఆ స్త్రీ తన కాల్పనిక ఊహాలోకం నుంచి దిగివచ్చిన స్త్రీ కాదు. తనకు పరిచయం ఉన్న స్త్రీలు, తాను చూసిన స్త్రీలు... ఇలా ఎందరో జీవితాల నుంచి ఎన్నో అద్భుతమైన పాత్రలు సృష్టించింది శివానీ. భర్త నుంచి హింసకు గురైన స్త్రీలు, అత్యాచార బాధితులు, కుటుంబ హింస బాధితులు, మానసిక సమస్యలు ఎదుర్కొంటున్నవారు... ఎంతోమంది బాధితులు ఆమె రచనల్లో  కనిపిస్తారు. శివానీ కూతురు ఐరా పాండే తల్లి రాసిన కొన్ని కథలను ‘అపరాధి: ఉమెన్‌ వితౌట్‌ మెన్‌’ పేరుతో ఇంగ్లీష్‌లోకి తీసుకువచ్చింది. దీనికి రెండవ భాగం కూడా వచ్చింది. ‘అపరాధి’ రెండవ భాగంలోని కథలను థియేటర్‌ నిషా ‘బిన్ను’ పేరుతో నాటకీకరించింది. ఇందులో బిన్ను, నసీమ్, మిసెస్‌ ఘోష్, లలిత, పాగలియా, మధుబెన్‌తో పాటు ఒక తల్లి పాత్ర కూడా ఉంటుంది. ఏడుగురి జీవితాలు ఏడు ప్రపంచాలై కనిపిస్తాయి. బిన్ను నుంచి నసీమ్‌ వరకు ఎవరూ ఊహాల్లో పుట్టిన పాత్రలు కాదు. నిజజీవితంలోని మహిళలు. వారి జీవితాలను శివానీ దగ్గరి నుంచి చూసింది. ఒక్కో పాత్రకు ఒక్కో ప్రత్యేకత, శైలి, పోరాటరూపం ఉంటాయి. ‘ఏడు పాత్రలను కలిపి నాటకానికి బిన్ను అని ఎందుకు పేరు పెట్టారు?’ అని అడిగితే ప్లే డైరెక్టర్‌ బాలక్రిష్ణన్‌ ఇచ్చిన సమాధానం ఇది... ‘శివానీ రచనల్లో నాకు బాగా నచ్చిన పాత్ర బిన్ను. అందుకే ఆ పేరు పెట్టాను. బిన్ను ఎక్కడా, ఎవరికీ తలవంచదు. పురుషులను సవాలు చేస్తుంది. అడ్డంకుల ముళ్లచెట్లను నరికేస్తూ ముందుకు వెళుతుంది. ఆమె స్వరంలో ధిక్కారం, వ్యక్తిత్వంలో ఆత్మగౌరవం కనిపిస్తాయి’ కేరళ నాటకోత్సవాలలో భాగంగా థియేటర్‌ నిషా ప్రదర్శించిన ‘బిన్ను’ నాటకానికి అద్భుతమైన స్పందన లభించింది. ప్రేక్షకుల్లో శివానీ రచనలతో ఎప్పటి నుంచో పరిచయం ఉన్నవారితోపాటు ఎంతమాత్రం పరిచయం లేని వారు కూడా ఉన్నారు. అయితే అందరికీ నాటకం నచ్చింది. ‘శివానీ రచనల గురించి తెలియని ఈ తరానికి బిన్ను నాటకం చూస్తే రచయిత్రి దృక్పథం ఏమిటో అర్థమవుతుంది. శతజయంతి సంవత్సరంలో శివానీకి ఒక ఘనమైన నివాళిగా ఈ నాటకాన్ని చెప్పుకోవచ్చు’ అంటుంది సీమా అనే ప్రేక్షకురాలు. ‘బిన్ను’ నాటకంలో...  

గుజరాత్‌: గాడిదలకు సీమంతం ఏంటి.. ఆశ్చర్యంగా ఉందే అనుకుంటున్నారా?. ప్రత్యేక జాతి అయిన హలరీ గాడిదలు అంతరించిపోయే ప్రమాద జాబితాలో ఉండటంతో వాటికి కాపాడుకునేందుకు గుజరాత్‌లోని రాజ్‌కోట్‌ ప్రజలు వినూత్నంగా ఆలోచించారు. అప్పుడే పుట్టిన గాడిద పిల్లలకు బారసాల నిర్వహించడంతో పాటు, గర్భం దాల్చిన వాటికి సీమంతం చేస్తున్నారు. ఉన్న వాటిని జాగ్రత్తగా కాపాడుకుంటూ, వీటి సంఖ్యను పెంచేందుకు శాయశక్తులా ప్రయత్నిస్తున్నారు. గుజరాత్‌లో ఈ జాతికి చెందిన గాడిదలు కేవలం 450 మాత్రమే మిగిలి ఉన్నాయి. వీటి పాలకు ఎక్కువ డిమాండ్ ఉండటంతో అంతరించిపోతున్న ఈ  జాతి గాడిదల ధరలు ఒక్కొక్కటి సుమారు లక్ష రూపాయలకు పైగా ఉంది.  ఈవీ అంతరించిపోకుండా ఉండేందుకు ఆ రాష్ట్ర, కేంద్ర ప్రభుత్వాలు ప్రత్యేక చర్యలు చేపట్టాయి. ఈ జాతిని రక్షించడానికి,  ప్రోత్సహించడానికి సింబయాసిస్ సంస్థ కూడా చర్యలు  తీసుకుంటుంది. ఇటీవల రాజ్‌కోట్ జిల్లా ఉప్లేటా తాలూకాలోని కోల్కి గ్రామంలో హలరీ జాతి గాడిద ఈనడంతో గ్రామస్తులు పెద్ద ఎత్తున సంబరాలు జరుపుకున్నారు. గర్భం దాల్చిన మరో 33 గాడిదలకు సీమంతం కూడా చేశారు. నుదుటిన తిలకం దిద్ది, వస్త్రాలు కప్పారు. మహిళలు పూజలు చేసి, ఆహారం పెట్టారు. హలారి గదర్భ సంవర్ధన్ సమితి ఆధ్వర్యంలో జరిగిన ఈ కార్యక్రమంలో ప్రభుత్వ అధికారులు కూడా పాల్గొన్నారు. ఆడ గాడిదలకు తిలకం, కుంకుమ, బియ్యం, గులాబీ చున్నీ (దుపట్టా), పూల దండలు సమర్పించడం ఆచారంగా కొనసాగుతోంది. ఈ కార్యక్రమాన్ని చూసేందుకు కేంద్ర మంత్రి పురుషోత్తం రూపాలా కూడా వచ్చారు. చదవండి: ప్రభుత్వ ఉద్యోగితో బీజేపీ నేత డిష్యూం డిష్యూం.. వీడియో వైరల్‌..

అహ్మదాబాద్‌: దేశ ప్రధాని నరేంద్ర మోదీ తల్లి హీరాబెన్‌ మోదీ ఇటీవల కన్నుమూసిన సంగతి తెలిసిందే.  ఆమెకు నివాళిగా గుజరాత్‌లోని ఓ చెక్‌ డ్యామ్‌కు ఆమె పేరు పెట్టనున్నారు. ఈ విషయాన్ని శుక్రవారం అధికారికంగా ప్రకటించారు.   దాదాపు రూ. 15 లక్షలతో రాజ్‌కోట్‌-కలావడ్‌ రోడ్డులోని వాగుదాడ్‌ గ్రామ సమీపంలో న్యారీ నది వద్ద ఈ డ్యామ్‌ను నిర్మిస్తున్నారు. గిర్‌  గంగా పరివార్‌ ట్రస్ట్‌.. ఈ డ్యామ్‌ నిర్మాణ బాధ్యతలను చూసుకుంటోంది. బుధవారం స్థానిక ఎమ్మెల్యే దర్షితా షా, రాజ్‌కోట్‌ మేయర్‌ ప్రదీప్‌ దావ్‌ సమక్షంలో భూమి పూజ కార్యక్రమం నిర్వహించారు. ప్రధాని మోదీ తల్లికి నివాళిగా ఈ చెక్‌ డ్యామ్‌కు హీరాబా స్మృతి సరోవర్ అని నామకరణం చేయనున్నట్లు శుక్రవారం ప్రకటించారు గిర్‌ గంగా పరివార్‌ ట్రస్ట్‌ వాళ్లు. తద్వారా అయినవాళ్లు దూరమైనప్పుడు ఓ మంచి పని చేయాలనే ఆలోచన మరికొందరిలో కలుగుతుందని ఆశిస్తున్నట్లు ట్రస్ట్‌ నిర్వాహకులు ప్రకటించారు.  గిర్‌  గంగా పరివార్‌ ట్రస్ట్‌.. పూర్తిగా విరాళాల సేకరణతోనే గత నాలుగు నెలల్లో 75 చెక్‌ డ్యామ్‌లు కట్టించింది. ప్రస్తుత డ్యామ్‌ నాలుగు వందల ఫీట్ల పొడవు, 150 ఫీట్ల వెడల్పు ఉంటుందని, ఒక్కసారి డ్యామ్‌ నిండితే తొమ్మిది నెలల వరకు నీరు ఎండిపోదని, చుట్టుపక్కల గ్రామాలకు నీటి సమస్య తీరనుందని ట్రస్ట్‌ నిర్వాహకులు ప్రకటించారు.

గుజరాత్‌లోని మోర్బీ నగరంలో మచ్చు నదీపై తీగల వంతెన కూలిన ఘోర దుర్భటన యావత్‌ భారత్‌ను దిగ్భ్రాంతికి గురిచేస్తోంది. సెలవు దినం.. ఆపై ఛట్‌ పూజ సంబరాలతో వందలాది మంది ఆహ్లాదంగా నదిపై జరిపిన సరదా విహారం ప్రాణాంతకంగా మారింది. అందరూ హడావిడిగా ఉండగా ఒక్కసారిగా బ్రిడ్జి కుప్పకూలడంతో ఏం జరుగుతుందో అర్థమయ్యేలోపే చాలా మంది నదిలో పడిపోయారు. చేతికి అందిన తీగలు పట్టుకొని కొందరు నదిలో పడకుండా ఆపుకోగలిగారు. వంతెన పునరుద్దరించిన నాలుగు రోజుల్లోనే కూలిపోవడంతో 130 మందికి పైగా జల సమాధి అ‍వ్వడం తీరని విషాదంగా మారింది. మృతుల్లో అత్యధికులు మహిళలు, చిన్నారులే ఉండటం మరింత ఆవేదన కలిగిస్తోంది.  ఫొటో గ్యాలరీ కోసం ఇక్కడ క్లిక్ చేయండి మోర్బీ బ్రిడ్జి కూలిన ఘటనలో బీజేపీ ఎంపీ  కుటుంబానికి చెందిన పలువురు మృతి చెందారు. రాజ్‌కోట్‌కు చెందిన బీజేపీ ఎంపీ మోహన్‌భాయ్ కళ్యాణ్‌జీ కుందారియా సోదరికి చెందిన 12 మంది కుటుంబ సభ్యులు ఈ ప్రమాదంలో ప్రాణాలు కోల్పోయారు. ‘‘వంతెన కూలిన దుర్ఘటనలో ఐదుగురు పిల్లలతో సహా నా సోదరి కుటుంబంలోని 12 మంది సభ్యులను కోల్పోయాను. ఘటనా స్థలంలో ఎన్‌డిఆర్‌ఎఫ్, ఎస్‌డిఆర్‌ఎఫ్, స్థానిక యంత్రాంగం సెర్చ్ అండ్ రెస్క్యూ ఆపరేషన్‌ చేపట్టాయి. ప్రమాదం నుంచి బయటపడిన వారికి చికిత్స అందుతోంది. నదిలో ఉన్నవారి మృతదేహాలను వెలికితీసే ప్రయత్నాలు జరుగుతున్నాయి. రెస్క్యూ బోట్లు కూడా సంఘటనా స్థలంలో ఉన్నాయి. వంతెన కూలిన ఘటనలో పిల్లలు, మహిళలు ఎక్కువగా ఉన్నారు.  60 మృతదేహాలను వెలికితీశాం’  అని ఎంపీ పేర్కొన్నారు. చదవండి: 140 ఏళ్ల నాటి బ్రిడ్జి.. ఇటీవలే మరమత్తులు.. 4 రోజులకే పెను విషాదం 132కు చేరిన మృతుల సంఖ్య మోర్భీ కేబుల్‌ బ్రిడ్జి కూలిన ఘటనలో మృతుల సంఖ్య 132కు చేరింది. ఇప్పటివరకు 177 మందిని రక్షించారు. మృతుల సంఖ్య మరింత పెరిగే అవకాశముందని పోలీసులు పేర్కొన్నారు. గాలింపు చర్యలు కొనసాగుతున్నాయని, ఆర్మీ, నేవీ, ఎయిర్‌ఫోర్స్‌, ఎన్డీఆర్‌ఎఫ్‌, అగ్నిమాపక బృందాలు సహాయక చర్యల్లో పలుపంచుకుంటున్నారని చెప్పారు. ఈ ఘటనను రాష్ట్ర ప్రభుత్వం తీవ్రంగా పరిగణించింది. దీనితో సంబంధం ఉన్నవారిపై క్రిమినల్‌ కేసులు నమోదు చేస్తామని హోం మంత్రి షర్ష్‌ సంఘ్వీ తెలిపారు. బ్రిడ్జి కూలిన ఘటనపై సెక్షన్‌లు 304, 308, 114 ల కింద కేసు నమోదు చేసినట్లు  తెలిపారు. ఈ ఘటనపై దర్యాప్తు చేసేందుకు ఐదుగురు సభ్యులతో కూడిన ప్రత్యేక దర్యాప్తు బృందాన్ని (సిట్‌)ను ఏర్పాటు చేశారు. 140 ఏళ్లనాటి వంతెన  కాగా ఈ వంతెనను 140 ఏళ్ల నాటిది. 1879 ఫిబ్రవరి 20న అప్పటి ముంబై గవర్నర్‌ రిచర్డ్‌ టెంపుల్‌ దీనిని నిర్మాణాన్ని ప్రారంభించారు. 1880లో నిర్మాణం పూర్తయ్యింది. బ్రిటిష్‌ కాలం నాటి ఈవంతెనకు  రూ. 2 కోట్లతో 7 నెలల పాటు మమరమత్తులు నిర్వహించి ఆధునీకరించారు. అయితే రిపేర్‌ తర్వాత వంతెనకు సేఫ్టి సర్టిఫికెట్‌ తీసుకోకుండానే తిరిగి తెరిచినట్లు మున్సిపల్‌ అధికారులు తెలిపారు. 

రాజ్‌కోట్‌: ఆమ్‌ ఆద్మీ పార్టీ(ఆప్‌) కన్వీనర్, ఢిల్లీ ముఖ్యమంత్రి కేజ్రీవాల్‌పై గుర్తుతెలియని వ్యక్తి ప్లాస్టిక్‌ వాటర్‌ బాటిల్‌ విసిరాడు. అది ఆయనకు తగలకుండా, తలపై నుంచి వెళ్లి ముందుపడింది. గుజరాత్‌లోని రాజ్‌కోట్‌లో శనివారం రాత్రి ఈ ఘటన జరిగింది. నగరంలో దేవీ నవరాత్రుల్లో భాగంగా గర్బా వేడుకలో కేజ్రీవాల్‌ పాల్గొన్నారు. నడుస్తూ అభివాదం చేస్తుండగా, ఇంతలో వెనుక నుంచి ప్లాస్టిక్‌ నీళ్ల సీసా దూసుకొచ్చింది. అది కేజ్రీవాల్‌ తల పైభాగం నుంచి ముందుకు వెళ్లింది. ఈ దృశ్యాలు సీసీ టీవీ కెమెరాలో రికార్డయ్యాయి. ఈ ఘటనపై పోలీసులకు ఫిర్యాదు చేయలేదని ఆప్‌ మీడియా కో–ఆర్డినేటర్‌  తెలిపారు. Water bottle thrown at #ArvindKejriwal in Rajkot, Gujarat. Delhi CM had come to attend Garba program. pic.twitter.com/AqX5VN6aMV — Hemir Desai (@hemirdesai) October 2, 2022 చదవండి: రాహుల్ భారత్ జోడో యాత్రలో సోనియా గాంధీ

దక్షిణాఫ్రికాను చిత్తు చేసిన భారత్‌.. సిరీస్‌ సమం దక్షిణాఫ్రికాతో జరిగిన నాలుగో టీ20లో భారత్‌ 82 పరుగుల తేడాతో ఘన విజయం సాధించింది. దీంతో ఐదు టీ20ల సిరీస్‌ను టీమిండియా 2-2తో సమం చేసింది. 170 పరుగుల లక్ష్యంతో బరిలోకి దిగిన సౌతాఫ్రికా 87 పరుగులకే కుప్పకూలింది. సౌతాఫ్రికా బ్యాటర్లలో వాన్ డెర్ డస్సెన్ 20 పరుగులతో టాప్‌ స్కోరర్‌గా నిలిచాడు. ఇక భారత బౌలర్లలో ఆవేష్‌ ఖాన్‌ నాలుగు వికెట్లతో చెలరేగగా.. చాహల్‌ రెండు, హర్షల్‌ పటేల్‌, అక్షర్‌ పటేల్‌ తలా వికెట్‌ సాధించారు. అంతుకుమందు బ్యాటింగ్‌ చేసిన టీమిండియా నిర్ణీత 20 ఓవర్లలో 6 వికెట్లు కోల్పోయి 169 పరుగులు చేసింది. భారత ఇన్నింగ్స్‌లో దినేష్‌ కార్తీక్‌(55) పరుగులతో టాప్‌ స్కోరర్‌గా నిలవగా.. హార్ధిక్‌ పాండ్యా(46) పరుగులతో రాణించాడు. కాగా కెప్టెన్‌ పంత్‌(17), శ్రేయస్‌ అయ్యర్‌(4) మరో సారి నిరాశపరిచాడు. ఇక ప్రోటీస్‌ బౌలర్లలో ఎంగిడీ రెండు వికెట్లు,జాన్సెన్‌, కేశవ్‌ మహారాజ్‌, ప్రిటోరియస్‌, నోర్ట్జే తలా వికెట్‌ పడగొట్టారు వరుస క్రమంలో వికెట్లు కోల్పోయిన దక్షిణాఫ్రికా నాలుగో టీ20లో విజయం దిశగా భారత్‌ అడుగులు వేస్తుంది. ఆవేష్‌ ఖాన్‌ వేసిన 14 ఓవర్లలో దక్షిణాఫ్రికా వరుస క్రమంలో వికెట్లు కోల్పోయింది. వాన్ డెర్ డస్సెన్(20), జాన్సెన్‌(12),మహారాజ్‌ పెవిలియన్‌కు చేరారు. నాలుగో వికెట్‌ కోల్పోయిన సౌతాఫ్రికా 59 పరుగుల వద్ద సౌతాఫ్రికా నాలుగో వికెట్‌ కోల్పోయింది. 9 పరుగులు చేసిన మిల్లర్‌.. హర్షల్‌ పటేల్‌ బౌలింగ్‌లో క్లీన్‌ బౌల్డయ్యాడు. 11 ఓవర్లకు సౌతాఫ్రికా స్కోర్‌: 70/4 మూడో వికెట్‌ కోల్పోయిన సౌతాఫ్రికా సౌతాఫ్రికా మూడో వికెట్‌ కోల్పోయింది. 8 పరుగులు చేసిన క్లాసన్‌.. చాహల్‌ బౌలింగ్‌లో ఎల్బీగా ఔటయ్యాడు. క్రీజులో డుస్సెన్‌(14), మిల్లర్‌(7) పరుగులతో ఉన్నారు.  9 ఓవర్లకు సౌతాఫ్రికా స్కోర్‌: 53/23 రెండో వికెట్‌ కోల్పోయిన సౌతాఫ్రికా 26 పరుగుల వద్ద సౌతాఫ్రికా రెండో వికెట్‌ కోల్పోయింది. ఆవేష్‌ ఖాన్‌ బౌలింగ్‌లో ప్రిటోరియస్‌ డకౌటయ్యాడు. 6 ఓవర్లకు సౌతాఫ్రికా స్కోర్‌: 35/2 తొలి వికెట్‌ కోల్పోయిన దక్షిణాఫ్రికా 24 పరుగులు వద్ద సౌతాఫ్రికా తొలి వికెట్‌ కోల్పోయింది. 14 పరుగులు చేసిన డికాక్‌ రనౌట్‌ రూపంలో ఔటయ్యాడు. 4 ఓవర్లకు దక్షిణాఫ్రికా స్కోర్‌: 22/0 నాలుగు ఓవర్లు ముగిసే సరికి దక్షిణాఫ్రికా వికెట్‌ నష్టపోకుండా 22 పరుగుగులు చేసింది. అయితే కెప్టెన్‌ బావుమా గాయం కారణంగా రిటైర్డ్ హర్ట్‌గా వెనుదిరిగాడు. క్రీజులో డికాక్‌(13) , ప్రిటోరియస్‌ ఉన్నారు. చెలరేగిన కార్తీక్‌, హార్ధిక్‌ పాండ్యా.. దక్షిణాఫ్రికా టార్గెట్‌ 170 పరుగులు దక్షిణాఫ్రికాతో జరుగుతోన్న నాలుగో వన్డేలో టీమిండియా నిర్ణీత 20 ఓవర్లలో 6 వికెట్లు కోల్పోయి 169 పరుగులు చేసింది. భారత ఇన్నింగ్స్‌లో దినేష్‌ కార్తీక్‌(55) పరుగులతో టాప్‌ స్కోరర్‌గా నిలవగా.. హార్ధిక్‌ పాండ్యా(46) పరుగులతో రాణించాడు. కాగా కెప్టెన్‌ పంత్‌(17), శ్రేయస్‌ అయ్యర్‌(4) మరో సారి నిరాశపరిచాడు. ఇక ప్రోటీస్‌ బౌలర్లలో ఎంగిడీ రెండు వికెట్లు,జాన్సెన్‌, కేశవ్‌ మహారాజ్‌, ప్రిటోరియస్‌, నోర్ట్జే తలా వికెట్‌ పడగొట్టారు 18 ఓవర్లకు భారత్‌ స్కోర్‌: 140/4 కార్తీక్‌(43),హార్ధిక్‌ పాండ్యా(40) పరుగులతో చెలరేగి ఆడుతున్నారు. 18 ఓవర్లకు భారత్‌ స్కోర్‌: 140/4 15 ఓవర్లకు భారత్‌ స్కోర్‌: 96/4 15 ఓవర్లు ముగిసే సరికి భారత్‌ నాలుగు వికెట్లు కోల్పోయి 96 పరుగులు చేసింది. క్రీజులో హార్ధిక్‌ పాండ్యా(23),కార్తీక్‌(6) పరుగులతో ఉన్నారు. నాలుగో వికెట్‌ కోల్పోయిన  భారత్‌ 81 పరుగుల వద్ద భారత్‌ నాలుగో వికెట్‌ కోల్పోయింది. 17 పరుగులు చేసిన పంత్‌..కేశవ్‌ మహారాజ్‌ బౌలింగ్‌లో ఔటయ్యాడు. 12 ఓవర్లకు భారత్‌ స్కోర్‌: 78/3 12 ఓవర్లు ముగిసే సరికి భారత్‌ మూడు వికెట్లు కోల్పోయి 78 పరుగులు చేసింది. క్రీజులో పంత్‌(16),హార్ధిక్‌ పాండ్యా(23) పరుగులతో ఉన్నారు. మూడో వికెట్‌ కోల్పోయిన టీమిండియా ఇషాన్‌ కిషన్‌(27) రూపంలో టీమిండియా మూడో వికెట్‌ కోల్పోయింది. అన్రిచ్ నోర్ట్జే బౌలింగ్‌లో వికెట్‌ కీపర్‌కు క్యాచ్‌ ఇచ్చి కిషన్‌ ఔటయ్యాడు.  6 ఓవర్లకు టీమిండియా స్కోర్‌: 40/2 6 ఓవర్లు ముగిసే సరికి భారత్‌ రెండు వికెట్లు కోల్పోయి 40 పరుగులు చేసింది. క్రీజులో ఇషాన్‌ కిషన్‌(27) పంత్‌(1) పరుగులతో ఉన్నారు. రెండో వికెట్‌ కోల్పోయిన భారత్‌.. అయ్యర్‌ ఔట్‌ 24 పరుగుల వద్ద టీమిండియా రెండో వికెట్‌ కోల్పోయింది. కేవలం 4 పరుగులు చేసిన శ్రేయస్‌ అయ్యర్‌.. జాన్సెన్ బౌలింగ్‌లో ఎల్బీగా వెనుదిరిగాడు. 3 ఓవర్లకు భారత్‌ స్కోర్‌: 24/2 తొలి వికెట్‌ కోల్పోయిన టీమిండియా 13 పరుగుల వద్ద టీమిండియా తొలి వికెట్‌ కోల్పోయింది. 5 పరుగులు చేసిన గైక్వాడ్‌.. ఎంగిడి బౌలింగ్‌లో వికెట్‌ కీపర్‌కు క్యాచ్‌ ఇచ్చి ఔటయ్యాడు.  రాజ్‌కోట్‌ వేదికగా దక్షిణాఫ్రికాతో నాలుగో టీ20లో టీమిండియా తలపడుతోంది. ఈ మ్యాచ్‌లో టాస్‌ గెలిచిన దక్షిణాఫ్రికా తొలుత ఫీల్డింగ్‌ ఎంచుకుంది. ఇక ఈ మ్యాచ్‌లో దక్షిణాఫ్రికా మూడు మార్పులతో బరిలోకి దిగుతుండగా.. టీమిం‍డియా ఎటువంటి మార్పులు చేయలేదు. తుదిజట్లు భారత్ : రుతురాజ్ గైక్వాడ్, ఇషాన్ కిషన్, శ్రేయాస్ అయ్యర్, రిషబ్ పంత్(కెప్టెన్‌/వికెట్‌ కీపర్‌), హార్దిక్ పాండ్యా, దినేష్ కార్తీక్, అక్షర్ పటేల్, హర్షల్ పటేల్, భువనేశ్వర్ కుమార్, యుజ్వేంద్ర చాహల్, అవేష్ ఖాన్ దక్షిణాఫ్రికా: టెంబా బావుమా(కెప్టెన్‌), క్వింటన్ డి కాక్(వికెట్‌ కీపర్‌), రాస్సీ వాన్ డెర్ డస్సెన్, డేవిడ్ మిల్లర్, హెన్రిచ్ క్లాసెన్, డ్వైన్ ప్రిటోరియస్, కేశవ్ మహరాజ్, మార్కో జాన్సెన్, లుంగి ఎంగిడి, తబ్రైజ్ షమ్సీ, అన్రిచ్ నోర్ట్జే

రాజ్‌కోట్‌: మారింది... ఒక్క విజయంతో సిరీస్‌ సీన్‌ మారింది. ఆల్‌రౌండ్‌ ప్రదర్శనతో భారత జట్టులో ఆత్మవిశ్వాసం కూడా పెరిగింది. రాజ్‌కోట్‌ మ్యాచ్‌ గెలిస్తే సిరీస్‌ 2–2తో సమం అవుతుంది. అప్పుడే లక్ష్యం దిశగా భారత జట్టు అడుగు వేస్తుంది. ఈ సిరీస్‌లో... సీనియర్లు లేని టీమిండియా తొలుత డీలా పడినా గత మ్యాచ్‌లో అటు బ్యాట్‌తో... ఇటు బౌలింగ్‌తో గర్జించింది. ఇప్పుడిదే ఉత్సాహంతో సిరీస్‌ సమం చేసేందుకు సన్నద్ధమైంది. శుక్రవారం జరిగే నాలుగో టి20 మ్యాచ్‌లో విజయమే లక్ష్యంగా రిషభ్‌ పంత్‌ సేన బరిలోకి దిగుతోంది. అయితే మరో ఆల్‌రౌండ్‌ ప్రదర్శన కనబరిస్తేనే విజయం సాధ్యమవుతుంది. ఈ నేపథ్యంలో భారత కోచ్‌ ద్రవిడ్‌ కుర్రాళ్లతో కూడిన జట్టును పట్టుదలతో సిద్ధం చేస్తున్నాడు.   బ్యాటింగ్‌ బాగున్నప్పటికీ... వైజాగ్‌ మ్యాచ్‌లో భారత బ్యాటింగ్‌ ఆర్డర్‌లో ఓపెనర్లు రుతురాజ్, ఇషాన్‌లే మెరిపించారు. తర్వాత వచ్చిన వారంతా నిరాశపరిచారు. ఈ ద్వైపాక్షిక సిరీస్‌లో శ్రేయస్‌ అయ్యర్, కెప్టెన్‌ రిషభ్‌ పంత్‌ల నుంచి మ్యాచ్‌ను మలుపుతిప్పే ఇన్నింగ్సే కరువైంది. హార్దిక్‌ పాండ్యా కాస్త మెరుగనిపించినప్పటికీ మెరుపులు మాత్రం తక్కువే! ఈ కోవలో దినేశ్‌ కార్తీక్‌కు మినహాయింపేమీ లేదు. వీళ్లంతా ఓపెనర్ల కంటే సీనియర్లు... కానీ బాధ్యత పంచుకోవడంలో మాత్రం విఫలమవుతున్నారు. కీలకమైన నేటి మ్యాచ్‌లో సీనియర్లంతా ఆడితేనే పటిష్టమైన దక్షిణాఫ్రికాకు బదులివ్వగలం. లేదంటే బెంగళూరు (ఆఖరి మ్యాచ్‌)కు వెళ్లకముందే ఇక్కడే సిరీస్‌ను ప్రత్యర్థి జట్టు చేతుల్లో పెట్టాల్సి వస్తుంది. తొలి టి20తో పోల్చితే గత రెండు మ్యాచ్‌ల్లో బౌలింగ్‌ విభాగం మెరుగైంది. సీమర్లు భువనేశ్వర్, హర్షల్‌ పటేల్, స్పిన్నర్‌ చహల్‌ ప్రత్యర్థి బ్యాటర్స్‌ను చక్కగా కట్టడి చేస్తున్నారు. ఇదే నిలకడ ఈ మ్యాచ్‌లోనూ కొనసాగితే భారత్‌ విజయానికి బాట పడుతుంది. సిరీస్‌ లక్ష్యంగా సఫారీ ఇక్కడ టీమిండియా లక్ష్యం మ్యాచ్‌ అయితే... పర్యాటక జట్టు సిరీసే లక్ష్యంగా బరిలోకి దిగుతోంది. పైగా సీనియర్, డాషింగ్‌ ఓపెనర్‌ డికాక్‌ కూడా అందుబాటులోకి రావడం దక్షిణాఫ్రికాకు కలిసొచ్చే అంశం. బవుమా, డికాక్‌ జోడీ ఓపెనింగ్‌లో చెలరేగితే... డసెన్, క్లాసెన్, మిల్లర్‌లతో కూడిన మిడిలార్డర్‌ మిగతా పరుగుల సంగతి చూసుకుంటుంది. సఫారీ నెగ్గిన రెండు టి20లను పరిశీలిస్తే మిడిలార్డర్‌ పాత్రే కీలకంగా నిలిపింది. రాజ్‌కోట్‌ పిచ్‌పై పరుగులు ధారాళంగా రావడం ఖాయం. ఈ నేపథ్యంలో క్లాసెన్, మిల్లర్‌లు నిలదొక్కుకుంటే భారత బౌలర్లకు చుక్కలు చూపిస్తారు. ఇక బౌలింగ్‌ విషయంలో దక్షిణాఫ్రికాకు ఏ బెంగా లేదు. తొలి మ్యాచ్‌ మినహా... సీమర్లు నోర్జే, పార్నెల్, రబడ, స్పిన్నర్లు కేశవ్‌ మహరాజ్, షమ్సీలు భారత వికెట్లపై అద్భుతంగా రాణిస్తున్నారు. సఫారీ మళ్లీ సమష్టిగా కదం తొక్కితే భారత్‌కు కష్టాలు తప్పవు. ఆఖరి మ్యాచ్‌ దాకా లాగకుండా ఇక్కడే సిరీస్‌ను నెగ్గినా ఆశ్చర్యం లేదు. పిచ్‌–వాతావరణం ఈ వికెట్‌ బ్యాటింగ్‌కు స్వర్గధామం. పరుగుల విందు ఖాయం. టాస్‌ గెలిచిన జట్టు ఛేదనకే మొగ్గు చూపుతుంది. రుతుపవనాలతో వాతావరణం కాస్త చల్లబడింది. అయితే వర్షం పడే అవకాశాలు తక్కువే!   జట్లు (అంచనా) భారత్‌: రిషభ్‌ పంత్‌ (కెప్టెన్‌), ఇషాన్‌ కిషన్, రుతురాజ్, శ్రేయస్, హార్దిక్‌ పాండ్యా, దినేశ్‌ కార్తీక్, అక్షర్, హర్షల్, అవేశ్‌ ఖాన్, భువనేశ్వర్, చహల్‌. దక్షిణాఫ్రికా: బవుమా (కెప్టెన్‌), డికాక్, వాన్‌ డెర్‌ డసెన్,  మిల్లర్, క్లాసెన్, ప్రిటోరియస్, పార్నెల్, రబడ, కేశవ్, నోర్జే, షమ్సీ. 

రాజ్‌కోట్‌ వేదికగా దక్షిణాఫ్రికాతో రేపు (జూన్‌ 17) జరుగబోయే నాలుగో టీ20కి ముందు టీమిండియా ప్లేయర్లను పలు రికార్డులు ఊరిస్తున్నాయి.  రేపటి మ్యాచ్‌లో రిషబ్ పంత్ మరో సిక్సర్ బాదితే అంతర్జాతీయ క్రికెట్‌లో 100 సిక్సర్లు బాదిన ఆటగాళ్ల క్లబ్‌లో చేరతాడు.  టీమిండియా వెటరన్‌ ప్లేయర్‌ దినేశ్‌ కార్తీక్‌ మరో 64 పరుగులు చేస్తే అంతర్జాతీయ టీ20ల్లో 500 పరుగులను పూర్తి చేసుకుంటాడు.  భువనేశ్వర్‌ కుమార్‌ మరో 4 వికెట్లు తీస్తే బుమ్రా (67వికెట్లు)ను అధిగమించి అంతర్జాతీయ టీ20ల్లో భారత్‌ తరపున అత్యధిక వికెట్లు తీసిన రెండో బౌలర్‌గా రికార్డుల్లోకెక్కనున్నాడు. పొట్టి ఫార్మాట్లో 100 వికెట్ల మైలురాయిని చేరుకోవడానికి అక్షర్ పటేల్ ఒక్క వికెట్ దూరంలో ఉన్నాడు. ఇదిలా ఉంటే, 5 మ్యాచ్‌ల ప్రస్తుత టీ20 సిరీస్‌లో టీమిండియా 1-2తో వెనుకబడి ఉన్న విషయం తెలిసిందే. ఈ సిరీస్‌లో తొలి రెండు మ్యాచ్‌లు దక్షిణాఫ్రికా గెలుపొందగా, వైజాగ్‌లో జరిగిన మూడో టీ20లో టీమిండియా 48 పరుగుల తేడాతో ఘన విజయం సాధించింది.  చదవండి: దక్షిణాఫ్రికాతో నాలుగో టీ20.. టీమిండియా యువ పేసర్‌ దూరం..!

సింహం అడవికి రాజు. దాన్ని చూస్తే ఏ జంతువైనా భయంతో వణికిపోతుంది. సింహాలు చాలా ప్రమాదకరమైనవి, శక్తివంతమైనవి. ఇక శత్రువును వెంటాడి ఆహారం చేసుకోవడంలో దిట్ట. అడవిలోనూ జంతువులను సింహాం గజగజ వణికిస్తే.. తాజాగా ఓ శునకం సింహాన్ని వెంటాడి ఏకంగా తరిమికొట్టింది. దీనికి సంబంధించిన వీడియో నెట్టింట్లో వైరల్‌గా మారింది. ఈ ఘటన గుజరాత్‌లో చోటుచేసుకుంది. రాజ్‌కోట్‌కు 30 కిలోమీటర్ల దూరంలోని లోధికా తాలూకాలోని మాగాణి గ్రామంలో సింహం తిరుగుతున్నట్లు గ్రామస్తులు గుర్తించారు. రైతుల పంట పొలాల వద్ద ఉండగా సింహాం కనిపించింది. కాగా అటవీ జంతువుల నుంచి పంటలను కాపాడేందుకు రైతులు పొలాల వద్ద ఓ కుక్కను కాపలాగా ఉంచారు. అయితే అటుగా వచ్చిన సింహాన్ని చూసి శునకం ఏమాత్రం భయపడలేదు. పంట పొలాల నుంచి గ్రామం వైపు వస్తున్న సింహాన్ని ఆ శనకం వెంటాడి గ్రామ సరిహద్దుల వరకు తరిమికొట్టింది. శనకం సింహాన్ని తరిమికొట్టడంతో గ్రామస్తులు ఆశ్చర్యపోయారు. దీనిని చూసేందుకు జ‌నాలు భారీగా త‌ర‌లివ‌చ్చారు. అనంతరం సింహం గురించి గ్రామస్తులు అటవీశాఖ అధికారులకు సమాచారం ఇచ్చారు. అయితే సింహాన్ని తిరిగి గిర్‌ అభయారణ్యంలోకి పంపినట్లు అధికారుల తెలిపారు.  చదవండి: క్రేజీ లవ్‌: గర్ల్‌ ఫ్రెండ్‌ కోసం మొత్తం గ్రామానికే కరెంట్‌ లేకుండా చేశాడు

వివాహం జరిగిన అనంతరం అదేరోజు ఓటు వేసిన వధువరుల జంటలను చూశాం. పెళ్లి జరిగిన తర్వాత పరీక్షలు రాసిన వధువరులకు సంబంధించిన వార్తలు వైరల్‌ అయిన విషయం కూడా తెలిసిందే. అయితే తాజాగా ఓ వధువుకు సంబంధించిన వీడియో సోషల్‌ మీడియాలో వైరల్‌గా మారింది. మరికొన్ని గంటల్లో ఓ నవ వధువు పెళ్లిపీటల మీద కూర్చోవల్సి ఉండగా.. పెళ్లికూతురు అలంకరణతోనే ఎక్జామ్‌ సెంటర్‌ వెళ్లి పరీక్ష రాసింది. వివారాల్లోకి వెళ్లితే.. గుజరాత్‌లోని రాజ్‌కోట్‌కు చెందిన శివంగి బగ్తారియా అనే ఓ వధువు కొన్ని గంటల్లో తమ వివాహవేడుక ఉండగా.. అందమైన పెళ్లి దుస్తుల అలంకరణ, మేకప్‌తో శాంతినికేతన్‌ కాలేజ్‌ ఎక్జామ్‌ సెంటర్‌కు వెళ్లి తన యూనివర్సిటీ పరీక్షను రాసింది.  అయితే ఆమె పెళ్లి వేడుక కంటే తన చదువకు ప్రాధాన్యత ఇస్తూ పరీక్షకు హాజరైంది. పరీక్ష రాసిన అనంతరం ఆమె నేరుగా వివాహ వేడుక జరిగే చోటుకు చేరుకొని పెళ్లి చేసుకుంది. అయితే ఆమె పరీక్ష రాస్తున్న వీడియో ప్రస్తుతం నెట్టింట్లో తెగ వైరల్‌ అవుతోంది. ఇప్పటికే ఈ వీడియోను 4 లక్షల మంది వీక్షించారు. ఈ వీడియోను వీక్షించిన నెటిజన్లు ఆ వధువును ప్రశంసిస్తూ కామెంట్లు చేస్తున్నారు. ‘పెళ్లి కంటే పరీక్షకే ప్రాధాన్యం ఇచ్చింది. ఆమె నిర్ణయం సూపర్‌’.. ‘చాలా మందికి ఆ వధువు ఆదర్శంగా నిలుస్తుంది’.. ‘వధువు చేసిన పనికి అంతా షాక్‌ అయి ఉంటారు!’ అని నెటిజన్లు కామెంట్లు చేస్తున్నారు. అయితే ఈ వీడియోను చూసిన కొంతమంది మాత్రం నెటజన్లు పెదవి విరుస్తున్నారు. ‘వధువు పెళ్లిదుస్తుల్లో వచ్చి పరీక్ష రాయటం ఓ పబ్లిసిటీ స్టంట్‌’ అంటూ కామెంట్లు చేస్తున్నారు. View this post on Instagram A post shared by Viral Bhayani (@viralbhayani)

ఉద్యోగం చేసి అలసిపోయి..అబ్బా చాలా కష్టపడ్డాం... అనుకునే వాళ్లు కొందరైతే...ఈ ఉద్యోగం ఇంకెన్నాళ్లు చేస్తాం? ఇక చాలు విసుగొస్తుంది. ఇంకేదైనా కొత్తగా నేర్చుకుందాం! అని సరికొత్త ఉత్సాహంతో విభిన్న రంగాల్లో దూసుకుపోతుంటారు మరికొందరు. ఈ కోవకు చెందిన వ్యక్తే అమిషా సేథీ. రచయితగా... వెల్‌నెస్‌ కోచ్‌గా... గ్లోబల్‌ మార్కెటింగ్‌ కన్సల్టెంట్‌గా విజయవంతంగా రాణిస్తూనే.. తాజాగా ప్రతిష్టాత్మక ‘హౌట్‌ మొండే మిసెస్‌ ఇండియా వరల్డ్‌వైడ్‌– 2021’ పదో సీజన్‌ విన్నర్‌గా నిలిచి, కిరీటాన్ని కైవసం చేసుకుంది. అమిషా రాజ్‌కోట్‌లో పుట్టినప్పటికీ పెరిగిందంతా ఢిల్లీలోనే. బాల్యంలో స్నేహితులతో కలిసి డ్యాన్స్‌షోలు చూడడం. థ్రిల్లర్, రొమాంటిక్‌ నవలలు చదువుతూ... సినిమాలు చూస్తూనే చదువులో మంచి గ్రేడ్‌లు తెచ్చుకునేది. తను చూసిన డ్యాన్స్‌షోల ప్రభావంతో చిన్ననాటి నుంచి కొరియోగ్రాఫర్‌ అవ్వాలని కలలను కనేది. కానీ వివిధ కారణాలతో కొరియోగ్రఫీ చేయలేకపోయింది. దీంతో ఇంటర్మీడియట్‌ అయ్యాక నోయిడాలోని బిజినెస్‌ స్కూల్‌లో ఎమ్‌బీఏ చదివింది. తరవాత చికాగోలోని‘ కెల్లాగ్‌ స్కూల్‌ ఆఫ్‌ మేనేజ్‌మెంట్‌’లో ఎగ్జిక్యూటివ్‌ స్కాలర్స్‌ ప్రోగ్రామ్‌ చేసింది.     బడా కంపెనీలకు కన్సల్టెంట్‌గా.. అమిషా చదువు పూర్తయిన వెంటనే ఎయిర్‌టెల్‌లో ఉద్యోగిగా చేరింది. ఇక్కడ నాలుగేళ్లు పనిచేసాక, బ్లాక్‌బెర్రీ కంపెనీకి మారింది. ఈ రెండు కంపెనీలలో వివిధ హోదాల్లో పనిచేసింది. బ్లాక్‌బెర్రీలో బ్రాండ్‌ మార్కెటింగ్‌ డైరెక్టర్‌గా, ఎయిర్‌ ఏసియాలో చీఫ్‌ కమర్షియల్‌ ఆఫీసర్‌గా, జఫీన్‌లో గ్లోబల్‌ సీఎమ్‌వోగా అత్యుతమ సేవలందించింది. అనేక బడా కంపెనీలకు కన్సల్టెంట్‌గా అమిషా అందించిన సేవలకుగాను.. వరల్డ్‌ ఉమెన్‌ లీడర్‌షిప్‌ కాంగ్రెస్‌ ఇచ్చే ‘యంగ్‌ ఉమెన్‌ రైజింగ్‌ స్టార్‌’, ద ఏసియా పసిఫిక్‌ యంగ్‌ ఉమెన్‌ అచీవర్స్‌ అవార్డు, సీఎన్‌బీసీ యూత్‌ అచీవర్స్‌ అవార్డు, మార్కెటింగ్‌ ఎక్స్‌లెన్స్‌ లాంటి ఎన్నో అవార్డులు వరించాయి. రచయిత నుంచి మోటివేషనల్‌ స్పీకర్‌ వరకు... కన్సల్టెంట్‌గా విజయవంతంగా దూసుకుపోతూ, అనేక ఉన్నతస్థాయి పదవుల్లో తనని తాను నిరూపించుకున్న అమిషాకు గ్రంథాలు, శిల్పాల మీదకు ఆసక్తి మళ్లింది. దీంతో వివిధ గ్రంథాలను చదువుతూ అనేక విషయాలు తెలుసుకునేది. గ్రంథాలను చదివేటప్పుడు తనకు వచ్చిన ఆలోచనలను కాగితం మీద పెట్టేది. అలాగే వివిధ భాషల్లో తను చదివిన గ్రంథాలను అందరూ చదివేందుకు వీలుగా అనువాదాలు చేసింది. ఇలా అమిషా రాసి పుస్తకం ‘ఇట్‌ డజంట్‌ హర్ట్‌ టు బి నైస్‌’ బెస్ట్‌సెల్లర్‌ బుక్‌గా నిలిచింది. పుస్తకాల ప్రమోషన్‌లో భాగంగా అమిషా మాటతీరు ఆసక్తికరంగా ఉండడంతో, ‘‘అంతా ఇంకా మాట్లాడండి’’ అంటూ ప్రోత్సహించడంతో అమిషా మోటివేషనల్‌ స్పీకర్‌గా మారింది. ప్రతి సెషన్‌కు ఏం మాట్లాడాలి? ఆరోజు ఏం సందేశం ఇవ్వాలి... అని బాగా సన్నద్ధమయ్యేది. ఏన్షియంట్‌ టైమ్‌లెస్‌ టెక్నిక్స్, మెడిటేషన్, ఫన్‌ గేమ్స్, న్యూరోసైన్స్, సైకలాజికల్‌ టెస్టులను వివిధ వర్క్‌షాప్స్‌లో అందిస్తూ తన కంటెంట్‌ను మెరుగుపరుచుకుంది. ఇవేగాక క్యాన్సర్‌ ఇన్‌స్టిట్యూట్స్, ఆసుపత్రులు, సపోర్ట్‌ సెంటర్‌లలో తరచూ హ్యాపీనెస్‌ సెషన్లను నిర్వహిస్తుండేది.   వెల్‌నెస్‌కోచ్‌.. ఫిట్‌నెస్‌కు బాగా ప్రాముఖ్యతనిచ్చే అమిషా ‘ఏజ్‌ రివర్సల్‌ థెరపీస్‌’, యోగా, మెడిటేషన్, ఆధునిక వ్యాయామాలపై ఆసక్తితో వాటి గురించి లోతుగా తెలుసుకుని తను ఆచరించడంతోపాటు.. ఫిట్‌గా ఎలా ఉండాలో తోటి వాళ్లకు నేర్పించేంత ప్రావీణ్యాన్ని సంపాదించింది. తన ఫిటెనెస్, ఆకర్షించే రూపం, తెలివితేటలతో బెంగళూరు తరపున పాల్గొని ప్రతిష్టాత్మక హౌట్‌ మొండే మిసెస్‌ ఇండియా వరల్డ్‌వైడ్‌–2021 సీజన్‌–10 విజేతగా నిలిచింది. యూఏఈలో జరిగిన ఈ పోటీలో 21 దేశాల నుంచి అతివలు పాల్గొనగా, అందులో 96 మంది ఫైనలిస్టులలో గ్లామర్, గుడ్‌లుక్స్, తెలివితేటల ప్రతిభ ఆధారంగా అమిషా సేథీ టైటిల్‌ విన్నర్‌గా నిలిచింది. ‘‘జీవితంలో విజయం, ఓటమి రెండూ లేవు. జీవితమంటే ప్రతి క్షణాన్ని ఎంజాయ్‌ చేయడమే. ఈ సూత్రం నమ్మే నేను ఈ స్థాయికి ఎదిగాను.’’ అంటూ అమిషా నేటి యువతరానికి ప్రేరణగా నిలుస్తోంది.

అహ్మదాబాద్‌: కొత్తగా పెళ్లయి సంతోషంగా జీవితం మొదలైందని పరమానందంగా ఉండగా భార్యతో అతడికి పొసగడం లేదు. ఆమె రోజూ వేధింపులకు పాల్పడుతోంది. ఈ వేధింపులు తీవ్రమయ్యాయి. వాటికి తాళలేక ఆమె భర్త ఏకంగా పోలీస్‌స్టేషన్‌కు నిప్పు పెట్టాడు. నిప్పంటించిన అనంతరం పారిపోకుండా అక్కడే నిలిచి ఉండడం విశేషం. కొద్దిసేపటికి పోలీసులు అతడిని అదుపులోకి తీసుకున్నారు. ఈ ఆసక్తికర సంఘటన గుజరాత్‌లోని రాజ్‌కోట్‌లో జరిగింది. దీనికి సంబంధించిన వివరాలు ఇలా ఉన్నాయి. (చదవండి: కాపురానికి రావడం లేదని సెల్‌టవర్‌ ఎక్కి భర్త హల్‌చల్‌) రాజ్‌కోట్‌ పట్టణంలోని జామ్‌నగర్‌ రోడ్డు రాజీవ్‌నగర్‌కు చెందిన దేవ్జీ చావ్డ (23)కు ఇటీవల వివాహమైంది. అప్పటి నుంచి భార్య వేధిస్తోంది. వాటిని తాళలేక ఆ యువకుడు పోలీస్‌స్టేషన్‌కు వెళ్లాడు. తనను అరెస్ట్‌ చేయాలని పట్టుబట్టాడు. ఈ నేపథ్యంలోనే భజ్‌రంగ్‌ వాడి పోలీస్‌ ఔట్‌పోస్టుపై కిరోసిన్‌ పోసి నిప్పు పెట్టాడు. అనంతరం అక్కడే నిలబడి ‘నన్ను అరెస్ట్‌ చేయాలి’ అంటూ నిలబడ్డాడు. వెంటనే అప్రమత్తమైన పోలీసులు నిప్పును చల్లార్చి అనంతరం అతడిని అదుపులోకి తీసుకున్నారు. ప్రభుత్వ ఆస్తులను ధ్వంసం చేసిన కేసులో అతడిని అరెస్ట్‌ చేసినట్లు గాంధీగ్రామ్‌ సీఐ కుమాన్‌సిన్హ్‌ తెలిపారు.  పోలీస్‌ స్టేషన్‌కు నిప్పు పెట్టినా ఎవరికీ ఏం కాలేదు. వెంటనే పోలీసులు అప్రమత్తం కావడంతో పెద్ద ప్రమాదమే తప్పిందని పోలీస్‌ అధికారి తెలిపారు. ఈ సందర్భంగా అతడితో పాటు భార్యను కూడా కౌన్సిలెంగ్‌ చేయనున్నారు. వివాదానికి గల కారణాలు తెలుసుకుని వారి కాపురం చక్కబెట్టేందుకు పోలీసులు చర్యలు తీసుకుంటున్నారు. చదవండి: పవిత్రబంధంలాంటి ఈ భార్యాభర్తలను ఆదుకోండి

గాంధీనగర్‌: దేశంలో కరోనా విజృంభిస్తోంది. నిన్న ఒక్క రోజే ఏకంగా లక్షకు పైగా కొత్త కేసులు నమోదయ్యాయి. ఇలాంటి పరిస్థితుల్లో కూడా జనాలు వ్యాక్సిన్‌ తీసుకోవడానికి సంకోచిస్తున్నారు. ఈ నేపథ్యంలో కోవిడ్‌ టీకా తీసుకునేలా జనాలను ప్రోత్సాహించడం కోసం గుజరాత్‌ స్వర్ణకార సంఘం వినూత్న ఆలోచన చేసింది. వ్యాక్సిన్‌ తీసుకున్న మహిళలకు బంగారు ముక్కుపుడక.. మగ వారికి హ్యాండ్‌ బ్లెండర్స్‌ బహుకరించింది. వివరాలు.. రాజ్‌కోట్‌ స్వర్ణకార సంఘం నగరంలోని సోనీ బజార్‌ కిషోర్ సింగ్జీ ప్రాథమిక పాఠశాలలో ఉచిత కోవిడ్‌ వ్యాక్సిన్‌ క్యాంప్‌ నిర్వహించింది. ఈ క్రమంలో వ్యాక్సిన్‌ తీసుకున్న 751 మంది మహిళలకు బంగారు ముక్కపుడకలు, 580 మంది పురుషులకు హ్యాండ్‌​ బ్లెండర్స్‌ని బహుకరించింది. గుజరాత్‌లో కోవిడ్‌ విజృంభిస్తోంది. ఈ క్రమంలో సోమవారం ఒక్కరోజే 3,160 కరోనా కేసులు నమోదు కాగా.. 15 మంది మరణించారు. ఇక సోమవారం ఒక్క రోజే ఇక్కడ 3,00,280 మందికి వ్యాక్సిన్‌ ఇచ్చారు.  చదవండి: స్కూళ్ల మూసివేత.. తరగతులు రద్దు

రాజ్‌కోట్‌: బీసీసీఐ మహిళల సీనియర్‌ వన్డే క్రికెట్‌ టోర్నమెంట్‌లో ఆంధ్ర జట్టు సెమీఫైనల్లోకి ప్రవేశించింది. విదర్భ జట్టుతో మంగళవారం జరిగిన మూడో క్వార్టర్‌ ఫైనల్లో ఆంధ్ర జట్టు 49 పరుగుల తేడాతో విజయం సాధించింది. చల్లా ఝాన్సీలక్ష్మి ఆల్‌రౌండ్‌ ప్రదర్శనతో ఆంధ్ర జట్టు గెలుపులో ముఖ్యపాత్ర పోషించింది. ఝాన్సీలక్ష్మి బ్యాటింగ్‌లో 33 పరుగులు చేయడంతోపాటు తన ఆఫ్‌ స్పిన్‌ బౌలింగ్‌తో ఆకట్టుకొని 26 పరుగులిచ్చి 5 వికెట్లు పడగొట్టడం విశేషం. టాస్‌ గెలిచి బ్యాటింగ్‌ ఎంచుకున్న ఆంధ్ర 50 ఓవర్లలో 6 వికెట్లకు 218 పరుగులు చేసింది. కెప్టెన్‌‌ నీరగట్టు అనూష (52; 8 ఫోర్లు) అర్ధ సెంచరీ చేయగా... పుష్పలత (39; 5 ఫోర్లు), మిరియాల దుర్గ (32; 4 ఫోర్లు) రాణించారు. విదర్భ బౌలర్లలో దిశా కసత్‌ మూడు వికెట్లు తీసింది. 219 పరుగుల లక్ష్యంతో బరిలోకి దిగిన విదర్భ జట్టు 46.2 ఓవర్లలో 169 పరుగులకు ఆలౌటైంది. దిశా కసత్‌ (52; 6 ఫోర్లు, సిక్స్‌), నుపుర్‌ (43; 4 ఫోర్లు) మినహా మిగతావారు విఫలమయ్యారు. ఆంధ్ర బౌలర్లలో శరణ్య గద్వాల్‌ రెండు వికెట్లు తీయగా... ఝాన్సీలక్ష్మి ఐదు వికెట్లతో విదర్భను దెబ్బతీసింది. రేపు జరిగే సెమీఫైనల్లో జార్ఖండ్‌తో ఆంధ్ర తలపడుతుంది. నాలుగో క్వార్టర్‌ ఫైనల్లో బెంగాల్‌ 28 పరుగుల తేడాతో మధ్యప్రదేశ్‌ను ఓడించి రైల్వేస్‌తో సెమీఫైనల్‌ పోరుకు సిద్ధమైంది. 

న్యూఢిల్లీ: ‘‘విజయ్‌ హజారే ట్రోఫీలో ఆడే క్రమంలో ప్రాక్టీసు ముగించుకుని హోటల్‌కు వస్తున్నాం. అదే సమయంలో వేలం జరుగుతోంది. అవీ బరోట్‌ను కొనేందుకు ఎవరూ ముందుకు రాలేదు. అప్పుడు నాకు కాస్త భయం వేసింది. అసలు నన్ను ఎవరైనా కొనుగోలు చేస్తారా లేదా అనే సందేహం మొదలైంది. అయితే, వెంటనే ఆర్సీబీ బిడ్డింగ్‌ మొదలు పెట్టింది. వెంటనే రాజస్తాన్‌ రాయల్స్‌ కూడా పోటీకి వచ్చింది. 1.2 కోట్లు పెట్టి నన్ను కొనుగోలు చేసింది. అప్పుడు నా చుట్టూ ఉన్న జట్టు సభ్యులంతా బస్సులోనే సంబరాలు చేశారు. నా మీద నీళ్లు జల్లుతూ సంతోషంతో కేకలు వేశారు’’ అంటూ యువ క్రికెటర్‌ చేతన్‌ సకారియా ఉద్విగ్న క్షణాల గురించి గుర్తు చేసుకున్నాడు. ఇండియన్‌ ప్రీమియర్‌ లీగ్‌- 2021లో సత్తా చాటేందుకు ఆశగా ఎదురుచూస్తున్నట్లు తెలిపాడు. కాగా చెన్నైలో జరిగిన ఐపీఎల్‌-2021 మినీ వేలంలో రూ. 20 లక్షల కనీస ధరతో వేలంలోకి వచ్చిన చేతన్‌ను భారీ మొత్తం వెచ్చించి ఆర్‌ఆర్‌ను కొనుగోలు చేసిన సంగతి తెలిసిందే. దీంతో ఒక్కసారిగా అతడి పేరు మారుమ్రోగిపోయింది. ఇక ఏప్రిల్‌ 9 నుంచి ఐపీఎల్‌ ప్రారంభం కానున్న నేపథ్యంలో.. తాజాగా టైమ్స్‌ నౌతో మాట్లాడిన చేతన్‌ సకారియా తన క్రీడా, వ్యక్తిగత జీవితంలోని పలు కీలక అంశాల గురించి పంచుకున్నాడు. ‘‘ ​13 ఏళ్ల వయసు నుంచి ప్రొఫెషనల్‌ క్రికెట్‌ ఆడటం ఆరంభించాను. అంతకుముందు టెన్నిస్‌ బాల్‌ టోర్నమెంట్లలో పాల్గొన్నాను. అయితే, నా తల్లిదండ్రులు మాత్రం ముందు చదువుపై శ్ర్దద్ధ పెట్టు.ఆ తర్వాతే ఆటలు అని చెప్పేవారు. నన్ను ప్రభుత్వ ఉద్యోగిగా చూడాలనేది వారి కోరిక. కానీ నాకు మాత్రం క్రికెట్‌ అంటే పిచ్చి. పరీక్షల సమయంలో కూడా క్రికెట్‌ ఆడటం మానేవాడిని కాదు. అండర్‌- 16 జట్టుకు నేను ఎంపికైన తర్వాతే నా తల్లిదండ్రులకు క్రికెట్‌లో మంచి భవిష్యత్తు ఉంటుందని అర్థమైంది. ఆ తర్వాతే వాళ్లే నన్ను ప్రోత్సహించడం మొదలుపెట్టారు. మొదట్లో మేం చాలా ఆర్థిక ఇబ్బందులు ఎదుర్కొన్నాం. అయితే, మా మామయ్య చాలా సాయం చేశారు. ఆయన స్టేషనరీ షాప్‌ నడిపేవారు. అందులోనే నాకు చిన్న ఉద్యోగం ఇచ్చారు. తనకు సాయంగా ఉంటే స్కూలు ఫీజులు కట్టడంతో పాటు, క్రికెట్‌ ఆడటానికి వెళ్లేందుకు డబ్బులు ఇస్తానని చెప్పారు. అలాగే చేశారు కూడా. నేను బౌలర్‌ కాబట్టి పెద్దగా క్రికెట్‌ కిట్ల అవసరం కూడా ఉండేది కాదు. ఒక లెఫ్టార్మ్‌ సీమర్‌ అయిన నాకు జహీర్‌ ఖాన్‌ ఆదర్శం. ముంబై ఇండియన్స్‌ క్యాంపులో ఉన్నపుడు ఆయన ఎన్నో సలహాలు ఇచ్చేవారు. నా బౌలింగ్‌ యాక్షన్‌ బాగుందని మెచ్చుకున్నారు.  ఇక ఆర్‌ఆర్‌ నన్ను కొనడం ద్వారా వచ్చిన 1.2 కోట్ల డబ్బుతో ఇల్లు కొనాలనుకుంటున్నా. ప్రస్తుతం మేం వర్టేజ్‌ గ్రామంలో ఉంటున్నాం. రాజ్‌కోట్‌లో ఓ ఇల్లు కొని కుటుంబాన్ని అక్కడికి తీసుకువెళ్తాను. అయితే, నా తమ్ముడు చనిపోయిన బాధ మాత్రం ఎన్నటికీ వెంటాడుతుంది. నేను తనను చాలా మిస్పవుతున్నా. నేను ఇంట్లో లేనపుడు వాడే అన్ని పనులు చూసుకునేవాడు. కానీ ఇప్పుడు తను లేడు. తన మరణం నాకొక పెద్ద షాక్‌’’ అని 22 ఏళ్ల ఈ సౌరాష్ట్ర ఫాస్ట్‌బౌలర్ చెప్పుకొచ్చాడు. కాగా చేతన్‌ సకారియా తమ్ముడు ఆత్మహత్య చేసుకున్న విషయం విదితమే. చదవండి: 'ద్రవిడ్‌ భయ్యా.. ఎవరీ కుర్రాడు కుమ్మేస్తున్నాడు'

అహ్మదాబాద్‌: గుజరాత్‌లో విషాదం చోటుచేసుకుంది. రాజ్‌కోట్‌లోని కోవిడ్‌ ఆస్పత్రిలో భారీ అగ్నిప్రమాదం జరిగింది. ఈ ఘటనలో ఐదురుగు కరోనా పేషెంట్లు మృతి చెందారు. వివరాలు... మాద్వీ ప్రాంతంలోని ఉదయ్‌ శివానంద్‌ ఆస్పత్రిలో సుమారు 33 మంది కోవిడ్‌ పేషెంట్లు చికిత్స పొందుతున్నారు. వీరిలో 11 మంది పరిస్థితి విషమంగా ఉండటంతో ఐసీయూలో ఉంచి ట్రీట్‌మెంట్‌ అందిస్తున్నారు. ఈ క్రమంలో గురువారం అర్ధరాత్రి దాటిన తర్వాత రెండో అంతస్తులో ఉన్న ఐసీయూలో మంటలు అంటుకున్నాయి. (చదవండి: అస్ట్రాజెనెకా సురక్షితం) దీంతో పేషెంట్లు హాహాకారాలు చేయడంతో అప్రమత్తమైన ఆస్పత్రి సిబ్బంది పోలీసులు, అగ్నిమాపక దళానికి సమాచారమిచ్చారు. ఘటనాస్థలికి చేరుకున్న రక్షణ బృందం ఐసీయూలోని ఆరుగురు పేషెంట్లను మాత్రమే సురక్షితంగా బయటికి తీసుకురాగలిగారు.  మిగతా ఐదుగురు అగ్నికి ఆహుతి అయ్యారు. కాగా షార్ట్‌సర్క్యూట్‌ కారణంగానే ఈ ప్రమాదం జరిగినట్లు భావిస్తున్నారు. ఇందుకు సంబంధించి పూర్తి వివరాలు తెలియాల్సి ఉంది.

గాంధీనగర్‌: గుజరాత్‌ రాజ్‌కోట్‌లో ఆదివారం దారుణం చోటు చేసుకుంది. తాళి కట్టిన భార్యను ఓ వ్యక్తి కిరాతకంగా హత్య చేసి.. పట్టపగలు అందరూ చూస్తుండగా మృతదేహాన్ని స్కూటీ మీద వేసుకుని తీసుకెళ్లాడు. ఇది గమనించిన స్థానికులు అతగాడిని పోలీసులకు అప్పగించారు. ఈ ఘటన రాజ్‌కోట్‌ పలితాన సమీపంలోని ఓ గ్రామంలో చోటు చేసుకుంది. వెరవాల్‌ గ్రామం సింధ్‌ క్యాంప్‌ కాలనీకి చెందిన హేమ్‌నాని, నైనా దంపతులకు గత ఏడాది వివాహం అయింది. హేమ్‌నాని స్థానిక ఎల్‌పీజీ డిస్ట్రిబ్యూషన్‌ ఏజెన్సీలో పని చేస్తున్నాడు. ఈ క్రమంలో భార్యాభర్తల మధ్య ఆదివారం చిన్న గొడవ మొదలయ్యింది. దాంతో హేమ్‌నాని ఆగ్రహంతో భార్య గొంతు పిసికి చంపేశాడు. ఆ తర్వాత మృతదేహాన్ని స్కూటీ మీద వేసుకుని రోహిషాల గ్రామం వైపు వెళ్లసాగాడు. స్టీరింగ్‌, ఫూట్‌ రెస్ట్‌కి మధ్య నైనా మృతదేహాన్ని ఉంచాడు. దాంతో ఆమె కాళ్లు నేల మీద ఉన్నాయి. ఇదేం పట్టించుకోకుండా అలానే ఓ 10 కిలోమీటర్ల దూరం లాక్కెళ్లాడు. (చదవండి: సూసైడ్‌లో నోట్‌లో షాకింగ్‌ విషయం) ఇది గమనించిన స్థానికులు షాక్‌కు గురయ్యారు. స్కూటీని ఆపాల్సిందిగా అరిచారు. కానీ హేమ్‌నాని ఇదే పట్టించుకోకుండా అలానే ముందుకు వెళ్లాడు. దాంతో స్థానికులు తమ వాహనాల మీద అతడి వెనకే వెళ్లి.. పట్టుకుని పోలీసులకు అప్పగించారు. ఈ సందర్భంగా పాలితాన ఎస్సై మాట్లాడుతూ.. ‘దర్యాప్తులో నిందితుడు తన భార్య శవాన్ని పాలితాన తాలూకాలోని రోహిషాల గ్రామం చివర ఉన్న అటవి ప్రాంతంలో పడేయాలని భావించినట్లు తెలిపాడు. ఇక తన భార్యను హత్య చేయడానికి గల కారణాలను మాత్రం వెల్లడించలేదు. ఇరువురు కుటుంబ సభ్యులను విచారిస్తే.. హత్య చేయడానికి గల కారణాలు తెలుస్తాయి’ అన్నారు.  

రాజ్‌కోట్‌: భారత స్టార్‌ ఆల్‌రౌండర్‌ రవీంద్ర జడేజా, ఆయన సతీమణి రివాబా వివాదంలో చిక్కుకున్నారు. ‘మాస్క్‌ పెట్టుకోలేదు... జరిమానా చెల్లించండి’ అని ప్రశ్నించిన మహిళా కానిస్టేబుల్‌తో వీరు వాగ్వాదానికి దిగారని సమాచారం. ప్రాథమిక సమాచారం మేరకు గుజరాత్‌లోని రాజ్‌కోట్‌లో సోమవారం రాత్రి ఈ ఘటన చోటు చేసుకుంది. జడేజా తన భార్య రివాబాతో కలిసి రాత్రి 9 గంటల ప్రాంతంలో కారులో వెళ్తుండగా... మహిళా కానిస్టేబుల్‌ సోనాల్‌ గొసాయ్‌ వీరిని కిసాన్‌పరా చౌక్‌ దగ్గర ఆపింది. ఆ సమయంలో జడేజా మాస్క్‌ను ధరించి ఉన్నా... అతడి భార్య వేసుకోకపోవడంతో... జరిమానా చెల్లించాల్సిందిగా జడేజాను కోరింది. ఈ విషయంపై జడేజాకు, కానిస్టేబుల్‌కు మధ్య వాదన పెరిగి తీవ్రంగా దూషించుకున్నట్లు సమాచారం. ఈ ఘటనపై రాజ్‌కోట్‌ డీసీపీ మనోహర్‌ సింగ్‌ జడేజా స్పందించారు. తమ ప్రాథమిక దర్యాప్తులో జడేజా మాస్క్‌ వేసుకున్నాడని అయితే అతడి భార్య వేసుకోలేదని తేలినట్లు వెల్లడించారు.

గాంధీనగర్‌ : భారత క్రికెట్‌ ఆల్‌రౌండర్‌ రవీంద్ర జడేజా రాజ్‌కోట్‌లో ఓ మహిళా కానిస్టేబుల్‌తో వాగ్వాదానికి దిగినట్లు మంగళవారం గుజరాత్‌ పోలీసులు తెలిపారు. వివరాలు.. జడేజా తన భార్య రివిబాతో కలిసి  సోమవారం రాత్రి  9. గంటల సమయంలో కారులో వెళ్తుండగా వీరి వాహనాన్ని తనిఖీ చేసేందుకు మహిళా కానిస్టేబుల్‌ సోనాల్‌ గోసాయ్‌ అడ్డగించారు. కారు డ్రైవింగ్‌ సీట్‌లో జడేజా మాస్క్‌ ధరించి ఉన్నప్పటికీ అతని భార్య మాస్క్‌ ధరించలేదు. దీంతో ఎందుకు మాస్క్‌ ధరించలేదని ప్రశ్నించడంతోపాటు జరిమానా చెల్లించాలని మహిళా పోలీస్‌ ఆదేశించింది. దీంతో రవీంద్ర జడేజాకు కానిస్టేబుల్‌కు మధ్య వాదన పెరిగి వాగ్వాదానికి దిగినట్లు, మరోవైపు రివిబా కూడా ఆమెతో దురుసుగా ప్రవర్తించినట్లు డీసీపీ మనోహర్‌ సింగ్‌ తెలిపారు. (నెలలో 16.2 లక్షల సార్లు) అయితే తమ ప్రాథమిక దర్యాప్తులో జడేజా భార్య రవిబా మాస్క్‌ ధరించలేదని వెల్లడైందని పోలీసులు తెలిపారు. అసలు వీరి మధ్య గొడవ ఎందుకు పెద్దదయ్యిందనే విషయంపై దర్యాప్తు జరుగుతుందని వివరించారు. కాగా ఇద్దరి మధ్య ఘర్షణ అనంతరం మహిళా కానిస్టేబుల్‌ స్వల్ప అస్వస్థతకు గురవ్వడంతో ఆమెను వెంటనే స్థానిక ఆస్పత్రిలో చేర్చినట్లు తెలిపారు. ఆ తర్వాత ఆమె ఆరోగ్యం కుదుట పడిందని ఇప్పుడు డిశ్చార్జి అయినట్లు వెల్లడించారు. అంతేగాక ఇటు జడేజా నుంచి అటు కానిస్టేబుల్‌ నుంచి ఇప్పటి వరకు తమకు ఎలాంటి ఫిర్యాదు అందలేదని పోలీసులు పేర్కొన్నారు. ('ఆరోజు సచిన్‌ నక్కతోకను తొక్కాడు')

గాంధీనగర్‌: గుజరాత్‌ను మరోసారి భూకంపం వణికించింది. 24 గంటలు గడవక ముందే రెండోసారి భూప్రకంపనలు చోటుచేసుకున్నాయి. దాంతో ప్రజలు ఆందోళనకు గురవుతున్నారు. సోమవారం మధ్యాహ్నం 12.57 గంటల సమయంలో రాజ్‌కోట్‌ సమీపంలో రెండోసారి భూకంపం చోటు చేసుకుంది. రిక్టార్‌ స్కేల్‌పై భూకంప తీవ్రత 4.4గా నమోదైనట్లు నేషనల్ సెంటర్ ఫర్ సీస్మోలజీ పేర్కొంది. రాజ్‌కోట్‌కు వాయవ్య దిశలో 83 కిలోమీటర్ల దూరంలో భూకంప కేంద్రం ఉన్నట్లు గుర్తించారు.  గుజరాత్‌లో ఆదివారం రాత్రి 8 గంటలకు రాజ్‌కోట్‌, గుజరాత్‌ సమీప ప్రాంతాలకు 122 కిలోమీటర్ల దూరంలో వ్యాయువ్యంగా ఈ భూకంపం సంభవించింది. భూకంప తీవ్రత రిక్టార్‌ స్కేల్‌పై 5.8గా నమోదైనట్లు నేషనల్ సెంటర్ ఫర్ సీస్మోలజీ తెలిపింది. దీంతో రాజ్‌కోట్‌ వాసులు ఆందోళనకు గురయ్యారు.

సాక్షి, అహ్మదాబాద్‌: గుజరాత్‌లో భూకంపం చోటు చేసుకుంది. ఆదివారం రాత్రి 8 గంటలకు రాజ్‌కోట్‌, గుజరాత్‌ సమీప ప్రాంతాలకు 122 కిలోమీటర్ల దూరంలో వ్యాయువ్యంగా ఈ భూకంపం సంభవించింది. భూకంప తీవ్రత రిక్టార్‌ స్కేల్‌పై 5.8గా నమోదైనట్లు నేషనల్ సెంటర్ ఫర్ సీస్మోలజీ తెలిపింది. దీంతో రాజ్‌కోట్‌ వాసులు ఆందోళనకు గురయ్యారు. (లాక్‌డౌన్‌ పొడిగింపుపై కేంద్రం స్పందన)

రాజ్‌కోట్‌ : గుజరాత్‌లోని రాజ్‌కోట్‌లో గల అజీడ్యామ్‌ గోడ సోమవారం కుప్పకూలింది. ఉన్నట్టుండి ఒక్కసారిగా పడిపోయింది. ఈ ఘటనలో ఇద్దరు మృతి చెందారు. వెంటనే అప్రమత్తమైన అధికారులు క్రేన్ల సాయంతో శిథిలాలను తొలగించే ప్రయత్నం చేస్తున్నారు. అజీడ్యామ్‌ గోడ బ్రిడ్జి కుప్పకూలిన దృశ్యాలు సీసీటీవీలో రికార్డయ్యాయి.  ఈ ప్రమాదం నుంచి ఓ ట్రాలీ తృటిలో బయటపడింది. నాలుగు రోజుల క్రితం వచ్చిన నిసర్గ తుపాను ప్రభావంతో గుజరాత్‌లో భారీ వర్షాలు పడుతున్నాయి. ఈ వర్షాల వల్లే అజీ డ్యామ్‌ గోడ పడిపోయినట్లుగా తెలుస్తోంది.

అహ్మదాబాద్‌ (రాజ్‌కోట్)‌ : గుజరాత్‌లో ఫేక్‌పాస్‌ల గుట్టు రట్టయింది. కరోనావైరస్ నియంత్రణకు దేశవ్యాప్తంగా లాక్‌డౌన్‌ విధించడంతో ఎక్కడి వారు అక్కడే ఉన్నారు. దీన్ని ఆసరగా చేసుకున్న ఓ ముఠా ఫేక్ పాసులను సృష్టించి విక్రయిస్తున్నారు. గుజరాత్‌లోని రాజ్‌కోట్‌లో 17 మంది కలిసి ముఠాగా ఏర్పడి రూ.300లకు ఒక్కో పాస్‌ను అమ్ముతున్నారు. విశ్వసనీయ సమాచారం మేరకు ఫేక్‌పాస్‌లనుఅమ్ముతున్న ముఠాను పట్టుకున్నామని రాజ్‌కోట్‌ ఏసీపీ జేహెచ్‌ సార్వయా తెలిపారు. వారి నుంచి ఫేక్‌ పాసులను స్వాధీనం చేసుకుని, 17 మందిని అదుపులోకి తీసుకున్నామన్నారు.

రాజ్‌కోట్‌: తొలి వన్డేలో నిరుత్సాహపరిచిన టీమిండియా.. రెండో వన్డేలో​ అదరగొట్టింది. తొలుత బ్యాటింగ్‌లో ఆ తర్వాత బౌలింగ్‌లో రాణించిన టీమిండియా ఆస్ట్రేలియాపై 36 పరుగుల తేడాతో విజయం సాధించింది. సమిష్టిగా పోరాడి గెలిచిన భారత్‌ మూడు వన్డేల సిరీస్‌ను 1-1తో సమం చేసింది. అయితే టీమిండియా నిర్దేశించిన భారీ లక్ష్యాన్ని ఓ దశలో ఆసీస్‌ ఛేదించేలా కనిపించింది.. అయితే కుల్దీప్‌ ఓకే ఓవర్‌లో రెండు కీలక వికెట్లు పడగొట్టడంతో మ్యాచ్‌ భారత్‌ వైపు తిరిగింది. ఇక మ్యాచ్‌ అనంతరం ఆసీస్‌ స్టార్‌ బ్యాట్స్‌మన్‌ స్టీవ్‌ స్మిత్‌ ఓటమిపై స్పందించాడు. అంతేకాకండా ఓటమికి గల కారణాలను విశ్లేషించాడు. ఓ దశలో విజయం తమదే అనుకున్న తరుణంలో మిడిల్‌ ఓవర్లలో మూడు వికెట్లు కోల్పోవడమే కంగారు జట్టు ఓటమికి కారణని తెలిపాడు.  ‘భారీ లక్ష్య ఛేదనలో మిడిల్‌ ఓవర్లు ఎంతో కీలకం. ఈ ఓవర్లలో పరుగులు రాబట్టడం ఎంత కీలకమో.. వికెట్లను కూడా కాపాడుకోవాలి. అయితే మేము తొలి 30 ఓవర్లపాటు మంచి రన్‌రేట్‌నే కొనసాగించాం. అంతేకాకుండా చేతిలో వికెట్లు ఉండటంతో మ్యాచ్‌ మా చేతుల్లోనే ఉందనుకాన్నం. కానీ 31 ఓవర్లో లబుషేన్‌ ఔటవ్వడం, 38వ ఓవర్‌లో నేను(స్మిత్‌), అలెక్స్‌ క్యారీ వెనుదిరగడం జట్టు ఓటమికి ప్రధాన కారణం. కుల్దీప్‌ వేసిని బంతిని కట్‌ చేయబోయి ఔటయ్యాను. ఇక రాజ్‌కోట్‌ వన్డేల్లో గేమ్‌ చేంజర్‌ కుల్దీప్‌ యాదవే. ఇక అరంగేట్ర వన్డేల్లో లబుషేన్‌ ఆకట్టుకున్నాడు. అతడికి మంచి భవిష్యత్‌ ఉంది. ఇక టీమిండియా విషయానికొస్తే విరాట్‌ కోహ్లి, శిఖర్‌ ధావన్‌, కేఎల్‌ రాహుల్‌లు అద్భుతంగా ఆడారు. ఒకటి రెండు ఇన్నింగ్స్‌లు ఆడనంత మాత్రాన రోహిత్‌ను తక్కువ అంచనా వేయకూడదు. ఎందుకంటే అతడి రికార్డులే అందరికీ సమాధనం చెబుతాయి. ఇక కీలక నిర్ణయాత్మక వన్డేలో ఎలాంటి పొరపాట్లకు తావివ్వకుండా ఆడి మ్యాచ్‌తో పాటు సిరీస్‌ గెలవాలనుకుంటున్నాం’అని స్మిత్‌ పేర్కొన్నాడు. ఇక ఇరుజట్ల మధ్య నిర్ణయాత్మకమైన మూడో వన్డే రేపు(ఆదివారం) బెంగళూరులో జరగనుంది.  చదవండి:  వ్యూహం మార్చి అదరగొట్టారు

రాజ్‌కోట్‌ :  ఆస్ట్రేలియాతో జరిగిన రెండో వన్డేలో 36 పరుగుల తేడాతో భారత్‌ ఘన విజయాన్ని నమోదు చేసింది. టీమిండియా విధించిన 341 పరుగుల భారీ లక్ష్యాన్ని చేధించలేక ఆసీస్‌ చతికిలపడింది. ఆసీస్‌ బ్యాట్సమెన్లలో స్టీవ్‌ స్మిత్(102 బంతుల్లో 98 పరుగులు)‌, లబుషేన్‌( 47 బంతుల్లో 46 పరుగులు)తో కొంత ప్రతిఘటించినా తర్వాత వచ్చిన బ్యాట్సమెన్‌ విఫలం కావడంతో 49.1 ఓవర్లలో 304 పరుగులకు ఆలౌటైంది. కాగా భారత బౌలర్లలో  షమీ 3 వికెట్లు, రవీంద్ర జడేజా, కుల్దీప్‌ యాదవ్‌, నవదీప్‌ సైనీలు తలా 2 వికెట్లు తీశారు. అంతకుముందు బ్యాటింగ్‌ చేసిన టీమిండియా శిఖర్‌ ధావన్‌, విరాట్‌ కోహ్లి, కేఎల్‌ రాహుల్‌లు అర్థశతకాలతో చెలరేగడంతో భారత్‌ 50 ఓవర్లలో 6 వికెట్ల నష్టానికి 340 పరుగులు చేసింది. ఈ విజయంతో మూడు వన్డేల సిరీస్‌ను  టీమిండియా 1-1తో సమం చేసింది. దీంతో నిర్ణయాత్మకంగా మారిన చివరి వన్డే ఆదివారం బెంగుళూరులోని చిన్నస్వామి స్టేడియంలో జరగనుంది.     కుల్దీప్‌ @ సెంచరీ    ఆసీస్‌కు భారీ టార్గెట్‌

రాజ్‌కోట్‌: ఆసీస్‌తో జరిగిన తొలి వన్డేలో ఏడు ఓవర్లు వేసి వికెట్‌ కూడా తీయకుండా 50 పరుగులిచ్చిన టీమిండియా పేసర్‌ జస్‌ప్రీత్‌ బుమ్రా.. రెండో వన్డేలో మాత్రం ఇరగదీస్తున్నాడు. తొలి ఓవర్‌ను మొదలుకొని తన మొదటి స్పెల్‌లో నాలుగు ఓవర్లు వేసిన బుమ్రా ఏడు పరుగులే ఇచ్చాడు. ఇందులో ఒక బంతి వైడ్‌ రూపంలో ఇచ్చిన ఐదు పరుగులు మినహా మిగతా బౌలింగ్‌ అంతా అదరగొట్టాడు. తొలి ఓవర్‌లో పరుగు మాత్రమే ఇచ్చిన బుమ్రా.. ఐదు, ఏడు ఓవర్లను మెయిడిన్‌ ఓవర్లుగా వేయడం ఇక్కడ విశేషం. (ఇక్కడ చదవండి: ఇది మనీష్‌ పాండే వికెట్‌!) ఇన్నింగ్స్‌ ఐదో ఓవర్‌లో ఫించ్‌ స్టైకింగ్‌ ఎండ్‌లో ఉండగా మొత్తం అన్నీ డాట్‌ బాల్స్‌ వేసిన బుమ్రా.. స్మిత్‌ స్టైకింగ్ ఎండ్‌లో ఉన్న ఏడో ఓవర్‌ను కూడా మెయిడిన్‌గా ముగించాడు. దాంతో బుమ్రా వరుసగా రెండు మెయిడిన్లతో ఆసీస్‌కు చుక్కలు చూపించాడు.  కచ్చితమైన లెంగ్త్‌తో పాటు వైవిధ్యమైన బంతులతో ఆసీస్‌ను ముప్పు తిప్పులు పెట్టాడు. దాంతో పరుగులు చేయడానికి ఆసీస్‌ అపసోపాలు పడుతోంది. మిగతా బౌలర్లను హిట్‌ చేసిన ఫించ్‌-స్మిత్‌లు బుమ్రా బౌలింగ్‌ను మాత్రం ఆచితూచి ఆడుతున్నారు. 

రాజ్‌కోట్‌: టీమిండియాతో జరుగుతున్న రెండో వన్డేలో ఆస్ట్రేలియా ఓపెనర్‌ డేవిడ్‌ వార్నర్‌(15) తొలి వికెట్‌గా ఔటయ్యాడు. మహ్మద్‌ షమీ వేసిన నాల్గో ఓవర్‌ రెండో బంతికి ఆఫ్‌ సైడ్‌కు హిట్‌ చేయగా, మిడ్‌ వికెట్‌లో ఫీల్డింగ్‌ చేస్తున్న మనీష్‌ పాండే అద్భుతంగా క్యాచ్‌ అందుకున్నాడు. బంతి గమనాన్ని అంచనా వేసిన మనీష్‌ పాండే సింగిల్‌ హ్యాండ్‌తో క్యాచ్‌ను అమాంతం పట్టేసుకున్నాడు. ఈ క్యాచ్‌కు స్టేడియంలో ప్రేక్షకులకు ఒక్కసారిగా సంభ్రమాశ్చర్యాలకు గురి కాగా, వార్నర్‌ మాత్రం షాక్‌కు గురయ్యాడు. ఫోర్‌ వెళుతుందనుకున్న ఆ షాట్‌ను పాండే క్యాచ్‌గా అందుకోవడంతో వార్నర్‌ కాసేపు అలానే ఉండిపోయాడు. (ఇక్కడ చదవండి; ఆసీస్‌కు భారీ టార్గెట్‌) మనీష్‌  పాండే అసాధారణ ఫీల్డింగ్‌తో టీమిండియా శిబిరంలో ఆనందం వెల్లివిరిసింది. ఇది షమీ వికెట్‌ అనడం కంటే పాండే వికెట్‌ అంటేనే సబబు. అది క్యాచ్‌గా అందుకుంటాడని ఎవరూ ఊహించని సమయంలో పాండే కచ్చితమైన టైమింగ్‌తో గాల్లోకి ఎగిరి దాన్ని ఒడిసి పట్టుకున్నాడు.  ఆసీస్‌ స్కోరు 20 పరుగుల వద్ద వార్నర్‌ ఔట్‌ కావడంతో ఫస్ట్‌ డౌన్‌లో స్టీవ్‌ స్మిత్‌ క్రీజ్‌లోకి వచ్చాడు. ముందుగా బ్యాటింగ్‌ చేసిన టీమిండియా నిర్ణీత ఓవర్లలో ఆరు వికెట్లు కోల్పోయి 340 పరుగులు చేసింది.. శిఖర్‌ ధావన్‌(96; 90  బంతుల్లో 13 ఫోర్లు, 1 సిక్స్‌), విరాట్‌ కోహ్లి(78;76 బంతుల్లో 6 ఫోర్లు), కేఎల్‌ రాహుల్‌( 80; 52 బంతుల్లో 6 ఫోర్లు, 3 సిక్సర్లు), రోహిత్‌ శర్మ(42; 44 బంతుల్లో 6ఫోర్లు)లు రాణించి భారీ స్కోరు సాధించడంలో కీలక పాత్ర పోషించారు. (ఇక్కడ చదవండి: కోహ్లి బ్యాడ్‌లక్‌)

రాజ్‌కోట్‌: ఆస్ట్రేలియాతో జరుగుతున్న రెండో వన్డేలో టీమిండియా 341 పరుగుల భారీ టార్గెట్‌ను  నిర్దేశించింది. శిఖర్‌ ధావన్‌(96; 90  బంతుల్లో 13 ఫోర్లు, 1 సిక్స్‌), విరాట్‌ కోహ్లి(78;76 బంతుల్లో 6 ఫోర్లు), కేఎల్‌ రాహుల్‌( 80; 52 బంతుల్లో 6 ఫోర్లు, 3 సిక్సర్లు), రోహిత్‌ శర్మ(42; 44 బంతుల్లో 6ఫోర్లు)లు రాణించడంతో టీమిండియా భారీ స్కోరు సాధించింది.  టాస్‌ గెలిచిన ఆస్ట్రేలియా ముందుగా ఫీల్డింగ్‌ ఎంచుకుంది. దాంతో టీమిండియా ఇన్నింగ్స్‌ను రోహిత్‌-శిఖర్‌ ధావన్‌లు ఆరంభించారు. వీరిద్దరూ సమయోచితంగా ఆడుతూ స్కోరు బోర్డును ముందుకు తీసుకెళుతున్న క్రమంలో రోహిత్‌ తొలి వికెట్‌గా ఔటయ్యాడు. ఈ జోడి మొదటి వికెట్‌కు 81 పరుగులు జోడించింది. ఆపై ధావన్‌కు కోహ్లి జతకలిసి ఇన్నింగ్స్‌ను నడిపించాడు. ఈ క్రమంలోనే ధావన్‌ హాఫ్‌ సెంచరీ నమోదు చేశాడు.  ఈ జోడి 103 పరుగులు జత చేసిన తర్వాత ధావన్‌ రెండో వికెట్‌గా ఔటయ్యాడు. కాసేపటికి శ్రేయస్‌ అయ్యర్‌(7) పెవిలియన్‌ చేరాడు. జంపా బౌలింగ్‌లో షాట్‌ ఆడబోగా అది మిస్‌ కావడంతో బౌల్డ్‌ అయ్యాడు.(ఇక్కడ చదవండి: ధావన్‌-కోహ్లి ఎట్‌ 3 వేలు) గత మ్యాచ్‌లో విఫలమైన కోహ్లి..ఈ మ్యాచ్‌లో మంచి జోష్‌ మీద ఉన్న సమయంలో పెవిలియన్‌ చేరాడు. ఆడమ్‌ జంపా వేసిన 44 ఓవర్‌ తొలి బంతిని భారీ షాట్‌ ఆడిన కోహ్లి పెవిలియన్‌ చేరాడు. కాగా, కోహ్లిని దురదృష్టం వెంటాడింది.  బౌలర్‌ ఎండ్‌ వైపు నేరుగా కోహ్లి భారీ షాట్‌  కొట్టగా, అక్కడ ఫీల్డింగ్‌ చేస్తున్న ఆగర్‌ ఆ బంతిని బౌండరీ లైన్‌కు కాస్త వెలుపల పట్టుకుని దాన్ని మరో ఫీల్డర్‌ స్టార్క్‌కు విసిరేశాడు. ఇది ఆగర్‌ బౌండరీ లైన్‌ను దాటకముందే  స్టార్క్‌ కు అందివ్వడంతో కోహ్లి పెవిలియన్‌కు చేరాల్సి  వచ్చింది. (ఇక్కడ చదవండి: అయ్యో.. రోహిత్‌) ఆపై వచ్చిన మనీష్‌ పాండే(2) స్వల్ప వ్యవధిలోనే ఔటయ్యాడు. ఆ తరుణంలో కేఎల్‌ రాహుల్‌కు జత కలిసిన రవీంద్ర జడేజా(20; 16 బంతుల్లో 1 ఫోర్‌) ఫర్వాలేదనిపించాడు. ఈ జోడి 58 పరుగులు జత చేసిన తర్వాత రాహుల్‌ రనౌట్‌ అయ్యాడు. అది చివరి ఓవర్‌ కావడంతో స్కోరును పెంచే క‍్రమంలో రాహుల్‌ రనౌట్‌గా నిష్క్రమించాడు. ఆసీస్‌ బౌలర్లలో ఆడమ్‌ జంపా మూడు వికెట్లు సాధించగా, కేన్‌ రిచర్డ్‌సన్‌ రెండు వికెట్లు తీశాడు.   

రాజ్‌కోట్‌: ఆస్ట్రేలియాతో రెండో వన్డేలోనూ టీమిండియా కెప్టెన్‌ విరాట్‌ కోహ్లి.. ఆడమ్‌ జంపాకే ఔటయ్యాడు. ఆడమ్‌ జంపా వేసిన 44 ఓవర్‌ తొలి బంతిని భారీ షాట్‌ ఆడి పెవిలియన్‌ చేరాడు. అయితే కోహ్లి కొట్టిన ఆ షాట్‌ను చూసి సిక్స్‌ అనుకున్నారంతా. కాగా, కోహ్లిని దురదృష్టం వెంటాడింది.  అక్కడ ఫీల్డింగ్‌ చేస్తున్న ఆగర్‌ ఆ బంతిని బౌండరీ లైన్‌కు కాస్త వెలుపల పట్టుకుని దాన్ని మరో ఫీల్డర్‌ స్టార్క్‌కు విసిరేశాడు. ఇది ఆగర్‌ బౌండరీ లైన్‌ను దాటకముందే  స్టార్క్‌ కు అందివ్వడంతో కోహ్లి పెవిలియన్‌కు చేరక తప్పలేదు. ఆగర్‌ కాలు గాల్లో ఉండగానే స్టార్క్‌కు ఇవ్వడంతో కోహ్లి ఔటయ్యాడు.  దాంతో కోహ్లి 78 వ్యక్తిగత పరుగుల వద్ద నాల్గో వికెట్‌గా ఔటయ్యాడు. 76 బంతుల్లో 6 ఫోర్లు మాత్రమే కొట్టిన కోహ్లి.. ఎక్కువగా సింగిల్స్‌, డబుల్స్‌ తీయడానికే ప్రాధాన్యత ఇచ్చాడు. అయితే జంపా బౌలింగ్‌లో కోహ్లి ఔట్‌ కావడం వన్డేలు, టీ20ల్లో కలుపుకుని ఇది ఏడోసారి. భారత స్కోరు 276 పరుగుల వద్ద కోహ్లి నిష్క్రమించగా, ఆపై వచ్చిన మనీష్‌ పాండే(2) స్వల్ప వ్యవధిలోనే ఔటయ్యాడు.

రాజ్‌కోట్‌: ఆస్ట్రేలియాతో జరుగుతున్న రెండో వన్డేలో విరాట్‌ కోహ్లి హాఫ్‌ సెంచరీ సాధించాడు. తొలి వన్డేలో విఫలమైన  కోహ్లి..ఈసారి మాత్రం బాధ్యతాయుతంగా ఆడి అర్థ శతకాన్ని నమోదు చేశాడు. 50 బంతుల్లో మూడు ఫోర్ల సాయంతో హాఫ్‌ సెంచరీ సాధించాడు. ఆడమ్‌ జంపా వేసిన 35 ఓవర్‌ ఐదో బంతికి సింగిల్‌ తీయడం ద్వారా హాఫ్‌ సెంచరీ మార్కును చేరాడు. అంతకుముందు శ్రేయస్‌ అయ్యర్‌(7) నిరాశపరచగా, శిఖర్‌ ధావన్‌(96; 90 బంతుల్లో 13 ఫోర్లు, 1 సిక్స్‌), రోహిత్‌ శర్మ(42; 44 బంతుల్లో 6 ఫోర్లు)లు ఆకట్టుకున్నారు.(ఇక్కడ చదవండి: అయ్యో.. రోహిత్‌) టాస్‌ గెలిచిన ఆస్ట్రేలియా ముందుగా ఫీల్డింగ్‌ ఎంచుకుంది. దాంతో టీమిండియా ఇన్నింగ్స్‌ను రోహిత్‌-శిఖర్‌ ధావన్‌లు ఆరంభించారు. వీరిద్దరూ సమయోచితంగా ఆడుతూ స్కోరు బోర్డును ముందుకు తీసుకెళుతున్న క్రమంలో రోహిత్‌(42) తొలి వికెట్‌గా ఔటయ్యాడు. ఈ జోడి మొదటి వికెట్‌కు 81 పరుగులు జోడించింది. ఆపై ధావన్‌కు కోహ్లి జతకలిసి ఇన్నింగ్స్‌ను నడిపించాడు. ఈ క్రమంలోనే ధావన్‌ హాఫ్‌ సెంచరీ నమోదు చేశాడు.  ఈ జోడి 103 పరుగులు జత చేసిన తర్వాత ధావన్‌ రెండో వికెట్‌గా ఔటయ్యాడు. కాసేపటికి శ్రేయస్‌ అయ్యర్‌(7) పెవిలియన్‌ చేరాడు. జంపా బౌలింగ్‌లో షాట్‌ ఆడబోగా అది మిస్‌ కావడంతో బౌల్డ్‌ అయ్యాడు. 39 ఓవర్లు ముగిసే సరికి టీమిండియా మూడు వికెట్లు కోల్పోయి 241 పరుగులు చేసింది.  

రాజ్‌కోట్‌: ఆస్ట్రేలియాతో జరుగుతున్న రెండో వన్డేలో శిఖర్‌ ధావన్‌ తృటిలో సెంచరీ కోల్పోయాడు. ఆది నుంచి నిలకడగా ఆడిన ధావన్‌ 96 వ్యక్తిగత పరుగుల వద్ద నిష్క్రమించాడు. తన బ్యాట్‌ నుంచి మరో క్లాస్‌ ఇన్నింగ్స్‌ వచ్చినా దాన్ని సెంచరీగా మలచుకోవడంలో ధావన్‌ విఫలమయ్యాడు. కేన్‌ రిచర్డ్‌సన్‌ వేసిన 29 ఓవర్‌ నాల్గో బంతిని ఫైన్‌ లెగ్‌ మీదుగా షాట్‌ ఆడబోయిన ధావన్‌ అక్కడే ఫీల్డింగ్‌ చేస్తున్న స్టార్క్‌కు చిక్కాడు. దాంతో శతాకానికి దగ్గరగా వచ్చిన ధావన్‌ భారంగా పెవిలియన్‌ వీడాడు. గత మ్యాచ్‌లో కూడా ధావన్‌ హాఫ్‌ సెంచరీ సాధించిన సంగతి తెలిసిందే. ఆసీస్‌తో తొలి వన్డేలో ధావన్‌ 74 పరుగులు సాధించాడు. (ఇక్కడ చదవండి: ధావన్‌-కోహ్లి ఎట్‌ 3 వేలు) ఈ మ్యాచ్‌లో టాస్‌ గెలిచిన ఆస్ట్రేలియా ముందుగా ఫీల్డింగ్‌ ఎంచుకుంది. దాంతో టీమిండియా ఇన్నింగ్స్‌ను ఎప్పటిలాగా రోహిత్‌-శిఖర్‌ ధావన్‌లు ఆరంభించారు. వీరిద్దరూ సమయోచితంగా ఆడుతూ స్కోరు బోర్డును ముందుకు తీసుకెళుతున్న క్రమంలో రోహిత్‌(42) తొలి వికెట్‌గా ఔటయ్యాడు. ఈ జోడి మొదటి వికెట్‌కు 81 పరుగులు జోడించింది. ఆపై ధావన్‌కు కోహ్లి జతకలిసి ఇన్నింగ్స్‌ను నడిపించాడు. ఈ క్రమంలోనే ధావన్‌ హాఫ్‌ సెంచరీ నమోదు చేశాడు.  ఈ జోడి 103 పరుగులు జత చేసిన తర్వాత ధావన్‌ రెండో వికెట్‌గా ఔటయ్యాడు. కాసేపటికి శ్రేయస్‌ అయ్యర్‌(7) పెవిలియన్‌ చేరాడు. జంపా బౌలింగ్‌లో షాట్‌ ఆడబోగా అది మిస్‌ కావడంతో బౌల్డ్‌ అయ్యాడు. .

రాజ్‌కోట్‌: ఆస్ట్రేలియాతో జరుగుతున్న రెండో వన్డేలోనూ టీమిండియా ఓపెనర్‌ శిఖర్‌ ధావన్ మెరిశాడు. తొలి వన్డేలో 74 పరుగులు సాధించిన ధావన్‌.. రెండో వన్డేలో కూడా యాభైకి పైగా పరుగులు సాధించి తనపై వస్తున్న  విమర్శలకు బ్యాట్‌తో సమాధానం చెప్పాడు. ఇది వరుసగా ధావన్‌కు మూడో హాఫ్‌ సెంచరీ. ఈ సిరీస్‌కు ముందు శ్రీలంకతో జరిగిన చివరి టీ20ల్లో కూడా ధావన్‌ హాఫ్‌ సెంచరీ చేసిన సంగతి తెలిసిందే. ఇదిలా ఉంచితే, విరాట్‌ కోహ్లితో కలిసి మూడు వేల వన్డే పరుగుల  భాగస్వామ్యాన్ని ధావన్‌ సాధించాడు. ఓవరాల్‌గా మూడు వేల వన్డే పరుగుల భాగస్వామ్యాన్ని సాధించిన 40వ జోడి కాగా, భారత్ తరఫున 10 జోడి. ఇక మూడు వేల వన్డే పరుగుల భాగస్వామ్యాన్ని కోహ్లి-ధావన్‌లు సాధించే క్రమంలో వీరి యావరేజ్‌ 62.50గా ఉంది. ఇది మూడో అత్యుత్తమం కాగా ఏబీ డివిలియర్స్‌-ఆమ్లా(72.34)లు తొలి స్థానంలో ఉన్నారు. రెండో స్థానంలో రోహిత్‌-కోహ్లి(64.06) జోడి ఉంది. (ఇక్కడ చదవండి: అయ్యో.. రోహిత్‌) ఈ మ్యాచ్‌లో టాస్‌ గెలిచిన ఆస్ట్రేలియా ముందుగా ఫీల్డింగ్‌ ఎంచుకుంది. దాంతో టీమిండియా ఇన్నింగ్స్‌ను ఎప్పటిలాగా రోహిత్‌-శిఖర్‌ ధావన్‌లు ఆరంభించారు. వీరిద్దరూ సమయోచితంగా ఆడుతూ స్కోరు బోర్డును ముందుకు తీసుకెళుతున్న క్రమంలో రోహిత్‌(42) తొలి వికెట్‌గా ఔటయ్యాడు. ఈ జోడి మొదటి వికెట్‌కు 81 పరుగులు జోడించింది. ఆపై ధావన్‌కు కోహ్లి జత కలిశాడు. నేటి మ్యాచ్‌లో కోహ్లి ఫస్ట్‌ డౌన్‌లో బ్యాటింగ్‌కు దిగాడు. వీరిద్దరూ సమయోచితంగా ఆడి స్కోరును ముందుకు తీసుకెళ్లారు.కాగా, ధావన్‌ 96 పరుగుల వ్యక్తిగత పరుగుల స్కోరు వద్ద రెండో వికెట్‌గా ఔటయ్యాడు. 29 ఓవర్లు ముగిసే సరికి భారత్‌ జట్టు రెండు వికెట్ల నష్టానికి 184 పరుగులు చేసింది.

రాజ్‌కోట్‌: ఆస్ట్రేలియాతో జరుగుతున్న రెండో వన్డేలో టీమిండియా ఓపెనర్‌ రోహిత్‌ శర్మ(42; 44 బంతుల్లో 6 ఫోర్లు) హాఫ్‌ సెంచరీ చేసే అవకాశాన్ని కోల్పోయాడు. ఆడమ్‌ జంపా వేసిన ఇన్నింగ్స్‌ 14వ ఓవర్‌ మూడో బంతికి రోహిత్‌ ఎల్బీగా పెవిలియన్‌ చేరాడు.  అదే ఓవర్‌లో ఫోర్‌ కొట్టిన రోహిత్‌.. ఆపై మరుసటి బంతికి వికెట్లు ముందు దొరికేశాడు. ఆ బంతిని రివర్స్‌ స్వీప్‌ ఆడటానికి యత్నించగా అది రోహిత్‌ ప్యాడ్లకు తాకింది. దాంతో ఆసీస్‌ అప్పీలు చేయగా ఫీల్డ్‌ అంపైర్ ఔటిచ్చాడు. దీనిపై రివ్వూకు వెళ్లిన రోహిత్‌కు అక్కడ కూడా నిరాశే ఎదురైంది. అది వికెట్లను తాకుతున్నట్లు రిప్లేలో తేలడంతో రోహిత్‌ పెవిలియన్‌ వీడాల్సి వచ్చింది. అదే సమయంలో భారత్‌ రివ్యూను కోల్పోయింది. కాగా, జంపా బౌలింగ్‌లో వన్డేలు, టీ20ల్లో కలుపుకుని రోహిత్‌ ఔట్‌ కావడంతో ఇది నాల్గోసారి. దాంతో విరాట్‌ కోహ్లి తర్వాత స్థానంలో నిలిచాడు రోహిత్‌. జంపా బౌలింగ్‌లో కోహ్లి (వన్డేలు, టీ20లు) ఆరు సందర్భాల్లో పెవిలియన్‌ చేరాడు. ఒక బ్యాట్స్‌మన్‌ను ఎక్కువసార్లు ఔట్‌ చేసిన జంపా బౌలింగ్‌ గణాంకాల్లో ఇదే అత్యధికం. ఆ తర్వాత స్థానంలో రోహిత్‌ నిలిచాడు. అయితే వన్డేల్లో 9వేల పరుగుల మార్కును చేరడానికి రోహిత్‌ నాలుగు పరుగుల దూరంలో నిలిచిపోయాడు. ఈ మ్యాచ్‌లో టాస్‌ గెలిచిన ఆస్ట్రేలియా ముందుగా ఫీల్డింగ్‌ ఎంచుకుంది. దాంతో టీమిండియా ఇన్నింగ్స్‌ను ఎప్పటిలాగా రోహిత్‌-శిఖర్‌ ధావన్‌లు ఆరంభించారు. వీరిద్దరూ సమయోచితంగా ఆడుతూ స్కోరు బోర్డును ముందుకు తీసుకెళుతున్న క్రమంలో రోహిత్‌ ఔటయ్యాడు. ఈ జోడి తొలి వికెట్‌కు 81 పరుగులు జోడించింది. 15 ఓవర్లు ముగిసే సరికి భారత్‌ వికెట్‌ కోల్పోయి 87 పరుగులు చేసింది.

రాజ్‌కోట్‌: భారత్-ఆస్ట్రేలియా మధ్య రెండో వన్డే ప్రారంభమైంది. టాస్ గెలిచిన ఆస్ట్రేలియా ఫీల్డింగ్ ఎంచుకుంది. ఈ మ్యాచ్‌లో టీమిండియా  రెండు మార్పులతో బరిలోకి దిగుతోంది. రిషభ్ పంత్ స్థానంలో మనీశ్ పాండే, శార్దూల్ ఠాకూర్‌ స్థానంలో సైనీ జట్టులోకి వచ్చారు. తొలి వన్డేలో వన్‌సైడ్‌ విక్టరీతో టీమిండియాకు షాకిచ్చిన ఆస్ట్రేలియా.. మరో గెలుపు కోసం ఉవ్విళ్లూరుతుంది. అయితే టీమిండియాకు మాత్రం ఈ మ్యాచ్ అత్యంత కీలకం. సొంతగడ్డపై మరో సిరీస్ కోల్పోకుండా ఉండాలంటే భారత్‌ ఈ మ్యాచ్‌లో తప్పక గెలవాల్సిందే. ఆసీస్ చేతిలో ఈ మ్యాచ్‌ ఓడితే టీమిండియా సొంతగడ్డపై ఆసీస్‌పై వరుసగా రెండు వన్డే సిరీస్‌లను కోల్పోయినట్లవుతుంది. తొలివన్డేలో భారత్‌ పేలవ బ్యాటింగ్‌తో పాటు పసలేని బౌలింగ్‌ జట్టును ముంచింది.(ఇక్కడ చదవండి:కోహ్లి ముంగిట రెండు రికార్డులు) పేసర్లు సహా స్పిన్నర్లు ఏ మాత్రం ప్రభావం చూపలేదు. ఇక రాజ్‌కోట్‌ వికెట్‌ అయితే బ్యాటింగ్‌కు స్వర్గధామం. ఇలాంటి పరిస్థితుల్లో భారత బౌలింగ్‌ కచ్చితంగా పదును కావాల్సిందే. లేదంటే ఇక్కడ మరింత భారీ మూల్యమే చెల్లించుకోవాల్సి వస్తుంది. మరోవైపు సిరీస్‌లో ఘనమైన విజయారంభంతో ఆస్ట్రేలియా రెట్టించిన ఆత్మవిశ్వాసంతో ఉంది. అదే జోరును పునరావృతం చేసి ఆఖరిదాకా ఆగకముందే సిరీస్‌ను పట్టేయాలని కసిగా ఉంది. ఓపెనర్లు వార్నర్, ఫించ్‌ అజేయమైన సెంచరీలతో దూకుడు మీదున్నారు. మిడిలార్డర్‌ స్మిత్, లబ్‌షేన్‌లతో బాగుంది. బౌలింగ్‌  విభాగం కూడా భారత బ్యాటింగ్‌కు తమ తడాకా చూపించింది. మరోమారు ఆల్‌రౌండ్‌ సత్తాతో టీమిండియాపై ఆధిపత్యం చాటాలని ఆసీస్‌ కదన కుతూహలంతో ఉంది. అయితే స్వదేశంలో జరుగుతున్న సిరీస్‌ కావడంతో పాటు కఠినమైన ప్రత్యర్థి ఆసీస్‌పై మ్యాచ్‌లో గెలిచి రేసులో నిలవాలనే పట్టుదలతో విరాట్‌ గ్యాంగ్‌ ఉంది. పూర్తి స్థాయిలో రాణించి సిరీస్‌ను కడవరకూ తీసుకురావాలనే తలంపుతో టీమిండియా బరిలోకి దిగింది.  తుది జట్లు.. భారత్‌.. విరాట్‌ కోహ్లి(కెప్టెన్‌), రోహిత్‌ శర్మ, శిఖర్‌ ధావన్‌, కేఎల్‌ రాహుల్‌, శ్రేయస్‌ అయ్యర్‌, మనీష్‌ పాండే, రవీంద్ర జడేజా, మహ్మద్‌ షమీ, నవదీప్‌ సైనీ, కుల్దీప్‌ యాదవ్‌, బుమ్రా ఆసీస్‌.. అరోన్‌ ఫించ్‌(కెప్టెన్‌), డేవిడ్‌ వార్నర్‌, లబూషేన్‌, స్టీవ్‌ స్మిత్‌, అస్టన్‌ టర్నర్‌, అలెక్స్‌ క్యారీ, ఆస్టన్‌ ఆగర్‌, ప్యాట్‌ కమ్మిన్స్‌, మిచెల్‌ స్టార్క్‌, కేన్‌ రిచర్డ్‌సన్‌, ఆడమ్‌ జంపా

రాజ్‌కోట్‌ : ఆస్ట్రేలియాతో జరిగిన తొలి వన్డేలో ఘోర ఓటమి తర్వాత టీమిండియాపై అన్ని వైపులా విమర్శల దాడులు పెరిగిపోయాయి. గెలిచినన్ని రోజులు కోహ్లి సేన భజన చేసిన పలువురు మాజీ క్రికెటర్లు సైతం ఒక్క మ్యాచ్‌ ఓడిపోవడంతో టీమిండియాను కడిగిపారేస్తున్నారు. ప్రధానంగా బ్యాటింగ్‌ ఆర్డర్‌ మార్పుపై విమర్శలు వెల్లువెత్తుతున్నాయి. బ్యాటింగ్‌ ఆర్డర్‌ మార్పుల కారణంగానే ఆసీస్‌తో జరిగిన మ్యాచ్‌లో ఓడిపోయామని పలువురు మాజీ క్రికెటర్లు అభిప్రాయపడ్డారు. అయితే రాజ్‌కోట్‌ వేదికగా కీలక రెండో మ్యాచ్‌ సందర్భంగా యువ క్రికెటర్‌ శ్రేయస్‌ అయ్యర్‌ మీడియా సమావేశంలో మాట్లాడాడు. ముఖ్యంగా బ్యాటింగ్‌ ఆర్డర్‌పై వస్తున్న విమర్శలను అయ్యర్‌ తిప్పికొట్టాడు.    ‘నేను కచ్చితంగా అదే స్థానంలో బ్యాటింగ్‌ చేస్తానని చెప్పేందుకు ఏ బ్యాట్స్‌మన్‌ సాకులు వెతుకోవద్దు. అదేవిధంగా ప్రతీ సారి ఆడే స్థానంలో బ్యాటింగ్‌ చేసే అవకాశం రాలేదని బాధపడొద్దు. జట్టుకు అవసరమైన సమయంలో ఏ స్థానంలో బ్యాటింగ్‌కు వచ్చినా పరుగులు రాబట్టాలి. ఇలా ప్రయోగాలు చేయడంతో మేమందరం ఏదో ఒక స్థానంలో కుదురుకుంటామని భావిస్తున్నా. మేము ఇంకా ప్రయోగాలు చేయాలి. ఎందుకంటే ఈ ప్రయోగాలే బహుశా మాకు మరిన్ని విజయాలను అందిస్తుంది కావచ్చు. అదేవిధంగా ఒక్కసారి మేమనుకున్న ప్రణాళికలు విఫలమవ్వచ్చు. ఆటలో ఇవన్నీ సహజమే. మా ప్రణాళికలు సఫలమైనా/విఫలమైన ప్రతిసారి మేము ఏదో ఒకటి నేర్చుకుంటున్నాము. ఇక బుమ్రా బౌలింగ్‌ గురించి మాకు ఎలాంటి ఆందోళన లేదు. గతంలో ఏ విధంగా అయితే బౌలింగ్‌ చేశాడో ఇప్పుడూ అలాగే బౌలింగ్‌ చేస్తున్నాడు. అతడి బౌలింగ్‌లో పేస్‌, పదును తగ్గలేదు. ఇంతకంటే ఎక్కువ బుమ్రా గురించి మాట్లాడదల్చుకోలేదు. రెండో వన్డేలో మేము పుంజుకుంటామనే విశ్వాసం ఉంది’ అంటూ అయ్యర్‌ పేర్కొన్నాడు. చదవండి:  వావ్‌ ఇట్స్‌ అమేజింగ్‌.. మాలిక్‌ వచ్చేశాడు!  ధోని చివరి మ్యాచ్‌ ఆడేశాడా?

రాజ్‌కోట్‌: కర్ణాటకతో ఆరంభమైన రంజీ మ్యాచ్‌లో భారత టెస్టు ఆటగాడు చతేశ్వర పుజారా అరుదైన ఘనతను సొంతం చేసుకున్నాడు. సౌరాష్ట్ర తరఫున బరిలో దిగిన పుజారా తొలి రోజు (162 బ్యాటింగ్‌; 17 ఫోర్లు, సిక్స్‌) అజేయ సెంచరీ సాధించి ఫస్ట్‌క్లాస్‌ క్రికెట్‌లో 50 సెంచరీలు పూర్తి చేసుకున్న తొమ్మిదో భారత క్రికెటర్‌గా ఘనతకెక్కాడు. ఇందులో సునీల్‌ గావస్కర్‌ (81), సచిన్‌ టెండూల్కర్‌ (81), రాహుల్‌ ద్రవిడ్‌ (68), దివంగత విజయ్‌ హజారే (60), వసీమ్‌ జాఫర్‌ (57), దిలీప్‌ వెంగ్‌సర్కార్‌ (55), వీవీఎస్‌ లక్ష్మణ్‌ (55), అజహరుద్దీన్‌ (54) ముందు వరుసలో ఉన్నారు. పుజారా సెంచరీతో తొలి రోజు ఆట ముగిసే సమయానికి సౌరాష్ట్ర తమ తొలి ఇన్నింగ్స్‌లో 2 వికెట్లు కోల్పోయి 296 పరుగులు చేసింది.   

తల్లిదండ్రుల అవగాహనారాహిత్యమో, పౌష్టికాహారం అందించని ప్రభుత్వ వైఫల్యమో, సరిగా చికిత్స అందించని ఆస్పత్రుల నిర్లక్ష్యమో, డిసెంబర్‌లో పెరిగిన చలి వలనో.. కారణమేదైనా వీటికి మూల్యం శిశువులు చెల్లిస్తుండగా, కన్నవారికి కడుపుకోత మిగిలిస్తున్నాయి. రాజస్తాన్‌లోని ఆస్పత్రిలో ఒకే నెలలో 100 మందికిపైగా  శిశువులు మరణించారంటూ వచ్చిన గణాంకాలు మరువక ముందే గుజరాత్‌లోని రెండు ఆస్పత్రులలో కలిపి అంతకు రెట్టింపు మరణాలు నమోదైనట్లు వచ్చిన గణాంకాలు వేదనను కలిగిస్తున్నాయి. అహ్మదాబాద్‌: గుజరాత్‌లోని రాజ్‌కోట్‌ జిల్లాలో డిసెంబర్‌ నెలలో 111 మంది శిశువులు మృత్యువాత పడినట్లు తాజా గణాంకాలు వెల్లడిస్తున్నాయి. దీనితో పాటు అహ్మదాబాద్‌ ప్రభుత్వ ఆస్పత్రిలో 88 మంది శిశువులు మరణించినట్లు ఆరోగ్యశాఖ మంత్రి నితిన్‌ పటేల్‌ వెల్లడించారు. ప్రజల్లో అవగాహన లేమి, పౌష్ఠికాహారలోపం, చలితీవ్రత ఈ మరణాలకు కారణాలని ఆయన అన్నారు. రెండు దశాబ్దాలతో పోలిస్తే మరణాల సంఖ్య పెరిగిందన్నారు. డాక్టర్ల కొరత ఉందని, ఇది దేశవ్యాప్త సమస్య అని పేర్కొన్నారు. 2017 లెక్కల ప్రకారం గుజరాత్‌తో పోలిస్తే బెంగాల్, కర్ణాటక, జార్ఖండ్‌ రాష్ట్రాల్లో శిశు మరణాల రేటు ఎక్కువగా ఉందని తెలిపారు. ఈ వ్యవహారంపై మాట్లాడాల్సిందిగా ముఖ్యమంత్రి విజయ్‌ రూపానీని మీడియా కోరగా  సమాధానం ఇవ్వలేదు. శిశుమరణాల గణాంకాలు.. రాజ్‌కోట్‌లోని ప్రభుత్వ ఆస్పత్రిలో గత డిసెంబర్‌లో 388 మంది శిశువులు చేరగా, వారిలో 111 మంది మరణించారు. అహ్మదాబాద్‌ ప్రభుత్వ ఆస్పత్రిలో డిసెంబర్‌లో 415 మంది శిశువులు చేరగా, వారిలో 88 మంది మరణించారు.   ప్రభుత్వాన్ని ప్రశ్నించిన కాంగ్రెస్‌ శిశుమరణాలు ప్రభుత్వాన్ని కలచివేయడం లేదా అని కాంగ్రెస్‌ రాష్ట్ర అధ్యక్షుడు అమిత్‌ చావ్దా ప్రశ్నించారు. రెండు ఆస్పత్రుల్లోనే 200 మంది మరణించారని, రాష్ట్రంలోని మొత్తం ఆస్పత్రులను కలిపితే ఇంకా ఎక్కువే ఉంటాయన్నారు.

ముంబై: బంగ్లాదేశ్‌తో జరిగిన రెండు టీ20ల్లో అటు కీపింగ్‌, ఇటు బ్యాటింగ్‌లో దారుణంగా విఫలమైన యువ సంచలనం రిషభ్‌ పంత్‌పై అన్ని వైపులా విమర్శలు వెల్లువెత్తుతున్నాయి. తొలి టీ20లో పంత్‌ ఏమరపాటుతో టీమిండియా డీఆర్‌ఎస్‌ కోల్పోగా.. రెండో టీ20లో అత్యుత్సాహం ప్రదర్శించడంతో స్టంపౌట్‌ కాస్తా నాటౌట్‌ అయింది. ఈ క్రమంలో పంత్‌ను కనీసం కొన్ని మ్యాచ్‌లైనా పక్కకు పెడితేనే మంచిదని క్రీడా విశ్లేషకులు అభిప్రాయపడుతున్నారు. ఈ సమయంలో పంత్‌కు బీసీసీఐ అధ్యక్షుడు సౌరవ్‌ గంగూలీ అండగా నిలిచాడు. పంత్‌ సూపర్బ్‌ ప్లేయర్‌ అంటూ కితాబిచ్చాడు.    ‘పంత్‌ నెమ్మదిగా పరిణతి చెందుతున్నాడు. అతడికి కాస్త సమయం ఇవ్వండి. పంత్‌ ఒత్తిడిలో ఉన్నట్లు స్పష్టంగా అర్థమవుతోంది. అందుకే అతడిపై ఎలాంటి ప్రెషర్‌ లేకుండా చూడాలి. పంత్‌​లో ఆపార ప్రతిభ దాగుంది. అతడు సూపర్బ్‌ ప్లేయర్‌. ఇక బంగ్లాదేశ్‌తో జరిగిన రెండో టీ20లో టీమిండియా అద్భుతంగా ఆడింది’ అంటూ దాదా పేర్కొన్నాడు. ఇక ప్రపంచకప్‌, ఆ తర్వాత పంత్‌పై విమర్శలు వచ్చిన సమయంలో కూడా అతడికి గంగూలీ బాసటగా నిలిచిని విషయం తెలిసిందే. దాదా అండ ఉండటంతోనే పంత్‌ ఎన్నిసార్లు విఫలమైనా టీమిండియాలో చోటు దక్కుతోందని పలువురు విమర్శిస్తున్నారు.  రెండో టీ20లో పంత్‌కు బ్యాటింగ్‌ అవకాశం రాలేదు.. అయితే కీపింగ్‌లో విఫలమయ్యాడు. రాజ్‌కోట్‌ మ్యాచ్‌లో పంత్‌ పలుమార్లు అత్యుత్సాహం ప్రదర్శించాడు. బౌండరీ నుంచి ఫీల్డర్‌ విసిరిన బంతులను సరిగా క్యాచ్‌ చేయలేకపోవడంతో ఎక్స్‌ట్రా బై రన్స్‌ వచ్చాయి. ఇక లిట​న్‌ దాస్‌ను సులువుగా స్టంపౌట్‌ చేసే అవకాశం లభించినప్పటికీ పంత్‌ తొందరపాటు బ్యాట్స్‌మన్‌కు వరంగా మారింది. మరో బంగ్లా బ్యాట్స్‌మన్‌ విషయంలో కూడా సేమ్‌ ఇలాంటి సీనే రిపీట్‌ అయినప్పటికీ అదృష్టం కలిసొచ్చి పంత్‌ ఖాతాలో స్టంపౌట్‌ పడింది. ఇక తొలి టీ20లో అటు బ్యాటింగ్‌, ఇటు కీపింగ్‌ రెండింటిలోనూ పంత్‌ దారుణంగా విఫలమవడంతో అతడిపై విమర్శల తాకిడి పెరిగింది. ఇక మూడో టీ20లో పంత్‌కు చివరి అవకాశం ఇచ్చి పరీక్షిస్తారా లేక పక్కకు పెడుతారో చూడాలి. 

రాజ్‌కోట్‌ : వరుస విజయాలతో జోరుమీదున్న టీమిండియాకు తొలి టీ20లో బంగ్లాదేశ్‌  భారీ షాక్‌ ఇచ్చిన విషయం తెలిసిందే. దీంతో గురువారం స్థానిక మైదానంలో జరిగే రెండో టీ20పై అందరిలోనూ అసక్తి నెలకొంది. ఈ మ్యాచ్‌లో టాస్‌ గెలిచిన టీమిండియా తొలుత ఫీల్డింగ్‌ ఎంచుకుంది. తుపాను కారణంగా వర్షం పడే అవకాశం ఉండటంతో తొలుత బౌలింగ్‌ చేస్తేనే బెటర్‌ అని భావించిన సారథి రోహిత్‌ శర్మ ప్రత్యర్థి జట్టును బ్యాటింగ్‌కు అహ్వానించాడు. ఇక ఈ మ్యాచ్‌ కోసం ఇరుజట్లలో ఎలాంటి మార్పులు చోటుచేసుకోలేదు. తొలి టీ20లో ఘోర పరాభావంతో టీమిండియా తుది జట్టులో మార్పులు ఉంటాయని భావించారు. అయితే సారథి రోహిత్‌ ఎలాంటి మార్పులకు అవకాశం ఇవ్వలేదు. రిషభ్‌ పంత్‌ వైపే రోహిత్‌ మొగ్గు చూపడంతో.. సంజూ శాంసన్‌ రిజర్వ్‌ బెంచ్‌కే పరిమితమయ్యాడు. ఇక శివం దూబేపై మేనేజ్‌మెంట్‌ నమ్మకం ఉంచింది. ఇక బంగ్లా కూడా విన్నింగ్‌ టీమ్‌ను మార్చకూడదనే ఉద్దేశంతో తొలి టీ20 జట్టునే ఈ మ్యాచ్‌కు కొనసాగించింది. రాజ్‌కోట్‌ పిచ్‌ బ్యాటింగ్‌కు అనుకూలించే అవకాశం ఉండటంతో భారీ స్కోర్లు నమోదయ్యే అవకాశం ఉందని క్రీడా విశ్లేషకులు అభిప్రాయపడుతున్నారు. ఇక​ ఈ మ్యాచ్‌లో గెలిచి సిరీస్‌ను కైవసం చేసుకోవాలని బంగ్లా ఆరాటపడుతుండగా.. ఎలాగైనా గెలిచి సిరీస్‌తో పాటు పరువు కాపాడుకోవాలని రోహిత్‌ సేన భావిస్తోంది. తుదిజట్లు:  భారత్‌: రోహిత్‌ శర్మ (కెప్టెన్‌), ధావన్, రాహుల్‌, శ్రేయస్, రిషభ్‌ పంత్, శివమ్‌ దూబే, కృనాల్‌ పాండ్యా, సుందర్, చహల్, దీపక్‌ చహర్, ఖలీల్‌ అహ్మద్‌. బంగ్లాదేశ్‌: మహ్ముదుల్లా (కెప్టెన్‌), లిటన్‌ దాస్, సౌమ్య సర్కార్, నయీమ్‌, ముష్ఫికర్‌ రహీమ్, మొసద్దిక్‌ హుస్సేన్, అఫిఫ్‌ హుస్సేన్, ఇస్లామ్, ముస్తఫిజుర్, అల్‌ అమిన్‌, షఫీయుల్‌.

రాజ్‌కోట్‌ : మనం​ ఒక పని మీద ఎక్కడికైనా వెళ్తున్నప్పుడు మన వాహనం మధ్యలో ఆగిపోతే పరిస్థితి ఎలా ఉంటుంది. వెంటనే దగ్గర్లోని మెకానిక్‌ దగ్గరికి తీసుకెళ్లి రిపేర్‌ చేయిస్తాం అంతేకానీ ఉన్నపళంగా ఆగిపోయిన ప్రదేశంలో దాన్ని తగలబెట్టేయం కదా. కానీ ఓ వ్యక్తి తన జీపు రోడ్డు మధ్యలో ఆగిపోవడంతో కోపం వచ్చి దానిని అక్కడే తగలబెట్టేశాడు. ఈ వింత ఘటన గుజరాత్‌లోని రాజ్‌కోట్‌లో చోటు చేసుకుంది. వివరాల్లోకి వెళితే.. ఇంద్రజిత్‌ సింగ్‌ అనే వ్యక్తి గుజరాత్‌లోని రాజ్‌కోట్‌లో నివసిస్తున్నాడు. అయితే పని మీద ఇంద్రజిత్‌ తన జీపులో బయల్దేరాడు. సగం దూరం రాగానే జీపు రోడ్డు మీద ఆగిపోయింది. ఎంత ప్రయత్నించినా జీపు స్టార్ట్‌ కాకపోవడంతో విసుగెత్తి అందరూ చూస్తుండగానే జీపుపై పెట్రోల్‌ పోసీ తగులబెట్టాడు. ఈ మొత్తం ఘటనను అతని స్నేహితుడు వీడియో తీసి టిక్‌టాక్‌లో పోస్ట్‌ చేయడంతో అది కాస్తా వైరల్‌గా మారింది. ఈ వీడియో పోలీసుల దృష్టికి రావడంతో వారిద్దరిని అదుపులోకి తీసుకున్నారు. రోడ్డు మధ్యలో ఇలాంటి దుశ్చర్యకు పాల్పడమే గాక ప్రభుత్వ ఆస్తులకు భంగం కలిగించినందుకు వారిపై కేసు నమోదు చేసినట్లు పోలీసులు తెలిపారు. ఈ ఘటనపై రాజ్‌కోట్‌ ఎస్పీ ఏఎన్‌ రాథోడ్‌ మాట్లాడుతూ.. జీపు బ్యాటరీ పాడవడంతో ఇంద్రజిత్‌కు క్షణికావేశంతో తన జీపును తగులబెట్టాడని, దీనికి సంబంధించి కేసు ఇప్పటికే నమోదు చేశామని తెలిపారు. దీనిపై  పూర్తి స్థాయి విచారణ కొనసాగిస్తామని వెల్లడించారు. Check out this person setting his jeep on fire for a tik tok video in Rajkot.. Hope there’s some action. Let’s make him more famous.. @hvgoenka pic.twitter.com/eO5HgfilSq — Dinesh Joshi. (@dineshjoshi70) September 3, 2019

రాజ్‌కోట్‌: దారంటా వెళుతున్న ఇద్దరు వ్యక్తులను ఎద్దు కుమ్మేసింది. గుజరాత్‌లోని రాజ్‌కోట్‌ సమీపంలో మంగళవారం ఈ ఘటన చోటుచేసుకుంది. సైకిల్‌ తొక్కుకుంటూ వెళుతున్న వృద్ధుడిపై ముందుగా ఎద్దు దాడి చేసింది. ఊహించనివిధంగా ఎద్దు దాడి చేయడంతో బాధితుడు నిశ్చేష్టుడయ్యాడు. తేరుకున్నాక ఎద్దు బారి నుంచి తప్పించుకునేందుకు ప్రయత్నించగా మరోసారి కుమ్మేసింది. అతడిని స్థానికులు పక్కకు తీసుకుపోవడంతో ప్రాణాపాయం నుంచి తప్పించుకున్నాడు. అక్కడే పొంచివున్న ఎద్దు.. బైకుపై వస్తున్న యువకుడిని కూడా కుమ్మేసింది. వెంటనే తేరుకున్న అతడు అక్కడి నుంచి పారిపోయి ప్రాణాలు దక్కించుకున్నాడు. సమాచారం అందుకున్న అధికారులను ఎద్దును అక్కడి నుంచి తరలించారు. ఈ ఘటనకు సంబంధించిన దృశ్యాలు సీసీ కెమెరాలో రికార్డైయ్యాయి. ఈ వీడియో ప్రస్తుతం సోషల్‌ మీడియాలో చక్కర్లు కొడుతోంది.

సాక్షి, గుజరాత్‌: సింహం సింగిల్‌గా వస్తుందంటారు.. కానీ సీన్‌ రివర్సైంది. ఇక్కడ సింహాలు గుంపులు గుంపులుగా వచ్చాయి. అదీ రైల్వే ట్రాక్‌పైకి! విహారానికి వచ్చాయో.. మరెందుకు వచ్చాయో కానీ 20 నిమిషాల పాటు రైల్వేట్రాక్‌పైనే ఉండి రైలు రాకపోకలకు అంతరాయం కలిగించాయి. గుజరాత్‌లోని గిర్‌ సోమనాథ్‌ జిల్లాలో విరావల్‌ - ధరి రైల్వే మీటర్‌ గేజ్‌ దగ్గర ఈ అరుదైన సంఘటన చోటు చేసుకుంది. కాగా ఈ తతంగాన్ని ఓ ప్రయాణికుడు వీడియో తీయగా అది సోషల్‌మీడియాలో వైరల్‌గా మారింది. ‘రైలు ఇంజిన్‌ డ్రైవర్‌ సింహాల రాకను గుర్తించి రైలు వేగాన్ని తగ్గించాడు. వాటికి ఏ హాని తలపెట్టకుండా హారన్‌ కొడుతూనే రైలును కొద్ది కొద్దిగా మూవ్‌ చేశాడు. దాంతో సింహాలు ఇబ్బంది పడ్డాయేమో.. వచ్చిన దారిలోనే అక్కడినుంచి నిష్క్రమించాయి’ అని రైల్వే అధికారి ఒకరు తెలిపారు.

అహ్మదాబాద్‌: ఇటీవల బాగా ప్రాచుర్యం పొందిన ఆన్‌లైన్‌ వీడియో గేమ్‌ పబ్‌జీ ఆడినందుకు గుజరాత్‌లోని రాజ్‌కోట్‌లో గత మూడు రోజుల్లో పది మందిని పోలీసులు అరెస్టు చేశారు. వారిలో ఆరుగురు కాలేజీ విద్యార్థులున్నారు. పబ్‌జీ (ప్లేయర్‌ అన్‌నోన్స్‌ బ్యాటిల్‌ గ్రౌండ్స్‌), మొమొ చాలెంజ్‌ అనే గేమ్‌లను రాజ్‌కోట్‌లో నిషేధిస్తూ పోలీస్‌ కమిషనర్‌ మనోజ్‌ అగర్వాల్‌ ఈ నెల 6న ఆదేశాలిచ్చారు. ఇకపై ఈ గేమ్‌లు ఆడేవారిని అరెస్టు చేయాలంటూ నగరంలోని అన్ని పోలీస్‌ స్టేషన్లకు ఈ ఆదేశాలను పంపారు. దీంతో గత మూడు రోజుల్లో ఈ గేమ్‌ ఆడుతూ పట్టుబడిన పది మందిని పోలీసులు అరెస్టు చేసి అనంతరం బెయిలు కూడా మంజూరు చేశారు. పిల్లలు, యువతలో ఆ ఆటలు హింసాత్మక స్వభావాన్ని అలవరుస్తున్నందున వాటిపై నిషేధం విధించడం తప్పనిసరైందని కమిషనర్‌ చెప్పారు. కాగా, ఈ ఆటలను అహ్మదాబాద్‌లోనూ నిషేధిస్తూ ఆ నగర పోలీస్‌ కమిషనర్‌ బుధవారమే ఆదేశాలిచ్చారు.

రాజ్‌కోట్‌: సొంతగడ్డపై వెస్టిండీస్‌తో నవంబర్‌ 11న భారత జట్టు చివరి టి20 మ్యాచ్‌ ఆడుతుంది. సరిగ్గా పది రోజుల తర్వాత బ్రిస్బేన్‌లో తొలి టి20 మ్యాచ్‌లో ఆస్ట్రేలియాను భారత్‌ ఎదుర్కోవాల్సి ఉంది. ఈ నేపథ్యంలో బౌన్సీ పిచ్‌లపై టీమిండియా సన్నాహకాలకు సమయం చాలా తక్కువ. దాంతో విండీస్‌తో సిరీస్‌నే దీనికి వాడుకోవాలని భారత జట్టు మేనేజ్‌మెంట్‌ భావిస్తున్నట్లుగా తెలిసింది. అందుకే విండీస్‌తో సిరీస్‌ కోసం బౌన్సీ పిచ్‌లను తయారు చేయాలని కోరుతోంది. గురువారంనుంచి రాజ్‌కోట్‌లో జరిగే తొలి టెస్టు కోసం సిద్ధం చేస్తున్న పిచ్‌ క్యురేటర్‌కు దీని కోసం సూచనలు వెళ్లినట్లుగా సమాచారం. గత కొన్నేళ్లుగా భారత్‌లో మ్యాచ్‌ ఎక్కడ జరిగినా పిచ్‌ ఏర్పాటులో స్థానిక క్యురేటర్లకు సహకరించేందుకు బీసీసీఐ తమ క్యురేటర్లను ప్రత్యేకంగా ఆ వేదిక వద్దకు పంపిస్తోంది. ఇప్పుడు కూడా బోర్డు క్యురేటర్‌ దల్జీత్‌ సింగ్‌ రాజ్‌కోట్‌ వెళ్లడం బోర్డు ఆలోచనలను తెలియజేస్తోంది. మరో వైపు తమ సొంత అసోసియేషన్‌ క్యురేటర్లు ఎలాంటి పిచ్‌లు తయారు చేసేందుకైనా సమర్థులని, బోర్డు ప్రత్యేకంగా క్యురేటర్‌ను పంపడాన్ని సౌరాష్ట్ర క్రికెట్‌ సంఘం నిరంజన్‌ షా తప్పు పట్టారు.   

అహ్మదాబాద్‌/గుజరాత్‌: పగటి సమయంలో ప్రాణాలు పోయడం ఆయన వృత్తి.. రాత్రయితే చోర కళను చేపట్టడం ప్రవృత్తి. పైకి పెద్ద మనిషిలా నటిస్తూ.. పార్క్‌ చేసిన కారు లాక్‌ను సులువుగా తీసేస్తాడు. ఎవరికీ అనుమానం రాకుండా దర్జాగా నడుపుకుంటూ వెళ్తాడు. అలా ఇప్పటివరకు ఎన్నో కార్లను దొంగిలించాడో డాక్టర్‌. ఈయన బాగోతం ఇటీవల వెలుగుచూసింది. తనిఖీల్లో పట్టుబడ్డ అరవింద్‌ను పోలీసులు అరెస్టు చేసి విచారించగా.. తన అన్నయ్య డాక్టర్‌ హరేష్‌ సాయంతో 2014 నుంచి ఇప్పటివరకు 251 కార్లను దొంగిలించినట్టు నేరం ఒపుకున్నాడని క్రైం బ్రాంచ్‌ పోలీసులు వెల్లడించారు. ఘటనతో ప్రమేయమున్న ఇద్దరు కారు డీలర్లను అరెస్టు చేశామనీ,  డాక్టర్‌ హరేష్‌ పరారీలో ఉన్నాడని వెల్లడించారు. హరేష్‌ కోసం గాలిస్తున్నామన్నారు. గ్రామాల మీదుగ ప్రయాణం.. మరిన్ని వివరాలు.. అహ్మదాబాద్‌లో డాక్టర్‌గా పనిచేస్తున్న హరేష్‌ మానియా తన తమ్ముడు అరవింద్‌ సాయంతో కార్ల దొంగతనాలు చేశాడు. రాత్రి కాగానే ఎస్‌జీ రోడ్డులో పార్క్‌ చేసి ఉన్న కార్లను దొంగిలించి తన తమ్ముడు అరవింద్‌కు అప్పగిస్తాడు. ఓ రెండు రోజుల అనంతం ఆ కార్లను అరవింద్‌ పోలీసులు, టోల్‌ ప్లాజాల కంటబడకుండా మారుమూల గ్రామాల మీదుగా వాటిని రాజ్‌కోట్‌కు చేరుస్తాడు. డీలర్లు వోరా, సలీం షైక్‌ కార్ల రూపు రేఖలను పూర్తిగా మార్చేసి అమ్మేస్తారు. ఇలా ఒక్కొక్క కారుపై 30 నుంచి 40 వేలు సొమ్ము చేసుకుంటున్నారీ డాక్టర్‌, అతని తమ్ముడు అని క్రైం బ్రాంచ్‌ ఎస్సై జేఎన్‌ చావ్‌డా వెల్లడించారు.

గాంధీనగర్‌ : ఎక్కడైనా సరే ట్రాఫిక్‌ రూల్స్‌ పాటించకపోతే ఏం చేస్తారు.. మహా అయితే ఆ వాహనాల నంబర్‌ నోట్‌ చేసుకోవడం, ఫోటో తీయడం వంటివి చేస్తారు. తర్వాత ఆ నంబర్‌ మీద రిజిష్టర్‌ చేయించుకున్న వ్యక్తికి చలాన్‌ రాస్తారు. లేదంటే అక్కడే బండి ఆపి ఫైన్‌ కట్టించుకుంటారు, అంతే తప్ప వాహనం వెనకాల అయితే పరిగెత్తరు కదా. కానీ గుజరాత్‌, రాజ్‌కోట్‌కు చెందిన ఓ మహిళా ట్రాఫిక్‌ కానిస్టేబుల్‌ మాత్రం ఇందుకు మినహాయింపు. ట్రాఫిక్‌ నియమాలను పాటించని ఓ మహిళ స్కూటరిస్ట్‌ వెనకాల పరిగెత్తి మరీ స్కూటీని ఆపి ఫైన్‌ విధించింది. ప్రస్తుతం ఇందుకు సంబంధించిన వీడియో సోషల్‌ మీడియాలో తెగ హల్‌చల్‌ చేస్తోంది. వీడియోలో ఉన్న దాని ప్రకారం స్కూటీ మీద వెళ్తున్న మహిళ ట్రాఫిక్‌ నియమాలను అతిక్రమించింది. దాంతో ట్రాఫిక్‌ కానిస్టేబుల్‌ ఆ మహిళ బండి పక్కకు ఆపి, లైసెన్స్‌ చూపించమంది. అయితే అక్కడ బాగా రద్దీగా ఉండటంతో సదరు మహిళ, కానిస్టేబుల్‌ దృష్టి మరలగానే తప్పించుకుపోయే ప్రయత్నం చేసింది. కానీ వెంటనే అప్రమత్తమైన కానిస్టేబుల్‌, మహిళ స్కూటీ రేర్‌ హ్యాండిల్‌ను పట్టుకుని స్కూటీ వెనకే పరిగెత్తింది. అలా కొంత దూరం వెళ్లిన తర్వాత మహిళ స్కూటీని ఆపి కానిస్టేబుల్‌ని తిట్టడం ప్రారంభించింది. అయితే ఆ మహిళ బండి ఆపగానే అధికారి వెళ్లి స్కూటీ తాళం తీసుకుంది మరోసారి పారిపోయే అవకాశం ఇవ్వకుండా. అనంతరం ఆ మహిళను చలనా చెల్లించి బండి తీసుకెళ్లమని హెచ్చరించింది. ఈ మొత్తం తతంగాన్ని ప్రముఖ హిందీ న్యూస్‌ చానెల్‌ జీ న్యూస్‌లో ప్రసారం చేశారు.                                                                                        (వీడియో జీ న్యూస్‌ సౌజన్యంతో)                                

సాక్షి, న్యూఢిల్లీ : బస్సులు, రైళ్లల్లో సీటు లేక బెర్త్‌ రిజర్వేషన్‌ చేయించుకోకపోతే దూరపు ప్రయాణం చేసేవారికి కష్టం. కొన్నిసార్లు సీట్లు లేవన్న కారణంగా కొన్ని ప్రత్యేక బస్సు సర్వీసుల్లో ప్రయాణికులను ఎక్కించుకోరు. కానీ విమానంలో మాత్రం వింత ఘటన చోటుచేసుకుంది. సీట్లు లేవు మీరు దిగిపోండి అంటూ ఎయిర్‌ ఇండియా సిబ్బంది కొందరు ప్రయాణికులను నిర్దాక్షిణ్యంగా విమానం నుంచి దింపేశారు.  ఆ వివరాలిలా.. ఢిల్లీ నుంచి రాజ్‌కోట్‌కు ఇక్కడి ఇందిరా గాంధీ ఇంటర్నేషనల్‌ ఎయిర్‌పోర్టు నుంచి శుక్రవారం సాయంత్రం 5 గంటలకు ఎయిర్‌ ఇండియా విమానం ఏఐ-495 బయలుదేరాల్సి ఉంది. అయితే చెకింగ్‌ పూర్తయ్యాక ప్రయాణీకులు ఎయిర్‌ ఇండియా ఎక్కారు. సీట్ల మోతాదుకు మించి ప్రయాణికులు ఉన్నట్లు గుర్తించిన సిబ్బంది వారిని విమానం నుంచి కిందకి దించారు. పొరపాటున 10 శాతం సీట్లు అదనంగా బుక్‌ అయ్యాయని, ఆ ప్రయాణీకులను తర్వాత విమానంలో తరలించినట్లు ఎయిర్‌ ఇండియా అధికార ప్రతినిధి వివరణ ఇచ్చుకున్నారు.  ఎయిర్‌ ఇండియా తప్పిదం చేస్తే తమను విమానం నుంచి దింపి వేయడం ఏంటని ప్రయాణీకులు నిలదీయగా యాజమాన్యం ఈ ఏర్పాట్లు చేసినట్లు సమాచారం. బస్సులు, రైళ్లల్లోనే కాదు విమానాల్లోనూ ప్రయాణీకులను సీట్లు లేవని దింపి వేస్తారంటూ నెటిజన్లు కామెంట్లు చేస్తున్నారు.

గాంధీనగర్‌ : గుజరాత్‌లోని రాజ్‌కోట్‌లో దారుణం చోటుచేసుకుంది. దళితుడిని కట్టేసి విచక్షణారహితంగా కొట్టి హింసించడంతో బాధితుడు మృతిచెందాడు. అతడి భార్యపై సైతం దాడి చేయగా ఆమె గాయపడ్డట్లు సమాచారం. ఇందుకు సంబంధించిన వీడియోను దళిత ఉద్యమ నేత, గుజరాత్‌ ఎమ్మెల్యే జిగ్నేశ్‌ మేవానీ సోషల్‌ మీడియాలో పోస్ట్‌ చేయగా వైరల్‌ అవుతోంది.  ఆ వివరాలిలా.. ముఖేష్‌​ వనియా తన భార్యతో కలిసి రాజ్‌కోట్‌లో నివాసం ఉండేవాడు. చెత్త ఏరుకుని జీవనం సాగించే ముఖేష్‌ ఈ క్రమంలో ఆదివారం ఉదయం ఓ ఫ్యాక్టరీ వైపు వెళ్లాడు. ఆ దళితుడిని అడ్డుకున్న కొందరు ఉద్యోగులు దొంగ అని అవమానించడంతో పాటు తాడుతో కట్టేసి  చచ్చేలా కొట్టారు. ముఖేష్‌ భార్యపై కూడా దాడి చేశారు. ఉద్యోగులు విచక్షణా రహితంగా రాడ్లు, కర్రలు, తాడు లాంటి వాటితో కొట్టడంతో అమాయకుడు ముఖేష్‌ మృతిచెందగా, అతడి భార్యకు తీవ్ర గాయాలయ్యాయి.  దళితులకు గుజరాత్‌ క్షేమదాయకం కాదని పేర్కొంటూ ఇందుకు సంబంధించిన వీడియోను జిగ్నేశ్‌ మేవానీ పోస్ట్‌ చేయగా చర్చనీయాంశంగా మారింది. 2016లో జరిగిన ఉనా దాడికంటే ఇది అత్యంత దారుణ ఘటన అని ఆందోళన వ్యక్తం చేశారు. కుల ఘర్షణలతో అమాయకులు చనిపోతున్నా గుజరాత్‌ ప్రభుత్వం ఎందుకు చర్యలు తీసుకోవడం లేదని ఫేస్‌బుక్‌లో జిగ్నేశ్‌ మేవానీ ప్రశ్నించారు.

అహ్మదాబాద్‌ : భూకంపంతో గుజరాత్‌ ప్రజలు ఒక్కసారిగా ఉలిక్కి పడ్డారు. గురువారం వేకువ ఝామున స్వల్ఫ ప్రకంపనలు సంభవించాయి. రాజ్‌కోట్‌ జిల్లా హంజియసర్‌ ప్రాంతంలో ఉదయం 4గం.3ని. సమయంలో భూమి స్వల్ఫంగా కంపించింది. రిక్చర్‌ స్కేల్‌పై 4.6 తీవ్రత నెలకొంది. ప్రజలంతా భయంతో ఇళ్ల బయటకు పరుగులు తీశారు. సమాచారం అందుకున్న అధికారులు ఘటనాస్థలానికి చేరుకుని స్థానికులకు వివరాలు అడిగి తెలుసుకున్నారు.

రాజ్‌కోట్‌ :  కన్నపేగును ఓ కొడుకు కాలయముడై కడతేర్చాడు. కీలక సాక్ష్యాన్ని పోలీసులు స‍్వాధీనం చేసుకోవటంతో ఇప్పుడు కొత్త డ్రామాకు తెరలేపాడు. దిగ్భ్రాంతికి గురి చేసే ఘటన గుజరాత్‌లో చోటు చేసుకుంది. ఇటీవల జయశ్రీ అనే వృద్ధురాలు తాను నివసిస్తున్న భవనం పై నుంచి కింద పడి ప్రాణాలు కోల్పోయింది. అనుమానాస్పద కేసుగా నమోదు చేసుకున్న పోలీసులకు తర్వాత దర్యాప్తులో విస్మయం కలిగించే విషయం వెలుగు చూసింది.   రాజ్‌కోట్‌లోని ఓ ఫార్మసీ కాలేజీలో సందీప్‌ నతవానీ అసిస్టెంట్‌ ప్రొఫెసర్‌గా పని చేస్తున్నాడు. తండ్రి చనిపోగా.. తల్లి జయశ్రీ అతని వద్దే ఉంటున్నారు. జయశ్రీకి ఇద్దరు కూతుళ్లు.. వారికి పెళ్లిళ్లు అయిపోయాయి కూడా. గత కొంత కాలంగా ఆమె ఆరోగ్యం బాగోటం లేదు. ఈ క్రమంలో హఠాత్తుగా ఆమె మేడ మీద నుంచి పడి చనిపోవటం పలు అనుమానాలకు తావునిచ్చింది. సందీప్‌ ఇచ్చిన వాంగ్మూలం ఆధారంగా ముందు ప్రమాదవశాత్తూ పడిపోయిందని కేసు నమోదు చేసుకున్నారు.  అయితే ఈ మధ్యే జయశ్రీకి పక్షవాతం కూడా సోకిందని.. సరిగ్గా కదల్లేని ఉన్న ఆమె మేడ మీదకు ఎలా వెళ్లగలిగిందంటూ బంధువుల అనుమానం వ్యక్తం చేశారు. ఈ మేరకు వారు పోలీసులను ఆశ్రయించటంతో కేసును లోతుగా దర్యాప్తు జరిగింది. చివరకు అపార్ట్‌ మెంట్‌ లోని సీసీ పుటేజీల ద్వారా అసలు విషయాన్ని తేల్చేశారు.  సపర్యల కారణంగానే...  తల్లికి సపర్యలు చేసే విషయంలో కొంతకాలంగా సందీప్‌, అతని భార్యకు మధ్య గొడవలు జరుగుతున్నాయి. చివరకు భార్య బలవంతం మేరకు కొడుకు తన తల్లిని చంపేందుకు నిర్ణయించుకున్నాడు. డిసెంబర్‌ 27న తల్లిని డాబా మీదకి తీసుకెళ్లి తోసేశాడు. ఘటనకు ముందు భార్యాభర్తల మధ్య చిన్నపాటి సంభాషణే జరగగా.. ఆ దృశ్యాలు కూడా గమనించవచ్చు. తల్లిని మెల్లిగా పైకి తీసుకెళ్లిన సందీప్‌.. ఘటన తర్వాత మళ్లీ ఏమీ తెలియని వాడిలా వచ్చి తలుపేసుకున్నాడు. అపార్ట్‌మెంట్‌లో నివసించే మరో వ్యక్తి పరిగెత్తుకుంటూ వచ్చి జయశ్రీ పడిపోయిన విషయాన్ని వివరించగా.. ఏమీ తెలియని వాడిలా పరిగెత్తుకుంటూ వెళ్లాడు. ఈ దృశ్యాలు కూడా సీసీ కెమెరాలో రికార్డయ్యాయని పోలీసులు వెల్లడించారు.  నేను అమాయకుణ్ణి : సందీప్‌ ఘటన తర్వాత ఆరోపణలు రావటంతో వాటిని ఖండించిన సందీప్‌ ఛాతీలో నొప్పి అంటూ ఆస్పత్రిలో చేరాడు. మేడ మీదకు తీసుకెళ్లాలని తనను తల్లి కోరిందని.. తిరిగి నీటి కోసం తాను కిందకు వచ్చేసరికి ఘటన జరిగిందంటూ అతను చెబుతున్నాడు. అతను డిశ్చార్జి కాగానే అదుపులోకి తీసుకుంటామని.. త్వరలో కేసు చిక్కుముడి విప్పదీస్తామని రాజ్‌కోట్‌ పోలీసులు వెల్లడించారు.

సాక్షి, రాజ్‌కోట్‌: నిజాయితీ పరుడైన రాజకీయ నాయకులే అందరికంటే ఎక్కువగా కష్టాలు ఎదుర్కొంటారని కాంగ్రెస్ ఉపాధ్యక్షుడు రాహుల్ గాంధీ పేర్కొన్నారు. గుజరాత్‌లో మూడు రోజుల పర్యటనలో భాగంగా పటీదార్లు ఎక్కుగా ఉండే సౌరాష్ట్ర ప్రాంతంలో మంగళవారం రాహుల్ పర్యటించి వారిని ఆకట్టుకునేందుకు యత్నించారు. రాజ్‌కోట్‌లో రాహుల్ మాట్లాడుతూ.. 'నిజాయితీగల రాజకీయ నేతగా ఉండటమే భారత్‌లో అత్యంత కష్టమైన పని. నిజాయితీ ఉంటే ఎన్నో ఇబ్బందులు ఎదుర్కోవాల్సి ఉంటుంది. స్వయంగా నేను అలాంటి పరిస్థితులను ఎదుర్కొన్నాను. సరైన విధివిధానాలు లేకుండా వస్తు, సేవల పన్ను (జీఎస్టీ)ను బీజేపీ దేశ ప్రజలపై రుద్దింది. ఈ విషయాన్ని మాజీ ప్రధాని మన్మోహన్ సింగ్ స్వయంగా తెలిపారు. జీఎస్టీని ప్రకటించి వెంటనే.. 'ఇది క్రిమినల్ చర్య' అంటూ మన్మోహన్ చేసిన వ్యాఖ్యలును ఈ సందర్భంగా మరోసారి గుర్తుచేస్తున్నా. మేం అధికారంలోకి వస్తే రైతులు, ఇతర బలహీన వర్గాల వారి సంక్షేమాన్ని దృష్టిలో ఉంచుకుని పథకాలు ప్రవేశపెడతాం. ఇంకా చెప్పాలంటే ప్రధాని నరేంద్ర మోదీ గుజరాత్ మోడల్ విఫలమైంది. సామాన్య ప్రజలను పక్కనపెట్టి.. ధనిక వర్గాల కోసం బీజేపీ పాకులాడుతోంది. కేవలం ప్రసంగాలకే బీజేపీ నేతలు పరిమితమయ్యారంటూ' రాహుల్ గాంధీ మండిపడ్డారు. ధరోల్‌ నుంచి రాజ్‌కోట్‌ వరకు జరిగిన పర్యటనలో హర్దిక్‌ పటేల్‌ ఆధ్వర్యంలోని పటీదార్‌ అనామత్‌ ఆందోళన్‌ సమితి (పీఏఏఎస్‌) అందజేసిన ‘జై సర్దార్‌.. జై పటీదార్‌’ అని రాసి ఉన్న టోపీని రాహుల్‌ ధరించారు. పటీదార్లపై బీజేపీ అన్యాయంగా కేసులు పెట్టిందని.. కానీ కాంగ్రెస్ మీ వర్గంపై ఎప్పుడూ తూటాలు పేల్చలేదన్నారు.


 బాలీవుడ్‌లో మంచినటిగా అనతికాలంలోనే తనకంటూ ఓ ప్రత్యేక ముద్ర సంపాదించుకుంది స్వర భాస్కర్‌. మసాలా సినిమా అయినప్పటికీ మహిళల సమ్మతి కూడా ముఖ్యమనే విషయాన్ని ఆమె తాజా సినిమా ‘అనార్కలి ఆఫ్‌ ఆర్హా’ లో చెప్పింది. ఆ తర్వాత ఫెమినిస్టుగా తన గొంతు వినిపించింది. ఇప్పుడు ఓ సినిమా ప్రమోషన్‌ సందర్భంగా లైంగికంగా వేధింపులకు గురైన విషయాన్ని ధైర్యంగా వెల్లడించింది. సల్మాన్‌ ఖాన్‌ హీరోగా నటించిన ప్రేమ్‌రతన్‌ ధన్‌పాయో సినిమా ప్రమోషన్‌ సందర్భంగా రాజకోట్‌లో తన పట్ల కొందరు అసభ్యంగా ప్రవర్తించారని తెలిపింది.
 
 2015లో వచ్చిన సూపర్‌హిట్‌ సినిమా ’ప్రేమ్‌రతన్‌ ధన్‌పాయో’లో స్వర సల్మాన్‌ సవతి సోదరిగా నటించింది. ‘సినిమా ప్రమోషన్‌ సందర్భంగా నేను సల్మాన్‌ సర్‌తో కలిసి ప్రయాణించాను. రాజ్‌కోట్‌ విమానాశ్రయంలో ఆయనను చూసేందుకు దాదాపు రెండువేల మంది చుట్టుముట్టారు. ఈ సందర్భంగా మూగిన కొందరు నన్ను లైంగికంగా తాకేందుకు ప్రయత్నించారు. సెక్యూరిటీ ఉన్నా లాభం లేకపోయింది. అల్లరిగా ఉన్న అక్కడి నుంచి బయటపడి నేను కారులో ఎక్కేందుకు అక్కడే ఉన్న అనుపమ్‌ ఖేర్‌ సహాయపడ్డారు’ అని స్వర తెలిపారు. అంతకుముందు ముంబై రైల్లో ఓ తాగుబోతు తనముందే లైంగిక అసభ్య చర్యలకు పాల్పడ్డాడని, మొదట భయపడినా అతన్ని పోలీసులకు పట్టించేందుకు ప్రయత్నించానని, కానీ అతను తప్పించుకొని పారిపోయాడని తాజాగా ఓ పత్రికకు ఇచ్చిన ఇంటర్వ్యూలో ఆమె తెలిపింది.
  


 రాజ్‌కోట్‌: అసలే శిక్షణలో ఉన్న పోలీసులు.. ఆపై ప్రభుత్వ వాహనం.. ఎక్కడో దూరంగా ఉన్న చోటుకు వెళ్లి వాహనంలోనే కూర్చుని మందు తాగారు. ఈ విషయం బయటకు పొక్కటంతో అధికారులు విచారణకు ఆదేశించారు. గుజరాత్‌లోని రాజ్‌కోట్‌లో ఈ ఘటన చోటుచేసుకుంది. రాజ్‌కోట్‌లోని పోలీసు శిక్షణ కేంద్రంలో 12 మంది పోలీసులు అత్యవసర పరిస్థితుల్లో ఎలా వ్యవహరించాలనే దానిపై శిక్షణ పొందుతున్నారు. అయితే, గుజరాత్‌ రాష్ట్రంలో సంపూర్ణ మద్య నిషేధం అమల్లో ఉండగా పక్కనే 225 కిలోమీటర్ల దూరంలోని కేంద్ర పాలిత ప్రాంతం డయ్యూలో ఆంక్షలేమీ లేవు.
 
 దీంతో రాజ్‌కోట్‌లో శిక్షణ పొందుతున్న పోలీసులు ప్రభుత్వ వాహనంలోనే డయ్యూ వెళ్లారు. అక్కడ మద్యం దుకాణంలో మందుబాటిళ్లు కొనుగోలు చేశారు. ఓ హోటల్‌ సమీపంలో రోడ్డు పక్కనే వాహనం ఆపుచేసి, అందులోనే కూర్చుని మందు తాగారు. అయితే, ఎవరో ఈ ఘనకార్యాన్ని వీడియో తీసి వాట్సాప్‌లో పెట్టారు. విషయం తెలుసుకున్న అధికారులు ఈ ఘటనపై విచారణకు ఆదేశించారు. ఇటువంటి చర్యలు తీవ్ర క్షమశిక్షణ ఉల్లంఘనకు వస్తాయని, బాధ్యులపై కఠిన చర్యలుంటాయని పోలీసులు తెలిపారు. దీనిపై విచారణకు ప్రత్యేక అధికారిని నియమించారు. ట్రైనింగ్‌లో ఉన్న పోలీసులు అంతదూరంలో ఉన్న డయ్యూ వరకు ఎలా వెళ్లారనే దానిపైనా దర్యాప్తు కొనసాగుతుందని తెలిపారు.


 రాజ్‌కోట్‌: పెద్ద నోట్ల రద్దు సందర్భంగా ఇక కొత్తగా వచ్చే నోట్లకు నకిలీ తయారు చేయడం సాధ్యం కాదని.. ఇప్పటి వరకూ ఉన్న నకిలీ నోట్ల ప్రెస్‌లను మూసివేసుకోవాల్సిందే అంటూ వ్యాఖ్యలు వినిపించాయి. అయితే.. ఈ వ్యాఖ్యలు ఉత్తమాటలేనా అనే సందేహాలు వ్యక్తమయ్యేరీతిలో భారీ సంఖ్యలో కొత్త 2000 నోట్లు నకిలీవి గుజరాత్‌లో పట్టుబడ్డాయి.
 
 రూ. 26 లక్షల నకిలీ 2000 నోట్లను రాజ్‌కోట్‌లో పోలీసులు స్వాధీనం చేసుకున్నారు. దీనికి సంబంధించి ఇద్దరు వ్యక్తులను అరెస్ట్‌చేసి విచారణ జరుపుతున్నారు. కొత్తనోట్లను ఎక్కడ ముద్రించారు, దీని వెనుక విదేశీ శక్తుల హస్తం ఉందా అనే కోణంలో దర్యాప్తు సాగుతోంది.
  


 ► జో రూట్ అద్భుత సెంచరీ 
 ► ఇంగ్లండ్ 311/4
 ► శతకానికి పరుగు దూరంలో మొయిన్
 ► తొలి టెస్టు తొలి రోజు భారత్ విఫలం  
  
 గత మూడేళ్ల కాలంలో భారత్‌లో ఏ విదేశీ క్రికెటర్ కూడా టెస్టుల్లో సెంచరీ చేయలేదు. డివిలియర్స్, ఆమ్లా, విలియమ్సన్ లాంటి గొప్ప బ్యాట్స్‌మన్ కూడా ఈ ఘనత అందుకోలేకపోయారు. కానీ ఇంగ్లండ్ స్టార్ క్రికెటర్ జో రూట్ మాత్రం అద్భుతమైన ఇన్నింగ్‌‌సతో ఈ కొరత తీర్చాడు. భారత్‌లో ఎలా ఆడాలో తన సహచరులతో పాటు ప్రపంచంలోని మిగిలిన క్రికెటర్లకు చూపించాడు. ఎక్కడా చిన్న తడబాటు లేదు... ఒక్క చిన్న తప్పు లేదు... స్వీప్, రివర్స్ స్వీప్, డ్రైవ్... ఒక్కటేంటి ఎన్ని రకాల షాట్లు ఆడాలో అన్నీ ఆడాడు. వెరసి... ఇంగ్లండ్ జట్టుకు భారత పర్యటనలో అద్భుతమైన ఆరంభాన్ని అందించాడు.
  
 మూడో బంతి, ఎనిమిదో బంతి, 35వ బంతి... ఇన్నింగ్‌‌స ఆరంభంలో పట్టుమని పాతిక పరుగులు కూడా చేయకుండా ప్రత్యర్థి ఆటగాళ్లు ఇచ్చిన మూడు లడ్డూల్లాంటి క్యాచ్‌లు వదిలేస్తే ఏమవుతుంది..? ఇదే అవుతుంది మరి. కెప్టెన్ అయ్యాక తొలిసారి టాస్ ఓడిపోయినా... భారత పేసర్లు ఆరంభంలో పరిస్థితులను వినియోగించుకుంటూ అద్భుతంగా బౌలింగ్ చేసినా... ఫీల్డర్లు సులభమైన క్యాచ్‌లు వదిలేసి ఆరంభంలో పట్టు బిగించే అవకాశాన్ని కోల్పోయారు. ఫలితంగా మూడేళ్ల తర్వాత సొంతగడ్డపై తొలి రోజును భారత్ పేలవంగా ముగించింది.  
  
 రాజ్‌కోట్: టాస్ గెలవడం, తొలుత బ్యాటింగ్‌తో భారీ స్కోరు చేయడం... ఆ తర్వాత స్పిన్‌తో ప్రత్యర్థిని చిత్తు చేయడం... కోహ్లి కెప్టెన్ అయిన తర్వాత స్వదేశంలో కొనసాగుతున్న ఆనవాయితీ ఇది. కానీ ఈసారి ఆ ఆనవాయితీ మారింది. తొలిసారి ప్రత్యర్థి జట్టు టాస్ గెలిచింది. భారత్‌లోని సంప్రదాయ వికెట్‌పై టాస్ గెలిచిన జట్టు తొలి రోజు ఎలా ఆడుతుందో ఇంగ్లండ్ అలాగే ఆడింది. ఫలితంగా సిరీస్‌ను ఘనంగా ప్రారంభించింది. సౌరాష్ట్ర క్రికెట్ సంఘం స్టేడియంలో బుధవారం ప్రారంభమైన తొలి టెస్టులో మొదటి రోజు ఆట ముగిసే సమయానికి ఇంగ్లండ్ తొలి ఇన్నింగ్‌‌సలో 93 ఓవర్లలో నాలుగు వికెట్ల నష్టానికి 311 పరుగులు చేసింది.
 
 జో రూట్ (180 బంతుల్లో 124; 11 ఫోర్లు, 1 సిక్సర్) అద్భుతమైన ఇన్నింగ్‌‌సతో సెంచరీ చేయగా... మొయిన్ అలీ (192 బంతుల్లో 99 బ్యాటింగ్; 9 ఫోర్లు) శతకానికి ఒక్క పరుగు దూరంలో ఉన్నాడు. రూట్, అలీ నాలుగో వికెట్‌కు 179 పరుగులు జోడించి ఇంగ్లండ్ ఇన్నింగ్‌‌సను నిలబెట్టారు. ఓపెనర్లు కుక్ (21), తొలి టెస్టు ఆడుతున్న హమీద్ (31) ఫర్వాలేదనిపించారు. ఆట ముగిసే సమయానికి అలీతో పాటు స్టోక్స్ (41 బంతుల్లో 19 బ్యాటింగ్; 2 ఫోర్లు, 1 సిక్సర్) క్రీజులో ఉన్నాడు. భారత బౌలర్లలో అశ్విన్ రెండు వికెట్లు తీసుకోగా... ఉమేశ్, జడేజా ఒక్కో వికెట్ పడగొట్టారు.
  
 సెషన్ 1: పోటాపోటీగా...
 టాస్ గెలిచిన ఇంగ్లండ్ బ్యాటింగ్ ఎంచుకోగా... భారత్ ముగ్గురు స్పిన్నర్లు సహా ఐదుగురు బౌలర్లతో బరిలోకి దిగింది. దీంతో కరుణ్ నాయర్, హార్ధిక్ పాండ్యా ఇద్దరిలో ఒక్కరికి కూడా అరంగేట్రం అవకాశం రాలేదు. కుక్, ఈ మ్యాచ్‌లో అరంగేట్రం చేసిన హమీద్ ఇద్దరూ ఆరంభంలో భారత పేసర్లను ఎదుర్కోవడంలో ఇబ్బంది పడ్డారు. వరుసగా తొలి రెండు ఓవర్లలో కుక్ ఇచ్చిన క్యాచ్‌లను రహానే, కోహ్లి వదిలేశారు. ఆరో ఓవర్లో హమీద్ ఇచ్చిన క్యాచ్‌ను మురళీ విజయ్ నేలపాలు చేశాడు.
 
 ఈ ఇద్దరూ కుదురుకున్నారని భావించిన సమయంలో... భారత స్పిన్నర్లు రంగంలోకి దిగారు. జడేజా బౌలింగ్‌లో కుక్ ఎల్బీగా అవుటైతే... హమీద్‌ను అశ్విన్ పెవిలియన్‌కు పంపాడు. ఫస్ట్‌డౌన్‌లో వచ్చిన రూట్ ఒక ఎండ్‌లో కుదురుగా ఆడినా... రెండో ఎండ్‌లో డకెట్ తడబడ్డాడు. అశ్విన్ బౌలింగ్‌లో ఒకే ఓవర్లో మూడు ఫోర్లతో దూకుడుగా కనిపించినా... తన బౌలింగ్‌లోనే రహానేకు స్లిప్స్‌లో క్యాచ్ ఇచ్చి వెనుదిరిగాడు. ఈ సెషన్‌ను భారత్, ఇంగ్లండ్  సంతృప్తికరంగా ముగించాయి.
 ఓవర్లు: 32.3; పరుగులు: 102; వికెట్లు 3
  
 సెషన్ 2: సూపర్ భాగస్వామ్యం    
 రెండో సెషన్‌లో ఇంగ్లండ్ బ్యాట్స్‌మన్ పూర్తి ఆధిపత్యం ప్రదర్శించారు. కుక్, అలీ ఇద్దరూ జాగ్రత్తగా ఆడుతూనే స్ట్రయిక్ రొటేట్ చేయడానికి ఎక్కువ ప్రాధాన్యత ఇచ్చారు. దీంతో పరుగులు సులభంగా వచ్చాయి. 72 బంతుల్లో రూట్ అర్ధసెంచరీ పూర్తి చేసుకున్నాడు. ఈ సెషన్ మొత్తం ఈ ఇద్దరూ భారత బౌలర్లకు ఎలాంటి అవకాశాలు ఇవ్వలేదు. వికెట్ ఫ్లాట్‌గా ఉండటంతో భారత స్పిన్నర్లు ముగ్గురూ  ప్రభావం చూపలేకపోయారు.
 ఓవర్లు: 31.3; పరుగులు: 107; వికెట్లు: 0
  
 సెషన్ 3: ఇంగ్లండ్ ఆధిపత్యం
 టీ విరామం తర్వాత 99 బంతుల్లో అలీ అర్ధసెంచరీ పూర్తి చేసుకోగా... జో రూట్ 154 బంతుల్లో సెంచరీ మార్కును చేరుకున్నాడు. ఈ ఇద్దరూ తమ జోరును అలాగే కొనసాగించడంతో పరుగులు సులభంగా వచ్చాయి. జడేజా బౌలింగ్‌లో భారీ సిక్సర్ కొట్టిన రూట్... కాస్త వేగం పెంచే ప్రయత్నం చేశాడు. అటు 80 ఓవర్ల తర్వాత కూడా భారత్ కొత్త బంతి తీసుకోలేదు. రివర్స్ స్వింగ్ కోసం భారత పేసర్లు ప్రయత్నించారు. ఉమేశ్ యాదవ్ బౌలింగ్‌లో రూట్ ముందుకొచ్చి డ్రైవ్ ఆడబోయి బౌలర్‌కే క్యాచ్ ఇచ్చాడు. స్టోక్స్ కూడా ఆచితూచి ఆడి అలీకి మద్దతుగా నిలిచాడు. అశ్విన్ బౌలింగ్‌లో ఒక భారీ సిక్సర్ మినహా స్టోక్స్ తన సహజశైలికి భిన్నంగా నెమ్మదిగా ఆడాడు. సెషన్‌లో అలీ, రూట్‌లతో పాటు స్టోక్స్ కూడా బాగా ఆడటంతో ఇంగ్లండ్ ఆధిపత్యం నడిచింది. అలీ 99 పరుగులతో రోజును ముగించాడు.
 ఓవర్లు: 29; పరుగులు: 102; వికెట్లు: 1
  
 డీఆర్‌ఎస్ అలా మొదలైంది
 భారత్‌లో తొలిసారి ద్వైపాక్షిక సిరీస్ సందర్భంగా డీఆర్‌ఎస్‌ను వినియోగించారు. ఈ మ్యాచ్‌లో రెండు జట్లూ దీనిని వినియోగించుకున్నాయి. తొలుత జడేజా బౌలింగ్‌లో కుక్ ఎల్బీగా అవుటైనప్పుడు ఇంగ్లండ్ కెప్టెన్ రివ్యూకు వెళ్లాలని భావించినా... నాన్ స్ట్రయికర్ హమీద్ సలహా మేరకు వెళ్లలేదు. రీప్లేలో బంతి లెగ్‌స్టంప్ బయటకు వెళుతున్నట్లు తేలింది. ఒకవేళ రివ్యూ అడిగి ఉంటే కుక్ అవుటయ్యేవాడు కాదు. ఇక హమీద్ ఎల్బీగా అవుటైనప్పుడు నాన్ స్ట్రయికింగ్‌లో ఉన్న రూట్ సలహా మేరకు రివ్యూ అడిగాడు. అందులో తను అవుటైనట్లు తేలింది.
 
 భారత్ కూడా టీ విరామానికి ముందు డీఆర్‌ఎస్‌ను వినియోగించుకుంది. రూట్ 92 పరుగుల వద్ద ఉన్న సమయంలో ఉమేశ్ యాదవ్ బౌలింగ్‌లో ఎల్బీ అప్పీల్‌కు వెళితే అంపైర్ తిరస్కరించారు. దీంతో భారత్ రివ్యూకు వెళ్లింది. బంతి లెగ్‌స్టంప్ బయటకు వెళుతున్నట్లు తేలడంతో భారత ప్రయత్నం వృథా అయింది.
  
 షమీకి సమస్యేం లేదు
 తొలి రోజు రెండో సెషన్‌లో బౌలింగ్ చేస్తుండగా షమీ తొడకండరాల సమస్యతో ఇబ్బంది పడ్డాడు. ఆఖరి సెషన్‌లో తిరిగి వచ్చి బౌలింగ్ చేసినా తను ఇబ్బందిగానే కనిపించాడు. దీంతో తనకు గాయం అయిందనే అనుమానం వచ్చింది. అయితే తనకు గాయం లేదని, కేవలం ‘క్రాంప్స్’తో ఇబ్బందిపడ్డాడని, రెండో రోజు బౌలింగ్ చేస్తాడని భారత జట్టు తెలిపింది.
  
  12  
  2013లో క్లార్క్ సెంచరీ చేసిన తర్వాత 12 టెస్టుల పాటు విదేశీ ఆటగాడెవరూ భారత్‌లో సెంచరీ చేయలేదు. మూడేళ్ల తర్వాత ఇప్పుడు రూట్ సాధించాడు.
  
  179
  గత రెండు సీజన్లలో విదేశీ ఆటగాళ్లు నమోదు చేసిన అత్యుత్తమ భాగస్వామ్యం ఇది (నాలుగో వికెట్‌కు రూట్, అలీ)
  
  20
  భారత్‌లో విదేశీ జట్టు టెస్టు ఇన్నింగ్‌‌సలో 300 పైచిలుకు పరుగులు చేసి కూడా మూడేళ్లయింది. వరుసగా 20 ఇన్నింగ్‌‌స పాటు ఏ విదేశీ జట్టు భారత్‌పై 300 చేయలేదు.
  
  1
  భారత్‌లో విదేశీ జట్టు టెస్టు ఇన్నింగ్‌‌సలో 300 పైచిలుకు పరుగులు చేసి కూడా మూడేళ్లయింది. వరుసగా 20 ఇన్నింగ్‌‌స పాటు ఏ విదేశీ జట్టు భారత్‌పై 300 చేయలేదు.
  
 స్కోరు వివరాలు
 ఇంగ్లండ్ తొలి ఇన్నింగ్‌‌స: కుక్ ఎల్బీడబ్ల్యూ (బి) జడేజా 21; హమీద్ ఎల్బీడబ్ల్యూ (బి) అశ్విన్ 31; రూట్ (సి) అండ్ (బి) ఉమేశ్ 124; డకెట్ (సి) రహానే (బి) అశ్విన్ 13; మొరుున్ అలీ బ్యాటింగ్ 99; స్టోక్స్ బ్యాటింగ్ 19; ఎక్స్‌ట్రాలు 4; మొత్తం (93 ఓవర్లలో నాలుగు వికెట్లకు) 311.
 వికెట్ల పతనం: 1-47; 2-76; 3-102; 4-281.
 బౌలింగ్: షమీ 12.1-2-31-0; ఉమేశ్ యాదవ్ 18.5-1-68-1; అశ్విన్ 31-3-108-2; జడేజా 21-2-59-1; అమిత్ మిశ్రా 10-1-42-0.


 హిమాచల్‌లో నదిలో పడిన బస్సు
  
  మండీ: హిమాచల్‌ప్రదేశ్‌లో శనివారం ఘోర రోడ్డు ప్రమాదం చోటుచేసుకుంది. 18 మంది చనిపోగా, 24 మంది గాయపడ్డారు. ఇద్దరి పరిస్థితి విషమంగా ఉంది. మండీ జిల్లా నుంచి 40 మంది ప్రయాణికులతో కులూ వెళ్తున్న ప్రైవేట్ బస్సు బృందావని సమీపంలో బియాస్ నది వద్ద..  ఎదురుగా వస్తున్న బైక్‌ను తప్పించబోయింది. ఈ క్రమంలో బస్సు అదుపు తప్పి నదిలో పడిపోయింది. ప్రమాదం గురించి తెలిసిన వెంటనే ఘటనా స్థలానికి ఐజీ, మండీ డిప్యూటీ పోలీస్ కమిషనర్‌లు రెస్క్యూ బృందాలతో అక్కడికి చేరుకుని సహాయక చర్యలు చేపట్టారు. మృతులను ఇంకా గుర్తించాల్సి ఉందని పోలీసులు తెలిపారు. ప్రమాదంపై సీఎం ముఖ్యమంత్రి వీరభద్రసింగ్ దిగ్భ్రాంతి వ్యక్తం చేశారు. మృతుల కుటుంబాలకు రూ. 15,000, క్షతగాత్రులకు రూ.5,000 తక్షణ సాయం అందిస్తామని తెలిపారు.   
 
  గుజరాత్ రోడ్డు ప్రమాదంలో 14 మంది మృతి
  అహ్మదాబాద్: గుజరాత్‌లోని అహ్మదాబాద్ జిల్లాలో శనివారం జరిగిన  రోడ్డు ప్రమాదంలో 14 మంది భక్తులు మృతి చెందగా..ముగ్గురికి తీవ్ర గాయాలయ్యాయి. వల్తేరాపాటియా గ్రామ సమీపంలో శుక్రవారం అర్ధరాత్రి 17 మంది భక్తులతో ప్రయాణిస్తున్న ఓ మినీ బస్సును వేగంగా వచ్చిన  ట్రక్కు ఢీకొట్టింది. బస్సులో ఉన్న 14 మంది భక్తులు అక్కడికక్కడే ప్రాణాలు విడిచారు. మృతి చెందిన వారంతా గుజరాత్‌లోని రాజ్‌కోట్ జిల్లా సోక్‌దా గ్రామానికి చెందినవారని, పంచమహల్స్ జిల్లాలోని పావగ ధ్ గ్రామంలోని దర్శనీయ క్షేత్రంలో దైవదర్శనం చేసుకుని తిరిగి స్వగ్రామానికి వెళ్తుండగా ఈ ప్రమాదం జరిగినట్లు జిల్లా పోలీసులు తెలిపారు.


 రాజ్‌కోట్: విరాట్ కోహ్లి నేతృత్వంలోని భారత టెస్టు జట్టు శనివారం ఉదయం రాజ్‌కోట్‌కు చేరుకుంది. స్థానిక ఆటగాళ్లు పుజారా, జడేజా జట్టుతో పాటు కలిశారని.. హార్ధిక్ పాండ్యా రోడ్డు మార్గం ద్వారా రాజ్‌కోట్‌కు వచ్చినట్టు సౌరాష్ట్ర క్రికెట్ సంఘం మీడియా మేనేజర్ హిమాన్షు షా వెల్లడించారు. శనివారమే 28వ పడిలోకి అడుగుపెట్టిన కోహ్లి... జట్టు ఆటగాళ్లు, ప్రియురాలు అనుష్క శర్మతో కలిసి హోటల్‌లో ఘనంగా వేడుకలు జరుపుకున్నాడు. అటు కోహ్లి పుట్టిన రోజు సందర్భంగా సచిన్, సెహ్వాగ్, యూసుఫ్ పఠాన్ తదితరులు శుభాకాంక్షలు తెలిపారు. అంతకుముందు రాజ్‌కోట్ ఎరుుర్‌పోర్ట్‌లో అభిమానులు పెద్ద సంఖ్యలో కేకులు, బొకేలతో కోహ్లికి స్వాగతం పలకగా తను అనుష్కతో కలిసి నేరుగా హోటల్‌కు వెళ్లిపోయాడు.


 రాజ్కోట్(గుజరాత్): రాజ్ కోట్ సమీపంలో ఘోర రోడ్డు ప్రమాదం చోటు చేసుంది. లారీ, వ్యాను ఢీ కొన్న సంఘటనలో 14 మంది మృతి చెందారు. ఈ సంఘటన రాజ్కోట్ సమీపంలోని బగోదరా హైవేపై జరిగింది. ఈ ఘటనలో మరి కొంతమంది గాయపడ్డారు. క్షతగాత్రులను సమీపంలోని ఆసుపత్రికి తరలించి చికిత్స అందిస్తున్నారు. మరింత సమాచారం తెలియాల్సి ఉంది.


 రాజ్కోట్: గుజరాత్ లో దళితులను బీజేపీ ప్రభుత్వం అణచివేస్తోందని ఢిల్లీ ముఖ్యమంత్రి అరవింద్ కేజ్రీవాల్ విమర్శించారు.  రాజ్కోట్ ప్రభుత్వాసుపత్రిలో చికిత్స పొందుతున్న ఉనా ఘటన బాధితులను ఆయన శుక్రవారం పరామర్శించారు. ఈ సందర్భంగా మాట్లాడుతూ... ఇలాంటి ఘటనలు పునరావృతం కాకుండా చూడాలన్నారు. బాధ్యులను చట్టం ముందు నిలబెట్టాలని డిమాండ్ చేశారు. ఉనాలో దళితులపై దాడి చేసిన వారిపై పోలీసులు ఎందుకు చర్య తీసుకోలేదని ప్రశ్నించారు. పోలీసులు నిష్క్రియతో ప్రభుత్వం ప్రమేయం ఉందన్న అనుమానం కలుగుతోందన్నారు. గుజరాత్ సర్కారుకు దళితులకు వ్యతిరేకంగా వ్యవహరిస్తోందని కేజ్రీవాల్ మండిపడ్డారు.
 
 గుజరాత్‌లోని గిర్ సోమనాథ్ జిల్లాలో ఉన్న ఉనాలో జులై 11న కొందరు దళితులు చనిపోయిన ఒక ఆవు చర్మాన్ని వలుస్తుండగా.. గమనించిన గో పరిరక్షణ సమితి సభ్యులు వారిపై దాడికి పాల్పడ్డారు. ఆవులను చంపి మరీ చర్మాన్ని వలుస్తున్నారంటూ వారిని బంధించారు. చనిపోయిన ఆవు చర్మాన్నే తీస్తున్నామన్నా వినిపించుకోకుండా వారి చేతులను కట్టేసి తీవ్రంగా కొట్టారు. ఆ తరువాత బాధితుల్లో ఏడుగురు ఆత్మాహత్యాయత్నం చేశారు. ఈ ఘటనపై దేశవ్యాప్తంగా ఆందోళనలు వ్యక్తమయ్యాయి. విపక్షాలు ఈ అంశాన్ని పార్లమెంట్ లో లేవనెత్తాయి.


 న్యూఢిల్లీ:ఈ ఏడాది ఇండియన్ ప్రీమియర్ లీగ్(ఐపీఎల్) సీజన్కు కొత్తగా వచ్చిన రెండు జట్లలో ఒకటైన రాజ్ కోట్ జట్టుకు సురేష్ రైనా కెప్టెన్గా వ్యవహరించనున్నాడు. రాజ్ కోట్ జట్టుకు రైనాను సారథిగా నియమించగా, ఆస్ట్రేలియా మాజీ ఆల్ రౌండర్ బ్రాడ్ హాగ్ను కోచ్ గా ఎంపిక చేశారు. అంతర్జాతీయ అనుభవాన్ని దృష్టిలో పెట్టుకుని రైనా కెప్టెన్ గా నియమించినట్లు రాజ్ కోట్ యాజమాన్యం స్పష్టం చేసింది. ఇదిలా ఉండగా బ్రాడ్ హాగ్ కు గత ఐపీఎల్ సీజన్లలో ఆడిన అనుభవం మెండుగా ఉండటంతో అతన్ని కోచ్ గా నియమిస్తూ రాజ్ కోట్ నిర్ణయం తీసుకుంది.
  
 అంతకుముందు టీమిండియా, దక్షిణాఫ్రికాల మాజీ కోచ్ గ్యారీ కిరెస్టన్ ను కోచ్ గా నియమిస్తున్నట్లు వార్తలు వచ్చినా.. సుదీర్ఘ పరిశీలన అనంతరం బ్రాడ్ హాగ్ ను కోచ్ గా నియమిస్తున్నట్లు రాజ్ కోట్ ప్రకటించింది. ఐపీఎల్ నుంచి చెన్నై సూపర్ కింగ్స్, రాజస్థాన్ రాయల్స్ లు రెండేళ్ల పాటు సస్పెండ్ కావడంతో రాజ్ కోట్ , పుణే జట్టులు  ఆ స్థానాలను భర్తీ చేయనున్నాయి. రాజ్ కోట్ జట్టు గుజరాత్ లయన్స్ గా  పోరుకు సన్నద్ధమవుతుంది.


 రాజ్కోట్: మహేంద్ర సింగ్ ధోనికి బౌలింగ్ చేయడం పెద్ద సవాల్తో కూడుకున్నది అంటున్నాడు టీం ఇండియా ఆల్ రౌండర్ రవీంద్ర జడేజా. ఇప్పటి వరకు ఐపీఎల్లో ధోనికి సహచర ఆటగాడిగా ఉన్న జడేజా, చెన్నై సూపర్ కింగ్స్పై నిషేధం నేపథ్యంలో రానున్న తొమ్మిదో ఐపీఎల్ సీజన్లో ధోనికి బౌలింగ్ చేయనున్నాడు.
 ఐపీఎల్ వేలంలో రాజ్కోట్ జట్టు జడేజాను సొంతం చేసుకుంది. హోం టీమ్ రాజ్‌కోట్ తరపున ఆడబోతుండటం పట్ల సంతోషం వ్యక్తం చేశాడు. పుణే తరపున బరిలోకి దిగనున్న ధోనికి బౌలింగ్ కష్టమని అభిప్రాయపడ్డాడు.  'ధోనికి బౌలింగ్ చేయడం పెద్ద సవాల్తో కూడుకున్నది. ముఖ్యంగా తక్కువ ఓవర్ల ఫార్మాట్లో అది మరింత కష్టం. మంచి మ్యాచ్ ఫినిషర్గా అతనికి ఉన్న గుర్తింపు అందరికీ తెలిసిందే. అయితే జట్టు విజయానికి నా వంతు ప్రయత్నం చేస్తాను' అని తెలిపాడు. రాజ్కోట్ జట్టు తరపున మంచి ప్రదర్శన చేస్తానని జడేజా ఆశాభావం వ్యక్తం చేశాడు. ఐపీఎల్ తొమ్మిదవ సీజన్ ముంబైలోని వాంఖడే స్టేడియంలో అట్టహాసంగా ఏప్రిల్ 9 నుండి ప్రారంభం కానుంది.


 భారత క్రికెట్‌లో వాళ్లిద్దరూ రామలక్ష్మణుల్లాంటివారు. భారత్ తరఫున ఇంతకాలం కలిసే ఆడారు. ఇక ఐపీఎల్‌లో అయితే ఈ ఇద్దరి బంధం అసామాన్యం. చెన్నై జట్టుకు బ్రాండ్ అంబాసిడర్స్‌లా ఎక్కడ మ్యాచ్‌లు జరిగినా కలిసే వెళ్లారు... కలిసే తిరిగారు... కష్టాల్లో ఒకరికి ఒకరు అండగా నిలబడ్డారు. సంతోషాన్ని ఇద్దరూ పంచుకున్నారు. మైదానంలో, వెలుపలా వాళ్లిద్దరినీ చూడటానికి రెండు కళ్లూ చాలేవికావు. అలాంటి వాళ్లు ఇప్పుడు విడిపోయారు.
 
 ఐపీఎల్‌లో కొత్త జట్లు పుణే, రాజ్‌కోట్ ఈ ఇద్దరినీ చెరో జట్టులో ఎంపిక చేసుకున్నాయి. ఇక వచ్చే రెండు సీజన్లు పుణే తరఫున ధోని... రాజ్‌కోట్ తరఫున రైనా... క్రికెట్ మైదానంలో బ్యాట్‌లతో యుద్ధం చేయబోతున్నారు.
  
 పుణేకు ధోని, రాజ్‌కోట్‌కు రైనా
 ముంబై: ఊహించినట్లుగానే ఐపీఎల్‌లో చెన్నై సూపర్‌కింగ్స్ కెప్టెన్ ధోనిని... సంజీవ్ గోయెంకాకు చెందిన పుణే ఫ్రాంచైజీ తీసుకుంది. సురేశ్ రైనాను ఇంటెక్స్ మొబైల్స్‌కు చెందిన రాజ్‌కోట్ ఫ్రాంచైజీ ఎంపిక చేసుకుంది. సస్పెన్షన్ వేటు పడిన చెన్నై, రాజస్తాన్ ఫ్రాంచైజీల ఆటగాళ్ల కోసం మంగళవారం ఏర్పాటు చేసిన ఐపీఎల్ డ్రాఫ్ట్ కేవలం పది నిమిషాల్లోనే ముగిసింది.
 
 50 మంది క్రికెటర్లు ఉన్న ఈ డ్రాఫ్ట్‌లో రెండు కొత్త ఫ్రాంచైజీలు చెరో రూ. 39 కోట్లు ఖర్చు చేసి ఐదుగురు ఆటగాళ్ల చొప్పున ఎంపిక చేసుకున్నాయి. వచ్చే రెండేళ్లు ఈ క్రికెటర్లంతా కొత్త జట్ల తరఫున ఆడతారు. పాత ఫ్రాంచైజీలకు చెందిన మిగిలిన ఆటగాళ్లు ఫిబ్రవరి 6న జరిగే సాధారణ వేలంలో అన్ని ఫ్రాంచైజీలకు అందుబాటులో ఉంటారు. కొత్త ఫ్రాంచైజీలు మిగిలిన చెరో రూ. 27 కోట్లతో ఆ వేలంలో పాల్గొంటాయి. ఏప్రిల్ 9 నుంచి మే 29 వరకు ఐపీఎల్-9 పోటీలు జరుగుతాయి.
  
 ఎంపిక జరిగిందిలా....        
 జట్టు కోసం బీసీసీఐకి ఏడాదికి రూ.16 కోట్లు చెల్లిస్తున్నందున పుణే జట్టుకు తొలి ఆటగాడిని ఎంపిక చేసుకునే అవకాశం ఉంది. మరో ఆలోచన లేకుండా ‘న్యూ రైజింగ్ కన్సార్టియం’ ధోనిని ఎంపిక చేసుకుంది. రాజ్‌కోట్ జట్టు తమ తొలి ఆటగాడిగా రైనాను తీసుకుంది. ఆ తర్వాత పుణే రహానేను ఎంచుకుంటే... ఇంటెక్స్ సంస్థ రాజ్‌కోట్‌కే చెందిన జడేజాను జట్టులోకి తీసుకుంది.
 
 తమ మూడో క్రికెటర్‌గా పుణే జట్టు స్పిన్నర్ అశ్విన్ వైపు మొగ్గుచూపితే... రాజ్‌కోట్ మెకల్లమ్‌ను తమ ఖాతాలో చేర్చుకుంది. ఆ తర్వాత పుణే స్టీవ్ స్మిత్‌ను ఎంచుకుంటే... రాజ్‌కోట్ ఫాల్క్‌నర్‌ను తీసుకుంది. ఇక అందుబాటులో ఉన్న వారిలో తమ చివరి ఆటగాడిగా పుణే డుప్లెసిస్‌ను తీసుకోగా... రాజ్‌కోట్ జట్టు ఆల్‌రౌండర్ బ్రేవోను సొంతం చేసుకుంది.
  
 ఆటగాళ్ల అసలు మొత్తం వేరు!
 ఆటగాళ్ల కోసం ఫ్రాంచైజీలు ఖర్చు చేసిన డబ్బులకు, వాళ్లకు ఇచ్చే అసలు మొత్తానికి తేడా ఉంటుంది. ప్రస్తుతం ఎంపిక చేసుకున్న ఆటగాళ్ల కోసం ఫ్రాంచైజీలు తమ వేలం డబ్బు (రూ. 66 కోట్లు)లో నుంచి ఈ ఐదుగురి కోసం రూ.39 కోట్లు తగ్గించుకుంటాయి. ఈ డ్రాఫ్ట్‌లో తొలి ఆటగాడిని తీసుకోగానే జట్టు పర్స్‌నుంచి రూ.12.5 కోట్లు తగ్గుతాయి. ఆ తర్వాత ఒక్కో ఆటగాడిని తీసుకున్న కొద్దీ వరుస క్రమంలో రూ.9.5 కోట్లు, రూ.7.5 కోట్లు, రూ.5.5 కోట్లు, రూ.4 కోట్లు తగ్గిపోతాయి.
 
 అంటే తొలి క్రికెటర్‌గా ధోనినే కాదు... ఏ ఆటగాడిని ఎంపిక చేసుకున్నా రూ.12.5 కోట్లు తగ్గిపోతాయి. దీని అర్థం ధోనికి రూ.12.5 కోట్లు చెల్లిస్తారని కాదు. అంతకంటే ఎక్కువ లేదా తక్కువ కూడా ఇవ్వొచ్చు. గత ఫ్రాంచైజీ (చెన్నై)తో ధోనికి ఉన్న ఒప్పందం ప్రకారం ఎంత మొత్తం దక్కుతుందో అంత ఇవ్వాలి. ఈ మొత్తం ఎంత అనేది బయటకు తెలియదు.
  
 హైలైట్స్
 * ఐపీఎల్‌లో ధోని, రైనా వేర్వేరు జట్ల తరఫున ఆడటం ఇదే తొలిసారి.
 * రహానే మినహా రాజస్తాన్‌లోని మిగతా భారత ఆటగాళ్లలో ఏ ఒక్కర్ని కూడా రెండు ఫ్రాంచైజీలు తీసుకోలేదు.
 * చెన్నై జట్టులోని ఏడుగుర్ని తీసుకుంటే, రాజస్తాన్ నుంచి ముగ్గురు మాత్రమే కొత్త ఫ్రాంచైజీలకు ఎంపికయ్యారు.
 * ఎంపిక చేసుకున్న 10 మందిలో ఏడుగురు ఆటగాళ్లు తమ జాతీయ జట్లకు కెప్టెన్లుగా వ్యవహరించారు. వీళ్లలో నలుగురు పుణేలో, ముగ్గురు రాజ్‌కోట్‌లో ఉన్నారు.
 * రాజ్‌కోట్ తీసుకున్న ఐదుగురిలో నలుగురు ఆల్‌రౌండర్లు ఉన్నారు.
 * గతంలో జడేజా మూడు ఫ్రాంచైజీల తరఫున ఆడాడు. అందులో చెన్నై, రాజస్తాన్ సస్పెన్షన్ బారినపడగా, కొచ్చి టస్కర్స్ కేరళ మొత్తానికి రద్దయ్యింది.
 * మొత్తం పది మందిలో భారత్ (5), ఆస్ట్రేలియా (2), దక్షిణాఫ్రికా (1), న్యూజిలాండ్ (1), వెస్టిండీస్ (1) ఆటగాళ్లున్నారు.
  
 కెప్టెన్‌గా రైనా?
 రాజ్‌కోట్ ఫ్రాంచైజీ తమ జట్టు పగ్గాలు రైనాకు అప్పగించే అవకాశాలు కనిపిస్తున్నాయి. న్యూజిలాండ్ స్టార్ మెకల్లమ్ కూడా రేసులో ఉన్నాడు. అయితే గతంలో చెన్నై తరఫున కొన్ని మ్యాచ్‌ల్లో కెప్టెన్సీ చేసిన అనుభవం ఉండటం, భారత క్రికెటర్ కావడం వల్ల... జట్టు బ్రాండ్ ఇమేజ్ కోసం రైనా వైపే మొగ్గు చూపే అవకాశం ఉంది.
 
 రాజ్‌కోట్ తమ తొలి ప్రాధాన్యం కూడా తనకే ఇవ్వడం, మరోవైపు గవాస్కర్ లాంటి మాజీల సలహాలు కూడా రైనా పేరును ముందుకు తెచ్చాయి. జడేజా స్థానిక ఆటగాడు అయినప్పటికీ.. గతంలో ఏ స్థాయి క్రికెట్‌లోనూ తను జట్టుకు సారథ్యం వహించలేదు. మరోవైపు పుణే మరో ప్రత్యామ్నాయం గురించి ఆలోచించకుండా ధోనిని సారథిగా ఎంచుకుంటుంది.
  
 వాట్సన్‌ను వదిలేశారు
 ఈ డ్రాఫ్ట్‌లో ఆల్‌రౌండర్ షేన్ వాట్సన్, మైక్ హస్సీపై రెండు ఫ్రాంచైజీలు ఆసక్తి చూపకపోవడం ఆశ్చర్యకరం. మెకల్లమ్, ఫాల్క్‌నర్, డు ప్లెసిస్‌లు రేసులోకి రావడం, కేవలం ఐదుగుర్ని మాత్రమే తీసుకునే అవకాశం ఉండటంతో వాట్సన్‌ను పట్టించుకోలేదు. మరోవైపు దేశవాళీ ఆటగాళ్ల గురించీ ఎవరూ ఆలోచించలేదు.
  
 ఏ జట్టులో ఉన్నా బరిలోకి దిగాక క్రీడాస్ఫూర్తితోనే ఆడతా. ధోనితో తలపడినప్పుడు కూడా దీన్ని పాటిస్తా. ఇందులో ఏమాత్రం సందేహం లేదు. రాజ్‌కోట్‌లో చాలా మ్యాచ్‌లు ఆడా. ఇక్కడి పరిస్థితులు బాగా తెలుసు. జడేజా స్థానికుడు. ఇద్దరం కలిసి ఇక్కడి పరిస్థితులను అనుకూలంగా మల్చుకుంటాం.                    
 -సురేశ్ రైనా
  
  
 మా ప్రణాళిక ప్రకారమే రైనాను తొలుత ఎంచుకున్నాం. స్థానిక ఆటగాడు, లోయర్ ఆర్డర్‌లో హిట్టర్ కావడం వల్ల రెండో క్రికెటర్‌గా జడేజాను తీసుకున్నాం. జట్టును సమతుల్యం చేయడానికే ఎక్కువ మంది ఆల్‌రౌండర్లను తీసుకున్నాం. మేం ఇప్పటికే ఒకరిద్దరు కోచ్‌లతో సంప్రదింపులు జరుపుతున్నాం. చీఫ్ కోచ్ ఎవరన్నది తేలాక వేలానికి సంబంధించిన వ్యూహం రచించుకుంటాం. దాని ప్రకారం వెళ్తాం.
 -కేశవ్ బన్సల్ (ఇంటెక్స్ డెరైక్టర్)  
  
  
 మాది కొత్త ఫ్రాంచైజీ. దాన్ని బలోపేతం చేసుకోవడానికి, బ్రాండ్‌ను విస్తరించుకోవడానికి ధోని చాలా అవసరం. అందుకే అతని వైపు మొగ్గాం. అంతకుమించిన మరో అవకాశం మాకు లేదు. అలాగే మిగతా వారిలో కూడా కోరుకున్న ఆటగాళ్లనే తీసుకున్నాం. మనోజ్ తివారి, అశోక్ దిండాలతో కూడా చర్చలు జరుపుతున్నాం.
 -సుబ్రతో తాలుక్‌దార్ (పుణే ప్రతినిధి)
 
 రాజ్కోట్కు
 
 
 పుణేకు
 
  


 * ఐపీఎల్‌లో మరో జట్టుకు అందుబాటులో ధోని
 * పది మంది ఆటగాళ్లను నేడు ఎంచుకోనున్న పుణే, రాజ్‌కోట్
 
 ముంబై: ఇండియన్ ప్రీమియర్ లీగ్ (ఐపీఎల్) 2008లో ప్రారంభమైనప్పటి నుంచి ఇప్పటివరకూ ధోని అంటే చెన్నై సూపర్ కింగ్స్. తొలి సీజన్‌లో అందరికంటే ఎక్కువ మొత్తం వెచ్చించి ధోనిని సొంతం చేసుకున్న చెన్నై... ప్రతి ఏటా అతణ్ని  కొనసాగించుకుంది.
 
 ఎనిమిది సీజన్ల తర్వాత ధోని మళ్లీ వేరే జట్టుకు ఇంతకాలానికి అందుబాటులోకి వచ్చాడు. చెన్నై, రాజస్తాన్ రాయల్స్ జట్ల స్థానాల్లో వచ్చిన కొత్త జట్లు పుణే, రాజ్‌కోట్... నేడు పదిమంది క్రికెటర్లను ఎంచుకోనున్నాయి. చెన్నై, రాజస్తాన్ జట్లకు గత సీజన్‌లో ఆడిన మొత్తం 50 మంది క్రికెటర్లు అందుబాటులో ఉండగా... ఈ రెండు జట్లు ఐదుగురేసి ఆటగాళ్లను ఎంచుకోవాల్సి ఉంది. ధోని, అశ్విన్, సురేశ్ రైనా, రవీంద్ర జడేజా, బ్రెండన్ మెకల్లమ్, అజింక్య రహానే, షేన్ వాట్సన్, స్టీవ్ స్మిత్, డ్వేన్ బ్రే వో, డ్వేన్ స్మిత్‌ల మీద అందరి దృష్టి కేంద్రీకృతమై ఉంది.
  
 పుణేకు తొలి అవకాశం
 నేడు జరిగే ఆటగాళ్ల ఎంపిక ప్రక్రియలో తొలి క్రికెటర్‌ను ఎంచుకునే అవకాశం పుణే జట్టుకు ఉంది. సంజీవ్ గోయెంకాకు చెందిన కంపెనీ రివర్స్ బిడ్డింగ్ ప్రక్రియలో మైనస్ 16 కోట్ల రూపాయలతో జట్టును పుణేను గెలిచింది. రాజ్‌కోట్‌ను కొనుక్కున్న ఇంటెక్స్ మొబైల్స్ (మైనస్ 10 కోట్ల రూపాయలు) కంటే ఎక్కువ మొత్తం పుణే జట్టు చెల్లిస్తోంది. కాబట్టి తొలి ఆటగాడిని పుణే ఎంచుకుంటే, రెండో క్రికెటర్‌ను రాజ్‌కోట్ తీసుకుంటుంది.
 
 ఆ తర్వాత పుణే, తిరిగి రాజ్‌కోట్ ఇలా ఆటగాళ్లను తీసుకుంటారు. పది మంది పూర్తయ్యాక... మిగిలిన 40 మంది క్రికెటర్లు ఫిబ్రవరిలో జరిగే వేలంలోకి వెళతారు. అక్కడ వీరితో పాటు మరింత మంది క్రికెటర్లు ఉంటారు. ఆ వేలంలో అన్ని జట్లూ పాల్గొంటాయి.
  
 జడేజాపై రాజ్‌కోట్ దృష్టి
 అందుబాటులో ఉన్న వారిలో అందరికంటే ఎక్కువ డిమాండ్ ఉన్న ఆటగాడు ధోని. కాబట్టి సహజంగానే ధోనిని పుణే తీసుకోవచ్చు. అయితే రాజ్‌కోట్ జట్టు తమ తొలి ఆటగాడిగా జడేజాను ఎంచుకోవాలనే ఆలోచనలో ఉన్నట్లు సమాచారం.
 
 ఇటీవల దక్షిణాఫ్రికాతో టెస్టు సిరీస్‌లో జడేజా విశేషంగా రాణించడంతో పాటు... అతను రాజ్‌కోట్‌కే చెందిన వాడు కావడంతో తొలుత ఈ ఆల్‌రౌండర్‌ను తీసుకోవాలని భావిస్తున్నారు. మొత్తం మీద ఇన్ని సంవత్సరాల నుంచి కలిసి ఆడిన ఆటగాళ్లలో కొందరు ఇప్పుడు రెండు వేరు వేరు జట్లకు ఆడాల్సి వస్తుంది.
  
 కొత్త జట్టు ఆటగాళ్ల కోసం కనిష్టంగా రూ.40 కోట్లు, గరిష్టంగా రూ.60 కోట్లు ఖర్చు చేయాలి. నేడు జరిగే ఎంపిక ప్రక్రియలో తొలి క్రికెటర్‌ను తీసుకోగానే ఇందులో నుంచి రూ.12.5 కోట్లు తగ్గిపోతాయి. ఆ తర్వాత నలుగురు క్రికెటర్లను తీసుకోగానే వరుసగా రూ.9.5 కోట్లు, రూ.7.5 కోట్లు, రూ.5.5 కోట్లు, రూ.4 కోట్లు తగ్గిపోతాయి. ఫిబ్రవరిలో జరిగే వేలంలో ఈ మొత్తాన్ని తగ్గించుకుని మిగిలిన ఆటగాళ్లను కొనుక్కోవాలి.
  
 డిసెంబరు 31 వరకు ట్రాన్స్‌ఫర్ విండో
  ప్రతి ఏటా వివిధ జట్లు తమకు అవసరం లేని ఆటగాళ్లను వదిలేస్తాయి. వీళ్లని వేరే ఫ్రాంచైజీ ట్రాన్స్‌ఫర్ విండోలో కొనుక్కోవచ్చు. ఈసారి ట్రాన్స్‌ఫర్ విండో డిసెంబరు 15 నుంచి 31 వరకు ఉంటుంది.


 ముంబై:  ఇండియన్ ప్రీమియర్ లీగ్ (ఐపీఎల్)లోకి రెండు కొత్త జట్లు వచ్చాయి. వచ్చే రెండు సీజన్లలో పుణె, రాజ్కోట్ ఫ్రాంచైజీలు ఆడుతాయని మంగళవారం బీసీసీఐ ప్రకటించింది. బెట్టింగ్ ఉదంతంలో రెండేళ్ల పాటు నిషేధానికి గురైన చెన్నై సూపర్ కింగ్స్, రాజస్థాన్ రాయల్స్ జట్ల స్థానాల్లో ఈ రెండు జట్లను తీసుకున్నారు.
 
 పుణె టీమ్ను 16 కోట్ల రూపాయలకు న్యూ రైజింగ్ (సంజీవ్ గొయెంకా) సొంతం చేసుకోగా, రాజ్కోట్ జట్టును 10 కోట్ల రూపాయలకు ఇంటెక్స్ దక్కించుకుంది.  చెన్నై, రాజస్థాన్ జట్లలోని టాప్-5 ఆటగాళ్లను.. పుణె, రాజ్కోట్ ఎంపిక చేసుకునే అవకాశముంది. ఈ నెల 15న ఆటగాళ్లను ఎంపిక చేయనున్నారు.


 రాజ్ కోట్: గాంధీ- మండేలా సిరీస్ లో భాగంగా రాజ్ కోట్ లోని సౌరాష్ట్ర క్రికెట్ అసోసియేషన్ స్టేడియం వేదికగా జరుగుతున్న మూడో వన్ డేలో దక్షిణాఫ్రికా నిలకడగా ఆడుతోంది. 10 ఓవర్లు ముగిసేసరికి వికెట్లేమీ కోల్పోకుండా 59 పరుగులు సాధించింది.
 ఓపెనర్లు డికాక్ (31), మిల్లార్ (26 పరుగులు చేసి భారీ స్కోరుకు పునాదులు వేసే ప్రయత్నం చేస్తున్నారు. భారత జట్టు కూర్పులో ఒక మార్పు చోటుచేసుకుంది. అమిత్ మిశ్రా బరిలోకి దిగాడు.
 
  


 - మ్యాచ్ వేదికగా నిరసనలకు హార్దిక్ అండ్ కో సన్నాహాలు
 - రాజ్ కోట్ లో మొబైల్ ఇంటర్నెట్ పై నిషేధం
 - అసాధారణ భద్రత నడుమ నేడు భారత్- దక్షిణాఫ్రికా మూడో వన్ డే
 
 రాజ్కోట్: పటేల్ రిజర్వేషన్ ఉద్యమకారుల బెదిరింపుల నేపథ్యంలో ఆదివారం రాజ్ కోట్ లో జరగనున్న భారత్- దక్షిణాఫ్రికా మూడో వన్ డే మ్చాచ్ కు కనీవినీ ఎరుగని రీతిలో భద్రత కల్పించారు. ఇప్పటికే 50 వేల మంది పటేల్ ఉద్యమకారులు మ్యాచ్ టికెట్లు కొనుగోలు చేసినట్లు తెలియరావడంతో అటు పోలీసులు, ఇటు సౌరాష్ట్ర క్రికెటల్ అసోసియేషన్ ను గుబులు వెంటాడుతూనే ఉంది. అయితే ఎట్టిపరిస్థితుల్లోనూ మ్యాచ్ నిరాటంకంగా సాగుతుందని వారు భరోసా ఇస్తున్నారు. పటేల్ ఉద్యమకారులు కూడా ఇంతే గట్టిగా నిరసన తెలుపుతామని ప్రకటించారు.
 
 ముందస్తు చర్యల్లో భాగంగా రాజ్ కోట్ జిల్లా వ్యాప్తంగా మొబైల్ ఇంటర్నెట్ పై పోలీసులు నిషేధం విధించారు. రాత్రి 10 గంటల వరకు ఈ నిషేధం ఉంటుందని తెలిపారు. జిల్లా కేంద్రం శివారులోని ఖందేరీలోగల సౌరాష్ట్రా క్రికెట్ అసోసియేషన్ (ఎస్ సీఏ) స్టేడియానికి ప్రేక్షకులు వచ్చే అన్ని మార్గాల్లో నిఘా పెంచారు. కనీవినీ ఎరుగని రీతిలో నిఘా డ్రోన్ కెమెరాలు, నాలుగు వేల సాయుధబలగాలతో మ్యాచ్ కు భద్రతా ఏర్పాట్లు చేశారు. నేటి మధ్యాహ్నం 1:30 గంటలకు మ్యాచ్ ప్రారంభం కానుంది.
 
 తనతో సహా 50 వేల మంది పటేల్ ఉద్యమకారులు ఇప్పటికే మ్యాచ్ టికెట్లను పొందామని హార్ధిక్ పటేల్ చెప్పారు. ఒకవేళ స్టేడియం లోపలికి తమను అనుమతించకుంటే.. మరో రూపంలో సత్తా చాటేందుకు పటీదార్ అనామత్ ఆందోళన్ సమితి (పాస్) కార్యకర్తలు, పటేల్ కులస్తులంతా సిద్ధంగా ఉన్నారని తెలిపారు. పోలీసుల భద్రతా ఏర్పాట్లలో ముఖ్యాంశాలు..
 
 - ప్రత్యేకంగా రూపొందించిన మూడు డ్రోన్ కెమెరాలతో ప్రేక్షకుల కదలికలపై నిరంతర నిఘా
 
 - స్టేడియం లోపల, వెలుపల 90కిపైగా సీసీ టీవీ కెమెరాల ఏర్పాటు
 
 - రెండు వేల మంది సాధారణ పోలీసులు
 
 - మూడు కంపెనీల స్టేట్ రిజర్వు పోలీస్ ఫోర్స్ (ఎస్ ఆర్ పీఎఫ్) బలగాల మోహరింపు
 
 - ఒక కంపెనీ ర్యాపిడ్ యాక్షన్ ఫోర్స్ (ఆర్ఏఎఫ్)
 
 - మూడు బృందాల క్విక్ రెస్పాన్స్ సెల్ (క్యూఆర్ సీ)
 
 - ఐదుగురు సూపరింటెండెంట్ ల పర్యవేక్షణ
 
 స్టేడియంలో విధులు నిర్వహించే భద్రతా సిబ్బంది ఎవరైనా నిఘాను వదిలేసి మ్యాచ్ ను చూసినట్లయితే వారిపై కఠిన చర్యలు తీసుకుంటామని రాజ్ కోట్ రేంజ్ ఐజీ డీఆర్ పటేల్ స్పష్టం చేశారు. ఎస్ సీఏ సెక్రటరీ నిరంజన్ షా మీడియాతో మాట్లాడుతూ రిజర్వేషన్లపై  క్రికెట్ మ్యాచ్ లో నిరసన తెలపడం సరైన చర్యకాదని, క్రీడలను క్రీడలుగానే చూడాలని అన్నారు. స్టేడియంలో నిరసనలు వద్దని తాను హార్దిక్ పటేల్ కు ఫోన్ చేసి విన్నవించినట్లు తెలిపారు.


 ►మరో విజయంపై భారత్ గురి  
 ► కోహ్లి, రైనాపై దృష్టి
 ► దక్షిణాఫ్రికా కోలుకునేనా!
 ► నేడు రాజ్‌కోట్‌లో మూడో వన్డే
  
  దక్షిణాఫ్రికా చేతిలో వరుసగా మూడు పరాజయాల తర్వాత గెలుపు దక్కడంతో భారత జట్టుపై ఇప్పుడు కాస్త ఒత్తిడి తొలగింది. మొదటి విజయం కోసం తీవ్రంగా శ్రమించిన భారత్... ఇక ఇదే జోరును కొనసాగించాల్సి ఉంది. టీమిండియా    ఏ ఒక్కరి ప్రదర్శనపైనో ఆధార పడకుండా సమష్టిగా ఆడితే సిరీస్‌ను గెలుచుకునే  దిశగా మరో అడుగు ముందుకు వేస్తుంది. గత మ్యాచ్‌లో సునాయాస విజయం చేజారడంతో కాస్త షాక్‌కు గురైన సఫారీలు ఈసారి కోలుకోగలరా నేది ఆసక్తికరం.
  
  రాజ్‌కోట్: వన్డే సిరీస్ సమంగా నిలిచిన స్థితిలో ఇక ఆధిక్యం కోసం భారత్, దక్షిణాఫ్రికా సిద్ధమయ్యాయి. నేడు (ఆదివారం) ఇక్కడ జరిగే మూడో వన్డే మ్యాచ్‌లో ఇరు జట్లు తలపడనున్నాయి. ప్రస్తుతం ఐదు వన్డేల సిరీస్‌లో ఇరు జట్ల 1-1తో ఉండగా... ఈ మ్యాచ్ గెలిస్తే సిరీస్ దక్కించుకునే అవకాశాలు మెరుగవుతాయి. ఈ నేపథ్యంలో బ్యాటింగ్‌కు స్వర్గధామంలాంటి సౌరాష్ట్ర క్రికెట్ సంఘం మైదానంలో హోరాహోరీ పోరు ఖాయం. గత మ్యాచ్‌లో గెలుపుతో ధోని సేనలో ఆత్మవిశ్వాసం పెరిగింది. అటు బ్యాట్స్‌మెన్ వైఫల్యంతో మ్యాచ్ కోల్పోయిన దక్షిణాఫ్రికా దానిని పునరావృతం చేయరాదని పట్టుదలగా ఉంది.
  
  మార్పులు లేకుండానే...
  ఇండోర్‌లో భారత విజయంలో ఆటగాళ్లందరి సమష్టి కృషి ఉంది. కెప్టెన్ ధోని తాను ముందుండి జట్టును నడిపించగా... మిగతావారు అతడిని అనుసరించారు. ధోని ఫామ్ గురించి బెంగ తీరిపోయినా, కోహ్లి, రైనా మాత్రం ఇంకా టచ్‌లోకి రాలేదు. వీరిద్దరు కూడా ఈ మ్యాచ్‌లో చెలరేగితే భారత్‌కు తిరుగుండదు. ఓపెనర్ శిఖర్ ధావన్‌కు ఈ సిరీస్‌కంటే ముందు దక్షిణాఫ్రికాపై మంచి రికార్డు ఉంది. కానీ వరుసగా రెండు మ్యాచ్‌లలో విఫలమైన అతడి నుంచి భారీ ఇన్నింగ్స్ రావాల్సి ఉంది. గత మ్యాచ్‌లో విఫలమైనా, సొంతగడ్డపై దాదాపు 70 సగటు ఉన్న రోహిత్ శర్మ బ్యాటింగ్‌పై ఎలాంటి సందేహాలు లేవు. రహానే కూడా మూడో స్థానంలో వచ్చి వరుసగా రెండు అర్ధ సెంచరీలతో ఆకట్టుకున్నాడు. రెండో వన్డేలో కీలక దశలో వికెట్లు తీసి భారత్‌కు గెలుపు బాట పరచిన అక్షర్ పటేల్‌కు స్థానం ఖాయం కాబట్టి అమిత్ మిశ్రాకు మరోసారి నిరాశ తప్పదు. భువనేశ్వర్ గత మ్యాచ్‌లో ఆకట్టుకోగా, ఉమేశ్ మాత్రం భారీగా పరుగులిచ్చాడు. అయితే తుది జట్టులో ఎలాంటి మార్పులు లేకుండానే భారత్ బరిలోకి దిగే అవకాశం ఉంది.
  
  ఆమ్లా ఫామ్‌పై ఆందోళన...
  సునాయాస లక్ష్యాన్ని ఛేదించడంలో కూడా గత మ్యాచ్‌లో దక్షిణాఫ్రికా బ్యాట్స్‌మెన్ తడబడ్డారు. ముఖ్యంగా స్పిన్‌ను ఎదుర్కోలేక వారు విఫలం కావడం జట్టు మేనేజ్‌మెంట్‌లో ఆందోళన పెంచుతోంది. డివిలియర్స్‌కు ఎప్పుడైనా చెలరేగే సత్తా ఉండగా, డు ప్లెసిస్ ఒక్కడే పూర్తిగా ఫామ్‌లో కనిపిస్తున్నాడు. డుమిని టి20 తరహా ఇన్నింగ్స్ ఆడాల్సి ఉంది. ఘోరంగా విఫలమవుతున్న డేవిడ్ మిల్లర్ జట్టు బలహీనతగా మారాడు. అయితే మరో ప్రత్యామ్నాయ బ్యాట్స్‌మన్ లేక అతణ్ని కొనసాగిస్తున్నారు. అతడిని ఈ మ్యాచ్‌లో పక్కన పెడితే ఆల్‌రౌండర్ మోరిస్‌ను ఆడించే అవకాశముంది.
  
  అయితే అన్నింటికి మంచి ప్రధాన బ్యాట్స్‌మన్ హషీం ఆమ్లా ఫామ్ సఫారీలకు సమస్యగా మారింది. ఈ టూర్‌లో అతను ఒక్క మ్యాచ్‌లోనూ ఆకట్టుకోలేకపోయాడు. మరో 27 పరుగులు చేస్తే వన్డేల్లో 6 వేల పూర్తి చేసుకునే ఆమ్లా ఈ మ్యాచ్‌లోనైనా రాణించాలని జట్టు ఆశిస్తోంది. బౌలింగ్‌లో సీనియర్లు స్టెయిన్, మోర్కెల్‌కంటే కుర్రాడు రబడ ఒక్కసారిగా దూసుకొచ్చి అందరి దృష్టిని ఆకర్షించాడు. భారత బ్యాట్స్‌మెన్‌ను అతడే ఎక్కువగా ఇబ్బంది పెడుతున్నాడు. అయితే తమ అనుభవంతో స్టెయిన్, మోర్కెల్ జట్టును ఆదుకోగలరు. ఇమ్రాన్ తాహిర్ కూడా తన స్పిన్‌తో ప్రత్యర్థిని ఇబ్బంది పెడుతున్నాడు. ఇరు జట్ల బలాబలాలను బట్టి చూస్తే మ్యాచ్ ఆసక్తికరంగా సాగే అవకాశం ఉంది.
  
  మధ్యాహ్నం గం. 1.30 నుంచి
  స్టార్ స్పోర్ట్స్-1లో ప్రత్యక్ష ప్రసారం
  
  పిచ్,  వాతావరణం
  పూర్తిగా బ్యాటింగ్ వికెట్. భారీ స్కోరుకు అవకాశం ఉంది. రాత్రి పూట మంచు ప్రభావం లేదు. రెండున్నరేళ్ల క్రితం ఇక్కడ జరిగిన ఏకైక వన్డేలో మొత్తం 641 పరుగులు నమోదయ్యాయి. వర్షం పడే సూచనలు లేవు.
  
  జట్ల వివరాలు (అంచనా)
  భారత్: ధోని (కెప్టెన్), రోహిత్, ధావన్, రహానే, కోహ్లి, రైనా, హర్భజన్, అక్షర్, భువనేశ్వర్, ఉమేశ్, మోహిత్.
  దక్షిణాఫ్రికా: డివిలియర్స్ (కెప్టెన్), డి కాక్, ఆమ్లా, డు ప్లెసిస్, డుమిని, మిల్లర్, బెహర్దీన్, స్టెయిన్, రబడ, మోర్కెల్, తాహిర్.
  
  గత మ్యాచ్‌లో గెలుపు తర్వాత మా జట్టులో వాతావరణం చాలా బాగుంది. వరుసగా రెండు మ్యాచ్‌లు ఓడితే కోలుకోవడం కష్టమయ్యేది. ధోని బ్యాటింగ్ అందరి ఆత్మవిశ్వాసాన్ని పెంచింది. మా బౌలర్లు కూడా 25-30 బంతులు ఎదుర్కోగలడం మంచి పరిణామం. ఆటగాళ్లు తమకు అప్పగించిన బాధ్యతలు సమర్థంగా నిర్వహిస్తే చాలు. ప్రత్యర్థి జట్టులో ప్రతీ ఒక్కరి కోసం మా వద్ద వ్యూహాలు ఉన్నాయి. చివరి 10 ఓవర్లలో మరో ఫీల్డర్‌ను ఉంచాలనే కొత్త నిబంధన బౌలర్లకు ఎంతో ప్రయోజనకరంగా మారింది. నేను గతంలోలాగా బంతిని స్వింగ్ చేయలేకపోతున్నాననే వాదనను అంగీకరించను. ఐపీఎల్ వల్ల చివరి ఓవర్లలో కూడా బాగా బౌలింగ్ చేయగలుగుతున్నా
 భువనేశ్వర్ కుమార్, భారత బౌలర్
  మా పొరపాట్ల వల్ల భారత్‌కు కోలుకునే అవకాశం ఇచ్చాం. లేదంటే సిరీస్ ఇప్పుడు 2-0తో ఉండేది. విజయంతో ప్రత్యర్థి జట్టు ఆత్మవిశ్వాసం పెరగడం మాకు ఇబ్బంది కలిగించేదే. ఈసారి అలాంటి తప్పులు జరగనివ్వం. స్పిన్‌ను ఆడలేమనడం వాస్తవం కాదు. తొలి వన్డేలో మేం స్పిన్‌ను చక్కగా ఎదుర్కొని 300కు పైగా పరుగులు చేశాం. ఒక్కసారి ఇన్నింగ్స్‌లో జోరు మొదలైతే దానిని ఆపడం ఎవరికైనా కష్టం. మూడో స్థానంలో ఆడుతూ జట్టును గెలిపించే ఇన్నింగ్స్ ఆడాల్సిన బాధ్యత నాపై ఉంది.
 -డు ప్లెసిస్, దక్షిణాఫ్రికా బ్యాట్స్‌మన్
  


 న్యూఢిల్లీ : గుజరాత్లోని రాజ్కోట్లో తన విగ్రహాన్ని ప్రతిష్టించడంపై ప్రధాని నరేంద్ర మోదీ ఆవేదన వ్యక్తం చేశారు. రాజ్కోటలో మద్దతుదారులు తనకు గుడి కట్టారని వార్త చూసి ఒక్కసారిగా షాక్ అయ్యానంటూ ఆయన గురువారం ట్వీట్టర్లో ట్వీట్ చేశారు. తనకు ఆలయం నిర్మించడం  వ్యక్తిగతంగా చాలా బాధించిందని మోదీ అన్నారు.  
 
 ఇటువంటివి భారతీయ సమున్నత సాంప్రదాయాలకు విరుద్ధం అన్నారు.  ఇదా మన సంస్కృతి మనకు నేర్పిందంటూ మోదీ ఈ సందర్భంగా ప్రశ్నించారు.  మీకు తీరిక, సమయం ఉంటే దయచేసి.. మన దేశాన్ని పరిశుభ్రంగా మార్చాలన్న కలను నెరవేర్చడానికి స్వచ్ఛ్ భారత్ కార్యక్రమం చేపట్టాలని  మోదీ తన మద్దతుదారులకు ట్వీట్టర్లో సలహా ఇచ్చారు. ఇటువంటివి మళ్లీ పునరావృతం చేయరాదంటూ సూచించారు.
 
 కాగా, రాజ్‌కోట్‌లోని మోదీ మద్దతుదారులు ఆయన విగ్రహాన్ని ప్రతిష్ఠించి గుడి కట్టారు. ఫిబ్రవరి 16న ఆలయ ప్రతిష్ఠాపన చేయనున్న విషయం తెలిసిందే.


  రాజ్‌కోట్: భారత యువ క్రికెటర్, కింగ్స్ ఎలెవన్ పంజాబ్ బ్యాట్స్‌మన్ చతేశ్వర్ పుజారా బుధవారం తన ఓటు హక్కును వినియోగించుకున్నాడు.
  
  ఇందుకోసం ఐపీఎల్-7లో భాగంగా ఏప్రిల్ 28న బెంగళూరుతో మ్యాచ్ ముగిసిన వెంటనే పంజాబ్ ఫ్రాంచైజీ నుంచి అనుమతి తీసుకొని స్వస్థలమైన రాజ్‌కోట్‌కు వచ్చాడు. ఎన్నికల కమిషన్ తరపున రాజ్‌కోట్ జిల్లాకు బ్రాండ్ అంబాసిడర్‌గా వ్యవహరిస్తున్న పుజారా ఓటు హక్కు వినియోగించుకునేందుకు ఐపీఎల్ నుంచి రావడం స్ఫూర్తిదాయకమని జిల్లా కలెక్టర్ ప్రశంసించారు. మరోవైపు రాయల్ చాలెంజర్స్ బెంగళూరు ఆటగాడు పార్థివ్ పటేల్ కూడా అహ్మదాబాద్‌లో తన ఓటు హక్కును వినియోగించుకున్నాడు.
  


 ఎంతో మందిని తొక్కితే కానీ రాజకీయాల్లో పైకెక్కలేరంటారు. ఈ మాటను అక్షరాలా నమ్మినట్టున్నారు బిజెపి రాజ్ కోట్ ఎంపీ నియోజకవర్గం అభ్యర్థి మోహన్ కుందరియా. అందుకే పసి పిల్లల వీపులపై ఎక్కి తొక్కేశారు.
 
 రాజకోట్ లోని స్వామినారాయణ మందిరంలో పిల్లల కోసం ఒక యోగశిక్షణ శిబిరం ఏర్పాటైంది. బిజెపి అభ్యర్ధి కుందరియా అక్కడికీ వెళ్లారు. ఆయన తాను రాజకీయ యోధాగ్రేసరుడినే కాదు, వ్యాయామ యోగాగ్రేసరుడిని కూడా అని నిరూపించుకునేందుకు తానూ యోగా చేసి చూపించారు.
 
 అంతటితో ఆగకుండా బాలలంతా కలిసి వంతెనగా ఏర్పడితే వారి వీపులు ఎక్కి తొక్కుకుంటూ నడిచేశారు. ఈ సంఘటన ఆదివారం సాయంత్రం జరిగింది. ఇప్పుడు ఆ వీడియో బాగా ప్రచారం పొందడంతో బిజెపి ఇరకాటంలో పడింది. ఎలా సర్ది చెప్పుకోవాలో తెలియక నీళ్లు నములుతోంది.


 గిర్ అడవుల్లో సచిన్ షికారు
  రాజ్‌కోట్: క్రికెట్‌కు వీడ్కోలు పలికిన మాస్టర్ బ్యాట్స్‌మన్ సచిన్ టెండూల్కర్ ఇప్పుడు పూర్తిగా కుటుంబ సభ్యులు, సన్నిహితులకే తన సమయాన్ని కేటాయిస్తున్నాడు. వారితో కలిసి వేర్వేరు ప్రాంతాల్లో షికారు చేస్తున్నాడు. శనివారం సచిన్ తన ఫ్యామిలీతో కలిసి ఆసియా సింహాలకు ప్రసిద్ధికెక్కిన గిర్ అడవులను సందర్శించాడు. అందులో సింహాలు ఎక్కువగా సంచరించే 15 చోట్లకు అధికారులు సచిన్‌ను తీసుకెళ్లారు.
  
  భార్య అంజలి, పిల్లలు అర్జున్, సారాలతో పాటు కొంత మంది స్నేహితులతో కలిసి సచిన్ సౌరాష్ట్ర ప్రాంతంలో రెండు రోజుల సందర్శనకు వచ్చాడు. శుక్రవారం కేంద్ర పాలిత ప్రాంతం డామన్ అండ్ డయ్యుకు అతను వెళ్లాడు. గిర్ అడవుల సందర్శన పట్ల సచిన్ సంతోషం వ్యక్తం చేశాడు. సింహాల సంరక్షణపై శ్రద్ధ తీసుకుంటున్న అధికారులను అభినందించాడు. ‘నాకు ఇదో మంచి అనుభవం. పాఠశాలలో చదువుకునే రోజుల్లో ఈ అడవులు, సింహాల గురించి చదివా. ఇన్నాళ్లకు రాగలిగా. ఇక్కడ సింహాల సంఖ్య ఎక్కువగా ఉండటానికి అధికారుల సమర్థ నిర్వహణే కారణం’ అని వ్యాఖ్యానించాడు.
  


 గుజరాత్ ముఖ్యమంత్రి, బీజేపీ ప్రధాన మంత్రి అభ్యర్థి నరేంద్రమోడీ ఇలాకాలో కాంగ్రెస్ పార్టీ ఉపాధ్యక్షుడు రాహుల్ గాంధీ నేటి నుంచి రెండు రోజులపాటు పర్యటించనున్నారు. గుజరాత్ పర్యటనలో భాగంగా అహ్మాదాబాద్లోని శబర్మతి ఆశ్రమాన్ని ఆయన సందర్శిస్తారు. అనంతరం రాష్ట్రంలోని వివిధ జిల్లాల ఆఫీస్ బేరర్లు, బ్లాక్ కాంగ్రెస్ కమిటీ నేతలతో రాహుల్ భేటీ కానున్నారు.
  
 అలాగే కాంగ్రెస్ పార్టీ అనుబంధ సంస్థ ఎన్ఎస్యూఐ జాతీయ కార్యవర్గ సమావేశంలో పాల్గొని రాహుల్ ప్రసంగిస్తారు. అందులోభాగంగా విద్యార్థి నాయకులు, స్థానిక సంస్థలకు ఎన్నికైన సభ్యులతో రాహుల్ గాంధీ ప్రత్యేకంగా సమావేశం అవుతున్నారు. గుజరాత్ ముఖ్యమంత్రి నరేంద్రమోడీ గతంలో పోటీ చేసిన రాజ్కోట్ శాసనసభ నియోజకవర్గంలోని కాంగ్రెస్ పార్టీ నేతలతోపాటు కార్యకర్తలతో రాహుల్ గాంధీ భేటీ కానున్నారు.