TV
రోబోటిక్స్ ఎక్స్పో పోస్టర్ ఆవిష్కరణ
సిద్దిపేట ఎడ్యుకేషన్: జిల్లా కేంద్రంలోని ప్రభుత్వ డిగ్రీ కళాశాల (అటానమస్)లో భౌతిక శాస్త్ర విభాగం, ఆంత్రప్రెన్యూర్షిప్ డెవలప్మెంట్, ఇన్నోవేషన్ సెల్ సంయుక్తంగా ‘‘ఇన్నోబోట్స్ – ఇన్నోవేషన్ – రోబోటిక్స్ ఎక్స్పో 2026’’ ను ఈ నెల 24న కళాశాలలో నిర్వహించనున్నట్లు ప్రిన్సిపాల్ డాక్టర్ సునీత తెలిపారు. మంగళవారం కళాశాలలో ఎక్స్పోకు సంబంధించిన వాల్ పోస్టర్ను ఆవిష్కరించారు. ఈ సందర్భంగా ఆమె మాట్లాడుతూ.. ప్రపంచం ఎదుర్కొంటున్న సమస్యలకు సాంకేతిక పరిష్కారాలను ప్రతిపాదించే వినూత్న ఆలోచనలు, రోబోటిక్స్ నమూనాలు, సైన్స్ టెక్నాలజీ ప్రాజెక్టులను ఒకే వేదికపై ప్రదర్శించడానికి ఈ ఎక్స్పో అవకాశం కల్పిస్తుందన్నారు. యువతలో సృజనాత్మకత, పరిశోధనాత్మక దృక్పథం, ఆవిష్కరణలపై ఆసక్తిని పెంపొందించడం ఈ కార్యక్రమం ఉద్దేశమన్నారు. ఈ ఎక్స్పోలో పాఠశాల, కళాశాలల విద్యార్థులు, వినూత్న ఆలోచనలతో ఉన్న ప్రజలు పాల్గొనాలన్నారు. కార్యక్రమంలో కోఆర్డినేటర్లు డాక్టర్ మధుసూదన్, డాక్టర్ అయోధ్యరెడ్డి, గురుచరణ్ దాస్, తదితరులు పాల్గొన్నారు.
