TV
వినయంతోనే విద్యకు విలువ
నూజివీడు: విద్యచేత వినయం కలిగినప్పుడే ఆ విద్యకు విలువ ఉంటుందని ప్రముఖ ప్రవచనకారుడు, నైతిక విలువల ప్రభుత్వ సలహాదారు చాగంటి కోటేశ్వరరావు పేర్కొన్నారు. నూజివీడు ట్రిపుల్ ఐటీలో ఆదివారం విద్యార్థుల్లో నైతిక విలువలు అనే అంశంపై నిర్వహించిన కార్యక్రమంలో చాగంటి కోటేశ్వరరావు ముఖ్య అతిథిగా పాల్గొని ప్రసంగించారు. తొలుత కార్యక్రమాన్ని జ్యోతీప్రజ్వలన చేసి ఆయన ప్రారంభించారు. అనంతరం ఆయన విద్యార్థులనుద్ధేశించి మాట్లాడుతూ విద్యార్థులంతా ఉన్నతమైన స్థానాలకు ఎదగాలని ఆకాంక్షించారు. తల్లిదండ్రులు బాధపడేలా ప్రవర్తించకూడదన్నారు. చదువుకున్న వాడికి మాత్రమే ఓర్పు వస్తుందని, ఓర్చుకోగలిగిన వాడే వృద్ధిలోకి వస్తారన్నారు. తాను భరించడం, ఇతరుల్ని క్షమించడం అనే లక్షణాల్ని విద్యార్థులు అలవర్చుకోవాలని, కష్టాలను భరించలేక ఆత్మహత్యకు పాల్పడడం కాకుండా కష్టాల నుంచి పట్టుదలను అలవాటు చేసుకోవాలని సూచించారు. మనకందరికి తెలిసింది సముద్రంలో బిందువుతో సమానమని, మనం తెలుసుకోవలసిన విషయాలు లోకంలో ఎన్నో ఉన్నాయన్నారు. ఎప్పుడూ తన గురించే కాకుండా లోక సంక్షేమం కోసం కూడా ఆలోచించాలన్నారు.
మంచి పుస్తకాలు చదవాలి
ప్రముఖ ప్రవచన కర్త, ప్రభుత్వ సలహాదారు
చాగంటి కోటేశ్వరరావు
