తోడు లేని హీరో!

Arjun Kapoor goes solo! India's Most Wanted to be a single hero film - Sakshi

హీరోయిన్‌ లేకుండా సినిమా అంటే కాస్త ఆలోచించాల్సిన విషయమే. లవ్‌ సీన్స్, డ్యూయెట్స్‌ వగైరాలు లేకుంటే ఏదో వెలితిగా ఉంటుంది. కానీ మా సినిమాలో స్ట్రాంగ్‌ కంటెంట్‌ ఉంది. హీరోయిన్‌ అవసరం లేదంటున్నారట అర్జున్‌ కపూర్‌ అండ్‌ టీమ్‌. రాజ్‌కుమార్‌ గుప్తా దర్శకత్వంలో అర్జున్‌ కపూర్‌ హీరోగా నటిస్తున్న సినిమా ‘ఇండియాస్‌ మోస్ట్‌ వాంటెడ్‌’. ఇందులో అర్జున్‌ కపూర్‌ స్పైగా చేస్తున్నారు.

ఓ మోస్ట్‌ వాంటెడ్‌ టెర్రరిస్ట్‌ను పట్టుకునే పనిలో బిజీగా ఉండే హీరో లైఫ్‌లో లవ్‌ చాప్టరే లేదట. అందుకే ఈ టీమ్‌ హీరోయిన్‌ను వద్దనుకుంటున్నారని బాలీవుడ్‌ టాక్‌. అలా ఈ సినిమాలో అర్జున్‌ ప్రేయసి తోడు లేని హీరో అవుతున్నారు. మరోవైపు అర్జున్‌ నటించిన ‘నమస్తే ఇంగ్లాండ్, సందీప్‌ ఔర్‌ పింకీ ఫరార్‌’ చిత్రాల్లో పరిణీతీ చోప్రా తోడుగా ఉన్నారు. అలాగే ఇప్పుడు అర్జున్‌ నటిస్తున్న ‘పానీపట్‌’లో కృతీసనన్‌ తోడుగా ఉన్న సంగతి తెలిసిందే. అన్నట్లు అర్జున్‌ నిజ జీవితంలోనూ తోడు లేని కుర్రాడే. అదే... ఇంకా పెళ్లి కాలేదని చెబుతున్నాం.

Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top