పరికరాలపై అవగాహన పెంచుకోండి

పరికరాలపై అవగాహన పెంచుకోండి మొయినాబాద్‌రూరల్‌: వ్యవసాయ రంగంలో మహిళలు శారీరక శ్రమను తగ్గించే పరికరాలపై అవగాహన పెంచుకోవాలని అఖిల భారత సమన్వయ పరిశోధన స్థానం పీజేటీఏయూ రాజేంద్రనగర్‌ శాస్త్రవేత్తలు అన్నారు. శుక్రవారం మండల పరిధిలోని అమ్డాపూర్‌ పంచాయతీ ఆవరణలో మహిళా రైతులకు వ్యవసాయంలో శరీరక శ్రమను తగ్గించే పరికరాలపై లక్ష్మీ చెల్లా, ఝాన్సీ సునీత, డాక్టర్‌ శ్వేత అవగాహన కల్పించారు. వారు మాట్లాడుతూ.. పురుగు మందును పిచికారీ సమయంలో రైతులు వేసుకునే రక్షణ, దుస్తులు, వాటి ఉపయోగాలను వివరించారు. ఈ కార్యక్రమంలో సర్పంచ్‌ కృష్ణ, మాజీ సర్పంచ్‌ నర్సింహారెడ్డి, ఉపసర్పంచ్‌ జితేందర్‌రెడ్డి, పంచాయతీ కారోబార్‌ ఆర్‌.గోపాల్‌చారి, నాయకులు ప్రభాకర్‌రెడ్డి, రైతులు శ్రీరాములు, తిరుపతిరెడ్డి, సత్యలింగంగౌడ్‌, శ్రీను పాల్గొన్నారు.