పన్ను చెల్లింపుదారులకు ముఖ్య గమనిక | Sakshi
Sakshi News home page

పన్ను చెల్లింపుదారులకు ముఖ్య గమనిక,‘ఏపీవైలో చేరేందుకు రెండు రోజులే గడువు’

Published Wed, Sep 28 2022 8:12 PM

Taxpayers Have 2 More Days To Join Atal Pension Yojana - Sakshi

ట్యాక్స్‌ పేయర్స్‌కు అలెర్ట్‌. అటల్ పెన్షన్ యోజన (ఏపీవై) సభ్యత్వం పొందేందుకు మరో రెండు రోజుల సమయం మాత్రమే ఉంది. ఈ ఆగస్టు నెలలో కేంద్ర ఆర్థిక మంత్రిత్వ శాఖ ఓ నోటిఫికేషన్ విడుదల చేసింది.

ఆ నోటిఫికేషన్‌ ప్రకారం..అక్టోబర్1, 2022 నుండి ఆదాయపు పన్ను చెల్లింపుదారులు ఏపీవై పథకంలో చేరేందుకు అనర్హులని పేర్కొంది. ఒకవేళ అక్టోబర్ 1, 2022 న లేదా ఆ తర్వాత ధరఖాస్తు చేసుకుంటే లబ్ధి దారుల ఖాతాను మూసివేయడంతో పాటు డిపాజిట్‌ చేసిన మొత్తాన్ని తిరిగి చెల్లిస్తామని ఆ నోటిఫికేషన్‌లో తెలిపింది.

అటల్ పెన్షన్ యోజన పథకంలో సభ్యత్వం ఎలా పొందాలి?

18 సంవత్సరాల నుంచి 40 సంవత్సరాల మధ్య వయస్సు గల భారతీయ పౌరులు (తక్కువ, ఎగువ పరిమితులతో సహా) ఈ పథకంలో చేరేందుకు అర్హులు. ఆన్‌లైన్ లేదా ఆఫ్‌లైన్ మోడ్ ద్వారా చేయొచ్చు. అలాగే, ఏపీవై  ఖాతాలో జీవిత భాగస్వామి వివరాలు, నామినేషన్‌ను అందించడం తప్పనిసరి.

 మీ సేవింగ్స్ ఖాతా ఉన్న బ్యాంక్ బ్రాంచ్‌లో అటల్‌ పెన్షన్‌ యోజన రిజిస్ట్రేషన్ ఫారమ్‌ను పూర్తి చేయండి. 

► ఖాతా నంబర్, ఆధార్ నంబర్, మొబైల్ నంబర్ మొదలైన వాటితో సహా అవసరమైన వివరాలను అందించండి. నమోదు కోసం, ఆధార్ ప్రాథమికంగా మీ కస్టమర్‌ను తెలుసుకోండి (కేవైసీ).  

 ఏపీవై ఖాతా తెరిచిన తర్వాత..అందులో తగినంత సొమ్మును డిపాజిట్‌ చేయాల్సి ఉంటుంది. ఇందుకోసం మీ సేవింగ్‌ అకౌంట్‌లో అవసరమైన బ్యాలెన్స్ ఉండేలా చూసుకోవాలి.

Advertisement
 
Advertisement
 
Advertisement