IPL 2026: రుతురాజ్‌ కెప్టెన్‌ ఇన్నింగ్స్‌.. సీఎస్‌కే స్కోరెంతంటే?

ఐపీఎల్‌-2026 సీజ‌న్‌లో చెన్నై సూప‌ర్ కింగ్స్ కెప్టెన్ రుతురాజ్ గైక్వాడ్ ఎట్ట‌కేల‌కు త‌న ఫామ్‌ను అందుకున్నాడు. ఈ లీగ్‌లో భాగంగా చెపాక్ వేదిక‌గా గుజ‌రాత్‌ టైటాన్స్‌తో జ‌రుగుతున్న మ్యాచ్‌లో రుతురాజ్ హాఫ్ సెంచ‌రీతో స‌త్తాచాటాడు. ఓ వైపు క్ర‌మం త‌ప్ప‌కుండా వికెట్లు కోల్పోతున్న‌ప్ప‌టికి రుతురాజ్ మాత్రం ఆచితూచి త‌మ జ‌ట్టుకు గౌర‌వ‌ ప్ర‌ద‌మైన స్కోర్‌ను అందించాడు.

60 బంతులు ఎదుర్కొన్న గైక్వాడ్‌.. 6 ఫోర్లు, 4 సిక్స్‌లతో 74 పరుగులు చేశాడు. అతడితో పాటు జేమీ ఓవర్టన్‌(6 బంతుల్లో 18) ఆఖరిలో మెరుపులు మెరిపించాడు. ఫలితంగా టాస్‌ ఓడి తొలుత బ్యాటింగ్‌ చేసిన సీఎస్‌కే నిర్ణీత 20 ఓవర్లలో 7 వికెట్ల నష్టానికి 158 పరుగులు చేసింది.

గుజరాత్‌ బౌలర్లలో రబాడ మూడు, అర్షద్‌ ఖాన్‌, సుత్తార్‌, సిరాజ్‌ తలా వికెట్‌ సాధించారు. గత మ్యాచ్‌లో సెంచరీతో సత్తాచాటిన సంజూ సంశాన్‌.. గుజరాత్‌పై మాత్రం 11 పరుగులు చేసి ఔటయ్యాడు.