అలా.. మొదలైంది!

పదో తరగతి వరకు నా చదువు ఐదు పాఠశాలల్లో కొనసాగింది. ఒకటో తరగతి ప్రకాశం జిల్లా మార్కాపురంలో, 2, 3వ తరగతులు కర్నూలు జిల్లా కోయిలకుంట్ల, 4, 5వ తరగతి నంద్యాల జిల్లా రేవనూరు, ఆరో తరగతి కడపలో పూర్తిచేయగా, 7 నుంచి 10వ తరగతి వరకు కర్నూలు జిల్లా నందికొట్కూరులో చదివా. ఏటా వేసవి సెలవుల్లో ఆనందంగా గడిపేది. మళ్లీ కొత్త తరగతిలో మొదటి రోజు వెళ్లాలంటే కాస్త బెరుకు కంటే స్నేహితులు కలుస్తారన్న ఆనందమే ఎక్కువగా ఉండేది. ఆ రోజులు తలుచుకుంటే ఇప్పటికీ సంతోషం అనిపిస్తుంది. స్నేహితులందరం కలిసి నడిచి స్కూల్‌కి వెళ్లేవాళ్లం. విద్యాభ్యాసమంతా బాలికల స్కూళ్లలోనే కొనసాగింది. స్కూల్‌లో చదివేటప్పుడు ఎన్‌సీసీలో ఉత్సాహంగా ఉండేదాన్ని. ఉపాధ్యాయులు చాలా శ్రద్ధ తీసుకుని చదువు చెప్పేవారు.

– డాక్టర్‌ మట్టా రాగమయి, సత్తుపల్లి

వేసవి సెలవుల అనంతరం సోమవారం నుంచి నూతన విద్యా సంవత్సరం మొదలవుతోంది. ఈ క్రమాన పిల్లలు పాఠశాలలకు వెళ్లేందుకు సిద్ధమవుతున్నారు. కొందరు ఈసారే పాఠశాల బాట పట్టనుండగా.. ఇంకొందరు కొత్త తరగతిలోకి వెళ్లనున్నారు. ఈ క్రమాన ఉమ్మడి జిల్లాలోని పలు శాఖల ఉన్నతాధికారులను వారి ‘బడి’ జ్ఞాపకాలపై ఆరా తీయగా

ఆ సంగతులన్నీ ఆసక్తిగా వివరించారు.

–ఖమ్మంమయూరిసెంటర్‌ / ఖమ్మంవ్యవసాయం / సత్తుపల్లిటౌన్‌ / భద్రాచలంఅర్బన్‌

‘బడి బాట’ జ్ఞాపకాల్లో అధికారులు