సాక్షి, అమరావతి: చంద్రబాబు బృందం కుట్రపూరిత రాజకీయాలతో నిలిచిపోయిన ఖరీఫ్‌ 2023 కరువు సాయం, మిచాంగ్‌ తుపాన్‌ పంట నష్ట పరిహారం (ఇన్‌పుట్‌ సబ్సిడీ) రైతుల ఖాతాల్లోకి జమ చేసేందుకు ప్రభుత్వం సిద్ధమైంది. పోలింగ్‌ ముగిసే వరకు డీబీటీ పథకాల చెల్లింపులపై ఎన్నికల కమిషన్‌ విధించిన ఆంక్షలను ఎత్తివేయడంతో నేటి నుంచి ఇన్‌పుట్‌ సబ్సిడీ జమ చేసేందుకు ఏర్పాట్లు చేస్తున్నారు. ఆరు ప్రామాణికాల ఆధారంగా అంచనా దేశవ్యాప్తంగా నెలకొన్న వర్షాభావ పరిస్థితులు గతేడాది ఖరీఫ్‌ సీజన్‌లో సాగుపై కొంత మేర ప్రభావం చూపాయి. వర్షపాతం, సాగు విస్తీర్ణం, ఉపగ్రహ ఆధారిత పంటల పరిస్థితి, వాగు ప్రవాహం, భూగర్భ జల స్థాయిలు, జలాశయాల స్థాయి లాంటి ఆరు ప్రామాణికాల ఆధారంగా ఏడు జిల్లాల్లో 103 మండలాలను కరువు మండలాలుగా ప్రకటించారు. 14,24,245 ఎకరాల్లో పంటలు దెబ్బ తిన్నట్లు నిబంధనల మేరకు లెక్క తేల్చారు. ఇందులో ఉద్యాన పంటల విస్తీర్ణం 92,137 ఎకరాలు కాగా వ్యవసాయ పంటలు 13,32,108 ఎకరాలున్నాయి.ఆర్బీకేల్లో జాబితాలు ఇక రబీ 2023–24 సీజన్‌ ఆరంభంలో మిచాంగ్‌ తుపాన్‌ ప్రభావంతో కురిసిన భారీ వర్షాలతో 6,64,380 ఎకరాల్లో పంటలు దెబ్బ తిన్నట్లు గుర్తించారు. ఇందులో 64,695 ఎకరాల్లో ఉద్యాన పంటలు, 5,99,685 ఎకరాలు వ్యవసాయ పంటలున్నాయి. ఈ నేపథ్యంలో కరువు ప్రభావంతో ఖరీఫ్‌లో పంటలు నష్టపోయిన 6,95,897 మంది రైతులకు రూ.847.22 కోట్లు, మిచాంగ్‌ తుపాన్‌తో నష్టపోయిన 4,61,337 మంది రైతులకు రూ.442.36 కోట్లు చొప్పున 11.57 లక్షల మందికి రూ.1,289.58 కోట్లు పెట్టుబడి రాయితీగా లెక్కతేల్చారు. సామాజిక తనిఖీల్లో భాగంగా అర్హుల జాబితాలను ఆర్బీకేల్లో ప్రదర్శించారు.మోకాలొడ్డిన బాబు బృందం కరువు సాయంతో పాటు మిచాంగ్‌ తుపాన్‌ పరిహారం చెల్లింపుల కోసం రాష్ట్ర ప్రభుత్వం మార్చిలోనే ఏర్పాట్లు చేసింది. అయితే ఎన్నికల షెడ్యూల్‌ విడుదలైందంటూ చంద్రబాబు బృందం ఈసీకి ఫిర్యాదు చేసి నిధుల విడుదలను అడ్డుకుంది. ఖరీఫ్‌ వేళ రైతులకు సాయం అందకుండా మోకాలొడ్డింది. పోలింగ్‌ ముగిసే వరకు ఇతర డీబీటీ పథకాలతో పాటు రైతులకు జమ చేయాల్సిన ఇన్‌పుట్‌ సబ్సిడీ చెల్లింపులపై ఎన్నికల కమిషన్‌ ఆంక్షలు విధించింది. దీంతో బాధిత రైతులు హైకోర్టును ఆశ్రయించి ఇన్‌పుట్‌ సబ్సిడీ చెల్లించేందుకు మినహాయింపు ఇవ్వాలని అభ్యర్థించారు. ఈ క్రమంలో మే 10వతేదీన జమ చేసేందుకు చర్యలు తీసుకోవాలని హైకోర్టు ఆదేశించినా ఒత్తిళ్లకు తలొగ్గి వివరణల సాకుతో ఎన్నికల కమిషన్‌ తాత్సారం చేయడంతో నిధులు జమ కాలేదు. తాజాగా పోలింగ్‌ ప్రక్రియ ముగియడంతో డీబీటీ పథకాల లబ్దిదారులకు నగదు బదిలీపై ఆంక్షలను ఎన్నికల కమిషన్‌ సడలించింది. రైతులకు ఇన్‌పుట్‌ సబ్సిడీ చెల్లించేందుకు గ్రీన్‌ సిగ్నల్‌ ఇవ్వడంతో పెట్టుబడి రాయితీ జమ చేసేందుకు మార్గం సుగమమైంది.అర్హులైన రైతుల ఖాతాల వారీగా బిల్లులు జనరేట్‌ చేస్తున్నారు. రెండు మూడు రోజుల్లో 11.57 లక్షల మందికి రూ.1,289.58 కోట్లు జమ చేసేందుకు ఏర్పాట్లు చేస్తున్నారు. తాజా మొత్తంతో కలిపి ఐదేళ్లలో వైపరీత్యాల వల్ల నష్టపోయిన 34.41 లక్షల మంది రైతులకు రూ.3,261.60 కోట్లు పెట్టుబడి రాయితీగా అందించినట్లవుతుంది.

సాక్షి, అమరావతి : రైతులకు ఇన్‌పుట్‌ సబ్సిడీ, విద్యార్థులకు విద్యాదీవెన, మహిళలకు వైఎస్సార్‌ ‘చేయూత’ నిధులను పంపిణీ చేసేందుకు ఎన్నికల సంఘం (ఈసీ) అనుమతి నిరాకరించడాన్ని సవాలుచేస్తూ రైతులు, విద్యార్థులు, ఓ గృహిణి హైకోర్టును ఆశ్రయించారు. ఎన్నికలు పూర్తయ్యేంత వరకు ఇన్‌పుట్‌ సబ్సిడీ, విద్యాదీవెన, వైఎస్సార్‌ చేయూత నిధుల పంపిణీని వాయిదా వేయాలంటూ ఈసీ ఈ నెల 4న జారీచేసిన లేఖను రద్దుచేయాలని కోరుతూ అనంతపురం, గుంటూరు, పల్నాడు జిల్లాలకు చెందిన రైతులు, విద్యార్థులు, ఓ గృహిణి హైకోర్టులో వేర్వేరు పిటిషన్లు దాఖలు చేశారు. విద్యాదీవెన కింద రూ.610.79 కోట్ల నిధులను తక్షణమే పంపిణీ చేసేందుకు ఆదేశాలు జారీచేయాలని కోరుతూ గుంటూరు, అడవి తక్కెళ్లపాడుకు చెందిన బంకా అరుణ్, పల్నాడు, గుడిపాడుకు చెందిన పఠాన్‌ సూరజ్‌లు ఓ వ్యాజ్యం దాఖలు చేశారు. అలాగే, ఇన్‌పుట్‌ సబ్సిడీ కింద రైతులకు ఇవ్వాల్సిన రూ.847.22 కోట్లనూ పంపిణీ చేసేందుకు అనుమతి నిరాకరిస్తూ ఎన్నికల కమిషన్‌ ఏప్రిల్‌ 30న జారీచేసిన లేఖను సైతం రద్దుచేసి, తక్షణమే ఇన్‌పుట్‌ సబ్సిడీ నిధులను పంపిణీ చేసేందుకు ఆదేశాలివ్వాలంటూ అనంతపురం జిల్లాకు చెందిన యల్లక్కగారి నారాయణ, గాజుల శ్రీనివాసులు మరో వ్యాజ్యం దాఖలు చేశారు.అంతేకాక.. ‘చేయూత’ నిధులనూ పంపిణీ చేసేలా ఆదేశాలివ్వాలంటూ గుంటూరు, భారత్‌పేటకు చెందిన గృహిణి కె. శాంతకుమారి మరో వ్యాజ్యం దాఖలు చేశారు. ఈ మూడింటిపై అత్యవసరంగా లంచ్‌మోషన్‌ రూపంలో విచారణ జరపాలని పిటిషనర్ల తరఫున సీనియర్‌ న్యాయవాది సీవీ మోహన్‌రెడ్డి, న్యాయవాది వీఆర్‌ రెడ్డి న్యాయమూర్తి జస్టిస్‌ బొప్పూడి కృష్ణమోహన్‌ను కోరారు. ఈ అభ్యర్థనను మన్నించిన న్యాయమూర్తి విచారణకు అంగీకరించారు. అనంతరం మ.3 గంటలకు విచారణ చేపట్టారు.ప్రభుత్వ వినతిని పరిశీలిస్తాం..ఎన్నికల సంఘం తరఫున సీనియర్‌ న్యాయవాది అవినాష్‌ దేశాయ్‌ వాదనలు వినిపిస్తూ.. ఎన్నికల కోడ్‌కు లోబడే నిర్ణయం తీసుకున్నామని చెప్పారు. ఇన్‌పుట్‌ సబ్సిడీ, విద్యా దీవెన పథకం కింద నిధుల పంపిణీని ఎందుకు ఆపామో కారణాలను కూడా తెలియజేశామన్నారు. ఇన్‌పుట్‌ సబ్సిడీ, విద్యా దీవెన నిధుల పంపిణీ విషయంలో ఎన్నికలు పూర్తయ్యేవరకు ఎందుకు ఆగలేరో వివరిస్తూ రాష్ట్ర ప్రభుత్వం తమకు వినతిపత్రం సమర్పిస్తే, దానిని పరిశీలించి తగిన నిర్ణయం వెలువరిస్తామని హైకోర్టుకు వివరించారు. అవసరమైతే ఆ నిర్ణయాన్ని పునఃపరిశీలిస్తామని తెలిపారు. ఇలా.. అందరి వాదనలు విన్న న్యాయమూర్తి, అవినాష్‌ చెప్పిన వివరాలనూ పరిగణనలోకి తీసుకున్నారు. రాష్ట్ర ప్రభుత్వం తాజాగా సమర్పించే వినతిపై తీసుకున్న నిర్ణయాన్ని తగిన ప్రొసీడింగ్స్‌ ద్వారా కోర్టు ముందుంచాలని కేంద్ర ఎన్నికల సంఘాన్ని ఆదేశించింది. తదుపరి విచారణను గురువారం 9వ తేదీ ఉ.10.30కు వాయిదా వేస్తూ జస్టిస్‌ కృష్ణమోహన్‌ ఉత్తర్వులు జారీచేశారు. విద్యాదీవెనకూ బ్రేక్‌.. విద్యార్థులు అప్పులబాటఇక ఆర్థికంగా వెనుకబడిన విద్యార్థులను ఆదుకునేందుకు రాష్ట్ర ప్రభుత్వం విద్యాదీవెన పథకం కింద ఫీజు రీయింబర్స్‌మెంట్, స్కాలర్‌షిప్పులు ఇస్తోందని సీవీ మోహన్‌రెడ్డి వివరించారు. యువతను విద్యాపరంగా ప్రోత్సహించి, వాళ్ల కాళ్లపై వాళ్లు నిలబడేలా చేయాలన్న ఉద్దేశంతో 2019లో ప్రభుత్వం ఈ విద్యాదీవెన పథకాన్ని తీసుకొచ్చిందన్నారు. దీని కింద మార్చి 1 నాటికి రూ.708 కోట్లను విద్యార్థులు, వారి తల్లుల జాయింట్‌ అకౌంట్లలో జమచేయాల్సి ఉందన్నారు. అక్టోబర్, నవంబరు, డిసెంబరు నెలలకు ఈనిధులను చెల్లించాల్సి ఉందన్నారు. ఇందులో కేవలం 97.89 కోట్లు మాత్రమే పంపిణీ చేశారని.. మిగిలిన 610.79 కోట్ల పంపిణీకి ఎన్నికల సంఘం అనుమతిని నిరాకరించిందన్నారు. విద్యాదీవెన నిధులపై ఆధారపడి చదువుకునే విద్యార్థులు తీవ్రంగా ప్రభావితం అవుతున్నారని మోహన్‌రెడ్డి వివరించారు. సకాలంలో నిధులు అందకపోతే చదువును కొనసాగించేందుకు విద్యార్థులు అప్పులుచేయాల్సి వస్తుందన్నారు. ఈ విషయాలను పరిగణనలోకి తీసుకుని నిలిపివేసిన నిధులను తక్షణమే పంపిణీకి ఆదేశాలు జారీచేయాలని ఆయన కోర్టును కోరారు. అలాగే.. వైఎస్సార్‌ చేయూత పథకం కింద నిధుల పంపిణీని కూడా ఈసీ నిలిపేసిన విషయాన్ని మరో న్యాయవాది వీఆర్‌ రెడ్డి కోర్టు దృష్టికి తీసుకొచ్చారు. కోడ్‌ అమల్లోకి రావడానికి ముందునుంచే ఈ పథకం అమలవుతోందన్నారు. ఈసీ నిర్ణయంతో ఎందరో మహిళలు ఇబ్బంది పడుతున్నారని తెలిపారు.కొత్త పథకాలకే కోడ్‌ వర్తిస్తుంది..రాష్ట్ర ప్రభుత్వం తరఫున అడ్వొకేట్‌ జనరల్‌ (ఏజీ) ఎస్‌. శ్రీరామ్‌ వాదనలు వినిపిస్తూ.. ఇన్‌పుట్‌ సబ్సిడీ, విద్యాదీవెన కొత్త పథకాలు కావని, ప్రభుత్వం ఎప్పటి నుంచో అమలుచేస్తున్నవేనన్నారు. కరువు మండలాల గుర్తింపు, లబ్ధిదారుల గుర్తింపు ఎప్పుడో జరిగిందన్నారు. మొత్తం 6.95 లక్షల మంది రైతులను గుర్తించామని, అందుకు అవసరమైన మొత్తాలను సైతం సిద్ధంచేశామని ఆయన చెప్పారు. ప్రభుత్వ ప్రధాన కార్యదర్శి నేతృత్వంలోని స్క్రీనింగ్‌ కమిటీ ఈ పథకాల కింద లబ్ధిదారులకు నిధుల పంపిణీ ఎంత అవసరమో వివరిస్తూ ఈసీకి ప్రతిపాదనలు పంపిందని తెలిపారు. సాధారణంగా కొత్త పథకాలకు ఎన్నికల నియమావళి వర్తిస్తుందన్నారు. గతంలో ఇంటింటికీ రేషన్‌ సరఫరాను రాష్ట్ర ఎన్నికల సంఘం అడ్డుకుందని, దీనిపై హైకోర్టు జోక్యం చేసుకుందన్నారు. ఆ పథకం కొత్త పథకం కాదని, అప్పటికే కొనసాగుతున్న పథకమని హైకోర్టు గుర్తుచేసిందని ఆయన న్యాయమూర్తి దృష్టికి తీసుకొచ్చారు.రైతుల ఇబ్బందులను పరిగణనలోకి తీసుకోలేదుపిటిషనర్ల తరఫున మోహన్‌రెడ్డి వాదనలు వినిపిస్తూ.. ప్రకృతి విపత్తుల కారణంగా పంట కోల్పోయిన రైతులను ఆదుకునేందుకు రాష్ట్ర ప్రభుత్వం ఇన్‌పుట్‌ సబ్సిడీ కింద సాయం అందిస్తోందన్నారు. ప్రభుత్వం అందించే ఇన్‌పుట్‌ సబ్సిడీవల్ల రైతులు కోలుకుని తిరిగి వ్యవసాయ పనులు కొనసాగించుకునేందుకు ఆస్కారం కల్పిస్తుందన్నారు. కష్టాల్లో ఉన్న రైతులను ఆదుకోవాలన్నదే రాష్ట్ర ప్రభుత్వ ప్రధాన ఉద్దేశమని, అందులో భాగంగానే ఇన్‌పుట్‌ సబ్సిడీ అందిస్తోందన్నారు. నిజానికి.. 2023 ఖరీఫ్‌లో కరువువల్ల పంట నష్టపోయిన రైతులను ఆదుకునేందుకు రూ.847.22 కోట్లను ఇన్‌పుట్‌ సబ్సిడీ కింద ఇవ్వాలని నిర్ణయించిందన్నారు. అయితే, ఎన్నికల కోడ్‌ అమల్లో ఉండటంతో స్క్రీనింగ్‌ కమిటీ ఇన్‌పుట్‌ సబ్సిడీ నిధుల పంపిణీ కోసం ఈసీ అనుమతి కోరిందన్నారు. కానీ, అందుకు ఈసీ అనుమతిని నిరాకరిస్తూ ఈనెల 30న లేఖ జారీచేసిందన్నారు. నిధుల పంపిణీని ఎన్నికలు పూర్తయ్యే వరకు ఆపిందన్నారు. రానున్న సీజన్‌కు విత్తనాలు కొనుగోలు చేసి నాట్లు వేసుకోవాల్సి ఉంటుందని.. అందువల్ల ఇన్‌పుట్‌ సబ్సిడీ పంపిణీలో ఏదైనా జాప్యం జరిగితే అది రైతులపై తీవ్ర ప్రభావం చూపుతుందని సీవీ మోహన్‌రెడ్డి వివరించారు. వర్షాలకు ముందే పంట భూములను సిద్ధంచేసుకోవాల్సి ఉంటుందన్నారు. దీనిని మధ్యలో ఇలా ఆపేయడంవల్ల ఎదురయ్యే పర్యవసానాల గురించి ఎన్నికల కమిషన్‌ ఆలోచించలేదన్నారు. దీనివల్ల రైతులు, వ్యవసాయ కార్యకలాపాలపై ఆధారపడి జీవిస్తున్న వారు తీవ్రంగా ప్రభావితమవుతారని తెలిపారు. అందువల్ల ఈ వ్యవహారంలో జోక్యం చేసుకోవాలని ఆయన కోర్టును కోరారు.

సాక్షి, అమరావతి: వర్షాభావ పరిస్థితుల వల్ల ఖరీఫ్‌–2023లో ఏర్పడిన కరువు సాయంతో పాటు రబీ సీజన్‌ ఆరంభంలో గతేడాది డిసెంబర్‌లో సంభవించిన మిచాంగ్‌ తుపాన్‌ వల్ల పంటలు దెబ్బతిన్న రైతులకు పెట్టుబడి రాయితీ(పంట నష్టపరిహారం)ని ఏపీ ప్రభుత్వం విడుదల చేసింది. ఈ విపత్తుల వల్ల నష్టపోయిన 11.59 లక్షల మంది రైతుల ఖాతాలకు రూ. 1,294.58 కోట్ల పరిహారాన్ని ముఖ్యమంత్రి వైఎస్‌ జగన్‌మోహన్‌రెడ్డి బుధవారం తాడేపల్లి క్యాంప్‌ కార్యాలయం నుంచి బటన్‌ నొక్కి జమ చేశారు. ఈ సందర్భంగా సీఎం జగన్‌ మాట్లాడుతూ, ఖరీఫ్‌ వర్షాభావం వల్ల, మిచాంగ్‌ తుపాను వల్ల నష్టపోయిన రైతులకు సీజన్‌ మగిసేలోగా రైతన్నలకు తోడుగా, అండగా ప్రభుత్వం ఉంటుందనే భరోసాను కల్పిస్తూ అడుగులు ముందుకేస్తున్నామన్నారు. రైతులకు నష్టం జరిగితే ప్రభుత్వాలు ఇంత క్రమం తప్పకుండా, పారదర్శకంగా చేయాల్సిన మంచి రాష్ట్రంలో ఎప్పుడూ చేయలేదు. మొట్టమొదటి సారిగా పరిస్థితులు మార్చాం. గ్రామస్థాయిలో ఆర్బీకేలు, సచివాలయాలు ఏర్పాటు చేశామని పేర్కొన్నారు. సీఎం జగన్‌ ఇంకా ఏమన్నారంటే.. ►సాగుచేసిన ప్రతి ఎకరాకూడా ఇ-క్రాప్‌ కింద నమోదు చేస్తున్నాం ►ఎవరు ఎంత సాగు చేశారు? ఏ పంట వేశారనే పూర్తి డేటా అందుబాటులోకి వస్తోంది ►రైతులు ప్రకృతివైపరీత్యాల కారణంగా నష్టపోతే వారి జాబితాను సచివాలయాల్లో ప్రదర్శిస్తున్నాం ►ఇలాంటి గొప్ప వ్యవస్థ గ్రామస్థాయిలోకి వచ్చింది ►అవినీతికి, వివక్షకు తావులేకుండా పూర్తి పారదర్శకంగా ప్రతి రైతుకు అందాల్సిన సహాయాన్ని సకాలంలో అందిస్తున్నాం ►మన ప్రభుత్వం రైతు పక్షపాత ప్రభుత్వం ►దీనికి నేను చాలా సంతోషిప్తున్నాను, ఆనందపడుతున్నాను ►ప్రభుత్వం తోడుగా నిలబడుతుందనే నమ్మకాన్ని కలిగించాం ►తుపాను కారణంగా రంగు మారిన ధాన్యాన్ని, తడిసిన ధాన్యాన్ని వెనువెంటనే కొనుగోలు చేశాం ►రైతులు నష్టపోకుండా అలాంటి ధాన్యాన్ని కూడా కొనుగోలు చేసి ఆదుకున్నాం ►3.25లక్షల టన్నుల రంగుమారిన, తడిసన ధాన్యాన్ని కొనుగోలు చేశాం ►అన్నిరకాలుగా ఈ ప్రభుత్వం తోడుగా నిలిచి, అందాల్సిన సహాయాన్ని సమయానికే ఇస్తామన్న భరోసాను కల్పించాం ►వర్షాభావం, తుపాను వల్ల నష్టపోయిన రైతులకు సుమారుగా రూ.1300 కోట్లు ఇన్‌పుట్‌ సబ్సిడీ కింద ఇస్తున్నాం ►మొట్టమొదటి సారిగా ఈ 58 నెలల కాలంలో ఉచిత బీమా కింద రూ. 7,802 కోట్లు రైతులకు చెల్లించాం ►గత ఐదేళ్లతో పోలిస్తే రూ. 3,411 కోట్లు మాత్రమే రైతులకు బీమా ఇచ్చారు ►ఆ ఐదేళ్లలో ప్రతి ఏటా కరువు వస్తున్నా కేవలం 30 లక్షలమంది రైతులకు మాత్రమే 3,411 కోట్లు మాత్రమే ఇచ్చారు ►ఈ సంవత్సరంలో కాస్త వర్షాభావ పరిస్థితులు తప్పిస్తే ప్రతిఏటా కూడా మంచి వర్షాలు పడ్డాయి ►నాలుగేళ్లకాలంలో ఒక్క మండలాన్నికూడా కరువు మండలంగా ప్రకటించాల్సిన అవసరం రాలేదు ►అలాంటి పరిస్థితుల్లో కూడా 54 లక్షలమందికిపైగా రైతులకు బీమాను అందించిన తోడుగా నిలిచాం ►ఇ-క్రాప్‌ చేసి రైతులకు ఆటోమేటిక్‌గా ఉచిత పంట బీమాను అందిస్తున్నాం ►ఈ 58 నెలల కాలంలో కొత్త ఒరవడిని తీసుకు రాగలిగాం ►పెట్టుబడి సహాయంగా ఏటా రూ.13500 ఇస్తున్నాం ►గతంలో ఎప్పుడూ కూడా ఇలా చేయలేదు  ►63 శాతం మంది రైతులకు అర హెక్టారు కన్నా తక్కువ భూమిమాత్రమే ఉంది ►87 శాతం మంది రైతులకు హెక్టారులోపే భూమి ►తాజాగా సబ్‌ డివిజన్లు జరిగిన తర్వాత వచ్చిన డేటా ఇది ►క్రమం తప్పకుండా వీరికి రైతు భరోసా అందుతోంది ►ఈ ఏడాది వర్షాభావ పరిస్థితులు వల్ల కరువు మండలాలను ప్రకటించాం ►వారికి కూడా ఇన్‌పుట్‌ సడ్సిడీ ఇస్తున్నాం ►అలాగే తుపాన్‌ కారణంగా నష్టపోయిన వారికి కూడా ఇన్‌పుట్‌ సబ్సిడీ విడుదలచేస్తున్నాం ►వీరందరికీ కూడా ఈ జూన్‌లో బీమా డబ్బు కూడా చెల్లిస్తాం ►రైతులు ఎక్కడా కూడా నష్టపోకూడదనే ఉద్దేశంతో ప్రత్యామ్నాయ పంటల వేసుకునేందుకు సబ్సిడీపై విత్తనాలు కూడా అందుబాటులోకి తీసుకురావడం జరిగింది ►ఉలవలు, కంది, రాగి, మొక్కజొన్న, పొద్దు తిరుగుడు, జొన్న లాంటి పంటలకు సంబంధించి విత్తనాలు పంపిణీ చేశాం ►తుపాను వల్ల డిసెంబర్‌ 4న రైతులకు నష్టం జరిగితే డిసెంబర్‌ 8 కల్లా వారికి సబ్సిడీపై విత్తనాలు ఆర్బీకేల ద్వారా పంపిణీ చేశాం ►ఈ ప్రభుత్వం రైతు ప్రభుత్వం.. ఎలాంటి ఇబ్బంది వచ్చినా వెంటనే స్పందించి తగిన విధంగా తోడుగా నిలుస్తుంది

సాక్షి, అమరావతి:  దేశవ్యాప్తంగా తీవ్ర వర్షాభావం కారణంగా 2023 ఖరీఫ్‌ సీజన్‌లో ఏర్పడిన కరువుతో పాటు 2023–24 రబీ సీజన్‌ ఆరంభంలో మిచాంగ్‌ తుపాన్‌తో పంటలు కోల్పోయిన రైతులకు పంట నష్టపరిహారం (ఇన్‌పుట్‌ సబ్సిడీ) అందించేందుకు రాష్ట్ర ప్రభుత్వం సన్నద్ధమైంది. ఈ రెండు విపత్తుల వల్ల నష్టపోయిన 11.59 లక్షల మంది రైతులకు రూ.1,294.58 కోట్లు అందించేందుకు ఏర్పాట్లు చేసింది. ఈమేరకు ఈ నెల 6వ తేదీన తాడేపల్లి క్యాంపు కార్యాలయం నుంచి ముఖ్యమంత్రి వైఎస్‌ జగన్‌మోహన్‌రెడ్డి బటన్‌ నొక్కి బాధిత రైతుల ఖాతాలకు నేరుగా సాయాన్ని జమ చేయనున్నారు. వైఎస్సార్‌ రైతు భరోసాతో పాటు సున్నా వడ్డీ రాయితీ కింద రైతన్నలకు రూ.1,294.34 కోట్లు అందించి వారం తిరగకముందే మరోసారి అన్నదాతలకు అండగా నిలిచేందుకు ప్రభుత్వం సిద్ధమైంది.  ఆరు ప్రామాణికాల ఆధారంగా కరువు మండలాలు ప్రకృతి వైపరీత్యాల వేళ పంటలు కోల్పోయిన రైతులకు ఆ సీజన్‌ ముగియకుండానే పరిహారాన్ని అందజేస్తూ ఐదేళ్లుగా సీఎం జగన్‌ ప్రభుత్వం అండ­గా నిలుస్తోంది. పైసా కూడా బకాయి పెట్టకూ­డదన్న సంకల్పంతో ఏ సీజన్‌లో జరిగిన నష్టాన్ని అదే సీజన్‌ ముగిసేలోగా అందజేస్తోంది. వర్షాభా­వంతో గతేడాది ఖరీఫ్‌లో 84.94 లక్షల ఎకరాలకు గానూ 63.46 లక్షల ఎకరాల్లోనే పంటలు సాగ­య్యాయి. కేంద్ర మార్గదర్శకాలకు అనుగుణంగా ఆ­రు ప్రామాణికాల (వర్షపాతం, పంట విస్తీర్ణం, ఉప­గ్రహ ఆధారిత పంటల పరిస్థితి, జలప్రవాహం, భూగర్భ జలాలు, జలాశయాల స్థాయిలు) ఆధారంగా ఏడు జిల్లాల్లో 103 మండలాలు కరువుబారిన పడినట్లు గుర్తించి సీజన్‌ ముగియకుండానే ప్రకటించారు. బెట్ట పరిస్థితులతో 14,23,995.5 ఎకరాల్లో 33 శాతం కన్నా ఎక్కువ శాతం పంట నష్టపో­యినట్లు గుర్తించారు. క్షేత్రస్థాయి పరిశీలన తర్వాత 6.96 లక్షల మంది రైతులకు రూ.847.22 కోట్ల పెట్టుబడి రాయితీ చెల్లించాలని లెక్క తేల్చారు. 22 జిల్లాల్లో మిచాంగ్‌ ప్రభావం మిచాంగ్‌ తుపాన్‌ వల్ల 22 జిల్లాల్లో 6,64,380 ఎక­రా­ల్లో 33 శాతం కన్నా ఎక్కువ శాతం పంట దెబ్బ­తిన్నట్లు గుర్తించారు. 4.61 లక్షల మంది రైతులకు రూ.442.36 కోట్లు పెట్టుబడి రాయితీ చెల్లించాలని అంచనా వేశారు. ఖరీఫ్‌ సీజన్‌లో ఐదు వేల ఎకరా­ల్లో పంట నష్టపోయిన 1892 మంది రైతులకు రూ.­5 కోట్ల పరిహారం చెల్లించాలని అంచనా వేశారు. మొత్తం 20,93,377 లక్షల ఎకరాల్లో పంటలు దెబ్బ­తిన్న 11,59,126 మంది రైతులకు రూ.1,294.58 కోట్ల పరిహారం చెల్లించాలని లెక్క తేల్చారు. భారమైనా పెట్టుబడి రాయితీ పెంపు కేంద్రం నిర్ణయించిన దాని కంటే ఎక్కువ సాయం అందించాలన్న లక్ష్యంతో గతంలో ఎన్నడూ లేని విధంగా పెట్టుబడి రాయితీని ప్రభుత్వం పెంచింది. వ్యవసాయ భూముల్లో మట్టి, ఇసుక మేటలు తొలగించేందుకు గతంలో హెక్టారుకు రూ.12 వేలు ఇవ్వగా దాన్ని రూ.18 వేలకు పెంచింది. దెబ్బతిన్న వర్షాధార పంటలకు హెక్టార్‌కు రూ.6800 చొప్పున ఇస్తున్న పరిహారాన్ని రూ.8500కు పెంచారు. నీటి పారుదల భూములైతే గతంలో రూ.13,500 చొప్పున చెల్లించిన పరిహారాన్ని రూ.17 వేలకు పెంచారు. వరి, వేరుశనగ, పత్తి, చెరకు తదితర పంటలకు గతంలో హెక్టార్‌కు రూ.15 వేల చొప్పున ఇస్తుండగా దాన్ని రూ.17 వేలకు పెంచారు. ఉద్యాన పంటలకు రూ.7500 నుంచి రూ.17 వేలకు పెంచారు. మామిడి, నిమ్మ జాతి తోటలకు రూ.20 వేల నుంచి రూ.22,500 చొప్పున, మల్బరీకి రూ.4800 నుంచి రూ.6వేలకు పెంచి ఇవ్వాలని నిర్ణయించారు. ప్రభుత్వంపై భారం పడినప్పటికీ కష్టాల్లో ఉన్న రైతులకు ఎంత చేసినా తక్కువే అనే ఉద్దేశంతో పెట్టుబడి రాయితీని పెంచి మరీ ప్రభుత్వం చెల్లిస్తోంది. ఐదేళ్లలో రూ.3,271 కోట్ల ఇన్‌పుట్‌ సబ్సిడీ ఏ సీజన్‌లో జరిగిన పంట నష్టానికి సంబంధించి అదే సీజన్‌ ముగిసేలోగా పరిహారం చెల్లిస్తూ రాష్ట్ర ప్రభుత్వం అండగా నిలుస్తోంది. కరువు, మిచాంగ్‌ తుపాన్‌ వల్ల 2023–24 సీజన్‌లో పంటలు దెబ్బతిన్న 11.59 లక్షల మంది రైతులకు ఈనెల 6వతేదీన రూ.1,294.58 కోట్ల పెట్టుబడి రాయితీని సీఎం జగన్‌ బటన్‌ నొక్కి ఖాతాలకు జమ చేస్తారు. గత 57 నెలల్లో 22.85 లక్షల మంది రైతులకు రూ.1,976.44 కోట్లు ఇన్‌పుట్‌ సబ్సిడీని అందించింది. తాజాగా చెల్లించే సా­యంతో కలిపితే 34.44 లక్షల మంది రైతులకు రూ.3,271 కోట్లు అందించినట్లవుతుంది.  –చేవూరు హరికిరణ్, స్పెషల్‌ కమిషనర్, వ్యవసాయ శాఖ  

సాక్షి ప్రతినిధి, ఖమ్మం: తెలంగాణను విత్తన భాండాగారంగా చేస్తామని ముఖ్యమంత్రి కేసీఆర్‌ చెప్పారని, కానీ రాష్ట్రాన్ని కల్తీ సీడ్‌బౌల్‌గా కల్వకుంట్ల కుటుంబం మార్చిందని కేంద్ర మంత్రి, బీజేపీ రాష్ట్ర అధ్యక్షుడు జి.కిషన్‌రెడ్డి ఆరోపించారు. కేసీఆర్‌ పాలనలో వ్యవసాయ విధ్వంసం జరిగిందని విమ ర్శించారు. కల్తీ విధానాలపై ఉక్కుపాదం మోపుతా మని అసెంబ్లీలో, బయట సీఎం కేసీఆర్‌ పేర్కొన్న ప్పటికీ ఏ సమస్య పరిష్కారం కాలేదన్నారు. ఖమ్మంలో ఆదివారం నిర్వహించిన ‘రైతుగోస.. బీజేపీ భరోసా’ సభలో ఆయన మాట్లాడారు. కేసీఆర్‌ హయాంలో వ్యవసాయం దండుగలా మారింది.. ‘వ్యవసాయ ఒక పండుగ అన్నారు కానీ కేసీఆర్‌ పాలనలో వ్యవసాయం దండుగ అనే పరిస్థితి ఏర్పడింది. ఇన్‌పుట్‌ సబ్సిడీ, విత్తన సబ్సిడీ, పంటల బీమా పథకం అమలు చేయడం లేదు. గత తొమ్మిదేళ్లుగా కేసీఆర్‌ ప్రభుత్వం పంటల బీమా పథకం అమలు చేయని కారణంగా లక్షలాది మంది రైతులు నష్టపోతున్నారు. ఇక వరి పంట వద్దని ప్రభుత్వమే చెబుతోంది. మరోవైపు వ్యవసాయ రుణాలు రావడం లేదు. కేసీఆర్‌ ప్రభుత్వం గత తొమ్మిదేళ్లుగా వ్యవసాయ రుణాల మీద పావలా వడ్డీ ఇవ్వడం లేదు. రైతుబంధు అన్నింటికీ పరిష్కారంలా వ్యవహరిస్తోంది. అందరికంటే ఎక్కువగా కౌలు రైతులు ఇబ్బందులకు గురవుతున్నారు. ఆత్మహత్యల్లో 75 శాతం కౌలు రైతులవే ఉన్నాయి. ఐదేళ్లుగా రైతు రుణమాఫీ వాయిదా వేసి ఎన్నికలకు ముందు ప్రకటించారు. అయినా మెజార్టీ రైతులకు మాఫీ జరగలేదు. నాలుగున్నరేళ్లుగా వడ్డీలు, చక్రవడ్డీలు పెరిగిపోయి రూ.లక్ష అప్పు ఇప్పుడు రూ.2 లక్షలకు చేరింది. ధరణి పోర్టల్‌తో 20 లక్షల మంది రైతులు ఇబ్బంది పడుతున్నారు..’ అని కిషన్‌రెడ్డి ధ్వజమెత్తారు. బీజేపీ అధికారంలోకి వస్తే అన్ని రకాలుగా సమస్యలను పరిష్కరిస్తుందని హామీ ఇచ్చారు. రాష్ట్రాన్ని అనేక ఏళ్లు పాలించిన కాంగ్రెస్‌ పార్టీ అవినీతినే మిగిల్చిందని ఆరోపించారు. కాంగ్రెస్‌ పార్టీ, సోనియా కుటుంబం కోసం బీఆర్‌ఎస్, కల్వకుంట్ల కుటుంబం పనిచేస్తున్నాయన్నారు. రాష్ట్రంలో మార్పు రావాలన్నా, ఉద్యమకారుల ఆకాంక్షలు నెరవేరాలన్నా బీజేపీతోనే సాధ్యమని చెప్పారు.  

సాక్షి, అమరావతి: కౌలు రైతులకు వెన్నుదన్నుగా నిలవాలని ప్రభుత్వం సంకలి్పంచింది. గడచిన నాలుగేళ్ల కంటే మిన్నగా ఈ ఏడాది కౌలు కార్డులు (పంట హక్కు సాగు పత్రాలు–సీసీఆర్సీ) జారీ చేసింది. అర్హులైన ప్రతి కౌలు రైతుకూ పంట రుణాలతో పాటు ప్రభుత్వ సంక్షేమ ఫలాలు అందించడమే లక్ష్యంగా పెట్టుకుంది. వైఎస్సార్‌ రైతు భరోసా కేంద్రాల (ఆర్బీకే) ద్వారా నిర్వహించిన ప్రత్యేక మేళాల్లో రికార్డు స్థాయిలో కౌలుదారులకు సీసీఆర్సీలు జారీ చేసింది. గతంలో కౌలు రైతులకు సంక్షేమ ఫలాలు అందేవి కాదు. ఎలాంటి పూచీకత్తు లేకుండా రూ.1.60 లక్షల వరకు పంట రుణం అందించే అవకాశం ఉన్నప్పటికీ ఆంక్షల పేరిట బ్యాంకులు మొండిచేయి చూపడంతో ప్రైవేటు వ్యక్తుల నుంచి రూ.3, రూ.5 వడ్డీలకు అప్పులు తెచ్చి సాగు చేసేవారు. కౌలు, వడ్డీలు కట్టలేక అప్పుల ఊబిలో కూరుకుపోయేవారు. ఈ పరిస్థితికి చెక్‌ పెడుతూ రాష్ట్ర ప్రభుత్వం 2019లో తీసుకొచి్చన పంట సాగుదారుల హక్కుపత్రాల (సీసీఆర్సీ) చట్టం కింద 11 నెలల కాల పరిమితితో కౌలు కార్డులు జారీ చేస్తున్నారు.   సీసీఆర్సీల ద్వారా సంక్షేమ ఫలాలు  సీసీఆర్సీల ద్వారా నాలుగేళ్లుగా పంట రుణాలతో పాటు అన్ని రకాల సంక్షేమ ఫలాలను కౌలు రైతులకు ప్రభుత్వం అందిస్తోంది. 2019–20 సీజన్‌లో 2,72,720 మందికి, 2020–21లో 4,14,770 మందికి, 2021–22 సీజన్‌లో 5,24,203 మందికి, 2022–23లో 5,49,513 మందికి సీసీఆర్సీ కార్డులు జారీ చేసింది. నాలుగేళ్లలో 9 లక్షల మంది కౌలుదారులకు రూ.6,668.64 కోట్ల పంట రుణాలు మంజూరు చేసింది. 3.92 లక్షల మంది కౌలుదారులకు వైఎస్సార్‌ రైతు భరోసా కింద రూ.529.07 కోట్ల పెట్టుబడి సాయం అందించింది. పంటలు దెబ్బతిన్న 2.34 లక్షల మంది కౌలుదారులకు రూ.246.22 కోట్ల ఇన్‌పుట్‌ సబ్సిడీతో పాటు 1.73 లక్షల మందికి రూ.487.14 కోట్ల ఉచిత పంటల బీమా పరిహారాన్ని అందించింది.  రికార్డు స్థాయిలో సీసీఆర్సీలు జారీ  2023–24లో కనీసం 8.81 లక్షల మందికి సీసీఆర్సీల జారీ చేయాలనే లక్ష్యంతో ఆర్బీకేల ద్వారా సీసీఆర్సీ మేళాలు నిర్వహించారు. ఈ మేళాల ద్వారా రికార్డు స్థాయిలో 7,77,417 మందికి సీసీఆర్సీలు జారీ చేశామని వ్యవసాయ శాఖ స్పెషల్‌ కమిషనర్‌ చేవూరు హరికిరణ్‌ తెలిపారు. వీరిలో ఎస్సీ, ఎస్టీ, బీసీ, మైనార్టీ వర్గాలకు చెందిన వారు 4,51,545 మంది ఉండగా.. ఇతర వర్గాలకు చెందిన 3,25,872 మంది ఉన్నారు. ఈ ఏడాది కూడా రైతు భరోసా సాయం అందించేందుకు సీసీఆర్సీలు పొందిన వారిలో ఎస్సీ, ఎస్టీ, బీసీ, మైనార్టీ వర్గాలకు చెందిన వారి వివరాలను రైతు భరోసా పోర్టల్‌లో అప్‌లోడ్‌ చేస్తున్నారు. సెప్టెంబర్‌లో వీరికి వైఎస్సార్‌ రైతు భరోసా కింద తొలి విడత సాయం అందించేందుకు ఏర్పాట్లు చేస్తున్నారు. ఈ ఏడాది కనీసం రూ.4 వేల కోట్ల పంట రుణాలు ఇవ్వాలని లక్ష్యంగా నిర్ధేశించారు.  ఏటా కౌలు కార్డు ఇస్తున్నారు  రెండున్నర ఎకరాలు కౌలుకు తీసుకుని పంటలు వేస్తున్నా. ఈ ఏడాది మినుము, వరి వేశా. ఈ ప్రభుత్వం వచ్చిన తర్వాత ప్రతి ఏటా కౌలు కార్డు ఇస్తున్నారు. గతేడాది రైతు భరోసా కింద రూ.13,500 జమయ్యాయి. ఈ ఏడాది కూడా కౌలుకార్డు తీసుకున్నా. రైతు భరోసా పోర్టల్‌లో అప్‌లోడ్‌ చేశామని చెప్పారు. చాలా ఆనందంగా ఉంది.  – కంపమళ్ల రమీజ, రుద్రవరం, కర్నూలు జిల్లా    కౌలు కార్డు ద్వారా రూ.లక్ష రుణం తీసుకున్నా  నేను రెండెకరాలు కౌలుకు చేస్తున్నా. ఈ ఏడాది వరి, మొక్కజొన్న వేశాను. కౌలు కార్డు కోసందరఖాస్తు చేశా. ఎలాంటి సిఫార్సులు లేకుండా సీసీఆర్సీ కార్డు ఇచ్చారు. ఈ కార్డు ద్వారా రూ.లక్ష పంట రుణం తీసుకున్నా. రైతు భరోసా సాయం కోసం అప్‌లోడ్‌ చేశారు. చాలా సంతోషంగా ఉంది.   – వీరంకి గోపీకృష్ణ, మోరంపూడి, దుగ్గిరాల మండలం, గుంటూరు జిల్లా 

సాక్షి, అమరావతి: వైఎస్సార్‌ రైతుభరోసా 2023–24 ఆర్థిక సంవత్సరానికి సంబంధించి తొలివిడత పెట్టుబడి సాయం, ఇటీవలి అకాల వర్షాలకు నష్టపోయిన రైతులకు ఇన్‌పుట్‌ సబ్సిడీ పంపిణీకి రంగం సిద్ధమైంది. ఈ నెల 30వ తేదీన కర్నూలు జిల్లా పత్తికొండలో ముఖ్యమంత్రి వైఎస్‌ జగన్‌మోహన్‌రెడ్డి బటన్‌ నొక్కి ఈ సొమ్మును రైతుల ఖాతాల్లో జమచేయనున్నారు. పెట్టుబడి సాయం కింద గతేడాది 51.41 లక్షలమంది రైతులు లబ్ధిపొందగా.. ఈ ఏడాది 52.31 లక్షలమంది లబ్ధిపొందనున్నారు. వీరికి తొలివిడతలో రూ.7,500 చొప్పున రూ.3,934.25 కోట్లను ముఖ్యమంత్రి జమచేయనున్నారు. పెట్టుబడిసాయంతో పాటు మార్చి, ఏప్రిల్, మే నెలల్లో కురిసిన అకాల వర్షాలకు పంట నష్టపోయిన రైతు కుటుంబాలకు ఇన్‌పుట్‌ సబ్సిడీ కూడా అందించనున్నారు.  ఏటా పెరుగుతున్న లబ్ధిదారులు వైఎస్సార్‌ రైతుభరోసా కింద ఇచ్చిన మాటకంటే మిన్నగా అర్హులైన రైతు కుటుంబాలకు ఏటా మూడువిడతల్లో రూ.13,500 చొప్పున పెట్టుబడి సాయం అందిస్తున్న విషయం తెలిసిందే. వెబ్‌ల్యాండ్‌ ఆధారంగా అర్హులైన భూ యజమానులతో పాటు దేవదాయ, అటవీ (ఆర్‌వోఎఫ్‌ఆర్‌) భూములు సాగుచేసేవారే కాకుండా సెంటు భూమి కూడా లేని ఎస్సీ, ఎస్టీ, బీసీ, మైనార్టీ వర్గాలకు చెందిన కౌలుదారులకు తొలివిడతగా మే నెలలో రూ.7,500, రెండోవిడతగా అక్టోబర్‌లో రూ.4 వేలు, మూడోవిడతగా జనవరిలో రూ.2 వేలు చొప్పున పెట్టుబడి సాయం అందిస్తున్నారు. ఇలా 2019–20లో 46,69,375 మందికి రూ.6,173 కోట్లు, 2020–21లో 51,59,045 మందికి రూ.6,928 కోట్లు, 2021–22లో 52,38,517 మందికి రూ.7,016.59 కోట్లు, 2022–23లో 51,40,943 మందికి రూ.6,944.50 కోట్ల పెట్టుబడి సాయాన్ని నేరుగా వారి ఖాతాలకు జమచేశారు. ప్రస్తుత ఆర్థిక సంవత్సరానికి సంబంధించి 52,30,939 మంది అర్హత పొందారు. వీరికి తొలివిడతగా రూ.3,934.25 కోట్ల సాయం అందించనున్నారు. గతేడాది 49,26,041 మంది భూ యజమానులు కాగా, 1,23,871 మంది కౌలురైతులు, 91,031 మంది అటవీ భూ సాగుదారులు లబ్ధిపొందారు. ఈ ఏడాది తొలి విడత సాయం కోసం అర్హత పొందిన 52,30,939 మందిలో భూ యజమానులు 50,19,187 మంది, అటవీ భూ సాగుదారులు 91,752 మంది, భూమి లేని ఎస్సీ, ఎస్టీ, బీసీ, మైనార్టీ సాగుదారులు 1.20 లక్షల మంది ఉన్నారు. ఈ నెలలో అందించనున్న సాయంతో కలిపి ఈ నాలుగేళ్లలో సగటున 52.30 లక్షల మందికి వైఎస్సార్‌ రైతుభరోసా కింద రూ.30,996.34 కోట్ల పెట్టుబడి సాయం ఇచ్చినట్లవుతుంది.  48,032 మందికి  రూ.46.39 కోట్ల ఇన్‌పుట్‌ సబ్సిడీ  ప్రకృతి వైపరీత్యాల వల్ల పంటలు దెబ్బతిన్న రైతులకు సీజన్‌ ముగియకముందే పంట నష్టపరిహారం (ఇన్‌పుట్‌ సబ్సిడీ) నేరుగా వారి ఖాతాల్లోనే జమచేస్తూ బాధిత రైతులకు ప్రభుత్వం అండగా నిలుస్తోంది. అదేరీతిలో గతేడాది  డిసెంబర్‌లో మాండూస్‌ తుపాన్‌తో పంటలు దెబ్బతిన్న 91,237 మంది రైతులకు రూ.76.99 కోట్ల నష్టపరిహారాన్ని ఫిబ్రవరిలో అందజేసిన విషయం తెలిసిందే. మార్చి, ఏప్రిల్, మే నెలల్లో కురిసిన అకాల వర్షాలకు 78,510 ఎకరాల్లో పంటలు  దెబ్బ­తిన్నాయి. వీటిలో 59,230 ఎకరాల్లో వ్యవసా­య పంటలు, 19,280 ఎకరాల్లో ఉద్యాన పంటలు ఉన్నాయి. ఈ మేరకు పంటలు దెబ్బతిన్న 48,032 మంది రైతులకు రూ.46.39 కోట్ల పంట నష్టపరిహా­రాన్ని ఈ నెల 30వ తేదీన ముఖ్యమంత్రి జమచేయనున్నారు. ఇప్పటికే ఈ నాలుగేళ్లలో  22.22 లక్షలమందికి రూ.1,911.79 కోట్ల ఇన్‌పుట్‌ సబ్సిడీని జమచేశారు. తాజాగా జమ­చేయనున్న సాయంతో కలిసి 22.70 లక్షల మంది రైతులకు రూ.1,958.18 కోట్ల పంట నష్టపరిహారం  అందించినట్లవుతుంది. 

సాక్షి, అమరావతి: గతంలో రుణాల్ని మాఫీ చేస్తామని చంద్రబాబు మోసం చేశారని ముఖ్యమంత్రి వైఎస్‌ జగన్‌మోహన్‌రెడ్డి అన్నారు. రుణమాఫీకి కేవలం రూ.15 వేల కోట్లే ఇచ్చారన్నారు. కానీ రైతు భరోసా కిందే వైఎస్సార్‌సీపీ ప్రభుత్వం రూ.25,971 కోట్లు ఇచ్చిందన్నారు. వ్యవసాయ రంగంలో కొత్త ఒరవడి తీసుకొచ్చామన్నారు. సోమవారం ఆయన తాడేపల్లిలోని క్యాంప్‌ కార్యాలయంలో రైతులకు సున్నా వడ్డీ రాయితీ, ఇన్‌పుట్‌ సబ్సిడీ విడుదల కార్యక్రమంలో మాట్లాడుతూ, రైతు బాగుంటేనే రాష్ట్రం బాగుంటుందన్నారు. ‘‘వ్యవసాయ రంగంపై 62 శాతం జనాభా ఆధారపడి ఉన్నారన్నారు. రైతులను అన్ని రకాలుగా ఆదుకోగలిగితేనే ఏ రాష్ట్రమైన బాగుంటుందన్నారు. క్రమం తప్పకుండా రైతులకు పరిహారం చెల్లిస్తున్నాం. జులై-అక్టోబర్‌ వర్షాలకు నష్టపోయిన రైతులకు ఇన్‌పుట్‌ సబ్సిడీ ఇస్తున్నాం. ఏ సీజన్‌లో పంట నష్టం జరిగితే అదే సీజన్‌లో పరిహారం ఇస్తున్నాం’’ అని సీఎం అన్నారు. ‘‘మన ప్రభుత్వం వచ్చాకే రైతులకు న్యాయం జరుగుతోందన్నారు. అప్పటి ప్రభుత్వానికి ఇప్పుడు ప్రభుత్వానికి తేడా గమనించండి.. గతంలో రైతు భరోసా పథకం లేదు. ఒకేసారి రైతులకు రెండు రకాల సాయం అందించాం. చంద్రబాబు ప్రభుత్వం సున్నా వడ్డీని ఎగ్గొట్టింది’’ అని సీఎం అన్నారు. ‘‘పంటల బీమాను ఉచితంగా అమలు చేస్తున్నాం. గత ప్రభుత్వంలో పంట అంచనాలు అశాస్త్రీయంగా ఉండేవి. మా ప్రభుత్వంలో ఈ-క్రాప్‌ విధానంలో రైతులకు సాయం అందిస్తున్నాం. మంచి చేస్తున్న ప్రభుత్వానికి దేవుడి ఆశీస్సులు ఉంటాయి’’ అని సీఎం జగన్‌ అన్నారు. చదవండి: బీజేపీకి పవన్‌ కల్యాణ్‌ వెన్నుపోటు పొడుస్తారా?  

సాక్షి, అమరావతి: వ్యవసాయ రంగంలో కొత్త ఒరవడి తీసుకొచ్చామని ముఖ్యమంత్రి వైఎస్‌ జగన్‌మోహన్‌రెడ్డి అన్నారు. రైతు బాగుంటేనే రాష్ట్రం బాగుంటుందన్నారు. వ్యవసాయ రంగంపై 62 శాతం జనాభా ఆధారపడి ఉన్నారని సీఎం పేర్కొన్నారు. రబీ 2020–21, ఖరీఫ్‌–2021 సీజన్లకు చెందిన వైఎస్సార్‌ సున్నా వడ్డీ రాయితీ, ఖరీఫ్‌–2022 సీజన్‌లో వివిధ రకాల వైపరీత్యాలవల్ల దెబ్బతిన్న పంటలకు ఇన్‌పుట్‌ సబ్సిడీతో పాటు గతంలో సాంకేతిక కారణాలతో చెల్లింపులు పొందని వారి ఖాతాల్లో మొత్తం రూ.199.94 కోట్లు రాష్ట్ర ప్రభుత్వం జమ చేసింది. తాడేపల్లి క్యాంప్‌ కార్యాలయం నుంచి సీఎం వైఎస్‌ జగన్‌ బటన్‌ నొక్కి నేరుగా రైతన్నల ఖాతాల్లో ఈ మొత్తాన్ని జమ చేశారు. రబీ 2020–21 సీజన్‌లో అర్హత పొందిన 2.54 లక్షల మందికి రూ.45.22 కోట్లు, ఖరీఫ్‌–2021 సీజన్‌లో అర్హత పొందిన 5.68 లక్షల మందికి సున్నా వడ్డీ రాయితీ కింద రూ.115.33 కోట్లు జమ చేశారు. అదే విధంగా ఖరీఫ్‌–2022 సీజన్‌లో జూలై నుంచి అక్టోబర్‌ మధ్య గోదావరి వరదలు, అకాల వర్షాలవల్ల దెబ్బతిన్న 45,998 మంది రైతులకు రూ.39.39 కోట్ల ఇన్‌పుట్‌ సబ్సిడీని ఖరీఫ్‌ సీజన్‌ ముగియక ముందే జమ చేశారు. ఇప్పటివరకు రూ.1,795కోట్ల ఇన్‌పుట్‌ సబ్సిడీ జమ.. ఇక గడిచిన మూడేళ్లలో 20.85 లక్షల మందికి రూ.1,795.40 కోట్ల పంట నష్టపరిహారం జమచేయగా, తాజాగా జమచేయనున్న మొత్తంతో కలిపి 21.31 లక్షల మంది రైతన్నలకు రూ.1,834.79 కోట్లు ఇన్‌పుట్‌ సబ్సిడీ జమ చేసినట్లవుతుంది. అలాగే, గడిచిన మూడేళ్లలో 65.65 లక్షల మందికి రూ.1,282.11 కోట్ల సున్నా వడ్డీ రాయితీ సొమ్ములు చేయగా, తాజాగా జమచేయనున్న మొత్తంతో కలిపి 73.88 లక్షల మంది రైతన్నలకు రూ.1,834.55 కోట్ల సున్నా వడ్డీ రాయితీ అందినట్లు అవుతుంది. గడిచిన మూడేళ్ల ఐదు నెలల్లో వివిధ పథకాల కింద రైతన్నలకు రూ. 1,37,975.48 కోట్ల సాయం అందించారు.  గతంలో అంతా గందరగోళమే.. గత ప్రభుత్వ హయాంలో అశాస్త్రీయంగా పంట నష్టాల అంచనా, రైతన్నలు మధ్య దళారులు, క్షేత్రస్థాయి ఉద్యోగుల చుట్టూ ఏళ్ల తరబడి తిరిగినా పరిహారం అందుతుందో లేదో తెలియని దుస్థితి. కొన్ని సందర్భాల్లో పూర్తిగా ఎగ్గొట్టి, మరికొన్ని సందర్భాల్లో రెండు మూడు సీజన్ల తర్వాతే అరకొరగా సాయం అందించేవారు. కానీ, ప్రస్తుతం ఈ–క్రాప్‌ ఆధారంగా నమోదైన వాస్తవ సాగుదారులకు నేరుగా వారి ఖాతాల్లోనే ఏ సీజన్‌లో జరిగిన పంట నష్టానికి ఆ సీజన్‌ ముగిసేలోగా పరిహారం అందిస్తున్నారు. అంతేకాక.. పారదర్శకతకు పెద్దపీట వేస్తూ సోషల్‌ ఆడిట్‌ కింద రైతుభరోసా కేంద్రాల్లో లబ్ధిదారుల జాబితాలు ప్రదర్శించడమే కాదు.. అర్హత ఉండి జాబితాల్లో తమ పేర్లు లేకపోతే ఫిర్యాదు చేసుకునే వెసులుబాటు కల్పించారు. చదవండి: ఏది నిజం?: 3 అబద్ధాలు 6 అభాండాలు.. ‘ఈనాడు’ మరో విష కథనం  

సాక్షి, అమరావతి: ఏ సీజన్‌లో పంట నష్టం జరిగితే అదే సీజన్‌ ముగియక ముందే పరిహారం (ఇన్‌పుట్‌ సబ్సిడీ) చెల్లిస్తూ రైతన్నకు తోడుగా నిలుస్తున్నామని ముఖ్యమంత్రి వైఎస్‌ జగన్‌మోహన్‌రెడ్డి తెలిపారు. రాష్ట్ర చరిత్రలోనే కాకుండా ఏ రాష్ట్రంలోనూ ఇలా అన్నదాతలకు తోడుగా నిలిచిన దాఖలాలు లేవన్నారు. గత సర్కారు అండగా నిలవకపోగా పంట నష్టపోయి కష్టాల్లో ఉన్న రైతులకు ఇన్‌పుట్‌ సబ్సిడీని ఎగ్గొట్టి వెన్ను విరిచిందన్నారు. ఒకవేళ ఇచ్చినా ఏడాది తరువాత అరకొరగా విదిలించటాన్ని చూశామని గుర్తు చేశారు. గత సర్కారుకు, మన ప్రభుత్వానికి తేడాను గమనించాలని కోరారు. గత నవంబరులో కురిసిన భారీ వర్షాలు, వరదల వల్ల జరిగిన పంట నష్టంతోపాటు నేలకోత, ఇసుక మేట కారణంగా నష్టపోయిన 5,97,311 మంది రైతన్నలకు రూ.542.06 కోట్ల ఇన్‌పుట్‌ సబ్సిడీ, 1,220 రైతు గ్రూపులకు వైఎస్సార్‌ యంత్రసేవా పథకం కింద రూ.29.51 కోట్లతో కలిపి మొత్తం రూ.571.57 కోట్లను ముఖ్యమంత్రి జగన్‌ మంగళవారం తన క్యాంపు కార్యాలయం నుంచి బటన్‌ నొక్కి లబ్ధిదారుల ఖాతాల్లో జమ చేశారు. ఈ సందర్భంగా రైతులనుద్దేశించి వీడియో కాన్ఫరెన్స్‌ ద్వారా మాట్లాడారు.   మంత్రులు కురసాల కన్నబాబు, ముత్తంశెట్టి శ్రీనివాసరావు, ఎం.శంకరనారాయణ, అగ్రికల్చర్‌ మిషన్‌ వైస్‌ ఛైర్మన్‌ ఎంవీయస్‌ నాగిరెడ్డి, వ్యవసాయశాఖ సలహాదారు అంబటి కృష్ణారెడ్డి, వ్యవసాయశాఖ స్పెషల్‌ సీఎస్‌ పూనం మాలకొండయ్య తదితరులు ఇందులో పాల్గొన్నారు. సీఎం ప్రసంగంలో ముఖ్యాంశాలు ఇవీ.. రూ.63 కోట్లతో విత్తనాలు మనందరి ప్రభుత్వం అధికారంలోకి వచ్చినప్పటి నుంచి దేవుడి దయ వల్ల మంచి వర్షాలు కురుస్తున్నాయి. రాయలసీమ లాంటి కరువు ప్రాంతాల్లో సైతం  భూగర్భ జలాలు బాగా పెరిగి చెరువులు, రిజర్వాయర్లు  నీటితో కళకళలాడుతున్నాయి. వెలుగు కింద చీకటి కూడా ఉన్నట్లే అధిక వర్షాల వల్ల కొద్ది మేర పంట నష్టం జరిగింది. రైతన్నల కోసం ఎన్నో కార్యక్రమాలు చేస్తున్న ప్రభుత్వంగా నవంబరులో వర్షాలు, వరదలతో నష్టపోయిన వారిని ఆదుకుంటూ 1.21 లక్షల క్వింటాళ్ల విత్తనాలను దాదాపు 1.43 లక్షల మంది రైతన్నలకు రూ.63 కోట్లు ఖర్చు చేసి అందచేశాం. నేడు కౌలు రైతులకూ న్యాయం.. కౌలు రైతులను గత సర్కారు ఏరోజూ గుర్తుంచుకోలేదు. కానీ ఇవాళ అర్హులెవరూ  మిగిలిపోకుండా ఇ–క్రాప్‌ డేటాతో శాస్త్రీయంగా ఆర్బీకేల స్ధాయిలోనే పంట నష్టాలను అంచనా వేసే విధానాన్ని ప్రవేశపెట్టాం. పారదర్శకతకు పెద్దపీట వేస్తూ గ్రామ సచివాలయాల్లోనే అర్హుల జాబితాను ప్రదర్శిస్తూ ఏ సీజన్‌లో జరిగిన నష్ట పరిహారాన్ని అదే సీజన్‌లో రైతుల ఖాతాల్లో జమ చేస్తున్న ప్రభుత్వం మనదే. కౌలు రైతులకు సైతం ఇ– క్రాప్‌ డేటా ఆధారంగా ఇన్‌పుట్‌ సబ్సిడీని అందచేస్తున్న ప్రభుత్వం కూడా ఇదే.  మిస్‌ అయిన వారికి మరో చాన్స్‌ ఇ– క్రాప్‌ డేటా ఆధారంగా ఏ ఒక్కరూ మిస్‌ కాకుండా గ్రామ స్థాయిలోనే ఆర్బీకేలలో జాబితా ప్రదర్శిస్తున్న ప్రభుత్వం మనది. ఒకవేళ ఎవరైనా మిస్‌ అయితే తిరిగి దరఖాస్తు చేసుకునే వెసులుబాటు కల్పిస్తూ మంచి చేస్తున్నాం. పంట నష్టానికి ఇన్‌పుట్‌ సబ్సిడీని కౌలు రైతులతో సహా అన్నదాతలందరికీ చెల్లిస్తున్నాం.  ఇప్పటివరకు ఇన్‌పుట్‌ సబ్సిడీగా రూ.1,612 కోట్లు మనందరి ప్రభుత్వం అధికారంలోకి వచ్చినప్పటి నుంచి నేటి వరకూ రెండున్నరేళ్లలో ప్రకృతి వైపరీత్యాలతో పంటలు నష్టపోయిన 19.93 లక్షల మంది రైతులకు ఇన్‌పుట్‌ సబ్సిడీగా రూ.1,612 కోట్లు అందచేశాం.  ఇన్‌పుట్‌కు నాడు ఎగనామం.. ► 2014 ఖరీఫ్‌లో సంభవించిన కరువుకు 2015 నవంబరులో గానీ ఇవ్వలేదు. 2015 కరువుకు 2016 నవంబరు కంటే కంటే ముందు ఇచ్చిన పరిస్ధితి చూడలేదు.  ► 2015 నవంబరు, డిసెంబరులో భారీ వర్షాలకు రూ.263 కోట్ల పంట నష్టం జరిగితే టీడీపీ సర్కారు ఒక్క రూపాయి కూడా ఇవ్వకుండా ఎగ్గొట్టింది. ► 2016 కరువు ఇన్‌పుట్‌ సబ్సిడీ 2017 జూన్‌లో ఇచ్చారు. 2017 ఇన్‌పుట్‌ సబ్సిడీని  2018 ఆగస్టులోగానీ ఇవ్వలేదు.  ► 2018లో కరువు వల్ల ఖరీఫ్‌లో జరిగిన రూ.1,832 కోట్ల పంట నష్టాన్ని, రబీలో రూ.356 కోట్ల మేర పంట నష్టాన్ని పూర్తిగా గత సర్కారు పూర్తిగా ఎగ్గొట్టిన పరిస్ధితిని గుర్తు తెచ్చుకోవాలి. నేడు ఆగమేఘాలపై పరిహారం ► దాదాపు 1.56 లక్షల రైతు కుటుంబాలకు రూ.123 కోట్ల మేర ఇన్‌పుట్‌ సబ్సిడీని 2020 ఏప్రిల్‌లో అందించాం.  ► 2020లో ఏప్రిల్‌ నుంచి అక్టోబరు వరకు కురిసిన భారీ వర్షాలు, వరదల వల్ల నష్టపోయిన 3.71 లక్షల మంది రైతులకు రూ.278 కోట్లను అదే ఏడాది అక్టోబరులో ఇన్‌పుట్‌ సబ్సిడీగా అందించాం.  ► 2020 నవంబరులో నివర్‌ తుపానుతో నష్టపోయిన 8.35 లక్షల మంది రైతన్నలకు సుమారు రూ.646 కోట్లను నెల తిరగక ముందే అదే ఏడాది డిసెంబరులో అందజేశాం. – 2021 సెప్టెంబరులో గులాబ్‌ తుపాన్‌తో నష్టపోయిన 34,556 మంది రైతన్నలకు సుమారు రూ.22 కోట్లను అదే ఏడాది నవంబరులో అందజేశాం.  రెండున్నరేళ్లలో రైతన్నలకు ఏం చేశామంటే... ► వైఎస్సార్‌ రైతు భరోసా – పీఎం కిసాన్‌ ద్వారా ఇప్పటివరకూ రూ.19,126 కోట్ల మేర సాయం.అరకోటి మంది రైతన్నల కుటుంబాలకు లబ్ధి. దేశంలో ఎక్కడా లేని విధంగా ఎస్సీ, ఎస్టీ, మైనార్టీ, బీసీ కౌలు రైతులు, అటవీ, దేవదాయ భూములు సాగు చేసుకుంటున్న రైతులకు కూడా ఏటా రూ.13,500 చొప్పున రైతు భరోసా సాయం అందిస్తున్న ఏకైక ప్రభుత్వం.  ► వైఎస్సార్‌ సున్నా వడ్డీ పంట రుణాల పథకంతో 65.64 లక్షల మంది రైతులకు వడ్డీ రాయితీ కింద రూ.1,218 కోట్లు. గత సర్కారు బకాయిలు కూడా చెల్లింపు.  ► రాష్టంలో 18.70 లక్షల మంది రైతన్నలకు పగటిపూటే 9 గంటల నాణ్యమైన విద్యుత్‌  కోసం సంవత్సరానికి రూ.9 వేల కోట్ల వ్యయం. ఇప్పటివరకు రూ.23 వేల కోట్లు ఖర్చు. ఫీడర్ల సామర్థ్యం పెంచేందుకు మరో రూ.1,700 కోట్లు వ్యయం. ► వైఎస్సార్‌  ఉచిత పంటల బీమా పథకం ద్వారా ఇప్పటివరకు 31.07 లక్షల మంది రైతులకు రూ.3,788 కోట్లు. ఈ ఖరీఫ్‌ నుంచి ప్రతి రైతు వద్ద రూ.10 చొప్పున తీసుకుని సంతకంతో రశీదు ఇవ్వాలని నిర్ణయం. దాదాపు రూ.2 వేల కోట్లతో ప్రకృతి వైపరీత్యాల నిధి, రూ.3 వేల కోట్లతో ధరల స్ధిరీకరణ నిధి ఏర్పాటు.  ► ధాన్యం సేకరణ, కొనుగోలు కోసం రెండున్నరేళ్లలో రూ.39 వేల కోట్లకు పైగా వ్యయం. గత సర్కారు హయాంలో సంవత్సరానికి రూ.7 నుంచి రూ.8 వేల కోట్లు మాత్రమే కేటాయించి అది కూడా సమయానికి చెల్లించని దుస్థితి. ఇప్పుడు ఏటా  రూ.16 వేల కోట్లు ఖర్చు చేస్తున్న ప్రభుత్వం. రైతులకు 21 రోజుల్లోనే చెల్లింపులు. ఇది కాకుండా పత్తి రైతులకు రూ.1,800 కోట్లు, ఇతర పంటల కొనుగోళ్లకు మరో రూ.6,465 కోట్లతో గిట్టుబాటు ధరలతో ఆదుకుంటున్న ప్రభుత్వం. ► గత సర్కారు 2018లో రైతులకు ఎగ్గొట్టిన రూ.960 కోట్ల ధాన్యం సేకరణ బకాయిలను చెల్లించిన రాష్ట్ర ప్రభుత్వం. రూ.9 వేల కోట్ల ఉచిత విద్యుత్తు బకాయిలు కూడా చెల్లింపు. గత సర్కారు దిగిపోతూ పెట్టిన రూ.384 కోట్ల విత్తన బకాయిలు సైతం చెల్లింపు. ► ఆర్బీకేలను బ్యాంకింగ్‌ సేవలతో అనుసంధానం చేస్తూ ఇప్పటికే 9,160 బ్యాంకింగ్‌ కరస్పాండెంట్లు ఆర్బీకేలలో అందుబాటులోకి. వైఎస్సార్‌ యంత్ర సేవా పథకం కింద 1,720 రైతు గ్రూపులకు గతంలో రూ.25.50 కోట్ల సబ్సిడీ. ► దాదాపు రూ.2134 కోట్ల వ్యయంతో ఆర్బీకేల స్ధాయిలో యంత్రసేవా కేంద్రాలు (  కమ్యూనిటీ హైరింగ్‌ సెంటర్ల) ఏర్పాటుకు శ్రీకారం. రానున్న సంవత్సరానికి అన్ని ఆర్బీకేల్లో ఈ సేవలు అందుబాటులోకి. ► ఆర్బీకేల స్ధాయిలోనే వ్యవసాయ సలహా మండళ్ల ఏర్పాటు. నాలుగు అంచెల్లో సమావేశాలు నిర్వహించి సమస్యలను యుద్ధ ప్రాతిపదికన పరిష్కరించేలా చర్యలు.  ► ప్రాథమిక సహకార సంఘాల నుంచి ఆప్కాబ్‌ వరకు ఆధునికీకరణ. సహకార వ్యవస్థలో హెచ్‌ఆర్‌ విధానం. ► ఎక్కడైనా రైతులకు కనీస గిట్టుబాటు ధరలు లభించకుంటే వెంటనే సీఎం యాప్‌  (కంటిన్యూస్‌ మానిటరింగ్‌ ఆఫ్‌ అగ్రికల్చర్‌ ప్రైస్‌ అండ్‌ ప్రొడ్యూస్‌) ద్వారా గ్రామ అగ్రికల్చర్‌ అసిస్టెంట్‌ సమాచారం అందించేలా ఏర్పాట్లు. మార్కెటింగ్‌ శాఖ, జాయింట్‌ కలెక్టర్‌ తక్షణమే జోక్యం చేసుకుని కనీస గిట్టుబాటు ధరతో రైతుల నుంచి కొనుగోలు చేసేలా చర్యలు. ఇవేకాకుండా జలకళ, ఏపీ అమూల్‌ ద్వారా రైతులకు తోడుగా నిలుస్తున్న రాష్ట్ర ప్రభుత్వం.   

సాక్షి, అమరావతి: గతేడాది నవంబర్‌లో భారీ వర్షాలు, వరదలతో పంట నష్టపోయిన రైతన్నల ఖాతాల్లో ప్రభుత్వం మంగళవారం ఇన్‌పుట్‌ సబ్సిడీని జమ చేశారు. దీనివల్ల వర్షాలు, వరదలతోపాటు నేల కోత, ఇసుక మేటల కారణంగా పంటలు నష్టపోయిన 5,97,311 మంది రైతన్నలకు లబ్ధి చేకూరింది. మొత్తం రూ.542.06 కోట్ల ఇన్‌పుట్‌ సబ్సిడీని ముఖ్యమంత్రి వైఎస్‌ జగన్‌మోహన్‌రెడ్డి మంగళవారం నేరుగా రైతన్నల ఖాతాల్లో జమ చేశారు. అలాగే 1,220 రైతు గ్రూపుల ఖాతాల్లో వైఎస్సార్‌ యంత్ర సేవా పథకం కింద రూ.29.51 కోట్లను కూడా జమ చేశారు. ఇలా మొత్తం రూ.571.57 కోట్లను గుంటూరు జిల్లా తాడేపల్లిలోని తన క్యాంపు కార్యాలయం నుంచి సీఎం వైఎస్‌ జగన్‌ బటన్‌ నొక్కి నేరుగా రైతన్నల ఖాతాల్లో జమ చేశారు. వైఎస్‌ జగన్‌ ప్రభుత్వం అధికారంలోకి వచ్చిన నాటి నుంచి నేటి వరకు ప్రకృతి వైపరీత్యాల వల్ల పంటలు నష్టపోయిన 19.93 లక్షల మంది రైతన్నలకు అందించిన ఇన్‌పుట్‌ సబ్సిడీ అక్షరాల రూ.1,612.62 కోట్లు కావడం గమనార్హం. ఈ కార్యక్రమంలో మంత్రులు కురసాల కన్నబాబు, అవంతి శ్రీనివాస్‌, శంకరనారాయణ, ఏపీ అగ్రికల్చర్‌ వైస్‌ ఛైర్మన్‌ ఎంవీఎస్‌ నాగిరెడ్డి, సంబంధిత శాఖల ఉన్నతాధికారులు పాల్గొన్నారు. ఈ సందర్భంగా సీఎం వైఎస్‌ జగన్‌ మాట్లాడుతూ.. రైతన్నలకు అన్ని విధాలా అండగా ఉంటున్నాం. పంట నష్టపోయిన రైతులకు అదే సీజన్‌లో పరిహారం, ఇన్‌పుట్‌ సబ్సిడీ అందిస్తున్నాం. రాయలసీమలో గ్రౌండ్‌ వాటర్‌ పెరిగింది. ఏపీలో అన్ని ప్రాంతాలు జలాశయాలతో కళకళ లాడుతున్నాయి. వైఎస్సార్‌సీపీ అధికారంలోకి వచ్చాక వర్షాలు సంవృద్ధిగా కురుస్తున్నాయి. రాయలసీమ లాంటి కరువు ప్రాంతంలోనూ వర్షాలు కురుస్తున్నాయి. కొన్ని చోట్ల భారీ వర్షాలతో రైతులు పంట నష్టపోయారు. అధిక వర్షాలతో పంటనష్టపోయిన రైతులకు పరిహారం అందిస్తున్నాం. నేలకోత, ఇసుక మేటలతో పంట నష్టపోయిన వారికీ సాయం అందిస్తున్నాం. శాస్త్రీయంగా అర్హులెవరూ మిగిలిపోకుండా ఈ క్రాఫ్ట్‌ డేటాను ఆర్‌బీకే స్థాయిలో ప్రవేశపెట్టాం. పారదర్శకతకు పెద్దపీట వేస్తున్నాం. గ్రామీణ స్థాయిల్లో ఆర్‌బీకే కేంద్రాల్లో లబ్ధిదారుల జాబితా డిస్‌ప్లే చేస్తున్నాం. నేను సీఎంగా బాధ్యతలు చేపట్టినప్పటి నుంచి ప్రకృతి వైపరీత్యాల కారణంగా నష్టపోయిన 19.93 లక్షల మంది రైతులకు రూ.1612 కోట్ల సాయం అందించాం. 18.70 లక్షల మంది రైతులకు పగటిపూటే నాణ్యమైన ఉచిత విద్యుత్‌ అందిస్తున్నాం' అని సీఎం వైఎస్‌ జగన్‌ అన్నారు. సీఎం వైఎస్‌ జగన్‌ ఇంకా ఏమన్నారంటే.. ♦రైతుల కోసం ఎన్నో కార్యక్రమాలు ఈ ప్రభుత్వం చేస్తోంది ♦అధిక వర్షాలు వల్ల నష్టపోయిన రైతులను ఆదుకుంటూ 80శాతం సబ్సితో 1.43 లక్షలమంది రైతులకు విత్తనాలు ఇచ్చాం ♦అవాళ జరిగిన ఆనష్టాన్ని.. ఇవాళ ఇన్‌పుట్‌ సబ్సిడీ రూపేణా ఎప్పటికప్పుడు విడుదల చేస్తున్న తొలి ప్రభుత్వం మనదే ♦మన రాష్ట్ర చరిత్రలో  ఎప్పుడూ కూడా ఇలా జరగలేదు ♦ఏ సీజన్‌లో నష్టం జరిగితే.. ఆ సీజన్‌లో తోడుగా నిలబడే పరిస్థితి ఎప్పుడూ లేదు ♦గత ప్రభుత్వంలో కొన్ని సార్లు పూర్తిగా ఎగ్గొట్టిన పరిస్థితులు ♦మరికొన్ని సార్లు,, అరకొరగా, ఆలస్యంగా, అదికూడా కొందరికే ఇచ్చారు ♦గత ప్రభుత్వం ఏరకంగా ఇచ్చిందో గమనించాలి ♦2014 ఖరీఫ్‌లో కరువకు 2015 నవంబర్‌లో గాని ఇవ్వలేదు ♦2015 కరువుకు, 2016 నవంబర్‌లోగాని ఇవ్వలేదు ♦2015 నవంబర్, డిసెంబర్‌లో కురిసిన భారీ వర్షాలకు జరిగిన రూ.263 కోట్ల పంట నష్టాన్ని పూర్తిగా ఎగ్గొట్టారు ♦2016 కరువుకు సంబంధించి 2017 జూన్‌లో ఇచ్చారు ♦2017 కరువుకు సంబంధించి 2018 ఆగస్టులో ఇచ్చారు ♦2018లో ఖరీఫ్‌లో రూ.1,832 కోట్ల పంట నష్టాన్ని, రబీలో జరిగిన రూ.356 కోట్ల పంట నష్టాన్ని పూర్తిగా ఎగ్గొట్టారు ♦అదికూడా అరకొరగా, కొందరికే ఇచ్చిన పరిపాలనకు, ఇప్పటి పరిపాలనకు తేడా చూడండి ♦కౌలు రైతులను ఎప్పుడూ కూడా పట్టించుకున్న పాపాన పోలేదు ♦మన ప్రభుత్వంలో శాస్త్రీయంగా, అర్హులెవ్వరూ మిగిలిపోకుండా, ఇ–క్రాప్‌ డేటాతో పంట నష్టాలను అంచనావేసి, ఆర్బీకేలస్థాయిలో, గ్రామస్థాయిలో ప్రవేశపెట్టాం ♦తద్వారా పారదర్శకతకు పెద్దపీట వేస్తూ, గ్రామ సచివాలయాల్లోనే అర్హుల జాబితాను ప్రదర్శించి ఏ సీజన్‌లో జరిగిన పంటనష్టానికి అదే సీజన్‌ ముగిసేలోగానే పరిహారాన్ని రైతన్నల ఖాతాల్లో సమచేస్తున్నాం ♦కౌలు రైతులకు సైతం... ఇ–క్రాప్‌ డేటా తీసుకుని వారికి కూడా ఇన్‌పుట్‌ సబ్సిడీ ఇస్తున్నాం ♦ఇలా చేస్తున్నాం కాబట్టే 2020 మారిలో కురిసిన వర్షాలవల్ల నష్టపోయిన రైతులకు 1.56 లక్షల మంది రైతులకు రూ.123.7 కోట్లను ఇన్‌పుట్‌ సబ్సిడీగా 2020 ఏప్రిల్‌లో అందచేశాం ♦2020 ఏప్రిల్‌ల్‌ నుండి 2020 అక్టోబరు వరకూ కురిసిన నష్టోయిన 3.71 లక్షల మంది రైతులకు రూ.278.87 కోట్లను ఇన్‌పుట్‌ సబ్సిడీగా 2020 అక్టోబరులోనే ఇచ్చాం ♦2020 నవంబర్‌లో నివర్‌ సైక్లోన్‌లో దెబ్బతిన్న రూ.8.35 లక్షలమంది రైతులకు రూ.645.99 కోట్లను ఇన్‌పుట్‌ సబ్సిడీగా 2020 డిసెంబర్‌లోనే అందించాం ♦2021 సెప్టెంబరులో గులాబ్‌ సైక్లోన్‌వల్ల నష్టపోయిన 34,556 మంది రైతులకు రూ.21.96 కోట్ల సహాయాన్ని 2021 నవంబర్‌లో అందచేశాం ♦ఏ ఒక్కరు కూడామిస్‌ కాకుండా సహాయాన్ని అందిస్తున్నాం ♦మన అధికారంలోకి వచ్చిన నాటినుంచి ఇవ్వాళ్టి వరకూ ప్రకృతి వైపరీత్యాల కారణంగా నష్టపోయిన 19.93 మంది లక్షల రైతులకు ఇన్‌పుట్‌ సబ్సిడీద్వారా రూ.1,612.62 కోట్ల రూపాయలను అందించాం ♦రైతన్నలు పలు కార్యక్రమాలద్వారా అండగా నిలుస్తున్నాం ♦వైఎస్సార్‌రైతు భరోసా – పీఎంకిసాన్‌ ద్వారా అరకోటి మంది రైతన్నల కుటుంబాలకు ఇప్పటివరకూ రూ.19,126 కోట్లు ఇచ్చాం ♦దేశంలో ఎక్కడా లేని విధంగా అర్హులైన ఎస్సీ, ఎస్టీ, బీసీ, మైనార్టీ కౌలు రైతులు, అటవీ దేవాదాయ భూములు సాగుచేస్తున్న రైతులకు ప్రతి ఏటా రూ.13500 చొప్పున రైతు భరోసా సాయం కింద అందిస్తున్నాం ♦ఏకైక ప్రభుత్వం దేశంలోనే మనది ♦పంట రుణాలపై సున్నా వడ్డీకింద పూర్తి వడ్డీ రాయితీని సమచేస్తున్నాం ♦65.64 లక్షలమంది రైతులకు రూ.1218 కోట్లు వడ్డీ రాయితీ కింద ఇచ్చాం ♦గత ప్రభుత్వ బకాయిలను కూడా మన ప్రభుత్వమే చెల్లించింది ♦రాష్ట్రలలో 18.7 లక్షలమంది రైతులన్నలకు పగటి పూటే 9 గంటలపాటు నాణ్యమైన విద్యుత్‌ఇవ్వడానికి ఏడాదికి రూ.9 వేల కోట్లు ఖర్చు చేస్తున్నాం ♦ఇప్పటివరకూ రూ.23వేల కోట్లు ఖర్చు చేశాం ♦నాణ్యమై కరెంటు పగటిపూటే ఇవ్వడానికి ఫీడర్ల ఏర్పాటు కోసం రూ.1700 కోట్లు ఖర్చు చేశాం ♦ఈ రెండున్నరేళ్ల కాలంలో వైయస్సార్‌ ఉచిత పంట బీమాద్వారా రైతన్నలకు 31.07వేలమంది రైతులకు రూ.3788 కోట్ల రూపాయలు రైతన్నలకు అందించగలిగాం ♦రూ.2వేల కోట్ల రూపాయలతో ప్రకృతి వైపరీత్యాల నిధి ఏర్పాటు చేశాం ♦రూ.3వేల కోట్లతో ధరల స్థిరీకరణ నిధి ఏర్పాటు చేశాం ♦ధాన్యం సేకరణ కోసం అక్షరాల రూ.39వేల కోట్లు ఖర్చు చేశాం ♦గతంలో సమయానికి డబ్బులు ఇవ్వని ఘటనలు చూశాం ♦ఇవాళ 21 రోజుల్లోనే చెల్లింపులు చేస్తున్నాం ♦పత్తి కొనుగోలుకోసం రూ.1800 కోట్లు, ఇతర పంటల కొనుగోళ్లకోసం రూ.6434 కోట్లు ఖర్చు చేశాం ♦గత ప్రభుత్వం ఎగ్గొట్టిన రూ.960 కోట్ల ధాన్యం సేకరణ బకాయిలను కూడా ఈ ప్రభుత్వం చిరునవ్వుతో చెల్లించింది ♦గత ప్రభుత్వం రైతన్నలకు ఉచిత విద్యుత్‌కోసం రూ.9వేల కోట్ల కరెంటును కొనుగోలు చేసి బకాయి పెట్టి వెళ్తే, ఈ ప్రభుత్వం ఆ బకాయిలను చెల్లించింది ♦రూ. 383 కోట్ల విత్తన బకాయిల భారాన్ని కూడా ఈ ప్రభుత్వమే స్వీకరించింది ♦రైతు భరోసా కేంద్రాల్లో బ్యాంకింగ్‌ సేవలను కూడా ప్రారంభించాం ♦ఇప్పటికే 9160 బ్యాంకింగ్‌ కరస్పాండెంట్లను ఆర్బీకేల్లో అందుబాటులో పెట్టాం ♦ఆర్బీకే స్థాయిలో వ్యవసాయ సలహామండళ్లను ఏర్పాటు చేశాం ♦మండల స్థాయిలో, జిల్లా స్థాయిలో, రాష్ట్రస్థాయిల్లో వ్యవసాయ సలహామండళ్లను ఏర్పాటు చేశాం ♦నెలలో ఈ నాలుగు స్థాయిల్లో వ్యవసాయ సలహా మండళ్ల సమావేశాలు జరుగుతున్నాయి ♦ఈ సమావేశాల్లో గుర్తించిన సమస్యలను యుద్ధ ప్రాతిపదికన పరిష్కరిస్తున్నాం ♦ప్రాథమిక వ్యవసాయ సహకారా సంఘాలనుంచి ఆప్కాబ్‌ వరకూ అన్నింటినీ ఆధునీకరిస్తున్నాం ♦సహకార రంగంలో హెచ్‌ఆర్‌ విధానాన్ని తీసుకువస్తున్నాం ♦పంటలు నష్టాల్లో ఉంటే.. సీఎంయాప్‌ను ఆర్బీకేల స్థాయిలో అందుబాటులోకి తీసుకువస్తున్నాం

తాడేపల్లి: మరోమారు రైతన్నలకు ఇన్‌పుట్‌ సబ్సిడీ ఇచ్చేందుకు వైఎస్‌ జగన్‌ ప్రభుత్వం సిద్ధమైంది.  2021 నవంబర్‌లో కురిసిన భారీ వర్షాలు, వరదలకు నష్టపోయిన పంటలకు సీఎం వైఎస్‌ జగన్‌ ఇన్‌పుట్‌ సబ్సిడీ పంపిణీ చేయనున్నారు. రేపు(మంగళవారం) తన క్యాంపు కార్యాలయం నుంచి రైతన్నల అకౌంట్లలో సీఎం జగన్‌ జమ చేయనున్నారు.  మొత్తం 5.71 లక్షల మంది రైతన్నలకు 534.77 కోట్ల ఇన్‌పుట్‌ సబ్సిడీని ఏపీ ప్రభుత్వం అందించనుంది. దీని ద్వారా 1220 రైతు గ్రూపులకు వైఎస్సార్‌ యంత్ర సేవాపథకం కింద 29.51 కోట్ల లబ్ధి చేకూరనుండగా, ఇన్‌పుట్‌ సబ్సిడీ, యంత్ర సేవా పథకం కలిపి మొత్తం 564.28 కోట్లు పంపిణీ చేయనున్నారు. ముఖ్యమంత్రిగా వైఎస్‌ జగన్‌ బాధ్యతలు చేపట్టినప్పటి నుంచి ప్రకృతి వైపరీత్యాల కారణంగా నష్టపోయిన 19.93 లక్షల మంది రైతులకు 1612 కోట్ల సాయం అందించారు. 

ఇంటర్నెట్‌ బ్యాంకింగ్‌ నిర్వాహణ విషయంలో బ్యాంకులు చేస్తోన్న తప్పులకు రైతులు శిక్ష అనుభవిస్తున్నారు. బ్యాంకర్ల నిర్లక్ష్యం కారణంగా ప్రభుత్వ పథకాలు క్షేత్రస్థాయిలో రైతులకు అందడం లేదు. ఇందుకు ప్రధాన మంత్రి కిసాన్‌ సమ్మాన్‌ నిధి యోజన మరో ఉదాహరణగా నిలుస్తోంది. కిసాన్‌ యోజన దేశంలో ఉన్న సన్న, చిన్నకారు రైతులకు (ఐదు ఎకరాలలోపు) ప్రధానమంత్రి కిసాన్‌ సమ్మాన్‌ నిధి యోజన కింద పెట్టుబడి సాయంగా ఏడాదికి రూ. 6000లను కేంద్రం అందిస్తోంది. ప్రతీసారి రూ. 2,000ల వంతున మూడు విడతలుగా ఈ సాయం చేస్తోంది. ఈ పెట్టుబడి సాయం నేరుగా ఆన్‌లైన్‌ బ్యాంకింగ్‌ ద్వారా రైతుల ఖాతాలో జమ చేయాల్సి ఉంటుంది. 2019 ఫిబ్రవరిలో ఈ పథకాన్ని కేంద్రం ప్రారంభించింది.  వ్యవసాయ శాఖ లెక్కలు ప్రధానమంత్రి కిసాన్‌ యోజన కింద దేశ వ్యాప్తంగా 68.76 కోట్ల మంది రైతుల ఖాతాల్లోకి ప్రతీ నాలుగు నెలలకు రెండు వేల వంతున జమ చేస్తున్నారు. అయితే రెండేళ్ల కాలానికి సంబంధించి ఎంత మంది రైతులకు సాయం చేశారనే వివరాలను ఇటీవల కేంద్ర వ్యవసాయ ప్రకటించింది. ఇందులో విస్తుపోయే వాస్తవాలు వెలుగు చూశాయి. దాదాపు దేశ ‍ ‍వ్యాప్తంగా ఒక శాతం మంది రైతులకు పెట్టుడి సాయం అందలేదు. 41 లక్షల మంది రైతులు రూ. 820 కోట్లు 2019 ఫిబ్రవరి నుంచి 2021 జూన్‌ 30 వరకు సేకరించిన వివరాల్లో ఆన్‌లైన్‌ ట్రాన్సాక‌్షన్‌ ఫెయిల్‌ కావడం వల్ల ఏకంగా 61.04 లక్షల మంది రైతుల ఖాతాల్లోకి పెట్టుబడి సాయం జమ కాలేదు. బ్యాంకులు మరోసారి ప్రయత్నించగా విఫలమైన ఖాతాల్లో 34 శాతం మేరకు అంటే 20.88 లక్షల మంది రైతుల ఖాతాల్లోకి డబ్బులు జమ చేయగలిగారు. మిగిలిన 41 లక్షల మంది రైతుల ఖాతాల్లోకి ఒక్క పైసా కూడా జమ కాలేదు.  అంటే దాదాపు రూ.820 కోట్ల రూపాయల డబ్బులు రైతుల ఖాతాలకు చేరనేలేదు.  అక్కడే ఎక్కువ వెనుకబాటుతనం ఎక్కువగా ఉండే ఉత్తర్‌ప్రదేశ్‌, బీహార్‌ రాష్ట్రాల్లోనే ఈ తరహా ఫెయిల్డ్‌ ట్రాన్సక‌్షన్స్‌ ఉన్నాయి. ఉత్తర్‌ప్రదేశ్‌ 10.95 లక్షల మంది సన్న, చిన్నకారు రైతులకు పెట్టుబడి సాయం అందలేదు. వారు ఫిర్యాదులు చేయగా ఇందులో కేవలం 8 శాతం మందికి అంటే 91 వేల మందికి తిరిగి డబ్బులను బ్యాంకులు జమ చేశాయి. బీహార్‌ విషయానికి వస్తే 1.38 లక్షల విఫల లావాదేవీలు ఉండగా ఇందులో కేవలం 6.8 శాతం మందికే 9,493 మందికే తిరిగి డబ్బులు జమ అయ్యాయి.  నిర్లక్ష్యం ఫెయిల్డ్‌ ట్రాన్సాక‌్షన్స్‌కి సంబంధించిన డబ్బు తిరిగి ప్రభుత్వం వద్దకే చేరిందా ? లేక బ్యాంకర్ల దగ్గరే ఆగిపోయిందా అనే అంశంపై స్పష్టత లేదు. కానీ 41 లక్షల మంది రైతులకు అందాల్సిన రూ. 820 కోట్లు దక్కకుండా పోయాయి. రెండేళ్లుగా ఈ తంతు జరుగుతున్నా సమస్యను పరిష్కరించడంలో బ్యాంకర్లు, క్షేత్రస్థాయిలో వ్యవసాయ అధికారులు నిర్లక్ష్య ధోరణి ప్రదర్శిస్తున్నారు.  

►అత్యధికంగా ఆసిఫాబాద్‌ జిల్లాలో దెబ్బతిన్న పంటలు- 43,601ఎకరాలు ►వ్యవసాయ శాఖ ప్రకారం పంట నష్టం అంచనా.. 2,00,000ఎకరాలు ►రాష్ట్రంలో ఖరీఫ్‌ సాధారణ సాగు విస్తీర్ణం 1.16 కోట్ల ఎకరాలు కాగా, ఇప్పటివరకు 90.98 లక్షల (78%) ఎకరాల్లో పంటలు సాగయ్యాయి. ఇందులో పత్తి 49.63 లక్షల (104.3%) ఎకరాల్లో సాగు చేయగా, 20.68 లక్షల (60.8%) ఎకరాల్లో వరి నాట్లు వేశారు. ►అనధికారిక లెక్కల ప్రకారం రాష్ట్ర వ్యాప్తంగా దాదాపు నాలుగు లక్షల ఎకరాల్లో పంటలు నీట మునిగాయి. ఇందులో దాదాపు రెండున్నర లక్షల ఎకరాల్లో పంటలు పూర్తిగా దెబ్బతిన్నట్లు అంచనా వేస్తున్నారు. సాక్షి, హైదరాబాద్‌: గత వారం కురిసిన భారీ వర్షాలతో రాష్ట్రాన్ని ముంచెత్తిన వరద తగ్గినా.. రైతుల కన్నీటి ప్రవాహం మాత్రం కొనసాగుతోంది. ఉప్పొంగిన వరదలతో పంటలు దెబ్బతిని పెట్టుబడులు కోల్పోయిన రైతులు, జరిగిన నష్టాన్ని తలుచుకుంటూ.. పొలాల్లో ఇసుక మేటలు చూసి తీవ్ర ఆవేదనకు గురవుతున్నారు. వ్యవసాయ శాఖ వేసిన ప్రాథమిక అంచనా ప్రకారం 2 లక్షల ఎకరాల్లో పంట లకు నష్టం జరిగింది. కానీ వివరాలను అధికారులు బయటకు వెల్లడించడం లేదు. ఇంకా నష్టాన్ని అం చనా వేస్తున్నామని చెబుతున్నారు. నష్టం తాము ప్రాథమికంగా వేసిన దానికంటే పెరిగే అవకాశం ఉందని ఉన్నతాధికారి ఒకరు వ్యాఖ్యానించారు. అత్యధికంగా పత్తికి నష్టం జరిగినట్లు చెబుతుండగా.. తర్వాతి స్థానంలో వరి, సోయాబీన్, మొక్కజొన్న తదితర పంటలు ఉన్నాయి. చాలాచోట్ల వరినాట్లు కొట్టుకుపోయాయి. విత్తనాలు, ఎరువులు, ఇతర సాగు ఖర్చులు కలుపుకొని ఎకరానికి సగటున రూ.30 వేల చొప్పున పెట్టుబడి అవుతుందని అంచనా. కాగా.. అనధికారిక లెక్కల ప్రకారం నాలుగు లక్షల ఎకరాల్లో పంటల మునకకు గాను రైతులు వందల కోట్ల రూపాయలు నష్టపోయినట్లు స్పష్టమవుతోంది. ప్రభుత్వం పాడై పోయిన పంటలకు నష్ట పరిహారం చెల్లించి ఆదుకోవా లని రైతులు డిమాండ్‌ చేస్తున్నారు.  90.98 లక్షల ఎకరాల్లో సాగు రాష్ట్రంలో ఇప్పటివరకు 90.98 లక్షల ఎకరాల్లో పంటలు సాగయ్యాయి. వానలు ముందే కురవడంతో జూన్‌ మొదటి వారంలోనే రైతులు పత్తి వంటి పంటలు వేశారు. విత్తనాలు వేసి నెల రోజులు కూడా గడవకముందే వర్షాలు బాగా పడటంతో పత్తి, మొక్కజొన్న, పెసర, కంది పంటలు మొలక దశలోనే దెబ్బతిన్నాయి. దీంతో కొన్నిచోట్ల పత్తి విత్తనాలు మళ్లీ పెట్టాల్సిన పరిస్థితి ఏర్పడింది. తెలంగాణ పత్తికి డిమాండ్‌ ఉన్నందున ఆ పంట సాగును ప్రభుత్వం ప్రోత్సహించిన సంగతి తెలిసిందే. దీంతో పత్తి సాగు గణనీయంగా పెరగ్గా.. వర్షాలకు అత్యధికంగా పత్తి పంటే దెబ్బతింది. తర్వాత వరి, మొక్కజొన్న, సోయాబీన్‌లకు ఎక్కువగా నష్టం వాటిల్లింది. భద్రాద్రి కొత్తగూడెం జిల్లా చంద్రుగొండలో పత్తి చేనులో నిలిచిన వర్షపు నీరు మంచిర్యాల జిల్లాలో 6,864 ఎకరాల్లో.. మంచిర్యాల జిల్లాలో ఇటీవల కురిసిన వర్షాలకు ప్రాణహిత, గోదావరి తీర ప్రాంత రైతుల పత్తి, వరి పంటలు నీట మునిగాయి. పంట నష్టంపై అధికారులు అంచనా వేసి ప్రభుత్వానికి నివేదిక ఇచ్చారు. ఎక్కువగా పత్తి పంట నీట మునిగింది. ఈ జిల్లాలో 6,864 ఎకరాల్లో పంటలకు నష్టం వాటిల్లి ఉంటుందని అంచనా వేశారు. అందులో పత్తి 5 వేల ఎకరాలు, వరి 1400 ఎకరాలు, మిర్చి 284 ఎకరాలు ఉంది. మొత్తం 2,743 మంది రైతులు నష్టపోయారు. దాదాపు రూ. 3.24 కోట్లు నష్టం జరిగిందని అంచనా వేశారు.  ►అత్యధికంగా ఆసిఫాబాద్‌ జిల్లాలో 43,601 ఎకరాల్లో పంట నష్టం జరిగింది. ఒక్క పత్తి పంటే 40,795 ఎకరాల్లో దెబ్బతింది. 2,401 ఎకరాల్లో కందికి, 45 ఎకరాల్లో సోయాకు, 90 ఎకరాల్లో వరికి, 270 ఎకరాల్లో పెసరకు నష్టం వాటిల్లింది.  ►ఆదిలాబాద్‌ జిల్లాలో 19 వేల ఎకరాల్లో పంట నష్టం జరిగింది. అందులో పత్తి 11 వేల ఎకరాలు కాగా సోయా 4 వేల ఎకరాలు ఉంది. జిల్లాలో కంది, ఇతర పంటలు కూడా దెబ్బతిన్నాయి. నిర్మల్‌ జిల్లాలో 8,400 ఎకరాలలో పంట నష్టం జరిగింది. వరద నీటితో వచ్చిన ఇసుక మేటలు వేయడం వల్ల పత్తి, సోయా పంటలు దెబ్బతిన్నాయి. నిజామాబాద్‌లో దెబ్బతిన్న వరి, సోయా నిజామాబాద్‌ జిల్లాలో వరి, సోయా, మొక్కజొన్న పంటలకు తీవ్రనష్టం వాటిల్లింది. అధికారిక లెక్కల ప్రకారం 6,205 రైతులకు సంబంధించిన 12,597 ఎకరాల్లో పంటలు దెబ్బతిన్నాయి. కాగా మరో 6 వేల ఎకరాల్లో కూడా పంటలు దెబ్బతిన్నట్లు సమాచారం. జిల్లా వ్యాప్తంగా సుమారు వెయ్యి ఎకరాల్లో ఉద్యానపంటలు నష్టపోయినట్లు అధికారులు ప్రాథమికంగా అంచనా వేశారు.  ►కామారెడ్డి జిల్లాలో అధికారిక లెక్కల ప్రకారం 2,240 మంది రైతులకు సంబంధించి 18,392 ఎకరాల్లో పంటలు దెబ్బతిన్నాయి. వాస్తవానికి మరో పదివేల ఎకరాల్లో కూడా పంటలు దెబ్బతిని ఉంటాయని అంచనా. అధికారులు చెప్పిన లెక్కల ప్రకారం 11,635 ఎకరాల్లో సోయా పూర్తి స్థాయిలో దెబ్బతిన్నది. 4 వేల ఎకరాల్లో పప్పుధాన్యాల పంటలు దెబ్బతిన్నాయి. 1,847 ఎకరాల్లో వరి, 837 ఎకరాల్లో పత్తి పంట దెబ్బతిందని ప్రభుత్వానికి నివేదిక పంపారు. రాజన్న సిరిసిల్ల జిల్లాలో మొత్తం 1,605 ఎకరాల్లో పంటలు దెబ్బతిన్నాయి. అందులో వరి 596.3 ఎకరాలు, పత్తి 929 ఎకరాలు, మొక్కజొన్న 80 ఎకరాల్లో దెబ్బతిన్నాయి. బ్యాక్‌ వాటర్‌కు పంటలు బలి  పెద్దపల్లి జిల్లాలో గత వారం రోజుల క్రితం కురిసిన వర్షాలతో గోదావరి, మానేరు ఉగ్రరూపం దాల్చడంతో, సరస్వతి, పార్వతి బ్యారేజ్‌ బ్యాక్‌ వాటర్‌తో మంథిని, ముత్తరాం, అంతర్గం, రామగిరి, రామగుండం మండలాల్లో పంట పొలాలు నీట మునిగాయి. జిల్లాలో మొత్తం 3,374 ఎకరాల్లో 1,620 మంది రైతులకు చెందిన వరి, పత్తి, మిర్చి పంటలు దెబ్బతిన్నాయి. ప్రధానంగా వరి నాట్లు నీట మునగడంతో పాటు చాలాచోట్ల మొక్కలు కొట్టుకుపోయాయి. ►ఉమ్మడి పాలమూరు జిల్లా పరిధిలోని 5 జిల్లాల్లో అధిక వర్షాలకు తెగిన కుంటలు, చెరువులతో మొత్తం 2,512 ఎకరాల్లో పంటలు దెబ్బతిన్నాయి. 1,964 ఎకరాల్లో పత్తి, 120 ఎకరాల్లో వరి, 428 ఎకరాల్లో కందికి నష్టం వాటిల్లింది. నారాయణపేట జిల్లాలో అధికంగా 1,300 ఎకరాల్లో పత్తి, 428 ఎకరాల్లో కంది రైతులు నష్టపోయారు. యాదాద్రి జిల్లాలో 1,205 ఎకరాల్లో పంట దెబ్బతింది. 600 ఎకరాల్లో వరి పంటకు నష్టం వాటిల్లింది. మూడెకరాలు నీళ్ల పాలు  మానేరు పక్కన నాకున్న నాలుగు ఎకరాల్లో వరి పంట సాగు చేశా. ఒక ఎకరానికి రూ.15 వేల చొప్పున నాలుగు ఎకరాలకు రూ. 60 వేలు కూలీలకే ఖర్చయ్యి ౌది. మానేరులో నీటి ప్రవాహం ఎక్కువై నా పంట పొలం మీద నుండి నీరు పోవడంతో మూడెకరాల పంటకు నష్టం జరిగింది. అంతేకాకుండా పొలంలో ఇసుక మేటలు పేరుకుపోయాయి. ఇసుక మేటలు తీసి భూమి చదును చేయడానికి సుమారు రూ.20 వేలు ఖర్చు అవుతుంది. ప్రభుత్వం నష్ట పరిహారం అందించి ఆదుకోవాలి. -నిమ్మతి రమేష్, అడవి శ్రీరాంపూర్‌ గ్రామం, ముత్తరాం, పెద్దపల్లి జిల్లా పొలం మొత్తం కొట్టుకుపోయింది నాలుగు ఎకరాల్లో వరి నాట్లు వేస్తే వర్షాలతో మొత్తం పొలం కొట్టుకుపోయింది. దాదాపు రూ.75 వేల నష్టం వాటిల్లింది. మళ్లీ వరి నాట్లు వేయాలంటే నారు కొనుగోలు చేయాల్సి వస్తుంది. మళ్లీ పెట్టుబడి పెట్టాలంటే అప్పు చేయాలి. వరితో పాటు సోయా పంటను కూడా నష్టపోయాను. ప్రభుత్వం పరిహారం ఇచ్చి ఆదుకోవాలి. – కొప్పుల రాజశేఖర్, రైతు, మోర్తాడ్‌ ఇన్‌పుట్‌ సబ్సిడీ ఇవ్వాలి వర్షాల వల్ల పంటలు నష్టపోయిన రైతులకు పరిహారం ఇవ్వాల్సిందే. గతంలో ఇన్‌పుట్‌ సబ్సిడీ ఇచ్చేవారు. తెలంగాణ రాష్ట్రం ఏర్పడినప్పటి నుంచి ఇన్‌పుట్‌ సబ్సిడీని నిలిపివేశారు. రైతులకు రైతుబంధు కంటే ఇన్‌పుట్‌ సబ్సిడీ ఇవ్వడమే మంచిది. నష్టపోయిన పంటలపై సర్వే నిర్వహించి రైతులకు తగిన పరిహారం ఇవ్వాలి.  – సాయిని సమ్మారావు... పెద్దపల్లి జిల్లా ఓడేడు గ్రామం. మానేరు పక్కన ఉన్న 7 ఎకరాల 10 గుంటల భూమిలో వరి వేశాడు. ఒక ఎకరానికి రూ.15 వేల చొప్పున 1.15 లక్షల దాకా కూలీలకు ఖర్చు అయ్యింది. ఇటీవల లోయర్‌ మానేరు గేట్లు ఎత్తడంతో నీటి ప్రవాహం పంట పొలం మీద నుండి పారడంతో పంటకు నష్టం వాటిల్లింది. అంతేకాకుండా పొలంలో ఇసుక మేటలు వేసింది. ఇసుక మేటలు తీసి భూమి చదును చేయడానికి సుమారు లక్ష రూపాయలు ఖర్చయ్యే అవకాశం ఉంది. గత సంవత్సరం కూడా పొలం మీద నుండి వరద పోయి పంట నష్టం జరిగింది. అప్పుడు అధికారులు వచ్చి చూశారు కానీ ఎలాంటి నష్టపరిహారం అందలేదు. తాజా పంట నష్టంతో అతను రోడ్డున పడే పరిస్థితి వచ్చింది.

సాక్షి, అమరావతి:  వైఎస్సార్‌ రైతుభరోసా–పీఎం కిసాన్‌ పథకం మూడో విడత నిధులు, రైతులకు పెట్టుబడి సాయం, నివర్‌ తుపాను నష్ట పరిహారం చెల్లింపు క్యార్యక్రమం సందర్భంగా ముఖ్యమంత్రి వైఎస్‌ జగన్‌మోహన్‌రెడ్డి ప్రతిపక్ష నేత చంద్రబాబుపై వ్యంగ్యాస్త్రాలు సంధించారు. నివర్ నష్టపరిహారం ఇస్తామని ఇప్పటికే పలుమార్లు చెప్పామని సీఎం గుర్తు చేశారు. అయినా కూడా చంద్రబాబు ప్రతిపక్షనేతగా బాధ్యత లేకుండా వ్యవహరిస్తున్నారని విమర్శించారు. పుత్రుడిని, దత్తపుత్రుడిని ఒక్క రోజు ముందు చంద్రబాబు రోడ్డు మీదకు పంపారని ఎద్దేవా చేశారు. చంద్రబాబు జూమ్‌కు దగ్గరగా.. భూమికి దూరంగా ఉంటున్నారని సీఎం జగన్‌ సెటైర్లు వేశారు. వక్రబుద్ధితో ఆయన ప్రభుత్వంపై విమర్శలు చేస్తున్నారని ఆగ్రహం వ్యక్తం చేశారు. గత ప్రభుత్వం రూ.87,612 కోట్లు రైతుల రుణాలు మాఫీ చేస్తానని చెప్పి రైతులను నిలువునా ముంచిందని అన్నారు. కేవలం రూ.12 కోట్లు కూడా ఇవ్వలేదని.. ఈ విషయాన్ని స్వయంగా ఆర్బీఐ చెప్పిందని సీఎం తెలిపారు. ధాన్యం, విత్తనం, ఇన్సూరెన్స్, విద్యుత్ బకాయిలు, సున్నా వడ్డీ రుణాలను చంద్రబాబు ఎగ్గొట్టారని విమర్శించారు. గత ప్రభుత్వం పెట్టిన బకాయిలను కూడా చెల్లించామని ఈ సందర్భంగా సీఎం జగన్‌ వెల్లడించారు. టీడీపీ ప్రభుత్వ హయాంలో ఆత్మహత్య చేసుకున్న 434 కుటుంబాలకు సాయం చేశామని చెప్పారు. దాంతోపాటు గత ప్రభుత్వం పెట్టిన సున్నా వడ్డీ బకాయిలు రూ.904 కోట్లు తీర్చామని సీఎం తెలిపారు. (చదవండి: పవన్‌ కల్యాణ్‌కు కొడాలి నాని కౌంటర్‌) గత ప్రభుత్వం పెట్టిన ధాన్యం సేకరణ బకాయిలు రూ.960 కోట్లు కూడా చెల్లించామని సీఎం తెలిపారు. కాగా,  వైఎస్సార్‌ రైతుభరోసా–పీఎం కిసాన్‌ పథకం మూడోవిడత నిధులు, అక్టోబరులో వచ్చిన నివర్‌ తుపాను వల్ల పంటలు దెబ్బతిన్న రైతులకు పెట్టుబడి రాయితీ (ఇన్‌పుట్‌ సబ్సిడీ) కింద ఇస్తామన్న నిధుల్ని ప్రభుత్వం మంగళవారం జమచేసింది. వైఎస్సార్‌ రైతుభరోసా–పీఎం కిసాన్‌ మూడోవిడత కింద రూ.1,120 కోట్లు, నివర్‌ తుపాను కారణంగా దెబ్బతిన్న వ్యవసాయ, ఉద్యాన పంటల రైతులకు పెట్టుబడి రాయితీ కింద రూ.646 కోట్లను చెల్లించింది. (చదవండి: మరో శుభకార్యానికి శ్రీకారం చుట్టాం: సీఎం జగన్‌)

సాక్షి, అమరావతి: రైతుల సంక్షేమం కోసం నిరంతరం కృషిచేస్తున్న వైఎస్‌ జగన్‌మోహన్‌రెడ్డి ప్రభుత్వం వారికి మరో కానుక అందించింది. అర్హులైన రైతుల బ్యాంకు ఖాతాల్లో మంగళవారం రూ.1,766 కోట్లను జమచేసింది. వైఎస్సార్‌ రైతుభరోసా–పీఎం కిసాన్‌ పథకం మూడోవిడత నిధులు, అక్టోబరులో వచ్చిన నివర్‌ తుపాను వల్ల పంటలు దెబ్బతిన్న రైతులకు పెట్టుబడి రాయితీ (ఇన్‌పుట్‌ సబ్సిడీ) కింద ఇస్తామన్న నిధుల్ని ప్రభుత్వం జమచేసింది. వైఎస్సార్‌ రైతుభరోసా–పీఎం కిసాన్‌ మూడోవిడత కింద రూ.1,120 కోట్లు, నివర్‌ తుపాను కారణంగా దెబ్బతిన్న వ్యవసాయ, ఉద్యాన పంటల రైతులకు పెట్టుబడి రాయితీ కింద రూ.646 కోట్లను చెల్లిస్తున్నామని ముఖ్యమంత్రి వైఎస్‌ జగన్‌ పేర్కొన్నారు. కంప్యూటర్‌లో మీట నొక్కి చెల్లింపుల కార్యక్రమాన్ని ప్రారంభించారు. ఈ సందర్భంగా ఆయన మాట్లాడుతూ..  మరో శుభకార్యానికి ఈరోజు శ్రీకారం చుట్టాం. రైతుల ఖాతాల్లో రూ.1,766 కోట్లు జమ చేస్తున్నాం. మూడో విడత రైతు భరోసాగా రూ.1,120 కోట్లు, నివర్ తుపాను పరిహారం కింద రూ.646 కోట్లు ఇన్‌పుట్ సబ్సిడీ జమ చేస్తున్నాం. రైతు బాగుంటేనే రాష్ట్రం బాగుంటుంది. రైతులకు మంచి ధరలు రావాలనేదే మా లక్ష్యం.  గత ప్రభుత్వం రూ.87,612 కోట్లు రైతుల రుణాలు మాఫీ చేస్తానని చెప్పి రైతులను నిలువునా ముంచింది. కేవలం రూ.12 కోట్లు కూడా ఇవ్వలేదని స్వయంగా ఆర్బీఐ చెప్పింది. ధాన్యం, విత్తనం, ఇన్సూరెన్స్, విద్యుత్ బకాయిలు, సున్నా వడ్డీ రుణాలు ఎగ్గొట్టారు. గత ప్రభుత్వం పెట్టిన బకాయిలను కూడా చెల్లించాం. గత ప్రభుత్వంలో ఆత్మహత్య చేసుకున్న 434 కుటుంబాలకు సాయం చేశాం. వైఎస్సార్‌ రైతు భరోసా-పీఎం కిసాన్ కింద రూ.13,101 కోట్లు అందించాం. దేశంలో ఎక్కడా లేని విధంగా రైతన్నలకు రూ,13,500 ఇస్తున్నాం. కౌలు రైతులకు, అటవీ భూములు సాగు చేసుకుంటున్న రైతులకు సాయం చేశాం. (చదవండి: పవన్‌ కల్యాణ్‌కు కొడాలి నాని కౌంటర్‌) గత ప్రభుత్వం పెట్టిన సున్నా వడ్డీ బకాయిలు రూ.904 కోట్లు తీర్చాం. వైఎస్సార్‌ సున్నా వడ్డీ కింద ఈ ఖరీఫ్‌కు రూ.510 కోట్లు ఇచ్చాం. వైఎస్ఆర్ ఉచిత పంటల బీమా కోసం రూ.1,968 కోట్లు చెల్చించాం. భారీ వర్షాలు, తుపాను పరిహారం రూ.1,038 కోట్ల ఇన్‌పుట్ సబ్సిడీ ఇచ్చాం. గత ప్రభుత్వం పెట్టిన ధాన్యం సేకరణ బకాయిలు రూ.960 కోట్లు చెల్లించాం. ఉచిత విద్యుత్‌, ఆక్వా రైతుల బాగు కోసం రూ.17,430 కోట్లు ఖర్చు చేశాం. ఉచిత విద్యుత్ పగటి పూట ఇవ్వడం కోసం రూ.1700 కోట్లు వెచ్చించాం. విత్తనాల సబ్సిడీ కింద రూ.383 కోట్ల బకాయిలు కూడా చెల్లించాం. అధికారంలోకి రాగానే శనగ రైతులకు రూ.300 కోట్లు బోనస్ ఇచ్చాం. రైతుల కోసం 18 నెలల కాలంలో రూ.61,400 కోట్లు వెచ్చించాం. రైతులకు ఉచిత విద్యుత్ శాశ్వత ప్రాతిపదికన ఇవ్వడానికి..10వేల మెగావాట్ల సోలార్ ప్రాజెక్ట్‌కు టెండర్లను పిలిచాం. విత్తనం నుంచి అమ్మకం వరకు రైతుకు తోడుగా ఉంటున్నాం. గ్రామాల్లో గోడౌన్లు, ప్రైమరీ ప్రాసెసింగ్‌ సెంటర్లు, జనతాబజార్లు.. నియోజకవర్గ స్థాయిలో సెకండరీ ప్రాసెసింగ్‌ యూనిట్లు.. ఈ ఏడాదిలో పూర్తిచేయాలని లక్ష్యంగా పెట్టుకున్నాం’ అని సీఎం జగన్‌ పేర్కొన్నారు. కాగా, ప్రభుత్వ తాజా నిర్ణయంతో రాష్ట్రంలోని 51.59 లక్షల రైతులు లబ్ది పొందనున్నారు. అసెంబ్లీలో చెప్పిన మాట ప్రకారం సీఎం జగన్‌ చరిత్రలో ఎన్నడూ లేనంత వేగంగా రైతులకు సాయం అందించారు. క్యాంపు కార్యాలయంలో జరిగిన ఈ కార్యక్రమంలో వ్యవసాయ శాఖమంత్రి కన్నబాబు, సీఎస్‌ నీలం సాహ్ని, సంబంధిత శాఖల అధికారులు పాల్గొన్నారు. (చదవండి: ప్రాజెక్టులతో మహా సంక్రాంతి)

సాక్షి, విజయవాడ: రాష్ట్ర వ్యాప్తంగా ఇటీవల కురిసిన అకాల భారీ వర్షాల వల్ల నష్టపోయిన రైతులకు ఈ నెల 27న ఇన్‌పుట్‌ సబ్సీడీ అందించనున్నట్లు వ్యవసాయ శాఖ మంత్రి కురసాల కన్నబాబు తెలిపారు. శనివారం ఆయన మీడియాతో మాట్లాడుతూ... చరిత్రలో ఎన్నడూ ఇంత త్వరగా ఏ ప్రభుత్వం ఇన్‌పుట్‌ సబ్సీడీ ఇవ్వలేదన్నారు. రైతులను ఆదుకునేందుకే ముఖ్యమంత్రి వైఎస్‌ జగన్‌మోహన్‌రెడ్డి ఈ నిర్ణయం తీసుకున్నారని పేర్కొన్నారు. వరదకి, వర్షానికి తేడా తెలియకుండా లోకేష్ తప్పుడు ఆరోపణలు చేస్తున్నారని విమర్శించారు. టీడీపీ ప్రభుత్వంలో రైతులకు 2 వేల కోట్ల రూపాయల ఇన్‌పుట్‌ సబ్సీడీకి ఎగణామం పెట్టారని ఆరోపించారు. (చదవండి: ఉల్లి విషయంలో ఏపీ ప్రభుత్వం తీపి కబురు) ఆ బకాయిలు కూడా సీఎం వైఎస్‌ జగన్‌ రైతులకు అందించారని తెలిపారు. టీడీపీ హాయాంలో రైతులకు రూ. 1,075 కోట్ల వడ్డీ లేని రుణాల మొత్తాన్ని ఎగనామం పెడితే తామోచ్చాక చెల్లించామన్నారు. పోలవరం ప్రాజెక్టును చంద్రబాబు చేసిన పాపాలు వెంటాడుతున్నాయని వ్యాఖ్యానించారు. ప్యాకేజీ పేరుతో చంద్రబాబు పోలవరం ప్రాజెక్ట్‌ను గందరగోళంలో పడేస్తే.. ఇప్పుడు అదే అంశాలను కేంద్ర ప్రభుత్వం చెప్తోందని మంత్రి పేర్కొన్నారు. 

సాక్షి, అమరావతి: వైఎస్సార్‌ జిల్లాకు చెందిన రైతుల సమస్య ఎట్టకేలకు తీరింది. ఎనిమిదేళ్ల క్రితం రబీ పంటలకు సంబంధించిన బీమా క్లెయిమ్‌లు సీఎం వైఎస్‌ జగన్‌మోహన్‌రెడ్డి కృషితో సోమవారం రైతుల ఖాతాల్లో జమ అయ్యాయి. 24,641 మంది రైతులకు 119.44 కోట్ల చెల్లింపులు జరిగాయి. ఈ సొమ్మును కంపెనీ ద్వారా  రైతుల ఖాతాలకు నేరుగా చెల్లిస్తూ తన క్యాంపు కార్యాలయంలో సీఎం వైఎస్‌ జగన్‌ బటన్‌ ప్రెస్‌ చేశారు. ఆ తర్వాత ఆ జిల్లాలోని తొండూరు, సింహాద్రిపురం, వీరపునాయనిపల్లె, వేంపల్లె, పులివెందుల, వేముల, కమలాపురం మండలాలకు చెందిన రైతులతో ఆయన మాట్లాడారు. రైతులు సీఎం జగన్‌కు కృతజ్ఞతలు తెలిపారు. బీమా సొమ్ము కోసం హైకోర్టును కూడా ఆశ్రయించాల్సి వచ్చిందని గతంలో వారు పడిన కష్టాలు వివరించారు. కరోనా వైరస్‌ ప్రభావం ఉన్న సమయంలో కూడా డబ్బులు ఇవ్వడం సంతోషకరమని రైతులు పేర్కొన్నారు. అరటి పంటకు సంబంధించిన కష్టనష్టాలను తెలుసుకుని అధికారులకు సీఎం పలు సూచనలు ఇచ్చారు. మంచి రేటు వచ్చేలా చూడాలని ఆదేశించారు.  ఇన్‌పుట్‌ సబ్సిడీ గత ప్రభుత్వ బకాయి విడుదల రూ.1,100 కోట్లు విడుదల చేస్తూ ఆర్థిక శాఖ ఉత్తర్వులు  రాష్ట్రంలో 2018–19 ఆర్థిక సంవత్సరంలో ఖరీఫ్‌ సీజన్‌కు సంబంధించి రైతులకు ఇవ్వాల్సిన ఇన్‌పుట్‌ సబ్సిడీ రూ.1,100 కోట్లు విడుదల చేస్తూ ప్రభుత్వం ఉత్తర్వులు జారీచేసింది. ప్రకృతి వైపరీత్యాలతో పంటలు నష్టపోయిన రైతులకు గత చంద్రబాబు ప్రభుత్వం ఇన్‌పుట్‌ సబ్సిడీ ఇవ్వలేదు. వైఎస్‌ జగన్‌మోహన్‌రెడ్డి సీఎంగా బాధ్యతలు చేపట్టాక.. గత ప్రభుత్వం ఇవ్వలేకపోయిన ఇన్‌పుట్‌ సబ్సిడీని తామిస్తామని ప్రకటించిన విషయం తెలిసిందే. 

వైఎస్‌ జగన్‌మోహన్‌రెడ్డి.. తాను రైతు పక్షపాతినని మరోసారి నిరూపించుకున్నారు. ఎన్నికల వేళ ఇచ్చిన హామీలే కాకుండా ఇవ్వని వాటినీ నెరవేరుస్తూ రైతు సంక్షేమానికి కృషి చేస్తున్నారు. 2018 ఖరీఫ్, రబీలో పంటలు తీవ్రంగా దెబ్బతిని రైతులకు అపారనష్టం కలిగింది. అప్పడు అధికారంలో ఉన్న టీడీపీ సర్కార్‌ రైతుకు మొండిచేయి చూపగా..రైతు కష్టం తెలిసిన సీఎం జగన్‌మోహన్‌రెడ్డి రైతుకు మేలు జరిగేలా నిర్ణయం తీసుకున్నారు. 2018 ఖరీఫ్, రబీకి సంబంధించి రూ. 984.23 కోట్లు ఇచ్చేందుకు  సిద్ధమయ్యారు. ఈ మేరకు అధికారులకు  ఆదేశాలు జారీ చేయగా... కరువుసీమ రైతన్నలు హర్షం వ్యక్తంచేస్తున్నారు.  సాక్షి, అనంతపురం : జగన్‌ సర్కార్‌ రైతులకు తీపి కబురు చెప్పింది. 2018 ఖరీఫ్, రబీలో జరిగిన పంట నష్టానికి సంబంధించిన పెట్టుబడిరాయితీ (ఇన్‌పుట్‌సబ్సిడీ) ఇచ్చేందుకు ముఖ్యమంత్రి వైఎస్‌ జగన్‌మోహన్‌రెడ్డి సర్కారు గ్రీన్‌ సిగ్నల్‌ ఇచ్చింది. పంట నష్టం టీడీపీ హయాంలోనే జరిగినా..రైతుల కష్టాలను దృష్టిలో పెట్టుకుని పరిహారం మంజూరు చేస్తున్నట్లు సీఎం జగన్‌మోహన్‌రెడ్డి ప్రకటించారు. ఈ మేరకు ఈ నెల 14న నిర్వహించిన వ్యవసాయ మిషన్‌ సమావేశంలో ఆదేశాలు జారీ చేశారు.  చంద్రబాబు తీరుకు భిన్నంగా...  2013 ఖరీఫ్‌లో అప్పటి ముఖ్యమంత్రి కిరణ్‌కుమార్‌రెడ్డి హయాంలో పంటలకు అపార నష్టం జరిగింది. మొత్తంగా రూ.643 కోట్లు ఇన్‌పుట్‌ సబ్సిడీ రైతులకు ఇవ్వాల్సి ఉంది. కానీ 2014లో అధికారంలోకి వచ్చిన చంద్రబాబు పరిహారం ఇచ్చేది లేదని తేల్చిచెప్పారు. తన హయాంలో పంట నష్టం జరగలేదంటూ ఇన్‌పుట్‌ సబ్సిడీ ఇవ్వకుండా మోసం చేశారు. కానీ... జగన్‌ సర్కారు గతానికి భిన్నంగా రైతుల సంక్షేమమే ధ్యేయంగా ముందుకు సాగుతుండటంతో త్వరలోనే గత ఖరీఫ్, రబీకి సంబంధించిన రూ.985 కోట్లు ఇన్‌పుట్‌సబ్సిడీ రైతులకు అందనుంది. 2018 రబీలో జీవాలకు వదిలిన పప్పుశనగ పంట  ఖరీఫ్‌లో రూ.937.40 కోట్లు  గత ఖరీఫ్‌లో జూన్‌ మినహా జూలై, ఆగస్టు, సెప్టెంబర్‌లో  తీవ్ర వర్షాభావ పరిస్థితులు నెలకొనడంతో వేరుశనగ, ఇతర పంటలు దారుణంగా దెబ్బతిన్నాయి. ఖరీఫ్‌లో 338.4 మి.మీ గానూ 37 శాతం తక్కువగా 212 మి.మీ వర్షం కురిసింది. హెక్టారుకు కేవలం 178 కిలోల వేరుశనగ పంట దిగుబడులు వచ్చినట్లు పంట కోత ప్రయోగాలు వెల్లడి చేస్తున్నాయి. దీంతో పెట్టుబడుల్లో సగం కూడా చేతికిరాక రైతులు తీవ్రంగా నష్టపోయారు. ఈ క్రమంలో రాష్ట్ర ప్రభుత్వం గతంలో ఎన్నడూ లేని విధంగా రెండు విడతల్లో జిల్లాలోని మొత్తం 63 మండలాలను కరువు జాబితాలో చేర్చింది. పంట నష్టం తీవ్రత తెలుసుకునేందుకు ఇంటర్‌ మినిస్టీరియల్‌ సెంట్రల్‌ టీం పేరుతో కేంద్ర కరువు బృందం గత డిసెంబర్‌లో జిల్లాలో పర్యటించి వెళ్లింది. ఈ సందర్భంగా వ్యవసాయశాఖ తరఫున పంట నష్టం కింద రూ.967 కోట్లు ఇన్‌పుట్‌ కావాలని అధికారులు కేంద్ర బృందానికి నివేదిక కూడా ఇచ్చారు. ఆతర్వాత మరోసారి క్షేత్రస్థాయిలో పంట నష్టం అంచనా వేసిన అధికారులు చివరకు రూ.937.40 కోట్లు ఇన్‌పుట్‌సబ్సిడీ కావాలని కోరారు. ఇందులో వేరుశనగ పంట నష్టం రూ.710.67 కోట్లు ఉండగా మిగతా 14 రకాల పంటల నష్టం రూ.226.73 కోట్లు చూపించారు. మొత్తంగా 6,95,403 మంది రైతులకు పరిహారం ఇవ్వాలని కోరారు.  రబీలోనూ అదే దుస్థితి  ఖరీఫ్‌ దెబ్బతిన్నా... రబీలోనైనా గట్టెక్కుదామనుకున్న జిల్లా రైతులపై ఈశాన్య రుతుపవనాలు కూడా నీళ్లు చల్లడంతో రబీ గల్లంతైపోయింది. అక్టోబర్, నవంబర్, డిసెంబర్‌ నెలల్లో సాధారణంగా 155.5 మి.మీ వర్షం పడాల్సి ఉండగా కేవలం 50 మి.మీ వర్షం కురిసింది. 67 శాతం మేర లోటు వర్షపాతం నమోదు కావడంతో 77 వేల హెక్టార్లలో వేసిన ప్రధానపంట పప్పుశనగ తుడిచిపెట్టుకుపోయింది. మిగతా పంటలు కూడా బాగా దెబ్బతినడంతో పెట్టుబడుల్లో సగం కూడా చేతికిరాలేదు. ఈ క్రమంలో రాష్ట్ర ప్రభుత్వం రబీ కింద 32 మండలాలను కరువు జాబితాలోకి చేర్చింది. కరువు మండలాల జాబితాలో పప్పుశనగ సాగు చేసే వజ్రకరూరు, విడపనకల్లు, యల్లనూరు, పెద్దపప్పూరు లాంటి మండలాలను స్థానం లేకుండా పోయింది. మిగతా మండలాల్లో పంట నష్టం అంచనా వేసిన అధికారులు 46,621 హెక్టార్లలో పంటలు దెబ్బతిన్నట్లు పేర్కొన్నారు. 43,750 మంది రైతులకు రూ.46.83 కోట్లు ఇన్‌పుట్‌ సబ్సిడీ అవసరమని ప్రభుత్వానికి నివేదించారు. ఇలా ఖరీఫ్, రబీ కింద 7.23 లక్షల హెక్టార్లలో పంటలు దెబ్బతినగా... 7.40 లక్షల మంది రైతులకు రూ.984.23 కోట్లు ఇన్‌పుట్‌సబ్సిడీ రావాల్సి ఉంది. రైతు సంక్షేమాన్ని పూర్తిగా విస్మరించి చంద్రబాబు సర్కార్‌..ఇన్‌పుట్‌ సబ్సిడీ ఫైలును గల్లంతు చేసి చేతులు దులిపేసుకున్నారు. అయితే తాజాగా సీఎం జగన్‌మోహన్‌రెడ్డి చేసిన ప్రకటనతో రైతుల మోములో ఆనందం కనిపిస్తోంది.

సాక్షి, అమరావతి: తాను అధికారంలో ఉండగా కరువు, పంట నష్టం కారణంగా రైతులకు చెల్లించాల్సిన సుమారు రూ.2,300 కోట్ల ఇన్‌పుట్‌ సబ్సిడీని ఎగ్గొట్టిన ప్రతిపక్ష నేత చంద్రబాబు ఇప్పుడు 20 రోజులు కూడా గడవకుండా ముందే పరిహారాన్ని అందచేయాలంటూ విమర్శలకు దిగటంపై సర్వత్రా విమర్శలు వ్యక్తమవుతున్నాయి. రైతులకు చిల్లిగవ్వ విదల్చని చంద్రబాబు ఇప్పుడు నష్టపరిహారం చెల్లించాలని డిమాండ్‌ చేయడం దయ్యాలు వేదాలు వల్లించినట్లుగా ఉందని వ్యాఖ్యానిస్తున్నారు. పంట నష్టపోయిన సందర్భాల్లో నిబంధనల ప్రకారం ఎన్యూమరేషన్‌ జరుగుతుందని, విపత్తు సాయం గురించి తెలిసిన వారెవరూ ఇలాంటి వ్యాఖ్యలు చేయరని అధికార యంత్రాంగం పేర్కొంటోంది. వరదలకు రాష్ట్ర ప్రభుత్వమే కారణమంటూ చంద్రబాబు విమర్శలకు దిగడం పట్ల కూడా విస్తుపోతున్నారు. ‘మనుషులు సృష్టిస్తే వరదలొస్తాయా? విజ్ఞత కలిగిన వారెవరైనా ఇలా మాట్లాడతారా?’ అని రాజకీయ విశ్లేషకులు పేర్కొంటున్నారు. చంద్రబాబు గతంలో అధికారంలోకి వచ్చిన వెంటనే హుద్‌ హుద్‌ తుపాన్‌తో విశాఖ తీవ్రంగా దెబ్బ తినడం ఆయనకు గుర్తు లేదా? అని ప్రశ్నిస్తున్నారు.  రుణమాఫీ హామీని నెరవేర్చకుండా లేఖలా? ప్రతిపక్ష నేత చంద్రబాబు బురద రాజకీయాలు చేస్తుండటం పట్ల సర్వత్రా విమర్శలు వ్యక్తమవుతున్నాయి. ‘గత 25 ఏళ్లలో ఎన్నడూ లేని స్థాయిలో భారీ వరదలు వచ్చి కృష్ణా నదిపై ప్రాజెక్టులన్నీ నిండుకుండల్లా మారాయి. ప్రకాశం బ్యారేజీకి ఒకే రోజు 7.5 లక్షల క్యూసెక్కులకుపైగా వరద నీరు వస్తే కరకట్టల వెంట ఉన్న లంక గ్రామాలు దెబ్బ తినకుండా ఉంటాయా?’ అని పరిశీలకులు, ప్రజలు పేర్కొంటున్నారు. కృష్ణా నదికి వరదల సమయంలో అధికార యంత్రాంగం అంతా అప్రమత్తమై సహాయక చర్యల్లో నిమగ్నం కాగా టీడీపీ నేతలు మినహా మరెవరూ విమర్శలు చేయలేదని, చంద్రబాబు ఉద్దేశపూర్వకంగానే బురద చల్లుతున్నారని స్పష్టం చేస్తున్నారు. చంద్రబాబు ఐదేళ్లు అధికారంలో కొనసాగి తాను తొలి సంతకం చేసిన రైతుల రుణమాఫీ హామీని నెరవేర్చకుండా బకాయిలు చెల్లించాలంటూ ఇప్పుడు ప్రభుత్వానికి లేఖలు రాయటాన్ని తప్పుబడుతున్నారు. వరదలకు ప్రభుత్వమే కారణమంటూ చంద్రబాబు లేఖలు రాయడం సిగ్గుచేటని వ్యవసాయ మిషన్‌ ఉపాధ్యక్షుడు ఎంవీఎస్‌ నాగిరెడ్డి మండిపడ్డారు. 

కడప కార్పొరేషన్‌ : 2012 రబీకి సంబంధించి 21,250 మంది రైతులకు పెండింగ్‌లో ఉన్న ఇన్సూరెన్స్‌ను వెంటనే ఇప్పించాలని మాజీ ఎంపీ వైఎస్‌ అవినాష్‌రెడ్డి కోరారు. ఆయన జెడ్పీ వైస్‌ చైర్మన్‌ ఇరగంరెడ్డి సుబ్బారెడ్డి, వేముల, ముద్దనూరు, కొండాపురం రైతులతో కలసి జేసీ–2 శివారెడ్డిని శనివారం కలిసి వినతిపత్రం సమర్పించారు. ఈ సందర్భంగా అవినాష్‌రెడ్డి మాట్లాడుతూ 2014 రబీలో బుడ్డశనగ పంటకు బ్యాంకులో రెన్యువల్‌ æచేసిన వారికి చెల్లించారని, మిగిలిన వారికి, ఇన్సూరెన్స్‌ కంపెనీ ద్వారా కట్టిన వారికి ఇవ్వలేదన్నారు. వేముల, ముద్దనూరు, కొండాపురం మండలాల రైతులకు ఈ ఇన్సూరెన్స్‌ రాలేదన్నారు. అలాగే 2013–14లో లింగాల, వేముల మండలాల్లో బుడ్డశనగ, ఉద్యాన పంటలు వేసిన రైతులు అకాల వర్షాల వల్ల పంట పూర్తిగా నష్టపోయారన్నారు.  జిల్లా వ్యవసాయ, రెవెన్యూ, ఉద్యాన శాఖల అధికారులు వచ్చి పంటను సర్వే చేసి ప్రభుత్వం ద్వారా నష్ట పరిహారం ఇప్పిస్తామని హామీ ఇచ్చారని, ఇంత వరకూ ఇవ్వలేదన్నారు. 2015 ఇన్‌పుట్‌ సబ్సిడీ ఇంకా కొందరికి రాలేదన్నారు. 2014–15 రబీ బుడ్డశనగకు గ్రామాన్ని యూనిట్‌గా తీసుకున్నారని, దీనికి కూడా ఇన్సూరెన్స్‌ రాలేదన్నారు. 2016 బుడ్డశనగ ఇన్సూరెన్స్‌ కూడా పెండింగ్‌లోనే ఉందన్నారు. 2017లో ప్రతి పంటకు ఇన్సూరెన్స్‌ బ్యాంకులకు పంపారని, కానీ ఇంత వరకూ రైతుల ఖాతాల్లో జమ చేయలేదన్నారు. 2013–14లో లింగాల, తొండూరు, పులివెందుల, సింహాద్రిపురం మండలాల్లో వర్షాభావం వల్ల ఉద్యాన పంటలు ఎండిపోతుంటే అధికారులు వచ్చి.. మీరు ట్యాంకర్ల ద్వారా నీళ్లు తోలుకోండి, డబ్బులిస్తామని రైతులకు చెప్పారని, ఇంత వరకూ ఇవ్వలేదన్నారు.  2015–16 కరువు నిధులు 30 శాతం పెండింగ్‌లో ఉన్నాయన్నారు. జిల్లాలో రైతు రుణమాఫీ 20 శాతం పెండింగ్‌లో ఉందని, దీనివల్ల బ్యాంకు అధికారులు రుణాలు చెల్లించాలని రైతులపై ఒత్తిడి తెస్తున్నారన్నారు. ఈ ఏడాది అరకొర వర్షం పడటం వల్ల కొందరు రైతులు విత్తనం విత్తినారని, వర్షం పడక పైరు ఎండిపోయిందన్నారు. 80 శాతం మంది రైతులు విత్తనమే వేయలేదన్నారు. రైతుల జీవన పరిస్థితి దుర్భరంగా ఉందని, వారికి పెట్టుబడి రాయితీ వచ్చేలా ప్రభుత్వం చర్యలు తీసుకోవాలని కోరారు. జేసీ–2ను కలిసిన వారిలో వైఎస్‌ఆర్‌సీపీ రైతు విభాగం జిల్లా అధ్యక్షుడు సంబటూరు ప్రసాద్‌రెడ్డి, రైతులు విజయశంకర్, మోహన్, ప్రహ్లాదుడు, రజనీకాంత్‌రెడ్డి, శివశంకర్, చంద్రశేఖర్‌రెడ్డి, భాస్కర్‌రెడ్డి, విజయ్‌భాస్కర్‌రెడ్డి పాల్గొన్నారు. 

సాక్షి, అమరావతి: ప్రజలు సబ్సిడీలకు(రాయితీలకు) బానిసలయ్యారని సీఎం చంద్రబాబు వ్యాఖ్యానించారు. ఇన్‌పుట్‌ సబ్సిడీ, క్రాప్‌ సబ్సిడీ వంటి వాటికి అలవాటు పడిపోయారని చెప్పారు. శుక్రవారం ఉండవల్లిలోని ప్రజాదర్బార్‌ హాల్‌లో ఈ–ప్రగతి–ఐఎస్‌బీ గ్రాడ్యుయేషన్‌ సర్టిఫికెట్ల ప్రదానోత్సవంలో చంద్రబాబు మాట్లాడారు. టెలికం రంగంలోకి రావాలని ధీరూబాయ్‌ అంబానీకి చెప్పింది తానేనన్నారు. అప్పట్లో తన నేతృత్వంలోని కమిటీ ఇచ్చిన సిఫార్సుల వల్లే దేశంలో టెలికం సంస్కరణలు అమల్లోకి వచ్చాయన్నారు. దానివల్లే ప్రస్తుతం ప్రజలకు ఇంటర్నెట్, వాయిస్‌ కాల్స్‌ అందుబాటులోకి వచ్చాయని వెల్లడించారు. దేశంలో పారిశ్రామిక విప్లవం రావడంలోనూ తన కృషి ఉందన్నారు. అటల్‌ బిహారీ వాజ్‌పేయ్‌ హయాంలో మొదలైన స్వర్ణ చతుర్భుజి రహదారుల నిర్మాణం తన ఆలోచనేనని చెప్పుకొచ్చారు.   వారికి నేనే వడ్డించా.. : ఒరిజినల్‌ ఐఎస్‌బీ సర్టిఫికెట్‌ పొందడం చాలా కష్టమని, కానీ ఇక్కడ సులభంగా డిగ్రీ పొందారని సర్టిఫికెట్‌ కోర్సు పూర్తిచేసిన అధికారులను ఉద్దేశించి బాబు వ్యాఖ్యానించారు. ఐఎస్‌బీ క్యాంపస్‌ను ముంబయి, చెన్నై, బెంగళూరులో పెట్టాలనుకుంటే తాను చాలా కష్టపడి హైదరాబాద్‌కు తీసుకొచ్చానని తెలిపారు. ఆ సమయంలో మెకంజీ వాళ్లను కాఫీకి పిలిచానని, సర్వర్లను కూడా వెళ్లిపొమ్మని, తానే వారికి అన్నీ వడ్డించానని, చివరికి హైదరాబాద్‌లో ఐఎస్‌బీ పెట్టేందుకు ఒప్పించానని చెప్పారు.  హోదా, హామీలు.. మన హక్కులు: చాలా కష్టాలున్నాయని, కేంద్రం డబ్బులివ్వడం లేదని బాబు వెల్లడించారు. ప్రత్యేక హోదా, ఇచ్చిన హామీలన్నీ మన హక్కులని తెలిపారు. వీటికోసం పోరాడుతూనే లక్ష్యం ప్రకారం రాష్ట్రాన్ని అభివృద్ధి చేయాల్సి ఉందన్నారు. శిక్షణ పూర్తి చేసుకున్న 96 మంది అధికారులకు ముఖ్యమంత్రి ఈ సందర్భంగా సర్టిఫికెట్లను ప్రదానం చేశారు. 


 అనంతపురం అగ్రికల్చర్‌:
         జూన్‌ 2016లో అకాల వర్షాలకు దెబ్బతిన్న పండ్లతోటలకు సంబంధించి పెట్టుబడి రాయితీ (ఇన్‌పుట్‌ సబ్సిడీ) కింద పరిహారం మంజూరు చేస్తూ రాష్ట్ర ప్రభుత్వ ప్రత్యేక ముఖ్య కార్యదర్శి డి.మన్మోహన్‌సింగ్‌ సోమవారం ఉత్తర్వులు జారీ చేశారు. అనంతపురం, చిత్తూరు, వైఎస్సార్‌ కడప, తూర్పు, పశ్చిమ గోదావరి, శ్రీకాకుళం, విజయనగరం, కృష్ణా జిల్లాల పరిధిలో 2,138 హెక్టార్లలో ఉద్యాన పంటలు దెబ్బతినగా 5,247 మంది రైతులకు రూ.5.19 కోట్లు పరిహారం మంజూరు చేశారు. అందులో జిల్లా వాటా రూ.90 లక్షల వరకు ఉన్నట్లు సమాచారం. 


 
  2014 ఇన్‌పుట్‌ పంపిణీ నిలుపుదల
 
 రెండేళ్ల తర్వాత రూ.50 కోట్ల నిధులు వెనక్కి
 
 మిస్‌మ్యాచింగ్‌ జాబితాలో రూ.10 కోట్లు పెండింగ్‌
 
  
 అనంతపురం అగ్రికల్చర్‌:
 వర్షాలు సక్రమంగా కురవక.. పంటలు పండక రైతులు దిక్కుతోచని స్థితిలో అల్లాడుతున్నారు. ప్రభుత్వం నుంచి  ఏ కొద్దోగొప్పో సాయమందినా కొంత ఊరట కలుగుతుంది..ఇలాంటి సమయంలో రైతులకు మంజూరైన పరిహారం పంపిణీ చేయకుండా రెండేళ్ల తర్వాత ఖజానాకు వెనక్కి పంపారు. ఇన్‌పుట్‌ సబ్సిడీ పరిహారం అందుతుందనుకున్న రైతన్నలకు మొండిచేయి చూపినట్లయ్యింది.
 
     2014 ఖరీఫ్‌లో జిల్లా వ్యాప్తంగా 5,81,471 హెక్టార్ల విస్తీర్ణంలో పంటలు దెబ్బతిని నష్టపోయిన 5,79,640 మంది రైతులకు పెట్టుబడి రాయితీ కింద రూ.567,32,74,088 పరిహారం మంజూరు చేశారు. అందులో నకిలీ పాస్‌పుస్తకాలు, డబుల్‌ ఎంట్రీలు ఉన్నట్లు గుర్తించి వాటి కింద 7,529 మంది రైతులకు దక్కాల్సిన రూ.7.64 కోట్లు పరిహారం ఇవ్వకుండా మొదట్లోనే ప్రభుత్వానికి వెనక్కి పంపారు. అంతిమంగా 5,72,111 మంది రైతులకు రూ.559,68,40,424 నష్టపరిహారం ఇవ్వాలని నిర్ణయించారు.
 
 ఇష్టారాజ్యంగా రైతుల జాబితాలు
 తొలిసారిగా ఇన్‌పుట్‌ సబ్సిడీకి ఆధార్‌ లింక్‌ చేసి ‘ఆన్‌లైన్‌ లైసెన్సు మేనేజ్‌మెంట్‌ సిస్టమ్‌ (ఓఎల్‌ఎంఎస్‌) కింద ఈ–రైతు సేవలు’ వెబ్‌సైట్‌లో అప్‌లోడ్‌ చేశారు. ఆన్‌లైన్‌ చేసే క్రమంలో అనేక సాంకేతిక సమస్యలు తలెత్తడం, ముఖ్యంగా ఆధార్‌ నంబర్‌ డిస్‌ప్లే కాకపోవడం, డిస్‌ప్లే అయినా పెద్ద ఎత్తున తప్పులు దొర్లడం, వాటిని సరిచేయడానికి నానాపాట్లు పడ్డారు. ఇందులో కొందరు రైతులకు ఆధార్‌ లేకపోవడం, జాబితాలు తప్పుల తడకలుగా మారిపోయాయి. ముఖ్యంగా అధికార పార్టీ నేతలు జోక్యం చేసుకోవడంతో జాబితాలు ఇష్టారాజ్యంగా మార్చేశారు.
 
 2014 ఇన్‌పుట్‌ పంపిణీకి ఫుల్‌స్టాప్
 ఖరీఫ్‌–2014 ఇన్‌పుట్‌ పంపిణీకి ఫుల్‌స్టాప్‌ పెట్టేశారు. అయినా పూర్తి స్థాయి పరిహారం రైతులకు పంపిణీ చేయకుండానే ముగింపు పలికారు. ఆర్థికంగా చితికిపోయి బక్కచిక్కిన రైతులకు అందాల్సిన రూ.50 కోట్ల వరకు పరిహారం అలా ప్రభుత్వ ఖజానాకు చేరిపోయింది. మరో రూ.10 కోట్లు మిస్‌ మ్యాచింగ్‌ జాబితాలో నిలిచిపోగా దాన్ని సరిచేసుకునేందుకు రైతులు పడుతున్న అవస్థలు అన్నీఇన్నీ కావు. పేరున్నా రాలేదంటూ ఇంకా చాలా మంది రైతులు వ్యవసాయశాఖ అధికారుల చుట్టూ ప్రదక్షిణలు చేస్తుండగా వేలాది మంది తిరిగి తిరిగి వేసారిపోయి ఆశలు వదిలేసుకున్నారు. ఇప్పటికీ రోజూ కనీసం 50 మంది రైతులు 2014 ఇన్‌పుట్‌ సమస్యపై జేడీఏ కార్యాలయానికి వస్తున్నారంటే పరిస్థితి ఎంత అధ్వానంగా ఉందో అర్థం చేసుకోవచ్చు.
 
 అర్హత ఉన్నా అందని పరిహారం
 అర్హత ఉన్నా చాలా మంది పేర్లు గల్లంతు కావడం, పేరున్నా పరిహారం తక్కువగా ఇవ్వడం, కొన్ని ప్రాంతాల్లో అయితే ఐదెకరాలున్న రైతులకు కూడా రూ.1,000 లేదా రూ.2 వేలు మాత్రమే దక్కింది. దీనికితోడు పరిహారం ఒకేసారి విడుదల చేయకుండా ప్రభుత్వం జాప్యం చేస్తూ రావడం వల్ల పంపిణీ ప్రసహనంగా సాగింది. ఒకటి, రెండు సార్లు కాదు.. ఏకంగా పది విడతలుగా పరిహారం విడుదల చేశారంటే ఎంత దయనీయంగా ఉందో తెలుస్తుంది.
 
 2015 పరిహారం రెండేళ్ల తర్వాత పంపిణీ
 2015 ఆగస్టులో తొలివిడతగా పరిహారం విడుదల చేయగా పదో విడత 2017 ఫిబ్రవరిలో విడుదల చేశారు. ఈ కారణాల వల్ల పరిహారం కోసం రైతులు పడిన అవస్థలు అన్నీ ఇన్నీ కావు.  ఒకటి, రెండు సార్ల కంటే ఎక్కువ సార్లు తిరిగిన రైతులు ఎందరో అని చెప్పాలి. కొందరైతే 30 నుంచి 40 సార్లు మండలాలు, డివిజన్లు, జిల్లా కేంద్రం, బ్యాంకుల చుట్టూ తిరిగి అలసిపోయారు. తిరగడానికి, వచ్చిన ప్రతిసారీ ఆధార్, బ్యాంకు అకౌంట్, పట్టానెంబర్‌ జిరాక్స్‌ల కోసం, రానుపోనూ చార్జీల కోసం రూ.వేలు ఖర్చు చేసుకున్నవారు చాలా మందే ఉన్నారు. పరిహారం రాని వారు పెద్ద సంఖ్యలోనే మిగిలారు. మిస్‌మ్యాచింగ్‌ను సరిచేసుకునేందుకు ఇప్పటికీ అవస్థలు పడుతూనే ఉన్నారు. ఈ క్రమంలో ఎట్టకేలకు రూ.521 కోట్లు పంపిణీ పూర్తయినట్లు వ్యవసాయశాఖ జేడీ కార్యాలయ వర్గాలు తెలిపాయి.  
  
 2014లో దెబ్బతిన్న పంటల విస్తీర్ణం    : 5.81 లక్షల హెక్టార్లు
 మంజూరైన ఇన్‌పుట్‌ పరిహారం    : రూ.567.32 కోట్లు
 బాధిత రైతుల సంఖ్య            : 5.79 లక్షల మంది
 రెండేళ్లుగా పంపిణీ చేసిన పరిహారం    : రూ.521 కోట్లు
 పరిహారం అందుకున్న రైతుల సంఖ్య    : 5.37 లక్షల మంది
 మిస్‌మ్యాచింగ్‌లో ఉన్న పరిహారం    : రూ.10 కోట్లు
 పరిహారం పంపిణీ కాకుండా మిగిలింది    : రూ. 51 కోట్లు
 పరిహారం దక్కని రైతులు సంఖ్య    : 42 వేల మంది
 
  


 కణేకల్లు: పంటలు సాగు చేసి తీవ్రంగా నష్టపోయిన రైతులందరికీ ఇన్‌పుట్‌ సబ్సిడీ అందేలా చూస్తామని జేడీఏ శ్రీరామమూర్తి తెలిపారు. గతేడాది వేరుశనగ పంట సాగు చేసి నష్టపోయిన 5 లక్షల మందికి రూ.889 కోట్ల ఇన్‌పుట్‌ సబ్సిడీ మంజూరైందని ఆయన వెల్లడించారు. బుధవారం ఆయన కణేకల్లులో ప్రత్యామ్నాయ పంటల విత్తన పంపిణీని పరిశీలించారు. అర్హులైన రైతులందరికీ ప్రత్యామ్నాయ పంట విత్తనాలను అందేలా చూడాలని ఏఓ శ్రీనివాసులును ఆదేశించారు. ఈ సందర్భంగా జేడీఏ విలేకరులతో మాట్లాడుతూ, ఇన్‌పుట్‌ సబ్సిడీ ప్రక్రియ 95శాతం పూర్తయ్యిందన్నారు. మిస్‌మ్యాచ్, ఇన్‌పుట్‌కు అర్హులై ఉండీ జాబితాలో పేరు లేని వారు, ఇన్‌పుట్‌ సబ్సిడీ మంజూరైనా ఖాతాల్లో డబ్బు జమ కాని వారు కొందరున్నారనీ, వీరందరికీ త్వరలోనే ఇన్‌పుట్‌ సబ్సిడీ డబ్బు అందేలా చూస్తామన్నారు.
 
 వేరుశనగ సాగుచేయని వారికే ప్రత్యామ్నాయ విత్తనాలు
 జిల్లా వ్యాప్తంగా వేరుశనగ సాగయ్యే భూమి 8 లక్షల హెక్టార్లుంటే ఇప్పటి వరకు కేవలం 3.20 లక్షల హెక్టార్లలోనే వేరుశనగ సాగైందన్నారు. 80 వేల హెక్టార్లలో ఆముదం, కంది పంటలు సాగు చేశారన్నారు. ఖరీఫ్‌లో వేరుశనగ పంట సాగు చేయని రైతులకు ప్రత్యామ్నాయ పంటల విత్తనాలు అందజేస్తున్నట్లు ఆయన వెల్లడించారు. ఉలవలు, అలసందుల విత్తనాలు ఉచితంగా, జొన్న, మొక్కజొన్న, సజ్జ, పొద్దుతిరుగుడు పంట విత్తనాలు కేజీ రూ.50 రాయితీతో రైతులకు అందజేస్తున్నామన్నారు. వేరుశనగ సాగు చేసి ఈ-క్రాప్‌ బుకింగ్‌ చేసుకున్న రైతులకు ప్రత్యామ్నాయ పంటల విత్తనాలు ఇచ్చేది లేదన్నారు. నల్లరేగడి భూములున్న రైతులకు సెప్టెంబర్‌ 20 లోపు పప్పుశనగ విత్తనాలు అందించడానికి చర్యలు తీసుకుంటున్నట్లు జేడీఏ తెలిపారు. జేడీఏ వెంట ఏపీ సీడ్స్‌ జిల్లా మేనేజర్‌ రెడ్డపరెడ్డి, ఏఈఓ విజయ్‌కుమార్‌లున్నారు.


 అనంతపురం జిల్లా రాప్తాడు పర్యటనలో సీఎం 
  
 సాక్షి ప్రతినిధి, అనంతపురం: రుణమాఫీలో రూ.1.50 లక్షలు తీసుకున్నారు.. ఇప్పుడు ఇన్‌పుట్‌ సబ్సిడీ, ఇన్సూరెన్స్‌ తీసుకున్నా రు... అయినా నన్ను విమర్శిస్తున్నారంటే చాలా బాధ కలుగుతుందని ముఖ్యమంత్రి చంద్రబాబునాయుడు అన్నారు. ఇన్‌పుట్‌ సబ్సిడీ పంపిణీ నేపథ్యంలో ‘రైతు కృతజ్ఞత యాత్ర’ పేరుతో చంద్రబాబు అనంతపు రం జిల్లా రాప్తాడు నియోజకవర్గంలో పర్యటించారు. మొదట కనగానపల్లి మండలం ముక్తాపురంలో ఎన్టీఆర్‌ గృహకల్ప పేరుతో నిర్మించిన 32 ఇళ్లను ప్రారంభించారు. తర్వాత లబ్ధిదారులతో ముఖాముఖి నిర్వహించారు. ఆ తర్వాత బహిరంగసభలో ప్రసంగించారు. ‘‘రాష్ట్రంలో రూ.24,500 కోట్ల రుణమాఫీ చేయగా.. రూ.2,728 కోట్లు అనంతపురానికి వచ్చింది. రాష్ట్రానికి ఇన్‌పుట్, ఇన్సూరెన్స్‌ కలిపి రూ.2,214 కోట్లు ఇస్తే రూ.1451 కోట్లు అనంతపురానికి ఇచ్చాను. ఈ ఏడాది హంద్రీనీవా ద్వారా జిల్లాలోని చెరువులను నింపుతాం. మల్యాల, ముచ్చుమర్రి నుంచి నీటిని ఎత్తిపోస్తాం.  రైతులు పండ్లు విక్రయించే సమయంలో వ్యాపారులు సూట్‌ వసూలు చేస్తున్నారు. ఇకపై ఎవరైనా సూట్‌ వసూలు చేస్తే వారిపై పీడీ యాక్టు నమోదు చేస్తాం. రాష్ట్ర బహిష్కరణ చేస్తా’’ అని సీఎం చెప్పారు.
  
 అనాథగా మారిన బాలికకు అండ
 తాడిపత్రిలో మంగళవారం తల్లీ ఇద్దరు కూతుళ్లు దారుణహత్యకు గురికాగా.. తండ్రి కూడా బుధవారం ఆత్మహత్యకు పాల్పడిన ఘటనలో మరో కుమార్తె ప్రసన్న అనాథగా మారింది. ఈ నేపథ్యంలో ప్రసన్నను మహిళా కమిషన్‌ చైర్మన్‌ నన్నపనేని రాజకుమారి ముఖ్యమంత్రి సభకు తీసుకొచ్చారు. స్పందించిన సీఎం ప్రసన్న పేరుతో రూ.20లక్షలు ఫిక్స్‌డ్‌ డిపాజిట్‌ చేస్తున్నట్లు ప్రకటించారు. ప్రసన్నను చదివించే బాధ్యతను తాడిపత్రి ఎమ్మెల్యే జేసీ ప్రభాకర్‌రెడ్డి తీసుకున్నారు. 


 - తప్పులతడకగా పంట నష్టం జాబితాలు
 – నిర్లక్ష్యంగా వ్యవహరించిన వ్యవసాయ, రెవెన్యూ అధికారులు
 – వేరుశనగ సాగు చేస్తే కందికి ఇన్‌పుట్‌ సబ్సిడీ  
 – అధికార పార్టీ నేతల ఆధ్వర్యంలో జాబితాల తయారీ
 – గ్రామ పంచాయతీల్లో ప్రదర్శనకు పెట్టని వైనం
  
 కర్నూలు (అగ్రికల్చర్‌): 
  
 – మంత్రాలయం మండలం రచ్చుమర్రిలో గత ఏడాది ఖరీఫ్‌లో సాగు చేసిన పంటలు వర్షాభావం వల్ల పూర్తిగా దెబ్బతిన్నాయి. పెట్టుబడుల్లో 50శాతం కూడా దక్కలేదు. గ్రామ రైతుల్లో దాదాపు 70 శాతం మంది చిన్న, సన్న కారు రైతులే. అయితే.. పంట నష్టం వివరాల నమోదులో వీఆర్‌ఓ, ఏఈఓలు ఇష్టారాజ్యంగా వ్యవహరించారు. ఐదెకరాలు ఉంటే పావు ఎకరా, మూడెకరాలు ఉన్న రైతుకు అరఎకరాలో పంట నష్టం వాటిల్లినట్లు నమోదు చేశారు. దీంతో వారికి రూ.500 నుంచి రూ.2వేల వరకు మాత్రమే ఇన్‌పుట్‌ సబ్సిడీ వచ్చింది. 
  
  –వెల్దుర్తి మండలం బోగోలు గ్రామంలో వడ్డె రాముడికి 357/1 సర్వే నంబరులో 2.50 ఎకరాలు, 357/ఏ సర్వే నంబరులో 2.50 ఎకరాల భూమి ఉంది. గత ఖరీఫ్‌లో వేరుశనగ సాగు చేశారు. ఈ–క్రాప్‌ బుకింగ్‌లో వేరుశనగ అని నమోదైంది. అడంగల్‌లోనూ అదే పంటను పేర్కొన్నారు. కానీ ఇన్‌పుట్‌ సబ్సిడీకి మాత్రం ‘కంది పంట’ అని రాశారు. దీంతో రాముడు హెక్టారుకు రూ.5వేల ఇన్‌పుట్‌ సబ్సిడీని కోల్పోయారు. ‘మేము వేరుశనగ వేశాము కదా..! కంది పంటకు ఇన్‌పుట్‌ సబ్సిడీ వచ్చిందేమిట’ని అడిగితే.. పొరపాటు జరిగిందని, ఏమీ అనుకోవద్దని అధికారులు చెబుతున్నారు.
  
 ఖరీఫ్‌-2016లో సాగు చేసిన అన్ని పంటలు వర్షాభావం వల్ల దెబ్బతిన్నాయి. దీంతో ప్రభుత్వం జిల్లాలోని 36 మండలాలను కరువు ప్రాంతాలుగా గుర్తించింది. ఇందులో పది మండలాల్లో పంటల దిగుబడి బాగా ఉందంటూ నష్టం వివరాలను నమోదు చేయలేదు. 26 మండలాలకు ఇన్‌పుట్‌ సబ్సిడీ కింద రూ.325 కోట్లు ఇటీవల విడుదల చేసింది. ఈ మొత్తాన్ని ఏడీఏలకు విడుదల చేశారు. వారి నుంచి రైతులకు పంపిణీ చేస్తారు. కాగా.. పంట నష్టం వివరాల నమోదులో రెవెన్యూ, వ్యవసాయాధికారులు ఎంత నిర్లక్ష్యంగా వ్యవహరించారో ఇప్పుడిప్పుడే తెలుస్తోంది. అధికారుల నిర్లక్ష్యంపై రైతుల నుంచి ఫిర్యాదులు వెల్లువెత్తుతున్నాయి. ఒకరు, ఇద్దరు కాదు.. వేలాది మంది రైతులకు అన్యాయం జరిగింది. కావలసిన వారికి పత్తి, వేరుశనగ వేసినట్లు రాసి హెక్టారుకు రూ.15వేలు ఇన్‌పుట్‌ సబ్సిడీ వచ్చేలా చూశారు. ఇతరులకు కొర్ర, కంది వంటి పంటలు చూపారు. దీనివల్ల వారికి తక్కువ మొత్తం వచ్చింది.
  
 పాత జాబితాలనే వినియోగించారు!
 ఇన్‌పుట్‌ సబ్సిడీ నమోదులో పాత జాబితాలతోనే మమ అనిపించినట్లు విమర్శలు వస్తున్నాయి. 2014లో 20 మండలాలను కరువు ప్రాంతాలుగా గుర్తించగా.. కేవలం ఆదోని రెవెన్యూ డివిజన్‌లోని దేవనకొండ, ఆలూరు, పత్తికొండ, చిప్పగిరి, తుగ్గలి మండలాల్లో మాత్రమే పంట నష్టం జరిగినట్లు నిర్ధారించారు. ఈ మండలాలకు రూ.73 కోట్ల ఇన్‌పుట్‌ సబ్సిడీ విడుదలైంది. 2015, 2016లోనూ ఈ మండలాలను కరువు ప్రాంతాలుగా ప్రకటించారు. దీంతో ఇక్కడ 2014 కరువు జాబితాలనే 2015, 2016కు వినియోగించినట్లు విమర్శలున్నాయి. 2015లో ప్రభుత్వం జిల్లాలో 40 మండలాలను కరువు ప్రాంతాలుగా గుర్తించింది. అన్ని మండలాల్లో పంట నష్టం జరిగినట్లు నిర్ధారించింది. నష్టపోయిన రైతుల జాబితాలను తయారు చేసి ఇన్‌పుట్‌ సబ్సిడీకి ప్రతిపాదించారు. ఈ జాబితాలనే తిరిగి 2016లోనూ వినియోగించినట్లు తెలుస్తోంది. దీనివల్ల వేలాది మంది రైతులకు తీవ్ర అన్యాయం జరిగింది. 
  
 నిబంధనలకు తూట్లు
 నిబంధనల ప్రకారం పంట నష్టంపై సర్వే పూర్తయి, జాబితాలు రూపొందించిన తర్వాత వాటిని గ్రామ పంచాయతీల్లో రైతుల పరిశీలనకు ఉంచాలి. అందులో పేర్లు లేకపోయినా, ఒక పంట సాగు చేసి ఉంటే మరో పంటను నమోదు చేసినా, విస్తీర్ణంలో తేడా ఉన్నా.. రైతులు అధికారులకు ఫిర్యాదు చేయొచ్చు. వాటిని పరిశీలించి.. తుదిజాబితాను రూపొందించి వ్యవసాయ సంయుక్త సంచాలకుడి(జేడీఏ)కి పంపాల్సి ఉంటుంది. కానీ ఏ గ్రామ పంచాయతీలోనూ రైతుల పరిశీలనకు జాబితాలు పెట్టిన ధాఖాలాలు లేవు. ప్రదర్శించి ఉంటే ఇప్పుడిన్ని ఫిర్యాదులు, ఆందోళనలు ఉండేవి కావు. 
  
 అధికార పార్టీ నేతల సిఫారసు మేరకే..
 హాలహర్వి పూర్తిగా కరువు మండలం. ఇక్కడ అధికార పార్టీ నేతలు ఇన్‌పుట్‌ సబ్సిడీ కోసం వారికి ఇష్టమైన వ్యక్తుల పేర్లు మాత్రమే నమోదు చేయించారు. నిజమైన రైతులకు తీవ్ర అన్యాయం చేశారు. చింతకుంట, శ్రీధర్‌హాల్, కామినహాల్, బిలేహాల్‌ గ్రామాల్లో అధికార పార్టీ నేతల ఆధ్వర్యంలోనే జాబితాలు రూపొందాయి. నిజమైన రైతులకు అన్యాయం జరగడంపై వీఆర్‌ఓ, తహసీల్దార్లను అడిగితే వ్యవసాయాధికారులపైన, వారిని అడిగితే రెవెన్యూ అధికారుల మీద చెబుతున్నారు. మొత్తమ్మీద అధికారుల తప్పిదాల వల్ల వేలాదిమంది రైతులు నష్టపోవాల్సి వస్తోంది. 
  


 ఇన్‌పుట్‌ సబ్సిడీలో లోపించిన పారదర్శకత
 - టీడీపీ నేతల దయాదాక్షిణ్యాలపైనే మంజూరు
 - అస్మదీయులైతే పొలం లేకున్నా పరిహారం
 - జిల్లాలో రూ.వంద కోట్లకు పైగా గోల్‌మాల్‌
 - భాగస్వాములవుతున్న వ్యవసాయాధికారులు
 - ఇన్సూరెన్స్‌ మంజూరులోనూ అన్యాయమే..
 
 - ఆత్మకూరు మండలం సిద్ధలాపురానికి చెందిన ఎ.లక్ష్మిదేవికి సర్వే నెంబర్‌ 497–3ఏలో పొలం ఉన్నట్లు, అందులో ఆముదం సాగు చేసినట్లు.. ఈ పంటకు నష్టం వాటిల్లినట్లు రూ.13,600 ఇన్‌పుట్‌ సబ్సిడీ ఇచ్చారు. నిజానికి ఈమెకు పొలం లేదు. ఇదే సర్వే నెంబర్‌ 497–3ఏలో అదే గ్రామానికి చెందిన కె.కవిత కూడా ఆముదం సాగు చేసి నష్టపోయినట్లు రికార్డులు సృష్టించారు. ఈమెకు రూ.13,600 పరిహారం మంజూరయింది. ఇంతటితో ఆగలేదు. ఇదే సర్వే నెంబర్‌(497–3ఏ)లో అదే గ్రామానికి చెందిన మరో వ్యక్తి వెంకటేశులు కూడా ఆముదం సాగు చేసి నష్టపోవడంతో రూ.12,240 పరిహారం ఇచ్చారు. ఈయనకూ పొలం లేకపోవడం గమనార్హం. ఈ మండలంలో ఇలాంటి అనర్హులు వేల సంఖ్యలో ఉన్నారు. అయితే వీరికున్న అర్హత.. మంత్రి పరిటాల సునీత అనుచరులు కావడమే!
 
 - బత్తలపల్లి మండలం మాల్యవంతం గ్రామంలో లక్ష్మీదేవి అనే మహిళా రైతుకు 3.60 ఎకరాల పొలం ఉంది. ఈమె ఖాతాలో(నెంబర్‌:1163) రూ.3వేలు మాత్రమే జమ చేశారు. ఇదే గ్రామంలో డి.ఈశ్వరయ్య అనే మరో రైతు 2.74 ఎకరాల్లో(పట్టా నెంబర్‌.954–డి) పంటసాగు చేసి నష్టపోయారు. ఈయనకు రూ.6వేల ఇన్‌పుట్‌ సబ్సిడీ జమ చేశారు. ఇదే గ్రామానికి చెందిన మరో రైతు సూర్యనారాయణ 2.50 ఎకరాల్లో(పట్టా నెంబర్‌.955) పంటసాగు చేసి నష్టపోయారు. ఈయనకు రూ.3వేలు జమ అయ్యింది. ఎకరాకు రూ.6వేలు చొప్పున పరిహారం అందాల్సి ఉన్నా.. అలా జరక్కపోవడానికి వీరంతా అధికార టీడీపీ నేతలతో సన్నిహితంగా మెలగకపోవడమేనని తెలుస్తోంది.
 - ఇదీ జిల్లాలో ఇన్‌పుట్‌ సబ్సిడీ తీరుతెన్ను.
 
 ఇన్‌పుట్‌ సబ్సిడీ పంపిణీ పూర్తిగా అధికార పార్టీ నేతల దయాదాక్షిణ్యాలపై ఆధారపడి జరుగుతోంది. ఇది ప్రభుత్వ సొమ్ము. నష్టపోయిన రైతులందరికీ దక్కాల్సిన పరిహారం అనే విషయాన్ని విస్మరించి అధికారులు కూడా అధికార పార్టీ నేతలకు జీహుజూర్‌ అంటున్నారు. పొలం లేని వారికి సర్వే నెంబర్లు, ఖాతాలు సృష్టించి పరిహారం పంచుతున్నారు. పొలం ఉండి, పంటసాగు చేసి నష్టపోయిన వారితో చెలగాటం ఆడుతున్నారు.
 
 సాక్షిప్రతినిధి, అనంతపురం : గత ఏడాది ఖరీఫ్‌లో రైతులు 8.50లక్షల హెక్టార్లలో పంటలు సాగు చేశారు. ఈ విస్తీర్ణానికి బ్యాంకర్లు పంట రుణం కూడా అందించారు. అధికారులు మాత్రం 7.17లక్షల హెక్టార్లలో పంటలు దెబ్బతిన్నట్లు లెక్కలు తేల్చారు. ఇందులో 5.90లక్షల హెక్టార్లు వేరుశనగ, తక్కిన విస్తీర్ణంలో ఇతర పంటలు నష్టపోయినట్లు లెక్కగట్టారు. బ్యాంకర్లు వేరుశనగకు ఎకరాకు పెట్టుబడి రూ.19,500 అవుతుందని లెక్కగట్టి ఆ మేరకు రుణం మంజూరు చేశారు. ఈ లెక్కన జిల్లాలో సాగైన 6.02లక్షల హెక్టార్ల వేరుశనగకు రూ.2,954 కోట్ల నష్టం వాటిల్లింది. ఇతర పంటలకు మరో రూ.500కోట్ల మేర నష్టం సంభవించింది. ప్రభుత్వం 63 కరువు మండలాలను ప్రకటించింది. కానీ ఇన్‌పుట్‌ సబ్సిడీ మాత్రం రూ.1032.42కోట్లు మాత్రమే మంజూరు చేసింది. అంటే.. రైతులకు ఎకరాకు 19,500 ఖర్చయితే, ప్రభుత్వం రూ.6వేలు మాత్రమే లెక్కగట్టింది. ఇది ప్రభుత్వం రైతులకు చేసిన మొదటి అన్యాయం. పోనీ ఆ మేరకైనా పరిహారం ఇస్తున్నారా? అంటే అదీ లేదు.
 
 ఆధార్‌ ‘లింకు’ పేరుతో మరో అన్యాయం
 ప్రతి రైతుకు 5ఎకరాల వరకూ పరిహారం ఇవ్వాలి. ఈ లెక్కన అత్యధికంగా రూ.30వేల వరకూ రైతులకు పరిహారం దక్కాలి. ఒక రైతుకు ఓ గ్రామంలో 2 ఎకరాల పొలం ఉండి, మరో గ్రామంలో మరో రెండు ఎకరాల పొలం ఉంటే నాలుగెకరాలకు పరిహారం అందాలి. కానీ ఒకే ఆధార్‌కార్డుతో రెండుచోట్ల పొలం ఉందనే కారణంతో పరిహారం ఎగవేస్తున్నారు. దీంతో రైతులకు తీవ్ర అన్యాయం జరుగుతోంది. టీడీపీ నేతలకైతే పొలం లేకున్నా సర్వే నెంబర్లు, ఖాతాలు సృష్టించి పరిహారం వేస్తున్నారు. ఇందులో వ్యవసాయాధికారులు పూర్తిగా అధికార పార్టీ చెప్పుచేతల్లో నడుచుకుంటూ ఇన్‌పుట్‌ సబ్సిడీ మంజూరులో గోల్‌మాల్‌ చేస్తున్నారు. నిజమైన రైతులుంటే వారికి హక్కుగా దక్కాల్సిన పరిహారాన్ని కూడా అందించని పరిస్థితి. ఇలా.. రూ.వంద కోట్లకు పైగా జిల్లాలో గోల్‌మాల్‌ జరుగుతున్నట్లు తెలుస్తోంది. వాస్తవంగా రైతులకు తీవ్ర అన్యాయం జరుగుతుంటే.. టీడీపీ నేతలు మాత్రం రైతు కృతజ్ఞత యాత్ర పేరుతో చంద్రబాబును జిల్లాకు రప్పిస్తున్నారు. కృతజ్ఞత చెప్పాలనే ఆలోచన ‘అనంత’ రైతులెవ్వరికీ లేకపోయినా అధికార పార్టీనేతలు, కార్యకర్తలు పంటసాగు చేయకపోయినా కాసుల పంట పండుతుండటంతో వారు చంద్రబాబుకు కృతజ్ఞత తెలియజేసేందుకు బాబును పిలిపించుకుంటున్నారనే చర్చ జరుగుతోంది.
 
 బీమా మంజూరులో తిరకాసు
 21.25లక్షల ఎకరాల్లో వేరుశనగ సాగు చేసేందుకు రైతులు రుణాలు తీసుకున్నట్లు బ్యాంకు రికార్డులు చెబుతున్నాయి. ఈ విస్తీర్ణానికి రైతుల నుంచి ప్రీమియం వసూలు చేశారు. కానీ 15.05లక్షల ఎకరాల్లోనే పంట సాగయిందని వ్యవసాయాధికారులు క్రాప్‌బుకింగ్‌ రికార్డుల్లో పేర్కొన్నారు. ఇందులో 14.87లక్షల ఎకరాలకు నష్టం వాటిల్లిందని బీమా కంపెనీ తేల్చింది. ఈ మొత్తానికి పరిహారం చెల్లించేందుకు బజాజ్‌ కంపెనీ జిల్లాకు రూ.419కోట్ల పరిహారాన్ని చెల్లిస్తోంది. నిజానికి రైతు తీసుకున్న రుణానికి ఇన్సురెన్స్‌ చేశారు. అంటే ఏ మేరకు రుణం తీసుకున్నారో, ఆ మేరకు బీమా మంజూరు కావాలి. ఈ లెక్క రూ.2,500కోట్లకు పైనే అవుతుంది. కానీ బీమా కంపెనీ కేవలం రూ.419కోట్లు మాత్రమే ఇస్తోంది. ఈ మొత్తాన్ని 14.87లక్షల ఎకరాలకు జమ చేస్తున్నారు. తక్కిన 6.37లక్షల ఎకరాలకు పరిహారం ఎవరు చెల్లించాలనేది ప్రశ్నార్థకం.


 = ఎక్కడ పొలం ఉన్నా...ఒక్క మండలం నుంచే పరిహారం  
 = అర్హత ఉన్నా రూ.30 వేలు కూడా ఇవ్వకపోవడం
 = ఈ–క్రాప్‌ కారణంగా చాలా మంది పేర్లు లేకపోవడం
 
 అనంతపురం అగ్రికల్చర్‌: ఖరీఫ్‌ –2016లో దెబ్బతిన్న వేరుశనగ, ఇతర 16 రకాల పంటలకు సంబంధించి మంజూరైన రూ.1,032.42 కోట్ల ఇన్‌పుట్‌ సబ్సిడీ (పెట్టుబడిరాయితీ) పరిహారంలో రూ.200 కోట్ల వరకు పంపిణీ కాకుండా ప్రభుత్వ ఖాజానాకు జమ కావచ్చనే ప్రచారం జరుగుతోంది. ప్రభుత్వం ప్రకటించినట్లుగా 7.17 లక్షల హెక్టార్లలో పంటలు దెబ్బతినగా 6,25,050 మంది రైతులకు రూ.1,032.42 కోట్లు పరిహారం మంజూరైంది. కానీ వ్యవసాయశాఖ వద్ద ప్రస్తుతం ఉన్న జాబితాలు పూర్తిగా అప్‌లోడ్‌ చేసినా కాస్త అటు ఇటుగా రూ.850 కోట్లకు మించి ఉండకవపోవచ్చని తెలుస్తోంది. ఇంకా వివరాలు సేకరించి అప్‌లోడ్‌ చేసి ట్రెజరీకి సమర్పించినా... చివరకు కొంచెం అటుఇటుగా రూ.200 కోట్లు పరిహారం వెనక్కి వెళ్లడం ఖాయమని తెలుస్తోంది.
 
 మండలాల నుంచి డివిజన్లు, అక్కడి నుంచి జేడీఏ కార్యాలయానికి చేరిన జాబితాలను ఇన్‌పుట్‌సెల్‌ అధికారులు క్రోడీకరించి తుది జాబితాలు, వాటికి సంబంధించిన బిల్లులు ట్రెజరీకి సమర్పించే కార్యక్రమం కొనసాగిస్తున్నారు. రూ.1,032 కోట్లకు సంబంధించి జాబితాలు వంద శాతం అప్‌లోడ్‌ చేయాలని ఆదేశాలు ఇచ్చినా... క్షేత్రస్థాయిలో ఆ మేరకు చర్యలు కనిపించడం లేదు. ఈ సారి సాంకేతిక పరిజ్ఞానాన్ని మరింత విస్తృతంగా ఉపయోగించుకుని కొత్త పద్ధతిలో ఇన్‌పుట్‌ పరిహారం పంపిణీ చేస్తుండటంతో అప్‌లోడ్‌ ప్రక్రియతో పాటు రైతుల ఖాతాల్లోకి పరిహారం జమ కూడా వేగవంతంగా చేస్తున్నారు.
 
 గత నాలుగైదు రోజులుగా వ్యవసాయశాఖ అధికారులు అప్‌లోడ్‌ చేసి వాటికి సంబంధించి బిల్లులు ట్రెజరీకి సమర్పిస్తుండగా టోకెన్‌ తీసుకుని ట్రెజరీ అధికారులు నేరుగా రైతుల ఖాతాల్లోకి పరిహారం జమ చేస్తున్నారు.  ఇప్పటివరకు రూ.770 కోట్ల జాబితాలు అప్‌లోడ్‌ చేయగా, రైతుల ఖాతాల్లోకి రూ.500 కోట్ల వరకు పరిహారం జమ అయినట్లు చెబుతున్నారు. మిగతా మొత్తం నాలుగైదు రోజుల్లో రైతుల ఖాతాల్లోకి వేస్తామంటున్నారు. అందులో ఈనెల 5న సీఎం చంద్రబాబు చేతుల మీదుగా మీట నొక్కించి కొంత మొత్తం జమ అయ్యేలా ఏర్పాట్లు చేసినట్లు సమాచారం. ఇదంతా పూర్తి చేసినా రూ.850 కోట్లకు మించి ఉండకపోవచ్చని తెలుస్తోంది.
 
 కారణాలు అనేకం: ఈ సారి ఆధార్‌ అనుసంధానాన్ని పకడ్బందీగా చేపట్టడంతో ఒక రైతుకు ఒక మండలంలోనే పరిహారం వర్తింపజేశారు. కొందరు రైతులకు ఒకటి కాకుండా రెండు మూడు మండలాల్లో కూడా పొలాలు ఉన్నాయి. పంటలు సాగు చేస్తున్నారు. ఇప్పటివరకు అంతో ఇంతో పరిహారం కూడా తీసుకున్న దాఖలాలు ఉన్నాయి. ఇపుడు ఆధార్‌ అనుసంధానం చేయడంతో ఒకటి ఉంచి మిగతా వాటిని తొలగించేశారు. ఇక కొన్ని మండలాల్లో ఐదు, పది ఎకరాలు ఉన్నా ప్రభుత్వం ప్రకటించినట్లుగా రూ.30 వేలు వర్తింపజేయకుండా బాగా తగ్గించేసినట్లు రైతుల నుంచి ఫిర్యాదులు వస్తున్నాయి. కొందరు రైతులకు ఐదు ఎకరాలున్నా రూ.10 వేలు, రూ.15 వేలు ఇలా... బాగా తగ్గించినట్లు వాపోతున్నారు. మరికొన్ని మండలాల్లో సమస్యలెందుకని భూవిస్తీర్ణం చూడకుండా రూ.20 నుంచి రూ.24 వేల ప్రకారం వేసినట్లు చెబుతున్నారు. అధికార పార్టీకి చెందిన కొందరు చోటా మోటా నేతలు అధికారులపై ఒత్తిడి తీసుకువచ్చి రూ.30 వేలు రాయించుకున్నట్లు విమర్శలు వ్యక్తమవుతున్నాయి.
 
 ఈ–క్రాప్‌ బుకింగ్‌ను ప్రాతిపదికగా తీసుకోవడంతో పంటలు మారిపోవడం, పరిహారం కూడా తారుమారైంది. మరికొందరు అర్జీలు సమర్పించినా వాటిలో రాజకీయ వివక్షతో చాలా వరకు పక్కకు పెట్టినట్లు కూడా రైతుల నుంచి ఫిర్యాదులు వస్తున్నాయి. ఇలాంటి కారణాల వల్ల జిల్లాకు మంజూరైన ఇన్‌పుట్‌ పరిహారంలో పెద్ద మొత్తంలో మిగిలిపోవడం ఖాయమని చెబుతున్నారు. దీంతో పాటు పంపిణీ చేసిన జాబితాలో జరిగిన పొరపాట్ల కారణంగా ‘మిస్‌మ్యాచింగ్‌’ జాబితా కూడా రూ.50 కోట్లకు పైగా తేలే అవకాశం ఉందని అంచనా వేస్తున్నారు.  ఇదే విషయాన్ని జేడీఏ పీవీ శ్రీరామమూర్తిని వివరణ కోరగా... అలాంటిదేమీ ఉండదని కొట్టిపారేశారు. అప్‌లోడ్‌ ప్రక్రియ ఇంకా కొనసాగుతున్నందున ఎంత మిగులుతుందనే విషయాన్ని ఇపుడే చెప్పలేమన్నారు.


 అనంతపురం సెంట్రల్‌ : ఇన్‌పుట్‌ సబ్సిడీ ప్రభుత్వాల దయాదాక్షిణ్యం కాదని, రైతుల హక్కు అనే విషయం గుర్తించాలని పీసీసీ అధ్యక్షుడు ఎన్‌.రఘువీరారెడ్డి అన్నారు. శుక్రవారం ఆయన అనంతరంలోని తన నివాసంలో ఏర్పాటు చేసిన విలేకరుల సమావేశంలో మాట్లాడారు. రైతుల డబ్బు వారికిచ్చే విషయంలోనూ ప్రచారం చేసుకునేందుకే ముఖ్యమంత్రి ఈనెల 5న జిల్లాలో పర్యటించనున్నారని విమర్శించారు. ఇన్‌పుట్‌ సబ్సిడీ అర్హత పత్రాల పేరిట ముఖ్యమంత్రి, వ్యవసాయ శాఖ మంత్రి ఫొటోలను ముద్రించి కార్డులు అందజేయడం హాస్యాస్పదమన్నారు.
 
 ఒక్కో కార్డుకు రూ.10 చొప్పున జిల్లాలో 6లక్షల మందికి కార్డులు ఇచ్చేందుకు రూ.60లక్షలు దుర్వినియోగం చేశారన్నారు. ప్రస్తుతం 2016 ఖరీఫ్‌ ఇన్‌పుట్‌ సబ్సిడీ రూ.1,032 కోట్లు ఇస్తున్నారని.. అయితే గత నాలుగేళ్లుగా పంట నష్టపోయిన వారికి రూ.4,087కోట్లు ప్రభుత్వం బాకీ పడిందన్నారు. గ్రామాల్లో జన్మభూమి కమిటీ సిఫారసు చేసిన రైతులకే ఇన్‌పుట్‌ సబ్సిడీ ఇస్తున్నారనే ఆరోపణలు ఉన్నాయన్నారు. ఇంతవరకు అర్హుల జాబితా ప్రకటించకపోవడమే అందుకు నిదర్శనమన్నారు. అర్హులకు న్యాయం జరక్కపోతే రైతులు తిరగబడతారని హెచ్చరించారు. విలేకరుల సమావేశంలో డీసీసీ అధ్యక్షుడు కోటా సత్యనారాయణ, మాజీ మంత్రి శైలజానాథ్‌, మాజీ ఎమ్మెల్యే సుధాకర్‌ పాల్గొన్నారు.


 అనంతపురం అగ్రికల్చర్‌ : పెట్టుబడిరాయితీ (ఇన్‌పుట్‌ సబ్సిడీ)కి సంబంధించి సోమవారం సాయంత్రానికి రూ.550 కోట్ల పరిహారం జాబితాలు అప్‌లోడ్‌ చేయడం పూర్తయిందని వ్యవసాయశాఖ జేడీ కార్యాలయ వర్గాలు తెలిపాయి. ఇందులో రూ.330 కోట్ల జాబితాలు ట్రెజరీకి సమర్పించడం జరిగిందన్నారు. ట్రెజరీ నుంచి నేరుగా రైతుల ఖాతాల్లోకి పరిహారం జమ చేసే కార్యక్రమం రెండు మూడు రోజుల్లో మొదలు కావచ్చని తెలిపారు.


 ► అధికారుల నిలదీత
 ► పోలీసుల సమక్షంలోబాండ్ల పంపిణీ
 
 తొండూరు : ఖరీఫ్‌ 2016లో వేరుశనగ పంట సాగు చేసి నష్టపోయిన వారికి ఇన్‌పుట్‌ సబ్సిడీలో అవకతవకలు జరిగాయని అన్నదాతలు ఆగ్రహం వ్యక్తం చేశారు. ఆదివారం  ఇనగలూరు గ్రామంలో సర్పంచ్‌ సావిత్రమ్మ  అధ్యక్షతన రైతులకు ఇన్‌పుట్‌ సబ్సిడీ బాండ్ల పంపిణీ కార్యక్రమం ఏఓ కిశోర్‌ నాయక్‌ ప్రారంభించారు. పంట సాగు చేసి నష్టపోయిన రైతులకు ఇన్‌పుట్‌ సబ్సిడీ మంజూరు కాకుండా.. పంట సాగు చేయని వారికి ఎలా వచ్చిందంటూ వ్యవసాయాధికారులను అన్నదాతలు నిలదీశారు. వేరుశనగ  సాగు చేసిన వారి పేర్లను ఎంపీఈఓ శివ చదివి వినిపించారు.సాగుచేయని వారి పేర్లు  జాబితాలో ఎలా వచ్చాయంటూ అధికారులను నిలదీశారు.అర్హులైన వారికి బాండ్లు ఇవ్వాలని డిమాండ్‌ చేశారు.  
 
 చక్రం తిప్పిన గ్రామ నౌకర్లు: ఇన్‌పుట్‌ సబ్సిడీ మంజూరులో గ్రామ నౌకర్లు చక్రం తిప్పినట్లు రైతులు చెబుతున్నారు. గ్రామ నౌకర్లు, ఎంపీఈఓలు ఫీల్డ్‌ విజిట్‌కు వెళ్లినప్పుడు రైతుల వద్ద డబ్బులు తీసుకుని పంట సాగు చేయని వారి పేర్లను జాబితాలో పొందుపరిచారని ఆరోపించారు.  గ్రామంలో ఓ రైతు అర ఎకరాలో వేరుశనగ సాగు చేస్తే రూ.13వేలు,మరొకరికి ఎకరాకు రూ.26వేలు మంజూరైందని.. అర్హులైన మేం ఐదెకరాల్లో సాగు చేస్తే  కేవలం రూ.6వేలు మాత్రమే వచ్చిందని గ్రామానికి చెందిన బాల ఎరికల్‌రెడ్డి, భాస్కర్‌రెడ్డి అంకిరెడ్డి, అరుణమ్మ, వీరనారాయణరెడ్డి తెలిపారు. ఎంపీఈఓలు, జియో ట్యాగింగ్‌ చేసే సమయంలో గ్రామ నౌకర్లు కొంతమంది చక్రం తిప్పారని  అన్నదాతలు ఆరోపించారు. కార్యక్రమాన్ని అడ్డుకున్నారు.
 
 దీంతో ఏఓ కిశోర్‌ నాయక్‌ తొండూరు ఎస్‌ఐ శ్రీనివాసులుకు ఫోన్‌ ద్వారా ఫిర్యాదు చేశారు. స్పందించిన ఎస్‌ఐ వెంటనే ఏఎస్‌ఐ రమణ,   పోలీసు సిబ్బందిని ఇనగలూరు గ్రామానికి పంపించారు. పోలీసుల సమక్షంలో బాండ్లు పంపిణీ చేశారు. ఈ విషయమై ఏఓ కిశోర్‌నాయక్‌ను సాక్షి వివరణ కోరగా ఫీల్డ్‌ విజిట్‌లో రెవెన్యూ అధికారులు పొరపాటు చేయడంవల్ల ఇలా జరిగిందని.. రెండు రోజుల్లో రెవెన్యూ అధికారులతో చర్చించి రైతులందరికీ ఇన్‌పుట్‌ సబ్సిడీ అందేలా చూస్తామని తెలిపారు. కార్యక్రమంలో వైఎస్‌ఆర్‌సీపీ తాలుకా కార్యదర్శి దశరథరామిరెడ్డి, మాజీ సర్పంచ్‌ గంగయ్య, ఎంపీఈఓలు తదితరులు పాల్గొన్నారు.


 ► ఇన్‌పుట్‌ సబ్సిడీ పేర్ల నమోదులో ఇష్టారాజ్యం
 ► అర్హులైన రైతులకు రాకపోవడంపై ఆందోళన
 ► జిల్లాలో పలుచోట్ల వెలుగు చూస్తున్న వైనం
 
 రాష్ట్ర ప్రభుత్వం పంట నష్టపోయిన రైతులకు అందిస్తున్న ఇన్‌పుట్‌ సబ్సిడీలో అవకతవకల వ్యవహారం రైతులను భగ్గుమనేలా చేస్తోంది.సరిగ్గా ఏడాది కిందట సంబంధిత అధికారులు పంపిన నివేదికల ఆధారంగా ప్రస్తుతం ఇన్‌పుట్‌ సబ్సిడీ రూపంలో పరిహారం మంజూరైంది. అయితే కొన్ని మండలాల్లో అప్పట్లో పంట సాగు చేయని రైతులకు.. అనుకూలురైన వారికి, అధికారుల బంధువులు,ఇతర అనర్హులకు అందజేశారన్న ఆరోపణలు రచ్చకెక్కేలా చేస్తున్నాయి.
 
  సాక్షి, కడప : ప్రభుత్వం మంజూరు చేసిన ఇన్‌పుట్‌ సబ్సిడీకి సంబంధించిన బాండ్ల పంపిణీ వ్యవహారం అధికారులకు తలనొప్పిగా మారింది. అందుకు కారణం పలుచోట్ల ఇన్‌పుట్‌ సబ్సిడీకి సంబంధించి కొంతమంది పంట సాగు చేయని రైతులకు పరిహారం అందడంతోపాటు అర్హులైన వారికి రాకపోవడం అన్నదాతను ఆందోళనకు గురి చేస్తోంది. తొండూరుతోపాటు వేముల, రాయచోటి నియోజకవర్గంలోని పలు చోట్ల రైతులు భగ్గుమంటున్నారు. ఎందుకు ఇలా జరిగిందన్న దానిపై సమాధానం చెప్పేందుకు అధికారులు కూడా ముందుకు రావడంలేదు. అంతా ఏడాది కిందట జరిగిపోయిందని.. ఇప్పుడు అరిచినా ఎవరూ ఏమి చేయలేరని అధికారులు పేర్కొంటున్నారు.  2016లో వేరుశనగ, పత్తితోపాటు మరికొన్ని పంటలు వేసి కరువు ప్రభావంతో పంటలు ఎండిపోయాయి. తీవ్రమైన దుర్భిక్ష పరిస్థితులు నెలకొని అన్నదాత అల్లాడిపోయారు.
 
 అప్పట్లో ప్రతిపక్ష పార్టీలు పెద్ద ఎత్తున ఆందోళన చేపట్టడంతో ప్రభుత్వం వ్యవసాయశాఖ ద్వారా పంట నష్టం జాబితాను రూపొందించేలా ఆదేశాలు ఇచ్చింది.  అప్ప ట్లో మండల వ్యవసాయ శాఖ అధికారులు, వీఆర్‌ఓ, మరో సంబంధిత అధికారి కలిసి నివేదికలు రూపొందించారు. గ్రామసభలు పెట్టి పంట సాగు చేసిన రైతులను గుర్తిం చాల్సి ఉంది. అయితే కొంతమంది అధికా రులు గ్రామసభలు నిర్వహించకుండా తమకు తెలిసిన పంథాలో వెళ్లగా.. మరికొందరు  రాజకీయ నేతల ఒత్తిళ్లకు తలొగ్గి  అనుకూలురైన వారి పేర్లను జాబితాలో చేర్చిన ట్లు తెలుస్తోంది.  పులివెందుల నియోజకవర్గంలోని తొండూరుకు సంబంధించిన అధికారులు  అప్పట్లో పులివెందులలోని ఓ లాడ్జిలో కూర్చొని రైతుల జాబితాను తయారు చేస్తున్న వ్యవహారం పత్రికల దృష్టికి వచ్చి రచ్చకెక్కిన సంగతి  తెలిసిందే. ప్రస్తుతం ఒక తొండూరు మండలంలోనే కాకుండా పలుచోట్ల రైతులు అధికారులను నిలదీస్తున్నారు.
 
 సాగు తక్కువ ఉన్న వారికి ఎక్కువ మొత్తాలు..
 జిల్లాలో చాలా మండలాల్లో ఇన్‌పుట్‌ సబ్సిడీ బాండ్ల పంపిణీ ఉద్రిక్త పరిస్థితులకు దారి తీస్తోంది. కొంతమంది రైతులు ఎక్కువ పంట సాగు చేస్తే తక్కువ మొత్తంలో మం జూరు కావడం..అధికంగా పంట సాగు చేస్తే తక్కువ మొత్తంలో ఇన్‌పుట్‌ సబ్సిడీ రావడంతో అన్నదాతలు ఆందోళనకు దిగుతున్నా రు.  జిల్లా వ్యాప్తంగా సుమారు 63వేలమం ది రైతులకు గాను   రూ.70కోట్లకుపైగా ఇన్‌పుట్‌ సబ్సిడీ మంజూరైంది. బాండ్ల పంపిణీ అధికారులకు ఇబ్బందిగా మారింది.
 
 జేడీ ఠాగూర్‌ నాయక్‌ ఏమంటున్నారంటే.. :
 జిల్లాలో ఇన్‌పుట్‌ సబ్సిడీ వ్యవహారంలో అవకతవకలకు సంబంధించి వ్యవసాయశాఖ జాయింట్‌ డైరెక్టర్‌ ఠాగూర్‌ నాయక్‌ను సాక్షి ప్రతినిధి ప్రశ్నించగా ఎలాంటి అవకతవకలు జరగలేదన్నారు. ఏడాది కిందట వ్యవసాయ శాఖ అధికారితోపాటు మరో రెండు శాఖల అధికారులు ప్రత్యేకంగా ఎక్కడికక్కడ మండలాల్లో గ్రామసభలు నిర్వహించి రైతులను ఎంపిక చేశారని  తెలిపారు. కొంతమంది పరిహారం రాని రైతులే ఈ విధంగా ఆందోళన చేస్తున్నారని.. అప్పట్లో నియమ నిబంధనల మేరకే పంట సాగు చేసిన వారి పేర్లతో కూడిన జాబితాను ప్రభుత్వానికి పంపించినట్లు చెప్పారు.  ఏడాది క్రితం అయిపోయిన దానికి ఇప్పుడు ఆరోపణలు చేయడం తగదన్నారు.


 – ప్రభుత్వ ప్రచారానికి వ్యవసాయశాఖ
  
  కర్నూలు(అగ్రికల్చర్‌): 2016 కరువుకు సంబంధించి జిల్లాలోని 26 మండలాలకు రూ.325 కోట్లు మంజూరు చేస్తూ ప్రభుత్వం ఇటీవల జీఓ జారీ చేసింది. ఇందుకు సంబంధించి రైతులకు ఈ నెల 22 నుంచి 28 వరకు 26 కరువు మండలాల్లో వ్యవసాయ శాఖ అధికారులు గ్రామ సభలు నిర్వహించి 3,10,766 మంది రైతులకు ఇన్‌పుట్‌ సబ్సిడీ మంజూరు పత్రాలు పంపిణీ చేయనున్నారు. ఇన్‌పుట్‌ సబ్సిడీ విడుదల చేస్తూ బుధవారం ప్రొసీడింగ్స్‌ వచ్చాయని, జిల్లా కలెక్టర్‌ అనుమతి తీసుకొని సబ్‌ డివిజన్‌ ఏడీఏలకు విడుదల చేస్తామని సంబంధిత అధికారులు చెబుతున్నారు. అంటే రైతులకు పత్రాలు పంపిణీ చేసినా పరిహారం బ్యాంకు ఖాతాలకు జమ కావడానికి రెండు మూడు నెలలు పట్టే అవకాశం ఉంది. ఇన్‌పుట్‌ సబ్సిడీ మంజూరు పత్రాల పేరుతో  ప్రభుత్వం ప్రచారం కోసం వ్యవసాయ యంత్రాంగాన్ని ఉపయోగించుకుంటోందనే విమర్శలు వెల్లువెత్తుతున్నాయి. కాగా ఏఏ రైతుకు ఎంత ఇన్‌పుట్‌ సబ్సిడీ వచ్చింది అనే వివరాలు పత్రాల్లో లేవు. వ్యవసాయాధికారులే అక్కడికక్కడ రాసి రైతులకు పంపిణీ చేయాల్సి ఉంది.
  


 అనంతపురం అగ్రికల్చర్‌ : జిల్లాకు మంజూరైన రూ.1,032.42 కోట్ల పెట్టుబడిరాయితీ (ఇన్‌పుట్‌సబ్సిడీ) పరిహారం విడుదలైనట్లు వ్యవసాయశాఖ జేడీ పీవీ శ్రీరామమూర్తి మంగళవారం ‘సాక్షి’కి తెలిపారు. గతంలో మాదిరిగా కాకుండా పంపిణీ ప్రక్రియను మార్పు చేసినందున ఒకేసారి మొత్తం పరిహారం జిల్లా ట్రెజరీకి విడుదలైందన్నారు. ట్రెజరీ నుంచి ప్రిన్సిపల్‌ బ్యాంకులకు జమ చేయడానికి జాబితాలు సిద్ధం చేసే పనిలో ఉన్నట్లు తెలిపారు. మండలాల వారీగా ఒకటికి రెండు సార్లు జాబితాలు పరిశీలించిన తర్వాత ఇన్‌పుట్‌ సెల్‌ అధికారులు ట్రెజరీకి సమర్పించడానికి తుది జాబితాలు రూపొందిస్తున్నారని తెలిపారు. మిస్‌మ్యాచింగ్‌లు నివారించడానికి డివిజన్‌ స్థాయిలో ఏడీఏలకు బాధ్యతలు అప్పజెప్పామన్నారు. 24న పంపిణీ ప్రారంభించడానికి చర్యలు చేపట్టామని తెలిపారు. 


 అనంతపురం అగ్రికల్చర్‌ : ఇన్పుట్‌ సబ్సిడీ పంపిణీ బాధ్యత వ్యవసాయ సహాయ సంచాలకుల (ఏడీఏలు)కు అప్పగించారు. గతంలో వీరి భాగస్వామ్యం లేకుండా ఏవోలు కీలకంగా వ్యవహరించారు. జిల్లా స్థాయి ఇన్పుట్‌ సెల్‌ అధికారులు పర్యవేక్షించారు. మిస్‌మ్యాచింగ్‌ జాబితాలు పెరిగిపోవడం, వాటిని సరిచేసుకునేందుకు రైతులు పడుతున్న అవస్థలు పరిగణనలోకి తీసుకుని ఈసారి డివిజ¯ŒS స్థాయిలోనే వీటికి ఫుల్‌స్టాప్‌ పెట్టేందుకు ఏడీఏలకు బాధ్యత అప్పగించారు. ఆది, సోమవారం డివిజ¯ŒS ఏడీఏలు, వారి పరిధిలోని ఏవోలందరూ స్థానిక జేడీఏ కార్యాలయంలో మకాం వేసి జాబితాలు క్షుణ్ణంగా పరిశీలించారు. ఈ–క్రాప్‌ బుకింగ్‌ సమయంలో వివరాలన్నీ తెలుగులో నమోదు చేశారు. ఇప్పుడు వాటిని ట్రెజరీకి సమర్పించడానికి ఇంగ్లిష్‌లోకి మారుస్తున్నారు. అలాగే డబుల్‌ ఎంట్రీలు, ఒక మండలం కాకుండా ఇతర మండలాల్లోనూ భూములున్న వారి పేర్లు ఆధార్‌తో అనుసంధానం చేసి తీసివేసే ప్రక్రియ కొనసాగిస్తున్నారు. రెండు, మూడు రోజుల్లో తొలివిడతగా పరిహారం విడుదలయ్యే అవకాశం ఉందని అధికారులు తెలిపారు.


 –  ప్రతిపాదనల మేరకే ఇన్‌పుట్, ఇన్సూరెన్స్‌ నిధులు
 – అదనంగా అర్ధ రూపాయి కూడా ఇవ్వని ప్రభుత్వం
 – ఎప్పుడూ లేనివిధంగా ఇన్‌పుట్‌తో ఇన్సూరెన్స్‌ ముడిపెట్టి భారం తగ్గించుకోవాలని భావించిన వైనం
 – న్యాయపరంగా చిక్కులు తప్పవని వెనక్కి తగ్గిన చంద్రబాబు
 – కోర్టు మెట్లెక్కాల్సి వస్తుందన్న భయంతో యథావిధిగా పరిహారం 
 – సర్కారు ఏదో ఘనకార్యం చేసినట్లు అధికార పార్టీ హడావుడి
  
 (సాక్షిప్రతినిధి, అనంతపురం)
 - జిల్లాలో 6,25,050 మంది వేరుశనగ రైతులు, వారి తరఫున కేంద్ర, రాష్ట్ర ప్రభుత్వాల వాటా కలిసి బజాజ్‌ ఇన్సూరెన్స్‌ కంపెనీకి రూ.280 కోట్ల ప్రీమియం చెల్లించారు. పంట నష్టపోయినందుకు రూ.419 కోట్ల బీమాను కంపెనీ రైతులకు చెల్లిస్తోంది. ఇందులో ప్రభుత్వ ప్రమేయమేమీ లేదు.
 - 2016 ఖరీఫ్‌లో వేరుశనగ, ఇతర పంటలు వేసిన రైతులు రూ.3,700 కోట్ల నుంచి రూ.4 వేల కోట్ల దాకా  నష్టపోయారు. ప్రభుత్వం కేవలం రూ.1,032.69 కోట్లతో ఇన్‌పుట్‌ సబ్సిడీ ప్రతిపాదనలు సిద్ధం చేసింది. ఇందులో 50 శాతం కేంద్ర ప్రభుత్వం భరించింది. తక్కిన 50 శాతం రాష్ట్ర ప్రభుత్వం చెల్లిస్తోంది. ఇన్‌పుట్‌ విషయంలో ఇది ఏటా జరిగే తంతే. జిల్లా రైతులకు ప్రభుత్వం అదనంగా చేసిందేమీ లేదు. అయినా ప్రభుత్వం ఏదో పెద్ద సాయం చేసినట్లుగా ‘డ్రామా’ను రక్తికట్టించేందుకు అధికార పార్టీ నేతలు సిద్ధమయ్యారు.
 ఇన్సూరెన్స్, ఇన్‌పుట్‌ సబ్సిడీ విషయంలో కొన్నేళ్లుగా నిబంధనల మేరకు పరిహారం ఎలా వస్తోందో ఈసారీ అలాగే వచ్చింది. ఇంకా చెప్పాలంటే రైతులకు వాటిల్లిన నష్టంతో పోలిస్తే చాలా తక్కువ పరిహారమే మంజూరైంది. కరువు రైతులను ఆదుకోవడం, పరిహారం చెల్లించడమనే విషయాలను ప్రభుత్వం మానవీయకోణంలో చూడాలి. కానీ ఇందులోనూ రాజకీయ కోణంలోనే చూసింది. ఆర్థికంగా భారం తగ్గించుకోవాలన్న ఉద్దేశంతో పరిహారం విషయంలో చరిత్రలో ఎప్పుడూలేని అసంబద్ధ విధానాన్ని తెరపైకి తెచ్చింది. దీన్ని అమలు చేసేందుకు ముఖ్యమంత్రి ప్రకటనలతో పాటు అధికారులు జీవోలు కూడా విడుదల చేశారు. అయితే.. రెండు విషయాల్లో తప్పులు చేశారు. ఈ రెండు ఆధారాలతో రైతులు న్యాయపోరాటం చేస్తే, ప్రభుత్వం కోర్టుమెట్లెక్కక తప్పదనే నిర్ణయానికి వచ్చారు. దీంతో అధికారులు, న్యాయనిపుణులతో చర్చించి విధిలేని పరిస్థితుల్లో గతంలో మాదిరిగానే ఇన్‌పుట్‌సబ్సిడీ ఇస్తున్నారు. 
  
 సర్కారు చేసిన తప్పిదాలు ఇవే..
 ఇన్సూరెన్స్‌ డబ్బుపై సర్కారుకు హక్కు ఉండదు. పరిహారాన్ని సదరు ఇన్సూరెన్స్‌ కంపెనీ నేరుగా రైతుల ఖాతాల్లో జమ చేయాలి. కానీ సీఎం చంద్రబాబు కొన్ని నెలలుగా హెక్టారుకు రూ.15 వేలకు మించకుండా ఇన్సూరెన్స్‌ లేదా ఇన్‌పుట్‌ సబ్సిడీ చెల్లిస్తామని చెబుతూ వచ్చారు. ఈ క్రమంలోనే ప్రభుత్వం రాష్ట్రానికి రూ.1,620 కోట్ల ఇన్‌పుట్‌ సబ్సిడీ మంజూరు చేస్తూ జీవో 67 జారీ చేసింది. ఇందులో రూ.1,032.69 కోట్లు జిల్లావాటా. ఈ మొత్తంలో 50 శాతం అంటే రూ.516 కోట్లు కేంద్రం విడుదల చేసింది. మరో రూ.516 కోట్లను రాష్ట్ర ప్రభుత్వం విడుదల చేయాలి. కానీ వాతావరణ బీమా సొమ్ము రూ.419 కోట్లు, ఫసల్‌ బీమా సొమ్ము రూ.37 కోట్లు.. మొత్తం రూ.456 కోట్లను రాష్ట్రవాటాలో కలిపి, తక్కిన రూ.60 కోట్లను ఇచ్చి చేతులు దులిపేసుకోవాలని భావించింది. దీనిపై ‘సాక్షి’లో వరుస కథనాలు వచ్చాయి. ప్రభుత్వ తీరుపై విపక్షాలు, రైతుసంఘాలు కూడా మండిపడ్డాయి. అయినప్పటికీ ప్రభుత్వం ఇన్‌పుట్‌సబ్సిడీ మంజూరు చేస్తూ ఆయా జిల్లాల వ్యవసాయశాఖ జేడీలకు మెమోలు విడుదల చేసింది. హెక్టార్‌కు రూ.15 వేల పరిహారం ఇవ్వాలని, ఇందులో ఇన్సూరెన్స్‌ పోగా మిగిలిన మొత్తాన్ని  ఇన్‌పుట్‌ సబ్సిడీ రూపంలో చెల్లించాలని పేర్కొంది. బీమా సొమ్ముపై హక్కును కాలరాస్తూ ప్రభుత్వం మెమో జారీ చేసి తప్పిదానికి పాల్పడింది. దీన్ని సవాల్‌ చేస్తూ రైతులు కోర్టుకు వెళితే సర్కారుకు చిక్కులు తప్పవు. అలాగే రాయదుర్గంలో రూ.1,032.69 కోట్ల ఇన్‌పుట్‌ సబ్సిడీ చెక్కును ముఖ్యమంత్రి విడుదల చేశారు. అంటే బీమాతో సంబంధం లేకుండా ఆ మేర మొత్తాన్ని రాష్ట్ర ఖజానా నుంచి విడుదల చేసినట్లన్నమాట! ఈ క్రమంలో బీమా సొమ్ముకు, ఇన్‌పుట్‌ సబ్సిడీకి లింకు పెడితే రూ.1,032 కోట్ల నిధులు ఏమయ్యాయనే అంశంపైనా రైతులు కోర్టును ఆశ్రయించవచ్చు. ఈ రెండు అంశాల్లో ప్రభుత్వానికి కచ్చితంగా తిప్పలు తప్పవు. ఇదే విషయాన్ని జిల్లా అధికారులు కూడా నివేదించారు. దీంతో సీఎం చంద్రబాబు హడావుడిగా మంత్రులు, ఎమ్మెల్యేలను పిలిపించి మాట్లాడారు. కుటుంబరావుతో పాటు వ్యవసాయాధికారులు, న్యాయనిపుణులతో చర్చించారు. ప్రభుత్వం చేయాలనుకున్నదే పొరపాటని, పైగా దీనికి మెమో, చెక్కు విడుదల ద్వారా ప్రభుత్వమే ఆధారాలు ఇచ్చినట్లయ్యిందని, రైతులు కోర్టును ఆశ్రయిస్తే వారే గెలుస్తారని చెప్పినట్లు తెలుస్తోంది. దీంతో గత్యంతరం లేక ప్రభుత్వం ఇన్‌పుట్‌ సబ్సిడీని ఎప్పటిలాగే విడుదల చేసింది.
  
 అధికార పార్టీ ఆర్భాటం 
 వాస్తవ పరిస్థితులు ఇలా ఉంటే చంద్రబాబు జిల్లాకు ఏదో ఘన కార్యం చేశారని, రైతులను ఆదుకున్నారనే కోణంలో అధికార పార్టీ నేతలు మభ్యపెట్టే ప్రయత్నం చేస్తున్నారు.  ఈ నెల 24 నుంచి జిల్లాలో ‘రైతు కృతజ్ఞత యాత్రలు’ చేపడతామని మంత్రులు కాలవ శ్రీనివాసులు, పరిటాల సునీత ప్రకటించారు. చంద్రబాబు పలు సందర్భాల్లో బీమా, ఇన్‌పుట్‌ సబ్సిడీ కలిపి ఇస్తామని చెప్పినప్పుడు... ఇది తప్పు అని, వేర్వేరుగా ఇవ్వాలని ఏ ఒక్కరోజూ కోరని సునీత, శ్రీనివాసులు ఇప్పుడు ప్రభుత్వం చేసిన గోరంత సాయాన్ని..కొండంతగా చూపే ప్రయత్నం చేస్తున్నారు. 
  


 కనగానపల్లి టాప్‌.. హిందూపురం లాస్ట్‌
 అనంతపురం అగ్రికల్చర్‌ : ఖరీఫ్‌–2016లో దెబ్బతిన్న వేరుశనగ, ఇతర పంటలకు సంబంధించి వ్యవసాయ శాఖ తయారు చేసిన పెట్టుబడి రాయితీ (ఇన్‌పుట్‌ సబ్సిడీ) జాబితా విడుదలైంది. పరిహారం కేటాయింపులో కనగానపల్లి మండలం అగ్రస్థానంలో ఉండగా.. హిందూపురం చివరిస్థానంలో నిలిచింది. గత ఏడాది 7.63 లక్షల హెక్టార్లలో ఖరీఫ్‌ పంటలు సాగులోకి వచ్చాయి. ఇందులో 6.10 లక్షల హెక్టార్లలో వేరుశనగ, మరో 1.53 లక్షల హెక్టార్లలో ఇతర పంటలు ఉన్నాయి. తీవ్ర వర్షాభావం వల్ల 90 శాతం పంటలు నిలువునా ఎండిపోయాయి. రైతులకు భారీ నష్టం వాటిల్లింది. దిగుబడులు దారుణంగా దెబ్బతిన్నట్లు పంట కోత ప్రయోగాల్లోనూ రుజువైంది. కరువు పరిస్థితుల అధ్యయనానికి ఈ ఏడాది జనవరిలో కేంద్ర కరువు బృందం జిల్లాలో పర్యటించింది. పంటలు దారుణంగా దెబ్బతినడంతో జిల్లా రైతులకు రూ.1,175 కోట్ల ఇన్‌పుట్‌ సబ్సిడీ ఇవ్వాలని కలెక్టర్‌ కేంద్ర బృందానికి నివేదించారు. కేంద్రం తన వాటా పరిహారాన్ని మూడు నెలల కిందటే రాష్ట్ర ప్రభుత్వానికి పంపింది. అయితే.. రాష్ట్ర ప్రభుత్వం ఇన్సూరెన్స్‌తో ముడిపెట్టి ఇవ్వాలని భావించింది. దీనిపై అన్ని వైపుల నుంచి తీవ్రమైన వ్యతిరేకత రావడంతో చివరకు వెనక్కి తగ్గింది. ఇన్సూరెన్స్‌, ఇన్‌పుట్‌ సబ్సిడీ వేర్వేరుగా ఇస్తామని ప్రకటించి.. ఎట్టకేలకు జాబితాలు విడుదల చేసింది. తుది పరిశీలన తర్వాత అన్ని రకాల పంటలు 7,17,235 హెక్టార్లలో దెబ్బతిన్నట్లు పరిగణించి 6,25,053 మంది రైతులకు రూ.1,032.42 కోట్ల ఇన్‌పుట్‌ సబ్సిడీ  ఇస్తున్నట్లు ప్రకటించారు. ఈ జాబితాలో కనగానపల్లి మండలంలో 17,683 మంది రైతులకు గానూ అత్యధికంగా రూ.37.80 కోట్లు కేటాయించారు. అత్యల్పంగా హిందూపురం మండలంలో 6,362 మంది రైతులకు రూ.4 కోట్లు కేటాయించారు.  
  
  
  


 ► ఇన్‌పుట్‌ సబ్సిడీ....బీమా పరిహారం మంజూరు
 
 కడప అగ్రికల్చర్‌: జిల్లాలో కరువు పరిస్థితులు నెలకొని  పంట చేతికి రాక అల్లాడుతున్న రైతులను ఆదుకోవాల్సిన ప్రభుత్వం అందుకు విరుద్ధగా వ్యవహరిస్తోందని ప్రతిపక్షనేత వైఎస్‌ జగన్‌మోహన్‌రెడ్డి రైతులతో కలిసి ఆందోళనకు సిద్ధమయ్యారు. రైతులు తిరగబడితే మన పని గోవిందా...అనుకున్న సీఎం బెంబేలెత్తి  ఇన్‌పుట్‌ సబ్సిడీ, బీమా చెల్లించేందుకు అనుమతులు ఇచ్చారు. 2016–17 పంటల బీమాకు, ఇన్‌పుట్‌ సబ్సిడీకి లింకు పెట్టి ఒక దాన్ని మాత్రమే మంజూరు చేస్తూ ప్రభుత్వం జీవో జారీ చేసింది.
 
 వివరాల్లోకి వెళితే జిల్లాకు పంట బీమా రూ.76 కోట్లు, ఇన్‌పుట్‌ సబ్సిడీ రూ. 44 కోట్లు రావాల్సి ఉంది. ఇందులో ఏదో ఒకటే రైతులకు చెల్లించేదని ప్రభుత్వం జీవో జారీ చేసింది. దీనిపై స్పష్టమైన జాబితా తయారు చేసి రైతులకు ఒక్కటే చెల్లించాలని జిల్లాలోని వ్యవసాయాధికారులను, బ్యాంకర్లను ఆదేశించింది.   దీనిపై సాక్షి దినపత్రికలో  కథనాలువచ్చాయి.
 
 దీనిపై ప్రతిపక్షనేత వైఎస్‌ జగన్‌మోన్‌రెడ్డి పులివెందుల పర్యటనలో భాగంగా వీరపునాయునిపల్లె మండలంలో మీడియాతో మాట్లాడుతూ జిల్లా రైతులకు ఇన్‌పుట్‌ సబ్సిడీ రూ.76 కోట్లు, బీమా రూ.44 కోట్లు ఇచ్చి తీరాల్సిందేనని,  రాష్ట్ర వ్యాప్తంగా దీన్ని అమలు చేయకపోతే  కలెక్టరేట్‌ల ఎదుట ఆందోళన చేపడతామని ప్రభుత్వాన్ని హెచ్చరించడంతో  సీఎం చంద్రబాబు  వెంటనే మంత్రి వర్గ సమావేశాన్ని ఏర్పాటు చేశారు.   బీమా, ఇన్‌పుట్‌ సబ్సిడీ రెండు ఇస్తామని ప్రభుత్వం ప్రకటించింది.
 
 ఇన్‌పుట్‌ సబ్సిడీ రూ.76 కోట్లు....వాతావరణ బీమా రూ.44 కోట్లు
 జిల్లాలో 2016 ఖరీఫ్‌ సీజన్‌లో వర్షాభావం వల్ల వేరుశనగ,వరి, జొన్న, సజ్జ, ఆముదం, కంది, మినుము,పత్తి తదితర 9  రకాల పంటలను సాగు చేశారు.  తీవ్ర వర్షాభావంతో దిగుబడులు రాకుండా ఎండి పోయాయి.   వ్యవసాయ, రెవెన్యూ అధికారులు   నివేదికలను తయారు చేసి రూ.76 కోట్ల పంట నష్టం సంభవించిందని జిల్లా కలెక్టర్‌ ద్వారా ప్రభుత్వానికి  పంపారు. దీనిఇ ఆధారంగా ఇన్‌పుట్‌ సబ్సిడీ (పంటనష్ట పరిహారం) మంజూరైంది.  
 
 22 నుంచి రైతు ఖాతాలకు జమ..
 జిల్లాలో వివిధ బ్యాంకుల్లో ఖాతాలున్న రైతులకు ఇన్‌పుట్‌ సబ్సిడీ, బీమాను ఈనెల 22వ తేదీ నుంచి జమ చేస్తారని జిల్లా వ్యవసాయశాఖ సంయుక్త సంచాలకులు డి ఠాకూర్‌ నాయక్‌ తెలిపారు. ప్రతి రైతు ఖచ్చితంగా ఆధార్‌కార్డు బ్యాంకుల్లో సమర్పించాలని అన్నారు. గతంలో ఇవ్వని రైతులు మాత్రమే కార్డులు ఇచ్చి నమోదు చేయించుకోవాలని సూచించారు.


 అనంతపురం: ప్రతిపక్ష, విపక్ష పార్టీల ఉద్యమం ఫలితంగానే వాతావరణ బీమా, ఇన్‌పుట్‌ సబ్సిడీ వేర్వేరుగా అందించేందుకు ప్రభుత్వం అంగీకరించిందని, అంతే తప్ప ప్రభుత్వానికి రైతులపై ఏమాత్రం ప్రేమ లేదని వైఎస్‌ఆర్‌ కాంగ్రెస్‌ పార్టీ రాష్ట్ర ప్రధాన కార్యదర్శి, మాజీ ఎంపీ అనంత వెంకటరామిరెడ్డి అన్నారు. ఇన్‌పుట్‌ సబ్సిడీపై సీపీఎం ఆధ్వర్యంలో స్థానిక ప్రెస్‌ క్లబ్‌లో సమావేశం ఏర్పాటు చేశారు. ముఖ్య అతిథిగా హాజరైన ఆయన మాట్లాడుతూ జిల్లావ్యాప్తంగా 8.50 లక్షల హెక్టార్లకు రైతులతోపాటు ప్రభుత్వాలు రూ.280 కోట్లు ప్రీమియం చెల్లిస్తే 6 లక్షల హెక్టార్లకు రూ.419 కోట్లు బీమా పరిహారం అందించడం దారుణమన్నారు.
 
 మిగతా 2.50 లక్షల హెక్టార్లకు బీమా ప్రీమియం చెల్లించినా బీమా కంపెనీలు పరిహారం వర్తింపజేయకుండా రైతులను మోసం చేస్తున్నా పట్టించుకోరా అని ప్రభుత్వాన్ని ప్రశ్నించారు. కరవు రైతులపై చంద్రబాబు ప్రభుత్వానికి ఏమాత్రం ప్రేమ, కరుణ ఉన్నా రూ.1451 కోట్లను ప్రకటించి గొప్పలు చెప్పుకోవడం కాదు.. న్యాయబద్ధగా జిల్లా రైతులకు రావాల్సిన సొమ్ము (ఇన్‌పుట్, బీమా) రూ.4 వేల కోట్లను వెంటనే విడుదల చేయాలని డిమాండ్‌ చేశారు. సీపీఎంకు చెందిన మాజీ ఎమ్మెల్సీ గేయానంద్‌ మాట్లాడుతూ ఏటా లక్షల్లో పెట్టుబడి పెట్టి రైతులు పంటలు సాగు చేసి తీవ్రంగా నష్టపోతున్నా ప్రభుత్వాలు ఏమాత్రం పట్టించుకోవడం లేదన్నారు. రాయితీలు అందిస్తున్నామని ప్రకటించుకోవడమే తప్ప వాటిని రైతులకు ఇవ్వడంలేదన్నారు.
 
 సీపీఐ జిల్లా కార్యదర్శి జగదీష్‌ మాట్లాడుతూ జూన్‌ 9న ఇన్‌పుట్‌ సబ్సిడీ రైతులకు అందిస్తున్నట్లు సీఎం ప్రకటించారని, 14లోపు రైతుల ఖాతాల్లో జమ చేస్తామన్నారని చెప్పారు. రైతులకు సలహాలు సూచనలు అందించేందుకు కలెక్టర్‌ కార్యాలయంలో కమాండ్‌ కంట్రోల్‌ రూమ్‌ను ఏర్పాటు చేశామని అసత్యాలు ప్రచారం చేస్తూ రైతులను ప్రభుత్వం మోసం చేస్తోందని ఆగ్రహం వ్యక్తం చేశారు. సీపీఎం జిల్లా కార్యదర్శి రాంభూపాల్‌ మాట్లాడుతూ ఏ ప్రభుత్వం అధికారంలో ఉన్నా అప్పటి స్కేల్‌ ఆఫ్‌ ఫైనాన్స్‌ ఆధారంగానే పెట్టుబడి రాయితీ ఇస్తున్నారని,  రైతులకు డబుల్‌ ధమాకా అంటూ ప్రభుత్వం గొప్పలు చెప్పుకోవడం విడ్డూరంగా ఉందని విమర్శించారు.


 ► అన్నదాత ప్రయోజనాలకు తూట్లు
 ► ఇన్‌పుట్‌ సబ్సిడీ, పీఎంఎఫ్‌బీవై, వాతావరణ బీమాల్లో ఏదో ఒక్కటే..
 ► కరువు రైతులకు తీరని అన్యాయం
 ► ప్రభుత్వ తీరుతో సర్వత్రా విస్మయం
 ► బీమా సొమ్ముతో ఖజానా నింపుకునే కుట్ర
 ► ఆందోళనకు సిద్ధమవుతున్న రైతులు, రైతు సంఘాలు
 
 కష్టాల్లోని రైతులను ఆదుకోవాల్సిన కనీస ధర్మం ప్రభుత్వానిది. వరుస కరువుతో అల్లాడుతున్న అన్నదాత అప్పుల ఊబిలో కూరుకుపోయినా ఊరట కల్పించలేకపోయింది. ఖరీఫ్‌ సీజన్‌లో పెట్టుబడుల కోసం రైతుల అవస్థలు వర్ణనాతీతం. ఇలాంటి పరిస్థితుల్లో అన్నదాత నోటికందాల్సిన సాయం విషయంలోనూ సర్కారు కుట్ర పన్నింది. మూడు రకాల పరిహారం విషయంలో ఒక్కటే వర్తింపజేసి ఆ నిధులను నొక్కేసే ప్రయత్నం చేస్తోంది.
 
 కర్నూలు(అగ్రికల్చర్‌): ఇన్‌పుట్‌ సబ్సిడీ.. ప్రధానమంత్రి ఫసల్‌ బీమా.. వాతావరణ బీమా.. వీటిలో ఏదో ఒక్కటి మాత్రమే ఇవ్వాలని ప్రభుత్వం నిర్ణయించింది. రైతులకు దక్కాల్సిన సొమ్ముతో సొంత ఖజానా నింపుకునేందుకు కుట్ర పన్నింది. 2016లో ప్రభుత్వం 36 మండలాలను కరువు ప్రాంతాలుగా గుర్తించింది. ఇందులో 10 మండలాల్లో కరువు లేదని అధికారులు తేల్చారు. 26 మండలాల్లోనే అనావృష్టి ప్రభావంతో పంటలు దెబ్బతిన్నట్లు నివేదిక సిద్ధం చేశారు. ఈ మండలాలకు పెట్టుబడి రాయితీ కింద(ఇన్‌పుట్‌ సబ్సిడీ) రూ.325 కోట్లు మంజూరయ్యాయి. 2,50,128.68 హెక్టార్లలో పంటలు దెబ్బతినగా.. 3,10,766 మంది రైతులు నష్టపోయారు. ఇదిలాఉంటే త్వరలోనే ప్రధానమంత్రి ఫసల్‌ బీమా, వాతావరణ ఆధారిత బీమా పరిహారం కూడా విడుదల కానుంది. అయితే రైతుల సంక్షేమం, అభ్యున్నతికి అహర్నిశలు శ్రమిస్తున్నామని గొప్పలు చెప్పుకునే టీడీపీ ప్రభుత్వం ఇప్పుడు అదే రైతుల నోటికాడి సొమ్ము లాగేస్తోంది. మూడింట్లో ఏదో ఒక్కటి మాత్రమే వర్తింపజేస్తామని ప్రకటించడం విస్మయానికి గురిచేస్తోంది. కరువు కోరల్లో చిక్కుకుని అల్లాడుతున్న అన్నదాతకు ఈ చర్య మింగుడు పడటం లేదు. ఇన్‌పుట్‌ సబ్సిడీ ఎప్పటికి విడుదలవుతుందో తెలియకపోయినా.. ఈనెల 19 నుంచి కరువు మండలాల్లో రైతులకు అందుకు సంబంధించిన పత్రాలు పంపిణీ చేయనున్నట్లు ప్రభుత్వం ప్రకటించింది. ఇదే సమయంలో మండలాల వారీగా ఏఏ రైతుకు ఇన్‌పుట్‌ సబ్సిడీతో పాటు ప్రధానమంత్రి ఫసల్‌ బీమా, వాతావరణ ఆధారిత బీమా పరిహారం వచ్చిందనే విషయాలపైనా వ్యవసవయాధికారులు ఆరా తీస్తున్నారు. ఒక రైతుకు ఇన్‌పుట్‌ సబ్సిడీతో పాటు, ప్రధానమంత్రి ఫసల్‌ బీమా, వాతావరణ బీమా పరిహారం వచ్చినట్లయితే.. వీటిలో ఏది ఎక్కువుంటే ఆ ఒక్కదానినే రైతులకు చెల్లించనున్నారు. ఇదే జరిగితే రైతులు భారీగా నష్టపోయే ప్రమాదం ఉంటుంది.
 
 రైతుల్లో ఆందోళన
 గత ఏడాది ఖరీఫ్‌కు సంబంధించి వేరుశనగకు వాతావరణ బీమా కింద రూ.41కోట్లు విడుదల కానుంది. గత ఏడాది ఖరీఫ్‌లో బ్యాంకులు రూ.2870.62 కోట్ల పంట రుణాలు పంపిణీ చేశాయి. జూలై 31లోపు బ్యాంకుల నుంచి పంట రుణాలు తీసుకున్న వారందరికీ నోటిఫై చేసిన పంటలకు బీమా వర్తిస్తుంది. వరికి గ్రామం యూనిట్‌గా బీమా కల్పించారు. వరికి సంబంధించి ఆగస్టు 31 వరకు బ్యాంకుల నుంచి పంట రుణాలు చెల్లించిన రైతులకు బీమా వర్తిస్తుంది. ఈ ప్రకారం దాదాపు 2 లక్షల మందికి బీమా వర్తించాల్సి ఉంది. అయితే ప్రభుత్వం ఏదో ఒక్కటి మాత్రమే ఇస్తామని ప్రకటించడంతో రైతుల ఆందోళన అంతా, ఇంతా కాదు.
 
 బీమా సొమ్ముపై ప్రభుత్వం కన్ను
 బీమా పొందాలంటే రైతులు ముందుగా ప్రీమియం చెల్లిస్తారు. ఇది రైతుల వ్యక్తిగతం. బీమా పరిహారం పొందడం రైతుల హక్కు. అయితే ఈ బీమా కింద రైతులకు వచ్చే పరిహారంపై ప్రభుత్వం కన్నేసింది. కరువు రైతులకు ఎలాగూ ఇన్‌పుట్‌ సబ్సిడీ ఇస్తున్నాం కదా.. మళ్లీ బీమా ఎందుకు అంటూ ఏదైనా ఒక్కటి మాత్రమే అనే షరతు పెట్టింది. రైతులకు ఇన్‌పుట్‌ సబ్సిడీ, బీమా వస్తే ఏది ఎక్కువగా ఉంటే దానిని ఇచ్చి మిగిలిన మొత్తాన్ని ప్రభుత్వం తమ ఖజానాకు మళ్లించనుంది. ప్రభుత్వ ఆదేశాల మేరకు రైతులకు ఏదో ఒక్కటి మాత్రమే చెల్లించేందుకు అధికారులు కసరత్తు చేస్తున్నారు. ఇన్‌పుట్‌ సబ్సిడీ, బీమా వివరాలను మండలాలకు పంపి ఏదైనా ఒక్కటే అనే నిబంధనను అమలు చేయడానికి చర్యలు తీసుకుంటున్నారు.
 
 రైతుల హక్కులను హరించడం దారుణం
 బీమా అనేది రైతుల హక్కు. ముందుగా ప్రీమియం చెల్లిస్తే పంటలు దెబ్బతిన్నప్పుడు పరిహారం లభిస్తుంది. అనావృష్టి వల్ల పంటలు దెబ్బతిన్నపుడు రైతులకు ఇన్‌పుట్‌ సబ్సిడీ ఇవ్వడం ప్రభుత్వ బాధ్యత. ఇన్‌పుట్‌ సబ్సిడీ పొందడం కూడా రైతుల హక్కే. ప్రభుత్వం రైతుల హక్కులను కాలరాస్తోంది. రైతుల దక్కాల్సిన సాయాన్ని నొక్కేయాలనుకోవడం క్షమించరాని విషయం. – ప్రభాకర్‌రెడ్డి, జిల్లా కార్యదర్శి, సీపీఎం
 
 రైతులకు ఇన్‌పుట్‌ సబ్సిడీ,  బీమా ఇవ్వాల్సిందే..
 రైతులు వరుస కరువులతో అల్లాడిపోతున్నారు. ప్రభుత్వం రైతులకు తీవ్ర నష్టం కలిగించే నిర్ణయం తీసుకోవడం దారుణం. ఇన్‌పుట్‌ సబ్సిడీ, బీమా వస్తే రెండూ ఇవ్వడం కోనేళ్లుగా జరుగుతోంది. 2016 కరువుకు సంబంధించి ఇన్‌పుట్‌ సబ్సిడీ, బీమాల్లో ఏదో ఒక్కటే ఇచ్చేలా చర్యలు తీసుకోవడం తగదు. ప్రభుత్వం రైతుల సొమ్ముకు ఎసరు పెట్టడం అన్యాయం. దీనిపై పోరాటం చేస్తాం.   – జగన్నాథం, రైతు సంఘం జిలా కార్యదర్శి


 కర్నూలు(అగ్రికల్చర్‌): 2016 కరువుకు సంబంధించి 26 మండలాల్లో ఇన్‌పుట్‌ సబ్సిడీ మంజూరు పత్రాలు పంపిణీ చేసేందుకు కార్యాచరణ ప్రణాళికను అధికారులు సిద్ధం చేశారు. ఇన్‌పుట్‌ సబ్సిడీ కింద ప్రభుత్వం జిల్లాకు రూ.325 కోట్లు మంజూరు చేసింది. అయితే నిధులు మాత్రం విడుదల కాలేదు. ముందుగా 26 మండలాల్లో ఏ రైతుకు ఎంత ఇన్‌పుట్‌ సబ్సిడీ మంజూరైంది.. తదితర వివరాలతో పత్రాలు పంపిణీ చేయాలని ఆదేశించింది. ఇందులో భాగంగా ఈ నెల 19 నుంచి 25వ తేదీ వరకు గ్రామ సభలు నిర్వహించి ఇన్‌పుట్‌ సబ్సిడీ పత్రాలు పంపిణీ చేస్తారని జేడీఏ ఉమామహేశ్వరమ్మ తెలిపారు. అయితే రైతులకు ఇన్‌పుట్‌ సబ్సిడీతో పాటు ప్రధానమంత్రి ఫసల్‌ బీమా యోజన, వాతావరణ భీమా పరిహారాలు వస్తే ఇందులో ఏది ఎక్కువగా ఉంటే దానిని మాత్రమే ఇస్తారు.
  


 విజయనగరం ఫోర్ట్‌: కరువు ప్రాంతాలుగా ప్రకటించిన మం డలాలకు రాష్ట్ర ప్రభుత్వం ఇన్‌పుట్‌ సబ్సిడీ(పెట్టుబడి రాయి తీ) పేరుతో ఆర్థిక సాయం అం దివ్వాల్సి ఉంది. అయితే రాష్ట్ర ప్రభుత్వం విజయనగరం జిల్లా కు ఆ నిధులు విడుదల చేయడంలో నిర్లక్ష్యం ప్రదర్శిస్తోంది. వీటిని కొన్ని జిల్లాలకు విడుదల చేసి... ఈ జిల్లాను విస్మరించడంపై విమర్శలు వినిపిస్తున్నా యి. గత ఏడాది ఖరీఫ్‌లో జిల్లాలోని ఆరు మండలాల్లో కరువు ఏర్పడింది. ప్రభుత్వం సైతం గంట్యాడ, విజయనగరం,మెంటాడ, దత్తిరాజేరు, కొత్తవలస, వేపాడ మండలాలను కరువు మండలాలుగా ప్రకటించింది.
 
 ఈ మండలాల్లో 2108.5 హెక్టార్లకు చెందిన 73.057మంది రైతులకు రూ.3.16 కోట్లు నిధులు అవసరమని జిల్లా వ్యవసాయాధికారులు లెక్కగట్టి ప్రభుత్వానికి ప్రతిపాదనలు పంపించారు. ఇలా విజయనగరం జిల్లాతో పాటు రాష్ట్రంలోని మరికొన్ని జిల్లాల్లోగల 300కు పైగా మండలాలను ప్రభుత్వం కరువు మండలాలుగా ప్రకటించింది. ఇటీవల అధికశాతం మండలాలకు ప్రభుత్వం ఇన్‌పుట్‌ సబ్సిడీ నిధులను విడుదల చేసింది. కాని విజయనగరం జిల్లాకు మాత్రం విడుదల చేయలేదు. దీంతో రైతులు ఇదేం తీరు అని ఆవేదన వ్యక్తం చేస్తున్నారు. అన్ని రకాలుగా వెనుకబడిన విజయనగరం జిల్లాకు నిధులు విడుదల చేయడంలో తాత్సారం చేయడం తగదని వాపోతున్నారు.
 
 10 నెలలుగా ఎదురు చూపులు
 ప్రకృతి సహకరించక ఆరు మండలాల రైతాంగం ఎంతో నష్టాన్ని చవిచూసింది. కనీసం ఆదుకోవాల్సి సర్కారు సాయం అందివ్వడానికి మీన మేషాలు లెక్కిస్తోంది. మళ్లీ ఖరీఫ్‌ వచ్చేస్తోంది. రైతాంగం సాగుజూదానికి సమాయత్తమవుతోంది. గడచిన పది నెలలుగా రైతులు వాటికోసం ఎదురుచూస్తున్నా... సర్కారులో చలనం లేదు. దీనిపై వ్యవసాయ శాఖ డెప్యూటీ డైరెక్టర్‌ అప్పలస్వామివద్ద సాక్షి ప్రస్తావించగా జిల్లాకు ఇన్‌పుట్‌ సబ్సిడీ ని«ధులు ఇంతవరకు విడుదల కాని మాటవాస్తవమేనని తెలిపారు. అవి రాగానే అందజేస్తామని పేర్కొన్నారు.


 కర్నూలు(అగ్రికల్చర్‌): 2014 కరువుకు సంబంధించి ఆదోని డివిజన్‌లోని 5 మండలాలకు ఇన్‌పుట్‌ సబ్సిడీ రూ. 73,24,66,426 విడుదలయ్యాయి. ఇటీవలనే ప్రభుత్వం జీఓ విడుదల చేయగా నిధులు విడుదల చేస్తూ డిజాస్టర్‌ మేనేజ్‌మెంటు, ట్రెజరీ శాఖ డైరెక్టర్‌ ఉత్తర్వులు ఇచ్చారు. మండల వ్యవసాయాధికారులు ఇన్‌పుట్‌ సబ్సిడీ బిల్లులు తయారు చేసి ట్రెజరీలకు పంపుతారు. ట్రెజరీలో క్లియర్‌ అయి బ్యాంకుకు వెళితే అక్కడి నుంచి పెట్టుబడి రాయితీ రైతుల ఖాతాలకు జమ అవుతుంది. ఆలూరు మండలానికి రూ.11,56,74,200, చిప్పగిరి మండలానికి రూ.5,22,20,150, పత్తికొండ మండలానికి రూ.14,06,66,939, తుగ్గలి మండలానికి రూ.19,94,95,337.5, దేవనకొండ మండలానికి రూ.22,44,09,800లు విడుదల అయ్యాయి. కాగా 2016 కరువుకు సంబంధించి జిల్లాలోని 26 మండలాలకు కూడా ఇన్‌పుట్‌ సబ్సిడీ మంజూరు చేస్తూ ప్రభుత్వం జీవో జారీ చేసింది. అయితే నిధులు విడుదల చేయాల్సి ఉంది.
  


 - ఏడు జిల్లాలకు రూ.1,680.05 కోట్లు
 -ఒకట్రెండు రోజుల్లో తేలనున్న ‘అనంత’ వాటా
 - వాతావరణ బీమాతో ఇన్‌పుట్‌కు లింకు
 
 అనంతపురం అగ్రికల్చర్‌ : ఖరీఫ్‌ -2016లో దెబ్బతిన్న పంటలకు సంబంధించి ఇన్‌పుట్‌ సబ్సిడీని మంజూరు చేస్తూ రాష్ట్ర ప్రభుత్వం గురువారం ఉత్తర్వులు జారీ చేసింది. అనంతపురం, వైఎస్సార్‌, కర్నూలు, చిత్తూరు, శ్రీకాకుళం, ప్రకాశం, నెల్లూరు... ఈ ఏడు జిల్లాలకు సంబంధించి స్టేట్‌ డిజాస్టర్‌ రెస్పాన్స్‌ ఫండ్‌ (ఎస్‌డీఆర్‌ఎఫ్‌) కింద రూ.1,680.05 కోట్లు మంజూరు చేసింది. ఈ మేరకు డిజాస్టర్‌ మేనేజ్‌మెంట్‌ (ప్రకృతి విపత్తుల విభాగం) కమిషనర్‌ ఎంవీ శేషగిరిబాబు జీవో 67 విడుదల చేశారు. ఏడు జిల్లాల పరిధిలో 12.21 లక్షల హెక్టార్లలో పంటలు దెబ్బతినడంతో 13.21 లక్షల మంది రైతులకు రూ.1,680.05 కోట్లు మంజూరు చేశారు. ఆధార్‌తో అనుసంధానం చేసిన రైతుల బ్యాంకు ఖాతాలకు పరిహారం జమ చేయనున్నట్లు పేర్కొన్నారు. ఇందులో జిల్లాల వారీగా వాటా ఎంతనేది ప్రకటించలేదు. కాగా.. జిల్లాలో 7.17 లక్షల హెక్టార్లలో వేరుశనగతో పాటు ఇతర పంటలు దెబ్బతిన్నాయని, 6,25,050 మంది రైతులకు రూ.1,032.69 కోట్ల ఇన్‌పుట్‌ సబ్సిడీ మంజూరు చేయాలని వ్యవసాయ శాఖ అధికారులు ప్రభుత్వానికి నివేదించారు. ఈ ప్రతిపాదనల ప్రకారం మొత్తం విడుదల చేశారా, లేదా అనేది ఒకట్రెండు రోజుల్లో తెలిసే అవకాశముంది.
 
 ఇన్‌పుట్‌కు, ఇన్సూరెన్స్‌కు లింకు
  మంజూరు చేసిన ఇన్‌పుట్‌సబ్సిడీ ఎప్పుడు విడుదల చేస్తారు, ఏ విధంగా రైతుల బ్యాంకు ఖాతాల్లోకి జమ చేస్తారనేది అధికారులు చెప్పడం లేదు. వాతావరణ బీమా, ఫసల్‌బీమా పథకాల కింద విడుదలైన పరిహారానికి, ఇన్‌పుట్‌సబ్సిడీకి లింకు పెట్టడంతో గందరగోళ పరిస్థితి నెలకొంది. ఒక్కో రైతుకు హెక్టారుకు రూ.15 వేల చొప్పున గరిష్టంగా రెండు హెక్టార్లకు రూ.30 వేలు మాత్రమే వర్తింపజేయాలని ఆదేశాలు ఉన్నాయి. ఇన్‌పుట్, ఇన్సూరెన్స్‌కు  లింకు పెట్టిన నేపథ్యంలో మొదట బజాజ్‌ అలయంజ్‌ కంపెనీ నుంచి వాతావరణ బీమా మొత్తాన్ని విడుదల చేసి  రైతుల ఖాతాల్లోకి జమ చేస్తే, ఆ తర్వాత ఇన్‌పుట్‌ సబ్సిడీ ఇవ్వడానికి వీలవుతుందని జిల్లా అధికారులు చెబుతున్నారు. మండలాలు, గ్రామాల వారీగా వాతావరణ బీమా పరిహారం ఏ రైతు ఖాతాలో ఎంత జమ అయ్యిందనే వివరాలు తెలిస్తే కానీ ఇన్‌పుట్‌ సబ్సిడీ ఎంతివ్వాలనేది అర్థం కాదని అంటున్నారు.
 
 మరోవైపు పంట కాలం ముగిసి 2017 ఖరీఫ్‌లో అడుగుపెట్టినా బజాజ్‌ అలయంజ్‌  సంస్థ వాతావరణ బీమా పరిహారం ఎంత, ఎంత మందికి, ఎన్ని హెక్టార్లకు వర్తించిందనేది ప్రకటించకుండా జాప్యం చేస్తోంది. గతంలో జిల్లా మంత్రులు, ఎమ్మెల్యేలు జిల్లాకు రూ.367 కోట్ల వాతావరణ బీమా మంజూరైనట్లు ప్రకటించారు. ఇటీవల అది రూ.434 కోట్లకు పెరిగిందని చెబుతున్నా.. అధికారికంగా విడుదలకు నోచుకోలేదు. మొత్తమ్మీద పరిహారాన్ని ఎలాంటి సమస్యలూ తలెత్తకుండా రైతులకు ఎలా పంపిణీ చేయాలనే దానిపై జిల్లా వ్యవసాయశాఖ అధికారుల్లో గుబులు రేగుతోంది. ఈ అంశంపై ఒకట్రెండు రోజుల్లో రాయలసీమ జిల్లాల వ్యవసాయ సంయుక్త సంచాలకులు (జేడీఏలు) సమావేశమై పంపిణీ మార్గాలను అన్వేషించే అవకాశముంది. మరోవైపు ఇన్‌పుట్, ఇన్సూరెన్స్‌కు లింకు పెట్టి రైతులకు అన్యాయం చేస్తున్న ప్రభుత్వంపై ఉద్యమించడానికి విపక్షాలు, రైతు సంఘాలు సిద్ధమవుతున్నాయి.


 
 జూన్‌  2 నుంచి ఇన్‌పుట్‌ సబ్సిడీ పంపిణీ చేస్తామని ప్రభుత్వ ప్రకటన
 
 ఇప్పటి వరకూ జిల్లాకు చేరని పరిహారం వివరాలు
 
 రూ.1,032.69 కోట్లతో ప్రతిపాదనలు పంపిన అధికారులు
 
 రాష్ట్ర ప్రభుత్వం ఇస్తోంది రూ.82.34 కోట్లు మాత్రమే
 
 ఇన్‌పుట్‌, ఇన్సూరెన్స్‌కు ముడిపెట్టి రైతులకు అన్యాయం!
 
 ప్రభుత్వ మోసపూరిత చర్యలతో అన్నదాతలకు రూ.434 కోట్ల మేర నష్టం
 
  
 ముందస్తు వర్షాలతో రైతులు సాగుకు సన్నద్ధమవుతున్నారు. ఇదే తరుణంలో పెట్టుబడి కోసం అవస్థలు పడుతున్నారు. వారికి హక్కుగా దక్కాల్సిన ఇన్సూరెన్స్‌, ఇన్‌పుట్‌ సబ్సిడీని ప్రభుత్వం ఇప్పటి వరకూ అందజేయలేదు. ఖరీఫ్‌లో రైతులు పంటసాగుకు సిద్ధమయ్యేలోపు వారి బ్యాంకు ఖాతాల్లో జమ చేస్తామని ఇటీవల పామిడి సభలో సీఎం చంద్రబాబు ప్రకటించారు. కానీ ఇప్పటికీ అతీగతీ లేదు. పైగా అధికారులు రూ.1,032.69 కోట్లతో ఇన్‌పుట్‌సబ్సిడీ ప్రతిపాదనలు పంపగా, రాష్ట్ర ప్రభుత్వం మాత్రం కేవలం రూ.82.34 కోట్లు ఇచ్చి చేతులు దులుపుకోనుంది.
                    గడిచిన ఖరీఫ్‌(2016)లో జిల్లా రైతులు 6.07 లక్షల హెక్టార్లలో వేరుశనగ సాగు చేశారు. ఎకరాకు రూ.18 వేల చొప్పున వెచ్చించారు. వర్షాభావం కారణంగా పంట తుడిచిపెట్టుకుపోయింది. పెట్టుబడులు, దిగుబడుల రూపంలో దాదాపు రూ.3 వేల కోట్ల మేర నష్టం వాటిల్లింది. అలాగే కంది, జొన్న, పత్తి తదితర పంటల ద్వారా మరో రూ.700 కోట్ల మేర నష్టపోయారు. మొత్తమ్మీద రైతులకు రూ.3,700 కోట్ల మేర నష్టం వాటిల్లింది. అధికారులు నష్టం వివరాలను తెప్పించుకుని రూ.1,070 కోట్లతో ప్రాథమిక నివేదికను సిద్ధం చేశారు. చివరకు  రూ.1,032.69 కోట్లతో తుది నివేదికను ప్రభుత్వానికి పంపారు. ఇందులో రూ.516.345 కోట్లను కేంద్రం కేటాయించింది. రాష్ట్రం కూడా ఈ మేరకు కేటాయించాలి. కానీ రూ.82.34 కోట్లను మాత్రమే ఇస్తోంది. తక్కిన రూ.434 కోట్లను ఇన్సూరెన్స్‌ ద్వారా వచ్చే సొమ్ము ఇన్‌çపుట్‌సబ్సిడీ లెక్కల్లో కలిపి అందజేయనుంది. ఈ మోసపూరిత చర్యతో రైతులకు రూ.434కోట్ల మేర నష్టం వాటిల్లుతోంది. వాతావరణ బీమా కింద వేరుశనగకు రూ.367 కోట్లు, ఇతర పంటలకు రూ.67కోట్లు మంజూరైంది. ఈ సొమ్ముపై ప్రభుత్వానికి ఎలాంటి హక్కూ లేదు. అయినా ఇన్‌పుట్‌లో కలిపేసి రైతులను దగా చేస్తోంది. దీనివల్ల 6,25,050 మంది వేరుశనగ, 3,635 మంది ఇతర పంటలు సాగు చేసిన రైతులకు అన్యాయం జరగనుంది.
  
 చరిత్రలో తొలి మోసం
 ఇన్‌పుట్‌ సబ్సిడీ, ఇన్సూరెన్స్‌ మంజూరులో వేటికవే లెక్కలు కట్టి ప్రభుత్వాలు రైతులకు అందజేసేవి. చరిత్రలో తొలిసారిగా రైతులకు, బీమా కంపెనీకి మాత్రమే సంబంధించిన ఇన్సూరెన్స్‌ వ్యవహారంలో ప్రభుత్వం తలదూర్చింది. తనకు ఏమాత్రమూ సంబంధం లేని సొమ్మును సొంతమన్నట్లు భావించి రైతులను దగా చేస్తోంది. ఎకరాకు రూ.6 వేల ఇన్‌పుట్‌ సబ్సిడీ ఇస్తామని ప్రభుత్వం ప్రకటించింది. అయితే.. ఈ మొత్తాన్ని ఇన్సూరెన్స్, ఇన్‌పుట్‌ సబ్సిడీ రెండింటినీ కలిపి లెక్కగట్టి ఇచ్చేందుకు సిద్ధమైంది. ఇలా అసంబద్ధ విధానాలతో రైతులను మోసం చేస్తున్న మొట్టమొదటి ప్రభుత్వం ఇదే!
 ఖరీఫ్‌ మొదలైనా...
  ఏప్రిల్‌లో పామిడికి విచ్చేసిన చంద్రబాబు ఖరీఫ్‌ మొదలయ్యేలోపు పరిహారాన్ని రైతుల ఖాతాల్లోకి జమ చేస్తామని ప్రకటించారు. ఇప్పటికే ఖరీఫ్‌ పనులు మొదలయ్యాయి. రైతులు పంటల సాగుకు ఉపక్రమిస్తున్నారు. ఈ నెల మొదటి నుంచి బ్యాంకర్లు పంట రుణాలను ఇస్తున్నారు. రైతులు విత్తనకాయలు కొనుగోలు చేస్తున్నారు. కళ్యాణదుర్గంతో పాటు పలుచోట్ల పొలాల్లో విత్తు కూడా వేస్తున్నారు. కానీ ఇప్పటి వరకూ ఇన్‌పుట్‌సబ్సిడీ, ఇన్సూరెన్స్‌ రైతులకు అందలేదు. నిజానికి గతేడాది అక్టోబరు 10లోపే ఇన్సూరెన్స్‌ సొమ్మును రైతులకు అందజేయాలి. ఈ సొమ్మును బజాజ్‌ అలయంజ్‌ కంపెనీ అక్టోబరులోనే జమ చేసినట్లు తెలుస్తోంది. పంపిణీ చేయకుండా ప్రభుత్వమే పెండింగ్‌లో పెట్టినట్లు సమాచారం. దీంతో పాటు గతేడాది ఖరీఫ్‌ ఇన్‌పుట్‌ సబ్సిడీని ఇప్పటికీ ఇవ్వకపోవడం శోచనీయం. జూన్‌ 2 నుంచి పంపిణీ చేస్తామని ఇటీవల ముఖ్యమంత్రి ప్రకటన చేశారు. కానీ మొదటి విడతలో ఎంత మొత్తాన్ని, ఎంతమంది రైతులకు ఇవ్వబోతున్నారు? ఎప్పటిలోగా జమ చేస్తారనే వివరాలను వెల్లడించలేదు.
 కోర్టుకు వెళ్లేందుకు సిద్ధమైన రైతులు
 ఇన్‌పుట్‌ సబ్సిడీ, ఇన్సూరెన్స్‌కు లంకెపెట్టి పరిహారం పంపిణీ చేస్తే వెంటనే పూర్తి ఆధారాలతో కోర్టును ఆశ్రయించేందుకు రైతులు సిద్ధమయ్యారు. రూ.1,032 కోట్లతో అధికారులు పంపిన నివేదికలు, కేంద్ర, రాష్ట్ర ప్రభుత్వాల వాటా, ఇన్సూరెన్స్‌ సొమ్మును ఇందులో కలపడం వంటి రికార్డులను పూర్తిస్థాయిలో సేకరించి హైకోర్టును ఆశ్రయిస్తామని పలువురు రైతులు ‘సాక్షి’తో తెలిపారు. వ్యవసాయాధికారులు, జిల్లా కీలక అధికారులు, ప్రభుత్వాన్ని కేసులో చేరుస్తామని చెబుతున్నారు. 


 - 2014 సంవత్సరంలో పంట నష్టం
 - ఐదు మండలాలకు రూ.73,24,66,362 విడుదల
  
 కర్నూలు(అగ్రికల్చర్‌): 2014 సంవత్సరంలో ఎంపికైన కరువు మండలాలకు ఎట్టకేలకు ప్రభుత్వం ఇన్‌పుట్‌ సబ్సిడీ విడుదల చేస్తూ శుక్రవారం ఉత్తర్వులు జారీ చేసింది. అప్పట్లో 20 మండలాలను కరువు ప్రాంతాలుగా ప్రకటించగా.. పత్తికొండ, చిప్పగిరి, తుగ్గలి, దేవనకొండ, ఆలూరు మండలాల్లో మాత్రమే పంట నష్టం జరిగినట్లు అధికారులు నిర్ధారించారు. ఈ మండలాల్లో 82,058 మంది రైతులు 75,515.26 హెక్టార్లలో పంటలు కోల్పోయారు. వీరికి పెట్టుబడి రాయితీ చెల్లించేందుకు ప్రభుత్వం రూ.73,24,66,362 విడుదల చేస్తూ ఉత్తర్వులు జారీ చేసింది. వాస్తవానికి ఈ పరిహారాన్ని గత ఏడాదే విడుదల చేయగా, ట్రెజరీలో బిల్లులు ల్యాప్స్‌ అయ్యాయి. ఇందువల్ల ప్రభుత్వం తాజాగా నిధులను విడుదల చేసింది.
  


 - అతీగతీలేని రూ.23.80 కోట్ల ఇన్‌పుట్‌ సబ్సిడీ
 - 2015 నవంబర్‌లో తుపాను దెబ్బకు కుళ్లిన పంట
 - పట్టించుకోని అధికారులు
 
 అనంతపురం అగ్రికల్చర్‌ : ఖరీఫ్‌ – 2015కు సంబంధించి రూ.23. 80 కోట్ల ఇన్‌పుట్‌ సబ్సిడీ జిల్లా రైతులకు అందాల్సి ఉంది. 18 నెలలు గడుస్తున్నా ఇప్పటికీ ఆ డబ్బులు మాత్రం రైతులకు అందలేదు. కనీసం ఇస్తామన్న భరోసాను కూడా అధికారులు ఇవ్వలేకపోతున్నారు. పంట కోత సమయంలో వరుసగా తుపాన్లు రావడంతో చాలా చోట్ల తొలగించిన పంట పొలాల్లోనే ఉండిపోయింది. 15 రోజుల వ్యవధిలో మూడు తుపాన్లు రావడంతో ఆ పంట బూజుపట్టి కుళ్లిపోయింది. చెనక్కాయలు రంగుమారి మొలకలు రాగా, పశుగ్రాసానికి కూడా పనికిరానంతగా చెడిపోయింది. ఈ క్రమంలో అన్ని ప్రభుత్వ శాఖలకు చెందిన అధికారులు ప్రత్యేక బృందాలుగా ఏర్పడి 2015 నవంబర్, డిసెంబర్‌ నెలల్లో పంట నష్టం అంచనా వేశారు.
 
 అప్పట్లో ప్రాథమిక అంచనా ప్రకారం 45 మండలాల పరిధిలో 30 వేల హెక్టార్ల విస్తీర్ణంలో పంట దెబ్బతిన్నట్లు నివేదిక తయారు చేశారు. అయితే పంట నష్టం అంచనా వేసిన బృందాలు చివరకు కొండను తవ్వి ఎలుకను పట్టినట్లు 33 మండలాల పరిధిలో 16,311 హెక్టార్లలో పంట దెబ్బతినడంతో రూ.23.80 కోట్ల నష్టం వాటిల్లినట్లు తేల్చారు. అదే నివేదికను ప్రభుత్వానికి, కమిషనరేట్‌కు పంపారు. కానీ... ఇప్పటివరకు దాని గురించి పట్టించకున్న నాథుడే కరువయ్యారు. రూ.23.80 కోట్ల ఇన్‌పుట్‌ నివేదిక ఒకటుంది... అది విడుదలయ్యేలా చూద్దామన్న ఆలోచన కూడా ఎవరికీ రాకాపోవడం విశేషం. 2015లో పంట పండినట్లు జిల్లా నుంచి నివేదిక పంపడంతో వేరుశనగ రైతులకు ఇన్‌పుట్‌సబ్సిడీ మంజూరుకాని పరిస్థితి నెలకొంది. కనీసం తుపాను ధాటికి దెబ్బతిన్నట్లుగా పంపిన రూ.23.80 కోట్లు అయినా మంజూరు చేస్తే 15 వేల మంది రైతులకు లబ్ధి జరుగుతుంది.
 
 అతలాకుతలం చేసిన తుపాను
 వాస్తవానికి 2015 నవంబర్‌లో వేరుశనగ పంట తొలగించే సమయంలో సంభవించిన తుపానుతో వేరుశనగతో పాటు పత్తి, పెసర తదితర పంటలకు పెద్ద ఎత్తున నష్టం జరిగింది. నెల రోజుల పాటు విరామం లేకుండా వర్షాలు కురవడంతో కదిరి, పుట్టపర్తి, ధర్మవరం, పెనుకొండ, హిందూపురం డివిజన్ల పరిధిలో మెజార్టీ మండలాలు తడిసిముద్దయ్యాయి. దీంతో తొలగించిన వేరుశనగ పంట పొలాల్లోనే కుళ్లిపోయింది. పంట తొలగించని ప్రాంతాల్లో కూడా మొలకలు రావడంతో రైతులకు భారీగానే నష్టం జరిగింది. మిగతా పంటలను పూర్తిగా పక్కనపెట్టి కంటితుడుపుగా కేవలం వేరుశనగ పంటకు మాత్రమే ఇన్‌పుట్‌ ప్రతిపాదనలు పంపారు. దెబ్బతిన్న పంట పొలాలను అప్పటి రాష్ట్ర వ్యవసాయశాఖ మంత్రి ప్రత్తిపాటి పుల్లారావు, జిల్లా మంత్రులు, ఎమ్మెల్యేలు సందర్శించి కుళ్లిన పంటను చూసి చలించిపోయారు. తక్షణం ఇన్‌పుట్‌ సబ్సిడీ ఇచ్చి ఆదుకుంటామని భరోసా ఇచ్చి 18 నెలలైనా పైసా కూడా విదల్చకపోవడం గమనార్హం.


 –  ఇన్సూరెన్స్‌ లేదా ఇన్‌పుట్‌ సబ్సిడీ ద్వారా ఎకరాకు రూ.6 వేలు ఇస్తామని సీఎం పునరుద్ఘాటన
 – ఇన్‌పుట్‌ సబ్సిడీ చెల్లింపు ద్వారా ఏపీ ఖజానాపై భారం రూ.45 కోట్లు మాత్రమే
 – తక్కిన మొత్తం బజాజ్‌ కంపెనీ, కేంద్రం వాటానే
 – ‘అనంత’ పర్యటనలో చంద్రబాబు ప్రకటనతో సుస్పష్టమైన పరిహారం లెక్కలు
 – కరువు జిల్లాపై కనికరం చూపని సీఎం
 
 (సాక్షిప్రతినిధి, అనంతపురం)
       ఇన్‌పుట్‌ సబ్సిడీ, ఇన్సూరెన్స్‌ గురించి ‘అనంత’ రైతులకు ఉన్న అవగాహన రాష్ట్రంలోని మరే జిల్లా రైతులకూ ఉండదు. ఎందుకంటే జిల్లాలో ఏటా పంటనష్టం జరుగుతోన్నా కాస్తోకూస్తో ఉపశమనం లభిస్తోంది వీటివల్లే! అయితే.. ఎప్పుడూ లేని విధంగా చంద్రబాబు ప్రభుత్వం ‘అనంత’ రైతులను నిలువునా మోసం చేస్తోంది. కరువు దెబ్బకు విలవిలలాడిపోతున్న అన్నదాతలపై ఏమాత్రమూ కనికరం చూపడం లేదు.
 
         ఇన్సూరెన్స్‌ అనేది ఓ కంపెనీకి సంబంధించిన వ్యవహారం. మనం స్కూటర్‌కొని ఇన్సూరెన్స్‌ చేస్తాం. ప్రమాదం జరిగితే సదరు కంపెనీ మనకు పరిహారం చెల్లిస్తుంది. ఇందులో ప్రభుత్వ పాత్ర ఏమీ ఉండదు. వాతావరణ బీమాలోనూ ఇదే వర్తిస్తుంది. రైతులు బజాజ్‌ అలయంజ్‌ కంపెనీకి ప్రీమియం చెల్లించారు. పంట నష్టపోతే ఆ కంపెనీ పరిహారం ఇస్తుంది. అయితే.. బీమా పరిహారాన్ని కూడా తామే ఇస్తున్నట్లు  చంద్రబాబు ‘అనంత’ రైతులను మోసం చేస్తున్నారు. 2016 ఖరీఫ్‌లో జిల్లా వ్యాప్తంగా రూ.1,070 కోట్ల మేర పంట నష్టం జరిగిందని, ఎకరాకు రూ.6వేల చొప్పున పరిహారం చెల్లించాలని జిల్లా యంత్రాంగం ప్రభుత్వానికి నివేదిక పంపింది. ఇందులో కేంద్రం తన వాటాగా రూ. 535 కోట్లు విడుదల చేయనుంది. తక్కిన రూ.535 కోట్లు రాష్ట్ర ప్రభుత్వం వాటాగా విడుదల చేయాలి. ఇదిలావుండగా, బజాజ్‌ కంపెనీ జిల్లాకు రూ.367 కోట్ల ఇన్సూరెన్స్‌ ఇస్తున్నట్లు ఇంతకుముందు ప్రకటించింది.అయితే.. తాజాగా అన్ని పంటలకూ కలిపి రూ.450 కోట్ల ఇన్సూరెన్స్‌ ఇచ్చేందుకు ఆ కంపెనీ సిద్ధమైనట్లు తెలిసింది.
 
 కేంద్రం ఇన్‌పుట్‌ సబ్సిడీ రూపంలో ఇచ్చే రూ.535 కోట్లు, ఇన్సూరెన్స్‌ కంపెనీ ఇచ్చే రూ.450 కోట్లు కలిపితే రూ.985 కోట్లు అవుతుంది.  సీఎం చంద్రబాబు మాత్రం పామిడిలో గురువారం జరిగిన బహిరంగ సభలో  తాము జిల్లా రైతులకు పరిహారం రూపంలో రూ.1,030 కోట్లు ఇస్తామని ప్రకటించారు. కేంద్రం, బజాజ్‌ కంపెనీ ఇచ్చే రూ.985 కోట్లకు రాష్ట్ర ప్రభుత్వం కేవలం రూ.45కోట్లు కలిపి.. మొత్తం రూ.1,030 కోట్లు రైతులకు ఇవ్వనున్నారు. అయితే..అంతా  రాష్ట్ర ప్రభుత్వమే ఇస్తోందన్నట్లు చంద్రబాబు ప్రకటించుకున్నారు. ‘అనంత’ చరిత్రలో ఇప్పటి వరకూ ఇన్సూరెన్స్, ఇన్‌పుట్‌సబ్సిడీకి లంకెపెట్టి రైతులను మోసం చేసిన ప్రభుత్వం ఏదీ లేదు. అసంబద్ధ విధానాలతో రైతులను మోసం చేసే మొట్టమొదటి ప్రభుత్వం ఇదే అవుతోందని ప్రతిపక్షాలు, రైతుసంఘాలు దుయ్యబడుతున్నాయి. జిల్లాలో తీవ్ర కరువు పరిస్థితులు నెలకొన్న నేపథ్యంలో పరిహారంపై పామిడి సభలో చంద్రబాబు ఏదైనా ప్రకటన చేస్తారని  రైతులు ఆశించారు. వారి ఆశలను సీఎం అడియాసలు చేశారు.
 
 పేరూరు, బీటీపీలను ఈ ఏడాదే పూర్తి చేస్తాం : సీఎం
 సీఎం చంద్రబాబు గురువారం నీరు–ప్రగతి ఉద్యమం రాష్ట్రస్థాయి ప్రారంభోత్సవం కోసం పామిడికి వచ్చారు. నీరు–ప్రగతి పైలాన్‌ను ఆవిష్కరించారు. ఆపై స్టాళ్లను సందర్శించారు. తర్వాత స్థానిక జూనియర్‌ కళాశాలలో ఏర్పాటు చేసిన బహిరంగసభలో మాట్లాడారు. హంద్రీ–నీవా ప్రధాన కాలువను కర్నూలు జిల్లా ముచ్చుమర్రి నుంచి జీడిపల్లి వరకూ మొదటి విడతలో వెడల్పు చేస్తామని ప్రకటించారు. అందుకు సంబంధించిన ఉత్తర్వులను పాత, కొత్త కలెక్టర్లు శశిధర్, వీరపాండ్యన్‌లకు అందించారు. పేరూరు, బీటీ ప్రాజెక్టు పనులను కూడా ఈ ఏడాదే ప్రారంభిస్తామన్నారు. ఇన్‌పుట్‌ సబ్సిడీ లేదా ఇన్సూరెన్స్‌ రూపంలో రైతులకు రూ.1030 కోట్ల పరిహారం  ఇస్తామన్నారు. ఈ ఏడాది ఖరీఫ్‌లో పంటసాగు చేసే సమయానికి ఆ డబ్బులు ఖాతాల్లో జమ చేస్తామన్నారు.
 
 గుత్తి నియోజకవర్గంలో 12 చెరువులకు నీళ్లు అందించేందుకు రూ.40కోట్లు కేటాయిస్తున్నట్లు ప్రకటించారు. కసాపురంలో టూరిజం సర్క్యూట్‌కు మరో రూ.20కోట్లు కేటాయిస్తామన్నారు. పామిడి, గుత్తిలో డిగ్రీకాలేజీల ఏర్పాటు, గుంతకల్లులో పాలిటెక్నిక్‌ కాలేజీ, తాగునీరు, రోడ్ల సమస్యలపై గుంతకల్లు ఎమ్మెల్యే జితేంద్రగౌడ్‌ ముఖ్యమంత్రి వద్ద ఏకరువు పెట్టారు. అన్నీ పరిశీలిస్తామని ముఖ్యమంత్రి చెప్పారు. సభ అనంతరం నేరుగా అనంతపురం చేరుకుని కేటీఆర్‌ కళ్యాణమంటపంలో నీటిసంఘాల ప్రతినిధులతో ఏర్పాటు చేసిన సమావేశంలో పాల్గొన్నారు. నీటి ఆవశ్యకత, సంరక్షణపై ప్రసంగించారు. ఆపై శిల్పారామాన్ని ప్రారంభించారు. శిల్పారామాన్ని రానున్న రోజుల్లో బ్రహ్మాండమైన పార్కులా అభివృద్ధి చేస్తామని చెప్పారు.
 అక్కడి నుండి నేరుగా పుట్టపర్తికి చేరుకుని తిరుగుపయనమయ్యారు. పర్యటనలో మంత్రులు పరిటాల సునీత, దేవినేని ఉమామహేశ్వరరావు, కాలవ శ్రీనివాసులు, నారా లోకేశ్, విప్‌ యామినీ బాల, ఎంపీ జేసీదివాకర్‌రెడ్డి, ఎమ్మెల్యేలు బీకే పార్థసారథి, హనుమంతరాయచౌదరి, ఈరన్న, చాంద్‌బాషా, పల్లె రఘునాథరెడ్డి, ప్రభాకర్‌చౌదరి, ఎమ్మెల్సీలు పయ్యావుల కేశవ్, తిప్పేస్వామి, శమంతకమణి తదితరులు పాల్గొన్నారు.


 అమరావతి : రైతులకు ఇన్‌పుట్ సబ్సిడీ విడుదల విషయంలో  చంద్రబాబు  సర్కార్‌ కుటిల వైఖరిని ప్రతిపక్ష నేత వైఎస్‌ జగన్‌ మోహన్‌ రెడ్డి  బుధవారం ఉదయం అసెంబ్లీలో ఎండగట్టారు‌. ఎన్నికల హమీలను తుంగలోకి తొక్కి ప్రభుత్వం రైతులకు ఇన్‌పుట్‌ సబ్సిడీ ఎగరగొట్టిందని ఆయన  ఆరోపించారు. 2013 నుంచి 2016 వరకూ మొత్తం రూ. 8వేల కోట్లకు గాను సర్కార్ ఇచ్చింది కేవలం రూ. 1,546 కోట్లు మాత్రమేనని... మిగిలిన రూ.6,400 కోట్ల సంగతేంటని వైఎస్‌ జగన్‌ నిలదీశారు‌.
 
 ఇన్‌పుట్‌ సబ్సిడీ బకాయిలపై హామీ ఇచ్చి రైతులను మోసం చేశారని, కేంద్రం ఇచ్చిన నిధులను దారి మళ్లించారని ఆయన అన్నారు. తుపానులు, కరువుల సందర్భంగా ఇచ్చిన హామీలను అమలు చేయకుండా...గత పదేళ్ల కాలం నాటి సంగతలు ఎత్తుతున్నారని వైఎస్‌ జగన్‌ విమర్శించారు. వైఎస్‌ రాజశేఖరరెడ్డి చనిపోయి ఎనిమిదేళ్లు అయిందని, అలాంటిది అప్పట్లో ఏం జరిగిందనే దానిపై ప్రభుత్వం చెప్పడం సమంజసం కాదన్నారు. ప్రభుత్వం  వాస్తవాలు చెప్పకుండా దాచిపెడుతోందని అన్నారు. 2014-16కు సంబంధించి ఇన్‌పుట్‌ సబ్సిడీని కూడా ప్రభుత్వం చెల్లించలేదన్నారు. ప్రభుత్వ వైఖరిని నిరసిస్తూ వైఎస్‌ఆర్‌ సీపీ సభ నుంచి వాకౌట్‌ చేసింది.


 అమరావతి : రైతులకు ఇన్‌పుట్ సబ్సిడీ విడుదల విషయంలో  చంద్రబాబు  సర్కార్‌ కుటిల వైఖరిని ప్రతిపక్ష నేత వైఎస్‌ జగన్‌ మోహన్‌ రెడ్డి అసెంబ్లీలో ఎండగట్టారు‌. ఎన్నికల హమీలను తుంగలోకి తొక్కి ప్రభుత్వం రైతులకు ఇన్‌పుట్‌ సబ్సిడీ ఎగరగొట్టిందని ఆయన  ఆరోపించారు. 2013 నుంచి మొత్తం రూ. 8వేల కోట్లకు గాను సర్కార్ ఇచ్చింది కేవలం రూ. 1500కోట్లు మాత్రమేనని... మిగిలిన రూ.6వేల 400 కోట్ల సంగతేంటని వైఎస్‌ జగన్‌ నిలదీశారు‌. ఇన్‌పుట్‌ సబ్సిడీ బకాయిలపై హామీ ఇచ్చి రైతులను మోసం చేశారని, కేంద్రం ఇచ్చిన నిధులను దారి మళ్లించారని ఆయన అన్నారు.
 
 తుపానులు, కరువుల సందర్భంగా ఇచ్చిన హామీలను అమలు చేయకుండా...గత పదేళ్ల కాలం నాటి సంగతలు ఎత్తుతున్నారని వైఎస్‌ జగన్‌ విమర్శించారు. వైఎస్‌ రాజశేఖరరెడ్డి చనిపోయి ఎనిమిదేళ్లు అయిందని, అలాంటిది అప్పట్లో ఏం జరిగిందనే దానిపై ప్రభుత్వం చెప్పడం సమంజసం కాదన్నారు. ప్రభుత్వం  వాస్తవాలు చెప్పకుండా దాచిపెడుతోందని అన్నారు. 2014-16కు సంబంధించి ఇన్‌పుట్‌ సబ్సిడీని కూడా ప్రభుత్వం చెల్లించలేదన్నారు. ప్రభుత్వ వైఖరిని నిరసిస్తూ వైఎస్‌ఆర్‌ సీపీ సభ నుంచి వాకౌట్‌ చేసింది.


 - ఇన్‌పుట్‌ సబ్సిడీ నివేదిక సిద్ధం
 - దెబ్బతిన్న పంట ఉత్పత్తుల విలువ రూ.2,874 కోట్లు  
 - 7.22 లక్షల మెట్రిక్‌ టన్నుల పంట ఉత్పత్తుల నష్టం
 - కేంద్ర కరువు బృందానికి అధికారిక నివేదిక సమర్పణ
 
 జిల్లాలో దెబ్బతిన్న పంటల విస్తీర్ణం            : 7,53,132 హెక్టార్లు
 దిగుబడి రాని పంట ఉత్పత్తులు            : 7.22 లక్షల మెట్రిక్‌ టన్నులు
 పంటల వారీగా నష్టం విలువ            : రూ.2,874.44 కోట్లు
 ఇన్‌పుట్‌సబ్సిడీ ప్రతిపాదనలు            : 1,075.46 కోట్లు
 నష్టపోయిన రైతుల సంఖ్య                : 6,93,003 మంది
 అందులో చిన్నసన్నకారు రైతులు            : 5,71,244 మంది
 
 అనంతపురం అగ్రికల్చర్‌ : ఖరీఫ్‌-2016 పంట నష్టానికి సంబంధించి రూ.1,075 కోట్లతో  పెట్టుబడిరాయితీ (ఇన్‌పుట్‌సబ్సిడీ) నివేదికను సిద్ధం చేశారు. ఈ నివేదికను సోమవారం జిల్లా పర్యటనకు వచ్చిన ఇంటర్‌ మినిస్టీరియల్‌ సెంట్రల్‌ టీం (కేంద్ర కరువు బృందం)కు సమర్పించారు. ‘అధికారిక’ నష్టమే ఈ స్థాయిలో ఉందంటే వర్షాభావ పరిస్థితుల వల్ల ఖరీఫ్‌ పంటలు ఏ స్థాయిలో దెబ్బతిన్నాయనే విషయాన్ని ఇట్టే అర్థం చేసుకోవచ్చు.
 
 పంట పెట్టుబడులు, దిగుబడులను పరిగణనలోకి తీసుకుంటే రూ.5 వేల కోట్ల వరకు నష్టం వాటిల్లినట్లుఽ అంచనా. వేరుశనగ, కంది, పత్తి, ఆముదం.. ఇలా అన్ని రకాల పంటలు దారుణంగా దెబ్బతినడంతో రైతులు కోలుకోలేని దెబ్బతిన్నట్లు కరువు బృందానికి సమర్పించిన నివేదికలో పేర్కొన్నారు. అన్ని ప్రభుత్వశాఖల నుంచి సమర్పించిన రూ.2,161.38 కోట్ల జిల్లా నివేదికలో సింహభాగం ఇన్‌పుట్‌ సబ్సిడీదే కావడం గమనార్హం. మిగతా అన్ని శాఖలకు సంబంధించి రూ.1,085.92 కోట్లు కావాలని కోరారు. మొత్తమ్మీద ఇన్‌పుట్‌ సబ్సిడీ నివేదికలో వేరుశనగ పంట నష్టం రూ.929.88 కోట్లుగా చూపించారు. మిగతా 15 పంటల నష్టం రూ.145.58 కోట్లుగా తేల్చారు. పంటల వారీగా స్కేల్‌ఆఫ్‌ రిలీఫ్‌ (నష్ట ఉపశమనం) ప్రకారం నష్టాన్ని అంచనా వేసినట్లు అధికార వర్గాలు తెలిపాయి.
 
 పంటల వారీగా నష్టం వివరాలు
 ––––––––––––––––––––––––––––––––––––––––––––
 పంట పేరు    దెబ్బతిన్న విస్తీర్ణం    పంట ఉత్పత్తి నష్టం    ఇన్‌పుట్‌ ప్రతిపాదన
             (హెక్టార్లలో)        ( రూ.కోట్లలో)        ( రూ.కోట్లలో)
 ––––––––––––––––––––––––––––––––––––––––––––––
 వేరుశనగ        6,19,925        2,061.00        929.88
 కంది        72,357            320.97            72.35
 ప్రత్తి        31,170            367.82            46.75
 ఆముదం        8,700            22.23            05.91
 మొక్కజొన్న    8,744            48.22            10.93
 జొన్న        4,044            03.99            02.75
 పొద్దుతిరుగుడు    2,309            11.02            02.30
 కొర్ర        2,082            01.34            01.04             
 మినుము        1,180            ––            01.18
 పెసర        977            ––            97.72 లక్షలు
 ఉలవ        155            ––            15.56  ,,
 రాగి        17            ––            01.16  ,,
 సోయాబీన్‌        582            ––            58.23  ,,
 సజ్జ        737            ––            50.18  ,,
 నువ్వులు        139            ––            09.50  ,,
 అలసంద        06            ––            0.63 వేలు
 ––––––––––––––––––––––––––––––––––––––––––––––––
 16 పంటలు    7.53 లక్షల హెక్టార్లు    2,874.44 కోట్లు    1,075.46 కోట్లు
 ––––––––––––––––––––––––––––––––––––––––––––––––


 అడ్రస్‌లేని వడ్డీరాయితీ, ఇన్‌పుట్‌ సబ్సిడీ 
 రూ.81కోట్ల బకాయిలు  
 చెల్లింపుల్లో ఉదాసీనం 
 అయినా సర్కారు కోతలు   
  
 రైతు సంక్షేమమే ధ్యేయంగా పనిచేస్తున్నామని గొప్పలు చెప్పుకుంటున్న రాష్ట్ర ప్రభుత్వం అన్నదాతను అడుగడుగునా దగా చేస్తోంది. ప్రోత్సాహకాలు, రాయితీల బకాయిలు పేరుకుపోయినా పట్టించుకోవడం లేదు. పైపెచ్చు.. సబ్సిడీలన్నీ చెల్లించేస్తున్నట్టు బుకాయిస్తోంది. ఫలితంగా అన్నదాతకు వేదనే మిగులుతోంది. 
  
 ఆకివీడు : కేంద్ర, రాష్ట్ర ప్రభుత్వాలు రైతుకు బకాయి పడిపోయాయి.  జిల్లాలో సహకార బ్యాంకుల ద్వారా రైతులకు వడ్డీ రాయితీ, ఇన్‌పుట్‌సబ్సిడీ కింద  రూ. 81 కోట్లు చెల్లించాల్సి ఉంది. ప్రతి ఏటా వడ్డీ రాయితీని విడుదల చేస్తున్నామని ప్రభుత్వాలు ప్రకటనలిస్తున్నా.. రైతులకు చెల్లింపులు జరగడం లేదు.      రైతులు తీసుకున్న స్వల్ప, దీర్ఘ కాలిక రుణాలకు సంబంధించి మూడేళ్లుగా వడ్డీరాయితీ సొమ్ము రైతులకు అందలేదు. కేంద్రం నుంచి 3 శాతం వడ్డీ రాయితీ సొమ్ము రాష్ట్రానికి చేరినా ఆ సొమ్ము దారి మళ్లిందనే ఆరోపణలు వెల్లువెత్తుతున్నాయి.  రాష్ట్ర ప్రభుత్వం చెల్లించాల్సిన వడ్డీ రాయితీ 6 శాతం వాటా విడుదల చేయలేదు. దీంతో మూడేళ్లుగా రైతులకు వడ్డీ రాయితీ అందడం లేదు.  
  ఇన్‌పుట్‌ సబ్సిడీదీ అదే దారి 
    రాష్ట్ర ప్రభుత్వం ఇన్‌పుట్‌ సబ్సిడీని విడుదల చేయట్లేదు. 201314, 201415 సంవత్సరాలకు సంబంధించిన పంట నష్టపరిహారం(ఇన్‌ఫుట్‌సబ్సిడీ)ని ప్రభుత్వం విడుదల చేయలేదు. వడ్డీ రాయితీ, ఇన్‌పుట్‌ సబ్సిడీ కలిపి రూ.81కోట్ల బకాయిలు పేరుకుపోయాయి.   
 మద్దతు ధరపైనా నిర్లక్ష్యం 
 ఏటా సరైన మద్దతు ధర దక్కక రైతు అష్టకష్టాలు పడుతున్నాడు.  ఉత్పత్తుల వ్యయంపై 50 శాతం అదనంగా కలిపి ధాన్యానికి గిట్టుబాటు ధర కల్పించాలని స్వామినాథన్‌ కమిటీ సూచించినా, కేంద్రం పట్టించుకోవడం లేదు. ఇటీవల రాష్ట్ర వ్యవసాయ శాఖ అ«ధికారులు కూడా ఇదే విషయాన్ని ప్రభుత్వానికి తెలియజేసినా స్పందన లేదు.  వచ్చే జూన్‌లో ప్రకటించనున్న ధాన్యం మద్దతు ధరను క్వింటాలుకు రూ.2,800 ప్రకటించాలని రైతులు కోరుతున్నారు. 
  
 వడ్డీకి వడ్డీ చెల్లిస్తారా!
        వడ్డీ రాయితీ సొమ్ము చెల్లించడంలో కేంద్ర, రాష్ట్ర ప్రభుత్వాలు దోబూచులాడుతున్నాయి. మూడేళ్లుగా స్వల్ప కాలిక రుణాలకు, ఆరేళ్లుగా దీర్ఘకాలిక రుణాలకు వడ్డీ రాయితీ సొమ్ము చెల్లించాలి. ఏళ్ల తరబడి వాయిదా వేస్తున్న ప్రభుత్వం ఆ సొమ్ముకు వడ్డీ చెల్లించాలి. ధాన్యం మద్దతు ధర ఉత్పత్తి వ్యయంపై 50 శాతం అదనంగా కలిపి ప్రకటించాలి.
 మల్లారెడ్డి శేషమోహన రÆంగారావు, భారతీయ కిసాన్‌ సంఘ్‌ రాష్ట్ర ప్రచార కార్యదర్శి, అప్పారావుపేట 
  
 బకాయిలు రావాలి 
      జిల్లాలోని రైతులకు వడ్డీ రాయితీ సొమ్ము, ఇన్‌పుట్‌ సబ్సిడీ మొత్తం రూ.81 కోట్లు చెల్లించాల్సి ఉంది. ధీర్ఘకాలిక అప్పులపై రాష్ట్ర ప్రభుత్వం చెల్లించే ఆరు శాతం వడ్డీ రాయితీ ఆరేళ్లుగా రైతులకు అందడంలేదు. ఆప్కాబ్‌ నుంచి జిల్లా సహకార బ్యాంక్‌కు ఆ సొమ్ము మంజూరైతే జిల్లాలోని అన్ని సొసైటీలకు జమ చేస్తాం. 
 వి.వి.ఫణికుమార్, సీఈవో, జిల్లా సహకార బ్యాంక్,  ఏలూరు
  
  
  


 ఇన్‌పుట్‌ సబ్సిడీ పంపిణీలో  గోల్‌మాల్‌
 పరిహారం సొమ్మును పంచేసుకున్న వైనం
 నిజమైన అన్నదాతలకు మళ్లీ మొండిచెయ్యే..
 
 రైతుల కష్టాన్ని కరువు కాటేసింది. సరే కదా అని ఇన్‌పుట్‌ సబ్సిడీతో తమ ఇక్కట్లను కొద్దిగానైనా తీర్చుకుందామంటే అధికారులు గద్దల్లా ఎగరేసుకుపోయారు. అనర్హుల పేర్లతో  వివరాలు నమోదు చేసి నిజంగా నష్టపోయిన అన్నదాతలకు అంతులేని ఆవేదనను మిగిల్చారు. సీఎం ప్రాతినిధ్యం వహిస్తున్న కుప్పంలో రైతులు దోపిడీకి గురవుతున్న తీరు ఇది.
 
 శాంతిపురం:  శాంతిపురం మండలంలోని 60 రెవెన్యూ గ్రామాల్లోని 3,793 మంది రైతులకు 2015 ఖరీఫ్‌లో వేరుశనగ నష్టపోయినందుకు రూ .1.60 కోట్ల పరిహారం ఇటీవల ప్రభుత్వం విడుదల చేసింది.  రైతులందరికీ గరిష్టంగా రూ. 6 వేలు మాత్రమే పరిహారానికి వీఆర్‌వోలు సిఫార్సు చేయడంతో ఆ మేరకే మంజూరయ్యింది.  చాలా మంది బాధిత రైతులకు రూ. 1,250 నుంచి రూ.3,900 వచ్చేలా చేశారు. కానీ కొందరు వీఆర్‌వోలు ముందస్తు ఒప్పందాలతో నాలుగు రెవెన్యూ గ్రామాల్లో ఎంపిక చేసుకున్న దాదాపు 55 మంది పేర్లతో రూ. 12 లక్షల వరకు దిగమింగారు. గుండిశెట్టిపల్లి, ఎంకే పురం, చిన్నగాండ్లపల్లి, ఎం.శాంతంపల్లి, సొన్నేగానిపల్లి రెవెన్యూ గ్రామాల పరిధిలో మాత్రం ఎంచుకున్న వారికి భారీగా ఇన్‌పుట్‌ సబ్సిడీ మంజూరయ్యేలా చేశారు.  పూర్తిగా భూమి లేకున్నా, పది సెంట్లలోపే ఉన్నా వారితో బేరాలు కుద్చుకుని ఒక్కొక్కరికి ఏకంగా రూ. 27 వేల వరకూ ఇన్‌పుట్‌ సబ్సిడీ నమోదు చేయడంతో ప్రభుత్వం ఆయా మొత్తాలను విడుదల చేసింది. డబ్బులు ఖాతాలోకి రాగానే ముందస్తు ఒప్పందాల ప్రకారం రైతుల ఖాతాల నుంచి అధికారులు సొమ్మును రాబట్టుకున్నారు.  ఈ వ్యవహారం మీడియా దృష్టిలో పడడంతో నష్ట నివారణ చర్యలు ప్రారంభించి ంది. వారం నుంచి పలువురు రైతుల ఖాతాలకు మళ్లీ సొమ్మును జమ చేస్తున్నారు. తమ అక్రమాలు వెలుగు చూడకుండా అన్ని జాగ్రత్తలూ తీసుకున్నా కొందరు బాధిత రైతులు సాక్షిని ఆశ్రయించడంతో తీగ లాగితే డొంక కదిలింది.
 
 నమోదు ఇలా..
 చిన్నగాండ్లపల్లి రెవెన్యూలో 63 సెంట్లు, 75 సెంట్లు, 1.50 ఎకరాల భూమి ఉన్న ముగ్గురి పేర్లతో రూ. 24 వేల వంతున పరిహారం మంజూరు చేశారు. ఇదే రెవెన్యూ రికార్డుల్లో పేరు లేని వ్యక్తి పేరుతో మరో రూ. 24 వేలను వెచ్చించారు. ఇలా ఐదు మంది పేర్లతో రూ. 1,20,000 ఇన్‌పుట్‌ సబ్సిడీకి ఎసరు పెట్టారు.
 ► గుండిశెట్టిపల్లి రెవెన్యూ పరిధిలో కేవలం మూడున్నర సెంట్ల భూమి ఉన్న మహిళ, మరో 29 సెంట్లు ఉన్న వ్యక్తి, 41 సెంట్లు ఉన్న వారి పేర్లతో రూ. 24 వేల వంతున చెల్లించారు.
 ► వివాదాస్పద బసవేశ్వరస్వామి ఆలయ మాన్యం సర్వే నంబర్లతో రూ.24 వేలు అర్పించారు. రికార్డుల్లో దొరకని మరో ఐదుగురి పేర్లతో రూ. 27 వేలు, రూ. 24 వేలు, రూ 18 వేలు, రూ. 15 వేలు, రూ 5,250 చొప్పున బిల్లు చేశారు. ఇద్దరు నాయకుల కుటుంబాల్లోని 8 మంది పేర్లతో రూ 1,47,750, మరో 7 మంది పేర్లతో రూ. 1,63,000  ఇన్‌పుట్‌ సబ్సిడీ  ఇచ్చారు.
 ► ఎం.శాంతంపల్లి రెవెన్యూ రికార్డుల్లో 52 సెంట్ల భూమి ఉన్న వ్యక్తికి రూ. 24 వేలు, భూమి లేని మహిళ పేరుతో రూ 24 వేలు వంతున కేటాయించారు. ఈ గ్రామ పరిధిలో ముగ్గురి పేర్లతో రూ. 66 వేలకు ఎసరు పెట్టారు.
 ►  సొన్నేగానిపల్లి రెవెన్యూలో 4.40 ఎకరాలు ఉన్న కుటుంబానికి రూ.36 వేలు కేటాయించారు.  ఈ రెవెన్యూ గ్రామంలో పది మంది రైతులకు మాత్రం రూ .15, రూ.18 వేల చొప్పున మంజూరు చేశారు.
 
 వసూలు ఇలా
 ► గుండిశెట్టిపల్లికి చెందిన ఓ రైతుకు రూ .27 వేలు పరిహారం బ్యాంకు ఖాతాలో జమ కావడంతో తనను ఎస్‌బీఐ బ్యాంక్‌కు పిలిపించిన రెవెన్యూ సిబ్బంది మరో మహిళ ఖాతాకు రూ. 22 వేలను బదిలీ చేశారు. ఆ సొమ్ము పై అధికారులకు వెళ్లాలని, తన ఖాతాకు మళ్లీ నగదు వస్తుందని రైతుకు నచ్చజెప్పారు. అయితే ఈ రైతు ‘సాక్షి’ని కలిసిన  విషయం తెలుసుకుని మళ్లీ తన ఖాతాకు రూ. 22 వేలను బదిలీ చేశారు.
 
 ► గుండిశెట్టిపల్లికి చెందిన మరో రైతు ఖాతాకు రూ 19,500 జమా అయ్యింది.   ఇంకా పెద్ద మొత్తం మళ్లీ వస్తుందని మాయమాటలు చెప్పి రూ. 10 వేలను ఓ రెవెన్యూ దళారి ఖాతాకు ‘నగదు బదిలీ’ చేశారు. విషయం బయటకు రావటంతో మళ్లీ ఈ  రైతు ఖాతాకు నగదును బదిలీ చేశారు.
 
 ► శాంతిపురంలో సొంత వ్యాపారం చేసుకునే రైతుకు రూ. 24 వేలు ఇన్‌పుట్‌ సబ్సీడి మంజూరు చేశారు.  ఈ విషయం తనకు తెలియక పోవడంతో ఓ వీఆర్‌వో పదేపదే ఫోన్‌ చేసి తన ఫ్రెండ్‌ రూ. 24 వేలను మీ ఖాతాలో వేశారని, ఆ సొమ్మును తీసివ్వాలని పోరు పెట్టాడు. సాంకేతిక కారణాలతో సబ్సిడీ మొత్తం బ్యాంకులో జమ కావడం ఆలస్యమయింది. దీంతో  సదరు రైతు తన ఖాతా స్టేట్‌మెంట్‌ను వీఆర్‌వోకి సమర్పించాడు. ఈ నెల 6 వరకూ రోజుకు రెండు సార్లు ఫోన్లు చేసి నగదుపై ఆరా తీసిన వీఆర్‌వో తర్వాత గుంబనంగా ఉండిపోయాడు.
 ఈ వ్యవహారంపై రెవెన్యూ, వ్యవసాయ శాఖలు సంయుక్తంగా విచారణ చేస్తే మరిన్ని నిజాలు వెలుగు చూసే అవకాశం ఉంది. అలాగే బ్యాంకులో సాగిన నగదు బదిలీల వ్యవహారం నిగ్గుతేల్చడానికి అవినీతి నిరోధక శాఖ(ఏసీబీ), సీఐడీ దర్యాప్తు జరపాలని రైతులు డిమాండు చేస్తున్నారు.
  


 ‘మేము పెట్టిన భిక్షతో..’ అంటూ వ్యాఖ్యానించిన షబ్బీర్‌ అలీ
 
 - పోరాటాలతోనే తెలంగాణ వచ్చిందన్న మంత్రి కేటీఆర్‌
 - తెలంగాణ అమరులను ప్రభుత్వం నిర్లక్ష్యం చేసిందంటూ కాంగ్రెస్‌ విమర్శ
 
 సాక్షి, హైదరాబాద్‌: అధికార, విపక్షాల మధ్య మాటల తూటాలతో అసెంబ్లీ సమావేశాలు వేడెక్కుతున్నాయి. మంగళవారం శాసనసభలో మాటల యుద్ధం జరగగా.. బుధవారం శాసన మండలిలో పరస్పర విమర్శలు దుమారం రేపాయి. వ్యవసాయం అంశంపై స్వల్పకాలిక చర్చ సందర్భంగా టీఆర్‌ఎస్‌ ప్రభుత్వాన్ని విమర్శిస్తూ.. ‘మేము పెట్టిన భిక్షతో..’ అని విపక్షనేత షబ్బీర్‌ అలీ చేసిన వ్యాఖ్య గందరగోళం రేపింది. ఇటు షబ్బీర్‌ అలీ, అటు మంత్రి కేటీఆర్‌ల మాటల యుద్ధం జరిగింది.
 
 రైతుల బాధలు పట్టవా..?
 చర్చలో తొలుత షబ్బీర్‌ అలీ మాట్లాడారు. నాలుగు విడతలుగా రుణమాఫీని అమలు చేస్తుండడంతో రైతులు తనఖా పెట్టిన ఆస్తుల పత్రాలు బ్యాంకుల స్వాధీనంలోనే ఉన్నా యని.. దాంతో వారికి కొత్త రుణాలు లభిం చడం లేదని పేర్కొన్నారు. పంట నష్టం, గిట్టుబాటు ధర లభించక రాష్ట్రంలో ఇప్పటి వరకు 2,650 మంది రైతులు ఆత్మహత్యలు చేసుకున్నారని చెప్పారు. కానీ ప్రభుత్వం మాత్రం 750 మరణాలను మాత్ర మే ధ్రువీక రించిందని.. అందులోనూ 340 కుటుంబాలకే పరిహా రం చెల్లించిందని విమర్శించారు. ఆత్మహత్య చేసుకున్న రైతుల కుటుంబాలను సీఎం, మంత్రులు, ఎమ్మెల్యేలు, ఎంపీ లెవరూ పరామ ర్శించలేదని.. రైతు ఆత్మహత్యలు ఆగిపో యేలా రైతుల్లో భరోసా కల్పించడంలో ప్రభుత్వం విఫ లమైందని ధ్వజమెత్తారు.
 
 ఈ సమయంలో కేటీఆర్‌ జోక్యం చేసుకుంటూ.. రైతు ఆత్మ హత్యల విషయంలో అం దరం బాధపడుతు న్నామని చెప్పారు. గతంలో రూ.1.5 లక్షలు మాత్రమే ఉన్న పరిహారాన్ని తమ ప్రభుత్వం రూ.5 లక్షలకు పెం చిందన్నారు. షబ్బీర్‌ అలీ విద్యుత్‌ మంత్రిగా ఉన్నప్పుడు వ్యవసాయానికి మూడు విడతల్లో రెండు గంటల చొప్పున విద్యుత్‌ సరఫరా జరిగేదని.. దీంతో రైతులు ఎన్నో ఇబ్బందులు ఎదుర్కొన్నారని పేర్కొన్నారు. గత ప్రభు త్వాల హయాంలో ఎరువులు, విత్తనాల కోసం రైతులు లైన్లలో నిలబడేవారని... తమ ప్రభుత్వం వచ్చాక ఎక్కడైనా లైన్లు కన బడుతున్నాయా? అని ప్రశ్నించారు.
 
 షబ్బీర్‌ వర్సెస్‌ కేటీఆర్‌..
 కేటీఆర్‌ వ్యాఖ్యలపై షబ్బీర్‌ అలీ తీవ్రంగా ఆగ్రహించారు. ‘మేము పెట్టిన భిక్షతో...’ అని ఆయన ఆవేశంగా మాట్లాడుతుండగానే మైక్‌ కట్‌ అయింది. అయితే  కేటీఆర్‌ ఆగ్రహంగా స్పందిస్తూ.. ‘‘తెలంగాణ ఇచ్చి పొరపాటు చేశామని శాసనసభలో విపక్ష నేత అంటారు. మేం భిక్ష పెట్టామని ఇక్కడ విపక్ష నేత అంటారు. ప్రజలు పోరాడి తెలంగాణ తెచ్చుకున్నారు. ఎవరూ పెట్టిన భిక్ష కాదు..’’ అని పేర్కొన్నారు. దీంతో షబ్బీర్‌ కల్పిం చుకుంటూ.. తెలంగాణ కోసం ప్రాణాలSర్పించిన అమరులను ప్రభుత్వం నిర్లక్ష్యం చేసిందని, కొందరికి మాత్రమే రూ.10 లక్షల పరిహారం చెల్లించి చేతులు దులుపుకొందని ఆరోపించారు. అమరుల పేర్లు ఎత్తే నైతిక హక్కు కాంగ్రెస్‌ పార్టీకి లేదని, హంతకులే సంతాపాలు తెలుపుతున్నారంటూ కేటీఆర్‌ మండిపడ్డారు.
 
 ఇన్‌పుట్‌ సబ్సిడీ ఏది?
 గతేడాది పంటలు నష్టపోయిన రైతులకు కేంద్రం నుంచి రూ.950 కోట్ల ఇన్‌పుట్‌ సబ్సిడీ మంజూరై తొమ్మిది నెలలవుతున్నా రైతులకు ఎందుకు పంపిణీ చేయలేదని షబ్బీర్‌ అలీ ప్రభుత్వాన్ని నిలదీశారు. నకిలీ విత్తనాలతో నష్టపోయిన రైతులను ఎలా ఆదుకుంటారో తెలపాలని డిమాండ్‌ చేశారు. పరిశ్రమల విధానం తరహాలో ప్రభుత్వం సమగ్ర వ్యవసాయ విధానాన్ని రూపొందించాలని కాంగ్రెస్‌ సభ్యుడు పొంగులేటి సుధాకర్‌రెడ్డి సూచించారు. రుణమాఫీపై గందరగోళం ఏర్పడిందని, రైతులకు కొత్త రుణాలు లభించడం లేదని బీజేపీ సభ్యుడు ఎన్‌.రామచందర్‌రావు పేర్కొన్నారు. నోట్ల రద్దుతో రుణాలు లభించక రైతులు ఇబ్బందులు పడుతున్నారని, రైతులకు బ్యాంకుల నుంచి రుణాలు ఇప్పించాలని ఎంఐఎం సభ్యుడు అల్తాఫ్‌ రిజ్వీ సూచించారు.


 అసెంబ్లీ  నేపథ్యంలో రూ.300 కోట్ల ఇన్ పుట్‌ సబ్సిడీ పంపిణీ
 సాక్షి, హైదరాబాద్‌: అసెంబ్లీ సమావేశాలు ముంచుకు రావడంతో రాష్ట్ర ప్రభుత్వం అన్నదాతలకు ఊరటనిచ్చే నిర్ణయం తీసుకుంది. దాదాపు ఎనిమిది నెలలుగా పెండింగ్‌లో పెట్టిన ఇన్ పుట్‌ సబ్సిడీ నిధుల విడుదలకు ఫైళ్లు కదిపింది. 2015 ఖరీఫ్‌లో కరువు తీవ్రతతో నష్టపోయిన రైతులకు కేంద్ర ప్రభుత్వం రూ.820 కోట్లు ఇన్ పుట్‌ సబ్సిడీ మంజూరు చేసింది. ఆరు నెలల కిందటే కరువు సాయంగా రాష్ట్రానికి నిధులు విడుదల చేసింది. 20.91 లక్షల మంది నష్టపోయిన రైతులకు పంపిణీ చేయాల్సిన ఈ సొమ్మును ఇంతకాలం రాష్ట్ర ప్రభుత్వం పట్టించుకోలేదు.
 ఆర్థిక పరిస్థితుల నేపథ్యంలో అత్యవసరమైన చెల్లింపులకు సర్కారు కరువు నిధులను మళ్లించిందన్న విమర్శలున్నాయి. కేంద్రం పదే పదే యుటిలైజేషన్ సర్టిఫికెట్లు పంపాలని కోరడంతో పీడీ ఖాతాలో నిధులున్నట్లుగా పెండింగ్‌లో పెట్టింది. కానీ నిరుడు కరువుతో నష్టపోయిన రైతులకు ఇప్పటివరకు ఒక్క రూపాయి పంపిణీ చేయలేదంటూ విపక్ష పార్టీలు అవకాశం దొరికినప్పుడల్లా రాష్ట్ర ప్రభుత్వంపై విరుచుకుపడుతున్నాయి. ఈ నేపథ్యంలో అసెంబ్లీ సమావేశాల్లో ఇన్ పుట్‌ సబ్సిడీ అంశం చర్చకు వచ్చే అవకాశముందని ప్రభుత్వం అప్రమత్తమైంది. పీడీ ఖాతాలో ఉన్నట్లుగా చెబుతున్న నిధుల్లో రూ.300 కోట్లు వెంటనే విడుదల చేయాలని నిర్ణయించింది. ఈ మేరకు ఆర్థిక శాఖకు ఆదేశాలు జారీ చేసినట్లు సమాచారం.


 
  జిల్లాలో రూ.4 వేల కోట్ల పెట్టుబడి నష్టం
 
 వైఎస్సార్‌సీపీ రాష్ట్ర ప్రధాన కార్యదర్శి అనంత వెంకట్రామిరెడ్డి  
 
 డి.హీరేహాళ్‌:     ‘పంటలకు రైతులు బీమా ప్రీమియం చెల్లించారు. పంట ఎండిపోయింది. ఎండిన పంటకు ఎంత నష్టం వాటిల్లితే అంత బీమా కంపెనీ ఇవ్వాలి. లేదంటే ఇన్‌పుట్‌ సబ్సిడీ ద్వారా ప్రభుత్వం చెల్లించాలి. కానీ ఎకరాకు రూ.6 వేలు ఇస్తామని చంద్రబాబు చెబుతున్నారు. రైతుకు హక్కుగా రావాల్సిన డబ్బులను చిల్లర రూపంలో భిక్ష వేస్తారా?' అని వైఎస్సార్‌సీపీ రాష్ట్ర ప్రధాన కార్యదర్శి అనంత వెంకట్రామిరెడ్డి ధ్వజమెత్తారు.
 సోమలాపురంలో గడపగడపకూ వైఎస్సార్‌లో పాల్గొన్న అనంతరం ఆయన విలేకరులతో మాట్లాడారు. ''15.15 లక్షల ఎకరాల్లో వేరుశనగ సాగు చేసిన రైతులు రూ.2,500 కోట్లు పెట్టుబడి పెట్టారు. పత్తికి రూ.750 కోట్లు, కంది, జొన్న, మిరప అన్ని పంటలు కలిపి మొత్తంగా 18 లక్షల ఎకరాలకు రూ.4 వేల కోట్లు పెట్టుబడి రైతులు పూర్తిగా నష్టపోయారు. ప్రభుత్వ ముందుచూపులేమి, హంద్రీ–నీవా నీటిని ప్రణాళిక లేకుండా ధారాదత్తం చేసి ప్రత్యక్షంగా, పరోక్షంగా పంట నష్టపోయేందుకు ప్రభుత్వం కారణమైంది. రైతులు ఖర్చు చేసిన డబ్బులు బీమా కంపెనీతో ఇప్పించాలి. లేదంటే ఇన్‌పుట్‌సబ్సిడీ ద్వారా ప్రభుత్వం ఇవ్వాలి. ఇది రైతుల హక్కు! కానీ ఎకరాకు రూ.6 వేలు ఇస్తామని ముఖ్యమంత్రి ప్రకటన చేశారు. రైతులు నష్టపోయిన పెట్టుబడి ఇవ్వాలని డిమాండ్‌ చేయాల్సిన టీడీపీ నేతలు రాజధానిలో తలూపి వచ్చేశారు. పైగా 2015కు సంబంధించి 63 కరువు మండలాలను ప్రకటించారు. గత నెల 10న ఇన్‌పుట్‌సబ్సిడీపై జీవో జారీ చేశారు. అందులో 8 జిల్లాలు ఉన్నాయి. అనంతపురం పేరు లేదు. ఎందుకు జిల్లాపై ఈ వివక్ష! ఈ ఏడాది నష్టపోయిన పెట్టుబడి పూర్తిగా ఇవ్వాల్సిందే!'' అని ఆయన డిమాండ్‌ చేశారు.  అలాగే హెచ్చెల్సీ, జీబీసీ, ఎల్‌ఎల్‌సీ రైతులు కూడా నష్టపోయారు. రాయదుర్గం ఎమ్మెల్యే హెచ్చెల్సీ రైతులకే పంగనామం పెట్టారు. హెచ్చెల్సీ రైతులకు ఆదుకోవాలన్న ఉద్దేశ్యంతో 3.1/2 టీఎంసీల నీటిని జిల్లా రైతులకు హక్కుగా కేటాయించారు. అలాకాకుండా కర్నూలు జిల్లాకు ఆ నీటిని ధారాదత్తం చేసి ఇక్కడ రైతులకు ఎమ్మెల్యే తీవ్ర అన్యాయం చేశారన్నారు. రైతులకు పరిహారం ఇవ్వకపోతే కోర్టుకు ఇడుస్తామని ఆయన హెచ్చరించారు. హెచ్చెల్సీ, వర్షాధారం క్రింద సాగు చేసిన రైతులందరికి బేషరతుగా పంట రుణాలను రద్దు చేయాలి లేదా అంతే మొత్తంలో పరిహారం చెల్లించాలన్నారు. పార్టీ రాయదుర్గం సమన్వయకర్త, మాజీ ఎమ్మెల్యే కాపు రామచంద్రారెడ్డి మాట్లాడుతూ టీడీపీ నాయకులు ఉపాధి నిధులను  నీరు – చెట్టు  కార్యక్రమానికి  మళ్లించి, యంత్రాలతో పనులు చేయిస్తూ కూలీల కడుపుకొడుతున్నారని విమర్శించారు. సీబీఐతో దర్యాప్తు చేయిస్తే అధికారులంతా జైలుకు వెళతారని హెచ్చరించారు.
 కార్యక్రమంలో రాష్ట్ర రైతు విభాగం ప్రధాన కార్యదర్శి గౌని ఉపేంద్రరెడ్డి, సదాశివరెడ్డి, ఎస్టీ సెల్‌ కార్యదర్శి భోజరాజు నాయక్, ఎస్సీ సెల్‌ ప్రధాన కార్యదర్శి బీటీపీ గోవిందు, బీసీ సెల్‌ రాష్ట్ర ప్రధాన కార్యదర్శి ఎన్‌టీ సిద్దప్ప, డీసీఎంఎస్‌ చైర్మన్‌ మల్లికార్జున, మండల కన్వీనర్లు వన్నూరుస్వామి, మల్లికార్జున, మాజీ ఎంపీపీ రాజగోపాల్‌రెడ్డి, మాజీ జెడ్పీటీసీ నాగిరెడ్డి, సర్పంచ్‌లు పాల్గొన్నారు.
 
 
 
 
  


 పీసీసీ అధ్యక్షుడు ఉత్తమ్
  
 నేరేడుచర్ల: రైతు రుణమాఫీని ఏకకాలంలో చేయాలని పీసీసీ అధ్యక్షుడు ఉత్తమ్‌కుమార్‌రెడ్డి డిమాండ్ చేశారు. సూర్యాపేట జిల్లా పాలకీడు మండలం జాన్‌పహాడ్‌లో సోమవారం ఆయన విలేకరులతో మాట్లాడారు. రుణమాఫీ నిధులు సక్రమంగా విడుదల చేయకపోవడంతో రైతులు తీవ్ర ఇబ్బందులు పడుతున్నారని చెప్పారు. ఏప్రిల్‌లో విడుదల చేయాల్సిన మూడో విడత రుణమాఫీ నిధులు అక్టోబర్ వచ్చినా సగమే రావడంతో రైతుల ఖాతాల్లో బ్యాంకర్లు జమ చేయడం లేదన్నారు.
 
 ఏకకాలంలో మాఫీ చేస్తే రాష్ట్రంలో 40 లక్షల మందికి ప్రయోజనం చేకూరుతుందన్నారు. గ్రామీణ ప్రాంతాలు ఇప్పటికే ఆర్థిక సంక్షోభంలో చిక్కుకుపోగా బ్యాంకర్లు పంట రుణాలు ఇవ్వకపోవడంతో ప్రైవేటు వడ్డీ వ్యాపారులను ఆశ్రయించి రైతులు నలిగిపోతున్నారన్నారు. గత సంవత్సరం పంట నష్టం కింద కేంద్ర ప్రభుత్వం మంజూరు చేసిన ఇన్‌పుట్ సబ్సిడీని రాష్ట్ర ప్రభుత్వం ఇతర శాఖలకు మళ్లించడం శోచనీయమన్నారు.


 – రాష్ట్ర వ్యవసాయ శాఖ మంత్రి ప్రత్తిపాటి పుల్లారావు
 కళ్యాణదుర్గం : అనంతపురం జిల్లాలో ఈ ఖరీఫ్‌లో పంట నష్టపోయిన రైతులకు ఇన్‌పుట్‌ సబ్సిడీ ఇచ్చి తీరుతామని రాష్ట్ర వ్యవసాయశాఖ మంత్రి ప్రత్తిపాటి పుల్లారావు స్పష్టం చేశారు. గురువారం పుల్లారావుతో పాటు మంత్రి పల్లె రఘనాథరెడ్డి  అనంతపురం జిల్లా కళ్యాణదుర్గం వ్యవసాయ మార్కెట్‌యార్డులో రూ.90 లక్షలతో గోదాము, రూ.50 లక్షలతో రైపనింగ్‌ చాంబర్, కేవీకే సమీపంలో రూ.60 లక్షలతో నిర్మించిన  రైతు శిక్షణ కేంద్రంæప్రారంభోత్సవానికి హాజరయారు. స్థానిక ఎమ్మెల్యే ఉన్నం హనుమంతరాయచౌదరి అధ్యక్షతన జరిగిన ఈ కార్యక్రమంలో మంత్రి ప్రత్తిపాటి మట్లాడుతూ అత్యంత తక్కువ వర్షపాతం నమోదయ్యే జిల్లాగా అనంతపురం ఉందన్నారు. ఈ జిల్లాపై సీఎం చంద్రబాబుకు ప్రత్యేక శ్రద్ధ ఉందన్నారు.
 
 పంట నష్టపోయిన రైతులకు రెయిన్‌గన్ల పేరుతో ఇన్‌పుట్‌ సబ్సిడీ ఎగ్గొట్టడానికి ప్రభుత్వం ప్రయత్నం చేస్తోందంటూ ప్రతిపక్షం చేస్తున్న ప్రచారాన్ని నమ్మొద్దన్నారు. రెయిన్‌గన్లు ఆలస్యంగా ఏర్పాటు చేయడానికి వైఎస్సార్‌సీపీనే కారణమని ఆరోపించారు. రైతులు అధైర్యపడాల్సిన పనిలేదని, ఇన్‌పుట్‌ సబ్సిడీ ఇచ్చి ఆదుకుంటామని చెప్పారు. గతేడాది కూడా జిల్లాకు రూ.547 కోట్ల ఇన్‌పుట్‌ సబ్సిడీ ఇచ్చామన్నారు. రాష్ట్రంలో ప్రతి ఎకరాకు సాగు నీరు ఇవ్వాలనేదే సీఎం లక్ష్యమన్నారు. ఇందులో భాగంగానే నదుల అనుసంధానం చేస్తున్నామన్నారు. అనంతరం రైతులతో ముఖాముఖిగా మాట్లాడారు. మంత్రి పల్లె రఘునాథరెడ్డి మాట్లాడుతూ రైతులకు రూ.24 వేల కోట్ల రుణమాఫీ చేసిన ఘనత టీడీపీ ప్రభుత్వానికే దక్కుతుందన్నారు. సీఎం కుటుంబం ఆస్తులను ప్రకటించి దేశంలోనే ఆదర్శంగా నిలిచిందని, వైఎస్‌ జగన్‌ కూడా కుటుంబ ఆస్తులు ప్రకటించాలని అన్నారు.


 –  సా...గుతున్న 2014 ఇన్‌పుట్‌ సబ్సిడీ పంపిణీ
 – మిస్‌మ్యాచింగ్‌తో అన్నదాతల అవస్థలు
 
 ఖరీఫ్‌–2014లో దెబ్బతిన్న వేరుశనగ, ఇతర పంటలకు సంబంధించి మంజూరైన పెట్టుబడి రాయితీ (ఇన్‌పుట్‌ సబ్సిడీ) పరిహారం పంపిణీ పూర్తి చేయడానికి ఇంకెన్నేళ్లు పడుతుందో అర్థంకాని విధంగా సా..గుతోంది. 2015 జూలైలో జిల్లాలోని 5.72 లక్షల మంది రైతులకు రూ.559.68 కోట్లు మంజూరు చేస్తూ ప్రభుత్వం ఉత్తర్వులు ఇచ్చింది. అంటే మంజూరై 15 నెలలవుతున్నా ఇప్పటికీ పంపిణీ కొనసాగుతుండటం విశేషం. పరిహారం కోసం రైతులు పడుతున్న కష్టాలు, అవస్థలు వర్ణనాతీతం. రైతులకు వచ్చే పరిహారం కన్నా దాని కోసం ఖర్చు చేసిన డబ్బు, వెచ్చించిన సమయం ఎక్కువైందంటే ఇన్‌పుట్‌ పంపిణీ ఏ స్థాయిలో జరుగుతోందో అర్థమవుతుంది. రైతులకు చెందాల్సిన పరిహారాన్ని సకాలంలో ఇవ్వకుండా అటు వ్యవసాయశాఖ అధికారులు ఇటు బ్యాంకర్లు నానా అవస్థలకు గురి చేస్తున్నారు. ఖచ్చితంగా ఫలానా తేదీనో, వారంలోనో ఇస్తామనే చెప్పేవారు లేరంటే రైతుల పరిస్థితి ఎంత దారుణంగా ఉందో ఊహించుకోవచ్చు.
 
 2014 ఖరీఫ్‌లో దెబ్బతిన్న వేరుశనగ, ఇతర పంటకు రాష్ట్ర ప్రభుత్వం ఇన్‌పుట్‌సబ్సిడీ కింద 5,79,646 మంది రైతులకు రూ.567.32 కోట్లు మంజూరు చేసింది. అప్పట్లో కొన్ని నకిలీ పట్టాదారు పాస్‌పుస్తకాలు ఉన్నట్లు తేలడంతో పరిశీలన తర్వాత 5,72,111 మంది రైతులకు రూ.559.68 కోట్లకు ఇన్‌పుట్‌సబ్సిడీని కుదించారు. 2015 జూలై 22న పైన తెలిపిన మొత్తాన్ని జిల్లాకు కేటాయిస్తూ ప్రభుత్వం ఉత్తర్వులు జారీ చేస్తూ మొదటి విడతగా కొంత మొత్తాన్ని విడుదల చేశారు. అప్పటి నుంచి ఇప్పటివరకు ఏడెనిమిది సార్లు కొంచెం కొంచెం విడుదల చేస్తూ వస్తున్నారు. ఇప్పటివరకు 5.27 లక్షల మంది రైతులకు రూ.505.68 కోట్లు బ్యాంకుల్లో జమ చేశారు. అయితే జాబితాలు తప్పులతడకలుగా ఉండటంతో వచ్చిన పరిహారం కూడా రైతులకు అందని పరిస్థితి కల్పించారు. మిస్‌మ్యాచింగ్‌ జాబితాలో 16 వేల మంది రైతులకు చెందిన రూ.15 కోట్లు బ్యాంకుల్లో నిలిచిపోయింది. జాబితాను సరి చేసుకునేందుకు బాధిత రైతులు ఆర్జీలు ఇచ్చుకుంటున్నా పనికావడం లేదు. ఏఓ, తహశీల్దార్, ఏడీఏ, ఆర్డీఓ, జేడీఏ, జిల్లా గ్రీవెన్స్‌... ఇలా అన్ని చోట్ల ఒకటికి నాలుగు సార్లు తిరిగి ఫిర్యాదులు చేస్తున్నా ఫలితం మాత్రం శూన్యం. కొందరు రైతులు తిరిగితిరిగి వేసారిపోయి పరిహారం వద్దనుకునే పరిస్థితి కల్పించారు. వీటికి తోడు నిబంధనలకు విరుద్ధంగా ఇష్టారాజ్యంగా పరిహారం వర్తింపజేయడంతో అర్హులైన రైతులకు తీరని అన్యాయం జరిగింది.
 
 రూ.54 కోట్లు అంతేనా...?
 జిల్లాకు మంజూరు చేసిన రూ.559.68 కోట్లలో ఇప్పటివరకు రూ.505.68 కోట్లు విడుదలైంది. ఇంకా రూ.54 కోట్లు ప్రభుత్వం నుంచి విడుదల కావాల్సి ఉంది. ఇపుడున్న పరిస్థితి చూస్తే ఈ మొత్తం విడుదల కావడం అనుమానంగానే కనిపిస్తోంది. ఆధార్‌ అనుసంధానంతో రూ.2 కోట్ల పరిహారం కోసం అర్హులైన జాబితా సిద్ధంగా ఉంది. ఎనిమిదో విడత కింద పరిహారం మంజూరు చేస్తారా లేదా అనేది అధికారులు చెప్పడం లేదు. మరోవైపు మంజూరైన రూ.505.68 కోట్లలో మిస్‌మ్యాచింగ్‌లో నిలిచిపోయిన రూ.15 కోట్లు మొత్తాన్ని సరిచేసి రైతులకు పూర్తి స్థాయిలో ఇవ్వడం కూడా అనుమానంగా కనిపిస్తోంది. జిల్లావ్యాప్తంగా అన్ని మండలాల్లో ఇన్‌పుట్‌ కోసం రైతులు ఆందోళనలు చేస్తూ రోడ్డెక్కుతున్నా పట్టించుకునే వారు కరువయ్యారు. మొత్తమ్మీద 50 వేల మంది రైతులకు చెందాల్సిన రూ.54 కోట్లు పరిహారం చివరకు ప్రభుత్వ ఖజానాకే జమ అయ్యే పరిస్థితి నెలకొంది.


 బీమా ఎగ్గొట్టేందుకు బాబు పన్నాగం
 – రైతులను మభ్యపెడితే ఊరుకోం
 – పీడీ కేసులకు భయపడం
 – వైఎస్‌ఆర్‌సీపీ అధికారంలోకి రాగానే పాడి రైతుకు ఇంటికో ఆవు
 – పెద్దిరెడ్డి రామద్రా రెడ్డి
 వి.కోట:
 వేరుశెనగ రైతులకు ఇన్‌పుట్‌ సబ్సిడీ, పంటబీమాను ఎగ్గొంటేందుకే ముఖ్యమంత్రి చంద్రబాబు రెయిన్‌ గన్నుల విజయగాథలను ప్రచారం చేస్తున్నారని వైఎస్‌ఆర్‌సీపీ రాష్ట్ర ప్రధాన కార్యదర్శి, పుంగనూరు ఎమ్మెల్యే పెద్దిరెడ్డి రామచంద్రారెడ్డి ఆరోపించారు. చిత్తూరు జిల్లా వి.కోటలో ఆదివారం ఆయన విలేకరుల సవూవేశంలో వూట్లాడారు. రాష్ట్రంలో 4 లక్షల 70 వేల ఎకరాల్లో సాగుచేసిన వేరుశెనగ పంటను కాపాడావుని చంద్రబాబు, ఆయన వుంత్రులు కాకిలెక్కలు చెబుతున్నారని వుండిపడ్డారు. కేవలం ప్రచార ఆర్భాటం తప్ప వురో యావలేని చంద్రబాబు వురోవూరు రైతులను మోసపుచ్చుతున్నారన్నారు. ఎన్నికల హామీలను పూర్తిచేశావుని చెబుతున్న ఆయన వైఖరిపై ప్రజలు అసంతప్తితో ఉన్న విషయం తెలియకపోవడం విడ్డూరవున్నారు. అభివృద్ధి పనుల కోసం వచ్చే సొంత పార్టీ ఎమ్మెల్యేలకు దొరకకుండా తిరిగే చంద్రబాబుకు ప్రజల సవుస్యలు పట్టవని వివుర్శించారు. రాష్ట్రంలో కడుతున్న నీటి ప్రాజెక్టులకు, అభివృద్ధి పనులకు వైఎస్‌ఆర్‌సీపీ వ్యతిరేకం కాదని స్పష్టంచేశారు. భూనిర్వాసితులకు సవున్యాయం చేయాలన్నదే తవు అభివుతవున్నారు. ప్రజల సవుస్యలు ప్రతిపక్షానికే తెలుస్తుందని, అధికార పార్టీ నేతలు పనులు, స్వలాభాల కోసం మాత్రమే పనిచేస్తారన్నారు. ప్రత్యేక హోదాపై మాటలు వూర్చే వ్యక్తులు చంద్రబాబు, వెంకయ్యనాయుడు వూత్రమేనని, వారి వూటలకు చేతలకు పొంతన ఉండదని చెప్పారు. 2019లో తవు అధినేత వైఎస్‌.జగన్‌మోహన్‌రెడ్డి సీఎం కావడం తధ్యవుని, ఆయన వల్లే ప్రత్యేక హోదా సాధ్యవ˜తుందని స్పష్టం చేశారు. ప్రత్యేక హోదా సాధన కోసం నిరంతరం పోరాటం చేస్తావున్నారు.
 పాడి రైతుకు ఇంటికో ఆవు
 వైఎస్‌ఆర్‌సీపీ అధికారంలోకి రాగానే రాష్ట్రంలోని పాడి రైతులకు ఒక్కొక్కరికి ఒక్కో పాడి ఆవును అందించేందుకు తమ పార్టీ అధ్యక్షులు వైఎస్‌ జగన్‌మోహన్‌రెడ్డి అంగీకరించారని పుంగనూరులో నిర్వహించిన గాంధీ జయంతి సభలో పెద్దిరెడ్డి ప్రకటించారు. ఈ అంశాన్ని ఎన్నికల మేనిఫెస్టోలో పెడుతున్నామని తెలిపారు. పాడి రైతులకు అండగా నిలిచేందుకు ఎంపీ పెద్దిరెడ్డి మిథున్‌రెడ్డి ఆవులను అందజేసే ప్రతిపాదనను జగన్‌మోహన్‌రెడ్డి దృష్టికి తీసుకెళ్లారన్నారు. ఈ మేరకు ఆయన అంగీకారం తెలిపారని స్పష్టం చేశారు.


 నకిలీ విత్తనాల వల్ల నష్టపోయిన వేలాది మంది రైతన్నలు
 
 - ఎకరాకు రూ.3 లక్షల చొప్పున.. రూ.500 కోట్ల వరకు నష్టం
 - నకిలీ విత్తన విక్రయాలపై నియంత్రణ శూన్యం
 - విత్తన ధ్రువీకరణ సంస్థ ఉన్నా ‘అమ్యామ్యా’లకే ప్రాధాన్యం
 - బలిపశువులు అవుతున్న రైతన్నలు.. ఆపన్న హస్తం కోసం ఎదురుచూపులు
  
  ఒకప్పుడు అనావృష్టి, అతివృష్టి కారణంగానో, పండిన పంటకు మద్దతు ధరలు లేకనో రైతులు నష్టపోయే పరిస్థితి. కానీ ఇప్పుడు.. కనీసం పంటను కళ్లజూడలేని దుస్థితి. కారణం నకిలీ.. మట్టిని నమ్ముకుని వేలులక్షల రూపాయలు ధారపోసే రైతన్నలను ఇప్పుడు ఈ నకిలీ పురుగు పట్టి పీడిస్తోంది. వేల ఖర్చుతో మిర్చి విత్తనాలు నారు పోసి.. నాటితే.. మొక్కలు ఏపుగా పెరిగి.. పూత.. కాత లేకపోతే.. దాన్ని చూసి రైతన్న కన్నీరుమున్నీరవుతున్నాడు. ప్రభుత్వ నిర్లక్ష్యం.. అధికారుల అలసత్వం.. వెరసి నకిలీ విత్తన కంపెనీలు ఆడింది ఆట పాడింది పాటగా సాగుతోంది. ఎప్పటిలానే రైతన్న బలిపశువు అవుతున్నాడు. ప్రభుత్వ ఆపన్న హస్తం కోసం ఎదురుచూస్తున్నాడు. ఈ నేపథ్యంలో నకిలీ మిర్చి విత్తనాల వల్ల నష్టపోయిన రైతన్నల పరిస్థితిపై ఈ వారం ఫోకస్..
   - సాక్షి, హైదరాబాద్/సాక్షి ప్రతినిధి, ఖమ్మం/శాంతినగర్/నర్సంపేట
  
  రాష్ట్రంలో నకిలీ విత్తనాల దందా జోరుగా జరుగుతోంది. నకిలీ విత్తనాలను రైతులకు అంటగ ట్టి కంపెనీలు, వ్యాపారులు, డీలర్లు రూ.వందల కోట్లు ఆర్జిస్తున్నారు. కానీ అప్పులు చేసి ఆ విత్తనాలతో సాగు చేసిన రైతు మాత్రం ఇప్పుడు వీధిన పడాల్సి వచ్చింది. ముఖ్యంగా మిరప విత్తనాలను వేసి సాగు చేసిన ఖమ్మం, వరంగల్, నల్లగొండ జిల్లా రైతులు ఇప్పుడు నిండా మునిగిపోయారు. రూ.కోట్లల్లో నష్టపోయారు. తమకు పరిహారం దక్కకుంటే ఆత్మహత్యలే శరణ్యమంటూ కన్నీరుమున్నీరు అవుతున్నారు. నకిలీ విత్తనాలను ముందస్తుగా కట్టడి చేయడంలో వ్యవసాయ శాఖ విఫలం కాగా.. ఇప్పుడు విచారణల పేరుతో కాలయాపన చేస్తోంది. పైగా ఇది తమ తప్పు కాదంటూ చేతులెత్తేస్తోంది. లెసైన్సులు రద్దు చేస్తామని, క్రిమినల్ కేసులు పెడతామని చెప్పిన మాటలే చెబుతోంది. కంటితుడుపు చర్యగా అక్కడక్కడ కొందరు డీలర్లను, వ్యాపారులను అరెస్టు చేస్తోంది. నకిలీలు మార్కెట్లోకి రాకుండా చర్యలు తీసుకోవడంలో వ్యవసాయ యంత్రాంగం మొదటి నుంచీ విఫలమవుతూనే ఉంది.
  
  1.43 లక్షల ఎకరాల్లో మిర్చి సాగు
  కాయకష్టం చేసి పంట సాగు చేసిన రైతుల శ్రమ వృథా అయింది. విత్తనాలు, పంట సాగు కోసం రూ.కోట్లు ఖర్చు చేశారు. మొక్కలు ఏపుగా పెరిగి రెండు నెలలైనా పూతలేదు.. కాత లేదు. దీంతో తాము నకిలీ విత్తనాలు, నారు సాగుతో నష్టపోయామని గ్రహించిన రైతులు ఆందోళన బాటపట్టారు. ఖమ్మం, వరంగల్, నల్లగొండ జిల్లాల్లో వేలాది మంది రైతులు మిర్చి పంట సాగుచేసి రూ.500 కోట్ల వరకు నష్టపోయార ని అంచనా. పూత, కాత లేని మిర్చి పంటను పీకేసి పరిహారం కోసం రోడ్డెక్కారు. రాష్ట్రంలో ఈ ఏడాది 1.43 లక్షల ఎకరాల్లో (97%) మిర్చి పంట సాగయింది. గతేడాది క్వింటాలు మిర్చి రూ.13 వేల వరకు ధర పలకడంతో ఈసారి రైతులు పెద్ద ఎత్తున ఆ పంటపై దృష్టి సారించారు. ఒక్క ఖమ్మం జిల్లాలోనే 72 వేల ఎకరాల్లో మిర్చి సాగు చేశారు. నకిలీ విత్తనాల కారణంగా ఖమ్మం జిల్లాలో 8 వేల ఎకరాలు, వరంగల్ జిల్లాలో 5 వేల ఎకరాల్లో పంట నష్టం జరిగిందని అంచనా. ఈ రెం డు జిల్లాల్లోని మండలాల్లో పూత, కాత లేదని రైతులు ఆందోళన వ్యక్తంచేస్తూ వ్యవసాయ కార్యాలయాలు, డీలర్ల దుకాణాలు, రో డ్లపై నిరసనలు వ్యక్తం చేస్తున్నారు. నకిలీ విత్తనాల వల్ల పంట పండే పరిస్థితి లేక ఈ మూడు జిల్లాల్లో రైతులకు రూ.500 కోట్ల మేర నష్టం వాటిల్లి ఉంటుందని చెబుతున్నారు.
  
  20 వేల టన్నుల నాసిరకం విత్తనాలు
  ఈ ఖరీఫ్ సీజన్‌లో 20 వేల టన్నుల మేర మిరప విత్తనాలను రైతులకు కంపెనీలు, వ్యాపారులు, డీలర్లు అంటగట్టారు. ఇలా ఒక్కో వ్యాపారి కోట్లు కూడబెట్టుకున్నాడు. కూసుమంచి మండల కేంద్రంలో ఒక విత్తన, ఎరువుల దు కాణదారుడు కేవలం మిరప విత్తనాలను విక్రయించడం ద్వారా ఏకంగా రూ.60 లక్షలు లాభం పొందాడంటే రైతులను ఏ స్థాయిలో ముంచారో అర్థమవుతుంది. జపాన్‌కు చెందిన సకాట అనే పేరుతో విత్తనాలను పెద్ద ఎత్తున విక్రయించారు. వీటిని అమ్మడానికి ముందు విత్తనాలు రాష్ట్ర వాతావరణ పరిస్థితులకు అనువైనవా కాదా అనే విషయాన్ని అధికారులు గు ర్తించలేదు. ఇందుకు క్షేత్రస్థాయి పరీక్షలు ఎక్కడైనా జరిగాయా కూడా తెలియదు. ఖమ్మం జిల్లా వైరా కేంద్రంగా ‘గ్రీ న్ వీర 333’ అనే కంపెనీ రైతులకు రూ.10 కోట్ల విలువ చేసే విత్తనాలను అమ్మినట్లు సమాచారం. లెసైన్సు కలిగిన గ్రీ న్ వీర, జీవీ అనే కంపెనీలతోపాటు లెసైన్సు లేని మరో 14 కంపెనీలు మిరప విత్తనాలను విక్రయించి నట్లు తెలిసింది. గ్రీన్ వీర అనే కంపెనీ హైదరాబాద్‌లోని కుత్బుల్లాపూర్ దగ్గర కొంపల్లి గ్రామం అడ్రస్‌తో పనిచేస్తున్నట్లు సమాచారం. ఈ కంపెనీకి ఏ ప్రయోగశాలలు లేవని తెలిసింది.
  
  విత్తన ధ్రువీకరణ సంస్థ ఏం చేస్తోంది..?
  రాష్ట్రంలో విత్తనాలను ధ్రువీకరించేందుకు తెలంగాణ రాష్ట్ర విత్తన, సేంద్రియ ధ్రువీకరణ సంస్థ ఉంది. ఇక్కడ నాణ్యమైనవి అని ధ్రువీకరించిన తర్వాతే మార్కెట్లో విక్రయించాలి. కానీ ధ్రువీకరణ చేయించుకోని కంపెనీలు కూడా మార్కెట్లో తమ విత్తనాలను విచ్చలవిడిగా విక్రయించుకుంటున్నాయి. మరోవైపు విత్తనాభివృద్ధి సంస్థను ఏర్పాటు చేసినా.. ఇవేవీ పత్తి, మిరప వంటి విత్తనాల నాణ్యతను పట్టించుకోవడం లేదు. మొత్తం ప్రైవేటు కంపెనీల ఇష్టారాజ్యానికే వదిలేస్తున్నాయి. ఇంకో విచిత్రమేంటంటే రాష్ట్రస్థాయి నుంచి మండల స్థాయిలో అనేకమంది వ్యవసాయాధికారులు కేవలం కమీషన్ల కక్కుర్తిలోనే ఉంటున్నారన్న ఆరోపణలూ ఉన్నాయి. ఇక రాష్ట్రస్థాయిలో లెసైన్సులు కూడా డబ్బులిస్తే ఇచ్చే పరిస్థితి నెలకొందన్న ఆరోపణలున్నాయి. వ్యవసాయ శాఖకు డీఎన్‌ఏ లేబొరేటరీ సౌకర్యం ఉన్నా విత్తన నమూనాలను తీసి పరీక్షించే దిక్కు లేకుండా పోయింది. విత్తనాలపై నియంత్రణకు 2013లో విత్తన బిల్లును రూపొందించినా ఇప్పటికీ దాన్ని చట్టంగా తీసుకురావడంలో ప్రభుత్వం విఫలమైంది.
  
  పూత నిలబడక.. పిందె రాక..
  మహబూబ్‌నగర్ జిల్లా వడ్డేపల్లి మండలం రాజోలి గ్రామానికి చెందిన రైతులు చిలకనాటు కంపెనీకి చెందిన 10668 లాట్ నంబర్ గల 10 గ్రాముల విత్తనాలను రూ.360 నుంచి రూ.420 చొప్పున కొనుగోలు చేశారు. ఎకరానికి 15 నుంచి 20 ప్యాకెట్ల చొప్పున కేవలం విత్తనాలకే ఎకరానికి రూ.8,400 వరకు వెచ్చించారు. కౌలుకు పొలాలు తీసుకుని సాగు చేసిన వారి పెట్టుబడి మరింత పెరిగింది. ఎకరానికి కౌలు రూ.25 వేలతోపాటు పెట్టుబడి రూ.60 వేల వరకు పెట్టినట్లు రైతులు పేర్కొంటున్నారు. నెల రోజులపాటు నారుమళ్లను కంటికి రెప్పలా కాపాడుకున్న రైతులు రెండు నెలల కిందట నాటు పెట్టారు. ఏపుగా పెరుగుతున్న మిరప పంటను చూసి అప్పులు చేసి మరీ లక్షల్లో పెట్టుబడులు పెట్టారు. తీరా కాపుకు వచ్చే దశలో పూతలు నిలబడక పిందెలు రాకుండా పోయాయి. దీంతో బాధిత రైతులు డీలర్లను సంప్రదించారు. చిలకనాటు కంపెనీ వారిని పిలిచి పరిశీలించగా క్రాసింగ్ సరిగా లేనందున కాయలు నిలబడవని, విత్తనాల ధర కంటే అధికంగా ఇస్తామని చెప్పివెళ్లిపోయారు. వెళ్లిన వారు మళ్లీ తిరిగి రాలేదు. రైతన్నలు చేసేది లేక పంటను తొలగించారు.
  
  జిల్లాలకు శాస్త్రవేత్తలు
  నకిలీ మిర్చి విత్తనాల విషయంపై క్షేత్రస్థాయిలో పరిశీలించేందుకు శాస్త్రవేత్తల బృందాన్ని ఏర్పాటు చేశాం. వారు ఇప్పటికే ఖమ్మం, వరంగల్ జిల్లాల్లో పర్యటించారు. నల్లగొండ జిల్లాలోనూ పరిశీలిస్తారు. నకిలీ విత్తనాలను రైతులకు అంటగట్టిన విషయాన్ని గుర్తించి సంబంధిత కంపెనీలపై ఆకస్మిక దాడులు నిర్వహించాం. వాటికి లెసైన్సు ఉన్నట్లు తేలింది. వాటిని సీజ్ చేస్తాం.
  - పార్థసారథి, వ్యవసాయ శాఖ కార్యదర్శి
  
  మొలకలు కొని నాటిన..
  నకిలీ విత్తనాల వల్ల మా ఊళ్లో మిరప విత్తనాలు మొలకెత్తలేదు. విధి లేని పరిస్థితిలో డోర్నకల్ మండలం ములకలపల్లిలోని గణేశ్ నర్సరీ నుంచి రూ.1కి మొక్క చొప్పున 50 వేల మొలకలు తెచ్చిన. కొన్ని మొలకలు ఎండిపోతే నర్సరీ వారిని సంప్రదిస్తే 2,700 మొక్కలు ఉచితంగా ఇచ్చారు. మొక్కలు ఎండిపోవడం రోజురోజుకు పెరిగిపోయింది. మళ్లీ 15 వేల మొక్కలు కొనుగోలు చేసి నాటినా పరిస్థితిలో మార్పులేదు.
  - మోర్తాల రాజేందర్, నర్సంపేట
  
  మొక్కలకు డీఎన్‌ఏ టెస్ట్
  - డాక్టర్ సైదయ్య, హార్టికల్చర్ యూనివర్సిటీ శాస్త్రవేత్త
  నర్సంపేట రూరల్: నకిలీ విత్తనాలతో నష్టపోరుున రైతుల పొలాల్లో మిర్చి మొక్కలకు డీఎన్ ఏ టెస్టు నిర్వహించి, రిపోర్టును ప్రభుత్వానికి అందజేస్తామని, దాని ఆధారంగా సీడ్‌‌స యజమానులపై చర్యలు ఉంటాయని హైదరాబాద్ హార్టికల్చర్ యూనివర్సిటీ శాస్త్రవేత్త డాక్టర్ సైదయ్య తెలిపారు. శనివారం వరంగల్ జిల్లా నర్సంపేట మండలంలోని ఇటుకాలపల్లి గ్రామశివారు ఆకులతండాలో మిర్చి తోటను పరిశీలించారు. కొన్ని మిర్చి షాంపిల్స్ సేకరించారు. జీవా కంపెనీకి చెందిన సీఎస్ 333 గ్రీన్ రా, బేలా కంపెనీకి చెందిన 2205, పెన్నార్ క్యామ్‌సమ్ సీడ్, లక్కీ కంపెనీకి చెందిన అంజనీ సీడ్‌‌స వాడిన రైతులు ఎక్కువ నష్టపోయారని చెప్పారు.
  
  మూడుసార్లు వేసినా అంతే..
  వరంగల్ జిల్లా నర్సంపేట నియోజకవర్గంలోని నల్లబెల్లి మండలం నందిగామకు చెందిన 32 ఏళ్ల జంగలి రాంబాబు తనకున్న 8 ఎకరాల్లో పంటలు సాగు చేస్తున్నాడు. గతేడాది మూడెకరాల్లో మిర్చి వేయగా ఎకరాకు రూ.1.50 లక్షల విలువైన పంట దిగుబడి వచ్చింది. దీంతో అప్పు రూ.4 లక్షలు తీర్చేశాడు. ఆదాయం బాగానే వస్తుందనే ఉద్దేశంతో ఇద్దరు కుమారులను ప్రైవేటు చదువులు చదివిస్తున్నాడు. అయితే కల్తీ విత్తనాలు అతడి ఆశలపై నీళ్లు చల్లారుు. విత్తనాలు వేస్తే మొలకెత్తలేదు. రెండోసారీ అదే పరిస్థితి. మూడోసారి వేయగా.. మొక్కలు బాగానే ఎదిగినప్పటికీ ఇటీవలి భారీ వర్షాలతో పంట పూర్తిగా తుడిచిపెట్టుకుపోరుుంది.దీంతో పిల్లల ఫీజులు చెల్లించలేక, రెండు కిడ్నీలు చెడిపోరుున చెల్లెలికి వైద్యం చేరుుంచలేక సాయం కోసం ఎదురుచూస్తున్నాడు.
  
  మొలకలు కూడా రాలేదు..
  రెండు ఎకరాల్లో మిరప సాగు చేసేందుకు వరంగల్ ఉమామహేశ్వర సీడ్‌‌స షాపులో నాలుగు మైకో, 10 పెన్నార్ విత్తన ప్యాకెట్లను రూ.4,600 కు కొనుగోలు చేసిన. అధిక దిగుబడి వస్తుందనుకున్న పెన్నార్ ఎఫ్1 రకం విత్తనాలు నారు మొలవనేలేదు. కంపెనీ ప్రతినిధులను అడిగితే పరిహారం ఇవ్వలేమంటూ ఆగ్రోస్ కంపెనీ బేలా 2205 రకం 4, నోబల్ 222 రకం 4, పెన్నార్ రకం 4 విత్తన ప్యాకెట్లు ఉచితంగా ఇచ్చారు. కానీ నోబెల్ మినహా మిగిలినవి మొలవలేదు. వ్యాపారులను అడిగితే దిగుబడి రాకుంటే కంపెనీ వారు పరిహారం ఇస్తారని చెపుతున్నారు. అసలు నారే మొలవకపోతే దిగుబడి గురించి మాట్లాడటమేంటో అర్థం కావడం లేదు.
  - మోరె సతీశ్, నందిగామ
  
  ఎకరాకు రూ.3 లక్షల నష్టం
  వరంగల్, ఖమ్మం జిల్లాల్లో ఎకరాకు రూ.3 లక్షలకుపైగా నష్టం వాటిల్లింది. ఇక్కడ మొత్తం 13 వేల ఎకరాల్లో నకిలీ విత్తనాల వల్ల రైతులు నష్టపోయారు. ప్రభుత్వం ఇన్ పుట్ సబ్సిడీ ఇస్తుందా లేదా.. ఇస్తే ఎంత ఇస్తుంది.. ఇచ్చింది సాగు ఖర్చుకైనా సరిపోతుందా అని ఆందోళన వ్యక్తం చేస్తున్నారు. గతంలో మిర్చి పంట నష్టపోతే ఇన్ పుట్ సబ్సిడీ కింద రూ.12 వేల వరకు చెల్లించారు. అదే  సబ్సిడీ ఇప్పుడు ఇస్తే కూలి ఖర్చులకు కూడా సరిపోవని రైతులు పేర్కొంటున్నారు. ఖమ్మం, వరంగల్ జిల్లాల్లో మిర్చి, పత్తిని వాతావరణ ఆధారిత బీమా కింద తీసుకున్నారు. అయితే వర్షపాతం ఎక్కువగా ఉండి, పూర్తిగా తగ్గిన పరిస్థితుల్లో మిర్చి పంటకు నష్టం వాటిల్లితేనే ఈ బీమా వర్తిస్తుంది. ఎకరాకు రైతులు రూ.4,250 ప్రీమియం చెల్లిస్తే.. బీమా కింద రూ.85 వేలను అందజేస్తారు. ప్రస్తుతం నష్టపోరుున మిర్చి వాతావరణ బీమా పరిధిలోకి రాదు. నకిలీ విత్తనాలతో నష్టపోవడంతో ఇన్ పుట్ సబ్సిడీగా ప్రభుత్వం లేదా పరిహారంగా కంపెనీ.. రైతులకు చెల్లించాల్సిందే తప్ప వేరే దారిలేదు.


 నంగునూరు: ఇన్‌పుట్‌ సబ్సిడీని వెంటనే విడుదల చేసి రైతులను అదుకోవాలని వైఎస్సార్‌ సీపీ జిల్లా కార్యదర్శి ఎల్లా తిరుపతిరెడ్డి ప్రభుత్వాన్ని డిమాండ్‌ చేశారు. సోమవారం ఆయన స్థానిక విలేకరులతో మాట్లాడుతూ గత రబీ సీజన్‌లో నీళ్లులేక పంటలు ఎండిపోతే ప్రభుత్వం ఇన్‌పుట్‌ సబ్సిడీ ఇస్తామని ప్రకటించిందని, నేటి వరకు అన్నదాతలకు పరిహారం అందలేదన్నారు.
 పంటలు పండక, పరిహారం అందక అన్నదాతలు తీవ్ర ఇబ్బందులు పడుతున్నారని ఆవేదన వ్యక్తం చేశారు. ప్రస్తుత సీజన్‌లో చెరువులు, బావులు, బోర్లలో నీళ్లులేక 50 శాతం పైగా మొక్కజొన్న పంటలు ఎండిపోయాయని పేర్కొన్నారు. ప్రభుత్వం స్పందించి త్వరగా పరిహారం అందించాలని కోరారు.
  


 అనంతపురం టౌన్‌ : వర్షాభావంతో ఎండిపోయిన పంటను రక్షకతడి ద్వారా నీరిచ్చి కాపాడామని, అయినా పంట నష్టపోతే ఇన్‌పుట్‌సబ్సిడీ ఇస్తామని మంత్రి పల్లె రఘునాథరెడ్డి తెలిపారు. బుధవారం మునిసిపల్‌ అతిథిగృహంలో ఏర్పాటు చేసిన విలేకరుల సమావేశంలో ఆయన మాట్లాడారు.
 సీఎం స్థాయి వ్యక్తి ఇక్కడకు వచ్చి మంత్రులు, ఐఏఎస్‌లతో కలిసి కరువును ఎదుర్కొనే ధైర్యాన్ని రైతులకు ఇచ్చారన్నారు. రైతుల కోసం ఇంతలా కష్టపడుతుంటే పీసీసీ అధ్యక్షుడు రఘువీరారెడ్డి, మాజీ ఎంపీ, వైఎస్‌ఆర్‌సీపీ రాష్ట్ర ప్రధాన కార్యదర్శి అనంత వెంకటరామిరెడ్డి పనిగట్టుకుని విమర్శలు చేస్తున్నారన్నారు.
 2 లక్షలా 90 వేల 500 ఎకరాలకు తడి అందించామనీ.. దీనికి 5082 రెయిన్‌గన్స్, 4755 స్ప్రింక్లర్లు, లక్ష 28 వేల 30 పైపులు, 2404 ఆయిల్‌ ఇంజన్లు వాడామన్నారు. ఇన్‌పుట్‌ సబ్సిడీ, ఇన్సూరెన్స్‌ ఎగ్గొట్టేందుకే ఇలా చేస్తున్నారని కొందరు విమర్శిస్తు న్నారన్నారు. హంద్రీనీవా, గాలేరు–నగరి, తోటపల్లి, వంశధార, వెలిగొండ, గుండ్లకమ్మ, పోలవరం ప్రాజెక్టులను పూర్తి చేస్తామన్నారు. కృష్ణా గోదావరి నదులను అనుసంధానం చేసినట్లే పెన్నా నదిని కూడా కలుపుతామన్నారు.  ప్రతిపక్షాలు కోరినట్లు తప్పకుండా రక్షకతడిపై శ్వేతపత్రం విడుదల చేస్తామన్నారు. ఓటుకు నోటు కేసుకు సంబంధించి ఎవరితోనూ రాజీ పడే ప్రసక్తి లేదని, ముఖ్యమంత్రి నిప్పులాంటి వ్యక్తని స్పష్టం చేశారు.
 
  


 సాక్షి, హైదరాబాద్: ఖరీఫ్ సీజన్ మరో నెల రోజుల్లో పూర్తి కానుంది. కానీ రైతులను ఆదుకోవడంలో ప్రభుత్వం, బ్యాంకులు విఫలమయ్యాయి. ఖరీఫ్‌లో ఇవ్వాల్సిన పంటరుణ లక్ష్యంలో సగం కూడా బ్యాంకులు పూర్తి చేయలేదు. ప్రభుత్వం మూడో విడత రుణమాఫీ బకాయి రూ. 2,020 కోట్లు విడుదల చేయకపోవడంతో బ్యాంకులు పంట రుణాలు ఇవ్వడానికి వెనుకంజ వేశాయి. ఫలితంగా అన్నదాతలు ప్రైవేటు అప్పుల ఊబిలో కూరుకుపోయారు. ప్రస్తుతం వర్షాలు పూర్తిస్థాయిలో పడక పంటలు ఎండిపోతుండటంతో తీవ్ర ఆందోళనలో పడిపోయారు. అప్పుల భారం పెరిగి ఆత్మహత్యల వైపు వెళ్తున్న భయానక పరిస్థితి తెలంగాణ రాష్ట్రంలో నెలకొంది.
 
 రుణమాఫీ సొమ్ముకు పంట రుణాల విడుదలకు ఏమాత్రం సంబంధం లేదని ప్రభుత్వం చెప్పినా బ్యాంకులు నమ్మలేదని అర్థమవుతోంది. ఈ ఖరీఫ్‌లో రూ. 17,489 కోట్ల పంట రుణాలు ఇవ్వాలని రాష్ట్రస్థాయి బ్యాంకర్ల సమితి లక్ష్యంగా పెట్టుకున్న సంగతి తెలిసిందే. కానీ బ్యాంకులు ఇప్పటివరకు రూ. 8,060 కోట్లే రైతులకు ఇచ్చాయి. రాష్ట్రంలో 81 శాతం విస్తీర్ణంలో పంటలు సాగు కాగా బ్యాంకులు మా త్రం రుణ లక్ష్యంలో కనీసం 50 శాతం కూడా ఇవ్వలేదు. సాగు విస్తీర్ణం పెరిగినా బ్యాంకులు స్పందించకపోవడంతో అన్నదాతలు ప్రైవేటు అప్పులవైపు మొగ్గు చూపాల్సిన పరిస్థితి ఏర్పడింది. ఒక అంచనా ప్రకారం రాష్ట్రంలో రైతులు రూ.10 వేల కోట్ల మేరకు ప్రైవేటు వడ్డీ వ్యాపారుల వద్ద అప్పులు చేసినట్లు అంచనా.
  
 ఇన్‌పుట్ సబ్సిడీపై నీలినీడలు
 కేంద్ర ప్రభుత్వం గతేడాది కరువు నేపథ్యంలో రాష్ట్రానికి ఆర్థికసాయం చేసింది. కానీ ఆ నిధులను రైతులకు అందజేయడంలో సర్కారు నాలుగు నెలలుగా మీనమేషాలు లెక్కిస్తోంది. 2015 ఖరీఫ్‌లో కరువుదెబ్బకు 30.58 లక్షల ఎకరాలకు తీవ్రంగా నష్టం జరిగిన సంగతి తెలిసిందే. కరువు ప్రభావంతో 20.91 లక్షల మంది రైతులు నష్టపోయారు. కరువు సాయంగా కేంద్రం రాష్ట్రానికి నాలుగు నెలల కిందట రూ.712 కోట్లు, రాష్ట్ర విపత్తు నిధికి రూ.108 కోట్లు మొత్తంగా రూ.820 కోట్లు కేటాయించింది. ఈ సొమ్ము రాష్ట్ర ప్రభుత్వ ఖజానాలో మూలుగుతోంది. ఈ సొమ్ముకు రాష్ట్ర ప్రభుత్వ వాటా రూ.198 కోట్లు కలిపి రూ. 1,018 కోట్లను ఇన్‌పుట్ సబ్సిడీగా ఖరీఫ్ ప్రారంభానికి ముందే  పంపిణీ చేయాల్సి ఉం డగా రేపు మాపు అంటూ జాప్యం చేస్తోంది.


  
 –తక్షణమే ఇన్‌పుట్‌ సబ్సిడీ చెల్లించాలి
 –వైఎస్సార్‌సీపీ జిల్లా అధ్యక్షుడు నారాయణ స్వామి డిమాండ్‌
  
 పెనుమూరు:
 ఐదేళ్లుగా వేరుశనగ రైతులు పంట నష్టపోతున్నా ప్రభుత్వం ఇన్‌పుట్‌ సబ్సిడీ, ఇన్సూరెన్స్‌ ఇవ్వడం లేదని వైఎస్సార్‌ సీపీ జిల్లా అధ్యక్షులు, గంగాధరనెల్లూరు ఎమ్మెల్యే నారాయణస్వామి ఆందోళన వ్యక్తంచేశారు. మంగళవారం గడప గడపకూ వెళ్తూ  మోపిరెడ్డిపల్లె, ఉగ్రాణంపల్లె, మనబోటు పల్లె గ్రామాల్లో ఎండుతున్న వేరుశనగ పంటలను ఆయన పరిశీలించారు. ఈ ఏడాది ఖరీఫ్‌లో భారీ వర్షాలు కురవడంతో రైతులు 1.21 లక్షల హెక్టార్లలో వేరుశనగను సాగు చేస్తున్నారని చెప్పారు. సకాలంలో వర్షాలు లేక  పంట పూర్తిగా ఎండిపోతున్నా ప్రభుత్వం పట్టించుకోవడం లేదన్నారు. ముందస్తుగా వేసిన పంటలో చెట్టుకు రెండు, మూడు కాయాలు కూడా దిగుబడి లేదని రైతులు ఆందోళన చెందుతున్నారన్నారు. ఎకరా పొలంలో వేరుశనగ సాగుకు రూ. 15 వేలు వరకు రైతులు ఖర్చు చేసినా ఫలితం లేకుండా పోతోందని ఆవేదన వ్యక్తం చేశారు. కొన్ని ప్రాంతాల్లో నీరున్నా ఎన్నడూ లేని విధంగా ఆగస్టు నెలలో సగటు ఉష్ణోగ్రత 38 డిగ్రీలు నమోదు కావడంతో వేరుశనగ పంటను రైతులు కాపాడుకోలేక అవస్థలు పడుతున్నారన్నారు.
  వేరుశనగ పంటలను పరిశీలించి రైతులకు ఇన్‌పుట్‌ సబ్సిడీ చెల్లింపునకు చర్యలు తీసుకోవాలని కలెక్టరును నారాయణస్వామి డిమాండ్‌ చేశారు. సీఎం చంద్రబాబునాయుడు పాలనలో అతివృష్టి ... అనావృష్టిల కారణంగా రైతులు నష్టపోతున్నారని వ్యాఖ్యానించారు. గతంలో తొమ్మిదేళ్ల చంద్రబాబు పాలనలో వర్షాలు లేక ప్రజలు కరువుతో అల్లాడిపోయారని నారాయణస్వామి గుర్తు చేశారు. తాజాగా రెండు సంవత్సరాలుగా పాలనలో తుపాన్ల ప్రభావంతో కురిసిన అకాల వర్షాలతో కంది, వరి, పూల రైతులు తీవ్రంగా నష్టపోయారని చెప్పారు. గత ఏడాది వర్షాలతో నష్టపోయిన రైతులను ప్రభుత్వం ఆదు కోవడంలో పూర్తిగా విఫలమైందన్నారు. జిల్లా పార్టీ నేత వెంట పార్టీ జిల్లా కార్యవర్గ సభ్యులు దూది మోహన్, రైతు విభాగం అధ్యక్షులు గోవిందరెడ్డి, యువత అధ్యక్షులు మురళీ కుమార్‌రెడ్డి, మోపిరెడ్డిపల్లె మాజీ సర్పంచ్‌ రామచంద్రారెడ్డి, రాజారెడ్డి, రవినాయుడు తదితరులు పాల్గొన్నారు.
  
    
  


 – మదనపల్లె డివిజన్‌లో 10వేల మంది రైతులకు మొండిచేయి
 – ఆన్‌లైన్‌లో వివరాలు అంగీకరించకపోవడమే అసలు కారణం
 – రైతుల కొంపముంచిన సాంకేతిక సమస్యలు
 – మూడుతరాలకు ముందు చనిపోయినవారి పేర్లతో జాబితా
 – డెత్‌ కేసులకు ఇన్‌పుట్‌ సబ్సిడీ రాదన్న అధికారులు
 – నిత్యం బ్యాంకులు, కార్యాలయాల చుట్టూ రైతులు
 పలమనేరు:
 మదనపల్లె డివిజన్‌లో గత ఏడాది వేరుశనగ సాగుచేసి నష్టపోయిన రైతులకు ప్రభుత్వం నుంచి అందాల్సిన ఇన్‌పుట్‌ సబ్సిడీ రూ. 10కోట్లకు పైగా వెనక్కిపోనుంది. పదివేల మంది రైతులకు సంబంధించిన వివరాలు ఆన్‌లైన్‌లో నమోదుచేసేందుకు వీలుకాకపోవడమే ఇందుకు కారణం. గతంలో మతిచెందినవారి పేరిటే చాలావరకు పాసుపుస్తకాలున్నాయి. రెవెన్యూశాఖ పంట సాగుదారుకు బదులు 1బి ఆధారంగా జాబితాను తయారుచేయడంతో ప్రస్తుతం రైతులకు పంట నష్టపరిహారం అందని పరిస్థితి తలెత్తింది. డెత్‌ కేసులకు సంబంధించి పరిహారం రాదని అధికారులు చెబుతున్నారు. వివిధ సాంకేతిక కారణాలతో  ప్రభుత్వం రైతుల నోట్లో మట్టికొట్టింది. జిల్లాలో గతేడాది వేరుశనగను పండించి నష్టపోయిన రైతులకు ప్రభుత్వం హెక్టారుకు రూ.10వేలు న ష్టపరిహారంగా ఇచ్చేందుకు అప్పట్లో ఆదేశాలు జారీ చేసింది. జిల్లాలో రూ. 90 కోట్లకు పైగా ఇందుకు మంజూరు చేశామని తెలిపింది. సంబందిత రెవెన్యూ గ్రామాల వీఆర్వోల నుంచి వ్యవసాయశాఖ వివరాలను సేకరించింది. ఇందులోని రైతులను సంబంధిత బ్యాంకులో వ్యక్తిగతఖాతాలను తెరవాలని సూచించారు. దీంతోపాటు రైతుల ఆధార్‌కార్డులను బ్యాంకు ఖాతా, భూమి టైటిల్‌దారు, అనుభవదారు వివరాలు మ్యాచయితే నేరుగాఖాతాలోకే పరిహారం అందుతుందని తెలిపారు. కానీ ఇప్పుడు పలు కారణాలను సాకుచూపు వెబ్‌సైట్‌లో అప్‌లోడ్‌ కాలేదని రైతులకు పరిహారం చెల్లించడం లేదు.
  
  ఇదిగో సాక్ష్యం....
 పలమనేరు నియోజకవర్గంలోని ఐదు మండలాలకు సంబందించి 29,287 మంది రైతులు,14,916 హెక్టార్లలో వేరుశనగ పండించి నష్టపోయారు. వీరికి రూ.11.89 కోట్లను మంజూరు చేసింది. సాంకేతిక కారణాలతో ఆన్‌లైన్‌లో నమోదుకాని రైతులు దాదాపు రెండువేల మంది ఉన్నారు. వీరికి అందాల్సిన రూ.2 కోట్లు ప్రభుత్వం నుంచి బ్యాంకులకు విడుదలకాలేదు.
  
 మదన పల్లె డివిజన్‌లో రూ.10 కోట్లు వెనక్కే....
 డివిజన్‌ పరిధిలోని పలమనేరు,కుప్పం,పుంగనూరు, మదనపల్లె, తంబ్ళపల్లె నియోజకవర్గాల్లో దాదాపు పదివేల మంది రైతుల వివరాలు ఆన్‌లైన్‌లో నమోదు కాలేదు. దీంతో రూ.10 కోట్లు వెనక్కిపోయే పరిస్థితి నెలకొంది. ఇప్పటికే గడువు మించింది కాబట్టి ఈ నిధులను ప్రభుత్వానికి జమ చేయనున్నట్టు వ్యవసాయశాఖ చెబుతోంది.
  
   ఆన్‌లైన్‌లో తలెత్తిన  ఇబ్బందులు ఇవి....
 –చనిపోయిన వారిపేరిట పాసుపుస్తకాలుండటం
 –టైటిల్, ఎంజాయ్‌మెంటు ఒక్కటిగా లేనివారు
 –ఆధార్, బ్యాంకు ఖాతా సరిపోక ..
 –రెవెన్యూ వెబ్‌లో ఎంట్రీకపోవడం..
 – మీసేవ అడంగుల్‌ సైట్‌లో అధికారుల తప్పిదాలు
 –ఇక్కడ భూములున్న కర్ణాటక సరిహద్దు రైతులు
 –సాగుచేసి మైగ్రేషనయిన రైతులు వివరాలు లేక
 – కౌలు రైతుగా ఎంట్రీలు లేనివారు
 – అర్హతలున్నప్పటికీ వీర్వోలు జాబితాలో పేరులేనివారు
 ఇలా రకరకాల కారణాలతో ఆన్‌లైన్‌లో వివరాలు అంగీకరించలేదు. దీంతో సంబందిత రైతులకు పరిహారం అందకుండా పోయింది.
  
 ఆన్‌లైన్‌లో ఎంట్రీకాకపోతే ఏమీ చేయలేం.....
  
  సాంకేతిక పరమైన కారణాలతో పరిహారం రానిమాట నిజమే.  క్షేత్ర స్థాయిలోవారు పంటను సాగుచేసినా రకరకాల కారణాలతో కంప్యూటర్‌లో ఆన్‌లైన్‌ కావడం లేదు. ముఖ్యంగా డెత్‌ కేసుల్లో పరిహారం రానట్టే. ఇక్కడ జరుగుతున్న సమస్యలపై ఇప్పటికే ఉన్నతాధికారులకు తెలిపాం.
 విశ్వనాథ రెడ్డి, సహాయసంచాలకులు, పలమనేరు డివిజన్‌
  
  
 రైతులతో చెలగాటమాడుతోంది...
  
 అర్హులైన ప్రతి రైతుకు ఇన్‌పుట్‌ సబ్సిడీని అందజస్తామన్న సర్కారు ఇప్పుడు టెక్నికల్‌ సమస్యల పేరిట రైతులను నట్టేనముంచేసింది. రెవిన్యూశాఖ చేసిన తప్పిదాలకు రైతులను బాధ్యులను చేయడం సమంజమా.. దీనిపై పోరాటానికి దిగుతాం.
 ఉమాపతి, ఏపీ రైతుసంఘ నాయకులు, పలమనేరు
  
  
  


 – ఏడాది అవుతున్నా పూర్తికాని ఇన్‌పుట్‌సబ్సిడీ పంపిణీ
 –  రూ.559.68 కోట్లలో రైతుల ఖాతాల్లోకి చేరింది రూ.484 కోట్లు మాత్రమే
 – కాళ్లరిగేలా తిరుగుతున్న రైతులు
  
 ఇన్‌పుట్‌ సబ్సిడీ పంపిణీ ప్రహసనంగా మారింది. అసలే అప్పుల ఊబిలో కూరుకుపోయిన ‘అనంత’ రైతులను అధికారులు కూడా ఇబ్బందులు పెడుతున్నారు. వారికి చెందాల్సిన పరిహారాన్ని సకాలంలో ఇవ్వడం లేదు. ఆధార్, ఆన్‌లైన్, మిస్‌మ్యాచింగ్, మరో జాబితా అంటూ తిప్పుకుంటున్నారు. పరిహారం కోసం ఏడాదిగా అన్నదాతలు పడుతున్న అవస్థలు అన్నీఇన్నీకావు. 
  
 అనంతపురం అగ్రికల్చర్‌ : ఖరీఫ్‌–2014లో దెబ్బతిన్న వేరుశనగ, ఇతర పంటలకు రాష్ట్ర ప్రభుత్వం ఇన్‌పుట్‌సబ్సిడీ ప్రకటించింది. మొదట్లో రూ.5,79,640 మంది రైతులకు రూ.567.32 కోట్లు మంజూరు చేసింది. అయితే.. కొన్ని నకిలీ పట్టాదారు పాస్‌పుస్తకాలు ఉన్నట్లు తేలడంతో పరిశీలన తర్వాత 5,72,111 మందికి రూ.559.68 కోట్లు మంజూరు చేస్తూ నిర్ణయం తీసుకుంది. 2015 జూలై 22న ఈ మొత్తాన్ని జిల్లాకు కేటాయిస్తూ  ఉత్తర్వులు జారీ చేసింది. అప్పటి నుంచి ఇప్పటివరకు ఏడు సార్లు పరిహారాన్ని విడుదల చేస్తూ వచ్చింది. అయితే.. ఇప్పటికీ పూర్తిగా పంపిణీ చేయలేదు.  ఇచ్చే రూ.5 వేలు.. రూ.10 వేలు.. లేదంటే రూ.15 వేల పరిహారం కోసం రైతులు ఏడాదిగా కాళ్లరిగేలా తిరుగుతున్నారు. ఇప్పటికే వ్యయప్రయాసలకోర్చి 20–30 సార్లు మండల గ్రీవెన్స్‌లు, ఏవోలు, జిల్లా గ్రీవెన్స్, జేడీఏ కార్యాలయం, బ్యాంకర్ల చుట్టూ తిరిగారు. 
  
 జాబితాలు తప్పుల తడక
 ఇన్‌పుట్‌సబ్సిడీ జాబితాల తయారీ, పరిహారం పంపిణీ పెద్ద ప్రహసనంగా మారింది. జాబితాల తయారీలోనే రెవెన్యూ, వ్యవసాయశాఖ సిబ్బంది ఇష్టారాజ్యంగా వ్యవహరించారు. ఈ కారణంగా రైతులకు సకాలంలో పరిహారం అందలేదు. కొన్నిచోట్ల అర్హులైన రైతులను అసలు జాబితాలోనే చేర్చలేదు.  తెలుగు తమ్ముళ్ల జోక్యం ఎక్కువ కావడంతో అర్హులైన రైతులకు అన్యాయం జరుగుతోంది. అధికారులతో లోపాయికారీ ఒప్పందాలు కుదుర్చుకుని ప్రభుత్వం నుంచి వచ్చే అరకొర రాయితీలు, పథకాలను ‘తమ్ముళ్లు’ కొల్లగొడుతున్నారు. ఈ క్రమంలోనే ఇన్‌పుట్‌సబ్సిడీలోనూ మాయాజాలం ప్రదర్శించినట్లు జాబితాలు చూస్తే స్పష్టమవుతోంది.
  
 ఇంకా రూ.75 కోట్లు పంపిణీ చేయాలి: కేటాయించిన రూ.559.68 కోట్లలో ఇప్పటివరకు 484 కోట్లు మాత్రమే రైతుల ఖాతాల్లోకి జమ అయింది. ఇంకా రూ.75 కోట్లకు పైగా పంపిణీ చేయాల్సివున్నా.. ఆధార్‌ లింక్‌ పెట్టి పెద్దఎత్తున రైతుల నోట్లో మట్టి కొడుతున్నారు. చివరకు రూ.506 కోట్లు పంపిణీ చేసి ఫుల్‌స్టాప్‌ పెట్టాలని నిర్ణయించారు. మిగతా రూ.53 కోట్లు ప్రభుత్వ ఖాజానాకే జమ చేయనున్నట్లు తెలుస్తోంది. దీన్ని బట్టి చూస్తే ఇన్‌పుట్‌సబ్సిడీ పంపిణీకి ఎప్పుడు ముగింపు పలుకుతారో,  రైతులందరికీ ఎన్నడు న్యాయం జరుగుతుందో అంతుచిక్కని పరిస్థితి.  
  


 * వైఎస్సార్‌సీపీ నేత కొండా రాఘవరెడ్డి ధ్వజం
 * రెండేళ్లుగా కరువు పరిస్థితులున్నా చర్యలేవీ?
 * రూ. వెయ్యి కోట్ల ఇన్‌పుట్ సబ్సిడీ ఇంకా అందలేదు
 సాక్షి, హైదరాబాద్: తెలంగాణలో గ60 ఏళ్లలో రైతు వ్యతిరేక ప్రభుత్వం ఏదైనా ఉందంటే అది కేసీఆర్ సర్కారేనని వైఎస్సార్‌సీపీ తెలంగాణ ప్రధాన కార్యదర్శి కొండా రాఘవరెడ్డి ధ్వజమెత్తారు. టీఆర్‌ఎస్ ప్రభుత్వం రైతు వ్యతిరేక విధానాలను అవలంబిస్తోందని దుయ్యబట్టారు. సోమవారం లోటస్‌పాండ్‌లోని పార్టీ ప్రధాన కార్యాలయంలో నాయకులు జన్నారెడ్డి మహేందర్‌రెడ్డి, బండారు వెంకటరమణలతో కలసి ఆయన విలేకరులతో మాట్లాడారు.
 
 రెండేళ్లుగా నెలకొన్న తీవ్ర కరువు పరిస్థితులను ఎదుర్కోవడంలో సర్కారు ఎటువంటి చర్యలు తీసుకోలేదని మండిపడ్డారు. రైతులకు ఇవ్వాల్సిన రూ. వెయ్యి కోట్ల ఇన్‌పుట్ సబ్సిడీ ఇంతవరకు అందలేదన్నారు. రైతు రుణ మాఫీ కింద మిగిలిన 50 శాతం రుణాన్ని వడ్డీతో కలిపి ఒకేసారి మాఫీ చేసి వారికి కొత్త రుణాలు కూడా వచ్చేలా చూడాలని డిమాండ్ చేశారు. ఈసారి పత్తి పంట వేయొద్దని రైతులకు చెబుతున్న పోచారం సహా ఇతర మంత్రులు.. ఇందుకోసం రైతులకు అవగాహన కల్పించేందుకు ఏం చర్యలు తీసుకున్నారని ప్రశ్నించారు.
 
 రైతులకు సబ్సిడీపై సోలార్ పంపుసెట్లు అందిస్తామని అసెంబ్లీ సాక్షిగా కేసీఆర్ చెప్పిన మాట ఏమైందని నిలదీశారు. స్కైవేలు, ఫ్లైఓవర్లు అంటూ ప్రతి విషయంలోనూ హైటెక్ ప్రచారం తప్ప రైతుల విషయంలో కేసీఆర్ శ్రద్ధ చూపట్లేదని విమర్శించారు. పాలీహౌస్ వ్యవసాయం విషయంలోనూ ప్రభుత్వం హామీ నిలుపుకోలేదన్నారు.
 
 గతేడాది కోటి ఎకరాల మేర సాగులోకి తెస్తామన్న ప్రభుత్వం, చివరకు 88 లక్షల ఎకరాల వరకు రైతులు పంటలు వేసినా వారికి ఒరిగిందేమీ లేదన్నారు. ఈ ఏడాది 1.12 కోట్ల ఎకరాల్లో పంటలు వేయనున్నట్లు ప్రభుత్వం చెబుతున్నా ఇప్పటివరకు 4,58,331 ఎకరాల్లోనే నాట్లు పడ్డాయన్నారు. రాష్ట్రంలోని కౌలు రైతులందరికీ ప్రభుత్వం గుర్తింపు కార్డులివ్వాలని డిమాండ్ చేశారు.
 
 ఖమ్మం జిల్లా ఇల్లెందు నియోజకవర్గంలోని పోడు భూముల్లో వ్యవసాయం చేసుకునేందుకు వైఎస్సార్ హయాంలో అనుమతిచ్చారని, ఇప్పుడు హరితహారం పేరిట ఎస్టీలను ఆ భూముల నుంచి తొలగించే ప్రయత్నం జరుగుతోందని రాఘవరెడ్డి ఆరోపించారు. ఈ భూముల్లో గిరిజనులు వ్యవసాయం చేసేందుకు అనుమతివ్వాలని, అటవీశాఖ అధికారులు అడ్డుకోకుండా చర్యలు తీసుకోవాలని ఆయన డిమాండ్ చేశారు. రెండు తెలుగు రాష్ట్రాల రైతులకు ‘చంద్ర’గ్రహణం పట్టిందని విమర్శించారు.


 ♦ ఇన్‌పుట్ సబ్సిడీ చెల్లింపులకు రెయిన్‌గన్‌లు ఇస్తారట!
 ♦ 13,933 మంది రైతుల నోట్లో మట్టికొట్టనున్న సర్కారు
 ♦ రూ.18.22కోట్ల ఇన్‌పుట్ సబ్సిడీకి ఎసరు
 కడప అగ్రికల్చర్: ఘనమైన హామీలిచ్చే పాలక ప్రభుత్వం, మంత్రులు ఆపదలో ఉన్న రైతులను నిలువునా దోపిడీ చేయడానికి సిద్ధమైంది. పంటలు నష్టపోయి పరిహారం కోసం ఏళ్ల తరబడి రైతన్న నిరీక్షిస్తున్నా పైసా కూడా పరిహారం అందిచక పోగా ఆ నిధులను ఇతర ప్రచారాలకు, స్కీములకు మళ్లించడానికి సిద్ధమవుతోంది. అదేమంటే వర్షాభావ పరిస్థితుల్లో పంటకు నీటి తడులు అందించే రెయిన్‌గన్‌ల కొనుగోలుకు ఇన్‌పుట్ సబ్సిడీ పరిహార నిధులు వెచ్చించడానికి ప్రభుత్వం రంగం సిద్ధం చేస్తోంది. నేడో రేపో ప్రభుత్వం జీవో జారీ చేయనున్నట్లు అధికారులు అంటున్నారు. అంతకు ముందుగానే అధికారులు ప్రతిపాదనలు తయారు చేయాలని ఆదేశాల్లో పేర్కొన్నారు. రైతులకు చెందాల్సిన పరిహారాన్ని అందించకుండా ఇలా ప్రభుత్వం స్వార్థ ప్రయోజనాలతో కమీషన్ల కోసం కక్కుర్తిపడి రైతుల సొమ్ములను ఇలా వాడుకుంటారా? అని రైతు సంఘాలు ప్రశ్నిస్తున్నాయి.
  జిల్లాలో 50 వేల హెక్టార్లకు రెయిన్‌గన్లు....
 ఈ ఖరీఫ్ సీజన్‌లో ఉద్యాన పంటలకు రాబోయే విపత్తులను దృష్టిలో పెట్టుకుని ముందు జాగ్రత్తగా  పంటలను కాపాడతామని, ఇందుకుగాను రెయిన్‌గన్లు ఏర్పాటు చేసి ఆదుకుంటామని ప్రభుత్వం ఇటీవల విజయవాడలో నిర్వహించిన అధికారుల సమావేశంలో ప్రకటించింది. అదేమంటే ఇప్పటి వరకు ఇవ్వాల్సిన ఇన్‌పుట్ సబ్సిడీ పరిహారానికి ఈ రెయిన్‌గన్‌ను ముడిపెట్టారు. జిల్లాలో 50 వేల హెక్టార్లకు ఈ రెయిన్‌గన్‌లను వినియోగించాలని, అందుకు తగ్గ ప్రణాళికలను తయారు చేయాలని ఉద్యానశాఖను ఆదేశించింది.జిల్లా ఉద్యాన అధికారులు ప్రభుత్వ ఆదేశాల మేరకు ప్రతిపాదనలు పంపారు.
  ప్రభుత్వం ఎసరు పెట్టింది ఈ పరిహారానికే....
 జిల్లాలో 2010లో ఫిబ్రవరి నుంచి 2015 నవంబరు వరకు ప్రకృతి విపత్తులతో 70,566.361 హెక్టార్లలో ఉద్యాన పంటలు తోటలు దెబ్బతినగా 13933 మంది రైతులు రూ. 18.22 కోట్లు ఇన్‌పుట్ సబ్సిడీ మంజూరు చేయాలని ఉద్యానశాఖ జిల్లా అధికారులు ప్రభుత్వానికి ప్రతిపాదనలు పంపారు. కానీ ఇంత వరకు పైసా కూడా ప్రభుత్వం విదిల్చకుండా ఈ ఇన్‌పుట్ సబ్సిడీనే ప్రభుత్వం ఇలా వినియోగించడానికి సిద్ధమవుతుండడంతో రైతులు మండిపడుతున్నారు.


 ♦ హడావుడిగా సాగిన జెడ్పీ సర్వసభ్య సమావేశం
 ♦ కీలక అంశాలపై మొక్కుబడి చర్చతో సరిపెట్టిన వైనం
 ♦ సభ్యులడిగిన ప్రశ్నలకు లభించని సమాధానాలు
 ♦ పంట బీమా, ఇన్‌పుట్ సబ్సిడీ జాప్యంపై సభ్యుల ఫైర్
 ♦ ప్రైవేటు బడులకు అనుమతులు ఇవ్వొద్దని డిమాండ్
 ♦ వైద్య, ఆరోగ్యంపై ప్రజాప్రతినిధుల కస్సుబుస్సు
  ఈ సారి జెడ్పీ సమావేశం చప్పగా సాగింది. అన్ని అంశాలపైనా మొక్కుబడి చర్చే జరిగింది. కీలకాంశాలపై ఎక్కువ సమయం వెచ్చించలేకపోయారు. రైతులకు ఇన్‌పుట్ సబ్సిడీ, పంటల బీమా, వైద్య, ఆరోగ్యశాఖలో సమస్యలు, ప్రభుత్వ బడుల్లో సౌకర్యాల లేమి.. తదితర అంశాలపై సభ్యులు ప్రశ్నలు సంధించినప్పటికీ అధికారులు వాటిపై సరైన సమాధానం చెప్పలేకపోయారు. గురువారం జిల్లా పరిషత్ సర్వసభ్య సమావేశం జరిగింది. చైర్‌పర్సన్ సునీతారెడ్డి అధ్యక్షతన జరిగిన ఈ సమావేశానికి రాష్ట్ర రవాణాశాఖ మంత్రి మహేందర్‌రెడ్డి, కలెక్టర్ రఘనుందన్‌రావు తదితరులు హాజరయ్యారు. - సాక్షి, రంగారెడ్డి జిల్లా
 జెడ్పీటీసీ సభ్యులు స్థాయీ సంఘం మీటింగ్‌లకు హాజరుకావడం లేదు. కేవలం అధికారులే వస్తున్నారు. కోరం కూడా ఉండట్లేదు. ముందు మీ డ్యూటీ సరిగా చేస్తే అధికారులను ప్రశ్నించొచ్చు.  - జెడ్పీ చైర్‌పర్సన్ సునీతారెడ్డి
 ఇకపై ప్రైవేటు స్కూళ్లకు కొత్తగా అనుమతులు ఇవ్వొద్దు.
 క్షేత్రస్థాయిలో జరిగే అన్ని అభివృద్ధి కార్యక్రమాలపై అధికారులు స్థానిక ప్రజాప్రతినిధులకు సమాచారమివ్వాలి. ప్రతి పథకంలోపారదర్శకత ఉండాలి.  - మంత్రి మహేందర్‌రెడ్డి
 పాలీహౌస్‌లో సాగు విధానం లాభదాయకం. అయితే ఈ పద్ధతిపై అవగాహన చేసుకుని ముందుకెళ్లాలి. లాభనష్టాలకు రైతులదే బాధ్యత.
 - కలెక్టర్ రఘునందన్‌రావు
 పాలీహౌస్ సాగుపై రైతులకు అవగాహన కల్పిస్తాం. సరైన పద్ధతిలో సాగు చేపట్టకపోవడం వల్లే నష్టాలు. - మంత్రి మహేందర్‌రెడ్డి
  ‘పాలీహౌస్’లపై దుమారం..
 పాలీహౌస్ సాగు లాభదాయకమని అధికారులు తప్పుడు సహాలిస్తున్నారని.. వాటిని ఏర్పాటు చేసిన పేద రైతులెవరూ లాభపడలేదని ఎమ్మెల్యేలు యాదయ్య, సంజీవరావు, జెడ్పీటీసీ సభ్యుడు జంగారెడ్డి, ఎంపీపీ నిరంజన్‌రెడ్డి ఆందోళన వ్యక్తం చేశారు. వారికి మద్దతుగా బాలేష్ తదితరులు గొంతుకలిపారు. దీంతో సభలో ఒక్కసారిగా గందరగోళం నెలకొంది.
  సాక్షి, రంగారెడ్డి జిల్లా : వరుస కరువుతో అతలాకుతలమైన రైతుకు కనీసం పెట్టుబడి రాయితీ సైతం ఇవ్వకపోవడంపై జెడ్పీటీసీ సభ్యులు జంగారెడ్డి, బాలేష్ తీవ్రంగా మండిపడ్డారు. ఖరీఫ్ సీజన్ ప్రారంభమైనా ఇప్పటికీ ఆర్థిక సాయం అందకుంటే సాగు పనులు ముందుకెలా వెళ్తాయన్నారు. ఇందుకు జేడీఏ జగదీష్ స్పందిస్తూ ఇన్‌పుట్ సబ్సిడీపై ప్రభుత్వం ఇంకా ఆదేశాలు ఇవ్వలేదన్నారు. వికారాబాద్‌లో పత్తి రైతులకు నష్టపరి హారం ఇవ్వకపోవడంపై ఎమ్మెల్యే కాలె యాద య్య ప్రస్తావించగా.. ఈ అంశం కోర్టు పరిధిలో ఉందని, తీర్పు రాగానే అమలు చేస్తామని జేడీ ఏ పేర్కొన్నారు. యాంత్రీకరణ కింద పంపిణీ చేసే పరికరాలకు సంబంధించి కనీస సమాచారం ఇవ్వడంలేదంటూ పలువురు లేవనెత్తగా.. స్థానిక ప్రజాప్రతినిధులకు సమాచారమిస్తామని వ్యవసాయశాఖ స్పష్టం చేసింది. పంట లు వేయకముందే బీమా ప్రీమియం చెల్లించడాన్ని ఎమ్మెల్యే సంజీవరావు తప్పుబట్టారు.
  ప్రైవేటుకు కత్తెర వేయండి..
 ప్రభుత్వ పాఠశాలల్లో అన్నివిధాలా అర్హులైన టీచర్లున్నప్పటికీ.. పిల్లల సంఖ్య ఎందుకు తగ్గుతోందని ఎమ్మెల్యే సంజీవరావు ప్రస్తావించారు. పలుచోట్ల సింగిల్ డిజిట్‌లో విద్యార్థులుంటే.. అవి మూసివేతదిశగా వెళ్తున్నాయన్నారు. డీఈఓ రమేష్ స్పందిస్తూ ప్రస్తుతం బడిబాట సాగుతోందని, పలుచోట్ల ఇంగ్లిష్ మీడియం డిమాండ్ ఉందన్నారు. ఈక్రమంలో ప్రస్తుత వార్షిక సంవత్సరంలో 382 పాఠశాలల్లో ఆంగ్లమాద్యమం ప్రారంభిస్తున్నామని, విద్యార్థుల సంఖ్య పెరుగుతోందన్నారు. ప్రైవేటు బడుల సంఖ్య రోజురోజుకు పెరుగుతున్నదని, అందుబాటులో ప్రభుత్వ పాఠశాలలుంటే ప్రైవేటుకు ఎలా అనుమతులిస్తారని ఎమ్మెల్యేలు కాలె యాదయ్య, సంజీవరావు, యాచారం జెడ్పీటీసీ సభ్యుడు కర్నాటి రమేష్‌గౌడ్ ప్రశ్నించగా..
 డీఈఓ స్పందిస్తూ కొత్తగా అనుమతులివ్వడం లేదన్నారు. ప్రభుత్వ పాఠశాలల్లో పర్యవేక్షణ లేకపోవడంతో పరపతి పడిపోతున్నదని ఎంపీపీ నిరంజన్‌రెడ్డి అన్నారు. అన్ని మండలాల్లో రెగ్యులర్ ఎంఈఓలుంటే పరిస్థితి మారుతుందని పేర్కొనగా.. సర్వీసు రూల్స్ అంశం రాష్ట్రపతి వద్దకు చేరిందని డీఈఓ బదులిచ్చా రు. ఉద్యానవనశాఖ ద్వారా రైతుకు పరి హారం ఇచ్చిన సంగతి ప్రజాప్రతినిధులకు చెప్పకపోవడంపై ఎమ్మెల్యేలు సుధీర్‌రెడ్డి, క్రిష్ణారెడ్డి, కిషన్‌రెడ్డి తదితరులు డీడీ బాబుపై మండిపడ్డారు. దీంతో ఆయన స్పందిస్తూ ప్రజాప్రతినిధులకు పరిహారం పంపిణీ జాబితా ఇస్తానన్నారు.
  వైద్యశాఖకు చికిత్స చేద్దాం..
 జిల్లా వైద్య, ఆరోగ్య శాఖ గాడితప్పిందని ఎమ్మె ల్యే సుధీర్‌రెడ్డి మండిపడ్డారు. పర్యవేక్షణ కొరవడడంతో ఆస్పత్రుల్లో వైద్యులు ఇష్టానుసారంగా వ్యవహరిస్తున్నారని ఆగ్రహం వ్యక్తం చేశారు. పలుచోట్ల వైద్యుల హాజరుశాతం అసంతృప్తిగా ఉందని.. ఇది జిల్లా వైద్య,ఆరోగ్య శాఖ అధికారి అసమర్థతకు నిదర్శనమన్నారు. ఎమ్మెల్యే కృష్ణారెడ్డి జోక్యం చేసుకుంటూ మహేశ్వరంలో వందపడకల ఆస్పత్రి సంగతేమైందంటూ మెడికల్ అధికారులను నిలదీశారు.
 ఇబ్రహీంపట్నం సివిల్ ఆస్పత్రిలో సూపరింటెండెంట్ వ్యవహారశైలి బాలేదని ఎంపీపీ నిరంజన్‌రెడ్డి ప్రస్తావించగా.. డీఎంహెచ్‌ఓ స్పందిస్తూ ఆమె తనకంటే సీనియర్ అని.. వైద్యశాఖ సంచాలకులు మాత్రమే చర్యలు తీసుకోవాల్సి ఉంటుందని సమాధానం చెప్పగా.. సభ్యులు మరింత ఆగ్రహించారు. ఇంతలో మంత్రి జోక్యం చేసుకుంటూ తగిన చర్యలు తీసుకుంటామన్నారు. పలు ఆస్పత్రుల్లో అభివృద్ధి కమిటీలు ఏర్పాటు చేయకపోవడం డీఎంహెచ్‌ఓ నిర్లక్ష్యమని పలువురు ఎంపీపీలు అసంతృప్తి వ్యక్తం చేశారు.


 కరువు ప్రకటించి ఆర్నెల్లు... కేంద్రం నిధులిచ్చి రెణ్నెల్లు
 - ఖరీఫ్ ముంచుకొస్తున్నా అందని సాయం
 - 20 లక్షల మంది రైతుల ఎదురుచూపులు
 - ఖజానాలో మూలుగుతోన్న రూ.820 కోట్ల కేంద్ర నిధులు
 -  రాష్ట్ర ప్రభుత్వం తన వాటాగా రూ.198 కోట్లు ఇవ్వకపోవడమే జాప్యానికి కారణం
  
  సాక్షి, హైదరాబాద్: దేవుడు వరమిచ్చినా పూజారి కరుణించలేదన్న చందాన ఉంది రాష్ట్ర సర్కారు తీరు! తీవ్ర కరువులో చిక్కుకున్న తెలంగాణకు కేంద్రం కరువు సాయంగా రెండు నెలల కిందట రూ.712 కోట్లు విడుదల చేసింది. అలాగే రాష్ట్ర విపత్తు నిధికి రూ.108 కోట్లు ఇచ్చింది. మొత్తంగా రూ.820 కోట్లు విడుదల చేసింది. అయినా రాష్ట్ర సర్కారు ఇప్పటివరకు రైతులకు ఇన్‌పుట్ సబ్సిడీగా ఒక్క పైసా పంపిణీ చేయకపోవడంపై విమర్శలు వెల్లువెత్తుతున్నాయి. ఆరు నెలల క్రితం రాష్ట్ర ప్రభుత్వం 231 మండలాలను కరువుగా ప్రకటించి, కేంద్రాన్ని రూ.3 వేల కోట్ల సాయాన్ని కోరిన సంగతి తెలిసిందే. మరో మూడ్రోజుల్లో ఖరీఫ్ సీజన్ ప్రారంభం కానుంది. ఈ నేపథ్యంలో ఇన్‌పుట్ సబ్సిడీ ఇంకా అందకపోవడంతో విత్తనాలు, ఎరువుల కొనుగోలుకు రైతులు మళ్లీ ప్రైవేటు అప్పులు చేయాల్సిన పరిస్థితి నెలకొంది.
 
  ఇవ్వాల్సిన ఇన్‌పుట్ సబ్సిడీ రూ.1,018 కోట్లు..
  గత ఏడాది ఖరీఫ్‌లో మొత్తం సాధారణ పంటల సాగు విస్తీర్ణం 1.03 కోట్ల ఎకరాలు కాగా... 88.82 లక్షల ఎకరాల్లో పంటలు సాగయ్యాయి. అందులో కరువు దెబ్బకు 30.58 లక్షల ఎకరాలకు తీవ్ర నష్టం జరిగిందని కరువు నివేదికలో సర్కారు పేర్కొంది. కరువుతో మొత్తం 20.91 లక్షల మంది రైతులు నష్టపోగా.. అందులో పత్తి రైతులే 9.33 లక్షల మంది ఉన్నారు. దీంతో వ్యవసాయానికి రూ.989 కోట్లు, ఉద్యాన రైతులకు రూ.29 కోట్లు (మొత్తం రూ.1,018 కోట్లు) ఇన్‌పుట్ సబ్సిడీ ఇవ్వాలని రాష్ట్ర ప్రభుత్వం నిర్ణయించింది. కేంద్రం విడుదల చేసిన రూ.820 కోట్లు ప్రభుత్వ ఖజానాలోనే మూలుగుతున్నాయి. రాష్ట్ర ప్రభుత్వం తన వాటా కింద రూ.198 కోట్లు కలిపి రూ.1,018 కోట్లు ఇవ్వాల్సి ఉందని అధికారులు చెబుతున్నారు.
 
  రాష్ట్ర వాటా విడుదల చేయనందునే..
  కేంద్రం ఇచ్చిన కరువు సాయానికి రాష్ట్ర ప్రభుత్వం తన వాటాగా రూ.198 కోట్లు విడుదల చేయకపోవడం వల్లే ఇన్‌పుట్ సబ్సిడీ పంపిణీ ఆలస్యమవుతోందని అధికారులు అంటున్నారు. కేంద్రం ఇచ్చిన నిధుల వరకే పంపిణీ చేయాలన్నా... ఆ సొమ్ము పూర్తిగా సరిపోదు కాబట్టి జాప్యం చేస్తున్నారని చెబుతున్నారు. మరోవైపు తాము మొదట్లో విన్నవించిన రూ.3 వేల కోట్ల కరువు సాయాన్ని పూర్తిగా విడుదల చేయాలని రాష్ట్రం కేంద్రాన్ని కోరుతోంది. ఈ మేరకు సీఎం స్వయంగా కేంద్రానికి విన్నవించారు. అయితే ఇచ్చిన నిధులు రైతులకు ఇవ్వకుండా అదనపు నిధులు కోరడంతో రాష్ట్ర అధికారులపై కేంద్ర అధికారులు సీరియస్ అయినట్లు తెలిసింది.


 ♦ ఇన్‌పుట్‌సబ్సిడీ విడుదల చేయని సర్కారు
 ♦ గత సీజన్ పంటనష్టంపై నీలిమేఘాలు
 ♦ తొలకరి పలకరించినా కరుణించని ప్రభుత్వం
 ♦ పెట్టుబడుల్లేక రైతాంగం విలవిల
 సాక్షి, రంగారెడ్డి జిల్లా ప్రతినిధి: అన్నదాతలకు ప్రభుత్వం మరోసారి రిక్తహస్తం చూపింది. కష్టకాలంలో రైతులకు చేయూతనివ్వకుండా దగా చేసింది. గత ఏడాది పంట నష్టపోయిన వారికి పరిహారం ఇవ్వకపోవడంతో వారు  దిక్కులు చూస్తున్నారు. చేతిలో కనీస పెట్టుబడులు లేక అప్పు కోసం వ్యాపారులను ఆశ్రయిస్తున్నారు. వర్షాభావ పరిస్థితులతో గతేడాది ఖరీఫ్‌లో పంటలు తుడుచిపెట్టుకు పోయాయి. ఆశించిన స్థాయిలో వర్షాపాతం నమోదుకాకపోవడంతో ఖరీఫ్ సీజన్‌లో సాధారణ సాగు విస్తీర్ణం కూడా నమోదు కాలేదు. సాధారణంగా ఖరీఫ్‌లో 2.19 లక్షల ఎకరాల మేర సాగులోకి రావాల్సివుండగా, కేవలం 2 లక్షల ఎకరాల్లో మాత్రమే సాగులోకి వచ్చింది.
 అయితే సకాలంలో వర్షాలు కురవకపోవడంతో లక్ష ఎకరాల మేర పంటలకు నష్టం వాటిల్లింది. దీంతో పంట పెట్టుబడి రాక ైరె తాంగం ఆర్థికంగా తీవ్రంగా దెబ్బతింది. ఈ నేపథ్యంలోనే రాష్ట్ర ప్రభుత్వం కరువు మండలాలను ప్రకటించింది. జిల్లావ్యాప్తంగా పంటల సాగు విస్తీర్ణం, నష్టంపై అంచనాలను రూపొందించింది. ఈ మేరకు క్షేత్రస్థాయిలో సర్వే చేసిన వ్యవసాయశాఖ జిల్లావ్యాప్తంగా 2,03,275 మంది రైతులు వేసిన 1,00,931.7 ఎకరాల మేర పంటలు ఎండిపోయాయని లెక్క తేల్చింది. తద్వారా రూ.73.33 కోట్ల నష్టం వాటిల్లిందని అంచనా వేసింది. ఈ మేరకు పంటనష్టం (ఇన్‌పుట్ సబ్సిడీ)ని అందజేయాలని ప్రభుత్వానికి నివేదించింది.
 జిల్లా యంత్రాంగం ప్రతిపాదనలకు సూత్రప్రాయంగా అంగీకరించిన సర్కారు.. మళ్లీ ఖరీఫ్ దరిచేరుతున్నా నయా పైసా విదిల్చకపోవడం గమనార్హం. ఇన్‌పుట్ సబ్సిడీని పంపిణీతో రైతాంగానికి చేయూతనిచ్చి భరోసా నివ్వాల్సిన ప్రభుత్వం ఆ దిశగా అడుగువేయడంలేదు. గతేడాది సకాలంలో వానలు పడకపోవడంతో అన్నదాతలు తీవ్రంగా నష్టపోగా.. ఈ ఏడాది ఇప్పటికే తొలకరి పలకరించింది. వాతావరణశాఖ కూడా ఈసారి సమృద్ధిగా వర్షాలు కురుస్తాయని సంకేతాలిచ్చింది. ఈ నేపథ్యంలో ఇప్పటికే ఇన్‌పుట్ సబ్సిడీని అందజేస్తే అంచనాలకు మించి విస్తీర్ణం సాగులోకి వచ్చేది. మే మొదటి వారం నుంచే రికార్డుస్థాయిలో జల్లులు కురుస్తుండడంతో భూగర్భజ లాలు కూడా వృద్ధి చెందుతున్నాయి.
  
  
 అయితే. రెండేళ్లుగా వరుస కరువుతో రైతాంగం దారుణంగా నష్టపోయింది. ఆఖరికి నమ్ముకున్న పశువులకు గ్రాసం వేయలేక.. వాటిని సాకలేక సంతకు విక్రయించాల్సిన పరిస్థితి ఏర్పడింది. అదేసమయంలో వ్యవసాయ పనుల్లేక పొట్టచేత బట్టుకొని వలస బాట పట్టాల్సి వచ్చింది. ఈ విపత్కర పరిస్థితుల్లో రైతాంగం దుక్కులు దున్నేందుకు సైతం డబ్బులేని పరిస్థితి ఉంది. కనీసం ప్రభుత్వం ప్రకటించిన ఇన్‌పుట్ సబ్సిడీని విడుదలచేస్తే.. ఖరీఫ్ పంటలకు ఊతమిచ్చినట్లవుతుంది.


 కర్నూలు: 2014-15 సంవత్సరానికి గాను ఇన్‌పుట్ సబ్సిడీని వెంటనే విడుదల చేయాలని రైతు సంఘం నాయకులు ఆంధ్రప్రదేశ్ ప్రభుత్వాన్ని డిమాండ్ చేసింది. ఈ మేరకు సోమవారం కర్నూలు జిల్లా తుగ్గలిలోని ఎంపీడీవో కార్యాలయాన్ని రైతులు ముట్టడించారు. ఇన్‌పుట్ సబ్సిడీని వెంటనే రైతుల ఖాతాల్లో జమ చేయాలని కోరారు. ఈ కార్యక్రమంలో రైతు సంఘం జిల్లా కార్యదర్శి రమేష్‌కుమార్, పలువురు నాయకులు, రైతులు పాల్గొన్నారు.


 ► ఇన్‌పుట్ సబ్సిడీ విడుదలను పట్టించుకోని ప్రభుత్వం
 ► రెండేళ్ల కరువు పరిహారం
 ►  రూ.383.24 కోట్లు విడుదల ఎప్పుడో
  
  కర్నూలు(అగ్రికల్చర్) : కరువు రైతు నోటిలో ప్రభుత్వం మట్టికొడుతోంది. అప్పులు తెచ్చి పంటలు సాగు చేసినప్పటికీ వర్షాలు పడక పెట్టిన పెట్టుబడులు దక్కక రైతులు నష్టాల ఊబిలో కూరుకుపోయారు. అయినా రైతులపై ప్రభుత్వానికి జాలి లేదు. 2014, 2015 సంవత్సరాల్లో తీవ్ర వర్షాభావ పరిస్థితులు ఏర్పడి పంటలు పూర్తిగా దెబ్బతిన్నా ఇన్‌పుట్ సబ్సిడీ (పెట్టుబడి రాయితీ) అతీగతీ లేకుండా పోయింది. రెండేళ్ల ఇన్‌పుట్ సబ్సిడీ పెండింగ్‌లో ఉన్నా అధికార తెలుగు దేశం ప్రజాప్రతినిధులు నోరుమెదపడం లేదు. 2014 కరువుకు సంబంధించి ఎనిమిదినెలల క్రితం ప్రభుత్వం ఇన్‌పుట్ సబ్సిడీని రైతుల ఖాతాలకు జమ చేసింది. కాని జిల్లా కరువు రైతులను పట్టించుకోకపోవ డంపై తీవ్ర అసంతృప్తి వ్యక్తమవుతోంది. 2014 కరువుకు పరిహారంగా రూ.73.24 కోట్లు, 2015 కరువుకు సంబంధించి రూ.310 కోట్లు ఇన్‌పుట్ సబ్సిడీ విడుదల కావాల్సిఉంది. మొత్తంగా జిల్లాకు రెండేళ్ల కరువుకు పరిహారంగా రూ.383 కోట్లు ఇన్‌పుట్ సబ్సిడీ విడుదల కావాల్సిఉంది.
  
 ఇన్‌పుట్ సబ్సిడీ విడుదలలో నిర్లక్ష్యం
  కరువుబారిన పడి అల్లాడుతున్న రైతులకు ఇన్‌పుట్ సబ్సిడీ విడుదలలో ప్రభుత్వం అంతులేని నిర్లక్ష్యాన్ని ప్రదర్శిస్తోంది. వెంటనే ఇన్‌పుట్ సబ్సిడీ విడుదల చేయాలని రైతు సంఘాల నేతలు ప్రభుత్వాన్ని కోరుతున్నా పట్టించుకున్న దాఖలాలు లేవు. ఇప్పటికైన ప్రభుత్వం చొరువ తీసుకోని 2014, 2015 కరువుకు సంబంధించి ఇన్‌పుట్ సబ్సిడీని వెంటనే విడుదల చేయాలని రైతులు కోరుతున్నారు.
  
  82058 మంది రైతుల ఎదురుచూపు
  2014లో కర్నూలు, ఆదోని డివిజన్‌లో తీవ్ర కరువు ఏర్పడింది. కాని ప్రభుత్వం కేవలం 20 మండలాలను కరువు ప్రాంతాలుగా గుర్తించింది. జిల్లా అధికారులు 15 మండలాల్లో కరువు లేదని తేల్చారు. కేవలం ఆలూరు, దేవనకొండ, పత్తికొండ, తుగ్గలి, చిప్పగిరి మండలాల్లో మాత్రమే కరువు ఉన్నట్లు నిర్ధారించారు. ఈ మండలాల్లో 82058 మంది రైతులు 75515.26 హెక్టార్లలో నష్టపోయారు. ఐదు మండలాలకు ఇన్‌పుట్ సబ్సిడీ కింద రూ.73.24 కోట్లు విడుదల కావాల్సిఉంది. 2014కరువుకు సంబంధించి కొన్ని నెలల క్రితమే అనంతపురం జిల్లా రైతులకు ఇన్‌పుట్ సబ్సిడీ విడుదల చేసింది. కర్నూలు జిల్లాకు మాత్రం ప్రభుత్వం మొండి చెయ్యి చూపుతోంది. జిల్లా అధికారులు 2014 డిసెంబరులోనే రైతుల బ్యాంకు ఖాతాలు, ఆధార్ నంబ ర్లతో సహా  అన్ని వివరాలు ప్రభుత్వానికి పంపినా ఇంతవరకు అతీగతీలేకుండా పోయింది.
  
  
  రూ.310 కోట్లు పరిహారం విడుదల ఎప్పుడో
  2014తో పోలిస్తే 2015లో తీవ్ర వర్షాభావ పరిస్థితులు ఏర్పడ్డాయి. జిల్లాలోని 54 మండలాలు కరువుబారిన పడ్డాయి. పెట్టిన పెట్టుబడుల్లో 30శాతం కూడ దక్కలేదు. కాని ప్రభుత్వం 40 మండలాలను మాత్రమే కరువు ప్రాంతాలుగా ప్రకటించింది. జిల్లా మొత్తాన్ని కరువు ప్రాంతంగా ప్రకటించాలని జిల్లా యంత్రాంగం ప్రభుత్వానికి నివేదిక పంపినా పట్టించుకోలేదు. కరువు ప్రాంతాలు ప్రకటించిన 40 మండలాల్లో 3,48,118 మంది రైతులు 2,55,960.71 హెక్టార్లలో పంటలు పూర్తిగా కోల్పోయారు. ఇందుకు ఇన్‌పుట్ సబ్సిడీ కింద రూ.310 కోట్లు విడుదల చేయాల్సిఉంది. గత ఏడాది నవంబర్‌లోనే ఇన్‌పుట్ సబ్సిడీ కోసం జిల్లా అధికారులు నివేదిక పంపినా ప్రభుత్వం నుంచి స్పందన కరువైంది.


 ♦ సర్కార్‌పై సీఎల్పీ ఉపనేత జీవన్‌రెడ్డి ధ్వజం
 ♦ భారం తప్పించుకునేందుకే ‘కరువు’ ప్రకటించలేదు
 ♦ గత సెప్టెంబర్‌లో హెచ్చరించినా పెడచెవిన పెట్టింది
 ♦ ఇన్‌పుట్ సబ్సిడీ ఇవ్వాలి.. రుణమాఫీ ఏకమొత్తంగా అందజేయాలి
 ♦ తాగునీటికి జిల్లాకు రూ.100 కోట్లు విడుదల చేయాలి
 సాక్షి, హైదరాబాద్: కరువు మండలాల ప్రకటనలో జాప్యం, చాలా మండలాలను గాలికొదిలేయటంతో ఇప్పుడు రైతులు మూల్యం చెల్లించుకోవాల్సి వస్తోందని శాసనసభలో కాంగ్రెస్ పార్టీ ఆరోపించింది. కొన్ని కరువు ప్రభావిత రాష్ట్రాలు సకాలంలో నివేదికలు పంపి కేంద్రంపై ఒత్తిడి చేసి ఎక్కువ నిధులు వచ్చేలా చూసుకుంటే మన రాష్ట్ర ప్రభుత్వం సకాలంలో నివేదికలు పంపక అతి తక్కువ సాయం రావటానికి కారణమైందని పేర్కొంది. కరువుపై చర్చలో భాగంగా బుధవారం తొలుత ఆ పార్టీ నేత జీవన్‌రెడ్డి అసెంబ్లీలో మాట్లాడారు. గత ఏడాది సెప్టెంబర్‌లో శాసనసభలో తాము హెచ్చరించినా పెడచెవిన పెట్టిన ప్రభుత్వం నివేదికలు వెంటనే సిద్ధం చేయలేదన్నారు.
 డిసెంబర్ తర్వాత అరకొర వివరాలతో తీరిగ్గా పంపేసరికి జరగాల్సిన నష్టం జరిగిపోయిందన్నారు. మహారాష్ట్ర రూ.3,050 కోట్లు, మధ్యప్రదేశ్ రూ.2,030 కోట్లు, కర్ణాటక రూ.1,540 కోట్లు, పశ్చిమబెంగాల్ రూ.1,104 కోట్లు, ఛత్తీస్‌గఢ్ రూ.925 కోట్లు తెచ్చుకుంటే మనకు కేవలం రూ.790 కోట్లు ప్రకటించారని ఆవేదన వ్యక్తం చేశారు. కేంద్రం ఇక ఇచ్చే అవకాశం లేనందున ఇన్‌పుట్ సబ్సిడీని రాష్ట్ర ప్రభుత్వం వెంటనే రైతులకు అందజేయాలని డిమాండ్ చేశారు. రైతులు సాగునీటికి, పశుగ్రాసం, పశువుల తాగునీటికి తీవ్ర ఇబ్బందులకు గురవుతున్నందున రుణమాఫీ ఏకమొత్తంగా అందజేయాలని, ఇందుకు అవసరమైన రూ.4,250 కోట్లను వెంటనే విడుదల చేయాలని డిమాండ్ చేశారు.
 తాగునీటికి తీవ్ర ఇబ్బంది ఉన్నందున జిల్లాకు రూ.100 కోట్లు చొప్పున, పశువుల తాగునీటికి జిల్లాకు రూ.10 కోట్లు చొప్పున విడుదల చేసి ఆదుకోవాలన్నారు. ఉపాధి హామీ నిధులు దారిమళ్లించి మూడు నెలలుగా కూలీ మొత్తం ఇవ్వటం లేదన్నారు. ఉపాధి హామీ పథకం కింద వంద రోజుల పనిదినాల పరిమితిని తొలగించాలని, ఉద్యోగులకు 43 శాతం ఫిట్‌మెంట్ ఇవ్వటం స్వాగతిస్తున్నా రైతులేం పాపం చేశారని ప్రశ్నించారు. వారికి వచ్చే పంటకాలం నాటికి సరిపోయేలా ఆరు నెలలపాటు నెలకు రూ.5 వేలు చొప్పున కరువు భత్యం ఇవ్వాలని కోరారు. కేంద్రం మార్గదర్శకాల ప్రకారం కొన్ని జిల్లాల కలెక్టర్లు రాష్ట్ర ప్రభుత్వానికి నివేదిక ఇచ్చినా వాటిల్లో చాలా మండలాలను ప్రభుత్వం పట్టించుకోలేదన్నారు. ఎస్సారెస్పీలో నీళ్లు లేకున్నా నికర జలాలున్నాయని 19 మండలాలను కరువు మండలాలుగా గుర్తించలేదని ఆరోపించారు.
 ఇన్‌పుట్ సబ్సిడీ అంటే పంట నష్టపరిహారం కాదు
 కరువు మండలాల ప్రకటన తర్వాత ఇచ్చే ఇన్‌పుట్ సబ్సిడీ అంటే పంట నష్టపరిహారం కాదని మంత్రి పోచారం శ్రీనివాస్ రెడ్డి అన్నారు. వచ్చే పంట కోసం ఇచ్చే ముందస్తు రాయితీ అని, నష్టపోయిన ప్రతి రైతుకు మే నాటికి ఇన్‌పుట్ సబ్సిడీ నయాపైసా సహా ఇస్తామని చెప్పారు. వేరే రాష్ట్రాలకు కేంద్రం ఎక్కువ నిధులు ప్రకటించినా కంటింజెన్సీ మొత్తంగా కొంతే అందజేసిన విషయాన్ని గుర్తించాలని కోరారు.


 ♦ ఇన్‌పుట్ సబ్సిడీ విడుదలపై మీనమేషాలు
 ♦ కరువు జిల్లాగా ప్రకటించినప్పటికీ
 ♦ సాయంపై దాటవేత తక్షణ సాయం చేస్తే
 ♦ ఖరీఫ్ అవసరాలకు ఉండవని భావన
 ♦ మే, జూన్‌లోనే రాయితీ నిధులొచ్చే అవకాశం
 మునుపెన్నడూలేని విధంగా జిల్లాలో కరువు కరాళ నృత్యం చేస్తోంది. పంటల్లేక అన్నదాతలు వలసబాట పడుతున్నారు. ఈ నేపథ్యంలో కొన్నాళ్ల క్రితం కేంద్ర కరువు బృందం పర్యటించి జిల్లాలో పరిస్థితులపై ఆందోళన వ్యక్తం చేసింది. గత ఖరీఫ్‌లో జరిగిన భారీ నష్టానికి సాయం చేస్తామంటూ భరోసా ఇచ్చింది. అతిత్వరలోనే తమ ఖాతాల్లో ఇన్‌పుట్ సబ్సిడీ పడుతుందని భావించిన రైతాంగానికి తీవ్ర నిరాశే ఎదురైంది. వీటిని ఇప్పట్లో విడుదలచేసే అవకాశం లేదని, మే, జూన్ వరకు ఆగాల్సిఉంటుందనే ప్రభుత్వ సంకేతాలు రైతులను ఉక్కిరిబిక్కిరి చేస్తున్నాయి.
  సాక్షి, రంగారెడ్డి జిల్లా ప్రతినిధి: అడుగంటిన జలాలు.. పశుగ్రాసం కొరత, కబేలాకు తరలుతున్న పశువులను చూసి బావురుమంటున్న అన్నదాతలకు అపన్నహస్తం అందించాల్సిన ప్రభుత్వం.. నిర్లిప్త వైఖరిని అవలంబిస్తోంది. ఇప్పటికిప్పుడు పంట రాయితీ (ఇన్‌పుట్ సబ్సిడీ)ని అందజేస్తే ఖరీఫ్ సీజన్‌లో అవి కరిగిపోతాయని భా వించి ఉద్దేశపూర్వకంగా నిధుల విడుదలలో జా ప్యం చేస్తున్నదని తెలుస్తోంది. ఈ మేరకు జిల్లా యంత్రాంగానికి కూడా సంకేతాలు పంపింది. కరువు నిధుల కోసం ఒత్తిడి చేయవద్దని మరికొన్నాళ్లు వేచిచూడాల్సిందేనని తేల్చిచెప్పింది. దీంతో కరువుకోరల్లో చిక్కుకున్న రైతాంగానికి క ష్టాలు తప్పేలా లేవు.
  కరువు దరువు
 గత ఖరీఫ్‌లో సాధారణ వర్షపాతం కూడా న మోదు కాకపోవడంతో దారుణంగా పంటలు దె బ్బతిన్నాయి. జిల్లావ్యాప్తంగా 1,00,931.72 హెక్టార్ల విస్తీర్ణంలోని పంటలు తుడుచుకు పెట్టుకుపోయిన ట్లు జిల్లా వ్యవసాయశాఖ లెక్క తేల్చింది. ఈ మేరకు 2,03,275 మంది రైతులు నష్టపోయారని, పంటనష్టం రూ.73.33 కోట్ల మే ర జరిగిందని అంచనా వేసింది. ఇదే నివేదికను మూడు నెలల క్రితం జిల్లాలో పర్యటించిన కేంద్ర కరువు బృందానికి జిల్లాయంత్రాంగం సమర్పిం చింది.
 ఇబ్రహీంపట్నం, రాజేంద్రనగర్, పరిగి, చేవెళ్ల, వికారాబాద్ నియోజకవర్గాల్లో సుడిగాలి పర్యటనలు సాగించిన ప్రతినిధి బృందం కరువు పరిస్థితులను చూసి చలించిపోయింది. వేగంగా నివేదికను కేంద్ర ప్రభుత్వానికి సమర్పిస్తామని,తక్షణ సాయం అందేలా చూస్తామని భరోసా ఇచ్చింది. దీంతో ఊరటచెందిన రైతులు నేడో, రేపో ఇన్‌పుట్ సబ్సిడీ డబ్బులు తమ ఖాతాల్లో పడతాయని ఆశించారు. అయితే బృందం కేంద్రానికి నివేదిక సమర్పించడంలో జాప్యం ప్రదర్శించింది.
 కరువు పరిస్థితులను క్షుణ్ణంగా పరిశీలించిన కేంద్ర సర్కారు కూడా నిధుల విడుదలకు సానుకూలంగానే స్పందించిం ది. అయితే, ఈ నిధులను ఇప్పటికిప్పుడు ఇస్తే ఖర్చయిపోతాయని, ఖరీఫ్ అవసరాలకు వాడుకునేలా మే, జూన్‌లో ఇస్తే ఎలా ఉంటుందనే దిశగా ఆలోచన చేస్తోంది. ఈ సంకేతాలను అధికారులకు పంపింది. దీంతో ఇన్‌పుట్ సబ్సిడీ కోసం మరికొన్నాళ్లు నిరీక్షించాల్సిన పరిస్థితి ఏర్పడింది.


 లక్ష్యం 9 వేల కోట్లు.. బ్యాంకులిచ్చింది 2 వేల కోట్లు
 ♦ కాడి పడేయడంతో గణనీయంగా తగ్గిపోయిన సాగు విస్తీర్ణం
 ♦ రుణాలందక రైతుల తిప్పలు.. పట్టించుకోని ప్రభుత్వం
 ♦ కరువు సాయంపైనా మీనమేషాలు
 ♦ ‘మాఫీ’ సొమ్ము అందకే రుణాలివ్వడం లేదంటున్న బ్యాంకులు
  
  సాక్షి, హైదరాబాద్: ఖరీఫ్‌ను కరువు మింగింది.. వేసిన పంటలు వేసినట్టే మట్టిపాలయ్యాయి.. నష్టాలతో అన్నదాతలు అప్పుల ఊబిలో కూరుకుపోయారు.. కనీసం రబీలోనైనా గట్టెక్కుదామనుకున్న వారి ఆశలు అడియాసలవుతున్నాయి! రైతులకు ఉదారంగా రుణాలిచ్చి ఆదుకోవాల్సిన బ్యాంకులు చేతులెత్తేశాయి. రుణాలిప్పించడంలో ప్రభుత్వం విఫలమైంది. రబీలో రైతులకు బ్యాంకుల ద్వారా రూ.9,707 కోట్ల రుణాలివ్వాలని లక్ష్యంగా పెట్టుకున్నా.. ఇప్పటివరకు కేవలం రూ.2 వేల కోట్లే ఇచ్చారు. దీంతో అన్నదాత కాడి కిందపడేశాడు. ఫలితంగా సాగు విస్తీర్ణం భారీగా పడిపోయింది. రుణమాఫీ సొమ్మును ప్రభుత్వం విడతల వారీగా ఇస్తుండడం వల్లే లక్ష్యం మేరకు రుణాలు అందించలేకపోతున్నామని బ్యాంకులు చెబుతున్నాయి.
 
  రబీలో మరీ దా‘రుణం’
  రాష్ట్రంలో 35.82 లక్షల మంది రుణమాఫీ లబ్ధిదారులున్నారు. అందులో 2015-16 ఖరీఫ్‌లో 23.75 లక్షల మందికి మాత్రమే కొత్త రుణాలు మంజూరయ్యాయి. మిగిలిన 12.07 లక్షల మంది రైతులకు కొత్త రుణాలివ్వడానికి బ్యాంకులు నిరాకరించాయి. ఖరీఫ్ పంట రుణ లక్ష్యం రూ.18,032 కోట్లు కాగా... బ్యాంకులు రూ. 14 వేల కోట్లే ఇచ్చి చేతులు దులుపుకున్నాయి. అలాగే రబీ పంట రుణ లక్ష్యం రూ.9,707 కోట్లు కాగా... ఇప్పటివరకు బ్యాంకులు కేవలం రూ.2 వేల కోట్ల వరకే ఇచ్చాయి. అంటే.. లక్ష్యంలో కేవలం 20 శాతం అన్నమాట! సుమారు లక్షన్నర మంది రైతులు మాత్రమే రబీలో రుణాలు అందుకున్నట్లు సమాచారం. అదీగాక అనేక చోట్ల ప్రభుత్వం చెల్లించని రుణమాఫీ సొమ్మును బ్యాంకులు రైతుల నుంచి రాబడుతున్నాయి. మరికొందరి నుంచి ముక్కుపిండి మరీ వడ్డీ వసూలు చేస్తూ ఇష్టారాజ్యంగా వ్యవహరిస్తున్నాయి.
 
  రుణమాఫీపై సర్కారు వైఖరి వల్లే..
  రాష్ట్ర ప్రభుత్వం రూ.లక్షలోపు పంట రుణాలకు మాఫీ ప్రకటించింది. ఆ ప్రకారం రూ. 17 వేల కోట్లు రుణాలను మాఫీ చేయాలని నిర్ణయిం చింది. 35.82 లక్షల రైతు ఖాతాలను గుర్తిం చింది. మొదటి విడతగా రూ. 4,230 కోట్లు మాఫీ ప్రకటించింది. ఆ మొత్తం జిల్లాల్లోని బ్యాంకులకు అందజేసింది. ఆ సొమ్ములో ఇప్పటివరకు రూ.4,086 కోట్లు రైతుల ఖాతాలో మాఫీ చేసినట్లు బ్యాంకులు తెలిపాయి. ఆ తర్వాత రెండో విడత రుణమాఫీ కింద ప్రభుత్వం 2 విడతలుగా మరో రూ.4,086 కోట్లు విడుదల చేసింది. ఇలా విడతల వారీగా సొమ్ము విడుదల చేస్తుండటంతో బ్యాంకులు రైతులకు కొత్త రుణాలు ఇవ్వడానికి కొర్రీలు పెడుతున్నాయి. కొందరు రైతుల నుంచి మిగిలిన సొమ్మును వసూలు చేస్తూనే ఉన్నాయి. దీనిపై దుమారం రేగినా ప్రభుత్వం స్పందించడం లేదు. మిగిలిన రెండు విడతల రుణమాఫీ సొమ్మును ఒకేసారి విడుదల చేస్తామని చెప్పినా.. ఆ తర్వాత అది సాధ్యం కాదంటూ చేతులెత్తేసింది. దీంతో రుణాలివ్వడానికి బ్యాంకులు  రుణాలివ్వబోమని రైతులకు తెగేసి చెబుతున్నాయి. మరికొన్ని బ్యాంకులైతే ఇప్పటికీ రూ.లక్ష రూపాయల లోపు రుణాలకు వడ్డీ వసూలు చేస్తున్నాయి.
 
  రబీ సాగు సగమే..:తెలంగాణలో రబీ సాగు విస్తీర్ణం ఇప్పటికీ 54% మించలేదు. రబీలో సాధారణంగా 31.32 లక్షల ఎకరాల్లో సాగు జరగాల్సి ఉండగా.. 16.87 లక్షల ఎకరాల్లో (54%) మాత్రమే సాగు జరిగింది. అందులో సాధారణంగా 16.12 లక్షల ఎకరాల్లో జరగాల్సిన వరిసాగు 5.57 లక్షల ఎకరాల్లోనే సాగింది. దీంతో రైతులు ప్రత్యామ్నాయ పంటల వైపు మొగ్గు చూపుతున్నా బ్యాంకులు ఆర్థికంగా సహకరించడం లేదు.
  
  జాడ లేని ఇన్‌పుట్ సబ్సిడీ
  ఒకవైపు బ్యాంకులు రుణాలివ్వక రైతులను ఇబ్బందికి గురిచేస్తుంటే... మరోవైపు ప్రభుత్వం కూడా పట్టనట్టుగా వ్యవహరిస్తోంది. రాష్ట్రంలో 231 మండలాలను కరువు ప్రాంతాలుగా ప్రకటించిన ప్రభుత్వం ఇప్పటికీ పంట నష్టపోయిన రైతులకు ఇన్‌పుట్ సబ్సిడీ చెల్లించలేదు. కరువు సాయంగా రాష్ట్రానికి రూ.791 కోట్లు మంజూరు చేస్తున్నట్లు కేంద్రం ప్రకటిం చింది. కానీ ఇప్పటికీ ఆ నిధులు విడుదల చేయలేదు. దీంతో ఇన్‌పుట్ సబ్సిడీ ఊసెత్తకుండా రాష్ట్ర ప్రభుత్వం దాటవేస్తోంది. ఇప్పటికీ పంట నష్టపోయిన రైతుల జాబితాలను సిద్ధం చేయకుండా వ్యవసాయ శాఖ మీనమేషాలు లెక్కిస్తోంది. సగానికిపైగా జిల్లాల నుంచి ఈ జాబితాలు రాష్ట్ర ప్రభుత్వానికి అందలేదు. దీంతో ఇన్‌పుట్ సబ్సిడీ కోసం రైతులు ఎదురుచూసే పరిస్థితి నెలకొంది.


 కమలాపురం: వైఎస్సార్‌ జిల్లా లోని అన్ని మండలాలను తక్షణమే కరవు మండలాలుగా ప్రకటించాలని వైఎస్సార్‌సీపీ ఎమ్మెల్యే రవీంద్రనాథ్‌రెడ్డి డిమాండ్ చేశారు. శుక్రవారం జిల్లాలోని కమలాపురం మండలం గొల్లపల్లి గ్రామంలో వర్షాభావంతో దెబ్బతిన్న పంటలను ఆయన పరిశీలించారు.
  
 ఈ సందర్భంగా మాట్లాడుతూ.. పంటలు నష్టపోయిన రైతులకు తక్షణమే ఎకరానికి రూ.25 వేల చొప్పున ఇన్‌పుట్ సబ్సిడీ ఇవ్వాలని ప్రభుత్వాన్ని రవీంద్రనాథ్ రెడ్డి డిమాండ్ చేశారు.


 చిత్తూరు: ముఖ్యమంత్రి సొంత జిల్లా అయిన చిత్తూరులో కరువు మండలాల ఎంపిక గందరగోళంగా మారింది. ఈ విషయంలో ప్రభుత్వం డబుల్ గేమ్ ఆడుతూ దగా చేస్తోంది. కరువు ప్రకటిస్తే ఇన్‌పుట్ సబ్సిడీ ఇవ్వాల్సి వస్తుందని భావించిన ప్రభుత్వంకరువు మండలాలను కుదించాలని ఆదేశించింది. దీంతో జిల్లాలోని 61 మండలాల్లో కరువు ఉందని తేల్చిన వ్యవసాయ శాఖ నివేదికను బుట్టదాఖలు చేసి 39 మండలాల్లో మాత్రమే కరువు ఉందంటూ జిల్లా కలెక్టర్ కార్యాలయం ప్రభుత్వానికి కొత్త నివేదికను పంపింది. 
  
 ఈ ఏడాది  తీవ్ర వర్షాభావం వల్ల జిల్లాలో ఖరీఫ్ సీజన్‌లో పంటల సాగు తగ్గింది. ప్రధానంగా వేరుశనగ పూర్తిస్థాయిలో సాగుకు నోచుకోలేదు. వేరుశనగ సాధారణ సాగు విస్తీర్ణం 1,36,375 హెక్టార్లు, కాగా  ఖరీఫ్‌లో 1,12,633 హెక్టార్లలో మాత్రమే సాగైంది. ఇక  27,705 హెక్టార్లలో సాగుకావాల్సిన చెరుకు 22,062 హెక్టార్లలో మాత్రమే సాగు చేశారు. ఇక 15,365 హెక్టార్లలో సాగు కావాల్సిన వరి కేవలం 8,043 హెక్టార్లలో మాత్రమే సాగైంది. ఈ లెక్కన వర్షాభావంతో అన్ని పంటల సాగు విస్తీర్ణం  తగ్గింది. ఆ తరువాత జూలైలో వర్షాల జాడే లేదు. జూన్‌లో సాగైన వేరుశనగ పంట కొన్ని ప్రాంతాల్లో మినహా మిగిలిన ప్రాంతాల్లో పూర్తిగా ఎండిపోయి రైతులు తీవ్రం గా నష్టపోయారు. ఇదే సమయంలో జిల్లాలో 66 మండలాలకు గాను 61 మండలాలు కరువు పరిస్థితులు ఉన్నాయని వ్యవసాయశాఖ జిల్లా కలెక్టర్‌తో పాటు ప్రభుత్వానికి నివేదించింది. అయితే జిల్లా కలెక్టర్ కార్యాలయం తాజాగా ప్రభుత్వానికి పంపిన నివేదికలో కేవలం 38 మండలాల్లోనే మాత్రమే కరువుందని ప్రభుత్వానికి నివేదించింది. కరువు మండలాలను ప్రకటిస్తే  పశుగ్రాసం, సబ్సిడీ విత్తనాలు ఇవ్వాల్సి రావడంతోపాటు పంట నష్టపోయిన రైతులకు ఇన్‌పుట్ సబ్సిడీ ఇవ్వాల్సి ఉంటుంది.
 
 ఇది భారంగా భావించిన ప్రభుత్వం కరువు మండలాలను కుదించాలని జిల్లా అధికారులకు  ఉత్తర్వులు జారీ చేసినట్లు సమాచారం. దీంతో ఎక్కువ మండలాల్లో కరువు పరిస్థితులు ఉన్నా కొన్ని మండలాలను మాత్రమే జిల్లా అధికారులు కరువు మండలాల జాబితాలో చేర్చినట్లు తెలిసింది. జిల్లా రైతాంగం ఇప్పటికే వరుస కరువులతో కుదేలైంది. 2013లో 33 మండలాలలను కరువు కింద ప్రకటించారు. దీనికి సంబంధించి రూ.98 కోట్లు ఇన్‌పుట్ సబ్సిడీ ఇవ్వాల్సి ఉంది. 2014లో 42 మండలాలను కరువు ప్రాంతాలుగా ప్రభుత్వం ప్రకటించింది.  దీనికి సంబంధించి రూ.101 కోట్లు ఇన్‌పుట్ సబ్సిడీ ఇవ్వాల్సి ఉంది. కానీ  ఇప్పటి వరకూ ఇన్‌పుట్ సబ్సిడీ కింద ప్రభుత్వం రైతులకు రూపాయి కూడా ఇవ్వలేదు. ఇన్‌పుట్ సబ్సిడీ ఇస్తానని హామీ ఇచ్చిన చంద్రబాబు ఇప్పుడు ఆ ఊసే ఎత్తడం లేదు. ఈ పరిస్థితుల్లో ఈ ఏడాది  కరువు మండలాలను ప్రకటిస్తే  మూడేళ్లకు సంబంధించిన ఇన్‌పుట్ సబ్సిడీ రైతులకు ఇవ్వాల్సి వస్తుంది. ఇప్పటికే రైతులు చంద్రబాబు తీరుపై ఆగ్రహంతో ఉన్నారు.
  
  


 శాసనమండలిలో మంత్రి పోచారం ప్రకటన
 - రూ.1,500 కోట్ల వరకు ఇన్‌ఫుట్ సబ్సిడీ ఇస్తాం
 - రాష్ట్రంలో ఒక్కో రైతు కుటుంబానికి రూ. 93,500 అప్పు ఉంది
 - నిజాం చక్కెర ఫ్యాక్టరీని తెరిపించేందుకు అఖిలపక్షం నిర్వహిస్తాం
 - వ్యవసాయ అత్యవసర పరిస్థితిని ప్రకటించాలని కాంగ్రెస్ డిమాండ్
 సాక్షి, హైదరాబాద్: త్వరలో కరువు ప్రాంతాలను ప్రకటించి ప్రభుత్వమే ఇన్‌పుట్ సబ్సిడీగా రూ.1,500 కోట్ల మేరకు రైతుకు సాయంగా అందిస్తుందని వ్యవసాయశాఖ మంత్రి పోచారం శ్రీనివాస్‌రెడ్డి వెల్లడించారు. 200కు పైగా మండలాలను కరువు ప్రాంతాలుగా ప్రకటించే అవకాశం ఉందని చెప్పారు. శాసనమండలిలో గురువారం ఆయన రైతు ఆత్మహత్యలపై జరిగిన చర్చకు సమాధానం ఇచ్చారు. త్వరలో మిగిలిన సగం రుణమాఫీని ఏకమొత్తంగా చెల్లించేందుకు సర్కారు సిద్ధంగా ఉందని, చెల్లింపును వచ్చే ఏడాది వరకు సాగదీయబోమని స్పష్టంచేశారు. బ్యాంకుల్లో రుణం రెన్యువల్ చేసుకోని రైతుల డాక్యుమెంట్లను వెనక్కిచ్చే ఏర్పాట్లు చేస్తామని, వసూలు చేసిన వడ్డీని తిరిగి రైతులకిచ్చే ప్రక్రియ ప్రారంభమైందన్నారు.
 
 బోగస్ రుణాలు పొందిన వారిని ప్రోత్సహించవద్దని చెప్పారు. ‘700 మంది ఓటర్లున్న మా గ్రామంలోనే 500 మంది బినామీ పేర్లతో రుణాలు తీసుకున్నారు. అలాగే నా నియోజకవర్గంలో రూ. 9 కోట్ల రుణాలు బినామీల ఖాతాల్లోకి వెళ్లాయి’ అని పోచారం ఉదహరించారు. దేశంలో ఒక్కో రైతు కుటుంబానికి రూ. 47 వేల అప్పుంటే, తెలంగాణలో రూ. 93,500 అప్పు ఉందన్నారు. అసెంబ్లీ సమావేశాల సమయంలోనే నిజాం చక్కెర కర్మాగారాన్ని తెరిపించేందుకు అఖిలపక్ష సమావేశం నిర్వహిస్తామని తెలిపారు.
 
 నల్లబెల్లం విక్రయాలకు ఏర్పాట్లు చేస్తామన్నారు. త్వరలో వెయ్యి ఏఈవో పోస్టులకు నోటిఫికేషన్ ఇస్తామన్నారు. పశువుల వైద్యం కోసం 36 డివిజన్లలో శుక్రవారం నుంచి మొబైల్ వెటర్నరీ వ్యాన్లను ఏర్పాటు చేస్తామని చెప్పారు. 108, 104 మాదిరి ఇవి పనిచేస్తాయన్నారు. రైతులు తమ పశువుల అనారోగ్యంపై ఫోన్ చేసిన వెంటనే మొబైల్ వ్యాన్ సంబంధిత గ్రామానికి వెళ్తుందని పోచారం పేర్కొన్నారు.
  
 వెంటనే ఎందుకు స్పందించలేదు?
 రైతు ఆత్మహత్యలపై సర్కారు వెంటనే స్పందించలేదని మండలిలో ప్రతిపక్ష నాయకుడు షబ్బీర్ అలీ విమర్శించారు. రాజ్యాంగపరమైన సమస్య ఉత్పన్నమవుతుందన్న భయంతోనే సర్కారు ఇప్పుడు హడావుడి చేస్తోందే తప్ప.. రైతులపై ప్రేమతో కాదన్నారు. మొదట్లోనే భరోసా ఇచ్చి ఉంటే వెయ్యి మందికిపైగా రైతుల ఆత్మహత్యలు ఆగేవన్నారు. గత ఏడాది 337 మండలాల్లో లోటు వర్షపాతం ఉంటే, కేంద్రానికి కరువు మండలాల జాబితాను పంపడంలో ప్రభుత్వం విఫలమైందన్నారు. పెద్దగా కరువులేని ఆంధ్రప్రదేశ్ ప్రభుత్వం కరువు మండలాలను ప్రకటించి కేంద్రం నుంచి నిధులు తెచ్చుకుందని వివరించారు. ఈ పరిస్థితుత్లో రబీలో రైతుకు ప్యాకేజీ ప్రకటించి ఆదుకోవాలన్నారు.
 
 ప్రైవేటు అప్పులపై రెండు మూడేళ్లు మారటోరియం ప్రకటించాలన్నారు. ఎప్పటిలోగా రుణమాఫీ సొమ్ము చెల్లిస్తారో నిర్ణీత తేదీ ప్రకటించాలని డిమాండ్ చేశారు. వ్యవసాయ అత్యవసర పరిస్థితి ప్రకటించాలని కాంగ్రెస్ సభ్యుడు పొంగులేటి సుధాకర్‌రెడ్డి డిమాండ్ చేశారు. జిల్లాల్లో రైతు భరోసా యాత్ర నిర్వహించాలన్నారు. నూతన వ్యవసాయ విధానాన్ని ప్రకటించాలన్నారు. కేంద్రం నుంచి రూ. 10 వేల ప్రత్యేక ప్యాకేజీ సాధించాలన్నారు. ఈ చర్చలో బీజేపీ సభ్యుడు రామచందర్‌రావు కూడా మాట్లాడారు.


 కొలిక్కిరాని ఇన్‌పుట్ సబ్సిడీ జాబితా
 కాలయాపన చేస్తున్న అధికారులు
 ఆందోళనలో రైతన్నలు
  
  అనంతపురం అగ్రికల్చర్ :  ఇన్‌పుట్ సబ్సిడీ జాబితా తయారీలో అధికారులు తాత్సారం చేస్తున్నారు. ఖరీఫ్ 2014 లో దెబ్బతిన్న పంటలకు సంబంధించి పెట్టుబడిరాయితీ (ఇన్‌పుట్‌సబ్సిడీ) కింద పరిహారం విడుదలై రెండు నెలలు గడుస్తున్నా, జాబితా ఇప్పటికీ కొలిక్కిరావడం లేదు. 2014 ఖరీఫ్‌లో జిల్లా వ్యాప్తంగా 5.81 లక్షల హెక్టార్లలో పంటలు దెబ్బతినగా, నష్టపోయిన 5.79 లక్షల మంది రైతులకు ఈ సంవత్సరం జూలై 22న ప్రభుత్వం రూ.567.32 కోట్లు ఇన్‌పుట్ సబ్సిడీ విడుదల చేసింది. అయితే నకిలీ పాసుపుస్తకాలున్నాయంటూ కొన్ని రోజుల పాటు అధికారులు పాసుపుస్తకాల పరిశీలనలో మునిగిపోయారు.
 
 పరిశీలన పూర్తయ్యాక 7,529 మంది రైతులను ఇన్‌పుట్ సబ్సిడీకి అనర్హులుగా పరిగణించి వారికి ఇవ్వాల్సిన రూ.7.64 కోట్లు పరిహారాన్ని ఇప్పటికే వెనక్కు పంపారు. ఆ తర్వాత మండలాల వారీగా రైతులకు సంబంధించిన పూర్తి వివరాలను ఆన్‌లైన్‌లో నమోదు చేయడం ప్రారంభించారు. అయితే ఆన్‌లైన్‌లో నమోదు చేసే కార్యక్రమం కొలిక్కిరాక కుస్తీలు పడుతున్నారు. ఈ సారి ఆధార్ నంబరు తప్పనిసరి కావడంతో సమస్య ఏర్పడింది.
 
 ఇష్టారాజ్యంగా ఆధార్ నంబర్లు నమోదు చేయడంతో జాబితాలు తప్పులతడకగా మారాయి. 80 శాతం అప్‌లోడ్ పూర్తైదని, రెండు మూడు రోజుల్లో రైతుల బ్యాంకు ఖాతాల్లో పరిహారం జమ చేస్తామని వ్యవసాయశాఖ అధికారులు 15 రోజులుగా చెబుతూ వస్తున్నారు. కానీ... వాస్తవ పరిస్థితులు వేరుగా కనిపిస్తున్నాయి. జాబితా పూర్తి కావడానికి ఇంకా 10 నుంచి 15 రోజులు పట్టే అవకాశాలు ఉన్నాయి. ఈ లెక్కన దసరా పండుగకు కానీ రైతుకు పరిహారం అందే పరిస్థితి లేదు.
 
 ప్రస్తుతానికి రూ.460 కోట్ల పరిహారం ఇవ్వడానికి వీలుగా 4.75 లక్షల మంది రైతులకు సంబంధించి అన్ని వివరాలు సక్రమంగా ఉన్నట్లు జాబితా తయారు చేశారు. ఇంకా రూ.100 కోట్ల ఇన్‌పుట్ సబ్సిడీకి సంబంధించిన 97 వేల మంది రైతుల వివరాలు జత కావడం లేదు. ఇది కొలిక్కిరావాలంటే తీవ్రం గా శ్రమించాల్సిన పరిస్థితి నెల కొంది. ఈ నేపథ్యంలో ఈ ఏడా ది జిల్లాకు విడుదలైన మొత్తం రూ.567 కోట్ల పరిహారంలో చివరికి రూ.70 నుంచి 80 కోట్లు పంపిణీ కాకుండా ప్రభుత్వానికి వెనక్కి వెళ్లే పరిస్థితులు స్పష్టం గా కనిపిస్తున్నాయి. ఈ నేపథ్యంలో అర్హులైన చాలామంది రైతులకు పరిహారం అందేది ప్రశ్నార్థకంగా మారింది.


 జగిత్యాల శాసనసభ్యుడు జీవన్‌రెడ్డి
  
  ధర్మారం : ప్రకృతి వైపరీత్యాలతో పంటలు నష్టపోయిన రైతులకు వెంటనే ఇన్‌పుట్ సబ్సిడీ అందించాలని జగిత్యాల ఎమ్మెల్యే తాటిపర్తి జీవన్‌రెడ్డి ప్రభుత్వాన్ని డిమాండ్ చేశారు. స్థానిక కాంగ్రెస్ పార్టీ కార్యాల యంలో ఆదివారం ఆయన విలేకరులతో మాట్లాడుతూ గత ఏప్రిల్‌లో పంటలు నష్టపోయిన రైతులకు ఇన్‌పుట్ సబ్సిడీ చెల్లించడానికి ప్రభుత్వం సర్వేలు చేయించినా ఇప్పటికీ నిధులు కేటాయించలదన్నారు. రెండేళ్లుగా వర్షాభావ పరిస్థితులతో రైతులు అప్పులపాలై ఆత్మహత్యలు చేసుకుంటే ప్రభుత్వ రైతుల్లో ఆత్మస్థైర్యం కల్పించకపోగా ప్రతిపక్షపార్టీలపై విమర్శలకే ప్రాధాన్యం మివ్వటం సిగ్గుచేటన్నారు.
 
 రైతు వ్యతి రేకి ఆంధ్రా ముఖ్యమంత్రి చంద్రబాబునాయుడు ఆత్మహత్య చేసుకున్న రైతులకు రూ.5లక్షల ఎక్స్‌గ్రేషియా చెల్లిస్తుండగా తెలంగాణలో కేసీఆర్ రైతులను పట్టించుకోకపోవటం విచారకరమన్నారు. రుణమాఫీతో రైతులకు ఎలాంటి ప్రయోజనం లేకపోగా బ్యాంకు రుణాలపై వడ్డీలు వసూలు చేయటంపై మండిపడ్డారు. ఇలాంటి పరిస్థితే 2004లో రాగా అప్పటి ముఖ్యమంత్రి వైఎస్.రాజశేఖరరెడ్డి రైతాంగాన్ని అన్ని విధాలుగా ఆదుకున్నాడని గుర్తు చేశా రు. కాంగ్రెస్ పార్టీ అధికారంలోకి వచ్చిన వెంటనే ఉచిత విద్యుత్, పెండింగ్ బిల్లు లు, అప్పటి వరకు రైతులపై ఉన్న కరెంటు కేసులను ఎత్తివేసిందని తెలిపారు.
 
 ఆత్మహత్యలు చేసుకున్న రైతు కుటుంబాలకు రూ.లక్షా 50వేలు అందించిన ఘనత వైఎస్‌దేనని చెప్పుకొచ్చారు. కరువు నుంచి బయటపడేందుకు మద్దతు ధర, గ్రామాల్లోనే ధాన్యం కొనుగోలు కేంద్రాలు ఏర్పా టు చేశారని చెప్పారు. దేశానికి అన్నం పెట్టే రైతన్నను ఆదుకోవాలని కోరుతే కేసీఆర్ మంత్రివర్గం ప్రతి విమర్శలకు దిగటం వారి దివాలకోరుతనానికి నిదర్శనమన్నా రు. రైతులు కరువుతో అల్లాడుతుంటే సీఎం కేసీఆర్ చైనా పర్యటనకు వెళ్లటం న్యాయమా అని ప్రశ్నించారు. సమావేశం లో మండల కాంగ్రెస్ పార్టీ అధ్యక్షుడు కాడె సూర్యనారాయణ, బ్లాక్-టూ అధ్యక్షుడు కోమటిరెడ్డి బుచ్చిరెడ్డి, కోరుకంటి స్వామి, జగిత్యాల మాజీ మున్సిపల్ చైర్మన్ గిరినాగభూషణం, నాయకులు కోమటిరెడ్డి సం జీవరెడ్డి, జగన్మోహన్‌రెడ్డి, వెల్గటూర్ సర్పంచ్ ఫోరం అధ్యక్షుడు రాంరెడ్డి, కృష్ణ తదితరులు పాల్గొన్నారు.


 పాత బకాయిలు కలిపి విడుదలకు వ్యవసాయశాఖ విన్నపం
 సాక్షి, హైదరాబాద్: భారీ వర్షాలు, వడగండ్లతో రాష్ట్రంలో 2010 నుంచి ఇప్పటివరకు వ్యవసాయ, ఉద్యానశాఖలకు జరిగిన నష్టానికి ఇన్‌పుట్ సబ్సిడీ కింద రైతులకు రూ. 147.77 కోట్లు విడుదల చేయాలని ఆర్థికశాఖకు వ్యవసాయశాఖ విన్నవించింది. జరిగిన నష్టం... ఇన్‌పుట్  సబ్సిడీకి సంబంధించి మంగళవారం ఆర్థికమంత్రి ఈటల రాజేందర్‌తో వ్యవసాయశాఖ మంత్రి పోచారం శ్రీనివాసరెడ్డి, ఆ శాఖ కార్యదర్శి సి.పార్థసారధి ప్రత్యేకంగా సమావేశం అయ్యారు.
 
 ఈ సందర్భంగా మంత్రి పోచారం ఇప్పటివరకు జరిగిన నష్టాన్ని ఆర్ధికమంత్రికి విన్నవించారు. 2010 నుంచి ఈ ఏడాది జూన్ వరకు భారీ వర్షాలు, వడగండ్లు, అకాల వర్షాలతో ఉద్యాన పంటలకు జరిగిన నష్టం కింద రూ. 86.56 కోట్ల ఇన్‌పుట్  సబ్సిడీ అందజేయాలని ఆయన కోరారు. అలాగే 2012 నుంచి ఈ ఏడాది వరకు వ్యవసాయ పంటలకు జరిగిన నష్టానికి రూ. 61.21 కోట్లు ఇన్‌పుట్ సబ్సిడీ అందజేయాలని కోరారు. అకాల వర్షాలతో 2014 ఫిబ్రవరి, మార్చి నెలల్లో కరీంనగర్, వరంగల్, రంగారెడ్డి జిల్లాల్లో జరిగిన పంటల నష్టానికి రూ. 23.90 కోట్లు కేటాయించాలని కోరారు.
 
 ఈ ఏడాది ఏప్రిల్‌లో అకాల వర్షాలతో జరిగిన నష్టానికి రూ. 21.92 కోట్లు విడుదల చేయాలన్నారు. 2013 ఫిబ్రవరి, మార్చి, మే నెలల్లో అకాల వర్షాలకు వరంగల్, మెదక్, రంగారెడ్డి, ఆదిలాబాద్, కరీంనగర్, మహబూబ్‌నగర్, నిజామాబాద్, ఖమ్మం, నల్లగొండ జిల్లాల్లో ఉద్యాన పంటలకు జరిగిన నష్టానికి రూ. 39.74 కోట్లు విడుదల చేయాలన్నారు. తమ విన్నపం మేరకు ఆర్థికశాఖ పచ్చజెండా ఊపిందని వ్యవసాయశాఖ అధికారులు తెలిపారు. ప్రస్తుతం రాష్ట్రంలో వర్షాభావం నేపథ్యంలో రైతులు ఇబ్బందులు పడుతున్నందున ఇన్‌పుట్ సబ్సిడీ సొమ్ము అందితే వారికి మేలు జరుగుతుందనే ఉద్దేశంతో ఆగమేఘాల మీద ఆర్థికశాఖకు ఈ విన్నపం చేశామన్నారు.


 - బీమా, రాయితీల విడుదలలో జాప్యం
 - సాగునీటి ప్రాజెక్టులు పూర్తి చేయాలి
 - రుణమాఫీ కొందరికే
 - బీకేఎస్ నాయకులు
 కడప సెవెన్‌రోడ్స్ : జిల్లా రైతులకు పెండింగ్‌లో ఉన్న పంటల బీమా, ఇన్‌ఫుట్ సబ్సిడీ తక్షణమే విడుదల చేయాలని భారతీయ కిసాన్ సంఘ్ రాష్ట్ర ఉపాధ్యక్షుడు నర్రెడ్డి చంద్రశేఖర్‌రెడ్డి, రాష్ట్ర కార్యదర్శి బీసీ ఓబుల్‌రెడ్డి డిమాండ్ చేశారు. రైతు సమస్యలపై శుక్రవారం బీకేఎస్ ఆధ్వర్యంలో కలెక్టరేట్ ఎదుట ధర్నా నిర్వహించారు. ఈ సందర్భంగా వారు మాట్లాడుతూ 2012-13లో శనగ పంటకు ప్రకటించిన బీమాను వెంటనే రైతుల ఖాతాలకు జమ చేయాలన్నారు. పొద్దుతిరుగుడు పంటకు సంబంధించిన బీమా కూడా ఇవ్వాలని పేర్కొన్నారు. 2011 నుంచి 2015 వరకు రైతులకు ఇవ్వాల్సిన అన్ని రాయితీలను విడుదల చేయాలన్నారు. 60 ఏళ్లు దాటిన ప్రతి రైతుకు నెలకు రూ.3 వేలు చొప్పున పెన్షన్ మంజూరు చేయాలని కోరారు. జిల్లాలో పెండింగ్‌లో ఉన్న సాగునీటి ప్రాజెక్టులను సత్వరమే పూర్తి చేయాలన్నారు.
  
 ధర్నాకు ఎమ్మెల్యేల మద్దతు: ప్రొద్దుటూరు ఎమ్మెల్యే రాచమల్లు ప్రసాద్‌రెడ్డి ధర్నాకు మద్దతు ప్రకటించారు. ఈ సందర్భంగా ఆయన మాట్లాడుతూ ముఖ్యమంత్రి రైతులకు రుణమాఫీ ప్రకటించినప్పటికీ అది అస్తవ్యస్తంగా ఉందన్నారు. కొందరికి మాఫీ కావడం, మరికొందరికి కాకపోవడం వల్ల సమస్యలు ఏర్పడ్డాయన్నారు. ఎన్నికలకు ముందు ఇచ్చిన హామీ మేరకు రైతులకు అన్ని రకాల రుణాలను మాఫీ చేయాలని డిమాండ్ చేశారు. రైతు సమస్యల పరిష్కారం కోసం జరిగే ఆందోళనల్లో తమ పార్టీ ముందుభాగాన ఉంటుందని చెప్పారు.
  
 ఎమ్మెల్యే ఎస్‌బీ అంజాద్‌బాషా మాట్లాడుతూ రైతుల పరిస్థితి రోజురోజుకు అధ్వానంగా మారుతోందన్నారు. బీమా, పెట్టుబడి రాయితీలు, విత్తనా లు, రుణాలు, ఎరువులు వంటి అనేక సమస్యల మధ్య కొట్టుమిట్టాడుతున్నారని వివరించారు. దేశానికి అన్నం పెడుతున్న రైతులను ఆదుకోవాల్సిన బాధ్యత ప్రభుత్వంపై ఉందన్నారు. కార్యక్రమంలో బీకేఎస్ జిల్లా అధ్యక్షు డు సి.మాధవరెడ్డి, నాయకులు రామకృష్ణారెడ్డి, ఎం.జనార్దన్‌రెడ్డి, వైఎస్‌ఆర్‌సీపీ రైతు విభాగం జిల్లా అధ్యక్షుడు సంబటూరు ప్రసాద్‌రెడ్డి పాల్గొన్నారు.


 అమలుకాని కేబినెట్ నిర్ణయం..
 సాక్షి, హైదరాబాద్: తొలకరి పలకరించింది. మళ్లీ ఖరీఫ్ సీజన్ రానే వచ్చింది. కోటి ఆశలతో పంటల సాగుకు సిద్ధమవుతున్న రైతులకు పెట్టుబడులను సమకూర్చుకోవడం సవాలుగా మారింది. రుణమాఫీ విషయంలో సర్కారు మాటతప్పడంతో గత ఖరీఫ్‌లోనే బ్యాంకులు అప్పులు ఇవ్వలేదు. ప్రైవేటు వడ్డీ వ్యాపారులను ఆశ్రయించి ఎక్కువ వడ్డీకి అప్పులు చేసి మరీ పంటలు సాగు చేసినా గతేడాది ఆశించిన ఫలితం రాలేదు.
 
 ఇలా పంటలు నష్టపోయిన రైతులకు ఇన్‌పుట్ సబ్సిడీ అందించి వచ్చే ఖరీఫ్ సాగుకు పెట్టుబడుల సమస్య లేకుండా చూస్తామని రాష్ట్రప్రభుత్వం చెప్పింది. ఈ మేరకు రూ.1,067.77 కోట్లను ఇన్‌పుట్ సబ్సిడీగా తక్షణమే అందిస్తామంటూ ఏప్రిల్ 22న హామీ ఇచ్చింది. కానీ ఇంతవరకూ ఒక్క పైసా మంజూరు కాలేదు. మళ్లీ ఖరీఫ్ వచ్చేసింది.   సాగుకు పెట్టుబడులు సమకూర్చుకోవడం పెనుసవాలుగా మారింది. దీంతో పల్లెల్లో రైతులు దిక్కుతోచని స్థితిలో పడ్డారు.


 (సాక్షి ప్రతినిధి, అనంతపురం) : పచ్చి మోసం. కరువు బారిన పడిన రైతన్నకు దన్నుగా ఉండాల్సిన ప్రభుత్వం వారిని నిలువునా వంచించింది. ఇన్‌పుట్ సబ్సిడీ విడుదలలో తీవ్ర అన్యాయం చేసింది. 2013-14 ఆర్థిక సంవత్సరానికి సంబంధించిన పరిహారం ఊసే ఎత్తకుండా.. గత ఏడాది పంట నష్టానికి మాత్రమే విడుదల చేస్తామని ప్రకటించింది. 2013-14లో కరువు దెబ్బకు జిల్లాలో సాగు చేసిన పంటలన్నీ దెబ్బతిన్నాయి. వేరుశనగతో పాటు ఇతర పంటలు ఎండిపోయాయి. జిల్లాలో పంటల నష్టాన్ని అంచనా వేసిన వ్యవసాయాధికారులు ఇన్‌పుట్ సబ్సిడీకి కోసం ప్రభుత్వానికి నివేదికలు పంపారు. అప్పటి జిల్లా ప్రజాప్రతినిధులు కూడా ప్రభుత్వంపై ఒత్తిడి తెచ్చారు.
  
  దీంతో నాటి ప్రభుత్వం 6,28,289 మంది రైతులకు రూ.643 కోట్ల ఇన్‌పుట్ సబ్సిడీని మంజూరు చేసింది. సాధారణంగా ఇన్‌పుట్ సబ్సిడీ మొత్తంలో 50 శాతం కేంద్ర ప్రభుత్వం, తక్కిన 50 శాతం రాష్ట్ర ప్రభుత్వం భరిస్తాయి. అందులోనూ వేరుశనగ పంటకు 68 శాతం నష్టాన్ని కేంద్రం భరిస్తుంది. మన జిల్లాకే కాదు.. రాష్ట్రవ్యాప్తంగా అన్ని జిల్లాలకు కేంద్రం ఇలాగే నిధులు విడుదల చేస్తుంది. జిల్లాలో ఏటా వేరుశనగ అత్యధికంగా సాగవుతోంది. పంటనష్టపరిహారం నివేదికల్లో కూడా వేరుశనగదే అగ్రస్థానం. ఈ పంటకు వాటిల్లే నష్టం 90 శాతానికిపైగా ఉంటోంది. అంటే కేంద్ర ప్రభుత్వం వాటాగా మన జిల్లాకు 68 శాతం నిధులు ఇన్‌పుట్ సబ్సిడీ కింద విడుదలవుతుంటాయి.
  
  ఈ లెక్కన 2013-14లో మన జిల్లా కోసం కేంద్రం దాదాపు రూ.448 కోట్లు విడుదల చేసినట్లు వ్యవసాయాధికారులు చెబుతున్నారు. అంటే చంద్రబాబు ప్రభుత్వం కేవలం రూ.195 కోట్లు విడుదల చేస్తే 2013-14 ఇన్‌పుట్‌సబ్సిడీని రైతులకు  పూర్తిగా చెల్లించొచ్చు. అయితే.. అప్పుడు తాము అధికారంలో లేము కాబట్టి ఇన్‌పుట్‌సబ్సిడీని ఇవ్వలేమని రాష్ట్ర ఆర్థికమంత్రి యనమల రామకృష్ణుడు ఇటీవల ముగిసిన బడ్జెట్ సమావేశాల కంటే ముందు వ్యవసాయాధికారులకు తేల్చి చెప్పారు. రాష్ట్ర ప్రభుత్వం తన వాటా డబ్బు ఇవ్వకపోయినా.. కనీసం కేంద్రం నుంచి వచ్చిన నిధులైనా జిల్లా రైతులకు విడుదల చేయాలి. ఇప్పటి వరకూ ఆ దిశగా చర్యలకు ఉపక్రమించలేదు. పైగా ఆ నిధులను ఇతర  అవసరాలకు ఖర్చు చేసినట్లు తెలుస్తోంది.
  
  బీరాలు పలికిన మంత్రులూ మౌనంగానే..
  2013 ఇన్‌పుట్ సబ్సిడీని విడుదల చేస్తామని ఎన్నికల ప్రచారంలో భాగంగా పెనుకొండ బహిరంగసభలో చంద్రబాబు ప్రకటించారు. అనంతపురం సభలోనూ ఇదే విషయాన్ని ఉద్ఘాటించారు. అధికారంలోకి వచ్చిన తర్వాత మంత్రులు పరిటాల సునీత, పల్లె రఘునాథరెడ్డి పలు సందర్భాల్లో ఇన్‌పుట్ సబ్సిడీ కచ్చితంగా విడుదల చేయిస్తామని, అది మా బాధ్యత అని ప్రకటించారు. ఇప్పుడు రాష్ట్ర ప్రభుత్వ వాటా పక్కనపెడితే కేంద్రం నుంచి వచ్చిన నిధులు కూడా  విడుదల చేయలేదు. అయినప్పటికీ  జిల్లా మంత్రులు, అధికారపార్టీ ఎమ్మెల్యేలు స్పందించడం లేదు. దీన్నిబట్టే వారికి  రైతుల పట్ల ఏ మేరకు  చిత్తశుద్ధి ఉంటో ఇట్టే తెలుస్తోంది.
  
  2014-15 ఇన్‌పుట్‌సబ్సిడీ మంజూరులోనూ మాట తప్పిన చంద్రబాబు
  2014-15 ఇన్‌పుట్‌సబ్సిడీ మంజూరులోనూ చంద్రబాబు ప్రభుత్వం మాట తప్పింది. ఎన్నికల ప్రచారంలో భాగంగా చంద్రబాబు ఇన్‌పుట్ సబ్సిడీ పెంపుపై ఇచ్చిన హామీలు నెరవేర్చలేదు. అప్పట్లో ఆయన.. ‘ప్రస్తుత ప్రభుత్వం హెక్టారుకు రూ.10 వేల పరిహారం మాత్రమే ఇస్తోంది. మేము అధికారంలోకి వస్తే హెక్టారుకు రూ.25 వేలు ఇస్తామ’ని ప్రకటించారు. కానీ.. ఇప్పుడు హెక్టారుకు రూ.15వేలతోనే సరిపెట్టారు.
  


 - ఇన్‌పుట్ సబ్సిడీతో పాటు అన్ని రాయితీలు ఇవ్వాలి
 - లోకసభలో రాజంపేట ఎంపీ మిథున్‌రెడ్డి
 సాక్షి ప్రతినిధి, తిరుపతి: అన్నదాతలను ఆదుకోవాలని రాజంపేట పార్లమెంట్ సభ్యుడు పెద్దిరెడ్డి మిథున్‌రెడ్డి లోకసభలో సోమవారం గళమెత్తారు. రైతు సమస్యలపై జరిగిన చర్చలో ఆయన పాల్గొని ప్రధానంగా అన్నదాతల సమస్యలను కళ్లకు కట్టినట్లు వివరించారు. రాష్ట్రంలో అన్నదాతలు తీవ్ర ఇబ్బందుల్లో ఉన్నారని వివరించారు.
 
 ముఖ్యంగా ప్రభుత్వం రైతులకు ఎంఎస్ స్వామినాథన్ కమిటీ సూచించిన మేర కనీస మద్దతు ధర ఇవ్వాలని ప్రభుత్వాన్ని డిమాండ్ చేశారు. కృష్ణా డెల్టాలోని రైతులు కనీస మద్దతు ధర కంటే తక్కువ ధర *780కు ధాన్యం విక్రయిస్తున్నారన్నారు. హుదూద్ బాధితులను ఇంతవరకు ఆదుకోలేదని ఆయన సభ దృష్టికి తెచ్చారు. ఇప్పటికే రాష్ట్రంలో తీవ్ర వర్షాభావ పరిస్థితులు ఉన్నాయని, ముఖ్యంగా రాయలసీమ ప్రాంతంలో భూగర్భజలాలు అడుగంటిపోయాయన్నారు.
 
 దీంతో సుమారు 35 ఏళ్లకు పైబడిన మామిడి చెట్లు నిలువునా ఎండిపోయాయన్నారు. గోరుచుట్టుపై రోకటిపోటు అన్న చందంగా ఇటీవల కురిసిన అకాలవర్షం, వడగండ్ల వానకు పంటలు పూర్తిగా దెబ్బతిన్నాయని ఆవేదన వ్యక్తం చేశారు. అక్కడ 5 కిలోల వడగండ్లు పడిన విషయాన్ని సభ దృష్టికి  తెచ్చారు.
 
 తీవ్ర సంక్షోభంలో ఉన్న అన్నదాతను అన్ని విధాలా ఆదుకోవాలని ప్రభుత్వాన్ని కోరారు. ముఖ్యంగా కనీస మద్దతు ధర ఇన్‌పుట్ సబ్సిడీ, క్రాప్ ఇన్సూరెన్స్‌తో పాటు అన్ని రాయితీలు ప్రభుత్వం రైతులకు అందించాలన్నారు. రైతులు తీసుకున్న పంట రుణాలను రద్దు చేయాలని ఆయన ప్రభుత్వం దృష్టికి తీసుకొచ్చారు.


 న్యూఢిల్లీ: ఈ ఆర్థిక సంవత్సరం తొలి త్రైమాసికంలో రాష్ట్ర విపత్తు నిర్వహణ నిధి(ఎస్డీఆర్ఎఫ్) నుంచి అన్ని రాష్ట్రాలకు తక్షణసాయం కింద రూ. 5270 కోట్లు విడుదల చేయాలని కేంద్ర ప్రభుత్వం రాష్ట్రాలను కోరింది. రాష్ట్ర విపత్తు నిర్వహణ నిధి నిబంధనల ప్రకారం రాష్ట్ర ప్రభుత్వాలు వర్షాభావ ప్రాంతాల్లోని రైతులకు ఒక్కో హెక్టారుకు రూ.4500, నీటిపారుదల పుష్కలంగా ఉన్న ప్రాంతాలకు రూ. 9000, శాశ్వత పంటలకు ఎకరానికి రూ. 12,000 ఇన్ పుట్ సబ్సిడీ ఇవ్వడానికి అవకాశం ఉంది. అయితే రాష్ట్ర విపత్తు నిర్వహణ నిధిలోని నిధులకంటే వ్యయం ఎక్కువయ్యే పక్షంలో కేంద్ర ప్రభుత్వానికి నివేదిక సమర్పించాలని కేంద్రం కోరింది. ప్రాథమిక నివేదిక ఆధారంగా రబీ సీజన్ లో వర్షాభావ పరిస్థితుల కారణంగా 13 రాష్ట్రాల్లోని 181 లక్షల హెక్టార్లలో పంట నష్టం సంభవించిందని కేంద్ర ప్రభుత్వం తెలిపింది.


 సాక్షి, చిత్తూరు: ప్రభుత్వ ప్రకటనలకు, చేతలకూ పొంతన లేకుండా పోతోంది. కరువు నేపధ్యంలో పంటలు నష్టపోయిన రైతులకు ఇన్‌పుట్ సబ్సిడీ ద్వారా సాయం అందిస్తామని పదే పదే చెప్పిన ప్రకటించిన ప్రభుత్వం ఇప్పుడు మాటమార్చింది. 2013లో నష్టపోయిన  రైతులకు ఇన్‌పుట్‌సబ్సిడీ ఇచ్చేది లేదంటూ తేల్చిచెప్పి అన్నదాతల నెత్తిన పిడుగువేసింది. ఈ విషయాన్ని  రాష్ట్ర వ్యవసాయశాఖమంత్రి పత్తిపాటి పుల్లారావు శుక్రవారం అసెంబ్లీ వేదికగా స్వయంగా  ప్రకటించడం తెలిసిందే.  
 
 కరువు రైతులను ప్రభుత్వం అన్ని విధాలా ఆదుకుంటుందని ఎన్నికల ముందు, ఆ తరువాత చంద్రబాబు రైతాంగానికి హామీలు గుప్పించారు. జిల్లాకు వచ్చిన ప్రతిసారీ గత ఏడాదికి సంబంధించి ఇన్‌పుట్ సబ్సిడీ చెల్లిస్తామంటూ మాటిచ్చారు. కానీ ప్రభుత్వం ఇన్‌పుట్ సబ్సిడీ ఇచ్చే పరిస్థితిలో లేదని వ్యవసాయశాఖ మంత్రి తేల్చిచెప్పడం చూస్తుంటే ప్రభుత్వ ద్వంద్వవైఖరిని తేటతెల్లం చేస్తుంది.
  
 తీవ్రవర్షాభావం, కరువు నేపధ్యంలో జిల్లాలో  2013 ఏడాదికిగాను ప్రభుత్వం 33 మండలాలను కరువు మండలాలుగా ప్రకటించింది. ఆ ఏడాది ఖరీఫ్ లో జిల్లా వ్యాప్తంగా లక్షా 20 వేలమంది రైతులు 1.18 లక్షల హెక్టార్లలో వేరుశెనగ పంట సాగుచేసి నష్టపోయారు. కరువు ప్రకటన నేపథ్యంలో *108 కోట్ల మేర రైతులకు ఇన్‌పుట్ సబ్సిడీని ప్రభుత్వం చెల్లించాలి. ఎన్నికల సమయంలో అధికారంలోకి వచ్చిన వెంటనే  ఇన్‌పుట్ సబ్సిడీ చెల్లించి సొంత జిల్లా కరువు రైతాం గాన్ని ఆదుకుంటానని చంద్రబాబు ప్రగల్భాలు పలికారు. అంతేకాకుండా నష్టపోయిన మామిడి రైతులను సైతం ఆదుకుంటామని హామీలు ఇచ్చారు. బాబు అధికారం చేపట్టి 9 నెలలు ముగిసినా ఇంతవరకూ  పైసా  చెల్లించలేదు. పైగా జిల్లాకు వచ్చిన ప్రతి సారీ  అదిగో ఇస్తాం..ఇదిగో ఇస్తామంటూ మాటలతో సరిపెడుతున్నారు.
 
 తీవ్ర వర్షాభావం నేపధ్యంలో  ఈ ఏడాదీ కరువు తప్పలేదు.  దీంతో  2014 ఖరీఫ్ సైతం  అన్నదాతలకు కష్టాలు మిగిల్చింది. 1,74,000 మంది రైతులు 92 హెక్టార్లలో  వేరుశెనగ పంట సాగుచేసి సుమారు *400 కోట్ల మేర నష్టపోయినట్లు అంచనా. ప్రభుత్వం 42 మండలాలను కరువు మండలాలుగా ప్రకటించింది. దీనికి సంబంధించి హెక్టార్‌కు *10 వేలు చొప్పున *122.16 కోట్లు ఇన్‌పుట్ సబ్సిడీ ప్రభుత్వం చెల్లించాల్సి ఉంది. కానీ దాని ఊసేలేదు.  రైతులకు పైసా చెల్లించే ప్రయత్నం చేయలేదు.  
 
 జిల్లాకు చెందిన చంద్రబాబు ముఖ్యమంత్రిగా ఉండడంతో ఆదుకుంటారని  రైతులు ఎన్నో ఆశలు పెట్టుకున్నారు. గత ఏడాది కరువు సాయం త్వరగా అందుతుందని ఎదురు చూశారు. తీరా చూస్తే  గత ఏడాది  కరువు సాయంగా ఇన్‌పుట్ సబ్సిడీ  ఇచ్చేది లేదంటూ  వ్యవసాయశాఖ మంత్రి చావుకబురు చల్లగా చెప్పడంతో అన్నదాతలు ఆందోళనలో పడ్డారు. ప్రభుత్వం వంచనకు పాల్పడడంపట్ల ఆగ్రహం వ్యక్తం చేస్తున్నారు. మరోవైపు జిల్లాలో చెరకు రైతులకు  బకాయిలను కూడా ప్రభుత్వం చెల్లించలేదు.


  సాక్షిప్రతినిధి, అనంతపురం:  పదేళ్లు పంటసాగు చేస్తే.. 8 ఏళ్లు నష్టాలే.. అయినా జిల్లా రైతులు బెదరరు. కొన్నేళ్లుగా ధైర్యంగా ఏటా సాగుకు సన్నద్ధమవుతారు. దీనికి కారణం.. పంటనష్టపోయినా ప్రభుత్వాలు ఇన్‌పుట్‌సబ్సిడీ, ఇన్సురెన్స్‌తో ఎంతో కొంత ఆదుకుంటాయనే నమ్మకం ఇచ్చిన ధైర్యం. చంద్రబాబు సర్కారు వైఖరితో ఆభరోసాను కూడా రైతు కోల్పోయే పరిస్థితి. ‘అనంత’ రైతులకు హక్కుగా రావాల్సిన రూ.675 కోట్ల ఇన్‌ఫుట్‌సబ్సిడీ ఇవ్వకుండా మొండిచేయి చూపేందుకు రంగం సిద్ధం చేసింది. ఇదే జరిగితే ఇప్పటికే అప్పుల ఊబిలో కూరుకుపోయిన ‘అనంత’ రైతును ప్రభుత్వం మరింత ఇబ్బందుల్లోకి నెట్టినట్లే.
  
   ఐదేళ్ల కిందట వరకూ జిల్లాలో వేరుశనగ సాధారణ సాగు విస్తీర్ణం 8.50లక్షల హెక్టార్లు ఉండేది. వర్షాభావంతో ఏటా సాగు విస్తీర్ణం తగ్గుతోంది. జిల్లాలో సాధారణ వర్షపాతం 552 మిల్లీమీటర్లు. ఏటా 30-50శాతం లోటు వర్షపాతం నమోదవుతోంది. ఈ ఏడాది 276 మిల్లీమీటర్లు మాత్రమే నమోదైంది. వర్షాధారంపై ఆధారపడి వేరుశనగను సాగు చేయడమే ఏకైక మార్గం. అయితే 2004 నుంచి పంటనష్టపోతే భారీగా ఇన్‌పుట్‌సబ్సిడీ, ఇన్సూరెన్స్ రూపంలో ప్రభుత్వాలు ‘అనంత’ రైతులను ఆదుకుంటున్నాయి. 2008కి సంబంధించి రూ.640కోట్ల పంటలబీమాను అప్పటి సీఎం వైఎస్ రాజశేఖరరెడ్డి మంజూరు చేశారు. అప్పటి నుండి ఏటా ప్రభుత్వాలు దన్నుగా నిలిచి ఇన్‌పుట్‌సబ్సిడీ, ఇన్సూరెన్స్‌ను మంజూరు చేస్తూ అండగా నిలుస్తున్నాయి.
  
  జిల్లాలో ఇన్‌పుట్‌సబ్సిడీ
  బకాయిలు రూ.675కోట్ల:
  కరువొచ్చినా, భారీ వరా్షాలు వచ్చినాప్రభుత్వం పెట్టుబడి రాయితీని అంచనా వేసి పంట నష్టపరిహారాన్ని చెల్లించాలి. 2013లో జిల్లాలో వర్షాభావంతో పూర్తిగా పంటలు తుడిచిపెట్టుకుపోయాయి. జిల్లాలోని 63 మండలాలను కరువు మండలాలుగా అప్పటి ప్రభుత్వం ప్రకటించింది. రూ.643.37కోట్ల ఇన్‌పుట్ సబ్సిడీ కోసం జిల్లా కలెక్టర్ ప్రతిపాదనలు సిద్ధం చేసి ప్రభుత్వానికి పంపారు. ఇందులో ఒక్క వేరుశనగ రైతుకే దాదాపు రూ.600కోట్ల పరిహారం రావాలి. దీంతో పాటు 2011, 2012కు సంబంధించి మరో రూ.32 కోట్ల బకాయిలు ఉన్నాయి. మొత్తం రూ.675.55కోట్ల జిల్లా రైతులకు అందాల్సి ఉంది.
  
  పాతబకాయిలు ఎగవేతకు రంగం సిద్ధం:
  2013లో లాగే గతేడాదీ వర్షాభావంతో జిల్లా రైతులు తీవ్రంగా నష్టపోయారు. 63 మండలాలను కరువు మండలాలుగా ప్రకటించారు. రూ.573.01కోట్ల ఇన్‌పుట్‌సబ్సిడీ కోసం కలెక్టర్ ప్రభుత్వానికి నివేదికలు పంపారు. ఈ క్రమంలో పాతబకాయిలు, గతేడాది పరిహారం కలిపి రూ.1248కోట్ల ఇన్‌ఫుట్‌సబ్సిడీ వస్తుందని జిల్లా రైతులు ఆశగా ఎదురుచూస్తున్నారు.
  
  జిల్లాలో రూ.6817.85కోట్ల  వ్యవసాయ రుణాల బకాయిలుంటే రుణమాఫీ చేస్తామని అధికారాన్ని దక్కించుకున్న టీడీపీ ప్రభుత్వం మాట మార్చింది. మాఫీలో కొర్రీలు పెట్టి రూ.2,234.57కోట్ల మాత్రమే మాఫీ చేస్తామని, ఇందులో తొలివిడతగా రూ.780కోట్ల మాత్రమే విడుదల చేసింది. రుణమాఫీ అవుతుందని ఆశపడిన రైతులు, ప్రభుత్వం చేతిలో మోసపోయామని భావించి ఇప్పటికే 49మంది రైతులు ఆత్మహత్యలకు పాల్పడ్డారు.
  
  ఈక్రమంలో రైతులకు ఆసరాగా నిలవాల్సిన కనీస బాధ్యత ప్రభుత్వంపై ఉంది. కానీ ప్రభుత్వం భిన్నంగా వ్యవహరిస్తోంది.  2014కు సంబంధించిన నివేదికలు మాత్రమే సమర్పించాలని, 2013తో పాటు పాత బకాయిలు ఇవ్వలేమని ఆర్థికమంత్రి యనమల రామకృష్ణుడు చెప్పినట్లు అధికారులు చెబుతున్నారు. దీంతో రూ. 675.55కోట్ల పరిహారం జిల్లా రైతులకు దక్కకుండాపోయే ప్రమాదముంది. ఇప్పటికే పీకల్లోతు కష్టాల్లో ఉన్న రైతులకు ప్రభుత్వం అనుసరిస్తున్న వైఖరి శరాఘాతంగా పరిణమించనుంది.  
  
  ఇన్‌పుట్ సబ్సిడీ రైతుల హక్కు
  జిల్లాలోని రైతాంగానికి రావాల్సిన ఇన్‌పుట్ సబ్సిడీ మొత్తం వెంటనే చెల్లించాలి. టీడీపీ ప్రభుత్వం ఈ సంవత్సరానికి సంబంధించిన ఇన్‌పుట్ సబ్సిడీ అందజేస్తామని చెప్పడం దారుణం. చంద్రబాబు ప్రతి విషయంలోను ఏదో ఒక షరతు పెట్టి కోతలు విధిస్తున్నాడు. ఇన్‌పుట్ సబ్సిడీ అనేది రైతుల హక్కు. వారి హక్కును ఎవరు అడ్డుకోకూడదు. వెంటనే రైతులకు రావాల్సిన ఇన్‌పుట్ సబ్సిడీ మొత్తం అందజేయాల్సిందే..
  ఎం.శంకర్‌నారాయణ, వెఎస్సార్‌కాంగ్రెస్‌పార్టీ జిల్లా అధ్యక్షుడు
  


 అనంతపురం అర్బన్ : జిల్లాలో తీవ్ర కరువు పరిస్థితి నెలకొనడంతో రైతులు ఆర్థిక ఇబ్బందుల్లో ఉన్నారని, వారిని ఆదుకోవడానికి ప్రభుత్వం నుంచి రావాల్సిన రూ.1,248 కోట్ల ఇన్‌పుట్ సబ్సిడీని వెంటనే విడుదల చేయాలని కలెక్టర్ కోన శశిధర్‌ను వైఎస్సార్ సీపీ జెడ్పీ ఫ్లోర్‌లీడర్ వెన్నపూస రవీంద్రారెడ్డి కోరారు. రెవెన్యూ భవనంలో మీకోసం కార్యక్రమంలో కలెక్టర్‌ను సోమవారం ఆయన కలిశారు. ఈ సందర్భంగా రవీంద్రారెడ్డి మాట్లాడుతూ.. జిల్లాలోని 12, 63, 604 మంది రైతులు పరిహారం కోసం ఎదురుచూస్తున్నారన్నారు.
 
 అందులో 2013 ఖరీఫ్‌లో రూ. 643 కోట్లు, 2014లో రూ. 573 కోట్లు, 2011-12 సంవత్సరానికి సంబంధించిన బకాయిలు రూ. 32 కోట్లు వెంటనే విడుదల చేయాలని డిమాండ్ చేశారు. టీడీపీది పూర్తిగా రైతు వ్యతిరేక ప్రభుత్వమని, రైతులు కష్టాల్లో ఉన్న కనికరించడంలేదన్నారు. జిల్లా రైతుల పరిస్థితి దృష్టిలో పెట్టుకుని ప్రభుత్వం కళ్లు తెరిచి వెంటనే ఇన్‌పుట్ సబ్సిడీని విడుదల చేయాలని కోరారు.


 విపక్షంలో ఉన్నప్పుడు.. చంద్రబాబు అన్నదాతలపై తుపానుస్థాయిలో ప్రేమను ఒలకబోశారు. వారి శ్రేయస్సే లక్ష్యమని గర్జించారు. అప్పటి ప్రభుత్వాలపై కన్నెర్రజేశారు. ఆందోళనలూ చేశారు. తీరా అధికారంలోకి వచ్చాక.. యథాప్రకారం రైతన్నల పాలిట తన మునుపటి నైజాన్నే చాటుతున్నారు. రైతు రుణమాఫీ అమలులో మెలికలూ, మడతలే కాదు.. హెలెన్ తుపాను బాధిత రైతులకు నేటికీ పెట్టుబడి రాయితీ అందకపోవడమూ ఆయన పాలన స్వభావాన్ని పట్టిచ్చే మచ్చుతునకే.
  
  అమలాపురం :అధికారంలోకి వస్తే రైతులకు ఎన్నో మేళ్లు చేస్తానంటూ చంద్రబాబు ఇచ్చిన హామీల్లో ప్రకృతి వైపరీత్యాల్లో పంట నష్టపోయిన రైతులకు పరిహారం పెంచి, సకాలంలో అందజేయడం ఒకటి. అధికారం దక్కాక ఒకదాని తరువాత ఒక హామీని పక్కనపెడుతున్నట్టే.. ఈ హామీని కూడా బాబు విస్మరించారు. ఈ కారణంగా హెలెన్‌కు రావాల్సిన పెట్టుబడి రాయితీ ఈరోజుకు కూడా రైతులకు అందలేదు. 2013 నవంబరులో వచ్చిన హెలెన్ తుపాను వల్ల రైతులు తీవ్రంగా నష్టపోయారు. సుమారు 2.50 లక్షల ఎకరాల్లో వరి తుడిచి పెట్టుకుపోయింది. పరిహారంగా జిల్లాలోని రైతులకు రూ.110 కోట్ల వరకు ఇన్‌పుట్ సబ్సిడీ (పెట్టుబడి రాయితీ) రావాల్సి ఉంది. అప్పటి వరకు హెక్టారుకు రూ.ఆరు వేలు ఉన్న పరిహారాన్ని నాటి ముఖ్యమంత్రి ఎన్.కిరణ్‌కుమార్‌రెడ్డి రూ.పది వేలకు పెంచారు.
  
  అంతకుముందే పంట నష్టపోయిన రైతులకు హెక్టారుకు రూ.25 వేలు ఇవ్వాలని ప్రతిపక్షనేతగా చంద్రబాబు నిరాహారదీక్ష చేశారు. రైతులకు తక్షణం పరిహారం అందేలా చర్యలు తీసుకోవాలన్నది కూడా నిరాహారదీక్ష డిమాండ్లలో ఒకటి. ఈ నేపథ్యంలో బాబు అధికారంలోకి వచ్చిన తరువాత పెట్టుబడి రాయితీ పెంచుతారని రైతులు ఆశించారు. హుదూద్ తుపాను వల్ల ఉత్తరాంధ్రలో పంటలు తుడిచిపెట్టుకుపోయి, రైతులు కట్టుబట్టలతో మిగిలినా బాబు మాత్రం పెట్టుబడి రాయితీ పెంచలేదు. పోనీ సకాలంలో ఇచ్చారా అంటే అదీలేదు. హెలెన్ తుపాను వచ్చి 16 నెలలు కావస్తున్నా పెట్టుబడి రాయితీ మాత్రం విడుదల కాలేదు. దీనితో రైతులు నిరాశ చెందుతున్నారు. ఒకవైపు రుణమాఫీ ఈ రోజుకూ తేలకుండా పోవడం, బ్యాంకుల నుంచి కొత్త రుణాలు పొందలేకపోవడం, మరోవైపు రాయితీలందక రైతులు ఖరీఫ్ సాగులో చేసినట్టే రబీకి కూడా అప్పులు చేస్తున్నారు.
  
  ఎంఎన్‌ఏఐఎస్‌ను అపహాస్యం చేస్తున్న బీమా సంస్థ
  హెలెన్ తుపానుతో నష్టపోయిన రైతులకు ఇవ్వాల్సిన బీమా పరిహారాన్ని కూడా నేషనల్ ఇన్సూరెన్స్ కంపెనీ ఇప్పటికీ కొంత మందికి పూర్తిగా అందించలేదు. వివిధ కారణాలు చూపి పరిహారాన్ని జాప్యం చేస్తోంది. జిల్లాలోని కొన్ని గ్రామాలకు ఇంకా పరిహారం అందించలేదు. ప్రధానంగా 250 ఎకరాల కన్నా తక్కువ వరిసాగు జరుగుతున్న గ్రామాలను గ్రూపింగ్ విలేజ్‌లంటూ పక్క గ్రామాల్లో కలుపుతున్నారు. లేకపోతే గ్రామం యూనిట్‌గా పరిహారం నమోదు ఇబ్బంది అవుతోందన్న వంకతో పరిహారాన్ని ఆలస్యం చేస్తున్నారు. రుణాలు తీసుకోకుండా వ్యక్తిగతంగా ప్రీమియం చెల్లించిన వారికి కూడా ఇంతవరకు పరిహారం అందలేదు. ఎప్పుడు ఇస్తారో కూడా తెలియని ఆయోమయ పరిస్థితి నెలకొనడంతో రైతులు ఆందోళన చెందుతున్నారు.
  
  బీమా ప్రీమియం చెల్లించాల్సినప్పుడు గడువు పెట్టి మరీ కట్టించుకుని, పరిహారం ఇచ్చేటప్పుడు గడువు అనేది లేకుండా వాయిదాలపై వాయిదాలు వేయడం భావ్యం కాదని వాపోతున్నారు. రుణాలతో సంబంధం లేకుండా ఇన్సూరెన్స్ ప్రీమియం చెల్లించిన సుమారు నాలుగు వేల మంది రైతులు పరిహారం కోసం ఎదురు తెన్నులు చూస్తున్నారు. అలాగే పంట నష్టపోతే తక్షణం 25 శాతం పరిహారం అందించాలన్న నిబంధన కూడా హెలెన్ నష్టానికి సంబంధించి అమలు కాలేదు. తద్వారా సవరించిన పంటల బీమా పథకం (ఎంఎన్‌ఏఐఎస్) పథకాన్ని బీమా సంస్థ అపహాస్యం చేస్తోంది.


 కరీంనగర్ అగ్రికల్చర్:  జెడ్పీ ప్రత్యేక సర్వసభ్య సమావేశంలో పాల్గొన్న ఎమ్మెల్యేలు, జెడ్పీటీసీలు, ఎంపీపీలు క్షేత్రస్థాయిలో రైతు సంక్షేమ, అభివృద్ధి పథకాలను విస్తృతం చేయాలని మంత్రికి విన్నవించారు. వ్యవసాయ అనుబంధ శాఖ లో ఖాళీలను భర్తీ చేయాలని పెద్దపెల్లి ఎమ్మెల్యే మనోహర్‌రెడ్డి కోరారు. ఉద్యాన శాఖ ద్వారా అమలు చేస్తున్న 70 శాతం సబ్సిడీతో ఇస్తున్న పాలీహౌస్‌ను జిల్లాలోనూ వర్తింపజేయాలని కరీంనగర్ జెడ్పీటీసీ ఎడ్ల శ్రీను విజ్ఞప్తి చేశారు.
 
 సోలార్ పంపుసెట్లను ఉచితంగా అందజేయాలని ఆయన కోరగా ప్రభుత్వం పరిశీలిస్తోందని, 2015-16 నుంచి పాలీహౌస్ పథకాన్ని అన్ని జిల్లాల్లో వర్తింపజేస్తామని మంత్రి సమాధనం ఇచ్చారు. మానకొండూర్ జెడ్పీటీసీ సుగుణాకర్.. పంటల బీమా రైతులకు ధీమానివ్వడం లేదని, ఇన్‌పుట్ సబ్సిడీ రైతుల ఖాతాలకు చేరడం లేదని తెలిపారు. మంత్రి స్పందిస్తూ.. పంటల బీమా లోపభూయిష్టంగా ఉందని, త్వరలో రైతు యూనిట్ పంటల బీమా అమలుకు చర్యలు తీసుకుంటున్నామని తెలిపారు.
 
 యాంత్రీకరణలో రూ.30 వేలు దాటిన పరికరాలకు పూర్తిస్థాయిలో డీడీ చెల్లించినప్పుడే పరికరాలు మంజూరు ఇబ్బం దికరమని, నిబంధనలు సడలించాలని బోయినిపల్లి జెడ్పీటీసీ లచ్చిరెడ్డి కోరారు. రూ.లక్ష విలువ చేసే పరికరాల వరకు సబ్సిడీ మినహాయించి ఇచ్చేలా చర్యలు తీసుకుంటున్నామని మంత్రి వివరించారు. వరి, పత్తికి బదులుగా ప్రత్నామ్నాయంగా సోయాబీన్, కూరగాయల సాగును ప్రోత్సహించి మార్కెటింగ్ సౌకర్యాలు పెంచాలని ధర్మారం జెడ్పీటీసీ నార బుచ్చయ్య, రామగుండం జెడ్పీటీసీ కందుల సంధ్యారాణి కోరారు.  మత్స్యకార్మిక సహకార సంఘాల్లో దళారులు మత్య్సకారుల పొట్టగొడుతున్నారంటూ ఎల్లారెడ్డిపేట జెడ్పీటీసీ ఆగయ్య అన్నారు. జిల్లాను పూర్తిగా కరువు మండలంగా ప్రకటించాలని కో-ఆప్షన్ మెంబర్ జమీలొద్దీన్ విన్నవించారు.
 
 ప్రజాప్రతినిధులకు విశ్రాంతి భవనం..
 నిత్యం జిల్లా కేంద్రానికి వచ్చే ప్రజాప్రతినిధులైన సర్పంచులు, ఎంపీటీసీలు, ఎంపీపీలు, జెడ్పీటీసీల కోసం కరీంనగర్‌లో విశ్రాంతి భవనం నిర్మించాలని ఎమ్మెల్సీ భానుప్రసాద్ కోరారు. అందుకోసం జిల్లా కేంద్రంలో 15 గుంటల స్థలం కేటాయిస్తే తన ఫండ్ నుంచి రూ.కోటి నిధులు కేటాయిస్తానన్నారు. ఆర్థిక మంత్రి ఈటెల రాజేందర్ స్పందిస్తూ జిల్లా కేంద్రంలో 20 గుంటల స్థలం మంజూరుకు కలెక్టర్ చర్యలు తీసుకోవాలని ఆదేశించారు.
 
 కార్డులు.. పింఛన్లు
 వ్యవసాయంపై ఏర్పాటు చేసిన సమావేశం లో ఆహారభద్రత కార్డులు, పింఛన్లు అందలేదంటూ సభ్యులు లేవనెత్తారు. ప్రతీ మండలంలో రెండు వందల మందిని ఆసరాకు అర్హులుగా పెంచాలని సభ్యులు కోరారు. మంత్రి ఈటెల రాజేందర్ ఆహారభద్రత కార్డులు, విద్యార్థులకు సన్నబియ్యం భోజనపథకం అమలుపై అవగాహన కల్పించారు.
 
 డెయిరీ సామర్థ్యం పెంచాలి
 కరీంనగర్ డెయిరీ ప్రతిరోజు లక్ష లీటర్ల పాల ను ఉత్పత్తి చేస్తోందని, ఆ పాలు ఇక్కడే సరిపోతాయని, మరో లక్ష లీటర్ల సామర్థ్యం పెంపునకు ప్రోత్సహించాలని ఎంపీ వినోద్‌కుమార్ ప్రభుత్వాన్ని కోరారు. వ్యవసాయంతో పాటు పశుసంపద అభివృద్ధికి కృషిచేయాలన్నారు. ప్రస్తుతం కూరగాయలు పండించే గ్రామాలకే పాలీహౌస్‌లు వర్తింపజేయాలని తెలిపారు. జెడ్పీ హాలు ఆధునికీకరణకు సహకరిస్తానన్నారు. సమావేశంలో ఎమ్మెల్యేలు పుట్టమధు, బొడిగె శోభ, కల్వకుంట్ల విద్యాసాగర్, దాసరి మనోహర్‌రెడ్డి, ఎమ్మెల్సీలు టి.భానుప్రసాద్, పాతూరి సుధాకర్‌రెడ్డి తదితరులు పాల్గొన్నారు.


 కడప అగ్రికల్చర్ : ప్రకృతి వైపరీత్యాలతో నష్టపోయే రైతులను ఆదుకునేందుకు ఎన్ని పథకాలు ఉన్నా ఆచరణలో ఫలితం ఇవ్వడంలేదు. పైగా బీమా కంపెనీలకు చెల్లించే ప్రీమియం రైతలకు అదనపు భారం అవుతోంది. నష్టం జరిగితే బీమా చెల్లించాల్సిన కంపెనీలు ఏళ్ల తరబడి స్పందించడంలేదు. ఫలితంగా పంట నష్టపోరుున రైతులు అప్పుల పాలవుతున్నారు. బీమా, ఇన్‌పుట్ సబ్సిడీ సొమ్ము అందితే కొంతలోకొంత ఊరట లభిస్తుంద నుకున్న రైతులకు నాలుగేళ్లుగా ఎదురుచూపులే మిగిలారుు.
  
  2011 నుంచి ఇప్పటి వరకు జిల్లాకు ఇన్‌ఫుట్ సబ్సిడీ, బీమా కింద రూ.93.01 కోట్లు రైతులకు రావాల్సి ఉంది. రైతులను ఆదుకోవాల్సిన ప్రభుత్వాలు చేష్టలుడిగి చూస్తున్నాయి. ఏటా పంటల పరిస్థితులు ఏలా ఉంటాయో తెలియని రైతన్న బీమా కంపెనీ కలిపించిన వెసులుబాటును ఉపయోగించుకుంటూ సాగు చేసిన పంటలకు బీమా ప్రీమియం చెల్లిస్తున్నారు. కానీ ఏ సంవత్సరం కూడా రైతుకు సక్రమంగా బీమా సొమ్ము ఇచ్చిన దాఖలాలు లేవని
  రైతు సంఘాలు ఆగ్రహం వ్యక్తం చేస్తున్నాయి.
  
  అష్టకష్టాలు పడి ప్రీమియం చెల్లించినా...:
  బీమా ప్రీమియం చెల్లించేందుకు గడువును కంపెనీ సమయం తక్కువగా విధించినా రైతులు అష్టకష్టాలు పడి వివిధ బ్యాంకులకు, మీ-సేవ, ఈ- సేవ కేంద్రాలకు వెళ్లి తగిన మొత్తం చెల్లించినా కూడా బీమా సకాలంలో రాకపోవడంతో నష్టపోయిన పంటల స్థానంలో మళ్లీ పంటల సాగు చేసుకోలేక పోతున్నారు. ప్రభుత్వ నిర్లక్ష్యం వల్ల రైతులు తీవ్రంగా నష్టపోతున్నా పట్టించుకున్న పాపాన పోలేదు.
  
  2011 నుంచి ఇప్పటి వరకు ఇన్‌ఫుట్ సబ్సిడీ, బీమా రూ.93.01 కోట్లు రావాల్సి ఉంది...
  2011 నుంచి ఇప్పటి వరకు అకాల వర్షాలు, వర్షాభావ పరిస్థితులు, ఈదురు గాలులకు పంటలు దెబ్బతిన్నాయి. అప్పటి నుంచి జిల్లాకు రూ. 93.01 కోట్ల బీమా రావాల్సి ఉన్నా ప్రభుత్వం ఏ మాత్రం పట్టించుకోలేదు. జిల్లాకు చెందిన అధికార పార్టీకి చెందిన శాసనమండలి వైస్‌చైర్మన్ ఎస్వీ సతీష్‌రెడ్డిగానీ, ప్రభుత్వ విప్ మేడా మల్లికార్జునరెడ్డిగానీ పట్టించుకున్న దాఖలాలు లేవని రైతన్నలు ఆగ్రహం వ్యక్తం చేస్తున్నారు. దీనిపై శాసనసభలో విపక్ష నేత వైఎస్ జగన్‌మోహన్‌రెడ్డి పలుసార్లు ప్రశ్నించినా ముఖ్యమంత్రి గానీ, సంబంధిత మంత్రిగానీ నోరు మెదపలేదని రైతు సంఘాలు విమర్శిస్తున్నాయి.
  
  అలాగే 2012 ఖరీఫ్‌కు సంబంధించి బీమా రూ.52 కోట్లకు గాను రూ.24 కోట్లు మాత్రమే మంజూరైంది. అది కూడా రైతుల ఖాతాలకు చేరలేదు. అదేవిధంగా 2012-13 రబీకి గాను రూ. 8.72 కోట్లు బీమా సొమ్ములు రైతులకు చేరాల్సి ఉండగా, 2013 ఖరీఫ్‌కు రూ. 52.33 కోట్లు మంజూరైంది.
  
   ఇప్పటివరకు ఒక్క దమ్మిడి కూడా రైతులకు ప్రభుత్వం అందించిన పాపాన పోలేదు. అలాగే ఉద్యాన పంటలకు సంబంధించి 2011 నుంచి ఇప్పటివరకు 3.22 కోట్లు పంట నష్టం సంభవించింది. దానికి సంబంధించి ఉద్యాన అధికారులు రాష్ట్ర ప్రభుత్వానికి నష్ట నివేదిక పంపారు. కానీ, ఇప్పటివరకు సొమ్ములు వచ్చిన దాఖలాలు లేవు. అధికార పార్టీ ప్రజాప్రతినిధులు కూడా ఉండి కూడా జిల్లాకు ఒరిగింది ఏమిలేదని రైతు సంఘాల నాయకులు బాహాటంగా విమర్శిస్తున్నారు.
  


 ఈ ఏడాది రైతన్నకు కష్టాలే
 పండిన పంటకు మద్దతు ధరలేదు
 రుణమాఫీ అంతంతే..
 బతుకుపై భరోసాలేక ఆత్మహత్యలు..
 ఇప్పటివరకు 43మంది అన్నదాతల బలవన్మరణాలు
  
 ప్రకృతి రైతన్నపై కనికరం చూపలేదు. ఖరీఫ్ నుంచే కన్నీటి కష్టాలు ప్రారంభమయ్యాయి. రబీలో కరెంట్‌బాధలు, వడగండ్ల వానలు రైతన్నను నిండాముంచాయి. కష్టాలు ఓర్చుకుని సాగు  చేసినా పండిన పంటకు మద్దతుధర రాక విలవిల్లాడారు. నకిలీ విత్తనాలు, రుణమాఫీ, ఇన్‌పుట్ సబ్సిడీ, మార్కెటింగ్, మద్దతు ధర ఇలా అన్నివిధాలుగా అన్నదాతకు 2014 కన్నీటికష్టాలను మిగిల్చింది.
  మహబూబ్‌నగర్
  
 మహబూబ్‌నగర్ : గతేడాది భారీ వర్షాల కారణంగా రైతులు రబీసాగుపై కోటి ఆశలతో సాగు చేపట్టారు. చెరువులు, కుంటలు నీటితో కళకళలాడడం, మరోవైపు భూగర్భజలమట్టం పెరగడంతో రైతులు పెద్దఎత్తున సాగు చేశారు. దీంతో సాధారణంగా రబీలో సాగు విస్తీర్ణం 1.93లక్షల హెక్టార్లు కాగా... 2.73లక్షల హెక్టార్లు సాగైంది. అంటే సాధారణ సాగు కంటే 80వేల హెక్టార్లు అదనంగా సాగైంది. అత్యధికంగా వరిసాగు 1.10 లక్షల హెక్టార్లలో సాగైంది. వేరుశెనగ  1.05లక్షల హెక్టార్లు, పప్పుశనగ 36వేల హెక్టార్లు, జొన్న 16,500 హెక్టార్లు, పొద్దుతిరుగుడు 15వేల హెక్టార్లు, మొక్కజొన్న 5వేల హెక్టార్లలో సాగయ్యాయి. గతేడాది భారీ వర్షాల కారణంగా నీటి వనరులు పుష్కలంగా ఉన్నాయనే ఆలోచనతో సాగుచేసిన రైతన్న ఆశలు అడియాశలయ్యాయి. పంట చేతికొచ్చే సమయంలో విద్యుత్‌కోతల కారణంగా పంటలు తీవ్రంగా దెబ్బతిన్నాయి. కోత దశకు వచ్చేసరికి ప్రకృతి పగబట్టింది. ఏప్రిల్, మే నెలలో కురిసిన భారీ వడగండ్ల వానకు వరిచేన్లు నేలకొరిగాయి. చేతికొచ్చిన పంట 70శాతానికి పైగా మట్టిపాలైంది. అన్ని కష్టాలకోర్చి పండించిన పంటకు మద్దతు ధర అందలేదు. మరోవైపు ఏడాదికి ఒకసారి వచ్చే పండ్ల తోటలు కూడా తీవ్రంగా దెబ్బతిన్నాయి. వడగండ్ల దాటికి మామిడి రైతులకు చేదు అనుభవం మిగిల్చింది.
  
 రోడ్డెక్కిన వేరుశనగ రైతులు...
  
 రబీ సీజన్‌లో వేరుశనగ రైతుల పరిస్థితి అత్యంత అధ్వాన్నంగా తయారైంది. కరెంట్ కోతల కారణంగా సకాలంలో నీరందక, మచ్చ తెగుళ్ల కారణంగా దిగుబడి సాక్షి, మహబూబ్‌నగర్ భారీగా తగ్గిపోయింది. ఎకరాకు 21నుంచి 26 క్వింటాళ్ల వరకు దిగుబడి రావాల్సి ఉండగా కేవలం 13 క్వింటాళ్లకు పడిపోయింది. అనేక ఒడిదుడుకుల నేపధ్యంలో పంట నాణ్యత భారీగా దెబ్బతిన్నది. దీంతో గిట్టుబాటు ధర కూడా అందలేదు. ప్రభుత్వ రంగ సంస్థలైన నాఫెడ్, ఆయిల్‌ఫెడ్ వంటి సంస్థలు కొనుగోలు చేయక ముఖం చాటేశాయి. క్వింటాల్‌కు రూ.4వేల మద్దతు ధరకు కేవలం రూ.2 వేల నుంచి రూ.3వేల వరకు మాత్రమే దక్కింది. మద్దతు ధర కోసం అన్నదాతలు మార్కెట్‌యార్డులలో రోజుల తరబడి ధర్నాలు చేశారు. కొన్నిచోట్ల ఓపిక నశించి రహదారుల దిగ్బంధం చేశారు. ఆఖరికి అప్పుడు విపక్షంలో ఉన్న ఇప్పటి అధికార పార్టీ నేతలు, రైతులు ఏకమై కలెక్టరేట్ ముట్టడికి యత్నించారు.
  
 ఇన్‌పుట్ సబ్సిడీదీ  గందరగోళమే..!
  
 ఈ ఏడాది రైతులకు ఇన్‌పుట్ సబ్సిడీ కాస్త ఊరటనిచ్చింది. మూడేళ్లలో ప్రకృతి వైపరీత్యాలకు తీవ్రంగా నష్టపోయిన రైతులకు ఈ ఏడాది ప్రభుత్వం నష్టపరిహారం విడుదల చేసింది. అయితే వీటిలోనూ రైతులను వ్యవసాయ అధికారులు, బ్యాంకర్లు కుమ్మక్కై రైతులను దగాకు గురిచేశాయి. జిల్లా వ్యాప్తంగా 2.20లక్షల మంది రైతులకు రూ.99.78 కోట్లు విడుదలైంది. ఇందుకు సంబంధించి రైతుల బ్యాంక్ ఖాతాలో ఇప్పటివరకు రూ.89.61 కోట్లు మాత్రమే జమయ్యాయి. మిగతా పది కోట్ల వరకు డబ్బు ఎక్కడుందో వాటికి లెక్కలే లేవు.
  
 ఆగమాగమైన ఖరీఫ్...
  
 ఈ ఏడాది ఖరీఫ్ సాగు అన్నదాతకు తీవ్ర విషాదాన్ని మిగిల్చింది. సీజన్ ప్రారంభం నుంచి కూడా సకాలంలో వానలు కురవకపోవడంతో సాగు కూడా అంతంతమాత్రంగానే సాగింది. జిల్లాలో మొత్తం 7.69లక్షల హెక్టార్లలో పంట సాగవగా అందులో అత్యధికంగా పత్తి 2.60 లక్షల హెక్టార్లలో పత్తిసాగైంది. మొక్కజొన్న 1.68లక్షల హెక్టార్లు, వరి 1.07లక్షల హెక్టార్లు, కంది 1.03లక్షల హెక్టార్లు, ఆముదం 50వేల హెక్టార్లు, జొన్న 20వేల హెక్టార్లు ఇలా తదితర పంటలు సాగయ్యాయి. అయితే నకిలీ విత్తనాల కారణంగా చాలాచోట్ల రైతులు తీవ్రంగా నష్టపోయారు. రెండుమార్లు సాగు చేయాల్సిన దుస్థితి తలెత్తింది. వర్షాల పరిస్థితి మరీ దయనీయంగా మారింది. తొలకరి వానలు కురిసిన తర్వాత దాదాపు రెండు నెలల పాటు వానలు లేక లేకపోవడంతో కాస్తో కూస్తో మొలిచిన పంటలు తీవ్రంగా దెబ్బతిన్నాయి. ఎదుగుదల లేక చేలన్నీ గిడుసువారిపోయాయి. మొక్కజొన్న పరిస్థితి దారుణంగా తయారైంది. సరిగ్గా కాత కాసే సమయంలో వానలు ఎగ్గొట్టడంతో దాదాపు 40వేల నుంచి 80వేల హెక్టార్ల వరకు పంట దెబ్బతిన్నదని స్వయంగా వ్యవసాయశాఖ నివేదిక రూపొందించింది. చాలాచోట్ల చేలు ఎండిపోవడంతో పశువుల మేతకు అమ్ముకున్నారు. గతేడాది వర్షాల కారణంగా భూగర్భజలాలు కాస్త పుష్కలంగా ఉండడంతో వాటి కింద సాగుచేసిన వరి చేలు కరెంట్ కోతల దాటికి విలవిలలాడాయి. ఆగష్టు, సెప్టెంబర్ నెలలో జోరువానలు కురవాల్సిన సమయంలో అచ్చంగా వేసవిని తలపిస్తూ ఉక్కపోతతో పాటు భరించలేని ఎండలు కాశాయి. దీంతో అన్ని పంటల దిగుబడి సగానికిపైగా తగ్గిపోయింది.
  
 రుణమాఫీ అంతంతే
  
 వర్షాభావ పరిస్థితులతో అల్లాడుతున్న రైతన్నకు బ్యాంకర్లు సకాలంలో రుణాలివ్వకుండా మరింత సంక్షోభంలోకి నెట్టేశారు. జిల్లాలో మొత్తం 6.20 లక్షల మంది రైతులకు 2,419 కోట్లు ఇవ్వాలని అన్ని బ్యాంకులు లక్ష్యంగా పెట్టుకున్నాయి. అయితే 3.21 లక్షల మందికి కేవలం 1,200 కోట్లు మాత్రమే ఇచ్చారు. మిగతా వారికి మొండిచెయ్యి చూపారు. ఇందులోనూ 70శాతం వరకు రుణాలను రీషెడ్యూల్ చేసినవే ఉంటాయని, అతి తక్కువ మాత్రమే కొత్త రుణాలిచ్చినట్లు సమాచారం. అదేవిధంగా ప్రభుత్వం ప్రకటించిన రుణమాఫీకి సంబంధించి కూడా చాలా గందరగోళం నెలకొంది. జిల్లాలో తొలి విడతలో భాగంగా రూ.684 కోట్లు విడుదలయ్యాయి. ఈ నేపథ్యంలో ప్రభుత్వ ఆదేశాల మేరకు స్కేల్ ఆఫ్ ఫైనాన్స్ ప్రకారం బ్యాంకులు రైతులకు కొత్త రుణాలివ్వని వైనం నెలకొంది. బంగారంపై పంట రుణాలు తీసుకున్న రైతులు ఇప్పటి వరకు మాఫీ పొందలేకపోయారు.
  
 మద్దతు ధరలేక గగ్గోలు..
  
 అష్టకష్టాలకోర్చి పండించిన పంటకు సరైన మార్కెటింగ్ లేకపోవడం, గిట్టుబాటు ధర లేక రైతన్న విలవిలలాడారు. సర్కారు శీతకన్ను వేయడంతో దళారులు రంగప్రవేశం చేసి రైతులను పీల్చిపిప్పి చేశారు. వరి, మొక్కజొన్న, పత్తి ఇలా ఏ ఒక్క పంటకు కూడా మద్దతు ధర లభించలేదు సరికదా... కనీసం కొనుగోళ్లు కూడా సరిగా చేపట్టలేదు. దీంతో చాలాచోట్ల ధర్నాలు, రాస్తారోకోలు జరిగాయి... ప్రస్తుతం జరుగుతున్నాయి కూడా! ముఖ్యంగా మొక్కజొన్న పండించిన రైతు పరిస్థితి అయోమయంగా తయారైంది. ఒకవైపు ప్రకృతి కన్నెరకు సరైన దిగుబడి రాకపోవడం ఒక ఎత్తయితే, మార్కెట్ మాయజాలానికి పూర్తిగా బలయ్యాడు. ప్రభుత్వం మొక్కజొన్నకు మద్దతు ధర క్వింటాల్‌కు రూ.1310 నిర్ణయించగా... ఆ ధర అందిన దాఖలాలు లేవు. ప్రైవేట్ వ్యాపారులు కేవలం క్వింటాల్‌కు రూ.900 మాత్రమే పెట్టి కొనుగోళ్లు చేశారు. రైతులకు మద్దతు ధర అందించడం కోసం ప్రభుత్వం మార్క్‌ఫెడ్ ద్వారా జిల్లాలో 16చోట్ల కొనుగోలు కేంద్రాలను ఏర్పాటు చేసిన ఫలితం లేకపోయింది. తేమశాతం ఎక్కువుందని, నాణ్యత సరిగా లేదనే కారణాలతో సరిగా కొనుగోళ్లు జరపలేదు. పైగా చాలాచోట్ల సరుకు రోజుల తరబడి మార్కెట్లలోనే నిల్వ ఉంచుతుండడంతో ఓపిక నశించిన రైతులు ప్రైవేట్ వ్యాపారులకు వచ్చిన కాడికి అమ్ముకున్నారు. ఇక పత్తి పరిస్థితి విచిత్రంగా తయారైంది. జిల్లాలో కేవలం నాలుగుచోట్ల సీసీఐ కొనుగోలు చేపట్టినా ఇప్పటివరకు 5.20లక్షల క్వింటాళ్లు మాత్రమే కొనుగోలు చేసింది. కొనుగోళ్లకు సీసీఐ విముఖత చూపడంతో ప్రైవేట్ వ్యాపారులు ఇష్టారాజ్యంగా వ్యవహరిస్తున్నారు. నేరుగా గ్రామాల్లో కొనుగోళ్లు జరుపుతూ... తూకం విషయంలో భారీ అవకతవకలకు పాల్పడుతున్నారు. ధర కూడా కేవలం క్వింటాల్‌కు రూ.3,200 నుంచి 3,600 మాత్రమే చెల్లిస్తున్నారు.
  


  సాక్షి ప్రతినిధి, నల్లగొండ : ప్రభుత్వశాఖల నిర్లక్ష్యం..బ్యాంకర్ల కొర్రీలు...నిధుల విడుదలలో జాప్యం వెరసి అన్నదాత అరిగోస పడుతున్నాడు. వర్షాభావ పరిస్థితుల కారణంగా...దిగుబడి తగ్గి కరువు కోరల్లో చిక్కుకున్నారు. ఇటువంటి తరుణంలో రైతాంగానికి వచ్చిన సాయాన్ని కూడా అందించలేని దుస్థితి నెలకొంది. జిల్లాలో ఎప్పుడో మూడున్నరే ళ్ల క్రితం ప్రకృతి వైపరీత్యాల కారణంగా నష్టపోయిన రైతుల్లో దాదాపు 53 వేలమందికి  ఇప్పటికీ ఇన్‌పుట్ సబ్సిడీ (పరిహారం) అందలేదంటే ప్రభుత్వవ్యవస్థల పనితీరు ఎలా ఉందో అర్థం చేసుకోవచ్చు. ఎప్పుడో 2011 ఏప్రిల్‌లో వచ్చిన వడగండ్ల వాన కారణంగా జరిగిన నష్టం వివరాలను ఇప్పటికీ ఇవ్వకపోవడం గమనార్హం. మొత్తంమీద   మూడున్నరేళ్ల నష్టాలలో 1.80 లక్షల మంది రైతులు పంటలను కోల్పోగా, వారిలో కేవలం 1.22 లక్షల మందికి మాత్రమే ఇన్‌పుట్‌సబ్సిడీ అందజేశారు. గత ఆగస్టులో ఇన్‌పుట్‌సబ్సిడీ కింద మంజూరైన  రూ.75.85కోట్ల నిధులకు గాను 22 కోట్ల రూపాయలు పంపిణీ కాకుండా బ్యాంకుల్లో మూలుగుతుండడం గమనార్హం.
  
  ఖాతా కొర్రీ... రైతుకు వర్రీ
  వాస్తవానికి ఇన్‌పుట్ సబ్సిడీ జమ చేసే విషయంలో బ్యాంకు ఖాతాల అంశమే ప్రధాన సమస్యగా మారుతోంది. జిల్లాలో చాలామంది రైతులకు బ్యాంకుఅకౌంట్లు లేని కారణంగా ఇన్‌పుట్ సబ్సిడీ కింద వచ్చిన మొత్తం నగదును కూడా వినియోగించుకోలేని పరిస్థితి ఏర్పడింది. వివరాల్లోకి వెళితే... జిల్లాలో 2009-10 నుంచి 2014-15 సంవత్సరం వరకు వివిధ ప్రకృతి వైపరీత్యాల కారణంగా 50శాతం కంటే ఎక్కువ పంటనష్టపోయిన రైతాంగానికి ఇన్‌పుట్‌సబ్సిడీ కింద రూ.75.85 కోట్లను ప్రభుత్వం ఆగస్టులో మంజూరు చేసింది. అయితే బ్యాంకు అకౌంట్ల వివరాలు లేని కారణంగా కేవలం 1,52,953 మంది రైతులకు వారి వ్యక్తిగత ఖాతాలలో రూ.64.89 కోట్లను మాత్రమే జమ చేశారు. మిగిలిన రూ.10.94 కోట్లను డ్రా కూడా చేయలేదు. అయితే, బ్యాంకుల్లో జమ చేసిన దాంట్లో మొత్తం కూడా రైతులకు చేరలేదు.
  
  అందులో బ్యాంకు ఖాతాల వివరాలు సరిగా లేవని, తప్పులున్నాయనే సాకుతో కేవలం 1,22,156 మంది రైతులకు మాత్రమే ఇన్‌పుట్ సబ్సిడీ రూ.53.77 కోట్లు జమ అయింది. మిగిలిన రూ.11.12 కోట్లు రైతుల ఖాతాలో జమ కాకుండా బ్యాంకర్ల వద్దే నిలిచిపోయింది. అయితే, ఈ తప్పులున్న ఖాతాల వివరాలను సరిచేసి పంపాలని 45 రోజుల క్రితమే మండల వ్యవసాయ అధికారులకు వివరాలు పంపగా,  ఆ ప్రక్రియ ఇప్పటివరకు పూర్తి కాలేదు. మరోవైపు అసలు బ్యాంకు అకౌంట్ల వివరాలే లేని కారణంగా పంపిణీ చేయకుండా నిలిచిపోయిన రూ.10.94 కోట్లు కూడా అంతే ఆగిపోయాయి. వీటన్నింటినీ ఈనెల 15వతేదీకల్లా పూర్తి చేస్తామని చెప్పిన వ్యవసాయశాఖ అధికారులు.. ఇప్పుడు మాత్రం వివరాలను బ్యాంకర్లకు పంపామని, మరో 15 రోజుల్లో ఇన్‌పుట్ సబ్సిడీ రైతుల ఖాతాకు వెళుతుందని చెబుతుండడం గమనార్హం.
  
  సున్నా పెట్టకపోయినా....
  ఇక, బ్యాంకు ఖాతాల విషయంలో బ్యాంకర్లు విధిస్తున్న కొర్రీలు కూడా రైతన్నలకు ప్రతిబంధకాలుగా మారుతున్నాయి. నిరక్షరాస్యులైన రైతులు తమ బ్యాంకు ఖాతాల వివరాల్లో మొదట్లో పెట్టాల్సిన సున్నా పెట్టకపోయినా ఇన్‌పుట్‌సబ్సిడీ జమచేయకుండా తిరస్కరిస్తున్నారు. కొందరు రైతులు బ్యాంకు ఖాతాలు సరిగా నిర్వహించకపోయినా, 12లేదా 14 అంకెల ఖాతానంబరు రాయకపోయినా,  వెనక్కి పంపుతున్నారే తప్ప పాత వివరాలను పరిగణనలోకి తీసుకోవడం లేదు. కొన్ని చోట్ల ఒకే బ్యాంకుకు చెందిన రెండు శాఖలు ఒకే ఊర్లో ఉంటే ఆ ఊరు పేరు రాసి, శాఖ పేరు రాయకపోయినా జమ చేయడం లేదంటే బ్యాంకర్ల కొర్రీలు ఎలా ఉన్నాయో అర్థం చేసుకోవచ్చు. ఈ విషయంలో రైతులు కూడా కొంత బాధ్యతతో వ్యవహరించాల్సి ఉన్నా... స్థానిక అధికారులు రైతులకు ఇబ్బందులకు కలగకుండా వ్యక్తిగతంగా విచారణ జరిపి వారి బ్యాంకు ఖాతాల వివరాలను పంపడంలో విఫలం కావడంతో ఈ పరిస్థితి తలెత్తుతోంది.
  
  కరువుతో అల్లాడుతున్న తమకు ఇన్‌పుట్‌సబ్సిడీ కింద ఎకరానికి రూ.2400 కానీ, రూ.4000 కానీ వస్తే రబీ పెట్టుబడులకో, కుటుంబ ఖర్చులకో ఉపయోగపడుతుందని, వెంటనే తమకు ఇన్‌పుట్ సబ్సిడీ మంజూరు చేయాలని ఆ 53వేల మంది రైతులు కోరుతున్నారు. మరోవైపు ఆగస్టులో వచ్చిన ఈ నిధులను 90 రోజుల్లో వినియోగించుకోకుంటే అవి మళ్లీ ప్రభుత్వ ఖజానాకు జమ అయ్యే ప్రమాదముందని తెలుస్తోంది. అధికారులు త్వరగా ఈ ప్రక్రియను పూర్తి చేయనిపక్షంలో ఆ నిధులు ప్రభుత్వ ఖాతాకు వెళ్లిపోతే మళ్లీ రైతులకు ఇన్‌పుట్ సబ్సిడీ వచ్చేందుకు మరో పుష్కరకాలం పట్టినా ఆశ్చర్యపోవాల్సిన అవసరం లేదని రైతుసంఘాల నేతలంటున్నారు.
  


 కరువు ప్రాంతాలపై కాకి లెక్కలు
 ⇒ అధికారుల ఇష్టారాజ్యం
 ⇒ జిల్లాలో 42 కరువు మండలాలు
 ⇒ సీఎం చెప్పిందొకటి...చేసింది మరొకటి
 ⇒ వర్షపాతం తక్కువ ఉన్నా ప్రకటించని వైనం
 ⇒ ఇప్పటికీ అందని గత ఏడాది కరువుసాయం
 సాక్షి, చిత్తూరు: జిల్లాలో కరువు మండలాల ఎంపికలో అధికారులు ఇష్టారాజ్యంగా వ్యవహరించారు. తొలుత 37, తరువాత ఇంకో 21 మండ లాల్లో కరువు ఉన్నట్లు ప్రతిపాదించారు. మొత్తం 66 మండలాలకుగాను 58 మండలాల్లో కరువు పరిస్థితులు ఉన్నాయని ప్రభుత్వానికి నివేదించారు. తరువాత ఏ లెక్కనో తెలియదు కానీ... కాదు నలభై రెండింటినే కరువుగా మండలాలుగా ప్రతిపాదిస్తూ ప్రభుత్వానికి నివేదించారు. జిల్లా మొత్తం కరువు తాండవిస్తున్నా, ప్రజాప్రతినిధులు నెత్తీనోరు బాదుకున్నా... 42 మండలాల్లో మాత్రమే కరువు అంటూ ప్రకటించి ప్రభుత్వం చేతులు దులుపుకుంది. జిల్లా మొత్తాన్ని కరువు కింద ప్రకటిస్తానని చెప్పిన చంద్రబాబు మాటలు నీటిమూటలయ్యాయి.
  
 ఖరీఫ్‌లో వర్షాభావం నేపథ్యంలో కరువుపై నివేదిక ఇవ్వాలని ప్రభుత్వం జిల్లా అధికారులను ఆదేశించింది. సాధారణ వర్షపాతం కంటే 60 శాతం తక్కువ వర్షపాతం నమోదైందని, 37 మండలాల్లో కరువు పరిస్థితులు ఉన్నాయని అధికారులు సెప్టెంబర్‌లో ప్రభుత్వానికి నివేదించారు. అక్టోబర్ మొదటి వారంలో మరో 21 మండలాల్లోనూ అదే పరిస్థితి ఉందంటూ మరో నివేదిక పంపారు. మొత్తంగా 58 మండలాలను కరువు కింద ప్రకటించాలని అధికారులు ప్రభుత్వాన్ని కోరారు. ఆ తరువాత ఏంజరిగిందో ఏమో నవంబర్ 5న 42 మండలాలను మాత్రమే కరువు కింద ప్రకటించాలని అధికారులు మరో నివేదిక ఇవ్వడం అనుమానాలకు తావిస్తోంది. జిల్లాలో నైరుతి రుతుపవనాలు అనుకూలించకపోవడంతో ఖరీఫ్‌లో వర్షాలు సక్రమంగా కురవలేదు.
 
 జిల్లావ్యాప్తంగా 1,22,162 హెక్టార్లలోని రైతులు సాగు చేసిన వేరుశెనగ పంట దెబ్బతింది. దిగుబడి సైతం గణనీయంగా తగ్గింది. లక్ష పైచిలుకు టన్నుల దిగుబడి రావాల్సి ఉండగా, 10వేల మించి దిగుబడి రాలేదు. దాదాపు రూ.400 కోట్లు వెచ్చించి సాగు చేసిన పంట దెబ్బతినడంతో రైతులు తీవ్రంగా నష్టపోయారు. వేరుశెనగ రైతులను ఆదుకుంటామని, జిల్లా మొత్తాన్ని కరువు ప్రాంతంగా ప్రకటిస్తామని నవంబర్ నెలలో జరిగిన పర్యటనలో ముఖ్యమంత్రి హామీ ఇచ్చారు. కానీ ఇప్పుడు ఆ హామీని తుంగలో తొక్కి 42 మండలాలను మాత్రమే కరువు మండలాలుగా ప్రకటించారు. చిత్తూరు డివిజన్‌లో 20 మండలాలకు గాను 10 మండలాలను, తిరుపతి డివిజన్ పరిధిలో 15 మండలాలకు గాను 5 మండలాలు, మదనపల్లె డివిజన్‌లో 30 మండలాలకు గాను 27 మండలాలను మాత్రమే కరువు మండలాలుగా ప్రకటించారు.
  
 నిబంధనలకు పాతర
 కరువు మండలాలను వర్షపాతం, డ్రైసెల్స్, ఏరియా కవరేజి, పంటల దిగుబడి తదితర వాటి ఆధారంగా ఎంపిక చేస్తారు. ప్రధానంగా సాధారణ వర్షపాతం కంటే తక్కువ వర్షపాతం నమోదైన మండలాలను కరువు కింద ప్రభుత్వం ఎంపిక చేయాల్సి ఉంది. కానీ ముఖ్యమంత్రి సొంత జిల్లాలో ఇష్టానుసారంగా, మండలాల కుదింపే ధ్యేయంగా ఎంపిక జరిగినట్లు స్పష్టమవుతోంది.  ఎక్కువ వర్షపాతం నమోదైన మండలాలను కరువు కింద ఎంపిక చేసిన అధికారులు, తక్కువ వర్షపాతం నమోదైన మండలాలను ఎంపిక చేయకపోవడం విశేషం.
 
 ఉదాహరణకు సాధారణ వర్షపాతం కంటే 23.4 శాతం తక్కువగా పడిన రామసముద్రం, 40.1 శాతం తక్కువ నమోదైన చంద్రగిరి, చిన్నగొట్టిగల్లు, 38 శాతం తక్కువగా నమోదైన ఐరాల, 31.1 శాతం తక్కువ వర్షపాతం నమోదైన కలికిరి మండలాలను కరువు మండలాలుగా ప్రభుత్వం ప్రకటించింది. ఇక 53.9 శాతం తక్కువ వర్షపాతం నమోదైన కార్వేటినగరం, 59.1 శాతం తక్కువ నమోదైన పుత్తూరు, 50 శాతం తక్కువ నమోదైన నిండ్ర, 60 శాతం తక్కువ నమోదైన పాకాల మండలాలను మాత్రం ప్రభుత్వం కరువు కింద ఎంపిక చేయకపోవడం విశేషం. ఈ లెక్కన కరువు మండలాల ఎంపిక తప్పులతడకగా ఉన్నట్లు స్పష్టమవుతోంది.
  
 ఆర్థిక భారాన్ని తగ్గించుకునేందుకే....
 కరువు మండలాలకింద ఎంపికైతే రైతులకు సాగు చేసిన పంటలకు సంబంధించి ఇన్‌పుట్ సబ్సిడీ, పశుగ్రాసం సరఫరా, ఉపాధి పనులు కల్పించాలి. తాగునీటి సమస్యతో పాటు పలు సమస్యలను పరిష్కరించాలి. అన్ని మండలాలను కరువుకింద ప్రకటిస్తే రాయితీలు భరించడం కష్టమవుతుందని, ఆర్థిక భారాన్ని తప్పించుకునేందుకే వీటిని కుదించారని విమర్శలు వెల్లువెత్తుతున్నాయి.
  
 కరువు సాయం అందేనా....?
 జిల్లాలో గత ఖరీఫ్‌లో 1,22,162 హెక్టార్లలో సాగు చేసిన  వేరుశెనగతో పాటు మిగిలిన పంటలు దెబ్బతిన్నాయి. ఈ నేపథ్యంలో ప్రభుత్వం ఇన్‌పుట్ సబ్సిడీ కింద రూ.122.16కోట్లు రైతులకు చెల్లించాల్సి ఉంది. దీంతో పాటు పశుగ్రాసం, ఉపాధిపనులు కల్పించాల్సి ఉంది. అయితే గత ఏడాది కరువు సాయాన్ని సైతం ఇంతవరకు అందించలేదు.
  
 గతేడాది ఇన్‌పుట్ సబ్సిడీ ఇవ్వని ప్రభుత్వం
 గతేడాది జిల్లాలో కరువు పరిస్థితులు నెలకొనడంతో ప్రభుత్వం 33 మండలాలను కరువు మండలాలుగా ప్రకటించింది.లక్షా ఒక్క వేయి హెక్టార్లలో వేరుశెనగపంట దెబ్బతింది. హెక్టార్‌కు 10 వేల చొప్పున   ఇన్‌పుట్ సబ్సిడీ కింద 110 కోట్లు ఇవ్వాల్సి ఉంది. ఎన్నికల సమయంలో రైతులకు ఇవ్వాల్సిన ఇన్‌పుట్ సబ్సిడీ చెల్లిస్తామని చెప్పిన చంద్రబాబు ఇంతవరకూ పైసా ఇవ్వలేదు.  కరువు మండలాల ఎంపికలో సొంతజిల్లాపై ముఖ్యమంత్రి సవతి ప్రేమ చూపించడంపై జిల్లా ప్రజలు ఆగ్రహావేశాలు వ్యక్తం చేస్తున్నారు.


 అష్టకష్టాలు పడి పంటలు సాగు చేసి ప్రకృతి ప్రకోపానికి బలైన రైతులకు ఊరట కలిగించేందుకు సర్కారు ఇస్తామంటున్న పరిహారం పరిహాసమవుతోంది. జరిగిన నష్టం నుంచి కోలుకుని మళ్లీ సాగుకు సమాయత్తమయ్యేందుకు రైతులకిచ్చే ఇన్‌పుట్ సబ్సిడీ ఏళ్ల తరబడి వారికి అందడం లేదు. దీంతో అప్పుల పాలై అన్నదాతలు అవస్థలు పడుతున్నారు.
  
 ఒంగోలు: పంట నష్టపోయి దిక్కుతోచని స్థితిలో ఉన్న రైతులను తక్షణమే ఆదుకునేందుకు ఇచ్చే ఇన్‌పుట్ సబ్సిడీ మూడేళ్లుగా రైతుల దరి చేరడం లేదు. 50 శాతంపైగా పంట నష్టపోయిన వారికి దాదాపు రూ.57.91 కోట్ల సబ్సిడీ మొత్తం పంపిణీ కావాల్సి ఉంది.
 
 - 2010 నవంబర్‌లో జల్ తుఫాను విరుచుకుపడింది. దీనికి సంబంధించి 72 మంది రైతులకు రూ.2.53 లక్షలు విడుదల కావాలి. నాలుగేళ్లు దాటినా..ఇంత వరకు రైతుల గోడు పట్టించుకునే వారే లేరు. 2011 ఫిబ్రవరిలో కురిసిన వర్షాలకు 28 మంది రైతులకు చెల్లించాల్సిన పరిహారం రూ.2.13 లక్షలు. అదే ఏడాది ఏప్రిల్‌లో అకాల వర్షాల దెబ్బకు 345 మంది రైతులు తీవ్రంగా నష్టపోయారు. వీరికి ప్రభుత్వం చెల్లించాల్సిన మొత్తం రూ.10.07 లక్షలు.
  - థానే తుఫాను ప్రభావంతో 6,925 మంది రైతులు నష్టపోయారని వ్యవసాయ శాఖ అధికారులు అంచనా వేసి ప్రభుత్వానికి నివేదిక అందజేశారు. వీరికి ఇన్‌పుట్ సబ్సిడీ రూ.214.55 లక్షలు ఇస్తామని ప్రకటించారు.
  - 2011-12 కరువు ప్రాంతాల్లోని 66,660 మంది రైతులకు రూ.1819.16 లక్షలు ఇవ్వాల్సి ఉంది.
  - 2012 జనవరిలో కురిసిన అకాల వర్షాలకు 54331 మంది రైతులు నష్టపోయారు. వారికి రూ.1663.73 లక్షలు పరిహారం రూపంలో అందజేసేందుకు ప్రభుత్వం సంసిద్ధత వ్యక్తం చేసింది.
  - 2012 నీలం తుఫాను వల్ల 307 మంది రైతులకు రూ.16.61 లక్షలు పంపిణీ చేయాల్సి ఉంది. గత ఏడాది ఫిబ్రవరిలో కురిసిన అకాల వర్షాలకు 1953 మంది రైతులు నష్టపోగా వారికి చెల్లించాల్సిన మొత్తం రూ.114.61 లక్షలు.
  - 2013 అక్టోబర్‌లో కురిసిన వర్షాలకు 32,364 మంది రైతులు నష్టపోగా వారికి రూ.1948 లక్షలు పరిహారం ఇవ్వాల్సి ఉంది.  వీటి ప్రకారం మొత్తం లక్ష 62 వేల 985 మంది రైతులకు రూ.57 కోట్ల 91 లక్షల 39 వేల ఇన్‌పుట్ సబ్సిడీ పంపిణీ చేయాల్సి ఉంది.  
  
 తక్షణమే రైతులను ఆదుకోవాలి:మారెడ్డి సుబ్బారెడ్డి, వైఎస్సార్ సీపీ రైతు విభాగం జిల్లా అధ్యక్షుడు
 పంట నష్టపోయిన రైతులు వెంటనే మరోసారి పంట వేసుకునేందుకు ఇచ్చేది ఇన్ పుట్ సబ్సిడీ.. కానీ దానిని ఇంతవరకు రైతులకు విడుదల చేయకపోవడం బాధాకరం. 1.63 లక్షల మంది రైతులకు రూ.57.91 కోట్ల పంపిణీకి ప్రభుత్వం వెనుకాడుతుండటం సరైన చర్య కాదు. ప్రభుత్వం స్పందించి తక్షణం ఈ మొత్తాన్ని రైతుల ఖాతాలకు జమచేయాలి.


 అమలాపురం : ప్రకృతికి తొలి అలుసు.. మట్టిని నమ్ముకునే రైతే. ప్రభుత్వాల అలసత్వానికి తొలి బాధితుడు కూడా రైతే. ప్రకృతి కబళించిన పంటకు కంటితుడుపుగా ఇచ్చే పరిహారం రైతు కన్నీరింకిన ఎన్నాళ్లకు, ఎన్నేళ్లకు ఇస్తారో తెలియని దుస్థితే అందుకు నిదర్శనం. నీలం తుపాను వచ్చి రెండేళ్లు దాటినా ఇప్పటికీ రైతులకు పూర్తిస్థాయిలో పెట్టుబడి రాయితీ (ఇన్‌పుట్ సబ్సిడీ) అందకపోవడమే అందుకు ప్రబల సాక్ష్యం.
  
 నీలం తుపాను వచ్చి ఈ నవంబరు మూడుకు రెండేళ్లు పూర్తయింది. ప్రకృతి వైపరీత్యాల వల్ల పంట నష్టపోయిన రైతులకు ప్రభుత్వం పరిహారం రూపంలో పెట్టుబడి రాయితీని అందిస్తుంది. 2012 అక్టోబరు చివరిలో కురిసిన ఈశాన్య రుతుపవనాలకు తోడు నీలం తుపాను రావడంతో రైతులు భారీగా పంటనష్టపోయారు. జిల్లాలో 3.50 లక్షల ఎకరాల్లో వరి పంట దెబ్బ తిందని అంచనా. 2.76 లక్షల మంది రైతులను బాధితులుగా గుర్తించిన ప్రభుత్వం పెట్టుబడి రాయితీ రూపంలో రూ.145.57 కోట్లు మంజూరు చేసింది. గత ఏడాది అక్టోబరు, నవంబరు నెలల్లో వీటిని రైతుల ఖాతాకు జమ చేయాల్సి ఉంది. అయితే 2.50 లక్షల మంది రైతులకు రూ.138 కోట్లను మాత్రమే జమ చేశారు.
 
 నిధులను ప్రభుత్వం విడతల వారీగా మంజూరు చేసింది. చివరిగా రాష్ట్ర విభజన ముందు అప్పటి కిరణ్‌కుమార్‌రెడ్డి ప్రభుత్వం పెండింగ్‌లో ఉన్న రూ.ఏడు కోట్లు విడుదల చేసింది. ఈ నిధులను ట్రెజరీ ద్వారా ఆయా జిల్లాలకు, అక్కడ నుంచి రైతుల ఖాతాకు జమ చేయాల్సి ఉంది. అయితే ప్రభుత్వ ప్రధాన కార్యదర్శి అనుమతి లేదని ట్రెజరీ నిధుల విడుదలకు అంగీకరించలేదు. ఇంతలో రాష్ట్ర విభజనతో నిధులు వెనక్కు మళ్లిపోయాయి.
 
 దీనితో రైతులకు పెట్టుబడి రాయితీ అందకుండా పోయింది. అలాగే గతంలో పంపిణీ చేసిన రూ.138 కోట్లలో ఆన్‌లైన్ బ్యాంకు ఖాతాలు ఇవ్వని రైతులకు, సాంకేతిక ఇబ్బందుల కారణంగా మరో రూ.3. 57 కోట్లు మరికొందరు రైతులకు అందలేదు. మొత్తం మీద సుమారు 26 వేల మంది రైతులకు రూ.10.57 కోట్లు అందకుండా పోయాయి. త్వరలోనే అందజేస్తామని అధికారులు చెబుతున్నారు.
 
 పూర్తిస్థాయిలో నీలం పరిహారం అందించకపోవడంపై ఏడాదిగా రైతులు ఆందోళన చేస్తున్నారు. దీనిపై ఆమరణ నిరాహారదీక్ష చేపట్టిన సందర్భాలు కూడా ఉన్నాయి. ఇటీవల ఉప ముఖ్యమంత్రి నిమ్మకాయల చినరాజప్ప, జిల్లా పర్యటనకు వచ్చిన వ్యవసాయ మంత్రి ప్రత్తిపాటి పుల్లారావు, వ్యవసాయ శాఖ కమిషనర్ మధుసూదనరావుల వద్ద రైతులు పరిహారంపై గోడు వెళ్లబోసుకున్నా  స్పందన లేదు.
  
 ‘హెలెన్’ పరిహారం ఊసే లేదు..
 నీలం పరిహారాన్ని ఇప్పటికీ పూర్తిస్థాయిలో అందించని ప్రభుత్వం గత ఏడాది నవంబర్‌లో సంభవించిన హెలెన్ తుపాను పరిహారంపై ఇప్పటి వరకు నోరు మెదపలేదు. గత ఏడాది నవంబరులో వచ్చిన భారీ వర్షాలకు సుమారు 1.46 లక్షల ఎకరాల్లో, హెలెన్ వల్ల 1.76 లక్షల ఎకరాల్లో వరి పంట దెబ్బతింది. మొత్తమ్మీద 3.22 లక్షల ఎకరాల్లో పంటనష్టపోయిన 1.30 లక్షల మంది రైతులకు రూ.130 కోట్లు ఇన్‌పుట్ సబ్సిడీగా ప్రభుత్వం అందించాల్సి ఉంది. అయితే వ్యవసాయ శాఖ అధికారులు పంపిన నివేదికలపై ఇప్పటి వరకు ప్రభుత్వం స్పందించకపోవడంపై హెలెన్ పరిహారం వస్తుందనే నమ్మకం రైతుల్లో కొరవడింది.
 
 నష్టపోయిన రైతుకు హెక్టారుకు రూ.25 వేలు పరిహారం అందించాలని, పెట్టుబడి రాయితీని తక్షణం అందజేయాలని గతంలో ఆమరణ నిరాహారదీక్ష చేసిన చంద్రబాబు నాయుడే  ఎన్నికల్లో విజయం సాధించి ఇప్పుడుముఖ్యమంత్రి అయ్యారు. రుణమాఫీ విషయంలో మాట తప్పినట్టే.. హెక్టారుకు రూ.25 వేల పరిహారం విషయంలోనూ రైతులకు మొండిచేయి చూపారు. ఇందుకు ఉదాహరణ ఇటీవల హుద్‌హుద్ తుపానుకు ఉత్తరాంధ్రలో పంట కోల్పోయిన రైతుకు పెట్టుబడి రాయితీని హెక్టారుకు కేవలం రూ.15 వేలే ప్రకటించారు. ప్రకృతి చేసిన గాయంపై పాలకుల నిర్లక్ష్యం కారంలా బాధిస్తోందని రైతులు వాపోతున్నారు.


 భీమవరం : ప్రకృతి వైపరీత్యాలు రైతులను నిండా ముంచుతుంటే వారికి భరోసా కల్పించవలసిన ప్రభుత్వం పట్టించుకోవడం లేదు. గతేడాది హెలెన్, పైలీన్ తుపానుల దెబ్బకు జిల్లాలో నష్టపోయిన  రైతులకు ఇన్‌పుట్ సబ్సిడీ, పంటల బీమా అందించి ఆదుకోవలసి ఉన్నా ఆ పని చేయడం లేదు. గ త కాంగ్రెస్ ప్రభుత్వం రెండు నెలల్లో ఇన్‌పుట్ సబ్సిడీ అందిస్తామని భరోసా ఇచ్చినా అమలు కాలేదు.
  ప్రస్తుతం అధికారంలోకి వచ్చిన టీడీపీ ప్రభుత్వం తీరు కూడా అదేవిధంగా కనిపిస్తోంది. ఇప్పటి వరకు రుణమాఫీ చేయకపోవడంతో రైతులకు బ్యాంకుల్లో వడ్డీ భారం పెరుగుతోంది. 2013 సంవత్సరంలో వచ్చిన హెలెన్, పైలీన్ తుపానుల ధాటికి జిల్లాలోని సార్వా పంట అతలాకుతలమైంది. అప్పట్లోనే
  
 లక్షా 50 వేల హెక్టార్లలో నష్టం వాటిల్లినట్టు
 అధికార యంత్రాంగం అంచనా వేసింది. దీని నిమిత్తం ఇన్‌పుట్ సబ్సిడీ కింద సుమారు రూ. 103 కోట్లు అందించవలసి ఉందని అధికారులు గుర్తించారు. గ్రామం యూనిట్‌గా అంచనా వేసి సుమారు రూ.150 కోట్లు  పంటల బీమా సొమ్ము రావాల్సి ఉందని ప్రభుత్వం గుర్తించింది. ఇన్సూరెన్స్ కంపెనీల నియమ నిబంధనల ప్రకారం పంటల బీమా ప్రీమియం ఈ ఏడాది ఆగస్టు నెలాఖరులోపు బ్యాంకుల ద్వారా అందించవలసి ఉంది.
 
 రాష్ట్ర ప్రభుత్వం రుణమాఫీతో కలిపి ఈ బీమా సొమ్మును ఇచ్చేందుకు ఇన్సూరెన్స్ కంపెనీలపై ఒత్తిడి తీసుకురావడంతో అవి కూడా ఇప్పటి వరకు రైతులకు చేరువ కాలేదు. నేరుగా రైతుల బ్యాంకు ఖాతాల్లో జమ చేస్తామని ఇన్సూరెన్స్ కంపెనీలు చెబుతున్నప్పటికీ ప్రభుత్వ ఒత్తికి కారణంగా బీమా సొమ్ము వెనక్కెళ్లే పరిస్థితి కనిపిస్తోంది. ఇన్‌పుట్ సబ్సిడీ అయితే అసలు ఎప్పుడు వస్తుందో తెలియని పరిస్థితి నెలకొంది.
  
 రుణ మాఫీ ఎప్పుడో?
 రుణమాఫీ చేయడం తథ్యం అని చెబుతూ వస్తున్న ప్రభుత్వం మాత్రం దీనిపై రోజు రోజుకూ అనేక షరతులు పెడుతూ రైతులను మభ్యపెట్టే ప్రయత్నంలో నిమగ్నమైందనే విమర్శలు వినిపిస్తున్నాయి. జిల్లాలో 2013 మార్చి నెలాఖరులోపు సుమారు ఎనిమిది లక్షల మంది రైతులు రూ. 7 వేల 475 కోట్లు పంట రుణాలు పొందారు. వీటిలో సుమారు నాలుగు శాతం మంది మాత్రమే ఆయా బ్యాంకులకు రుణాలు చెల్లించినప్పటికీ మిగిలిన రైతులు రుణమాఫీ కోసం వేయికళ్లతో ఎదురుచూస్తున్నారు.  ప్రభుత్వం రుణమాఫీ చేయకపోతే బ్యాంకుల్లో వడ్డీ మరింత భారంగా మారి  కష్టాల ఊబిలో కూరుకుపోతామని రైతులు ఆందోళన వ్యక్తం చేస్తున్నారు.


 సాక్షి ప్రతినిధి, తిరుపతి: నోటితో పలకరించి నొసటితో వెక్కిరించడమంటే ఇదే..! వర్షాభావ పరిస్థితుల నేపథ్యంలో 66 మండలాలను కరువు ప్రాంతాలుగా ప్రకటించి.. ఆదుకోవాలని కలెక్టర్ నివేదిక పంపారు. ఆ నివేదిక మేరకు జిల్లాను కరువు ప్రాంతంగా ప్రకటిస్తామని సీఎం చంద్రబాబు బుధవారం హామీ ఇచ్చారు.
 
 కానీ గతేడాది నష్టపోయిన రైతులకు ఇప్పటికీ ఇన్‌పుట్ సబ్సిడీ, బీమా పరిహారం కానీ విడుదల చేయకపోవడం గమనార్హం. కరువు జిల్లాగా ప్రకటించి చేతులు దులుపుకుంటే ఏం ప్ర యోజనమని రైతులు ఆవేదన వ్యక్తం చేస్తున్నారు. వర్షచాయ(రెయిన్ షాడో) ప్రాంతమైన జిల్లాలో గత నాలుగేళ్లుగా దుర్భిక్షం నెలకొంది. వరుసగా ఐదో ఏట కూడా వర్షాభావం కొనసాగుతోంది. నైరుతి రుతుపవనాల వల్ల ఖరీఫ్‌లో 439.4 మిమీల వర్షపాతం కురవాల్సి ఉండగా.. కేవలం 271.4 మిమీలవర్షమే కురిసింది.
 
 వర్షపాత వివరాలు ఎ క్కువగా ఉండడంతో 1.39 లక్షల హెక్టార్లలో సాగుచేసిన వేరుశెనగ పంట ఎండిపోయింది. హెక్టారుకు సగటున 48 కిలోల దిగుబడి కూడా రైతులకు దక్కలేదన్నది పంట కోత ప్రయోగాల్లో వెల్లడైంది. రబీలోనూ అదే పరిస్థితి నెలకొంది. ఈశాన్య రుతుపవనాల వల్ల 395.4 మిమీల వర్షం కురువాల్సి ఉండగా.. ఇప్పటిదాకా కేవలం 68.2 మిమీల వర్షం పడింది. రబీలో 59,970 హెక్టార్లలో వరి, వేరుశెనగ తదితర పంటలను సాగుచేయాల్సి ఉండగా.. కేవలం 5,188 హెక్టార్లలో మాత్రమే రైతులు పంటలు సాగు చేశారు. వర్షాభావ పరిస్థితుల వల్ల భూగర్భజలాలు అడుగంటిపోవడంతో నీటి ఎద్దడి అప్పుడే వేసవిని తలపిస్తోంది.
 
 జిల్లాలో ఇప్పటికే 1723 గ్రామాల్లో తాగునీటి ఎద్దడి పూర్తిగా ఏర్పడింది. వర్షపాతం, పంట దిగబడులు, తాగునీటి ఎద్దడి, పశుగ్రాసం తదితర అంశాల ఆధారంగా జిల్లాలో 66 మండలాలను కరవు ప్రాంతాలుగా ప్రకటించాలని వారం క్రితం కలెక్టర్ సిద్ధార్థ్‌జైన్ ప్రభుత్వానికి నివేదిక పంపారు. బుధవారం కురుబలకోట మం డలం అంగళ్లులో ‘జన్మభూమి- మా ఊరు’లో పాల్గొన్న సీఎం చంద్రబాబు.. జిల్లాను కరవు ప్రాంతంగా ప్రకటిస్తామని హామీ ఇచ్చారు. కానీ.. దుర్భిక్షం నేపథ్యంలో తీవ్రంగా నష్టపోయిన రైతులను ఆదుకోవడంపై స్పష్టత ఇవ్వలేదు.
 
 గతేడాదికే దిక్కులేదు..
 గతేడాది జిల్లాలో వర్షాభావం రాజ్యమేలింది. జిల్లాలో 36 మండలాలను కరవు ప్రాంతాలుగా ప్రభుత్వం ప్రకటించింది. వర్షాభావం నేపథ్యంలో 1.54 లక్షల హెక్టార్లలో పంట నష్టపోయిన రైతులకు రూ.108 కోట్ల మేర ఇన్‌పుట్ సబ్సిడీని చెల్లించాలని అధికారులు అప్పట్లో ప్రభుత్వానికి నివేదిక పంపారు. 1.12 లక్షల హెక్టార్లలో వేరుశెనగ పంట నష్టపోయిన రైతులకు వాతావరణ బీమా కింద రూ.101 కోట్ల పరిహారం మంజూరు అవుతుందని అధికారులు అంచనా వేస్తున్నారు. కానీ.. ఇన్‌పుట్ సబ్సిడీగానీ వాతావరణ బీమా పరిహారాన్నిగానీ ప్రభుత్వం ఇప్పటిదాకా విడుదల చేయలేదు.
 
 ఇన్‌పుట్ సబ్సిడీ, బీమా పరిహారాన్ని కెలామిటీ రిలీఫ్ ఫండ్(సీఆర్‌ఎఫ్) నిధులతో రైతులకు ప్రభుత్వం చెల్లిస్తుంది. సీఆర్‌ఎఫ్‌కు 75 శాతం నిధులను కేంద్రం సమకూర్చితే.. 25 శాతం నిధులను రాష్ట్ర ప్రభుత్వం సమకూర్చాలి. గతేడాది నష్టపోయిన రైతులకు ఇన్‌పుట్ సబ్సిడీ, బీమా పరిహారాన్ని చెల్లించడానికి వీలుగా కేంద్రం ఇప్పటికే తన వాటా నిధులను విడుదల చేసింది. కానీ.. రాష్ట్ర ప్రభుత్వం మాత్రం తన వాటా నిధుల ను విడుదల చేయలేదు. రాష్ట్ర ప్రభుత్వ వైఖ రివల్లే పంట నష్టపోయి ఏడాది పూర్తవుతు న్నా నేటికీ రైతులకు ఇన్‌పుట్ సబ్సిడీ, బీమా పరిహారం అందకపోవడం గమనార్హం.
 
 మాటలతో ప్రయోజనమేంటి..?
 జిల్లాను కరవు ప్రాంతంగా ప్రకటిస్తే.. పంట నష్టపోయిన రైతులకు ప్రభుత్వం ఇన్‌పుట్ సబ్సిడీ చెల్లించాలి. వాతావరణ బీమా ప్రీమియం చెల్లించిన రైతులకు పరిహారం మంజూరు చేయాలి. పంట రుణాలను ప్రభుత్వం రీషెడ్యూలు చేసి.. కొత్త పంట రుణాలను ఇప్పిస్తుంది. తాగునీటి ఎద్దడికి అవసరమైన నిధులు.. పశుగ్రాసం కొరతను నివారించడానికి చర్యలు చేపడుతుంది. ఈ ఏడాది ఖరీఫ్‌లో పంట నష్టపోయిన రైతులకు ఇన్‌పుట్ సబ్సిడీగా చెల్లించడానికి రూ.154 కోట్లు మంజూరు చేయాలని వ్యవసాయశాఖ అధికారులు ఇప్పటికే ప్రభుత్వానికి నివేదికలు పంపారు.
 
 వేసవిలో తాగునీటి ఎద్దడిని ఎదుర్కోవడానికి కనీసం రూ.45 కోట్లు అవసరం అవుతాయని గ్రామీణ నీటి సరఫరా అధికారులు అంచనా వేస్తున్నారు. పశుగ్రాసం కొరత నివారించడానికి కనిష్ఠంగా రూ.12 కోట్ల మేర అవసరం అవుతాయని పశుసంవర్థకశాఖ అధికారులు చెబుతున్నారు. ప్రస్తుతం జిల్లాను కరవు ప్రాంతంగా ప్రకటించి.. ఈ ఏడాది కొత్తగా పంట రుణాలను బ్యాంకర్లు మంజూరు చేయకపోవడం వల్ల రీషెడ్యూలు చేసే పరిస్థితి ఉండదు. బీమా ప్రీమియం రైతులు చెల్లించని నేపథ్యంలో పరిహారం మంజూరు చేసే పరిస్థితి కూడా ఉండదు. అంటే.. రైతులకు కేవలం ఒక్క ఇన్‌పుట్ సబ్సిడీని మాత్రమే అందించేందుకు అవకాశం ఉంటుంది. గతేడాది ఇన్‌పుట్ సబ్సిడీ, బీమా పరిహారాన్నే ఇప్పటికీ మంజూరు చేయని నేపథ్యంలో.. ఈ ఏడాది నష్టపోయిన రైతులకు ఎప్పుడు ఇన్‌పుట్ సబ్సిడీ మంజూరు చేస్తారన్నది అంతుచిక్కడం లేదు.


 కష్టాల్లో ఉన్నప్పుడు ఆదుకుంటేనే ఆ సాయానికి సార్ధకత ఉంటుంది. బాధితులకు మేలు జరుగుతుంది. కాని ప్రభుత్వాలు ఇందుకు భిన్నంగా వ్యవహరిస్తున్నాయి.  ఏళ్లు గడుస్తున్నా పంటనష్టం పరిహారం గురించి నోరు మెదపడం లేదు. అరకొరగా నిధులు మంజూరు చేస్తూ చేతులు దులుపుకుంటున్నాయి.
 
 2012లో నీలం తుపాను నష్ట పరిహారం ఇప్పటికీ పూర్తిగా రైతులకు అందలేదంటే రైతు సంక్షేమం పట్ల ప్రభుత్వాలకున్న చిత్తశుద్ధేపాటిదో అర్థమవుతోంది. ఇక గతేడాది వర్షాలకు జరిగిన పంట నష్టానికి ఇవ్వాల్సిన పెట్టుబడి రాయితీ విషయాన్ని కొత్త ప్రభుత్వం కనీసం పట్టించుకున్న దాఖలాలు లేవు. ఇంతలో హుదూద్ ఈ ఏడాది ఖరీఫ్ పంటను తుడిచిపెట్టేసింది. ఇంకా పంట నష్టం అంచనాలు తయారు పనిలోనే అధికారులు నిమగ్నమై ఉన్నారు.
  
 విశాఖ రూరల్: పంటనష్టం పరిహారం చెల్లింపు పరిహాసమవుతోంది. పరిహారం వెంటనే అందించేందుకు చర్యలు చేపట్టాల్సిన ప్రభుత్వం పెట్టుబడి రాయితీ భారాన్ని తగ్గించుకోవడానికి రోజుకో ఉత్తర్వులు జారీ చేస్తోంది. ఈక్రమంలో ఇప్పట్లో అన్నదాతలకు హుదూద్ ఇన్‌పుట్ సబ్సిడీ వచ్చే అవకాశాలు కనిపించడం లేదు. ఇప్పటికే రబీ ప్రారంభమైంది. రుణ మాఫీ పేరుతో బూటకపు హామీ ఇచ్చి అధికారంలోకి వచ్చిన తెలుగుదేశం ప్రభుత్వం ఇప్పటి వరకు రుణాలను రద్దు చేయలేదు. ఫలితంగా ఖరీఫ్‌లో రైతులకు కొత్త రుణాలు లేకుండాపోయాయి.
 
 ప్రైవేటు ఫైనాన్స్ వ్యాపారుల నుంచి అధిక వడ్డీకి అప్పులు తెచ్చి మదుపులు పెట్టిన అన్నదాతలను హుదూద్ కోలుకోలేకుం డా చేసింది. ఇప్పటికైనా రైతాంగానికి పరి హారాన్ని వెంటనే అందించే ఏర్పాట్లు చేస్తే కనీ సం రబీసాగుకైనా సంసిద్ధులవ్వడానికి అవకాశముంటుంది. లేకపోతే జిల్లాలో రబీ సాగు లక్ష్యం 50 శాతం కూడా చేరుకొనే అవకాశముండదని
  అధికారులే భావిస్తున్నారు.
 
 రూ.12.25 కోట్లు పరిహారం వచ్చేనా!
 గతేడాది అక్టోబర్ నుంచి డిసెంబర్ వరకు అధిక వర్షాలు పంటలను ముంచెత్తాయి. వరుసగా అల్పపీడనం, హెలెన్ కారణంగా జిల్లాలో 13,341 హెక్టార్లలో పంటలు నీట మునిగాయి. 52,426 మంది రైతులకు నష్టం వాటిల్లింది. వాస్తవానికి ఇంతకు రెట్టింపు నష్టం జరిగినప్పటికీ.. ప్రభుత్వ ఆంక్షలు కారణంగా కేవలం రూ.12.25 కోట్లు పెట్టుబడి రాయితీకే అధికారులు ప్రభుత్వానికి ప్రతిపాదనలు పంపారు. అలాగే ఆ వరదలకు 1191.29 హెక్టార్లలో ఉద్యాన పంటలు దెబ్బతినగా 9212 మంది రైతులకు నష్టం జరిగినట్లు అధికారులు గుర్తించారు.
 
 వీరికి రూ.1.87 కోట్లు ఇన్‌పుట్ సబ్సిడీ కోసం ప్రతిపాదించారు. ఈ పరిహారంపై ప్రభుత్వం ఇప్పటి వరకు కనీసం దృష్టి సారించలేదు. ఇదిలా ఉంటే 2012 నీలం తుపాను పరిహారం ఇప్పటికీ పూర్తిగా అందకపోవడం విశేషం. అప్పట్లో రూ.30.41 కోట్లు ఇన్‌పుట్ సబ్సిడీకి ఇంకా 20,364 మంది రైతులకు రూ.1.23 కోట్లు పరిహారం అందించాల్సి ఉంది. ఉద్యాన పంటలకు సంబంధించి 7920 మంది రైతులకు రూ.3.45 కోట్లు విడుదల కావాల్సి ఉంది. ఎన్నికలకు ముందు ఈ పరిహారం మంజూరు చేస్తున్నట్లు ప్రకటించినప్పటికీ ఖజానా ఫ్రీజ్ చేయడంతో నిధులు విడుదల కాలేదు.
 
 రైతులు ఎదురుచూపులు
 ఏటా తుపాన్లు రైతులను నిలువునా ముంచుతున్నాయి. కాని పరిహారం మంజూరు విషయంలో మాత్రం ప్రభుత్వాలు కఠినంగా వ్యవహరిస్తున్నాయి. రెండేళ్ల క్రితం రావాల్సిన ఇన్‌పుట్ సబ్సిడీ కోసం రైతులు ఇప్పటికీ ఆశగా ఎదురుచూస్తున్నారు. ఇప్పటికైనా ప్రభుత్వం పెట్టుబడి రాయితీని వెంటనే మంజూరు చేయాలని అన్నదాతలు కోరుతున్నారు. కానీ ప్రభుత్వం మాత్రం ఆ పరిహారం విషయంపై కనీసం నోరెత్తడం లేదు.


 మదనపల్లె డివిజన్‌లో తీవ్ర వర్షాభావ పరిస్థితులు నెలకొన్నాయి. ఖరీఫ్‌లో సాగుచేసిన వేరుశెనగ పంట దెబ్బతింది. పెట్టుబడులూ చేతికందక రైతులు పుట్టెడు అప్పుల్లో కూరుకుపోయారు. డివిజన్ పరిధిలో రూ.280 కోట్ల వరకు నష్టాలు వాటిల్లినట్టు అంచనా.
  
 70 వేల హెక్టార్లలో పంట నష్టం
 
 ఖరీఫ్‌లో రెండు విడతలుగా జూన్, జూలై నెలల్లో రైతులు 70 వేల హెక్టార్ల (1.75 లక్షల ఎకరాలు)లో వేరుశెనగను సాగుచేశారు. మూడు నెలల కాలంలో 20 రోజుల పాటు పూర్తిగా డ్రైస్పెల్ వచ్చాయి. పూత, ఊడ, గింజ పట్టే దశలో వర్షం కురవక పంట దెబ్బతింది. డివిజన్‌లో సాధారణ వర్షపాతం 480 మి.మీ కాగా, ఈ సీజన్‌లో 40 శాతం తక్కువ కురిసింది. దీంతో వేరుశెనగ పంట పూర్తిగా దెబ్బతింది.
  
 ఎకరా సాగుకు రూ.15 వేల ఖర్చు
 
 ఎకరా పొలంలో వేరుశెనగను సాగుచేసి ఒబ్బిడి చేయాలంటే రైతులకయ్యే ఖర్చు రూ.15 వేలు. వర్షాలు బాగా కురిసుంటే ఎకరాకు 15 బస్తాలు (బస్తా 40 కిలోలు)తో ఆరు క్వింటాళ్ల వరకు దిగుబడి వచ్చేది. ఆ లెక్కన ఎకరాకు ప్రస్తుతమున్న ధర ప్రకా రం క్వింటాళ్ రూ.5 వేలు చొప్పున రూ.30 వేలు వచ్చేది. పెట్టుబడి రూ.15 వేలు పోను రూ.15 వేలు చేతికందేది. కానీ ఈ దఫా పూర్తిగా పంట నష్టం కావడంతో రైతులకు పది కిలోల కాయలు కూడా దొరకడం లేదు. మరోవైపు ఎండిన వేరుశెనగను రైతులు పశువులకు మేతగా వేస్తున్నారు.
  
 ఇన్‌పుట్ సబ్సిడీతో ఆదుకోవాల్సిందే
  
 నాలుగేళ్లుగా ఈ ప్రాంతంలో వేరుశెనగ రైతులకు సక్రమంగా ఇన్సూరెన్స్, ఇన్‌పుట్ సబ్సిడీ అందలేదు. గ త ఏడాది సైతం వేరుశెనగ తీవ్రంగా దెబ్బతింది. ప్రభుత్వం కరువు మండలాలుగా ప్రకటించింది. జిల్లా అధికారులు హెక్టారుకు రూ.10 వేల చొప్పు న ఇన్‌పుట్ సబ్సిడీ కోసం కేంద్రానికి అంచనాలు పంపి చేతులు దులుపుకున్నారు. ఇంతవరకు రైతులకు పైసా అందలేదు. ఈ ఏడాది వేరుశెనగ పరిస్థితి మరీ ఘోరంగా మారింది. రైతులకు నష్టపరిహారం అందితే గానీ కోలుకోలేని పరిస్థితి.
  


 సంగారెడ్ది అర్బన్ : జిల్లాలోని రైతులకు చెల్లించే ఇన్‌పుట్ సబ్సిడీని వెంటనే అందించే విధంగా చర్యలు చేపట్టాలని కలెక్టర్ రాహుల్ బొజ్జా వ్యవసాయ శాఖ అధికారులను ఆదేశించారు. సోమవారం కలెక్టరేట్ వీడియోకాన్ఫరెన్స్ హాల్‌లో జిల్లాలోని వ్యవసాయ శాఖ ఉన్నతాధికారులు,  బ్యాంకు అధికారులతో ఏర్పాటు చేసిన సమావేశంలో ఆయన మాట్లాడుతూ ఇన్‌పుట్ సబ్సిడీని జిల్లాకు కేటాయించడం జరిగిందన్నారు. మెదక్ ఉప ఎన్నిక కోడ్ అమలులో ఉన్నందున ఇన్‌పుట్ సబ్సిడీని రైతుల ఖాతాలోకి జమచేయలేదన్నారు.  గతంలో వ్యవసాయ శాఖ జేడీ ఖాతానుంచి నేరుగా బ్యాంకులకు , బ్యాంకు నుంచి రైతుల ఖాతాలోకి ఆన్‌లైన్ ద్వారా జమ అయ్యేవన్నారు.
  
 ప్రస్తుతం వ్యవసాయ శాఖ జేడీ ఖాతా నుంచి వ్యవసాయ శాఖ సహాయ సంచాలకుల ఖాతాలో జమ చేసిన అనంతరం నేరుగా రైతుల ఖాతాలో జమ అయ్యే విధంగా చర్యలు తీసుకోవాలని ఆదేశించారు. దీనివల్ల రైతులకు ఏవైనా ఇబ్బందులు వస్తే నేరుగా వ్యవసాయ శాఖ సహాయ సంచాలకులను కలిసి తమ సమస్యలను పరిష్కరించుకోవచ్చన్నారు. రైతుల రుణాల రీషెడ్యూల్ సంబంధించి ఈనెల 23న మండలంలోని తహాశీల్దార్లు , మండల పరిషత్ అభివృద్ధి అధికారులు సంయుక్తంగా బ్యాంక్ అధికారులతో కలిసి రుణ మాఫీకి అర్హులైన రైతుల వివరాలను సిద్ధంచేయాలని  వ్యవసాయశాఖ అధికారులను ఆదేశించారు. నివేదికలో ఎలాంటి డూప్లికేషన్‌కు ఆస్కారం లేకుండా చర్యలు చేపట్టాలన్నారు.అర్హులైన రైతుల జాబితాను ఈ నెల 24న గ్రామాల వారీగా గ్రామ పంచాయతీ కార్యాలయాల్లో ్రపదర్శించాలన్నారు.
  
 రీషెడ్యూల్ దరఖాస్తులపై సంబంధిత రైతులు తప్పని సరిగా సంతకం చేయాలన్నారు.  రీషెడ్యూల్‌కు కొత్తగా ఇచ్చే రుణాలకు సంబంధం లేదని, రైతులకు కొత్తగా రుణాలను బ్యాంకులు అందజేస్తాయన్నారు. ఈ రుణాల రీషెడ్యూల్‌ను , కొత్త రుణాల పంపిణీని మండల ప్రత్యేకాధికారులు పర్యవేక్షించాలన్నారు. రైతుల వివరాలు డూప్లికేషన్ ఉత్పన్నమైన పక్షంలో  తనిఖీ చేయించాలని అధికారులకు సూచించారు. జిల్లాలో ఏర్పడ్డ వర్షాభావ పరిస్థితుల దృష్ట్యా ప్రత్యామ్నాయ పంటలను వేసేలా రైతులను చైతన్యపర్చాలని కలెక్టర్ వ్యవసాయాధికారులకు సూచించారు.  సమావేశంలో వ్యవసాయ శాఖ సంయుక్త సంచాలకులు హుక్యానాయక్ , లీడ్‌బ్యాంక్ మేనేజర్ రమణారెడ్డి  పాల్గొన్నారు.
  
 26న జిల్లా ప్రణాళికా కమిటీ సమావేశం
 జిల్లా ప్రణాళికా కమిటీ సమావేశం ఈనెల 26న జెడ్పీ చైర్‌పర్సన్ రాజమణి మురళీ యాదవ్ అధ్యక్షతన నిర్వహిస్తున్నట్లు కలెక్టర్ రాహుల్ బొజ్జా తెలపారు. 26 వ తేది ఉదయం 11 గంటలకు జెడ్పీ హాల్‌లో జరిగే సమావేశంలో 2014-15 వార్షిక ప్రణాళిక ఆమోదించనున్నట్లు ఆయన ఒక ప్రకటనలో తెలిపారు.


  - అసమగ్రంగా రికార్డులు
 - ఆందోళనలో రైతాంగం
 రెవెన్యూ అధికారుల నిర్లక్ష్యం, వ్యవసాయ అధికారుల నిర్లిప్తత రైతుల పాలిట శాపంగా మారాయి. రుణమాఫీ అర్హుల జాబితా తేల్చేందుకు 1బీ రికార్డులకు ముడిపెట్టిన ప్రభుత్వం తాజాగా విడుదలైన పంట నష్టపరిహారానికి కూడా 1బీ రికార్డునే ప్రామాణికం చేసింది. అస్తవ్యస్తంగా ఉన్న రెవెన్యూ రికార్డులతో అర్హులైన రైతాంగానికి సైతం చిక్కులు మొదలయ్యాయి.
 
 ముకరంపుర : ఏళ్ల తరబడి పెండింగ్‌లో ఉన్న పంటనష్టపరిహారం(ఇన్‌పుట్ సబ్సిడీ) నిధులను విడుదల చేసిన ప్రభుత్వం.. పంపిణీకి రోజుకో నిబంధన విధిస్తోంది. 2009 నుంచి 2014 వరకు వడగళ్లు, అకాల వర్షాలు, తుపాన్లు, అనావృష్టితో పంట నష్టపోయిన రైతులకు ప్రభుత్వం గత నెలలో రూ.105.98 కోట్లు ఇన్‌పుట్ సబ్సిడీ మంజూరు చేసింది. ఈ నిధులు జిల్లా ఖజానాకు చేరాయి. అధికారులు, ఆదర్శరైతులు కలిసి తుది జాబితాలు రూపొందించారు. ఇందులో అక్రమాలు చోటుచేసుకున్నాయని ఆందోళనలు జరగడం... జెడ్పీ సర్వసభ్య సమావేశంలో దుమారం లేవడంతో పూర్తిస్థాయిలో విచారణ చేపట్టాలని కలెక్టర్ ఆదేశించిన విషయం తెలిసిందే.
 
 1 బీ రిజిష్టర్, పహణీలో రైతుల పేర్లు, జాబితాలో రైతుల పేర్లను సరిచూసి అర్హుల జాబితా తయారు చేయాలని తహశీల్దార్లకు, వ్యవసాయశాఖకు ఆదేశాలు జారీ అయ్యాయి. ఇప్పటికే విచారణ మొదలుపెట్టారు. ఈ నెల 23 వరకు 1బీ రిజిష్టర్ ఆధారంగా అర్హులను తేల్చి 30 లోగా ఇన్‌పుట్ సబ్సిడీ పంపిణీ చేయాలని ఆదేశించారు. దీంతో సొంత భూములుండి 1బీ రిజిష్టర్‌లో పేరు లేకుండా పరిహారం కోసం ఎదురుచూస్తున్న రైతాంగం ఆందోళన చెందుతోంది. భూములు రిజిస్ట్రేషన్ చేయించుకున్నా జమాబందీ అమలు కాక 1బీ రిజిష్టర్‌లో చాలా మంది రైతుల పేర్లు నమోదు కావడం లేదు.
 
 దీంతో 1బీ రిజిష్టర్‌లో విక్రయించిన రైతుల పేర్లే ఉంటున్నాయి. ఈ భూములను సాగు చేసి పంటనష్టపోయిన రైతుల పరిస్థితి అయోమయంగా మారింది. పంట నష్టం వాటిల్లినప్పుడు రెవెన్యూ, వ్యవసాయాధికారులు రైతుల పేర్లు, ఎంత స్థలంలో నష్టం జరిగిందనే వివరాలు నమోదు చేసుకుంటారు. కొన్నిచోట్ల భూములు తండ్రి పేరిట ఉంటే తనయులు సాగుచేసుకుంటుంటారు. మరికొన్నిచోట్ల తండ్రి మరణానంతరం వారసత్వంగా సంక్రమించిన ఆస్తి కుమారుల పేరిట విరాసత్ కాకుండా రెవెన్యూ కార్యాలయాల్లో చాలా కేసులు పెండింగ్‌లో ఉన్నాయి.
 
 కౌలు రైతులకు గుర్తింపుకార్డులు ఉంటేనే పరిహారం ఇవ్వాలని పేర్కొనడంతో కార్డులు లేని వారు ఆందోళన చెందుతున్నారు. మహదేవపూర్, కాటారంలో 70 శాతానికి పైగా 1 బీ రికార్డులే లేవు. ఆ ప్రాంతంలో నిరక్షరాస్యులు, అటవీ ప్రాంతంలో సాగుచేసుకునేవారు, అసలు పాస్‌పుస్తకాలే లేనివారు ఎందరో ఉన్నారు. అధిక వర్షాలతో ఆ ప్రాంతంలోనే ఎక్కువ నష్టం వాటిల్లినట్లు తెలుస్తున్నా... అక్రమాలు కూడా అక్కడే జరిగాయనే వాదన ప్రజాప్రతినిధుల నుంచి వినిపిస్తోంది.
  
 అతీగతీ లేని ఆన్‌లైన్
 భూముల వివరాలు ఆన్‌లైన్‌లో అందుబాటులో ఉంచాలన్న ఆశయం కార్యరూపం దాల్చడం లేదు. క్రయవిక్రయాల అనంతరం రికార్డుల్లో మార్పులు చేపట్టకపోవడంతో సమస్య మరింత జఠిలమవుతోంది. సరిగ్గా ఏడాది క్రితం ఇంటిగ్రేటెడ్  ఆఫ్ రెవెన్యూ అండ్ రిజిస్ట్రేషన్ రికార్డు ద్వారా ఆన్‌లైన్ జమాబందీని ప్రవేశపెట్టినా సక్రమంగా అమలుకావడం లేదు. ఈ పద్ధతితో వ్యవసాయ భూములకు పట్టా పహణీలు సులభమయ్యే అవకాశమున్నా అమలులో జాప్యం జరుగుతోంది.
 
 భూముల వివరాలు సక్రమంగా కంప్యూటరీకరించకపోవడం... 1బీలో పేర్లు మార్చకపోవడంతో రైతులకు ఇబ్బందులు తప్పడం లేదు. ఇప్పటికే రుణమాఫీకి 1బీ రికార్డుల లింకుతో రుణాలు పొందిన అన్నదాతలు ఆందోళన చెందుతుండగా ఇప్పుడు పరిహారం పంపిణీకి కూడా ఇదే నిబంధన విధించడంతో అసలు తమకు పరిహారం అందుతుందా? లేదా? అని ఆవేదన చెందుతున్నారు.


  పరిగి: పంటలు నష్టపోయి ఏడాది కావస్తున్నా రైతులకు ఇవ్వాల్సిన ఇన్‌పుట్ సబ్సిడీ విషయంలో స్పష్టత రావటంలేదు. 2009 నుంచి గత సంవత్సరం వరకు ఉన్న పెండింగ్ నిధులతోపాటు 2013 సంవత్సరంలో జరిగిన అపార పంట నష్టానికి సంబంధించి జిల్లాకు ఇన్‌పుట్ సబ్సిడీగా రూ.31 కోట్లు వచ్చాయని నాయకులు హడావిడి చేస్తుండగా అధికారులు మాత్రం నోరు మెదపడం లేదు. ఇన్‌పుట్ సబ్సిడీ ఇచ్చే విషయంలో కేంద్రం నిబంధనల మేరకు హెక్టారుకు రూ.10 వేలు ఇవ్వాలని ఉండగా రాష్ట్ర నిబంధనలు ఎలా ఉన్నాయనే విషయంపై అధికారుల్లోనూ స్పష్టత లేదు.
 
 ఇన్‌పుట్ సబ్సిడీని యాక్సిస్ బ్యాంకు ఖాతాలో వేశామని ప్రభుత్వం చెబుతుండగా జిల్లా ఖాతాలోకి మాత్రం ఇంకా డబ్బులు రాలేదని అధికారులు అంటున్నారు. మరో పక్క వ్యవసాయశాఖ అధికారులు గ్రామస్థాయి అధికారులకు ఇప్పటికే లబ్ధిదారుల జాబితాలు ఇవ్వడంతో రైతులు కార్యాలయాలు, బ్యాంకుల చుట్టూ తిరుగుతున్నారు. అయితే మరో 15 రోజుల వరకు ఏమీ చెప్పలేమని అధికారులు పేర్కొంటున్నారు. గత ఏడాది లెహర్, ఫైలిన్, హెలెన్ రూపంలో మూడు తుపాన్లు విరుచుకుపడి రైతులను అతలాకుతలం చేయగా ఏయే తుపాన్లకు ఇన్‌పుట్‌సబ్సిడీ ఇస్తున్నారనే విషయంలోనూ అధికారులు స్పష్టతనివ్వటంలేదు.
 
  తప్పని ఎదురుచూపులు..
  పంటలకు నష్టం వాటిల్లి ఏళ్లు గడుస్తున్నా ఇప్పటి వరకు పరిహారం అందించకుండా ప్రభుత్వం రైతులతో పరిహాసమాడుతోంది. 2013 అక్టోబర్‌లో ఫైలిన్ తుపాన్ ప్రభావంతో నష్టపోయిన పంటలతోపాటు రెండు మూడేళ్లుగా పెండింగ్ లో ఉన్న నష్టపరిహారం అందించటంలో ప్రభుత్వం మీనమేషాలు లెక్కిస్తోంది. అటు ఈ సం వత్సరం వ్యవసాయ పంటరుణాలు అందక.. ఇటు గతఏడాది నష్టపోయిన పంట లకు పరిహారమూ అందక రైతులు అష్టకష్టాలు పడుతున్నారు. ఎట్టకేలకు రెవెన్యూ, వ్యవసాయ, అర్థగణాంక శాఖలు సంయుక్తంగా సర్వేలు నిర్వహించి పంట నష్టంపై పూర్తిస్థాయి అంచనాలు తయారు చేశారు. వీటిని ప్రభుత్వానికి పంపి కూడా ఎనిమిది నెలలు గడిచింది. ఇప్పటికీ పరిహారం మాత్రం రైతులకు అందలేదు.
 
  7,497 హెక్టార్లలో పంట నష్టం..
  ఫైలిన్ తుపాన్ ప్రభావంతో పరిగి వ్యవసాయ డివిజన్‌లో జరిగిన పంటల నష్టం వివరాలతో కూడిన నివేదికలు అప్పట్లో పై అధికారులకు స్థానిక అధికారులు అందజేశారు. పరిగి మండలంలో వరి 120 హెక్టార్లు, మొక్కజొన్న 1520 హెక్టార్లు, పత్తి 1800 హెక్టార్లు, దోమ మండలంలో వరి 380 హెక్టార్లు, మొక్కజొన్న 900 హెక్టార్లు, కుల్కచర్ల మండలంలో వరి 1083 హెక్టార్లు, గండేడ్ మండలంలో వరి 1694 హెక్టార్లలో పంట నష్టం వాటిల్లింది. అంటే మొత్తం వ్యవసాయ డివిజన్‌లో 7497 హెక్టార్లలో పంటనష్టం వాటిల్లింది.
 
 గతంలోలా సమస్యలు తలెత్తకుండా సర్వే వివరాలు, నష్టంపోయిన రైతుల జాబితాను గ్రామ సభల్లో ప్రదర్శించారు కూడా. ఆ వెంటనే పంటనష్టం పరిహారం అందజేస్తామని పలుమార్లు చెబుతూ వచ్చిన గత ప్రభుత్వం ఎన్నికలు వచ్చే నాటికి ఆ విషయం మరిచిపోయింది. తిరిగి కొత్త ప్రభుత్వం ఏర్పడి నెలలు గడుస్తున్నా పంట నష్టం పరిహారం ఊసెత్తకపోవటం రైతులను ఆందోళనకు గురిచేస్తోంది. ప్రభుత్వం సత్వరమే స్పందించి పంటనష్టానికి పరిహారం. ఇన్‌పుట్‌సబ్సిడీలను అందించి ఆదుకోవాలని రైతులు కోరుతున్నారు.


 - త్వరలో రైతుల ఖాతాల్లోకి మొదటి విడత రూ.64.89 కోట్లు
 - లబ్ధి పొందే రైతులు 1,52,953 మంది
 నల్లగొండ అగ్రికల్చర్: ఎట్టకేలకు ఇన్‌పుట్ సబ్సిడీ సొమ్ము జిల్లా వ్యవసాయశాఖ నుంచి జిల్లా ట్రెజరీ కార్యాలయానికి  చేరింది. పంటనష్టపోయిన రైతులు నాలుగేళ్లుగా పరిహారం కోసం ఎదురుచూస్తూనే ఉన్నారు. జిల్లాలో 2009-10  నుంచి 2014-15 సంవత్సరం దాకా వివిధ ప్రకృతి వైపరీత్యాల కారణంగా 50 శాతం కంటే ఎక్కువ పంట నష్టపోయినరైతుల వివరాలను జిల్లా యంత్రాంగం రాష్ట్ర ప్రభుత్వానికి  నివేదించింది. దీనికి స్పందించిన సర్కారు ఇటీవల జిల్లాకు ఇన్‌పుట్ సబ్సిడీ కింద 75.85 కోట్ల రూపాయలు విడుదల చేస్తూ జీఓను జారీ చేసింది.
 
 జిల్లాలో బ్యాంకు ఖాతా కలిగి ఉన్న రైతులు 1,52,953 మంది ఉన్నారు. వీరి అకౌంట్‌లలో  ఇన్‌పుట్ సబ్సిడీ జమ చేయడానికి రూ. 64.89 కోట్లను  జిల్లా వ్యవసాయ శాఖ సోమవారం జిల్లా ట్రెజరీ కార్యాలయానికి పంపించింది.  వారం రోజుల్లో ఇన్‌పుట్ సబ్సిడీ  రైతుల ఖాతాల్లో జమ కానుంది. దాదాపు 27,480 మంది రైతులకు బ్యాంకు అకౌంట్లు లేవు. దీంతో ఖాతా లేని కారణంగా  రూ.10.94 కోట్ల ఇన్‌పుట్ పంపిణీకి నోచుకోకుండా నిలిచిపోయింది.
  
 ఈనెల 20 లోగా ఖాతాలు తెరవాలి : కలెక్టర్
 పంటనష్ట పరిహారం జాబితాలో పేర్లు ఉండి, బ్యాంకు ఖాతాలు లేని రైతులందరూ ఈ నెల 20 లోగా తమ బ్యాంకు ఖాతాలను తెరిచి అకౌంట్‌నంబర్‌ను వ్యవసాయ అధికారులకు అందజేయాలని జిల్లా కలెక్టర్ చిరంజీవులు సూచించారు. అదేవిధంగా బ్యాంకు ఖాతాలు లేని రైతులందరికి బ్యాంకు ఖాతాలు ఇప్పించిడానికి అవసరమైన అన్ని చర్యలు తీసుకోవాలని రెవెన్యూ, వ్యవసాయ అధికారులకు కలెక్టర్  ఆదేశాలను జారీచేశారు. ఖాతాలు  తెరవకుంటే మంజూరైన ఇన్‌పుట్ సబ్సిడీ వెనక్కి వెళ్లే పరిస్థితి ఉందన్నారు.


 హైదరాబాద్ : అన్ని విధాల నష్టపోయిన రైతులకు ఎలాంటి పరిహారం అందలేదని ప్రతిపక్షం స్పష్టం చేసింది. శనివారం చివరిరోజు అసెంబ్లీ సమావేశాలు ప్రారంభం కాగానే వైఎస్ఆర్  కాంగ్రెస్ పార్టీ గతేడాది పంట నష్టపోయిన రైతులకు ఇన్సూరెన్స్‌ చెల్లింపుతో పాటు, ఇన్‌పుట్‌ సబ్సిడీపై చర్చకు పట్టుపడుతూ వాయిదా తీర్మానం కోరారు.
  
 అయితే దానికి తిరస్కరించిన స్పీకర్‌.. ప్రశ్నోత్తరాలు చేపట్టారు.  దీనిపై చర్చ కోరిన వైఎస్ఆర్ కాంగ్రెస్‌కు చివరకు ఈ విషయాన్ని ప్రస్తావించే అవకాశం ఇచ్చారు. గత ఏడాది రైతులు తీవ్రంగా నష్టపోయారని చెప్పిన వైఎస్ఆర్ కాంగ్రెస్ ఎమ్మెల్యే విశ్వేశ్వర్‌రెడ్డి ఇన్సూరెన్స్ చెల్లించాలని కోరారు.
 
  


 - ఇన్‌పుట్ సబ్సిడీ కోసం రైతుల ఎదురుచూపులు
 - వెంటనే జమ చేయాలని కేసీఆర్ ఆదేశం
  చొప్పదండి : నాలుగేళ్లుగా నీలం తుఫాన్, పై-లీన్ తుఫాను, వర్షాలు, వరదలతో జిల్లాలో రైతులు పంట నష్టపోయారు. వరి, మొక్కజొన్న, మామిడి పంటలు నష్టపోయిన రైతుల వివరాలను ఆయా సందర్భాలలో అధికారులు నమోదు చేసి, ప్రభుత్వానికి నివేదికలు అందించారు. పంట నష్ట పరిహారం కోసం పలు సందర్భాలలో రైతులు ఆందోళనలు సైతం నిర్వహించారు. నివేదికల ఆధారంగా అప్పటి ప్రభుత్వాలు పరిహారం మంజూరు చేస్తూ ఉత్తర్వులు జారీ చేశాయి. కానీ, రైతులకు ఇప్పటివరకు పరిహారం మాత్రం అందలేదు. 2011లో సుమారు రూ.3.41 కోట్లు, 2012లో రూ.4.53 కోట్లు, 2013లో సుమారు రూ.11 కోట్ల వరకు పంట నష్టం జరిగినట్లు తేల్చారు. వీటిని మంజూరు చేస్తున్నట్లు ప్రకటించారు.
  
 ఏళ్లుగా ఎదురుచూపులు
 గత మే నెలలో జిల్లాకు రూ. 50.89 కోట్ల పెట్టుబడి రాయితీ మంజూరైందని అధికారులు ప్రకటించారు. ఇందులో ఉద్యానవన పంటలకు రూ. 15.44 కోట్లు మంజూరు కాగా, ఆహార పంటలకు రూ. 35.41 కోట్లు మంజూరయ్యాయి. 2012లో ఉద్యానవన పంటలపై ప్రృతి కన్నెర్ర చేయడంతో 1,700 హెక్టార్లలో 2,313 మంది రైతులు నష్టపోయారు. వీరికి రూ. 1.52 కోట్ల పరిహారం మంజూరైంది. 2013 ఫిబ్రవరిలో 9,200 హెక్టార్లలో నష్టపోయిన ఉద్యానపంటలకు రూ. 13.89 కోట్ల పరిహారం మంజూరైందని అధికారులు ప్రకటించారు.
 
 ఇదే సంవత్సరం ఏప్రిల్, మే నెలల్లో మరో ఇరవై ఎకరాల్లో ఎనభై మంది రైతులకు నష్టం వాటిల్లినట్లు పేర్కొన్నారు. గత మే నెలలో నేరుగా రైతుల ఖాతాల్లోకే డబ్బులు చేస్తామని ప్రభుత్వం ప్రకటించింది. ఎన్నికల హడావుడి, రాష్ట్ర విభజన నేపథ్యంలో ఆ నిధులు ట్రెజరీలోనే మూలుగుతున్నాయి. ఎన్నికలు పూర్తయి తెలంగాణ రాష్ట్రం ఏర్పడినా ఆ నిధుల విడుదలకు చర్యలు తీసుకోలేదు. ఈ క్రమంలో రాష్ట్రంలో తీవ్ర వర్షాభావ పరిస్థితులు నెలకొనడం, రుణమాఫీపై స్పష్టత లేకపోవడంతో రైతులకు బ్యాంకులు రుణాలు మంజూరుచేయకపోవడంతో రైతులు పెట్టుబడి కోసం తీవ్ర ఇబ్బందులు పడుతున్నారు.
 
 పంటనష్టపరిహారం కింద ఇన్‌పుట్ సబ్సిడీ వస్తే ఎంతో కొంత ఉపయోగంగా ఉంటుందని భావించారు. కానీ, అధికారులు ఎలాంటి చర్యలు తీసుకోలేదు. ఈ క్రమంలో 2009 నుంచి 2014 వరకు ఇన్‌పుట్ సబ్సిడీని వెంటనే రైతుల ఖాతాల్లో జమ చేయాలని సీఎం కేసీఆర్ ఆదేశించడంతో రైతులు ఆనందం వ్యక్తంచేస్తున్నారు. ఇప్పటికైనా తమ ఖాతాల్లో డబ్బు చేరితే పెట్టుబడికి ఉపయుక్తంగా ఉంటుందని పేర్కొంటున్నారు.


  శ్రీకాకుళం రూరల్: పరిశోధనల ఫలితాలు క్షేత్రస్థాయికి చేరాలని.. కాగి తాలపై లెక్కలు వేయ డం సరికాదని వ్యవసాయ మం త్రి పత్తిపాటి పుల్లారావు అధికారులకు సూచించారు. శనివారం నైర వ్యవసా య కళాశాల రజతోత్సవాల్లో పాల్గొన్న ఆయన అనంతరం అక్కడే జిల్లా వ్యవసాయ అధికారులతో సమీక్ష సమావేశం నిర్వహించారు. ఈ సందర్భంగా మాట్లాడుతూ పాత పద్ధతులకు స్వస్తి చెప్పాల న్నారు. నిధులు, ఇన్‌ఫుట్ సబ్సిడీ బకాయిల గురించి వ్యవసాయ శాఖ జేడీ ప్రస్తావించగా సమాధానం దాటవేశారు. ఏవో, ఏఈవో పోస్టుల ఖాళీలను వెంటనే భర్త్తీ చేయాలన్నారు. భూసార పరీక్షా ఫలితాలను గ్రామ సభలు పెట్టి రైతులకు తెలియజేయాలన్నారు.
  
  కార్మిక శాఖ మంత్రి అచ్చెన్నాయుడు మాట్లాడుతూ జిల్లా విత్తన గ్రామాలు ఎన్ని ఉన్నాయి, ఎన్ని విత్తనాలు ఉత్పత్తి చేస్తున్నారని ప్రశ్నించారు. వివరాలు చెప్పేందుకు అధికారులు ప్రయత్నించగా.. మళ్లీ జోక్యం చేసుకొని కాగితాల్లో కాదు.. నిజంగా ఉన్నాయా?.. ఉంటే విత్తన కొరత ఎందుకు వస్తోందని ప్రశ్నించారు. దీంతో అధికారులు నీళ్ళు నమిలారు. 100 శాతం సబ్సిడీపై అందజేసిన ట్రాక్టర్లు పరిస్థితి ఏమిటని ప్రశ్నిస్తూ గతంలో ఏదో జరిగిపోయింది.. ఇక ముందు జాగ్రత్తగా పని చేయండంటూ హెచ్చరించారు. ప్రభుత్వ పథకాలపై విస్తృత ప్రచారం చేయాలని ఆదేశించారు. మత్స్యశాఖలో ఎన్ని చేప పిల్లలు సరఫరా చేశారని వ్యవసాయ మంత్రి ప్రశ్నించగా 5వేల పిల్లలు అవసరమని, ఫా రం లేకపోవడంతో అందించలేకపోతున్నామని అధికారులు చెప్పారు.
  
  సాంకేతిక పరిజ్ఞానంతో పెనుమార్పులు
  ఆధునిక సాంకేతిక పరిజ్ఞానంతో వ్యవసాయాన్ని లాభసాటిగా మార్చుకోవచ్చని మంత్రి పుల్లారావు అన్నారు. రాగోలు పంచాయతీ రాయిపాడు సమీపంలో గేదెల రామారావు అనే రైతు వరినాటే యంత్రంతో సాగు చేసిన వరి క్షేత్రాన్ని పరిశీలించారు. ఈ సందర్భంగా ఆయన మాట్లాడుతూ యాంత్రీకరణ వల్ల రూ. 10 వేల తక్కువ ఖర్చుతో 5 క్వింటాళ్ల వరకు  అధిక దిగుబడి సాధించవచ్చన్నారు. రైతులకు అవగాహన కల్పించేందుకు పొలం పిలుస్తోంది కార్యక్రమాన్ని రూపొందించామని చెప్పారు. ఆమదాలవలస మండలం తోటాడకు చెందిన తాండ్ర రమణ అనే రైతు రైతులకు నాణ్యమైన విద్యుత్‌ను అందించాలని మంత్రిని డిమాండ్ చేశారు.
  
  దీనికి మంత్రి పుల్లారావు సమాధానమిస్తూ ఇప్పుడిప్పుడే ప్రభుత్వం గాడిన పడుతోందని అన్నీ జరుగుతాయన్నారు. మంత్రి  అచ్చెన్నాయుడు మాట్లాడుతు విద్యుత్ సరఫరా గతం కంటే బాగుంది కదా అని అన్నారు. ఈ కార్యక్రమాల్లో ఎంపీ కొత్తపల్లి గీత, ఆచార్య ఎన్‌జీ. రంగా వ్యవసాయ విశ్వ విద్యాలయం వీసీ డాక్టర్ అల్లూరి పద్మరాజు, జిల్లా కలెక్టర్ గౌరవ్ ఉప్పల్, అసోసియేట్ డీన్ ఎ.ఎస్.రావు, ఎంపీపీ గొండు జగన్నాధరావు, కర్రి జీవరత్నం, కర్రి కృష్ణమోహాన్ పాల్గొన్నారు.
  
  శిలాఫలకానికి టీడీపీ విభేదాల సెగ
  నైర కళాశాల రజతోత్సవాలల్లో టీడీపీలోని విభేదాలు మరోమారు బయటపడ్డాయి. తమ ఎమ్మెల్యే పేరు లేదంటూ కొందరు కార్యకర్తలు అప్పుడే ఆవిష్కరించిన శిలాఫలకాన్ని ధ్వంసం చేశార. రజోత్సవాలకు గుర్తుగా కళాశాల పూర్వ విద్యార్థులు ఏర్పాటు చేసిన ఉత్తరాంధ్ర రైతు కుటుంబ విగ్ర హం వద్ద ఏర్పాటు చేసిన శిలాఫలకంలో స్థానిక ఎమ్మెల్యే గుండ లక్ష్మీదేవి పేరు లేదు. దీంతో ఆమె వర్గీయులు ఆగ్రహం వ్యక్తం చేస్తూ శిలాఫలకాన్ని పగులగొట్టారు. దీనిపై పూర్వ విద్యార్థులు స్పందిస్తూ కేబినేట్ హోదా ఉన్న నేతల పేర్లనే శిలాఫలకంలో పెట్టామని, మిగిలిన ఆహ్వానితుల పేర్లను దాని పక్కనే ఉన్న మరో శిలాఫలకంపై వేశామన్నారు. విషయం తెలుసుకోకుండా శిలాఫలకాన్ని పగులగొట్టడం సమంజసం కాదన్నారు.
  


  పంట నష్ట పరిహారంగా జిల్లాకు విడుదలైన కోట్లాది రూపాయల లెక్క తేలడం లేదు. రూ. 229 కోట్లు పంపిణీకి సంబంధించిన యుటిలైజేషన్ సర్టిఫికెట్లు (యూసీ)మూడేళ్లుగా సమర్పించలేదు. రూ.63 కోట్లకు సంబంధించి గందరగోళం నెలకొంది. వ్యవసాయ శాఖ అధికారులు, బ్యాంకర్లు సంయుక్తంగా కుస్తీ పడుతున్నా కసరత్తు ఇప్పట్లో కొలిక్కి వచ్చే సూచన కనిపించడం లేదు. పరిహారం పంపిణీ సందర్భంగా అవకతవకలు జరిగాయని ఆరోపణలు వచ్చిన నేపథ్యంలో లెక్కలు తేలకపోవడం అనుమానాలకు దారి తీస్తోంది.
  
  సాక్షి ప్రతినిధి, మహబూబ్‌నగర్ : కరువు పరిస్థితులను అంచనా వేసినప్రభుత్వం 2011లో జిల్లాకు రూ.258.75 కోట్లు ఇన్‌పుట్ సబ్సిడీ మంజూరు చేసింది. పంట నష్ట పోయిన 8.40లక్షల మంది రైతులకు పరిహారం పంపిణీ చేసే బాధ్యతను వ్యవసాయ శాఖకు అప్పగించింది. ఒక్కో హెక్టారుకు రూ.6 వేల చొప్పున రైతులకు పరిహారం చెల్లించాలని ఆదేశించింది. పంట నష్టపోయిన రైతుల జాబితాను రెవెన్యూ, వ్యవసాయ శాఖలు సంయుక్తంగా రూపొందించాయి. మంజూరు చేసిన మొత్తంలో రూ.229 కోట్లను ప్రభుత్వం ట్రెజరీ ద్వారా జిల్లాకు బదలాయించింది.
  
  పరిహారం పంపిణీ బాధ్యతను జిల్లాలో 29 బ్యాంకులకు అప్పగించడంతో విడతల వారీగా మంజూరైన మొత్తాన్ని అధికారులు 149 బిల్లుల ద్వారా బ్యాం కుల ఖాతాల్లో జమ చేశారు. ఎస్‌బీహెచ్, ఎస్‌బీఐ, ఆంధ్రాబ్యాంకు, ఏపీజీవీబీల పరిధిలో ఎక్కువమంది రైతులకు ఖాతాలుండటంతో ఆయా బ్యాంకుల ఖాతాల్లోకే ఎక్కువ డబ్బు వెళ్లింది. అయితే బ్యాం కుల ద్వారా ఎంత మంది రైతులకు, ఎంత మొత్తం చెల్లించారనే లెక్కలు (యుటిలైజేషన్ సర్టిఫికెట్లు) వ్యవసాయ శాఖ వద్ద లేవు. దీంతో రైతులకు చేరినదెంత, బ్యాంకుల వద్ద పంపిణీ కాకుండా మిగిలినదెంత అనే లెక్కలు తేలక వ్యవసాయాధికారులు ఇప్పుడు తలపట్టుకుంటున్నారు.
  లెక్క తేలని రూ.63 కోట్లు
  పరిహారంగా విడుదలైన మొత్తంలో పంపిణీ కాకుండా మిగిలిన రూ. 11కోట్లలో రూ.8.93 కోట్లు ప్రభుత్వ ఖాతాకు తిరిగి చెల్లించారు. అయి తే ఈ మొత్తానికి సంబంధించిన వివరాలు మాత్రం నేటికీ ప్రభుత్వానికి సమర్పించలేదు. ట్రెజరీ ద్వారా విడుదలైన రూ.63 కోట్లకు ఎలాంటి లెక్కా పత్రం లేకుండా పోయింది. ఈ మొత్తం రైతులకు చేరిందా, బ్యాంకుల వద్దే ఖాతాల్లో ఉందా అనే వివరాలు సేకరించడం వ్యవసాయ శాఖకు ప్రస్తుతం తలకు మించిన భారంగా పరిణమించింది. ఉదాహరణకు బాలానగర్ మండలంలోని రైతులకు వివిధ బ్యాంకుల కు చెందిన 108బ్రాంచిల ద్వారా పరిహారం చెల్లించినట్లు గుర్తించారు. ప్రస్తుతం ఒక్కో బ్రాంచి వారీగా వివరాలు సేకరించడంలో అధికారులు తలమునకలయ్యారు.
  
  చాలాచోట్ల బ్యాంకుల ఖాతాలకు డబ్బులు విడుదల చేసినా లబ్ధిదారుల జాబితా ఇవ్వకపోవడంతో పంపిణీ జరగలేదని సమాచారం. కొన్నిచోట్ల లబ్ధిదారుల ఖాతాలు, చెల్లించిన మొత్తానికి కూడా పొంతన కుదరడం లేదు. వ్యవసాయ శాఖ క్షేత్ర స్థాయి అధికారులు బ్యాంకులు, బ్రాంచ్‌ల వారీగా లెక్కలు తేల్చే పనిలో ఉన్నట్లు వ్యవసాయ శాఖ జేడీ భగవత్ స్వరూప్ ‘సాక్షి’కి వెల్లడించారు.
  


 నిజామాబాద్: వడగండ్ల వర్షాల వల్ల తెలంగాణ రాష్ర్టంలో పంట నష్టపోయిన రైతులందరికీ ఇన్‌పుట్ సబ్సిడీ  అందజేస్తుందని వ్యవసాయ శాఖ మంత్రి పోచారం శ్రీనివాస్‌రెడ్డి వెల్లడించారు. శుక్రవారం నిజామాబాద్ జిల్లా పరిషత్ సమావేశ మందిరంలో నిర్వహించిన సమీక్షలో ఆయన మాట్లాడారు.  2014 సంవత్సరంలో  పంటలు నష్టపోయిన బాధిత రైతుల ఖాతాల్లోకి నిధులు జమ చేస్తున్నామన్నారు. ఇందుకు అవసరమయ్యే రూ.8 కోట్ల 4 లక్షలకు గాను ప్రస్తుతం రూ.4 కోట్లు ప్రభుత్వ ఖాతాలో సిద్ధంగా ఉన్నాయన్నారు. అదేవిధంగా 2009 నుంచి 2013 వరకు కూడా వడగండ్ల వల్ల నష్టపోయిన రైతులకు రూ.74 కోట్ల నిధులను కూడా వీలైనంత త్వరలో అందజేస్తామన్నారు.
 
 పోలవరంపై వెనక్కి తగ్గం: పోలవరం ప్రాజెక్టులో ముంపునకు గురయ్యే తెలంగాణలోని ఏడు మండలాలను ఆంధ్రప్రదేశ్‌లో కలపడానికి కేంద్ర ప్రభుత్వం ఆర్డినెన్స్ జారీ చేయడాన్ని తీవ్రంగా వ్యతిరేకిస్తున్నామని మంత్రి పోచారం అన్నారు. తెలంగాణ ప్రాంతానికి చెందిన ఒక్క సెంటిమీటరు భూమి లేదా ప్రాంతం కాని ఏపీలో కలిపితే ఊరుకోబోమన్నారు. ఏడు మండలాలను సాధించుకోవడానికి తాము పోరాటం చేస్తామని స్పష్టం చేశారు.


 గత ఖరీఫ్‌లో 1.18 లక్షల
 హెక్టార్లలో వేరుశెనగ పంట నష్టం
 రూ.వెయ్యి కోట్లకు పైగా నష్టం వాటిల్లినట్టు అధికారుల నివేదిక
 రూ.108 కోట్లు ఇన్‌పుట్ సబ్సిడీగా
  అందించాలని ప్రతిపాదనలు
 నోరుమెదపని సర్కారు
  
 గత ఖరీఫ్‌లో వర్షాభావంతో నష్టపోయిన రైతులకు ఇన్‌పుట్ సబ్సిడీ.. బీమా పరిహారం మంజూరు ప్రశ్నార్థకంగా మారాయి. సర్కారు దాటవేత వైఖరి అనుసరిస్తోంది. బడ్జెట్ సమావేశాలను ఎప్పుడు నిర్వహిస్తారు.. ఇన్‌పుట్ సబ్సిడీ, బీమా పరిహారం చెల్లింపులకు ఎన్ని నిధులు కేటాయిస్తారన్నది వెల్లడైతేనే వాటి మంజూరుపై స్పష్టత వచ్చే అవకాశం ఉంది. సెప్టెంబరు వరకు బడ్జెట్ సమావేశాలు నిర్వహించే అవకాశాల్లేవని ప్రభుత్వం చెబుతుండడాన్ని రైతులు జీర్ణించుకోలేకపోతున్నారు.
  
  తిరుపతి: గత ఖరీఫ్‌లో 1,36,400 హెక్టార్లలో రైతులు పంటలు సాగు చేస్తారని వ్యవసాయ శాఖ అంచనా వేసింది. అయితే వర్షాభావ పరిస్థితుల నేపథ్యంలో సాధారణ విస్తీర్ణం కన్నా తక్కువగా 1.18 లక్షల హెక్టార్లలో మాత్రమే వేరుశెనగ పంటను సాగు చేశారు. వేరుశెనగ సాగు రైతులకు తీవ్ర నష్టాలను మిగి ల్చింది. ఖరీఫ్‌లో వర్షాభావ పరిస్థితుల వల్ల పెట్టుబడులు, దిగుబడుల రూపంలో రూ.వెయ్యి కోట్లకు పైగా రైతులకు నష్టం వాటిల్లిందని ప్రభుత్వానికి జిల్లా అధికార యంత్రాగం అప్పట్లో నివేదిక పంపింది. పంట నష్టపోయిన 1.2 లక్షల మంది రైతులకు రూ.108 కోట్ల మేర ఇన్‌పుట్ సబ్సిడీగా అందించాలని ప్రభుత్వానికి ప్రతిపాదనలు పంపారు. జిల్లాలో 2010 ఖరీఫ్ నుంచి వేరుశెనగ పంటకు వాతావరణ బీమా పథకాన్ని అమలు చేస్తున్న విషయం విదితమే. ప్రీమియం కింద రైతులు రూ.23 కోట్లకుపైగా బీమా సంస్థకు చెల్లించారు. వర్షాభావ పరిస్థితుల రీత్యా పంట నష్టపోయిన నేపథ్యంలో వాతావరణ బీమా కింద కనీసం రూ.60 కోట్లకు పైగా పరిహారాన్ని వేరుశెనగ రైతులకు చెల్లించాల్సి వస్తుందని అంచనా వేస్తున్నారు. సీఆర్‌ఎఫ్ (కెలామిటీ రిలీఫ్ ఫండ్) నిధులతో ఇన్‌పుట్ సబ్సిడీ, బీమా పరిహారాన్ని చెల్లిస్తారు. కేంద్ర ప్రభుత్వం సీఆర్‌ఎఫ్‌కు 55 శాతం నిధులను సమకూర్చితే తక్కిన 45 శాతాన్ని రాష్ట్ర ప్రభుత్వం కేటాయించాలి.
 
 ఫిబ్రవరిలో అప్పటి కేంద్ర, రాష్ట్ర ప్రభుత్వాలు ఓటాన్ అకౌంట్ బడ్జెట్‌ను మాత్రమే ప్రవేశపెట్టాయి. ఆ బడ్జెట్లో ఇన్‌పుట్ సబ్సిడీ, బీమా పరిహారం మంజూరుకు నిధులు కేటాయించలేదు. జూలై 10న 2014-15కు సంబంధించిన బడ్జెట్‌ను కేంద్ర ప్రభుత్వం లోక్‌సభలో ప్రవేశ పెట్టనుంది. కానీ శాసనసభలో ప్రభుత్వం ఎప్పుడు బడ్జెట్ ప్రవేశ పెడుతుందన్న అంశంపై స్పష్టత లేదు. సెప్టెంబరు వరకు శాసనసభలో బడ్జెట్ ప్రవేశపెట్టే అవకాశం లేదని అధికార వర్గాలు అంచనా వేస్తున్నాయి. కనీసం సెప్టెంబరులో ప్రవేశపెట్టే బడ్జెట్లోనైనా రాష్ట్ర ప్రభుత్వం తగిన మేరకు నిధులు కేటాయిస్తేనే రైతులకు ఇన్‌పుట్ సబ్సిడీ, బీమా పరిహారం మంజూరయ్యే అవకాశం ఉంది. అప్పుల ఊబిలో కూరుకుపోయిన రైతులకు ఇన్‌పుట్ సబ్సిడీ, బీమా పరిహారం అందించి.. భవితపై భరోసా కల్పించాల్సిన ప్రభుత్వం దాటవేత వైఖరి అనుసరిస్తోండటంపై సర్వత్రా విమర్శలు వ్యక్తమవుతున్నాయి.
  


 కదిరి: అనంతపురం జిల్లా కదిరి స్టేట్బ్యాంకు ఆఫ్ ఇండియా-వ్యవసాయ అభివృద్ధి బ్యాంకు(ఎస్బీఐ-ఏడీబీ)లో చోటు చేసుకున్న గోల్మాల్ కేసులో బ్యాంకు సిబ్బందిపై పోలీసులు నమోదు చేశారు. అకౌంట్స్ అధికారి ఎంఎస్ జుహా, ఫీల్డ్ ఆఫీసర్ అశోక్కుమార్ రెడ్డిలపై  408, 409, 420, 477A సెక్షన్ల కింద కేసు నమోదు చేసి దర్యాప్తు చేశారు.
 
 రైతులకు ప్రభుత్వం మంజూరు చేసిన పంటల బీమా, ఇన్పుట్ సబ్సిడీ సొమ్ము రూ. కోటిపైగా వీరు స్వాహా చేసినట్టు ఆరోపణలు వచ్చాయి.బోగస్ ఖతాలు తెరిచి నిధులు మళ్లించారు. వాటి నుంచి దర్జాగా డ్రా చేసుకున్నారు.
  


  బి.కొత్తకోట, న్యూస్‌లైన్: గత ఖరీఫ్‌లో వేరుశెనగ పంట నష్టపోయిన రైతాంగానికి అందాల్సిన రూ.101కోట్ల పరిహారం కోసం జిల్లా రైతులు ఎదురుచూస్తున్నారు. ఏడాది క్రితం పంటనష్టం జరిగితే ఇంతవరకూ ప్రభుత్వం నుంచి పరిహారం ఊసేలేదు. ఇప్పుడు మళ్లీ ఖరీఫ్ వచ్చింది. పంటలు పెట్టాలంటే పెట్టుబడులు కావాలి.
 
 అసలే వరుస కరువుతో రైతాంగం అల్లాడిపోతుంటే పట్టించుకునే దిక్కులేకుండాపోతోంది. ప్రస్తుతం పంటలకు పోవాలంటే పెట్టుబడి కోసం అన్నదాతలు రుణదాతల చుట్టూ తిరుగుతున్నారు. జిల్లాలో గత ఖరీఫ్‌లో వర్షాభావ పరిస్థితులతో పంటలకు నష్టం వాటిల్లింది. దీనిపై ప్రభుత్వం 33 కరువు మండలాలను ప్రకటించింది. కరువు సహాయక చర్యలు, పథకాలను అమలు చేసేందుకు చర్యలు చేపట్టాలి. అయితే ఇంతవరకు ఎలాంటి సహాయక చర్యలూ చేపట్టలేదు. ప్రస్తుతం ఖరీఫ్ సాగుకు రైతులు సన్నద్ధమవుతున్నారు. పెట్టుబడికోసం దిక్కులు చూస్తున్నారు.
 
 జిల్లాలోని బి.కొత్తకోట, పెద్దతిప్పసముద్రం, ములకలచెరువు, కురబలకోట, తంబళ్లపల్లె, పెద్దమండ్యం, చిత్తూరు, ఐరాల, యాదమరి, తవణంపల్లె, గుడిపాల, పూతలపట్టు, పీలేరు,కేవీ పల్లె, రొంపిచెర్ల, చిన్నగొట్టిగల్లు, సదుం, వాల్మీకిపురం, కలికిరి, కల కడ, మదనపల్లె, నిమ్మనపల్లె, బెరైడ్డిపల్లె, కుప్పం, వీకోట, రామకుప్పం, గుడుపల్లె, శాంతిపురం, పుంగనూరు, రామసముద్రం, చౌడేపల్లె, సోమల, పులిచెర్లను కరువు మండలాలుగా ప్రకటించారు. ఈ మండలాల్లో 1,01,082.94 హెక్టార్లలో వేరుశెనగ  పంటకు నష్టం వాటిల్లింది. దీనికి సంబంధించి 1,74,289మంది రైతులకు హెక్టారుకు రూ.10వేలు చొప్పున పరిహారం అందించాల్సి ఉంది. దీనికోసం రూ.101,82,94,200 మంజూరు కావాల్సి ఉంది.
  
  పెట్టుబడి కోసం అవస్థలు
  కరువు మండలాలకు చెందిన రైతులు ప్రస్తుత ఖరీఫ్‌లో వేరుశెనగ పంట సాగుకు ఇబ్బందులు పడుతున్నారు. ఎకరా సాగుకు రూ.11 నుంచి రూ.12వేల పెట్టుబడి పెట్టాల్సి వస్తుంది. ప్రభుత్వం పరిహారం అందించి ఉంటే కొంత వెసులుబాటు ఉండేది. దాని ఊసే లేకపోవడంతో అన్నదాతలకు కష్టాలు మొదలయ్యాయి.
  
  పుణ్యకాలం ముగుస్తున్నా ఇవ్వరా
  నిరుటి ఇన్‌పుట్ సబ్సిడీ ఇంతవరకు ఇవ్వలేదు. మళ్లీ ఖరీఫ్ సీజన్ వస్తోంది. రైతులంటే ఎవ్వరికీ లెక్కలేకుండా పోతోంది. ఇన్‌పుట్, ఇన్సూరెన్సు కింద తప్పకుండా పరిహారం చెల్లిస్తామని ఇదివరకటి మంత్రి రఘువీరారెడ్డి ప్రకటించారు. ఆయన మంత్రి పదవే కాదు ఎమ్మెల్యే పదవి కూడా పోయింది. ఇస్తారో ఇవ్వరోనన్న నీలినీడలు అలుముకుంటున్నాయి.
  
  -వేణుగోపాల్ రెడ్డి, రైతు, సర్కారుతోపు, కురబలకోట మండలం
  
  వస్తుందో..రాదో
  ఏడాది క్రితం దారుణంగా పంటలు దెబ్బతిన్నాయి. ఇన్‌పుట్ సబ్సిడీ ఇంత వరకు ఇవ్వలేదు. ఎన్నికలు వచ్చి ప్రభుత్వాలు మారాయి. ఇస్తారో..ఇవ్వరోనని అనుమానంగా ఉంది.  రైతుల గోడు  ఎవరు పట్టించుకుంటారు. పంటల వారీగా ఎంత మేరకు దెబ్బతిందో వివరాలతో కూడిన నివేదికలను పంపినా నిధులు రాలేదు.
  -జి.హుస్సేన్ సాబ్,రైతు, అంగళ్లు, కురబలకోట మండలం
  
  పరిహారం పరిహాసమే
  కిందటేడాది పంటలు నష్టపోయిన రైతాంగానికి ఇన్‌పుట్ సబ్సిడీ చెల్లిం పునకు రాష్ట్ర ప్రభుత్వం నిధులు విడుదల చేసినట్లు ప్రకటించారు. రాష్ట్ర విపత్తు నిర్వహణ నిధి నుంచి దీన్ని ఇస్తున్నట్లు చెప్పారు. ఇంతవరకు రాలేదు. నాయకులకు ఓట్లు..సీట్లపై ఉన్నంత శ్రద్ధ రైతులపై లేదు. రైతులను పట్టించుకోవడం వైఎస్‌ఆర్‌తోనే పోయింది.
  -సురేంద్ర, ముదివేడు, కురబలకోట మండల


  అనంతపురం అగ్రికల్చర్, న్యూస్‌లైన్ : ఇన్‌పుట్ సబ్సిడీ, వాతావరణ బీమా పరిహారం ఈ ఏడాది రైతులకు మంజూరు చేస్తారా, లేదా అన్నది అంతుచిక్కడం లేదు. ఈ రెండింటి కింద జిల్లా రైతులకు సుమారు రూ.900 కోట్ల వరకు విడుదల కావాల్సి ఉంది. ఇన్‌పుట్, ఇన్సూరెన్స్ కింద పరిహారం తప్పకుండా అందజేస్తామని గతంలో మంత్రిగా ఎన్.రఘువీరారెడ్డి స్పష్టమైన ప్రకటన చేశారు.
 
 కానీ... సార్వత్రిక ఎన్నికలు ముగిసి రాష్ట్రంలో, కేంద్రంలో కొత్తగా టీడీపీ, బీజేపీ ప్రభుత్వాలు కొలువులోకి వస్తుండటంతో పరిహారం పరిస్థితి అర్థంకాకుండా పోయింది. 2013 ఖరీఫ్‌లో జిల్లాలో  పంటల వారీగా, రైతుల వారీగా ఎంత నష్టం జరిగిందనే కరువు నివేదికను  అధికారులు ప్రభుత్వానికి పంపారు. వర్షాభావ పరిస్థితుల కారణంగా గత ఖరీఫ్‌లో పంటలు దారుణంగా దెబ్బతిన్న విషయం తెలిసిందే. ఇందులో భాగంగా జిల్లాలో ఉన్న 63 మండలాలనూ రెండు విడతలుగా కరువు ప్రాంతాలుగా రాష్ట్ర ప్రభుత్వం ప్రకటించింది.
  
 గతేడాది ఖరీఫ్‌లో 9.54 లక్షల హెక్టార్ల విస్తీర్ణంలో పంటలు సాగులోకి రాగా అందులో 6.70 లక్షల హెక్టార్లలో పంటలు దెబ్బతిన్నట్లు నివేదికలో పొందుపరిచారు. 6.21 లక్షల మంది రైతులకు రూ.643.37 కోట్లు నష్టం జరిగినట్లు నివేదిక రూపొందించారు. అందులో కేవలం వేరుశనగ రైతులు 5.15 లక్షల మందికి రూ.592.66 కోట్లు నష్టం జరిగినట్లు నివేదిక అందజేశారు. మిగిలిన 11 పంటలకు రూ.51 కోట్ల వరకు నష్టం జరిగినట్లు కరువు నివేదిక పంపారు. సెప్టెంబర్ నెల మినహా తక్కిన నెలల్లో వర్షపాతం చాలా తక్కువగా కురవడంతో తప్పనిసరిగా గతేడాదికి వాతావరణ బీమా పథకం కింద పరిహారం వస్తుందని రైతులు ఆశలు పెట్టుకున్నారు. 2011లో రూ.98 కోట్లు, 2012లో రూ.181 కోట్లు విడుదలైన విషయం తెలిసిందే.
  
  2011, 2012 సంవత్సరాల్లో కన్నా ఎక్కువ మొత్తంలో వాతావరణ బీమా విడుదల కావచ్చని గతంలో ప్రచారం జరిగింది. ఎంతలేదన్నా రూ.250 కోట్లకు పైగా బీమా పరిహారం రావచ్చని అనధికార వర్గాలు ప్రచారం చేశారు. ఈ లెక్కన కనీసం రూ.900 కోట్ల వరకు పరిహారం జిల్లాకు రావాల్సివున్న నేపథ్యంలో విడుదల చేస్తారా? లేదా? అన్నది అయోమయంగా మారింది. ఇదిలా ఉండగా ఇన్‌పుట్‌సబ్సిడీ కింద 2011లో రూ.398 కోట్లు, 2012లో రూ.648 కోట్లు విడుదలైన విషయం తెలిసిందే. మరి ఈ సారి ఇన్‌పుట్, ఇన్సూరెన్స్ కింద రైతులను ఆదుకుంటారా లేదా? అనే అంశంపై సందిగ్ధత నెలకొంది. 


 సాక్షి, అనంతపురం : ఒక్క సక్కుబాయితోనే కాదు.. చాలామంది రైతుల పట్ల బ్యాంకర్లు నిర్ధాక్షిణ్యంగా వ్యవహరిస్తున్నారు. వరుస పంట నష్టాలతో పీకల్లోతు కష్టాల్లో కూరుకుపోయిన అన్నదాతలపై ఏమాత్రం కరుణ చూపడం లేదు. ఇన్‌పుట్ సబ్సిడీని ఎట్టి పరిస్థితుల్లోనూ పాత అప్పులకు జమ చేసుకోకూడదని స్వయాన కలెక్టర్ ఆదేశించినా.. బ్యాంకర్లు పట్టించుకోవడం లేదు.
  
  కలెక్టర్ ఆదేశాలను గుర్తు చేస్తున్న రైతులతో.. ‘ఏం కలెక్టర్ చెబితే వినాలా! ఆయన చెప్పినట్లు వింటే పాత అప్పులు ఎవరు చెల్లిస్తారు? కలెక్టర్ చెప్పేది చెబుతారు.. మేం చేసేది చేస్తామ’ంటూ తెగేసి చెబుతున్నారు. తీవ్ర వర్షాభావ పరిస్థితుల వల్ల పంట కోల్పోయిన రైతులకు అంతో ఇంతో ఊరట కల్పించాలనే ఉద్దేశంతో ప్రభుత్వం ఇన్‌పుట్ సబ్సిడీ మంజూరు చేసిన విషయం విదితమే. 2011-12 ఆర్థిక సంవత్సరానికి సంబంధించి జిల్లాలో పంట కోల్పోయిన దాదాపు 6.72 లక్షల మందికి రూ.648 కోట్ల ఇన్‌పుట్ సబ్సిడీ మంజూరైంది.
 
 ఇందులో మొదట విడతగా 39 మండలాల్లోని దాదాపు నాలుగు లక్షల మంది రైతులకు ఈ ఏడాది జనవరిలోపే పరిహారం ఇచ్చారు. రెండో విడత కింద 24 మండలాల్లోని 2,78,676 మంది రైతులకు ఇటీవల రూ.263.26 కోట్లు విడుదలైంది. ఇన్‌పుట్ సబ్సిడీని ఎట్టి పరిస్థితుల్లోనూ అప్పులకు జమ చేయకూడదని ప్రభుత్వం నుంచి బ్యాంకర్లకు స్పష్టమైన ఆదేశాలందాయి. ఇదే విషయాన్ని కలెక్టర్‌తో పాటు పాలకులు సైతం పలు సమావేశాల్లో స్పష్టం చేశారు. అయినా చాలా మంది బ్యాంకర్లు పాత అప్పులకు జమ చేస్తూ రైతులకు రూపాయి కూడా ఇవ్వడం లేదు. ఎవరైనా గట్టిగా అడిగితే నీ పేరిట పరిహారమే రాలేదని చెబుతున్నారు.
  
  జాబితాలో పేరుందని చెబితే... మంజూరైనట్లు రాయించుకొని రావాలంటూ బెదిరిస్తున్నారు. మరికొన్ని చోట్ల దళారులు రంగప్రవేశం చేసి తమకు అంతో ఇంతో ఇస్తే ఇన్‌పుట్ సబ్సిడీ ఇప్పిస్తామని చెబుతున్నారు. శింగనమల నియోజకవర్గంలోని చిన్న జలాలపురం, బండమీదపల్లి, నరసాపురం గ్రామానికి చెందిన పలువురు దళారుల అవతారమెత్తి  రైతుల నుంచి వసూళ్లకు పాల్పడుతున్నారు. పరిహారాన్ని పాత అప్పులకు జమ చేస్తున్నారంటూ తనకల్లు, కదిరి, కళ్యాణదుర్గం, గుంతకల్లు, రాప్తాడు తదితర ప్రాంతాల్లో రైతులు పెద్ద ఎత్తున ఆందోళనలు చేసినా అధికారులు స్పందించిన పాపాన పోలేదు. ఇప్పటికైనా స్పందించి తమకు న్యాయం చేయాలని రైతులు కోరుతున్నారు.
  
  రైతులు ఒప్పుకుంటేనే జమ చేస్తున్నాం
  రైతులు ఒప్పుకుంటేనే కొంత మొత్తాన్ని పాత అప్పులకు జమ చేస్తున్నాం. బలవంతంగా ఎవరి నుంచి వసూలు చేయలేదు. ఎవరికైనా ఇబ్బందులుంటే నన్ను నేరుగా కలిసి సమస్య పరిష్కరించుకోవచ్చు.
  - ప్రకాశ్‌రావు, ఎస్‌బీఐ మేనేజర్, సలకంచెరువు  
  


 
 4023 మందికి రూ.2.34 కోట్లు విడుదల
 
  మరో 10,190 మందికి మొండిచేయి
 
  ఆహార పంటలకే ఇన్‌పుట్ సబ్సిడీ
 
  
  విశాఖ రూరల్, న్యూస్‌లైన్: ప్రభుత్వ నిర్ణయాలు రైతులను నిలువునా ముం చుతున్నాయి. అతివృష్టి, అనావృష్టిల కు పంటలు కోల్పోయి పుట్టెడు దుఃఖంలో ఉన్న అన్నదాతలను మరిం త క్షోభకు గురిచేస్తున్నాయి. పెట్టుబడులు కూడా రాక అప్పుల్లో కూరుకుపోయిన రైతులను ఆదుకోవాల్సిన సర్కారు.. ఇన్‌పుట్ సబ్సిడీ అందించే విషయంలో సవాలక్ష నిబంధనలతో ఇబ్బందులకు గురిచేస్తోంది. తాజాగా రెండేళ్ల క్రితం నీలం తుపాను నష్టానికి  ఇన్‌పుట్ సబ్సిడీని ఇప్పుడు విడుదల చేసింది.
 
 ఇందులో కూడా కేవలం బ్యాంకు ఖాతాలు ఉన్నవారికే ఇస్తూ.. మిగిలిన 10 వేల మందికి రిక్తహస్తాన్ని చూపిం చింది. 2011 నవంబర్‌లో నీలం తుపాను కారణంగా జిల్లాలో భారీగా పంట నష్టం వాటిల్లింది. ఆహారపంటలు నీట మునిగి సుమారు రూ.90 కోట్లు నష్టం వాటిల్లింది. అయితే  ప్రభు త్వ మార్గదర్శకాలకు అనుగుణంగా కేవలం 1848.78 హెక్టార్లలో మాత్రమే నష్టం జరిగినట్లు నిర్ధారించి 13,235 మంది రైతులకు ఇన్‌పుట్ సబ్సిడీ కింద రూ.4.13 కోట్లు కు ప్రతిపాదించారు. గతేడాది తొలి విడతగా 671.58 హెక్టార్లలో జరిగిన నష్టానికి 6167 మంది రైతులకు రూ.67.16 లక్షలు మాత్రమే ప్రభుత్వం ఇచ్చింది.
 
 మిగిలిన రైతులను విస్మరించిన సర్కారు తాజాగా రెండో విడతలో రూ.2.34 కోట్లు మాత్రమే ఇస్తూ ఉత్తర్వులు జారీ చేసింది. 535.92 హెక్టార్లలో జరిగిన నష్టానికి బ్యాంకు ఖాతాలు ఉన్న 4023 మంది రైతులకు మాత్రమే ఇన్‌పుట్ సబ్సిడీని విడుదల చేసింది. ఇంకా 10,190 మంది రైతులకు పరి హారం అందించాల్సి ఉంది. ఏజెన్సీలో బ్యాంకు సేవలు అందుబాటులో లేకపోవడంతో వారం తా ఖాతాలు తీసుకొనే వెసులుబాటులేదు.
 
 ఈ విషయాన్ని ఇప్పటికే అధికారులు అనేక సార్లు ప్రభుత్వానికి విన్నవించారు. ఇటీవల వ్యవసాయ పంటలకు సంబంధించి ఏజెన్సీ రైతులకు చెక్కుల ద్వారా పంపిణీకి అంగీకరించిన ప్రభుత్వం, ఆహారపంటల రైతుల విషయంలో మాత్రం మళ్లీ పాత పద్ధతిలోనే కొనసాగడం సర్కారు నిర్లక్ష్యానికి నిదర్శనం.
  


  చిత్తూరు(కలెక్టరేట్), న్యూస్‌లైన్ :
  రైతు సంక్షేమానికి ప్రభుత్వం తూట్లు పొడుస్తోంది. పంట చేతికి అందక, అప్పులు తీర్చలేక గ్రామాలు వదలి(వలస) వెళ్లిన రైతులు, ఇన్‌పుట్ సబ్సిడీ జాబితాలో పేర్లుండి చనిపోయిన వారి పేర్లు తొలగించాలంటూ జిల్లా వ్యవసాయశాఖకు ఆదేశాలు అందాయి. అలాగే సాగుచేసిన భూమి కచ్చితంగా రైతు పేరుపైనే(ఇతరుల పేర్లుంటే తొలగించాలి) ఉండాలనే నిబంధనను ప్రభుత్వం తెరపైకి తెచ్చింది. దీంతో వ్యవసాయశాఖ అధికారులు డివిజన్, మండల స్థాయిలో సమావేశాలు ఏర్పాటు చేసి రైతుల పేర్లు తొలగించే పనిలో పడ్డారు.
  
  నిధులు మిగల్చడానికేనా?
  వర్షాభావ పరిస్థితుల కారణంగా పంట నష్టపోయిన రైతులను ఆదుకునేందుకు ప్రభుత్వం ఇన్‌పుట్ సబ్సిడీ చెల్లిస్తోంది. అయితే నిధులను మిగుల్చుకునేందుకు కిరణ్ సర్కార్ దొంగదారులు వెతుకుతోంది. జిల్లాలోని 33 మండలాలను రాష్ట్ర ప్రభుత్వం కరువు ప్రాంతాలుగా ప్రకటించింది. ఈ మండలాల్లో 2013 ఖరీఫ్‌లో 1.58 లక్షల మంది రైతు లు 1.09 లక్షల హెక్టార్లలో సాగు చేసిన వేరుశెనగ పంట నష్టపోయారు. హెక్టారుకు *10 వేల చొప్పున పంట నష్టపరి హారం ఇవ్వాలని కలెక్టర్ రాష్ట్ర ప్రభుత్వానికి నివేదికలు పంపారు. అయితే భారం తగ్గించుకునేందుకు ప్రభుత్వం కొత్త నిబంధనలు తెరపైకి తెచ్చింది. వలసవెళ్లిన, చనిపోయినవారు, భూమి తమ పేరుపై లేని రైతుల పేర్లను జాబితా  నుంచి తొలగించాలని ఆదేశాలిచ్చింది. ఫలితంగా సుమారు 30 వేల మంది రైతులకు పరిహారం అందే పరిస్థితులు లేవని వ్యవసాయశాఖ అధికారులు ప్రాథమిక అంచనాకు వచ్చినట్లు సమాచారం. గత మూడేళ్ల ఇన్‌పుట్ సబ్సిడీ చెల్లింపుల్లో చోటు చేసుకున్న పరిణామాలు దృష్టిలో పెట్టుకుని అధికారులు లెక్కలు కట్టినట్లు తెలుస్తోంది. జిల్లా వ్యాప్తం గా వలస వెళ్లినవారు 3 నుంచి 5 వేల మంది రైతులు, 2 నుంచి 4 వేల మంది రైతులు చనిపోయి ఉంటారనే అంచనాకు వచ్చారు. మిగిలిన వారు ఎన్‌జాయ్‌మెంట్ సర్టిఫికెట్ (అనుభవ ధ్రువీకరణపత్రం) లేని రైతులు ఉండవచ్చు. ముత్తాతలు, తాతల పేర్లతో ఉన్న భూములను రైతులు తమపై మార్చుకోకుండా ఉన్నా వారి పేర్లనూ ఇన్‌పుట్ సబ్సిడీ జాబితా నుంచి తొలగించనున్నారు.
  
  స్థానికంగా లేని రైతుల పేర్లు తొలగించమన్నారు
  ఇన్‌పుట్ సబ్సిడీ జాబితాలో పేర్లు ఉన్నా ఆ రైతులు స్థానికంగా లేకుంటే (వలస వెళ్లినవారు) వారి పేర్లు తొలగించమన్నారు. అదే విధంగా చనిపోయిన రైతులు, అనుభవంలో భూమి ఉన్నా రికార్డుల్లో వారి తాతలు, ముత్తాతల పేర్లు ఉన్నా సదరు రైతుల పేర్లు తొలగించడానికి పరిశీలించాలన్నారు.
  - జె.రవికుమార్, జాయింట్ డెరైక్టర్, జిల్లా వ్యవసాయ శాఖ


  సాక్షి, సంగారెడ్డి: వ్యవసాయ శాఖాధికారుల నిర్లిప్తత కరువు రైతులను నట్టేట ముంచింది. వెల్దుర్తి, దౌల్తాబాద్ మండలాల్లో కరువొచ్చి కళ్లెదుటే ఖరీఫ్ పంటలు ఎండిపోతున్నా వ్యవసాయ శాఖ అధికారులు చోద్యం చూశారు. పంట నష్టంపై అంచనాల తయారీ ఊసే ఎత్తలేకపోయారు. ఆనాటి నిర్లక్ష్యమే ఇప్పుడు రైతులకు శాపంగా మారింది. ఈ రెండు మండలాలను ప్రభుత్వం కరువు మండలాలుగా ప్రకటించినా బాధిత రైతులకు ఊరట లేకుండా పోయింది. పంట నష్టంపై అంచనాలే సమర్పించకపోవడంతో ‘ఇన్‌పుట్ సబ్సిడీ’ మంజూరుకు అవకాశం లేకుండాపోయింది.
 
  గత ఏడాది జూన్, జూలై నెలలు ఎడతెరపి లేని వర్షాలు కురిశాయి. ఆగస్టు పూర్తిగా వట్టిపోయింది. ఆగస్టు సాధారణ వర్షపాతం 213.3 మి.మీటర్లు అయితే వాస్తవానికి 113.2 మి.మీటర్లు మాత్రమే కురిసింది. సాధారణ వర్షపాతంతో పోలిస్తే ఆ నెలలో 46.9 శాతం తక్కువ వర్షం కురిసింది. ప్రధానంగా వెల్దుర్తి, దౌల్తాబాద్ మండలాల్లో నెలకొన్న వర్షాభావం వల్ల వందల ఎకరాల్లో పంటలు ఎండిపోయాయి. జూన్ నుంచి సెప్టెంబర్ వరకు కురవాల్సిన సాధారణ వర్షపాతంతో పోలిస్తే.. దౌల్తాబాద్‌లో 36 శాతం, వెల్దుర్తిలో 22.3 శాతం లోటు వర్షపాతం నమోదైంది. దీంతో బోరు బావుల కింద సాగు చేసిన వరి, మొక్కజొన్న పంటలు ఆగస్టు నెలాఖరులోగా ఎండిపోయాయి. ‘మెతుకు సీమపై కరువు మేఘం’ శీర్షికతో గత సెప్టెంబర్ 4న ప్రచురించిన కథనం ద్వారా ఈ అంశాన్ని ‘సాక్షి’ వెలుగులోకి తీసుకొచ్చింది. అయినా.. వ్యవసాయ అధికారులు ఎండిన పంట పొలాలను పరిశీలించే పాపానికి పోలేదు.  
 
  జిల్లాలో ఎక్కడా కరువు పరిస్థితులు లేవని.. పంటలు ఎక్కడా ఎండ లేదని కొట్టిపారేశారు. అయితే, ఇతర జిల్లాల నుంచి కరువు మండలాల ప్రకటన కోసం ప్రతిపాదనలు అందినా, జిల్లా నుంచి అందకపోవడంతో ప్రభుత్వ ఉన్నత వర్గాలు స్వయంగా రంగంలో దిగి ఆరా తీశాయి. దీంతో స్పందించిన జిల్లా వ్యవసాయ శాఖ  నెల రోజుల కింద వర్షాపాతం, పంటల సాగు విస్తీర్ణం వివరాలతో ప్రభుత్వానికి కరువు నివేదికను పంపించింది. ఈ నివేదిక ఆధారంగా గత శనివారం ప్రభుత్వం వెల్దుర్తి, దౌల్తాబాద్ మండలాలను కరువు మండలాలుగా ప్రకటిస్తూ ఉత్తర్వులు జారీ చేసింది.
 
  ఎంత విస్తీర్ణంలో ఏఏ పంటలు ఎండిపోయాయి..బాధిత రైతులు ఎవరెవరన్న అంశంపై అప్పట్లోనే ప్రభుత్వానికి నివేదిక పంపించి ఉంటే సమీప భవిష్యత్తులో ఆయా రైతులందరికీ ఇన్‌పుట్ సబ్సిడీ అందేది. అయితే, అప్పట్లో పంట నష్టంపై అంచనాలే తయారు చేయకపోవడంతో రైతులకు పంట నష్ట పరిహారం మంజూరీకి అవకాశం లేకుండా పోయింది. ఈ రెండు మండలాల్లో వ్యవసాయ రుణాల రీ షెడ్యూలింగ్ చేసే అవకాశాలు మాత్రమే ఉన్నాయి. రైతులకు ఇతర ప్రయోజనల్లేవని వ్యవసాయ శాఖ వర్గాలు పేర్కొంటున్నాయి.
  


 అనంతపురం అగ్రికల్చర్, న్యూస్‌లైన్ : ప్రతియేటా చాలామంది రైతులకు ఇన్‌పుట్ సబ్సిడీ (పెట్టుబడి రాయితీ) అందని ద్రాక్షగా మారుతోంది. ఏటా రైతులు పంటలను నష్టపోతున్నారు. మరీ ముఖ్యంగా వేరుశనగ పంట చేతికి అందకపోవడంతో కోలుకోలేని రీతిలో దెబ్బతింటున్నారు. ఏదో ఒక రూపంలో ప్రకృతి కన్నెర చేస్తుండటంతో రూ.వందల కోట్ల పంట పెట్టుబడులు భూమిలో కలసిపోతున్నాయి. ఇలాంటి సంక్లిష్ట పరిస్థితుల్లో అన్నదాతలను అన్నివిధాలా ఆదుకోవాల్సిన పాలకులు, అధికారులు అలసత్వాన్ని ప్రదర్శిస్తున్నారు.
 
 అరకొర పరిహారాన్ని ప్రకటించి పాలకులు చేతులు దులుపుకుంటుండగా... దాన్ని కూడా సక్రమంగా అందజేయకుండా అధికారులు నిర్లక్ష్యంగా వ్యవహరిస్తున్నారు. 2011, 2012కు సంబంధించి జిల్లాకు విడుదలైన ఇన్‌పుట్ సబ్సిడీలో ఇప్పటికీ రూ.350 కోట్లకు పైగా రైతులకు పంపిణీ కాలేదంటే పరిస్థితిని అర్థం చేసుకోవచ్చు. పరిహారం కోసం రైతులు ప్రభుత్వ కార్యాలయాలు, అధికారుల చుట్టూ కాళ్లరిగేలా తిరుగుతూ అలసిపోతున్నారు. ‘మిస్ మ్యాచింగ్’, జాబితాలో పేర్లు గల్లంతు కావడం వల్ల వేలాదిమంది రైతులకు అన్యాయం జరుగుతోంది. క్షేత్ర స్థాయిలో వీఆర్‌ఓలు, వ్యవసాయాధికారులు, బ్యాంకర్లు రైతులను ఇబ్బందుల్లోకి నెడుతున్నారు. వీరి మధ్య సమన్వయం పూర్తిగా కొరవడింది. రూ.వందల కోట్ల పరిహారం ఇస్తున్నామని గొప్పలు చెప్పుకుంటున్న పాలకులు.. అందులో రైతులకు అందకుండా ఎంత వెనక్కి వెళుతుందనే అంశంపై మాత్రం దృష్టి సారించడం లేదు.
  
  వర్షాభావం, చివర్లో జల్ తుపాను వల్ల 2011 ఖరీఫ్‌లో 7.33 లక్షల హెక్టార్లలో పంటలు సర్వనాశనమయ్యాయి. దీంతో పంటలు నష్టపోయిన 6.72 లక్షల మంది రైతులకు  2012 ఏప్రిల్‌లో ఇన్‌పుట్ సబ్సిడీ కింద రూ.398.71 కోట్లు విడుదలైంది. ఇందులో తొలివిడతగా 3.31 లక్షల మందికి రూ.229.24 కోట్లు, రెండో విడతగా 1.33 లక్షల మందికి రూ.87.38 కోట్లు జమ చేశారు. ఇంకా రూ.81 కోట్లు మిగిలిపోయింది.
  
  మిగిలిపోయిన పరిహారం కోసం అధికారులు రెండు జాబితాలు తయారు చేశారు. ఇందులో ‘మిస్‌మ్యాచింగ్’ అయిన 69,408 మంది రైతులకు రూ.43.98 కోట్లు ఇవ్వడానికి వీలుగా ఒక జాబితా, అర్హులైన మరో 47,633  మందికి అందజేయడానికి వీలుగా రూ.28.40 కోట్లతో మరో జాబితా రూపొందించి ప్రభుత్వానికి పంపారు. ఇటీవల ‘మిస్ మ్యాచింగ్’ రైతులకు రూ.42.11 కోట్లు విడుదలైంది. రెండో జాబితాకు మాత్రం అనుమతి రాలేదు. ‘మిస్‌మ్యాచింగ్’ కింద విడుదలైన మొత్తంలోను కొంత మొత్తం పంపిణీ కాకుండా మిగిలిపోయేఅవకాశం కనిపిస్తోంది. మొత్తమ్మీద 2011కు సంబంధించి 50 వేల మంది రైతులకు కాస్త అటూ ఇటుగా రూ.30 కోట్లు పరిహారం అందకుండా పోయే సూచనలున్నాయి.
  
  2012 ఇన్‌పుట్‌దీ అదే తీరు
  2012 ఖరీఫ్ సీజన్‌లో వర్షాభావం వల్ల 6.72 లక్షల హెక్టార్లలో పంటలు దెబ్బతిన్నాయి. రాష్ట్ర ప్రభుత్వం 6.32 లక్షల మంది రైతులకు  రూ.648.88 కోట్ల ఇన్‌పుట్ సబ్సిడీ ప్రకటించింది. ఇందులో తొలివిడతగా గత ఏడాది జూన్ 30వ తేదీన 39 మండలాలకు చెందిన 3.94 లక్షల మంది రైతులకు రూ.407.16 కోట్లు విడుదలైంది. ఈ మొత్తంలో రూ.378 కోట్లు రైతుల ఖాతాల్లో జమ చేశారు. రైతుల పేర్లు, వారి అకౌంట్లు, బ్యాంకుల పేర్ల నమోదులో తప్పిదాల కారణంగా రూ.29 కోట్లు ‘మిస్‌మ్యాచింగ్’గా తేలింది. దీనివల్ల దాదాపు 30 వేల మంది రైతులకు పరిహారం జమ కావడం లేదు. ప్రస్తుతానికి తొలివిడత పంపిణీని పక్కనపెట్టారు. ఇటీవల రెండో విడతగా 2.11 లక్షల మందికి పంపిణీ చేయడానికి వీలుగా రూ.221.14 కోట్లు విడుదలైంది. దాన్ని ఇంతవరకు పరిహారం రాని 24 మండలాల పరిధిలోని 1.95 లక్షల మందితో పాటు ‘మిస్సింగ్ జాబితా’ రైతులకు పంపిణీ చేయాలని నిర్ణయించారు. అయితే... ఇప్పటికీ బ్యాంకుల్లో జమ చేయలేదు. రైతుల ఖాతాల్లోకి చేరడానికి మరో నెల పట్టే అవకాశముంది.
  


 అనంతపురం అగ్రికల్చర్, న్యూస్‌లైన్ : ఇన్‌పుట్‌సబ్సిడీ (పెట్టుబడి రాయితీ) పరిహారం కోసం రైతుల కన్నా బ్యాంకర్లు తొందర పడుతున్నారు. పరిహారం కోసం వ్యవసాయశాఖ కార్యాలయం వద్ద రెండు మూడు రోజులుగా పడిగాపులు కాస్తున్నారు. మంగళవారం అయితే మరీ ఎక్కువగా హడావుడి చేశారు. వ్యవసాయశాఖ జేడీ ని కలిసేందుకు కార్యాలయం వద్ద ఉదయం నుంచి సాయంత్రం వరకు వేచి చూశారు. బ్యాంకర్లకు ఇంత తొందరెందుకని ఆరాతీస్తే... ఆర్థిక సంవత్సరం (2013-14) మూడో త్రైమాసికం మంగళవారంతో ముగియనుందని తెలిసింది.
 
  2011, 2012 సంవత్సరాలకు సంబంధించి పెండింగ్‌లో ఉన్న ఇన్‌పుట్ సబ్సిడీని ఇటీవల రాష్ట్ర ప్రభుత్వం విడుదల చేసిన నేపథ్యంలో పరిహారంను బ్యాంకుల్లో జమ చేసుకునేందుకు తీవ్ర ప్రయత్నాలు చేశారు. వచ్చిన పరిహారాన్ని మంగళవారం సాయంత్రంలోగా బ్యాంకుల్లో డిపాజిట్ చేసుకుంటే బ్యాంకుల లక్ష్యాలు సులభంగా చేరుకుంటారని తెలిపారు. మూడో త్రైమాసికంలో మంచి ఫలితాలు సాధించారని పై అధికారుల నుంచి ప్రశంసలు కూడా ఉంటాయన్నారు.
 
  ట్రెజరీకి బిల్లులు సమర్పించాలంటే డ్రాయింగ్ ఆఫీసర్‌గా వ్యవసాయ శాఖ ఏఓ (అడ్మినిస్ట్రేటివ్ ఆఫీసర్) సంతకం చేయాల్సి ఉంటుంది. ఆయన గత శనివారం నుంచి సెలవులో ఉండటంతో వ్యవసాయాధికారులు, బ్యాంకర్లు ఆయన కోసం ఎదురుచూస్తున్నారు. కీలకమైన ఈ అధికారికి సెల్‌ఫోన్ కూడా లేకపోవడంతో ఆయన్ను సంప్రదించలేకపోయారు. దీంతో ఇన్‌పుట్ సబ్సిడీ డబ్బుపై అధికారులు పెట్టుకున్న ఆశలు అడియాసలయ్యాయి.


 =2011 కరువు సాయం ఎట్టకేలకు విడుదల
  =తాజాగా రూ.2.78కోట్లు
  =పెండింగ్‌లో మరో రూ.1.26కోట్లు
  =గిరిజన రైతులకు అందని నీలం పరిహారం   
  =28 వేల మంది ఎదురుచూపు
  
 సాక్షి, విశాఖపట్నం: రైతన్నలను సర్కార్ ఊరిస్తోంది. నష్టపోయిన పంటకు పరిహారాన్ని కంటి తుడుపుగా విడుదల చేసింది. అది కూడా ఏళ్లు గడిచాక విదిల్చింది. ఈలోపు  చేసిన అప్పులు, వడ్డీ లు పేరుకుపోయి నిలువునా అన్నదాతలు మునిగిపోయారు. 2011లో జిల్లాలో తీవ్ర కరువు పరిస్థితులు నెలకొన్నాయి. లక్షలాది మంది రైతులు పంటలను కోల్పోయారు. ఈ క్రమంలో ఇన్‌ఫుట్ సబ్సిడీగా రూ.17.5కోట్లు విడుదల చేయాలంటూ వ్యవసాయాధికారులు ప్రభుత్వానికి ప్రతిపాదనలు పంపారు.
 
 అప్పట్లో సర్కార్ వెంటనే స్పందించలేదు. గతేడాది చివరిలో 96,219మంది రైతులకు   రూ.13.46కోట్లు  విడుదల చేసింది. తాజాగా మళ్లీ 20,364మంది రైతులకు సంబంధించి రూ.2.78 కోట్లు విడుదలయ్యాయి. ఇంకా రూ.1.26కోట్లు మేర పెండిం గ్‌లో ఉంచింది. ఇక గతేడాది నీలం తుఫాన్ కారణంగానూ జిల్లా రైతులు పెద్ద ఎత్తున నష్టపోయారు. రూ.30.24కోట్లు మేర ఇన్‌ఫుట్ సబ్సిడీ మంజూరు చేయాలంటూ వ్యవసాయాధికారులు ప్రభుత్వానికి ప్రతిపాదనలు పంపించారు.
 
 ఇందులో ఈ ఏడాది ఆరంభం, ఖరీఫ్ సీజన్‌కు ముందు రెండు విడతలుగా రూ.23కోట్లు విడుదలయ్యాయి. కానీ ఏజెన్సీలో పంట నష్టపోయిన 28వేల మంది రైతులకు సంబంధించి పైసా కూడా విదల్చలేదు. వాస్తవానికి వీరికి రూ.4.61కోట్లు చెల్లించాల్సి ఉంది. వీరందరికీ చెక్కుల రూపంలోనే పంపిణీ చేయాల్సి ఉంది.  పరిహారం కోసం గిరిజనులంతా ఎదురు చూస్తున్నారు.
  


 కర్నూలు(అగ్రికల్చర్), న్యూస్‌లైన్: ప్రభుత్వం ఎట్టకేలకు ఇన్‌పుట్ సబ్సిడీ మంజూరు చేసింది. 2011, 2012 సంవత్సరాల్లో అనావృష్టి పరిస్థితులతో పంట కోల్పోయిన రైతులకు త్వరలో పెట్టుబడి రాయితీ లభించనుంది. ఈ మేరకు జీవో విడుదలైనా.. వ్యవసాయ శాఖ నుంచి ప్రత్యేక ఉత్తర్వులు అందాల్సి ఉంది. ఈ ప్రక్రియ పూర్తయి ఇన్‌పుట్ సబ్సిడీ రైతుల బ్యాంకు ఖాతాల్లో జమ కావడానికి మరో నెల రోజులు పట్టవచ్చని తెలుస్తోంది. 2011వ సంవత్సరంలో అనావృష్టి కారణంగా పంటలు దెబ్బతిన్నాయి. ఇందుకు సంబంధించిన ఇన్‌పుట్ సబ్సిడీ చాలా వరకు పంపిణీ చేసినా.. చివరన రూ.21.91 కోట్లను ప్రభుత్వం ఇతర ప్రాంతాలకు మళ్లించింది. 2012 నవంబర్ నెల నుంచి వేలాది మంది రైతులు ఇన్‌పుట్ సబ్సిడీ కోసం అధికారుల చుట్టూ తిరుగుతున్నారు. తాజాగా జీవోతో వీరికి ఊరట లభించనుంది.
 
 2012లోనూ వర్షాభావ పరిస్థితులతో కరువు పరిస్థితులు ఏర్పడ్డాయి. జిల్లా అధికారుల ప్రతిపాదనల మేరకు ప్రభుత్వం రూ.239 కోట్ల ఇన్‌పుట్ సబ్సిడీ మంజూరు చేసింది. ఈ మేరకు రైతుల పేర్లు, బ్యాంకు ఖాతా నంబర్లు, ఇన్‌పుట్ సబ్సిడీ వివరాలను హైదరాబాద్‌కు పంపితే పరిహారం విడుదల చేస్తామని ప్రభుత్వం ప్రకటించింది. ఇందుకు అనుగుణంగా మొదటి దశలో పంపిన వివరాల మేరకు రూ.198 కోట్లు విడుదల చేయగా.. ఆయా ఖాతాలకు జమ చేశారు. రెండో విడతలో 22,100 మంది రైతులకు రూ.14,13,23,194, మూడో విడతలో 17,217 మంది రైతులకు రూ.10,46,02,189, నాల్గో విడతలో 3,470 మంది రైతులకు రూ.2,13,90,160 పరిహారం కోసం ప్రతిపాదనలు పంపారు.
  
   పెండింగ్‌లోని మూడు విడతలకు సంబంధించి 42787 మంది రైతులకు రూ.26,73,15,543లు మంజూరైంది. వారం, పది రోజుల్లో ట్రెజరీ ప్రక్రియను పూర్తి చేసి బ్యాంకుల వారీగా డీడీలు ఇచ్చి రైతుల ఖాతాల్లో జమ అయ్యేలా చూస్తామని జేడీఏ ఠాగూర్ నాయక్ తెలిపారు. ఇదిలాఉండగా 2010 జల్ తుపాను నుంచి 2013 అక్టోబర్ నెల భారీ వర్షాల వరకు ఇన్‌పుట్ సబ్సిడీ రూ.7.60 కోట్లు విడుదల కావాల్సి ఉంది. ప్రభుత్వం దీనిని పట్టించుకోకపోవడం పట్ల రైతులు ఆగ్రహం వ్యక్తం చేస్తున్నారు.
  


  సాక్షి, హైదరాబాద్: ప్రకృతి విపత్తులతో గత రెండేళ్లలో నష్టపోయిన రైతులకోసం రూ. 435 కోట్ల పెట్టుబడి రాయితీ (ఇన్‌పుట్ సబ్సిడీ) విడుదలకు రాష్ట్ర ఆర్థిక శాఖ ఆమోదించింది. గత ఏడాదిలో కరువు, నీలం తుపాను, 2011లో కరువువల్ల నష్టపోయిన రైతులకు పెట్టుబడి రాయితీ బకాయిల చెల్లింపుపై రాష్ట్ర రెవెన్యూ శాఖ మంత్రి రఘువీరారెడ్డి బుధవారం రాష్ట్ర ఆర్థిక  మంత్రి ఆనం రామనారాయణరెడ్డితో, అధికారులతో చర్చించారు. 2012వ సంవత్సరం కరువుకు సంబంధించి పెండింగ్‌లో ఉన్న రూ. 279 కోట్లు, 2012 నీలం తుపానుకు సంబంధించి పెండింగ్‌లో ఉన్న రూ. 21కోట్ల పెట్టుబడి రాయితీని. 2011లో కరువుకు సంబంధించి రూ.135కోట్ల మొత్తాన్ని వెంటనే విడుదల చేయాలని రఘువీరారెడ్డి చేసిన విజ్ఞప్తికి ఆర్థిక మంత్రి స్పందించారు. రెండేళ్లకూ సంబంధించి మొత్తం రూ. 435 కోట్ల పెట్టుబడి రాయితీని వెంటనే విడుదల చేస్తామని, ఇందుకు సంబంధించి గురువారమే ఉత్తర్వులు జారీ చేస్తామని ఆయన ప్రకటించారు.
  
  వీఆర్‌ఓల గౌరవ వేతనం పెంపుపై చర్చ
  గ్రామ రెవెన్యూ సహాయకుల (వీఆర్‌ఏల) గౌరవ వేతనం పెంపుపై కూడా మంత్రులు చర్చించారు. ప్రస్తుతం రూ. 3000గా ఉన్న గౌరవ వేతనం పెంచాలని వీఆర్‌ఏలు చాలాకాలంగా కోరుతున్న నేపథ్యంలో ఈ అంశం ప్రధానంగా చర్చకు వచ్చింది. గౌరవ వేతనం ఎంతమేరకు పెంచాలన్న అంశంపై ముఖ్యమంత్రితో


 =అందని ఇన్‌పుట్ సబ్సిడీ
  =ఆగిన రూ.5.21 కోట్ల చెల్లింపులు
  =వేరుశెనగ రైతుకూ తప్పని తిప్పలు
  =చాలాచోట్ల వర్తించని పంట బీమా పథకం
  =ఖాతాలు సరిగా లేవంటున్న అధికారులు
  =అన్నదాత నిరీక్షణ
  
 సాక్షి, చిత్తూరు: జిల్లా వ్యాప్తంగా 7,690 మంది రైతులకు వేరుశెనగ పంటకు సంబంధించి 5,21,89,468 రూపాయల ఇన్‌పుట్ సబ్సిడీ ఏడాదిగా అందలేదు. ఈ క్రమంలో రైతులకు పరిహారం కోసం ఎదురుచూపులు తప్పడం లేదు. వ్యవసాయ అధికారులు మాత్రం కొన్నిచోట్ల నష్టపరిహారం ఇన్‌పుట్ సబ్సిడీ రూపంలో వచ్చినా బ్యాంక్ ఖాతాలు సరిగా లేనందున నిధులు జమ చేయలేదని చెబుతున్నారు. జిల్లాలో 30కిపైగా మండలాల్లో రైతులు ఇన్‌పుట్ సబ్సిడీ అందక ఇబ్బంది పడుతున్నారు. చాలా చోట్ల పంటల బీమా వర్తించలేదు.
      
 పలమనేరు నియోజకవర్గానికి 2009 సంవత్సరానికి ఇన్‌పుట్ సబ్సిడీ 1.62 కోట్ల రూపాయలు రావాల్సి ఉంది. అయితే రైతులు ఇనూరెన్స్ తీసుకున్నారు కనుక ఇన్‌పుట్స్ సబ్సిడీ ఇచ్చేది లేదని అధికారులు తేల్చి చెప్పారు. అలాగే 2011లో రూ.81 లక్షలు రైతులకు ఇన్‌పుట్ సబ్సిడీ అందాల్సి ఉంది. పంటల బీమా పరిహారం అందలేదు. 2009లో 4,779 మంది రైతులకు, 2011లో 3075 మంది రైతులకు పంట నష్టపరిహారం అందలేదు.
      
 కుప్పంలో 2012-13లో 5,845 మంది రైతులకు ఇన్‌పుట్ సబ్సిడీకి ప్రతిపాదనలు పెట్టారు. వీరిలో 840 మందికి ఇన్‌పుట్ సబ్సిడీ అందలేదు. అలాగే 2178 హెక్టార్లలో వేరుశెనగ పంట దెబ్బతింది. ఇన్‌పుట్ సబ్సిడీ అందలేదు. గుడుపల్లె, రామకుప్పం, శాంతిపురం మండలాల్లో చాలా మంది రైతులకు పాస్ పుస్తకాల్లో పేర్లు లేవని, బ్యాంకు ఖాతాలు సరిగా లేవని ఇన్‌పుట్ సబ్సిడీ ఇవ్వలేదు.
      
 మదనపల్లె మండలంలో 2,650 హెక్టార్లలో పంట నష్టపరిహారం కోసం ప్రతిపాదనలు పంపారు. మొత్తం 4,350 లబ్ధిదారులను ఎంపిక చేశారు. వీరికి 2.65 కోట్లు మంజూరు చేశారు. అయితే ఇందులో రూ.1.8 కోట్లు పెండింగ్‌లో ఉంది. బ్యాంక్ ఖాతాలు సరిగా లేక జమ కాలేదు. నిమ్మనపల్లె మండలంలో 3,812 మందిని ఎంపిక చేశారు. వీరికి రూ.2.60 కోట్లు మంజూరు చేశారు. ఇందులో 2.53 కోట్లు పంపిణీ అయింది. ఇంకా 69 మందికి 38.98 లక్షలు అందాల్సి ఉంది. బ్యాంక్ ఖాతాలు సరిగా లేకపోవడమే సమస్యని వ్యవసాయశాఖ అధికారులు చెబుతున్నారు.
      
 తంబళ్లపల్లె నియోజకవర్గంలో 4 వేల మంది రైతులకు 2011-12 సంవత్సరం పంట నష్టపరిహారం కింద ఇన్‌పుట్ సబ్సిడీ రూ.2 కోట్లు అందలేదు. పెద్దమండ్యం, తంబళ్లపల్లె, ములకలచెరువు, పెద్దతిప్పసముద్రం, బి.కొత్తకోట మండలాల్లో వేరుశెనగ పంట బీమానష్టం, సబ్సిడీ రెండూ అందలేదు.
      
 ముఖ్యమంత్రి నియోజకవర్గం పీలేరులో 1,329 మంది రైతులకు ఇన్‌పుట్ సబ్సిడీ అందలేదు. రూ.40 లక్షల వరకు నిధులు రావాల్సి ఉంది.
      
 సత్యవేడు నియోజకవర్గంలో తుపాన్ల వల్ల దెబ్బతిన్న పంటలకు నాలుగేళ్లుగా నష్టపరిహారం ఒక్క రూపాయీ ఇవ్వలేదు. ఇన్‌పుట్ సబ్సిడీ ఇంత వరకు అందలేదు. గత ఏడాది 70 శాతం పంట నష్టం ఉన్నా పరిహారం ఇవ్వలేదు. వ రి పైరు దెబ్బతిన్న రైతులు 55 మంది వరకు ఉన్నా వారిని పట్టించుకోలేదు.
      
 చిన్నగొట్టిగల్లు మండలంలో 2011లో కరువుతో వేరుశెనగ పంట దెబ్బతింటే పంట నష్టపరిహారం 852 మందికి రూ.17.68 లక్షలు వచ్చింది. ఇందులో 189 మందికి రూ.2.93 లక్షలు అందాల్సి ఉంది.
  


 తొండంగి, న్యూస్‌లై న్ : ప్రకృతి వైపరీత్యాల వల్ల పంటలు నష్టపోయిన రైతులకు ప్రభుత్వం ఇచ్చే సాయాన్ని కూడా బ్యాంకు అధికారులు రికవరీకి ప్రయత్నించడంపై అన్నదాతలు మండిపడ్డారు. బుధవారం తొం డంగిలోని కార్పొరేషన్ బ్యాంకు వద్ద రైతులు ఆందోళన చేపట్టారు. వారి వివరాల ప్రకారం.. గతంలో సంభవించిన నీలం తుపాను నష్ట పరిహా రాన్ని ప్రభుత్వం రైతుల బ్యాంకు ఖాతాలకు బదిలీ చేసింది. ఇలా బ్యాం కుకు సుమారు కోటి రూపాయలు విడుదలయ్యాయి. పరిహారం కోసం తమ ఖాతాల నుంచి సొమ్ము తీసుకునేందుకు రైతులు బ్యాంకుకు వెళ్లగా, అవి పాత బకాయిలకు జమ చేస్తామని బ్యాంకు అధికారులు చెప్పారు.
  
  దీంతో తొండ ంగి, కృష్ణాపురం, శృంగవృక్షం తదితర గ్రామాలకు చెందిన సుమారు 100 మందికి పైగా రైతులు బ్యాంకు వద్దకు చేరుకున్నారు. తొండంగి సర్పంచ్ పెదిరెడ్ల సురేష్, వైఎస్సార్ సీపీ నాయకుడు శివకోటి ప్రకాష్, సీపీఐ తుని ఏరియా కోఆర్డినేటర్ శివకోటి రాజు, నాగం నాగబాబు తదితరులు బ్యాంకు అధికారులతో చర్చించారు. ఇన్‌పుట్ సబ్సిడీ అందజేయాలని డిమాండ్ చేశారు. రైతులు తీసుకున్న రుణాలకు వడ్డీ ఎక్కువ కావడంతో, వాటిని తీర్చాలని మాత్రమే చెప్పామని బ్యాంకు అధికారులు వివరించారు. బ్యాంకు ఇచ్చిన రుణాలకు, ప్రభుత్వం ఇచ్చిన పరిహారం సొమ్ముకు సంబంధం ఏమిటని రైతులు నిలదీశారు. ఏ విధమైన ఆంక్షలు లేకుండా రైతులకు ఇన్‌పుట్ సబ్సిడీ అందజేస్తామని బ్యాం కు మేనేజర్ సతీష్ చెప్పడంతో ఆందోళనకారులు శాంతించారు. నీలం పరిహారంలో అక్రమాలు జరిగాయని, దీనిపై విచారణ జరపాలని తహశీల్దార్ కార్యాలయం వద్ద ధర్నా చేసి, వినతిపత్రం సమర్పించారు.
  


  చీరాల, న్యూస్‌లైన్:  ‘భారీ వర్షాలు, వరదలకు ముంపునకు గురైన పొలాల రైతులందరినీ ప్రభుత్వం ఆదుకుంటుంది. ఇన్‌పుట్ సబ్సిడీతో పాటు రైతులకు సబ్సిడీతో కూడిన వరి, శనగ విత్తనాలందిస్తాం.’ ఇటీవల వరద ముంపు ప్రాంతాల పర్యటనలో భాగంగా పర్చూరులో జరిగిన అధికారుల సమీక్ష సమావేశంలో ముఖ్యమంత్రి కిరణ్‌కుమార్‌రెడ్డి చెప్పిన మాటలివి. సబ్సిడీ విత్తనాలు ఇస్తామన్న కిరణ్‌కుమార్‌రెడ్డి సాగు సమయం మించిపోతున్నా వాటి ఊసే మరిచిపోయారు. స్వయంగా ముఖ్యమంత్రే సబ్సిడీ విత్తనాలను పంపిణీ చేస్తామని చెప్పగా వ్యవసాయాధికారులు మాత్రం అటువంటి విత్తనం వచ్చే అవకాశం లేదనడం చూస్తే ప్రభుత్వానికి రైతులపై ఏ పాటి చిత్తశుద్ధి ఉందో అర్థం చేసుకోవచ్చు.
  ఇటీవల కురిసిన భారీ వర్షాలు, వరదలకు కొమ్మమూరు ఆయకట్టు కింద ఉన్న కారంచేడు, చీరాల, వేటపాలెం, చినగంజాం, నాగులుప్పలపాడు మండలాల్లో వేలాది ఎకరాల్లో వేసిన వరి ముంపునకు గురై పనికి రాకుండా పోయింది. కొమ్మమూరు ఆయకట్టు కింద లక్ష ఎకరాల్లో వరి సాగవుతుంది. మామూలుగా 92 రకం వరి పైరును సాగు చేస్తారు. అకాల వర్షాలకు ముంపునకు గురై, సాగుకు సమయం లేకపోవడంతో ఈ ప్రాంత రైతులకు ఎన్‌ఎల్‌ఆర్ 145 రకం వరి విత్తనాలను అందించాలని వ్యవసాయాధికారులు, ఎమ్మెల్యే ఆమంచి కృష్ణమోహన్ ముఖ్యమంత్రిని పర్చూరులో జరిగిన సమీక్ష సమావేశంలో కోరారు. వెంటనే సీఎం ఎన్‌ఎల్‌ఆర్ 145 రకం విత్తనాలు నెల్లూరు జిల్లాలో అందుబాటులో ఉన్నాయని, అక్కడ నుంచి తెప్పించి రైతులకు సబ్సిడీ ద్వారా అందిస్తామని హామీ ఇచ్చారు. సీఎం హామీ ఇచ్చి రెండు వారాలు గడుస్తున్నా ఎన్‌ఎల్‌ఆర్ 145 విత్తనం జిల్లాకు రాలేదు. అలానే నెల్లూరు జిల్లాలో ప్రస్తుతం ఈ విత్తనం అందుబాటులో లేదని వ్యవసాయాధికారులంటున్నారు.
  ఈ విత్తనం వచ్చే అవకాశం కూడా లేదని తేలింది. అంటే ముఖ్యమంత్రి హామీ ఇచ్చిన సబ్సిడీ విత్తనాలు రైతులకు అందే పరిస్థితి లేదు. ఇదిలా ఉంటే ఇప్పటికే నవంబర్ కూడా రావడంతో వరి సాగు చేసే సమయం మించిపోతోంది. ప్రస్తుతం ఆ విత్తనం వచ్చినప్పటికీ రైతులకు ప్రయోజనం ఉండదు. ఇప్పటికే రైతులు ప్రైవేటు వ్యాపారుల నుంచి 10010 అనే రకం విత్తనాన్ని 30 కేజీల బస్తా రూ 1200 చొప్పున కొనుగోలు చేసి నార్లు పోశారు.
  ఎన్‌ఎల్‌ఆర్ 145తో మేలు...
  ఎన్‌ఎల్‌ఆర్ 145 రకం వరి విత్తనం సాగుకు అనుకూలంగా ఉంటుంది. 145 రోజుల్లో పంట దిగుబడి వస్తుంది. ముఖ్యంగా పైర్లకు తెగుళ్లు సోకే అవకాశం చాలా తక్కువగా ఉంటుంది. ఎక్కువ దిగుబడి వస్తుంది. అదే 10010 రకానికి అయితే తెగుళ్లు అధికంగా ఆశిస్తాయి. దిగుబడి కూడా ఆశాజనకంగా ఉండదు.
  ఏడీఏ ఏమంటున్నారంటే...
  ‘ఈ ప్రాంతంలో ఎన్‌ఎల్‌ఆర్ 145 రకం విత్తనం సాగు చేస్తే రైతులకు మేలు జరుగుతుందని ముఖ్యమంత్రి సమీక్ష సమావేశంలో నివేదించాం. కానీ నెల్లూరు జిల్లాలో కూడా ఆ విత్తనం అందుబాటులో లేదు. రైతులు ప్రస్తుతం వేస్తున్న 10010 రకం విత్తనాలకు తెగుళ్లు అధికంగా ఆశించే అవకాశం ఉంది. రైతులు ఎన్‌ఎల్‌ఆర్ 145 బదులుగా ఎన్‌ఎల్‌ఆర్ 344499 రకాన్ని సాగు చేయడం మంచిది’ అని ఏడీఏ మస్తానమ్మ తెలిపారు.


 2009లో వైఎస్ రాజశేఖరరెడ్డి మరణం తరువాత, రాష్ట్ర ప్రభుత్వం ప్రకృతి విపత్తుల సమయంలో కొన్ని జిల్లాలలో కొందరికి కంటితుడువుగా ఇన్‌పుట్ సబ్సిడీ చెల్లించడం మినహా, తాము వేసిన అంచనాల ప్రకారమైనా రైతులకు నష్టపరిహారం చెల్లించిన దాఖలాలు లేవు.
  
  రాష్ట్రంలో లక్షల ఎకరాల్లో పం టలు సర్వం నాశనమైపోయా యి. వరి, పత్తి, మిరప, అరటి ఒకటేమిటి అన్ని పంటలూ వర్ష బీభత్సానికి నేలకొరిగాయి. వర దల పాలైనాయి. వారం రోజుల కుండపోత వర్షాలతో ఆంధ్ర, రాయలసీమ ప్రాంతాల్లో ఆరు లక్షల హెక్టార్లకుపైగా పంట నీటి మునిగింది. తెలంగాణ ప్రాం తం లోనూ పంటల మీద దాని ప్రభావం ఉంది. పత్తితో పాటు వరి, మొక్కజొన్న, చెరకు, కంది పంటలు నష్టానికి గురయ్యాయి. మంచి వర్షాలతో ప్రస్తుత ఖరీఫ్ సీజన్ అసాధారణ దిగుబడులు ఇవ్వగల దని ఎదురు చూస్తున్న తెలుగు రైతు ఆశలు మొత్తంగా అడియాసలయ్యాయి. సాధారణంగా రాష్ట్ర ఆహార ఉత్ప త్తులు సాలీనా రెండు సీజన్లలో 1.90 నుంచి 2 లక్షల మెట్రి క్ టన్నుల వరకు ఉంటాయి. గత ఏడాది ఈ ఉత్పత్తులు 1.98 మెట్రిక్ టన్నులు. కోస్తాలో శ్రీకాకుళం నుంచి నెల్లూ రు జిల్లా వరకు అన్నిరకాల పంటలు విపరీతమైన నష్టానికి లోనయ్యాయి. రైతులను అన్ని విధాలా ప్రభుత్వం ఆదు కుంటుందని ప్రకటనలు వచ్చినా ఇప్పటి వరకు ఏమీ జర గలేదు. బీమా పరిష్కారాలు, బ్యాంకులు, ఆర్థిక సంస్థల ద్వారా రుణాలు అందజేస్తామని ప్రభుత్వం చెప్పు కొస్తున్నా ఆ మాటలను అన్నదాతలు నమ్మే స్థితి లేదు.
  
  రైతు గుండె చెరువు
  సర్వం కోల్పోయిన రైతులు తీవ్ర నిరాశతో ఆత్మహత్యలకు పాల్పడుతున్నారు. ఒక ఉదాహరణ: కృష్ణాజిల్లా క్రోసూరు మండలం నుంచి 36 ఏళ్ల పత్తి రైతు తలారి పెద్దినారా యణ విషం తాగి మరణించాడు. ఈ రైతు సీజన్‌లో పడిన మంచి వర్షాలతో తన పత్తి పంట మీద అపారమైన నమ్మ కం పెట్టుకున్నాడు. తన 4 ఎకరాల కౌలు భూమిలో పం డిన తెల్ల బంగారంతో వెతలు తీరగలవనుకున్న తరుణం లో అకాల వర్షాలు పంటను ముంచాయి. మాచర్ల మం డలం, కల్వగుంట రైతు ఉడుముల సీతారామిరెడ్డి తన 6 ఎకరాల కౌలు భూమిలో ఏపుకి వచ్చిన పత్తి, మిరప పం టలు పూర్తిగా నీట మునిగిపోగా నిస్సహాయ స్థితిలో విషం తాగి, ప్రాణం వదిలాడు. నల్లగొండ, మహబూబ్‌నగర్, శ్రీకాకుళం జిల్లాల నుంచి కూడా ఆత్మహత్యల ఘోష విన బడింది.
  
 తనకున్న పొలాన్నంతా అమ్ముకుని పత్తి సాగులో పెట్టిన నల్లగొండ వాసి మల్లేష్ అనే రైతుదీ ఇలాంటి కథే.  మల్లేష్‌లు, పెద్ది నారాయణలు, సీతారామిరెడ్డిలు పదుల సంఖ్యలోనే ఉండవచ్చు. సర్వం కోల్పోయి పీకల్లోతు అప్పుల్లో కూరుకుపోయినా, పంటి బిగువున బతుకీడు స్తూ, ప్రత్యామ్నాయ చర్యలైనా ఆదుకుంటాయేమోనని ఎదురు చూస్తున్నవారు వేలల్లో ఉన్నారు. కరీంనగర్ జిల్లా, లక్ష్మీపురం గ్రామవాసి ముక్కిన కేసవరెడ్డి, తూర్పు గోదా వరి జిల్లా పాటిచెరువు రైతు ఒకరు, ప్రకాశం జిల్లా వాసి షేక్ మౌలాలి, మహబూబ్‌నగర్ వాసులు సత్యనారా యణగౌడ్, ర్యాపని మల్లయ్య, నల్లగొండ జిల్లా వాసులు రెడ్డిమాను లెవన్, అవిలి మల్లయ్య, వరంగల్ జిల్లా మహిళా రైతు ఉప్పలమ్మ, పశ్చిమగోదావరి జిల్లా వాసి బల్లెం సుబ్బారావు ఇటువంటి వెతలతోనే ఇటీవల తను వులు చాలించారు. అవే వెతలు అవే అప్పుల రక్కసి కోర లను ఏంచేసి తప్పించుకోవాలో తెలియక దీపావళి రోజున కూడా ఆత్మహత్యలు చేసుకున్నవారు ఉన్నారు.
  
  కళ్లుండీ చూడలేని సర్కార్
  2009లో రాజశేఖరరెడ్డి మరణం తరువాత, రాష్ట్ర ప్రభు త్వం ప్రకృతి విపత్తుల సమయంలో కొన్ని జిల్లాలలో కొందరికి కంటితుడువుగా ఇన్‌పుట్ సబ్సిడీ చెల్లించడం మినహా, తాము వేసిన అంచనాల ప్రకారమైనా రైతులకు నష్టపరిహారం చెల్లించిన దాఖలాలు లేవు. వివిధ ప్రకృతి వైపరీత్యాలకు నష్టపోయిన రైతాంగాన్ని ఆదుకునేందుకు ప్రభుత్వం చెల్లించాల్సిన ఇన్‌పుట్ సబ్సిడీల బకాయిలు జిల్లాల వారీగా గణాంకాలు చూస్తే ఎందుకిలా చేస్తున్నారో తల బద్దలు కొట్టుకున్నా అర్థమవదు. విజయనగరం జిల్లాలో చెల్లించవలసిన 92.86 కోట్లు అతి తక్కువగాను అనంతపురంలో చెల్లించవలసిన 31,708.04 లక్షలు అత్యంత అధికంగాను, మొత్తం 69,722.40 కోట్లు రాష్ట్ర వ్యాప్తంగా ఉన్న బకాయిలు చూస్తుంటే రైతులు ఎంత మోసానికి గురౌతున్నారో అర్థమవుతుంది.
  
 2010, 2011 సంవత్సరాల కరువు సంబంధిత నష్టపరిహారాలను ఇంత వరకు చెల్లించలేదు. కిందటి ఏడాది నీలం తుపాను తాకిడికి సుమారు రూ.1,600 కోట్ల నష్ట జరిగినట్లు సర్కా రు అంచనా వేసినా అందులో రైతులకు చెల్లించవలసిందే ఎక్కువ ఉందన్న సంగతి నిజం. నాలుగేళ్లుగా ఇన్‌పుట్ సబ్సిడీ చెల్లింపుల చరిత్ర ఇంత ఘనంగా ఉన్నా, ముఖ్య మంత్రి తాజాగా నష్టపోయిన ప్రతి రైతుకు ఇన్‌పుట్ సబ్సి డీ అందజేస్తామని చెప్పడం రైతులను పరిహసించడాని కేనా? తీర ప్రాంతాల్లోని తుపాను పీడిత వ్యవసాయ క్షేత్రా లను దర్శించిన మెగా నాయకులు ఇన్‌పుట్స్ సడ్సిడీని హెక్టారుకు పదివేలకు తగ్గకుండా రైతులకు చెల్లించేటట్టు చూస్తామని, రాష్ట్రానికి అత్యధికంగా సాయం అందించేం దుకు కేంద్ర ప్రభుత్వాన్ని తామే స్వయంగా అర్థిస్తామని చెప్పడం ఇంకా వింత. జన్మలో ఇతరులకు సాయం చేసే ఆలోచన లేని ఇటువంటి నాయకులు అన్నదాతలను మభ్యపెడుతున్నారనే చెప్పుకోవాలి. సర్వం కోల్పోయిన రైతు టీవీ చానెళ్లలో వచ్చిన వాగ్దానాలను నమ్ముతాడని అనుకుంటే పొరపాటు. కారణాలు ఏవైనా వ్యాపారులతో పాటు ప్రభుత్వాలు కూడా అన్యాయం చేస్తుంటే బక్క రైతుకు దిక్కెవరు?
  
  వినియోగదారుడికీ బాధ్యత
  ఉరుముల్లేని పిడుగుల్లా తాకుతున్న ధరాఘాతాలతో విని యోగదారులు భయభ్రాంతులవుతున్న సమయంలో దేశంలో వ్యవసాయం ఎలా సాగుతుందో ఆ భగవంతునికి కూడా అంతుబట్టేటట్టు లేదు. ఇక్కడ సామాన్య ప్రజలు, అంటే వినియోగదారులైన మనందరం విజ్ఞత ప్రదర్శిం చాలి. కూరగాయలు, ఉల్లిగడ్డల ధర రూ.50 నుంచి రూ.100 వరకు చెలరేగినా మారు మాట్లాడకుండా కొను గోలు చేస్తున్నాం. ఆ ధరల్లో సింహభాగం న్యాయంగా ఉత్పత్తిదారుడైన రైతుకు చెందాలి. కానీ 10 శాతం కూడా చెందడం లేదు. ఈ పరిణామం గురించి అతి తక్కువ మంది ప్రశ్నిస్తున్నారు, తాము చెల్లించే విలువలో ఏ మాత్రం రైతుకు చెందుతున్నదనే అవగాహన వినియోగ దారునికి లేదు. రాజకీయ నాయకులు తాము వినియోగ దారుల ప్రయోజనాల పరిరక్షణ పేరిట అటు వినియోగదా రుడినీ ఇటు రైతునీ కూడా మోసగిస్తున్నారు. కష్టంగానో నష్టంగానో ధరాఘాతాన్ని భరిస్తున్న వినియోగదారుడు, ఆ విలువలో సింహభాగం రైతుకు చెందేలా ప్రభుత్వం చర్యలకు ఉపక్రమిస్తే సంతోషిస్తాడు. అన్నదాతలు తమ కుటుంబాలతో సహా రక్తమాంసాలను వెచ్చిస్తుంటే, వ్యాపారులు, దళారులు ఫోన్ల ముందు కూర్చుని ఆ ప్రతి ఫలాన్ని వారికి చెందకుండా చేస్తుంటే మన వ్యవస్థ తమాషా చూడటం ఈ నాటిది కాదు.
  
  ఏ హక్కూలేని రైతాంగం
  ఉద్యోగులు సమ్మెకు దిగితే ప్రభుత్వం దిగి వచ్చి, చర్చలు జరుపుతుంది. విద్యార్థులు సమస్యల మీద నడుం బిగిస్తే బుజ్జగిస్తుంది. అదే రైతుల విషయంలో మధ్యవర్తులు, ప్రజా సంఘాలు లేదా సాంఘిక కార్యకర్తలు మాత్రమే మాట్లాడతారు. వారికై వారుగా నేరుగా ప్రభుత్వంతో సంప్రదించే పరిస్థితులే లేవు. మన రాష్ట్రంలోనే కాదు, దేశమంతా కూడా అన్యాయాలను ప్రశ్నించలేని బడుగు రైతులే 90 శాతం పైగా ఉన్నారు. రైతులు తాము పండిం చిన పంటలకు గిట్టుబాటు ధరలు పొందే అవకాశం, హక్కు స్వరాజ్యం వచ్చి 66 ఏళ్లు దాటినా ఇప్పటికీ లేదు. ప్రభుత్వం ప్రకటించిన కనీస మద్దతు ధరలు కూడా దక్కకుండా చేయగల దళారీ వ్యవస్థ ఈ దేశంలో మాత్రమే ఉండటం రైతుకు పెద్ద శాపం.
  
  అక్షరానికి చేరువ కావాలి
  ప్రభుత్వాలు ఎన్ని మారుతున్నా రైతు సమస్యలకు పరి ష్కారాలు కనుగొనలేకపోవడానికి కారణాలు ఈ వ్యవస్థ లోనే ఉన్నాయి. రైతుకు వాటిల్లుతున్న నష్టాల మీద, అన్యా యాల మీద అనేక వర్గాల ప్రజలు, విద్యావంతులకే అవ గాహన కొరవడిన ప్రస్తుత సమయంలో సామాన్య ప్రజా నీకానికి ఈ అంశం మీద సామాజిక స్పృహ కలిగి ఉండ టం అసాధ్యం. అందుకే అన్నదాతలు విద్యావంతులు కావాలి.
  
 తమకు జరుగుతున్న అన్యాయాన్ని సంఘటి తంగా తామే ప్రశ్నించనంత కాలం తమ హక్కులను సాధించుకోవడం అంత సులభం కాదు. సమాజానికి కూడా తామే ఒక ఉత్ప్రేరకం కావాలంటే తమను తాము ఉత్తేజపరచుకోవాలి. అప్పడే సమాజం స్పందిస్తుంది. చర్చ ఉద్భవిస్తుంది. తద్వారా సంస్కరణలూ పరిష్కారా లూ వెలువడతాయి, ఆత్మహత్యలు ఆగిపోగలవు. అన్నిం టికన్నా ముఖ్యంగా వ్యవసాయం రాజశేఖరరెడ్డి కోరుకు న్నట్లుగా ఒక పండుగవుతుంది. అటువంటి పండుగ రోజు లు మన రైతుకు త్వరలోనే రావాలని కోరుకుందాం.
  -డా॥బలిజేపల్లి శరత్‌బాబు,
  ప్రధాన శాస్త్రవేత్త, నేషనల్ బ్యూరో ఆఫ్ ప్లాంట్ జెనెటిక్ రిసోర్సెస్, హైదరాబాద్


  ఏలూరు, న్యూస్‌లైన్ : జిల్లాలో భారీ వర్షాలకు దెబ్బతిన్న పంట నష్టం అంచనాలు పక్కాగా ఉండాలని రాష్ట్ర పర్యాటకశాఖ మంత్రి వట్టి వసంత్‌కుమార్ వ్యవసాయాధికారులకు సూచించారు. జిల్లాలో భారీ వర్షాలు, పంట నష్టం, ధాన్యం కొనుగోలు తదితర అంశాలపై కలెక్టరేట్‌లో శనివారం అధికారులతో ఆయన సమీక్షించారు. మంత్రి మాట్లాడుతూ రైతులకు ఇన్‌పుట్ సబ్సిడీ, బీమా వర్తింపును పారదర్శకంగా అమలు చేయకపోతే ఉన్నతస్థాయి విచారణకు వెనుకాడబోమని హెచ్చరించారు. గతేడాది నీలం తుపాను బాధిత రైతుల్లో 6 వేల మందికి పైగా గుర్తింపు పూర్తికాలేదని వ్యవసాయశాఖ జేడీ వీడీవీ కృపాదాస్ చెప్పగా మంత్రి అసంతృప్తి వ్యక్తం చేశారు. ‘నీలం’ నష్టం అంచనాల్లో అధికారులు తప్పులు చేశారని కలెక్టర్ దృష్టికి తీసుకువచ్చారు. ఈ పరిస్థితి పునరావృతం కాకుండా బ్యాంకర్ల సంప్రదింపుల కమిటీలో చర్యలు తీసుకోవాలని ఎల్‌డీఎం లక్ష్మీనారాయణను కలెక్టర్ ఆదేశించారు. రెవెన్యూ రికార్డులు, అడంగళ్లు పక్కాగా ఉండేలా ఆర్డీవో, తహసిల్దార్ల పర్యవేక్షించేలా చూడాలని జేసీకి మంత్రి సూచించారు.
  
  కౌలు రుణాల మంజూరుపై అసంతృప్తి
  వ్యవసాయ, స్వయం సహాయక సంఘాలకు రుణాలు అందించిన తీరును మంత్రి సమీక్షించారు. కౌలు రైతులు 1.22 లక్షల మందికి రుణార్హత కార్డులు జారీచేయగా 52 వేల 98 మందికి మాత్రమే రూ. 132.45 కోట్లు  రుణాలు మంజూరు చేయడంపై మంత్రి అసంతృప్తి వ్యక్తం చేశారు. బ్యాంకు లింకేజీ కింద 25 వేల స్వయం సహాయక సంఘాలకు రూ. 1,000 కోట్ల రుణాలందించాలని డీఆర్‌డీఏ పీడీ వై.రామకృష్ణకు సూచించారు. 
  
  మంత్రి మండిపాటు
  వర్షాలతో మత్స్యకారులు, చేనేత కార్మికులకు జరిగిన నష్టం, వారిని ఆదుకున్న విషయాలపై సమగ్ర సమాచారం లేకపోవడంతో మత్స్యశాఖ డీడీ వీవీ కృష్ణమూర్తి, చే నేత, జౌళి శాఖ ఏడీలపై మంత్రి వసంత్ మండిపడ్డారు.‘నాలుగు గణాంకాలు చెప్పి వెళ్లిపోదామనుకున్నారా’ అని ఆగ్రహం వ్యక్తం చేశారు. పూర్తిస్థాయి నివేదికను సాయంత్రంలోగా కలెక్టర్‌కు ఇవ్వాలని ఆదేశించారు. వర్షాలు తగ్గుముఖం పట్టినా రాబోయే 48 గంటలు కీలకమని, అధికారులు అప్రమత్తంగా ఉండాలని మంత్రి వసంత్ సూచించారు. 
  
  పారిశుధ్యం, ఆరోగ్యంపై దృష్టి
  వర్షాలతో తాగునీటి వనరులు కలుషితం కాకుండా ప్రత్యేక చర్యలు తీసుకోవడంతో పాటు క్లోరినేషన్ పక్కాగా జరిగేలా ఆర్‌డబ్ల్యూ ఎస్ అధికారులు, గ్రామాల్లో పారిశుధ్యం మెరుగుదలకు పంచాయతీ సిబ్బంది కృషిచేయాలని మంత్రి వసంత్‌కుమార్ అన్నారు. వరద ప్రభావిత ప్రాంతాల్లో వైద్యశిబిరాలు నిర్వహించాలని డీఎంహెచ్‌వో టి.శకుంతలను ఆదేశించారు.
  
  48 శాతం అధిక వర్షపాతం
  భారీ వర్షాల కారణంగా జిల్లాలో ఎక్కడా ప్రాణ, ఆస్తినష్టాలు సంభవించకుండా యంత్రాంగాన్ని అప్రమత్తం చేశామని కలెక్టర్ సిద్ధార్థజైన్ తెలిపారు. జిల్లాలో అక్టోబర్‌లో  48 శాతం అధికంగా వర్షపాతం నమోదైందన్నారు.  
  
  ధాన్యం కొనుగోలుకు చర్యలు
  ఐకేపీ కేంద్రాల ద్వారా జిల్లాలో 2 లక్షల టన్నుల ధాన్యాన్ని కొనుగోలు చేయడానికి చర్యలు తీసుకోవాలని మంత్రి వసంత్ ఆదేశించారు. 100 కొనుగోలు కేంద్రాలు ఏర్పాటు చేయాలన్నారు. 
  ధాన్యం కొనుగోలుకు పౌరసరఫరాలశాఖ ముద్రించిన కరపత్రాలను మంత్రి, కలెక్టర్ ఆవిష్కరించారు. డీఆర్వో కె.ప్రభాకర్‌రావు, సోషల్ వెల్ఫేర్ జేడీ మల్లికార్జునరావు,  హౌ సింగ్ పీడీ జి.సత్యనారాయణ, డీపీవో , జెడ్పీ సీఈవో వి.నాగార్జునసాగర్ పాల్గొన్నారు. 
  
  జిల్లాకు వరద భయం లేదు
  జిల్లాకు వరదభయం లేదని మంత్రి వట్టి వసంతకుమార్ అన్నారు.  ఏలూరు తూర్పులాకుల వద్ద తమ్మిలేరు వరద పరిస్థితిని ఆయన పరి శీలించారు. ఏలూరు నగరంలోకి వరద నీరు రాకుండా పటిష్ట చర్యలు తీసుకున్నామని మంత్రి తెలిపారు. కలెక్టర్ ఆయన వెంట ఉన్నారు.
  


  సాక్షి, నిజామాబాద్: వడగళ్లవాన.. అధిక వర్షాలు.. తరచూ ప్రకృతి వైపరీత్యాలతో పంట నష్టపోతున్న జిల్లా రైతాంగాన్ని ఆదుకునే విషయంలో రాష్ట్ర సర్కారు చొరువ చూప డం లేదు. 2012 ఏప్రిల్‌లో కురిసిన వడగళ్లవానతో పంట నష్టపోయిన రైతాంగానికే ఇంత వరకు నయా పైసా పరిహారం చెల్లించలేదంటే జిల్లా రైతాంగంపై సర్కారుకున్న చిత్తశుద్ధికి అద్దం పడుతోంది. రెండేళ్లలో ఆరుసార్లు ప్రకృతి తన ప్రతాపాన్ని చూపడం తో రైతన్నలు కోలుకోలేని విధంగా నష్టపోయారు. సర్వం కోల్పోయిన రైతాంగానికి చెలించాల్సిన సుమారు *20 కోట్ల పంట నష్ట పరిహారం రెండేళ్లు గడుస్తున్నా విడుదల చేయడం లేదు. అధికారులు పంపిన  పరిహా రం ప్రతిపాదనలు ఏళ్ల తరబడి సర్కారు వద్ద మూలుగుతున్నాయి.
  
  తరచూ బీభత్సం..
   2012లో ఏప్రిల్‌లో కురిసిన వడగళ్ల వాన రబీ పంటలను నిండా ముంచింది. 1,349 హెక్టార్లలో వివిధ పంటలు దెబ్బతిన్నాయి. సర్వే నిర్వహించిన జిల్లా యంత్రాంగం సు మారు 2,600 మంది రైతులు తీవ్రంగా నష్టపోయినట్లు తేల్చింది. రూ.78 లక్షల పరిహా రానికి ప్రభుత్వానికి ప్రతిపాదనలు పంపా రు. ఇప్పటి వరకు పైసా విదల్చలేదు.
  
   గత ఏడాది ఖరీఫ్ పంటలను కూడా అధిక వర్షాలు ముంచెత్తాయి. 2012 సెప్టెంబర్‌లో కురిసిన భారీ వర్షాలు చేతికందే పంటలను తుడిచిపెట్టేశాయి. జిల్లావ్యాప్తంగా 1,268 మంది రైతులు నష్టపోయినట్లు అధికారులు గుర్తించారు. వీరికి చెల్లించాల్సిన పంటనష్ట పరిహారం రూ.30.24 లక్షలు కూడా రెండేళ్లుగా సర్కారు విడుదల చేయడం లేదు. అక్టోబర్‌లో కురిసిన అధిక వర్షాలతో మరో 2,526 హెక్టార్లలో పంటలు దెబ్బతిన్నాయి. రైతులకు చెల్లించాల్సిన మరో రూ.61.33 లక్షలను ఇంకా విడుదల లేదు.
  
   ఈ ఏడాది (2013) జనవరి, ఫిబ్రవరిల్లో కురిసిన వడగళ్ల వాన ప్రారంభదశలోని  రబీ పంటలను దెబ్బతీసింది. జనవరిలో కురిసిన వడగళ్ల వానతో 225 మంది రైతులు నష్టపో గా,ఫిబ్రవరిలో కురిసిన వడగళ్లవానతో 646 మంది రైతుల పంటలు దెబ్బదిన్నట్లు గుర్తిం చారు.వీరికీ పరిహారం  విడుదల కాలేదు.
 
   ఇటీవల జూలైలో పడిన భారీ వర్షానికి 1380 హెక్టార్లలో సోయా, శనగ తదితర పం టలు దెబ్బతిన్నాయి. కోట్ల రూపాయల్లో పం టలకు నష్టం వాటిల్లితే ప్రభుత్వం కేవలం ఇన్‌పుట్ సబ్సిడీ (విత్తన సబ్సిడీ) మాత్రమే విడుదల చేయాలని నిర్ణయించింది. కానీ  నిధులు విడుదల చేయకపోవడంతో రైతులు నష్టాల్లో కూరుకుపోయారు.
  
  రెండేళ్లుగా నిధులు రాలేదు:-నర్సింహ, జేడీఏ
  ప్రభుత్వం నిధులు విడుదల చేయకపోవడం తో పరిహారం పంపిణీలో జాప్యం జరుగుతోంది. 2012 నుంచి నిధులు రాలేదు. ప్రభుత్వానికి ప్రతిపాదనలు పంపాం. ఈ ఏడాది ఖరీఫ్ ప్రారంభంలో కురిసిన వర్షానికి నష్టపోయిన రైతులకు ఇన్‌పుట్ సబ్సిడీ మాత్రమే ఇవ్వాలని ప్రభుత్వం నిర్ణయించింది. కానీ ఇంకా నిధులు విడుదల కాలేదు.
  


 సాక్షి, నల్లగొండ/నల్లగొండ అగ్రికల్చర్, న్యూస్‌లైన్:  ఆగస్టు నెలలో కురిసిన భారీ వర్షాల కారణంగా జిల్లాలో వివిధ రకాల పంటలు పెద్దఎత్తున దెబ్బతిన్న విషయం తెలిసిందే. ఈ దెబ్బ నుంచి రైతులకు కాస్త ఊరటగా అందించే ఇన్‌పుట్ సబ్సిడీకి ప్రభుత్వం పుల్‌స్టాప్ పెట్టనుంది. పరిహారం కింద సబ్సిడీ విత్తనాలను అందించి చేతులు దులపుకోవాలని చూస్తోంది. ఈ మేరకు ప్రభుత్వం నిర్ణయించినట్లు తెలిసింది.
  
  ఇదీ పరిస్థితి..
  నెల రోజులుగా ఇన్‌పుట్ సబ్సిడీ కోసం రాష్ట్ర ప్రభుత్వానికి నివేదికలు రూపొందించే పనిలో వ్యవసాయ, రెవెన్యూ అధికారులు నిమగ్నమయ్యారు. ఇందులో భాగంగా కొన్ని రోజులుగా క్షేత్రస్థాయిలో దెబ్బతిన్న పంటల వివరాలు సేకరిస్తున్నారు. ఈ క్రమంలో పంట నష్టం వివరాల నివేదికకు అంత తొందర అవసరం లేదని చల్లగా రాష్ట్రస్థాయి నుంచి జిల్లా యంత్రాంగానికి కబురు వచ్చినట్లు తెలిసింది. ఇటీవల ఉన్నతాధికారులతో జరిగిన సమావేశంలో జిల్లా అధికారులు పాల్గొన్నారు.
  
  రైతులు బ్యాంకు ఖాతానంబర్లు సకాలంలో ఇవ్వకపోవడంతో పంట నష్టపరిహారం సర్వేలో జాప్యం జరుగుతోందని జిల్లా అధికారులు ఉన్నతాధికారులకు వెల్లడించారు. దీంతో అసలు విషయం బయటపడింది. ఇన్‌పుట్ సబ్సిడీ కింద రైతులకు డబ్బులను ఇచ్చే ఆలోచనేది లేదని, ఇస్తేగిస్తే సబ్సిడీపై విత్తనాలను ఇచ్చే ప్రతిపాదన ఉందని రాష్ట్ర స్థాయి అధికారులు మౌఖికంగా చెప్పినట్లు సమాచారం. దీంతో ఇప్పటివరకు పంటనష్ట పరిహారం అందుతుందున్న కోటి ఆశలతో ఉన్న రైతులపై పిడుగు పడినట్లయింది. అప్పు తెచ్చి వేలాది రూపాయలు పెట్టుబడులుగా పెట్టి రైతులు సాగుకు ఉపక్రమిం చారు. వరదలతో పంటలు నేలమట్టమయ్యాయి. ఇటువంటి దుర్భర పరిస్థితిలో రాష్ట్ర ప్రభుత్వ తీసుకోనున్న నిర్ణయంతో అన్నదాతలు ఆందోళనలో పడ్డారు.
  
  రూ.కోట్లలో నష్టం....
  గత నెల ఎడతెరిపి లేకుండా కురిసిన భారీ వర్షం అన్నదాతలను నిండా ముంచింది. 22 మండలాల్లో వివిధ పంటలు పెద్దఎత్తున దెబ్బతిన్నాయి. కోట్లది రూపాయల్లో నష్టం వాటిల్లింది. 278 గ్రామాల్లో దాదాపు 30 వేల హెక్టార్ల విస్తీర్ణంలో వివిధ పంటలు దెబ్బతిన్నాయని వ్యవసాయ శాఖాధికారులు ప్రాథమిక నివేదిక రూపొందించారు. 24,251 హెక్టార్లలో పంటలు పూర్తిగా దెబ్బతినగా, మరో 5,351 హెక్టార్ల పంటలను వర్షపు నీరు ముంచెత్తిందని అంచనా వేశారు. అత్యధికంగా పెసర పంట వరద నీటికి కొట్టుకుపోయింది. 13,070 హెక్టార్లలో పంట పూర్తిగా చేతికి రాకుండా పోయింది. 10,219 హెక్టార్లలో వరిపైరు, 5,929 హెక్టార్లలో పత్తిపంట దెబ్బతింది. కంది 360 హెక్టార్లు, వేరుశనగ 20 హెక్టార్లు, 4 హెక్టార్ల విస్తీర్ణంలో మొక్కజొన్న పంట దెబ్బతిన్నట్లు అధికారులు ప్రాథమిక నివేదిక రూపొందించి ప్రభుత్వానికి పంపారు. ఈ మొత్తం విలువ కోట్ల రూపాయల్లో ఉంటుందని అంచనా.
  
  ఈ క్రమంలో స్పందించిన ప్రభుత్వం పూర్తిస్థాయిలో దెబ్బతిన్న పంటల వివరాలు సేకరించాలని అధికారుల్ని గతనెలలో ఆదేశించింది. రెవెన్యూ, వ్యవసాయ అధికారులు క్షేత్రస్థాయిలో తిరిగి ప్రతి రైతు నుంచి పంటల వారీగా వివరాలు సేకరించి తద్వారా ఎంత నష్టం వాటిల్లిందో అంచనా వేస్తున్నారు. ఈ వివరాలతో రూపొందించిన నివేదికను గత నెలాఖరులోగా ప్రభుత్వానికి అందించాల్సి ఉంది. కానీ రాష్ట్ర ప్రభుత్వం ఇన్‌పుట్ సబ్సిడీ ఇచ్చే ఆలోచనకు రావడంతో నివేదికపై ఎలాంటి ఒత్తిడీ అధికారులపై తీసుకరాలేదు. దీంతో అధికారులు నామమాత్రంగా నివేదికను రూపొందిస్తున్నట్లు తెలిసింది.
  


  సాక్షి, నల్లగొండ: దేవుడు వరమిచ్చినా పూజారి కరుణించలేదన్నట్లుగా ఉంది అధికారుల పరిస్థితి. ప్రభుత్వం ఇన్‌పుట్ సబ్సిడీ విడుదల చేసినా అధికారుల తప్పిదాల వల్ల రైతుల ఖాతాల్లో జమ కావడం లేదు. ఫలితంగా రెండేళ్లుగా రైతులు తీవ్ర ఇబ్బందులు పడుతున్నారు.  అకౌంట్ నంబర్లలో తప్పులు, బ్యాంకు బ్రాంచ్‌ల పేర్లలో పొరపాట్లు దొర్లడం తదితర కారణాల వల్ల ఇప్పటికీ వేల సంఖ్యలో రైతులు ఇన్‌పుట్ సబ్సిడీకి నోచుకోలేదు. వీటిని సరిచేయాల్సిన అధికారులు మొద్దునిద్ర వీడడం లేదనే ఆరోపణలున్నాయి. ఈ బాధ్యత తమది కాదంటే కాదు అని చేతులెత్తేస్తున్నారు.
  
  ఇదీ పరిస్థితి....
  2011 ఖరీఫ్‌లో జిల్లావ్యాప్తంగా వర్షాభావ పరిస్థితులు, విద్యుత్ కోతల కారణంగా పెద్దఎత్తున పంట నష్టం వాటిల్లింది. జిల్లావ్యాప్తంగా 3.82 వేల మంది రైతులకు సంబంధించి 2.40 లక్షల హెక్టార్లలో వరి, పత్తి తదితర పంటల నష్టం జరిగిందని అధికారులు గుర్తించారు. ఈ క్రమంలోనే నల్లగొండను కరువు జిల్లాగా ప్రకటిం చారు.  రైతులకు పెట్టుబడి రాయితీ కింద రూ.129.75 కోట్లు విడుదల చేసింది. ఇందులో ఇప్పటివరకు రూ.118 కోట్లు మాత్రమే రైతులకు అందాయి. మిగిలిన దాదాపు రూ.12 కోట్లు మరికొందరు రైతులకు అందాల్సి ఉంది. వీటికోసం నెలలుగా తిరుగుతున్నా వారి ఖాతాల్లో జమ కావడం లేదు. గతేడాది ఖరీఫ్‌లో మళ్లీ సంభవించిన కరువు కారణంగా పంటలు ఎండిపోయాయి. ముఖ్యంగా కొన్ని మండలాల్లో దీని ప్రభావం తీవ్రంగా కనిపించింది. 11 మండలాలను కరువు ప్రాంతాలుగా ప్రభుత్వం ప్రకటించింది. 52,689 హెక్టార్లలో వివిధ పంటలు చేతికి రాకుండాపోయాయి. దాదాపు రూ.89 కోట్ల ఇన్‌పుట్ సబ్సిడీకిగాను ఇప్పటివరకు రూ.55 కోట్లను మాత్రమే రైతుల ఖాతాల్లో జమ చేశారు.
  
  పట్టించుకోని అధికారులు..
  ఇన్‌పుట్ సబ్సిడీని నేరుగా రైతుల బ్యాంకు ఖాతాల్లోనే జమచేయాలని ప్రభుత్వం ఆదేశించిన విషయం తెలిసిందే. పంటనష్టం జరిగిన రైతుల ఖాతానంబర్లను వ్యవసాయ శాఖ అధికారులు సేకరించారు. అయితే చాలామంది రైతులకు సంబంధించి బ్యాం కు ఖాతా నంబర్లు తప్పుగా నమోదు చేసుకున్నారు. అంతేగాక బ్యాంకు బ్రాంచ్ పేర్లుగా సరిగా పేర్కొనలేదు. ఒక బ్రాంచ్‌కు బదు లు ఇంకో బ్రాంచ్ పేరు రికార్డుల్లో నమోదైంది. దీనికితోడు పదేళ్ల క్రితం కొందరు రైతులకు బ్యాంకులో ఖాతాలున్నాయి. ఈ ఖాతాలకు సంబంధించిన నంబర్లు ఇప్పటికీ ఆన్‌లైన్ కాలేదని సమాచారం. ఇది కూడా ఇన్‌పుట్ సబ్సిడీ అందకపోవడానికి ఒక కారణమని తెలిసింది. ఇలాంటి తప్పిదాల వల్ల రైతులకు ఇన్‌పుట్ సబ్సిడీ అందకుండా పోతోంది. వీటిని సరిచేయాలని రైతులు బ్యాంకర్లు, అధికారుల చుట్టూ తిరుగుతు న్నా పట్టించుకోవడం లేదనే ఆరోపణలున్నాయి.ఒకరి పేరు చెప్పి మరొకరు తప్పించుకుంటున్నారని  రైతులు ఆవేదన వ్యక్తం చేస్తున్నారు. ఇప్పటికైనా అధికారులు దృష్టి సారించి తమకు పెట్టుబడి రాయితీ అం దేలా చర్యలు తీసుకోవాలని కోరుతున్నారు.
  
  ఏడాది నుంచి బ్యాంకు చుట్టూ తిరుగుతున్నా..
  నాకు మంజూరైన ఇన్‌పుట్ సబ్సిడీ తీసుకునేందుకు ఏడాది నుంచి బ్యాంకు చుట్టూ తిరుగుతున్నా. అయినా బ్యాంకోళ్లు నా ఖాతాలో డబ్బు జమ కాలేదని చెబుతున్నారు. గతేడాది వేసిన పంటా నష్టపోయా. నాకు ఆ పోయినేడు రూ.8 వేలు, గతేడు రూ.10 వేలు మంజూరైనట్లు అధికారులు చెబుతున్నారు. కానీ బ్యాంకులో జమ కావడం లేదు. బ్యాంకు వారు మాత్రం ఎందుకు రావడం లేదో చెప్పడం లేదు. దీంతో రెండేళ్లు కలపి రూ.18 వేలు అందకుండా పోతున్నాయి. అవి వస్తే పంట సాగుకు చేసిన అప్పు తీర్చుకుంటా.  
  - వనం శ్రీశైలం, చొల్లేడు, మునుగోడు
  
  అకౌంట్ నంబర్ తప్పుగా నమోదు చేసుకున్నారు..
  వర్షాలు కురవక 3 ఎకరాల 10 గుంటల భూమిలో పత్తి పంట దిగుబడి రాలేదు. వేల రూపాయల పెట్టుబడి పెట్టి పంట సాగుచేసిన. అయితే నష్టపోయిన నాకు ప్రభుత్వం నుంచి పరిహారం అందించేందుకు వీఆర్‌ఓ భూమి వివరాలు, బ్యాంకు ఆకౌంట్ నంబర్ రాసుకోని పోయాడు. నాకు రూ. 10 వేల పరిహారం మంజూరు అయినట్లు గ్రామ పంచాయతీ కార్యాలయంలోని నోటీస్ బోర్డులో పెట్టారు. కానీ నేటికి ఆ డబ్బులు నా బ్యాంకు ఖాతాలో జమకాలేదు. అదేంటని స్థానిక వ్యవసాయశాఖ కార్యాలయానికి వెళ్లి అడిగితే అకౌంట్ నంబర్ తప్పుగా ఉందని చెప్పుతున్నారు. అధికారులు చేసిన తప్పుకు నాకు డబ్బులు రాకుండా పోయాయి. ఇప్పటికైనా తిరిగి నా అకౌంట్ నంబర్ సరిగా రాసుకొని  డబ్బులు ఇస్తే బాగుండు.
  - కట్టెకుంట్ల సైదులు, గుండ్లోరిగూడెం, మునుగోడు