ఒక్క కారు.. 66 చలాన్లు

బంజారాహిల్స్‌: జూబ్లీహిల్స్‌ ట్రాఫిక్‌ పోలీసులు మంగళవారం జూబ్లీహిల్స్‌ క్లబ్‌ సమీపంలో వాహనాల తనిఖీలు చేపట్టారు. నల్లకుంట పద్మాకాలనీకి చెందిన కంద్రకొండ కోటేశ్వరరావుకు చెందిన కారు(ఏపీ09సీబీ3132)ను ఆపి తనిఖీలు చేయగా ఈ కారుపై 66 చలాన్లు పెండింగ్‌లో ఉన్నట్లు తేలింది. గత నాలుగేళ్లుగా పెండింగ్‌ చలానాలు చెల్లించకపోవడంతో బకాయిలు రూ.75,710 పేరుకుపోయాయి. దీంతో కారును సీజ్‌ చేశారు. నాగేశ్వరరావుకు చెందిన ఈ కారును మరో వ్యక్తి నడుపుతూ పట్టుబడ్డట్లు పోలీసులు తెలిపారు.