ఆర్చరీలో సత్తా చాటిన కీర్తన

ఎ.కొండూరు: మండల పరిధి మత్రియా తండా గ్రామానికి చెందిన దారావతు శ్రీరాములు (38) అనుమానాస్పదస్థితిలో మృతిచెందాడు. గురువారం రాత్రి కుటుంబ సభ్యులతో కలిసి భోజనం చేసి ఇంట్లో నిద్రించాడు. శుక్రవారం ఉదయం భార్య లేచి భర్తను లేపేందుకు వెళ్లగా అతనిలో చలనం లేదు. కుటుంబ సభ్యులు వచ్చి చూడగా అప్పటికే అతను మృతిచెందాడు. ఉదయం 11 గంటల సమయంలో అంత్యక్రియల కోసం మృతదేహానికి స్నానం చేయిస్తుండగా వంటిపై గాయాలు కనిపించాయి. దీనితో మృతుడి సోదరి బూక్యా చిట్టెమ్మ పోలీసులకు ఫిర్యాదు చేసింది. ఎస్‌ఐ గంధం మహాలక్ష్మణుడు ఘటనా స్థలానికి చేరుకుని మృతదేహాన్ని పోస్టుమార్టం నిమిత్తం తిరువూరు ఏరియా ఆస్పత్రికి తరలించారు. మృతుడికి ముగ్గురు పిల్లలు ఉన్నారు. అనుమానాస్పద మృతిగా కేసు నమోదుచేసి దర్యాప్తు చేపట్టారు.