వైభవంగా అరవపల్లి బాలకోటయ్య తిరునాళ్ల

వైభవంగా అరవపల్లి బాలకోటయ్య తిరునాళ్ల ● ఆలయ ఆవరణంలో పార్వతీ, పరమేశ్వరులకు విశేష అలంకరణ చేసి విగ్రహాలను నెలకొల్పారు. స్వామివారి లింగాన్ని నెలకొల్పి అభిషేకాలు నిర్వహించారు. ● భక్తులు స్వామివారిని దర్శించుకునేందుకు ఆలయం వద్ద బారులు తీరారు. మహిళా భక్తులు ఆలయ ఆవరణంలో పొంగళ్ళు పెట్టి స్వామికి నివేదించారు. ఆలయ ధ్వజస్తంభం వద్ద స్వామివారికి కొబ్బరికాయలు కొట్టి, వెన్నపూసను సమర్పించి మొక్కుబడులు తీర్చుకున్నారు. గొల్లబామ పేరంటాళ్ళకు ప్రత్యేక పూజలు చేశారు. ● రాష్ట్ర రెవెన్యూ శాఖ మంత్రి అనగాని సత్యప్రసాద్‌ స్వామివారికి పట్టువస్త్రా సమర్పి్‌ంచి పూజలు చేశారు. – జిల్లా ఎస్పీ ఉమామహేశ్వర్‌ స్వామివారికి పట్టువస్త్రాలు అందజేశారు. ● మాజీ మంత్రి మోపిదేవి వెంకట రమణారావు కుటుంబ సమేతంగా విచ్చేసి పూజా కార్యక్రమాలు చేశారు. – తిరునాళ్ళ సందర్భంగా ఆలయ ప్రాంగణంలో ఏర్పాటు చేసిన రంగుల రాట్నం, బొమ్మల దుకాణాలు, తినుబండారాల దుకాణాలు జనంతో కిటకిటలాడాయి. పట్టణ సీఐ సాంబశివరావు ఆధ్వర్యంలో ప్రత్యేక బందోబస్తు నిర్వహించారు.