పంట రుణం ఇక ఈజీ

● అన్నదాతలకు అండగా కృషిక యాప్‌ ● బ్యాంకులకు వెళ్లకుండా పొందే అవకాశం ● అన్నదాతలు ముందుగా తమ మొబైల్‌ ఫోన్‌లో ప్లే స్టోర్‌ నుంచి కృషిక యాప్‌ డౌన్‌లోడ్‌ చేసుకోవాలి. తమ మొబైల్‌ నంబర్‌తో లాగిన్‌ అవ్వాలి. ● ఆధార్‌ నంబర్‌, రైతు పూర్తి పేరు, ఆధార్‌తో అనుసంధానమైన ఫోన్‌ నంబర్‌ నమోదు చేయాలి. దీంతో పాన్‌ కార్డు, పట్టాపాస్‌బుక్‌ వివరాలు కనిపిస్తాయి. ● బ్యాంకు వివరాలను నమోదు చేసి రుణం కోసం దరఖాస్తు చేసుకోవాలి. ఈ సమాచారం సంబంధిత బ్యాంకు బ్రాంచికి చేరుతుంది. బ్యాంకు అధికారులు వివరాలను పరిశీలించి రైతుకు రుణం మంజూరు చేస్తారు. ● రైతులు పంట రుణాల కోసం బ్యాంకులకు వెళ్లాల్సిన అవసరం ఉండదు. ● తమ దరఖాస్తు ఏ దశలో ఉందో కృషిక యాప్‌ ద్వారా నేరుగా తెలుసుకోవచ్చు. ● పంటల సాగు ప్రారంభ సమయంలోనే రుణం లభించడం వల్ల విత్తనాలు, ఎరువుల కొనుగోలుకు ఎలాంటి ఇబ్బంది ఉండదు. ● ఈ యాప్‌ ద్వారా మధ్యవర్తులు లేకపోవడంతో అవినీతికి అవకాశం ఉండదు. ● రైతులు సకాలంలో రుణాలు తీసుకుని సకాలంలో చెల్లించడం వల్ల వారి సిబిల్‌ స్కోర్‌ మెరుగుపడుతుంది. ● భవిష్యత్తులో పంట రుణాలు, ట్రాక్టర్లు, డ్రోన్లు వంటి వ్యవసాయ పరికరాల కొనుగోలుకు కూడా ఈ యాప్‌ ద్వారా రుణాలు పొందే అవకాశం ఉంటుంది.