ఎల్‌నినో ప్రభావం.. పిడుగులకు ఆస్కారం!

Jun 12 2026 5:39 AM | Updated on Jun 12 2026 5:39 AM

● రైతులు, కూలీలు, కార్మికులకు జాగ్రత్తలు తప్పనిసరి ● పిప్పిరి ఘటనకు ఏడాది ● పిడుగు పడే అవకాశమున్న సమయాల్లో బయట తిరగొద్దు. ● ఉరుములు, మెరుపులు వస్తున్నప్పుడు బహిరంగ ప్రదేశాల్లో ఉండకూడదు. లోహపు వస్తువులను చేతిలో ఉంచుకోవద్దు. చెట్ల కింద, విద్యుత్‌ స్తంభాల వద్ద ఉండొద్దు. పిడుగులు చెట్లపై, విద్యుత్‌ స్తంభాల వద్ద పడే అవకాశం ఎక్కువగా ఉంటుంది. ● ఉరుములు, మెరుపులు వస్తున్నప్పుడు నదులు, వాగులు, చెరువుల్లో స్నానం చేయడం మంచిది కాదు. భూమి మీద అరికాళ్లు పూర్తిగా పెట్టకుండా వేళ్ల మీద కూర్చోవాలి. మోకాళ్లపై చేతులు, తలపెట్టి దగ్గరగా ముడుచుకుని కూర్చోవడం ద్వారా పిడుగు పడినప్పుడు వెలువడే విద్యుత్‌ ప్రభావం తక్కువగా ఉంటుంది. ● ల్యాండ్‌ ఫోన్‌ మాట్లాడకూడదు. ఇంట్లో ఉన్న సమయాల్లోనే సెల్‌ఫోన్‌ వినియోగించవచ్చు. స్విచ్‌ బోర్డ్‌ నుంచి అన్ని కనెక్షన్లు తీసివేయాలి. షవర్‌ కింద స్నానం, చేతులు, గిన్నెలు కడగడం లాంటివి చేయకూడదు. ఇంటి తలుపులు, కిటికీల వద్ద నిలబడవద్దు. వాటిని మూసి ఉంచాలి.

సాక్షి, ఆదిలాబాద్‌: జిల్లాలో తొలకరి వర్షాలు కురవడంతో రైతులు దుక్కిలో విత్తనాలు వేసే పనుల్లో ఉన్నారు. వానాకాలం మొదలైన నుంచి ఇప్పటివరకు భారీ వర్షాలు కురవలేదు. వాతావరణంలో తే మ తగ్గలేదు. ఉష్ణోగ్రతలు వేసవి స్థాయిలోనే ఉన్నా యి. ఈసారి ఎల్‌నినో ప్రభావంతో వర్షాభావ పరిస్థితులుంటాయని వాతావరణ శాస్త్రవేత్తలు చెబుతున్నారు. ఇలాంటి పరిస్థితుల్లో పిడుగు పడే అవకాశాలు ఎక్కువగా ఉన్నాయని పేర్కొంటున్నారు.

జాగ్రత్తలు తప్పనిసరి

కారుమబ్బులు కమ్ముకుని భారీ శబ్దాలతో కూడిన ఉరుములు.. కళ్లు మిరుమిట్లు గొలిపే మెరుపులు వస్తున్నాయంటే పిడుగులు పడతాయని గుర్తించి జాగ్రత్తగా వ్యవహరించాలి.

ఈ హృదయ విదారక ఘటన గతేడాది జూన్‌ 12న చోటుచేసుకుంది. గాదిగూడ మండలం పిప్పిరి గ్రామంలో దుక్కిలో విత్తనాలు వేస్తుండగా పిడుగు పడడంతో నలుగురు అక్కడికక్కడే మృతిచెందారు. మరో పది మంది ప్రాణాపాయం నుంచి బయటపడ్డారు. మృత్యువాత పడ్డ నలుగురిలో ఇద్దరు తండ్రి కూతురు కాగా, మిగతా ఇద్దరు వారి సంబంధీకులే. అదేరోజు బేల మండలం సాంగిడి, సోన్‌కాస్‌ గ్రామాల్లో పిడుగుపాటుకు గురై మరో ఇద్దరు మహిళలు మృతిచెందారు. ఆ సమయంలోనే ఉట్నూర్‌ మండలం కుమ్మరితండాలో పిడుగు పడడంతో ముగ్గురు గాయపడ్డారు.